رواية اسرني كيدها الفصل الخامس والعشرون 25 - بقلم الكاتبة ايات الـ سند

بقلم : ايات السند
السلام عليكم

لا تنسون التصويت والتعليقات استمتعو ♥️

تمسك بيها جيدا لكي تمحي مخاوفها 🥺.

__________________
جمان
١
وطلعت ارتاح بالغرفة وصار الليل خلص اليوم بنجاح

خابرتني طيبة : تعاي ولج احجيلي شصار اليوم

جمان : مصار شي طيبة تعبانة

طيبة : انجبي احجي وروحي هذا الي جا اليوم ع الكلية اسر مو

جمان : اي

طيبة : تدرين بالحقيقة يخبلل احلا من الصورة الي شوفتيني اياه المهم شلون دخل للكلية

جمان : واحد من الامن عرف وكله ادخل هنا يمنا قريب انتضرها وعاد احنا طلعنا

طيبة : من ركبت ويا السايق شفتكم واكفين ويا ولدين

جمان : اييي ولج مو اخوه ويانا بالكلية مرحلة رابعة ف وكف يحجي ويا اسر وجا اشوف واحد يمشي وياه حزري منو

طيبة : منوو احجي

جمان : كريم طلع صديق اخو وحيللل هم اصلا منين تعرفو واخو مراحلة رابعة وكريم ثانية

طيبة :شبيج مو كريم تارك سنتين مرحلك أولى والسنة داوم ويجوز جانو سوا بالمدرسة

جمان : اي جوز لان حتى ماجرين خط سوية اسر كال

طيبة : وبعد

جمان : وهاهية وصلني ع عيال زهراء وتغدينا ورجعنا

طيبة : اممم يلا ولي نامي أخذت المقسوم

جمان : باي
نمت ثاني يوم كعدت ورحت للكلية و طيبة لزكت الا اشوفها إحسان اخو اسر بس ما لمحته اليوم كملنا الدوام ورحنا للمكتبة عدنا محاضرة نستسخها لكيت كريم هناك دحكلي نضرة تحير مبين حيل مقهور كلت بكلبي عليش ينقهر انا من البداية ما وعدته بشي ولا املته واكيد راح ينساني ويحب لاحسني مني الي تحبه وتستاهله دعيت ربي ما اكون وجع لاحد بعمري

طلعنا برا الكلية طيبة راحت للخط وانا لكيت سيارة اسر واكفة وجان يضحك ويا ايات ومندار عليها على ضحكتهم ابتسمت وانا امشي صار عندي فضول عن شنو يحجون صعدت : السلام عليكم اندارت على ايات هية بس الظهر ترجع ويانا الصبح دوامها من وكت ف ما اشوفها كتلها شلونج

ايات : هلاوو جمان زينة وانتي

اسر : وعليكم السلام عمي شنو احنا ماكو النا شلونك

جمان : لا ماكو انتَ الصبح شفتك

اسر : يعني الصبح شفتيني ماكو الي شلونك الله النا

جمان : ايي شلون دروسج والامتحانات الشهرية صعبة؟

ايات : كلها زين بس الرياضيات مو زينة اكرهه

جمان : صدك تحجين اكو واحد يكره الرياضيات اموت عليه انا

اسر اندار علية باستغراب : يول اكو واحد يحب الرياضيات

جمان : شبيه غير يجنن المهم ايات من عندج امتحان او شي صعب تعالي علية ادرسج

ايات : اي خوش

جمان :اكلج ترا باجر ما عندي بس محاضرتين ما تطول وكلت للعميد اريد اجيب وياية احد ما مانع تجين باجر؟

ايات : اي اي

اسر : لا وين اي اي ومدرستج

ايات : اسر اصلا ماكو هم انا معندي دروس وانتَ تخابر المديرة وتاخذلي اجازة امانة امانة

اسر : لا وبالمحاضرات وين تضلين

ايات : اروح يم احسان

جمان : عليش اخليج يم صديقاتي الي ما عدهم محاضرة اصلا مراح اطول دفكها يا اسر

اسر سكت ثواني وحجا : يلا هاهية بس، ممنوع تتركين جمان ومن تطب المحاضرة تنتضرين يم بنات وما تكومين

ايات : ايي لا يضل بالك

اسر : نشوف

وصلني للبيت دخلت لكيت بابا وقاسم مدري على شنو متصايحين مهتميت بيهم روتين وانا دايخة دخلت نمت ما اكدر من الهوسة حطيت المخدة على اذاني ما جاي يختفيي الصوت ما جاي يختفييي شنو هل معاناة ضليت صافنة انتضرت هدت الأصوات و نمت ماما كعدتني على العشة ما ردت شوي وكمت غسلت مواعين العشة صارت علية اهئ وينج زهراء

كملت ودخلت كلبت بالموبايل بعدين اشتهيت فجاة بقلاوة خابرت على هاجر مبية اكوم ردت : ها خير

جمان : هججوريييي شسمهه

هاجر : طكيها من الاخير بلا لواكتج

جمان : مشتهية بقلاوة

هاجر : متدزين أحمد يجيبلج شعلية

جمان : ههههههه لا مو اريد احنا نسويها اطيب والله وعدنا ورق بقلاوة بشرفج كومي طلعيلي

هاجر : ههههههه يالله شعندي جيت

كمت للمطبخ طلعت هاجر وطلع سيف ابنها وياها عمره ٣ سنوات اموت عليه كمت ابوس بي

هاجر : انجبي مو بس تريدين ع الحاضر عوفي سيف وسويلي الفستق والجوز
كمت حمصت الفستق كسرت شوي جوز هاجر طلعت ورق البقلاوة وفرشته على صينية الفرن دهنا زبدة على الورق حطيت الفستق اكثر من النص وبلجهة البقت حطينا جوز بابا يحبه بالجوز حطت ورق فوك الفستق دهناه وحطتها بالفرن

كعدنا ننتضر ونججي وكتلها باجر حاخذ ايات اخت اسر وياية على الكلية تشوفها وهيج كالت ي خطية خلي تروح وياج بس ديري بالج عليها كمت سويت مي وشكر على النار وشوي وهاجر طلعتها من الفرن حطيناها تبرد شوي حطيت فوكاها الشيرة

جمان : عفية بعد ما اتحمل اريد اكلل

هاجر : عزا يولي بعدها حارة صبري دقيقة
بردت شوي قطعناها صغار صحت ماما ورغد واحمد وكعدنا ناكل ونسولف ودت هاجر لبابا ماعون الي من الخطبة بي هسه محاجين صح اكعد وياهم وهاي بس ما نسولف احنا من قبل هيج وهسه زادت حتى من ينطيني مصروف اكله اسر جاي ينطيني
رجعت هاجر ويانا كملنا كمت غسلت المواعين وهاجر لمت وكلمن راح لغرفته

دخلت حضرت هدومي وحضرت جنطتي وطفيت الضوا وكعدت اشوف حلقة من مسلسل ونمت

ثاني يوم كعدت وبدلت وسمعت صوت سيارة اخذت جنطتي وطلعت صعدت : صباح الخير

اسر وايات : صباح النور

انداريت على ايات لابسة كيلوت وقميص كلت : عيني شلون هل اناقةة

ايات : شعبالج متحمسة ولج

جمان : يمعودة تصيرين بيها ان شاء الله وتبزعين اصلا
شنو اخذتي اجازة

ايات : اي اسر خابر المديرة البارحة واخذلي اجازة

جمان بكلبي هذا حتى المديرة يعرفها
وصلنا ونزلنا انا وايات حطلي اسر مصروف بجنطتي هاي عادتو لان يعرف اذا ينطيني ما اقبل استحي ف من اريد انزل يحطلي مصروف يوميا يكول غير صرتي مريتي

اسر : اريدج تدللين اختي اليوم

جمان : بدون متوصي
اسر : ديرو بالكم على نفسكم يلا مع السلامة
راح واحنا دخلت الكلية شفت طيبة كاعدة بالحديقة رحنا يمها
جمان : صباح الخير ياب

طيبة : هلاو حبي
دحكت على ايات باستغراب كلت : هاي ايات اخت اسر اجتي وياية اليوم تشوف الكلية وتتونس

طيبة : هلا بيج انا طيبة صديقة جمان
كعدنا سوا تعرفو وضلينا نحجي ربع ساعة وكمنا وقت محاضرتنا

كمت على صديقتي بغير قسم ما عدها محاضرة كتلها: راح اخلي اختي يمج بين ما ادخل المحاضرة
كالت : اي عادي كعدت يمها ايات ومبينة حبيتها اطمئنيت رحت للمحاضرة نص ساعة هيك وخلصنا

طلعت على الحديقة لكيتهم يتمشون رحت عليها : فديتكم يولي كملت محاضرة
اخذت ايات وفررتها بالكلية كلها اشوفها ونحجي وطيبة ويانا ومتونسين بعدين صار وقت المحاضرة للثانية هية مو مهم ف ضربناها ما دخلنا ورحنا للنادي نزلنا اكل وكعدنا ناكل تعبنا من الفرة

جمان : ها ايات شلون الوضع

ايات : تونست لو هيج مرت الاخ لو ماكو

جمان ضحكت : ادبسز
كملت وشوي وطلعنا من النادي جاي نمشي طلع احيان كدامنا تقرب وكال : ها ايات شلون مرت اخونا ونستج لو نرجعها لبيت اهلها قبل ما تجي وضحك

ايات حضنت ايدي : يمة فديتها انتضر على جمر تجي يمي

جمان ابتسمت : شنو انتَ تريد تخرب من هسه

احسان :لا انا كلشي ولا مرت اسر اروح احسن ما تصيرلي طلايب
ضحك وراح

طيبة : هذا احسان الي حجيتي عليه

جمان : اي هوا هذا اخو

طيبة : شهل عائلة من جبيرها لي صغيرها يجننون اريده جمان

جمان : تأدبي انتي لو لاحمد لو ماكو

طيبة : لا يابة ليش منو راح تعرس انا لو انتي

جمان ضحكت : انتي بس انا بكيفي اختار عنج

طيبة : ادبسز معلية اريد إحسان
تمشينا شوي و خلص الدوام طلعنا لكيت اسر بعد ما جاي ردت ندخل ننتضر جوا اجت سيارته ووكف رحنا يمها وصعدنا كال : ها عمي شلون الدوام

ايات : حلو وتونست ويا جمان وتعرفت على صديقتها وفترينا

اسر : زين

ايات : ايي الله ايمتى اصير كلية

اسر : ان شاء الله حبيبي مضل شي ادخلج احسن كلية

حجتله انوب من شافت احسان هوا ضحكت وضلت تحجي وهوا يسمع الها بانتباه ويضحك ويا ضحكتها
وصلني على البيت ردت انزل ايات كالت : شكرا مرت اخي الجميلة على هذا اليوم

جمان ابتسمت :ادللي حبيبي كلما تريدين اخذج
نزلت دخلت للبيت بدلت وما اشتهيت اتغدة لان اكلت قبل شوي بالكلية وكالعادة نمت ما اكدر بدون ما انام الظهر

مر اليوم عادي وثاني يوم الخميس رحت دوامت ورجعت بليل كاعدين نتعلل خابرت ام اسر ماما كلت شكو بهل ليل وسلمو ضلو يحجون عادي بعدين ماما كالت : الله يسلمج اي ان شاء الله اكول لابوها ونجي
حجت ام اسر وماما ردت : ما تقصرين مع السلامة وراحت

جمان : ها شكو

ام جمان : عزمتنا ام أسر ع الغدة باجر تكول جدة أسر ما حضرت الخطبة وباجر راح تجي وتريد تشوف جمان

جمان : لا منروح بعدين تشوفني

ام جمان : يا ولج كتلها راح نجي انجبي عيب منها عزمتنا

جمان : اف والله ما الي خلك عزايم

ام جمان : خلي اكوم اكول لابوج
كامت راحت وانا هم رحت لغرفتي كعدت اشوف ستوريات بالانستا واكلب صارت ب ٢ نعست عفت الموبايل ونمت

حسيت الصبح ماما تكعد بية كلت : شبيج ماما اليون ماكو دوام

ام جمان : يا دوام ولج كومي نروح للعزيمة عيب منهم راح نتاخر من وراج

جمان بنعست : يا عزيمة دروحو روحو ما اروح

ام جمان : يا شلون نروح وانتي لا حروح البس والله اذا ما لكيتج مكملة وكايمة ما تعرفين شسوي بيج

جمان : اهئئ يربي ايمتى ارتاح
كمت غسلت وجهي وصحصحت طلعت الهم لكيت هاجر بدلة بس بعد الحجاب وكاعدة تتريك كلت : لحيتو الا نروح

هاجر : انجبي و روحي بدلي تبيعين امج وابوج بس حتى تنامين

جمان : شو رغد ماكو شنو متروح

هاجر : نايمة متروح بس انا وياج وعمة

جمان : حظوظظ ميصير انا انام وهية تروح

ام جمان : يلا ولج فضينا خوما نروح بوقت الغدة عيب

جمان : انتي كلشي عندج عيب رحتتت
دخلت للغرفة طلعت قميص زيتوني وبي اسود وتنورة كلوش عريضة ومكسرة تسعيني سودة وشال اسود وحذاء زيتوني لبستها ودخلت القميص داخل التنورة و عدلتها طلع حيل مرتب لفيت الشال وطلعت

ام جمان : يلا خلصونا
جمان : كملت
هاجر : حيل حلو بس شو ولا قطرة مكياج
جمان : والله ملية خلك

جرتني لغرفتي مشطت حواحبي بالفرجة شوي لون على عيوني حطت مسكارة وحطت حمرة لون فاتح بيجي على وردي باقل من دقيقة وكالت يلا امشي شفتي ما طولت شوي ترتبي يولي هسه طلع وجهج

جمان : اي مو انا جنت مغطية وجهي بس يلا امشي طلعنا تمشينا على بيتهم وصلنا ودكت الباب ماما طلع اسر

ام جمان : السلام عليكم

اسر : هلا بيكم تفضلي عمة
دخلت ماما واحنا وراها واسر يدحكلي ردت اعثر توترت شهل خبصة من الصبح لو نايمة احسلي

دخلنا جوا ام اسر تلكتنا سلمنا عليها وفوتتنا للهول لكيت مرة جبيرة مبينة هاي جدتهم سلمنا عليها بالاول واكو مريتين هم سلمنا وكعدنا الحجية صاحت : تعاي حدري يول يجمانة مدري شسمج يمرت اسر

ماما كرصتني حتى اكوم افف كمت كعدت يمها حضنتني كال : عجل ما الوم اسر من خابصنا بيج بسم الله ما شاء الله

كلت بكلبي شهل صبغ وانا وجهي منفوخ من النوم : شكرا عمة

الجدة : يا عمة ولج كوليلي جدة انا صرت باعتبار جديتج انا جدة اسر ام ابوه حبيبتي

جمان : خوش جدة

الجدة : وهاي بنتي وهاي مرت ابني تصير ام مرت عمر خاف متعرفيهم

جمان بس هزيت راسي توترت معرفت شحجي
ضلت تحجي ويا ماما والنسوان شوي و ام اسر صاحت ايات وكالت : يمة اخذي هاجر وجمان يمكم عليش كاعدين وحدهم كومو يم البنيات بالمطبخ

ايات اشرت النا دحكت على هاجر كامت وانا كمت وراها مشينا ورا ايات شفنا المطبخ كدامنا دخلنا البنات اجو سلمو ايات عرفتني عليهم : كالت هاي اختي الجبيرة اماني وهاي مرت عمر نورة وهاي اختها بنت عمي مريم وهاي بنت عمتي الي شفتيها جوا

جمان : ايي
جانو يطبخون للغدة وكاعدين بالمطبخ حجو ويا هاجر وسئلوها على اختها لان يعرفوها تصير مرت ابن عمتهم وهيج بعدين مريم بنت عمهم كالت : اي جمان شلونج ويا اسر تعودتي عليه سمعت جنتي مراضية بالخطبة

جمان تنفست شهل حشرية والتدخل رفعت حاجبي شوية وكلت : الحمدلله علينا تعودنا على بعض وصح اول شي جنت رافضة بس شفت اصرار اسر علية ووافقنا
هاجر ابتسمت على حجيي

اماني : اي حتى هيج اصر على مريم بعدين ما تفاهمت ويا وفصخت

جمان :مفهمت

اماني : يا متدرين اسر جان خاطب مريم.........

يتبع........

بنات حطيت صور اشباه اسر وجمان اول بارت روحو شوفوها + شنو تكولون طيبة راح تصير لاحسان لو لاحمد