رواية اسرني كيدها الفصل الرابع والعشرون 24 - بقلم الكاتبة ايات الـ سند

بقلم : ايات السند
السلام عليكم

لا تنسون التصويت والتفاعل استمتعو ♥️

خيرُ الله قادم فلا يحزنكَ مرُ الحياة..

___________________
جمان

دخلت للبيت سمعت بابا يكول لاحمد : ليش ما جبتها وياك ليش خليتها

كلت بكلبي ع اساس انتَ مهتم دخلت ماما كالت : هياتها جتي

أحمد : هيانها انا فتت وهيا وراية اتركوني خلي اروح ارتاح، راح لغرفته انا فتت لغرفتي غسلت وبدلت وتمددت تعبانة فاتو البنات يلمون بجنطهم

جمان : شنو حتروحون باجر

زينب : اي عندي دوام

جمان : سولفيلي شسويتو هناك بالعرس

زينب : دخلنا احنا ويا زهراء بالعرس حتى متضل وحدها سوو عرس بديوان اضن أصدقائه دخلو يركصوله واهله والامة كلها مكلوبة شوي للمغرب صعدوهم ع الغرفة وانا صعدت ويا زهراء عدلتها وحجيت وياها ونزلت وعاد اخو زوجها رجعنا وشايل منسفين من العشة النا وصلنا وراح فتنا تعشينا وكملنا واجيتي انتو كولي وين رحتو

جمان : وداني ع ***** وتعشينا واخته ويانا واحمد هم وبعدين اسر وصلني وراح

جوان ضحكتلي وغمزت : اي صايرين طلعات وكذا

جمان : يمعودة اصلا مدري بي يريد ياخذني و رخرو خلي انام

زينب : انتتتتييي جمانننة نفسسجج تنامين من ال ١١ ونص

جمان : هههه لا يولي ما راح انام بس اتمدد تعبانة شلون يعني
ضحكو و كعدو شوي يمي وطلعو من الغرفة سمعت صوت لمة بالصالة كمت لكيتهم جاي ياكلو

جمان : شنو جاي تاكلون ولكم

جمان :العشة مال عرس بقى وجوعانين

جمان : عزاا دليمية وما تصيحولي كعدت اكل وياهم
كملنا وكمنا لمينا الجهال كامو يطلعو فواكه وياكلون ضحكت كتلهم :انتو حالفين ما تروحون واكو اكل بالبيت خلصو كلشي يبعدي وخرو اروح انام تعبت من الاكل

فتت للغرفة طلعت فستان وشال وعلكتها مبية اكعد انسق ودخلت ع فراشي ونمت

كعدتني ماما الصبح كمت صحصحت وبدلت لفيت الشال وجهي حيل تعبان من البارحة حطيت مسكارة ومديت ايد ع الحمرة ماما كالت اسر ع الباب

اخذتها بايدي واخذت جنطتي وطلعت ركبت كلت : صباح الخير

أسر : صباحج جماني

درت وجهي منه ع المراية فتحت الحمرة اريد احط اخمطت من ايدي دحكت اسر فتح الجامة وذبها

جمان : هاي ليش ذبيتها وعود الاا هايةة احبهاا

اسر : هاي شنو وتحبيها ختولي

جمان : هسه احبها ما احبها فهمني ليش ذبيتها

اسر : يابة شعندج تتحمرين من الصبح

جمان : لنفسي شلون بلا هم هاي استئذن

اسر : ختولي عمي انا اشتريلج الاحلا منها بس بالكلية لا تحطين

جمان : ليش كل البنات يحطون بقت علية

اسر : البنات غير وانتي غير

جمان : لا غير ولا شي وهسه اريد حمرتي

اسر : عود من نرجع

جمان زعلت ودرت وجهي

اسر : من كل عقلج يعني زعلتي عمود حمرة

جمان : لا مو علمود الحمرة بس ليش تأخذها من ايدي وتذبها وتكول بعد لا تحطين

اسر : دسكتي هوا انتي بدون حمرا مدري شنو محمرة

وصلني جاي انزل وجر جنطتي حط بيها ٢٥

جمان : ترا فلوس مال اوت البارحة الي انطتيها إلي بعدها ما اصرف هواي انا

اسر : اي ميخالف يلا لج اريد اروح للدوام

نزلت وبديت دوامي عادي بنهاية الدوام خلصنا من وكت خابرت اسر جنت بالمكتبة جاي استنسخ محاضرات وانا وطيبة خلصنا طلعنا جاي نتمشى باتجاه الباب لان خلص دوامنا شفت اسر جاي يمشي باتجاهي اتفاجئت شدخله لي جوا

وصل يمي لزمني من ايدي كال : شلون دوام اليوم

جمان : زين بس انتَ شلون دخلت جوا

اسر : الي ع الباب واحد اعرفه وكتله اريد ادخل ع مرتي جوا كال ممنوع بس اذا تريد انتضر هنا قريب يم الباب لا تدخل جوا وانتضرج

طيبة طلعت لخطها جاي نمشى باتجاه الباب اسر شاف واحد وصاح عليه : هل لك احسان

ولد ٢ جانو يمشون اندارو شفت كريم وهذا الي صاحله اسر اجا يمنا كال : ها منو اخوية منور الكلية

اسر : ههههه شلون امتحانك اليوم

احسان : زين دحك علية وكال ها شلونج مرت اخوية

جمان عرفته اخو اسر : الحمدلله

احسان : اي يابة والله زين وخليتي اسر يجي للكلية زمن والله

أسر : أنجب مو صوجك صوج الي يصيحلك يلا ولي يم صديقك
احسان راح لكريم واحنا تعدينا من يمهم اسر كال : كريم شلونك

كريم بنبرة تفاجأ من شافني يم اسر : الحمدلله وانتَ

اسر : ع الله يلا احنا نمشي

طلعنا من الكلية كتله : زين الامن عرفنا تعرفهم حتى صديق اخوك تعرفه

اسر : ي شلون عجل غير كل طلعاته هوا واحسان سوا صعدنا بالسيارة ومشا شفت ايات ورا كتلها : ليش منزلتي

ايات : اسر مقبل

جمان بكلبي شكد حقنة (نفسية) :يلا ولا يهمج الأسبوع الجاي انا اخذج

بعدين تذكرت من سلم ع اخوه مجنت اعرف هذا اخو اسر شايفته وياية بالكلية واتفاجئت اسر يعرف كريم بعدين كلت شعلية

طول الطريق ساكتين رحت بطريق بغير طريق البيت كلت جوز اقرب منا او شي
وكف كدام كوزمتك و طلع فلوس ونطاها لايات وكللها وهوا حاصرته الضحكة : نزلي انتي ومرت اخوج اشتريلها حمرا (يول حمرة شنو حمرا) خطية الصبح كامت تبجي انكسرت منها

جمان : ها يعني انا كسرتها محد اخذها مني

اسر : شوفي حتى كامت تفتري علية من هسه

جمان مكدرت الزم نفسي بعد ضحكت ع نبرته من يحجي

اسر : يلا فضونة

جمان : صدك تحجي ما اريد امشي

اسر : لا كتلج اليوم الحمرا تجيج يابة غير تطنكرين علينا مثل الصبح

آيات : يلا امشي جماننن
نزلت وياها شالت علبة كاملة مال حمرة

جمان : يمعودة هاي شنو شدعوة عرفنا كريمين بس مو هيج

ايات : هههههه مو صوجج يلا اشتري
رحت اشوف الالوان ايات جابت علبة تصير بيها ٦ حمر والاوان خفيفة تجنن كتلها يلا هاية طلعنا وركبنا

اسر : ها عمي رضيتو؟

جمان : اي اصلا يوميا ح اجيب شي حتى تكسره

اسر ضحك : دللي يابة اندار لايات وانتي شو ما ماخذة شي اعرفج تحبين هاي الخرابيط مثل اليمي

ايات : لا عندي ما اريد وبعدين انتَ حتى بالطلعة ما خليني احط

اسر : حبيبي غير اخاف عليج يحسدون هل جمال،
هية كبل تقشمرت وضحكت احلا شي باسر يموت على اخته وانا احبهم سوا

وصلني نزلت ومشى
فتت للبيت لكيت زهراء الصباحية جاية تسلم وتريد تطلع حضنتها وكتلها : ضوجة بدونج ادبسززز
بوسني وطلعت
وشوي وخواتي راحو هم وماما ضايجة تكول البيت فرغ علينا

دخلت لغرفتي صدك ضوجة وانوب حتى زهراء تزوجت بقيت بس وحدي بالغرفة بدلت ونمت للمغرب

بعد مرور ٦ ايام

مر اسبوع عادي بدون احداث بس بين الكلية والضوجة الي بالبيت وباجر السبعة مالت زهراء عزمونا عيالها ع الغدة

ماما كالت : احنا لازم نروح الصبح زين وجمان عدها دوام شلون؟

جمان : عادي مو الا اروح

ام جمان : لا شلون نروح ناس وناس

جمان : لعد انتو روحو الصبح واخلي من ارجع احمد يجيني

ام جمان : اي خوش

نمت وكعدت ثاني يوم رحت داومت عادي ومن رجعت اسر وصلني للبيت كتله : خاف تكول ما كتيلي ترا حروح معزومين يم عيال زهراء اهلي هناك
ردت انزل

أسر : وكفي منو حيوديج

جمان : هسه اذا أحمد جاي كبل ابدل ونطلع واذا بعد بالدوام اكمل وانتضره

اسر : لا هسه بعده كملي شنو عندج وانا اوديج

جمان : عليش

اسر : معليج يلا فضي انا حنتضرج
نزلت ذبيت محاضراتي رحت بس بدلت قميصي معاجبني هذاك مال دوام غيرت الشال اخذت موبايلي وطلعت قفلت الباب اصلا ماكو احد بالبيت بابا والولد بالدوام والبنات بالعزيمة صعدت السيارة

أسر : ابداََ ما تأخرتي

جمان : احد كلك انتضرني
خابرت زهراء حتى نعرف وين هما بالضبط كالت هاج رجلي انطيت الموبايل لاسر يفتهم منه حجى وياه اسر كال : اي ماشي عرفت تسلم

وصلني وكال هذا البيت حسب الوصف نزلت وطلع علي رجل زهراء من الباب كال : الله حيوو

اسر : الله يحيك
قرب وسلم عليه

علي : تعال تفضل

اسر : لا والله تسلم

علي : لا بس تعال فوت تغدة ما يصير تطلع هسه

اسر : مشكور على غير مرة

علي : على راحتك تعالي جمانة شلونج شو بعدج واكفة فوتي

اسر رفع حاجبه ويدحك على علي كالتي بكلبي يبو كلي : ديري بالجج على نفسج جمان يلا مع السلامة

علي : الله وياك
دخلت جوا كال تعالي منا فتت لكيتهم كاعدين سلمت وكعدت : ها ولكم شصار بغيابي

رغد : كلشي صار ولج فردشنا (نثرنا) غرفة زهراء وما اسولفج شنو خمطت

جمان : عزااا ليش ما انتضرتوني

هاجر : والله هذا الي عنده دوام يتحمل
شوي وصبو غدة دولمة وبرياني ودجاج وثريد وانا خرت منين ابدي خلصنا كمت غسلت ورجعت

جمان : كومي ولج زهيران خل اشوف غرفتج

زهراء : كومو خل نصعد
ماما ضلت ويا النسوان واحنا صعدنا دخلنا الغرفة مالتها تجنن كعدنا نسولف واخذنا صورة جماعية وشوي بنية اجت صاحت امكم تصيح الكم نزلنا جوا كالت يلا اجا احمد سلمنا عليهم وطلعنا للسيارة ورجعنا للبيت دخلت سبحت وطلعت ارتاح بالغرفة وصار الليل خلص اليوم بنجاح......

يتبع......