رواية اسرني كيدها الفصل العاشر 10 - بقلم الكاتبة ايات الـ سند

بقلم : ايات السند
السلام عليكم ♥️

لا تنسون التصويت والتعليق بين الفقرات

ليس هناك من يمنعك أن تبتسم، وليس هناك شيء يستحق الحزن، الحياة متقلبه وعليك أن تقتنع بأن الماضي مات، والقادم قد كتب..... فقط ابتسم
_________
جمان

جاي نسولف وسمعنا الباب اندك طلع احمد واحنا واكفين ع باب المطبخ نشوف منو وجان تدخل ام اسر عرفنها لان شايفتها بعرس غفران وبنية و ولد صغير

دخلها احمد ع الديوان واجى صاح الامي عاد طلعت الها

احنا لمينا المطبخ انا عفتهم وكمت اصلا ما جاي اسوي شي عدلت ملابسي شفت نفسي بالمراية لا بأس خلي افوت ما اعرف هيج اكو بداخلي شعور اريد اشوف امه واتعرف عليها(الثكللل يولو)

جمان دخلت وكلت بابتسامة : السلام عليكم

ردت ام اسر وبنتها : وعليكم السلام

بوستهم وكعدت يم البنوتة مبينة مو حيل جبيرة

ام أسر : والله تعذريني ام احمد من اجيتي ما طلعت لج

ام جمان : لا خيتي مصار شي

ام اسر : نورتو المنطقة بكعدتكم
ومن هل سوالف ضلو يحجون

اني سولفت ويا البنوتة واخوها كمز يمنا

جمان : ها ولك مبين خباثة

وسام ( اخو أسر الصغير) : لا ابد انا عاقل

جمان :هههههه ي مبين

جمان : شنو اسمج يحلوة

ايات : انا اسمي ايات

جمان :فدوة حبيبي
صرنا نسولف اني وياها لان بسرعة اندمج ويا الشخص حبيتها

واخوها كاعد يمي لزك و يكلي انتي خطيبتي خلص

جمان ضحكت : ولك شنو هللسان ي اني موافقة
اجي حضني متت ع سولفه ولا عبالك جهال اكيد يطلع يحب البنات ع اخوه

دخلو زهراء وهاجر ورغد سلمو وكعدو
وام اسر حجت شوية ويا هاجر عمود تعرفها اخت غفران وشايفتها
شوي وكامت ام اسر وكالت : الله عليج اي شي تحتاجي تعالي علينا صح مو بسدكم (بصفكم) بس ان شاء الله ما نقصر

ام جمان : حشاكم من القصور وكلما تفرغين تعالي انتي وايوتة

ام اسر : ان شاء الله مع السلامة
طلعنا وصلناها للباب وفتنا

ام جمان : خوش ناس الله يوفقهم الي يمنا حايط ع حايط ما اجوي وهيا من نهاية الشارع واجتنا

ابو جمان : ي والله ونعم من ضيافتهم انا سامع عن ابوهم الله يحرمه

اني دخلت لغرفتي واكلب بموبايل اجتي زهراء ع مكانها وتخابر ويا خطيبها

جمان : اهو انوب علينا مكبلين

زهراء : ههههههههه انجبي لج

جمان : ما اربد اسمع صوتح رجاءا اريد انام

زهراء : معليج سدي اذنج ونامي
ضحكت عفتها ونمت

______________________
اسر

امي بليل كالت راح اروح ع بيت ابو احمد اسلم عليهم عيب من المرية اجت وما لاكتني

ايات : انا هم اجي

ام اسر : اي تعاي يمة

وسام : ليش ايات تروح وانا لا هم اريد اجي

اسر : ولك عيب انتَ رجال ما يصير تروح ويا النسوان ضل يمي

وسام : ما معلية

ام اسر : خليه يجي بقت عليه

اسر : خلي اكوم اوصلج

ام اسر : ولك شتوصلني هياتهم

اسر : لا بيتهم نهاية الشارع بعيد ما اعوفكم وحدكم

ام اسر : لعد اكعد يمة تعبان اليوم ما اجيت للعصر هسه اخلي اخوك يوصلنا

راحو وانا اكول نيالهم يشوفوها واني لا (ثكلووو)

ساعة ورجعوو فات وسام يكمز
اسر : ها شبيك

وسام : عدهم بنية تموت خطبتها

اسر ضحكت بصوت ع نبرته شلون يحجي وفرحان ومصدك

ام اسر : ولك انتَ ولك سوالف شنو ولا عبالك طفل روضة

وسام : معلية اني احبها

اسر : ولك منين متعلم تكول اني مو انا

وسام : هاي هية تكول اني

اسر : ها تريد ازوجها الك

وسام : اي عفية اسوري

اسر : انجب لك لا تتلوك شنو اسمها حتى باجر اخطبها لك من ابوها

وسام : اسم مرتي جُمان واني راح اصيح الها جوجو

ام اسر : انوب جوجو كوم نام احسلك

اسر لك هلا هذا حاب جمان وانوب يدلعها ميدري هاي حصة اخو بس ضلت ببالي اشو تكول اني يعني وما تحجي مثلنا

ختمت يومي واني افكر بيها صار هذا روتيني هل سنين الراحت................

____________________
جمان

دوامت مثل كل يوم تلكتني طيبة ودخلنا للمحاضرات سوية بنهاية الدوام كتلها تعالي خلي نروح لدكتور علي نجيب المحاضرة حتى استنسخها وما انسى

طيبة : يلا امشي بس ترا ما افوت وياة ابقى ع الباب وانتي جيبيها

جمان : يالله قابل راح ياكلنا
وصلنا لمكان الدكاترة بس ما داخلين طيبة كالت : انا راح انتضرج هنا

جمان : يولي شبيج بس تعاي نجيبها منه محد مستنسخها حتى ناخذ منهم

طيبة :والله عيب داخلة عليهم

جمان :ولي
دخلت للمر اريد ادخل للغرفة حتى اصيح دكتور علي

طلع كريم من الغرفة بوجهي
كال :ها جمانة محتاجة شي

جمان : لا بس احيت اخذ المحاضرة من دكتور علي

كريم :هياتها جبتها اخذي استنسخيها

جمان اخذتها :شكرا وطلعت طيبة واكفة
كلت :ادبسز لو تموتين ما انطيج تستنسخين خليتني وحدي

طيبة : عاد انا بحال المحاظرة

جمان : انجبي عود بالامتحان تعاي دوري محاظرات
مشينا للمكتبة اخذت محاضرة الي والها وتكلها ودي هاي لكريم واني راح انتضرج بالنادي ما عدنا شي هل محاضرة

طيبة : دمشي انا وياج

جمان :لا مثل ما خليتيني اروح وحدي روحي وحدج
راحت وانا مشيت للنادي كعدت شوية و رجعت طيبة

جمان :يولي اني دايخة يمكن اخابر بابا يكول للسايق يجي هسه علينا

طيبة : لا امانة دصبري بعد ما شبعت منج

جمان :والله طيبة راسي

طيبة : زين تعالي رجعي وياية بالخط مالتي وتغدي يمي وخلي العصر يجي احمد عليج

جمان :لا هسه ما يقبل

طيبة : بلا يقبل شو خابري امج هية تحل الموضوع فديت خالتو

جمان : يلا دقيقة صدك مشتاقة ل كعداتنا

طيبة : يالله عجل

جمان خابرت ماما : ماما من الاخير طيبة تمول تعاي وياية تغدي واحمد يجي ياخذج

ام جمان : يا ولج وحدة وحدة صبري

جمان : هسه اروح لو لا

ام جمان : انا سعلية ليش ما خابرتي ابوك هوا هسه بالدوام

جمان : ماما والله هسه يلقيلي محاضرة واني رتسي يوكعني يلا دبري الموضوع مامي

ام جمان : يلا روحي يس ديري بالج ع نفسج وانا العصر راح اخلي احمد يجيج

جمان : خوش لعد باي

سديت الاتصال وطيبة حلكها مشكوك
جمان ضحكت : ها خير

طيبة : انجبي سمعت كلشي يلا امشي نطلع اساساََ وصينا السايق اليوم يجي من وكت

جمان : يلا امشي بس اول هلي اكول البنات الخط راح اطلع حتى لا ينتضروني

لكيتهم بالنادي كلت الهم : راح اطلع لا تنتضروني

وحدة منهم كالت بخبث : ويا منو راح تطلعين

جمان :ويا كرايبي شدخلج انتي
مشينا وطلعنا برا لكيت سايق طيبة الي هوا جنت وياه بالخط
كال : شلونج جمانة

جمان : الحمدلله
وصلنا لبيت طيبة نزل ودخلت جوا طلعت امها تلكتني حيل تحبني واني اموت ع سوالفها
جانت الساعة ب ١ كالت كعدو هسه اصبلكم غدة جوعانين

بين ما ناكل خلي اسولف الكم شوي ع طيبة احنا صداقتنا من الابتدائية ومستمرة لي هسه هية البنية وحيدة بين اخوانها اهلي يعرفونا واهلها يعرفونا و صايرين حيل صداقة

كاعدنا ناكل وكملنا دخلنا بغرفة طيبة هية راحت بدلت هدومها ورجعت كعدنا ع الجرباية ونسولف ونحجي ع بنات الكلية متنا ضحك شوية نشرت ستوري اني وياها شوي وكالت اكلج جمانة

جمان : ها

طيبة : دنطي فرصة لكريم يعترفلج والله يحبج

جمان : هم فتحت الموضوع طيبة اني مو مال علاقات وحب من الاخير واذا انفتح هذا الموضوع بعد حتى صداقة ما الي وياه

طيبة :هاهية هاهية

جمان :عفية اسكتي ترا افتح موضوع أحمد

طيبة ضحكت :لا دخيلج سكتنا

ب ٥ خابر احمد رديت كال اجيتج اطلعيلي
كمت وبوستها وكتلها سلملي ع خالة يمكن فاتت ترتاح وطلعت وركبت بالسيارة هوا مشا

وصلنا ومن دخلنا للبيت سمعنا صوت هوسة ..........

يتبع ........