رواية اسرني كيدها الفصل التاسع 9 - بقلم الكاتبة ايات الـ سند

بقلم :ايات السند
السلام عليكم

لا تنسون التصويت والتفاعل استمتعو 🖤

لكيتك باغنية جان الحجي بيها كلشش يشبهك
_______

جُمان

باجر يرجع دوامي بابا أجر لي خط للكلية ويا عبدالله ابن خالتي هوا يداوم بالكلية مرحلة رابعة ويأخذ خط
اففف والله ولا الي خلك اداوم

كمت حضرت ملابسي لازم اكشخ باجر هوا بس اول يوم عندي واهس والباقي عبالك عجوزة

كملت وطلعت كعدت ويا أهلي شوي وفتت نمت

الصباح
ام جمان : ولج انتي وتالي ويا هذا النوم مالتج

جمان تحجي وهيا نايمة : شبيج ماما بس شوية واكوم

ام جمان : يول والله ماكو كومي ما ضل وكت

جمان : كمت يمة كمت الا ابطل من هل كلية،
كعدت لكيت المخدة بالغرب واني بالجنوب ورجلي بالشرق كالعادة هيج نومي مخربط

دخلت غسلت وجهي طلعت سويت نسكافيه حتى اصحصح بدلت ملابسي وحطيت مسكارة وحمرة خفيفة سمعت صوت الخط وطلعت

شفت بنيتين بالسيارة صعدت ورا

بنية حجت : ليش ما رحتي كدام فراغ هسه منرتاح تلاثتنا هيج

جمان : ما احب اكعد كدام اذا تريدين انتي روحي
هية سكتت اني كلت بداخلي انوب تريد تكعدني يم السايق استغفر الله من هل صبح

رفعت عيني ع المراية شفت عبدالله يدحك علية
لا اله الا الله منو داعي علية اليوم
وصلنا نزلت دخل للكلية جاي امشي وشفت وحدة خرعتني من ورا ردت اوكع ندرايت شفت طيبة

جمان : وج ردت اسويها ع نفسي عبالي احد كمز علية (عذرونة من لسان جمان)

طيبة ضلت تضحك
جمان : اششش فضحتينا العالم يم الباب امشي خل ندخل فتنا ع الاقسام وهية تضحك

جمان : ههههه كافي عاد راح اكتلج

طيبة : سكتتت يولي مشتاقتلج موت الفرع اذا تذبين بيه ابرة تسمعيها بدونكم

جمان : شوف شوف الجذب اليسمع يكول جنت انا مهوسة الشارع

طيبة ضحكت : صخونة جاي اعبرلج عن حزني بس خاني التعبير

جمان ضحكت : انتي والتعبير عنصران لا يلتقيان

طيبة : ي سولفيلي شلونها منطقتكم شلون الجيران اكو صاكين لا

جمان :كومي من يمي احسلج روحي دوري صاكين

طيبة : هههه اشتاقة وياج

جمان : منطقة حلوة شارعنا صاير طويل ومبلط وهيج والجيران كلهم زينين واستقرينا

طيبة :وهاهية مصار شي؟ احس اكو انوب

جمان :اوف منج ماكو شي بس هذا ابن جيوانا شويك بعيدين بس اضل اشوفه بالصدفة جاي انزعج منه بس شسوي (طيبة متدري انو جمان تعرف اسر)

طيبة :ها يلا خيولي بس حلو؟

جمان : انجبي

طيبة :امانة

جمان :اففف اي حلو ارتاحيتي

طيبة : هههه كومي راح تبدي المحاضرات

كمنا دخلنا اول محاضرتين وبعدين طلعنا للنادي كعدنا انا وطيبة واجو يمنا صديقاتنا ٢ كعدو انا جعت وكمت اشتري كولا وجيبس لكيت كريم هم واكف يوصي اكل

كريم : ها يابة شلونج

جمان : هلا الحمدلله وانتَ

كريم : تمام بشوفج

ضليت ساكتة بس ابتسمت واخذت الي اشتريته ورجعت كعدت

هوا شوي واجا ع ميزنا بس سلم وراد يمشي
كال وحدة من البنية :تعال كريم اكعد ويانة ليش وحدك

كريم : والله الشباب مدري وينهم ما اريد اضايقكم

البنات :لا تفضل
هوا دحك علية كلته :تفضل

كعد والبنات مدري شنو سئلوه بخصوص الدكاترة لان هوا الممثل مال قسم شوية واشرت لطيبة نكوم

البنات :ها وين مو كاعدين نسولف

جمان : مو شسمه نريد نستنسخ المحاضرات انا وطبية

كريم :دكعدو انا عندي نسخة هسه استنسخ الكم

جمان :لا لتزحم نفسك، كرصت طيبة حتى تحجي
كالت وهية كاتمة الضحكة : استريح كريم وانا اريد اشتري كم شغلة من المكتبة

كريم : خلص براحتكم

طلعنا تمشينا تكلها صبري بس خلي اذب الببسي
ذبيته ورجعت يمها اشو هية شهكت كتلها : شبيج طيبة

جرتني باتجاه المكتبة : غير تكوليلي شبيج

حجت وهيا تضحك :طاح حظج جمان كريم طلع من النادي وشافنا واكفين

جمان : واذا
طيبة :مو هسه يدري جذبنا

جمان :هسه خل يدري

طيبة :لا والله دمشي انا استحي هسه يكول جذبو

جمان : اهو ديلا امشي
رحنا للمكتبة واشترنا اقلام وأشياء محتاجيها وما استنسخنا شي خليناها لنهاية الدوام خاف اكو انوب محاظرات

ودخلنا المحاظرات وكملنا الدوام عادي

______________
اسر

رجعت من دوامي بالمستشفى من وكت
دخلت البيت سلمت ع امي رحت سبحت ونزلت اتغدة

اسر : يمة فدوة  صبيلي غدة جوعان

ام اسر : اصبر يمة هسه يجي اخوك واتغذو سوية

اسر : ماشي
طبعا عندي اخوي قبل اصغر واحد ثالثة مرحلة كلية اليوم خلصت عطلتهم و داوم
اجى تغدينا وصعدت نمت

كعدت العصر طلعت افتر بالسيارة ما احب اكعد بالبيت
صار المغرب امي خابرتني

ام اسر : ها ولك وين طلعت تعال شوي ونتعشة

اسر : هياتني جاي
رجعت ع البيت سلمت ع امي وكعدت يم اخواني

عمر (تؤام اسر) : ها يابة شو ما شفتك اليوم

اسر : رجعت من الدوام ورحت نمت تعبان

حضنت اختي كاعدة يمي : ها ولج شلونج اليوم

ايات (اخت اسر) : ابتسمت وانتَ شلونك

اسر : زين من شفتج شلون المدرسة اليوم

ايات : زينة بس ما اريد ارجع اداوم اريد اكعد ع الموبايل اهئئ

اسر : انجبي بالقران اموتج انتي السنة الثالث يعني وزراي اقري وعوفي الموبايل ترا والله اخذه منج

ايات : لا لا خلص

كمنا اكلنا ومجتمعين ربي يديمنا........

__________________________
جمان

رجعت من الدوام بدون لا اكل ولا شي نمت

ام جمان : تعالي اكلي ولج من الصبح ما ماكلة شي

جُمان بنعس : لا النوم لا يعلى عليه وانتي تعرفيني من اكعد اكل
كمت صليت الظهر ونمت للمغرب

كعدت لكيت زهراء وامي وهاجر راجعين من السوك

جمان : ها كملتو دياحة

هاجر : والله محد كلج نامي صارت الدنية ليل

جمان : اففف شمدريني راح تطلعون تعالو شوفوني شنو جبتو

كعدت زهراء وشوفني طبعا هية جاي تحضر العرسها واني زعلانة ع فراكها مع انو دائما اشاقة وياها و اكللها ايمتى تزوجين ضليتي ع كلبي بس ما اريدها تروح كتلها : عفية زهراء شلون راح تروحين وتعوفيني

هاجر :ها هاي عمود صارت صحيح جنت تضلين تصيحيم ايمتى تروك واخلص منها

جمان دمعت : لا بعد ما اكول

زهراء : اشش قابل. ين راح اروح اضل اجي كاعدة ع كلبج

كمت ساعدتهم بالعشة وتعشينا كملنا زهراء كامت تجلف المواعين كالت : جمان لازم انتي تجين تجلفين عني تكولين هاي اختي اخر أيامها يمي خلي ادللها

جمان : لا حبيبتي روحي تدللي يم رجلج يلا جلفي جلفي

هتجر : ها عجل منو توني تكول لا تروح

زهراء : جلبة اصلا اول وتالي راح تضل عليج بس اروح

جمان : لا بلة اجيبج من هناك تجلفيها الي

هاجر : تحلمين حبيبتي راج تضل عليج

جمان : يمعودين هسه خلي تخلصني منها والمواعين سهلة

جاي نسولف زهراء جاي تكول شنو تريد توصي  وسمعنا الباب اندك طلع احمد ( اخو جمان للتذكير ) واحنا واكفين ع باب المطبخ نشوف منو وجان تدخل ام اسر..............

يتبع.............
مريضة والبارتات قصيرة المهم انزل بارت وما اعوفكم 🖤