رواية اسرني كيدها الفصل الثامن عشر 18 - بقلم الكاتبة ايات الـ سند

بقلم : ايات السند
السلام عليكم

لا تنسون التصويت والتعليق بين الفقرات استمتعو
♥️

صرت حاير بين أرآسل
بين أخابر ، بين أكابر !
بين أضُم شوگي القديم ،
وابقةه حآير 🖤.

________________
اسر

ابو احمد : اعتبرها صارت لك

اسر تفاجئت من جوابه السريع : جزاك الله خير عمي عجل انا اجيب اهلي وناسي وخطبة وكلشي حسب الأصول بس اريد موافقة من البنية

ابو احمد : موافقة ان شاء الله ابني لا تدير بال

أسر باستغراب : ان شاء الله خير عود انطيكم خبر باليوم الي نجي بيه

ابو احمد : ان شاء الله

أسر : يلا انا استئذن مع السلامة

ابو احمد : بعد وكت دضل هسه يجي احمد مدري وين كام

اسر : هاهي تسلم والله باجر عندي دوام

طلعت منهم وانا احس فرحتي اكبر من كلشي يول معقولة تصير لي بس انا؟!

وصلت للبيت وجهي مبتسم لكيت امي كاعدة بالصالة وحدها
اسر : ها حجية اشو كاعدة وحدج

ام اسر :كلهم كامو لغرفهم وانا انتضرتك

اسر : لا اجيت يلا روحي نامي اكيد تعبانة

ام اسر : انجب منعسانة اشو طلعت مكشر اجيت فرحان شكو

اسر : يوم فرحانن راح تصير لية

ام اسر : يول منو هاي الي تصير لك

اسر : جمان يمة فتحت الموضوع ويا ابوها اليوم واشو نطاني موافقة بسرعة

ام اسر : صحيح يمة بيها الخير وتاخذ خطابة الهم مو

أسر : اي اكيد والله الا املي الشارع الها

ام اسر : ايمتى نروح

أسر : اليوم الأربعاء وباجر خميس عود نروح الهم السبت بعطلتي

ام اسر : ع كيفك يمة لا تستعجل

أسر : وين الاستعجال لا هاهي هاليومين نروح وخلص

ام اسر : عسى دوم هل فرحة يمة وتجي يمك وتسعدك

اسر بستها من راسها : فدوة لكلبج يمة، يلا انا اروح انام تصبحين ع خير وصعدت لغرفتي دخلت سبحت وطبعت نمت ع جربايتي معقولة وتجي وتزين غرفتي بوجودها؟!
عقلي من هسه جاي يخطط شلون اسوي الها خطبة نمت

_____________________

جمان

اليوم اجى اسر ع احمد عود صاير يسوي صداقات ابو الصداقة كامت زهراء سوت الهم جاي انا فتت للغرفة احضر ملابسي لدوامي باجر كملت وكعدت ع الموبايل شوي وفاتت زهراء كتلها : ها راح

زهراء : لا بعده

جمان : شعنده يريد يبات يعني

زهراء : انجبي غير جاي علمودج عمميييي

جمان : شنو علمودي مفهمت

زهراء : باجر تفتهمين

جمان : دسكتي انتي كل سوالفج جذب وما بيها خير

زهراء : باجر نشوف اذا بيها الخير لو لع

ضليت كاعدة ع الموبايل سمعت بابا يكول لماما راح كلت بكلبي واخيرا شوي وكمت للحمام شفت أحمد طلع من الديوان كال تعاي لملمي النركيلة والديوان والكلاصات

جمان : شلون بلا عيني جذب انا بعدني بالغرفة رحت اركض باتجاه الغرفة 

أحمد ضحك : يول مو هسه اجيت مكموعة بس اكل ونوم تعالي رتبي

جمان : اهو والله الا اهج

أحمد : هوا لمي وهجي بعد الباب البرا مفتوح

جمان : ي نشوف منو يكوم يدور علية

احمد : ابد والله
دخلت للديوان كله دخان الله احب ريحة الدخان عكس كل البنات تلعب نفسهم شلت الناركيلة ولميت الورق وعدلت الكوشات وفتحت الشباك حتى يطلع الدخان طفيت الضوا وطلعت نمت

طلعت الصبح لدوامي من رجعت لكيت بابا وقاسم متكاونين سئلت زهراء : ولج هاي شكو.

زهراء : بس صبري

قاسم يصيح : ليش نطيتها اله عود يعني سوا معروف وياية

ابو احمد : انتَ مال لك دخل هسه تذكرت خواتك

قاسم :  هذا اسر مدري شسمه ما ارتاحيتله وجمان مو اله

ابو احمد : انتَ معليك مو بكيفك تقرر نطيته وخلص

قاسم : انطيها حتى الخطبة مراح احضرها وخلي يفيدك هوا

ابو احمد : لا تحضرها عاد انتَ شلونك

ما افتهمت شنو السالفة واسر شعليه ما اهتميت وكمت اريد اروح للغرفة ارتاح واخيرا باجر جمعة من اجيت اروح بابا صاحلي

جمان : ها بابا

ابو احمد : جمانة اريد احجي وياج بموضوع

جمان : شنو شكو

ابو احمد : من الاخير البارحة اسر طلبج مني ونطيته

جمان انصدمت : شنو طلبني شنو نطيته شكو شسالفة غير تاخذ رائي

ابو احمد : والله الرجال ما بيه قصور وساعدنا بسالفة اخوج وحتى بالفلوس ساعدنا ومن فتح الموضوع وياية انحرجت وما كدرت ارفض

جمان :بابا هيج شنو حتى ما تكدر ترفض انا بنتك واذا ساعدك مو لازم تريدين سعادتي وانا سعادتي مو وياههه ما اريده

ابو احمد : عادي ورا الزواج تحبيه

جمان دمعت : ول ما اريده بابا امانة ارفضه

ابو احمد صاح : يابة شبيج هاهي نطيته موافقة وكال السبت نجيكم

جمان بجيت : يعني حتى اليوم محدديه شنو هاي بابا اكو بنية خطبتها بعد يومين وهي كلشي ما تدري

ابو احمد : انا اعرفه خوش ولد وسائل عنه من قبل والا جان ما انطيته

جمان : شلون يعني اي واحد خوش ولد تقبل بيه بدون ما تسلئني

ابو احمد : هاهي حضري نفسج السبت الخطبة

جمان : بابا تعرفني من خطبتني امه قبل فترة ما وافقت ليش هيج تسوي بية

ابو احمد : بنيتي هية هيج البنية تكبر وتتزوج

جمان ضليت ابجي :شعلية بالبنات انا ما اريد اتزوج شلون يعني

ابو احمد : انتهى النقاش وكتلج حضري نفسج واساساََ ورا خطوبتج زهراء راح تتزوج خلي يخف الحمل عني عاد

جمان :يعني احنا حمل عليك مو؟ يعني تريد تخلص مني مو؟ هاهي بابا براحتك الخطبة السبت خلي اخفف حملكم شوي
كمت وفتت للغرفة وضليت ابجي ما اريد ارتبط بهيج انسان ابو البنات ما اريده حتى اذا جانت عندي مشاعره اله انمسحت بموافقة ابوية بذون رائي
هوا اكيد طلبني بهيج وقت حتى بابا يوافق والله الا العب بيك جولة اسر يول بس اصبرلي
نمت وتركت التفكير وكلشي لان راسي اصلا صدع طول اليوم ما كعدت ومن كعدت بليل ما طلعت من الغرفة حتى اخفف حملهم

ثاني يوم الجمعة ماما كعدتني : يلا تعالي تغدي سويتلج دجاج الي تحبي

جمان : عليش سويتي وتعبتي نفسج كلشي ما اريد اساساََ راح تخلصون مني

ام جمان بهدوء : لا ماما شهل حجي ابوج البارحة مجان قصده هيج بس غير انحرجت من الولد وانتي عليش زعلانة الولد ما بية شي وظيفة وجمال ورجولة بعد شنو واذا ع الحب الحب الي يجي بعد الزواج احسن من قبله لازم تفرحين كبرتي وراح تصيرين عروسة وتجهزين

جمان بدمع : لازم الاب مينحرج بموضوع يخص بنته ماما فهمو اريد اريد اكمل دراسة واتشغل ما اريد اتزوج مو كلشي زواج

ام جمان : ها سنة الحياة يمة احنا هم جنا هيج نكول انتي بس ادعي ربج كولي يارب اذا هوا خير الية بقيه واذا شر ابعده عني وانا وياج بنيتي ما بايدي شي

جمان بداخلي طبعا ما تعرفين الي صار بية من ورا اخوج وشي ما ذكرته سابقا انو اساساََ صارت مشكلة بينه وبين ماما وبعد ما يتحجون حيل ارتاحيت من انكلع من حياتي : هاهية ماما ع راحتكم وانتي لا تنقهرين

ام جمان : يلا كومي خل نتغدة ونحضر هاي لازم تكون اسعد ايامج لا تضيعيها يلا لخاطري
كمت وياها غسلت ولميت شعري طلعت جاي يحطون الغدة وملتمين كلت السلام عليكم وكعدت بدون ما ادحك ع احد اكل شوي وكمت ما اشتهي
رجعت فتت لغرفتي وكعدت ع الموبايل احجي ويا طيبة ع الصار حيل تفاجأت وكالت نا اعرف شنو اكلج صراحة ساعة وفاتو الي هاجر ورغد وزهراء رفعت عيني عليهم

جمان : خير يا ستار ما تجتمعون بشي بي حظ

هاجر : كومي كومي خل احفلج وارتبج

جمان رفعت حاجبي : ليش بلا شنو المناسبة

رغد : انتي غبية لو تستغبين باجر الخطبة مالتج

جمان : والله مالتي مالت الجيران ملية واهس بعدو عني

زهراء : دكومي تتذكرون بخطبتي قبل شهر انا اتحضر

جمان : ي ع الاقل انتي اخذتي حبيبج وخرو عني عاد هيج شلون خطبة

هاجر : والله جمانة ان قبلتي تكومي او لع ف احنا مو بكيفج اساساََ مدري شهل خطبة قبل يومين نطو خبر وباجر المشية حيل مستعجل عليج اسور

جمان : استغفر الله ربي هسه شبون يريدون يحجوني
جروني وكومني كوة بعدين ما عارضت خليتهم ع واهسهم ما راح ازعل نفسي بسببه حفتلي هاجر ورتبت حواجبي انا ما اسويها بس انضفها احب شكلها شوي عراض وكوموني ع غرفة هاجر كلمن كامت تطلع فستان من صفحة وانا بس صافنة

هاجر : انا اكول تلبس هذا

رغد : لا هذا انزك ومناسب بس مشية

زهراء : الي بأيد هاجر احلا

رغد : عروس جيس حب انتي دختاري شتلبسين

جمان : والله جيس حب ما يهم ع ذوقكم

رغد : قابل انا الي راح البسه يلا شبيج خلي عندج حماس

جمان : اممم دحكت خلص الي بايد هاجر جان هيج شي بس للركبة او جواها بشوي ولونها ابيض والكتف والايد شيفون شكله نازك ويعني مستور

كالو تمام هذا واختارو هما يلبسون اتلاثتهم قفطان
جمان : وهسه اكدر اروح؟

هاجر : اويلي من طباكاتج الله يعين اللي ببالي

جمان : اللي ببالج هوا جا للضيم برجله راح اروح

رغد : روحي بس عود سوي شعرج لو سرحيه لو سويه كيرلي ونامي وباجر نسوي شي بسيط بي وهاجر تمكيجج وخلص

جمان : ماكو داعي لها تفاصيل شعدنا عرس

هاجر : بس انجبي انتي غبية وكلشي ما تفتهمين نفذي وهاهي

رجعت للغرفة مدري شبية مرة زعلانة من موافقة ابوية بدون سؤالي ومرة اخاف ولعبانة نفسي ما اريد الزواج مرة خاف ميحبني ويلعب علية وبين افكار هواية طردت كل هل افكار وطلعت المحاضرة وكعدت اقرا عندي امتحان واكيد باجر ملحك اقرا عود يفيدني هوا نثرت الاوراق والاقلام هيج يلا اعرف ادرس ظليت اقرا للمغرب وكمت صليت ودعيت من ربي ينطيني الي بي الخير رجعت اقرا إلى ان صاحولي ع العشة اكلت وكملت وابد ما دحكت ع بابا حيل مقهور منه لميت وياهم و وكفت ويا زهراء هيج تجلف وانا اغسل كملنا وكعدنا بالمطبخ شوي
ضلو يحجون وكالو نضفنا الديوان ورتبناه وباجر الصبح نبخره وهم عزلنا الهول ورتبنا يمكن يجون نسوان وهاهية

كمت للغرفة لميت الاوراق لان كملت وكعدت احجي ويا صديقتي تسئل عن التلخيص الامتحان نطيته الها وراحت واجت زهراء كالت شو لي هسه ممسوية شعرج تعالي اسويه الج

جمان : والله ملية خلك مامو داعي مراح افتحه

زهراء : هوا انتي شراح تسوين قابل بس تكعدين وانا اسويه الج تعاي يلا بدون اعتراض اششش

جمان : اففففف اخذت موبايلي وكمت كعدت كدامها هية سئلت شنو تسويه كتلها سرحي وهاهية ماكو داعي اخبص روحي طلعت الجهاز وكعدت وراية وتسوي بيه جان صاير لوسط ظهري كملت وكمت لميت شعري وتمددت ع مكاني كعدت شوية ع الموبايل وصلتني رسالة منه

__________________

أسر

بيوم الجمعة حجيت ويا جماعتي وأصدقائي اريد وكفتهم باجر وياية وكلهم تجون؟ كالو من العين نجي بس ظلو يسئلون شنو هل خطبة المفاجئة كتلهم معليكم هيج صارت

العصر رحت ع عمامي وحجيت وياهم ابو مريم شفته معجبه الوضع بس محاجة شي وعمامي كالو تتدلل اسر من باجر احنا يمكم ضليت يمهم شوي قريب المغرب طلعت هم ع شيخ اعرفه حتى يعقد قران النا و افتريت شوي ورجعت للبيت لكيت امي جاي تحضر العشة

اسر : شسالفة يمة شو بس وحدج عجل ايات وين نور وين(زوجة عمر تؤام اسر)

ام اسر : خليهم يمة مو بحاجتهم انا اسوي

اسر : وتالي ويا هاي مرت عمر متساعدج يلا مضل شي وتجي جمانة وتساعدج ابتسمت شتكولين

ام اسر : ان شاء الله يمة رحت لعمامك كتلهم يجون وياك

اسر : ي باجر يجون علينا ونطلع سوا عليهم
ام اسر : خوش بيها الخير

وكفت وياها اساعدها شنو تريد كالت : يول حدر ارتاح انتَ معليك بية

أسر : لا شلون اعوفج وحدج شعندي قابل
ضليت كاعد يمها بالمطبخ ونسولف واذا تريد شي اساعدها شوي وصحت ايات تصب ويا امي انا رحت اغسل واجيت كعدنا طلعت مرت عمر من الغرفة اكلت وجلفت مواعين العشة بسرعة ورجعت فاتت سكتت عنها هذا حالها من اجت بس كاعدة بالغرفة وامي وحدها تشتغل
بس ما اتدخل بسوالف النسوان واطلع الغلطان بعين اخوي صرت من اشوف امي محتاجة شي انا اوكف وياها ما انقص بشي ودائما اعلم بايات ضل تساعد امي وما تعوفها

كاعدين نشرب جاي ورا العشة ويمي وسام كاتله : ها يول شعجب صاير هادئ شلونك بالروضة

وسام : زين اليوم اخذت عشرة من عشرة

اسر : عفية بالسبع طلعت له ٥ من جيبي

وانطيتها له : لو محفظتي يمي جان انطيتك انوب اريدك شاطر حبيبي

وسام : ي اسوري وكام باسني

أسر بغصب متصنع : انجب لك شنو اسوري وانوب يدلع الادبسزز
كام يضحك دائما احب اشجعه وما احسسه بغياب ابوية كتله : تدري باجر وين رايحين

وسام : وين
اسر : لبيت ابو احمد حتى نكللهم نريد جمانة تعيش ويانة

وسام بضحكة : صحيح اسر؟ الله راح تجي تعيش يمنا يعني راح تخطبها لي

اسر : انجب انوب تريد تشاركني بحلالي
وسام : زعلت يعني مو لية

اسر ضحكت : لا حبيبي الي والك خوش بس اكثر شي الي ما اقبل
وسام : ايي

كمت صعدت لغرفتي ارتاح قبل لا انام دزيت لجمان رسالة ع حسابها :ساعات قليلة وتصيرين حلالي
طولت شوي يلا شافتها ومردت ضحكت عليها شيلينج انتي..........

يتبعع.......

احجولي توقعاتكم 🌚 وشنو رايكم بالقصة لي هسه السرد شلونه؟