رواية اسرني كيدها الفصل الثاني عشر 12 - بقلم الكاتبة ايات الـ سند

بقلم :ايات السند
السلام عليكم

افتقدك....
بـ دون كتابة الكثير، بـ دون اي نض عميق، بـ دون كلمات ادبية مبتذلة
فقط افتقدك

لا تنسون التصويت وتعليق بين الفقرات استمتعو ♥️

____________

اسر تنفست الحمدلله مو جمانة لازم استعجل حتى تصير الي وحلالي انا اصلا مدري شنو انتضر

اسر : الله يهنيهم انا راح اصعد انام تريدين شي يمة

ام اسر : سلامتك تصبح ع خير

اسر : وانتي بخير، صعدت كعدت ع الموبايل شوي ونمت

_________________
جمان

رحت للدوام دخلت المحاضرات وانا ابد ما الي خلك اخر محاضرة الدكتور حضرو نفسكم امتحان الاحد الكل اعترضت وكالو حتى ما صار شهر من بدينا نداوم شمعجل امتحان هوا ما سمع منهم وطلع الولد كالو لكريم :بشرفك روح احجي وياه هوا شنو افتهمنا من المادة حتى امتحان كال هيخ اروح احجي وياه قبل لا يطلع

انا كعدت احجي لطيبة ع البارحة من رحنا نشتري فستان وكنلخا خلي يجيبج واحد من اخوانج ع الحفلة العصر كالت اشوف

شوي ورجع كريم كال اجلت الامتحان مو الاحد بس كال نتفاهم الاحد

رجعت ع البيت لكيت الدنيا مكلوبة كل واحد يحضر بجهة و زهراء بالصالون

جمان : يربي شكثر اعاني اريد انام اني

ام جمان : يلا فوتي بدلي اكلي شي وكبل روحي تحضري حتى تلحكين

رحت ركضت اكلت شي من المطبخ  رحت للغرفة ذبيت هدوم الدوام دخلت سبحت وطلعت لبست دشادشة قصيرة وعريضة احب هيج ارتاح بيهم وكعدت اتمكيج ما خليت احد يحط لي اريده خفيف بايدي

ما حطيت لا فاونديشن ولا شي بديت بالعيون حطيت لون خفيف ولمع بنص الجفن وايلانير بسيط ومسكارة وحمرة صار مثل الصورة 👇

كمت كويت شعري وشلته من الجهتين الي كدام ونزلت خصلة
لبست الفستان مثل هذا بس لون اسود

كملت دحكت لنفسي حيل حلوة
سمعت هلاهل اكيد اجتي زهراء لبست الكعب واخذت موبايلي وطلعت اركض ردت اتزحلك بس الله ستر

جمان صرخت : اااووكفوووو لا تفوتهااا

جوان : شبيج يولي

جمان : غير اصورها من تدخل
وكفت كدامها هية تمشي واني كدامهم جان هل مرة صدك اتزحلك اخخخ تكسرت

طلكت الحذاء : والله انعل ابو الي يلبسك بعد اخخ يابة
كامو يضحكون علية كمت واخذت الموبابل وكملت تصوير ما استسلم زهراء كالتلي اذا فوتي لحظة اموتج

فاتت للديوان وكعدت بالكوشة وانا اسلمت الركص واجت طيبة حيل فرحت بيها وكل العالم اجت ما الج محط رجل وشفت ايات وامها اجو
كلت عيب خل اسلم عليهم سلمت وكلت الايات كومي ويانا

ايات : لا ما اريد

جمان : دتعالي وياية دحكت لامها اشرت الها روحي اجت وياية وخليتها تركص ضلت تضحك وكفت بس تصفك وخليت طيبة هم تركص

انا طلعت كل قهري بالركص رجلي بعد ما احس بيها من الكعب والتكمز ولا زلت مستمرة حالفة ما اكعد

صاحت علية زهراء : وج فضحتينا كعدي هاي عود انتي من طرف العروس لازم تثكلين

جمان عكس الي بداخلي زعل ع فراك اختها : يمعودة مو عيب واخيرا خلصت منج

زهراء : ها هيج صارت بسيطة

جمان ضحكت وكعدت يمها اتنفس شوي اخذت صور وياها وكمت سمعنا صوت سيارات برا بمكن اجا العريس نبهت البنات يتسترون دخل هوا واهله و الهلاهل تطرش دخل هوا كعد يمها وحجة وهية خجلانة متتت ضحك لعد جبار الي يمي وينه لبسها ذهب وهداية من امه شوي وطلعو

صار المغرب صارت تروح العالم وراحت طيبة بوستها وطلعت وياها للحديقة واحمد كلي قبل ما تطلع اروح اكله حتى يشوفها بس ما كتله لان طيبة ما تقبل اسوي شي وهية متدري طبعا احمد يحب طيبة ويريدها بس هية ما تقبل تكول ما احبه

ما ضل احد بس خواتي والكرايب الي نصهم راح يباتون يمنا لان جايين من طريق بعيد

شفت امي واكفة تودع ام اسر وكفت يمهم

ام اسر : ههههه ها ولج جمانة زين بيج حيل توكفين بعد الركص

ضحكت وياها واندك الباب هية طلعت وماما وصلتهم ع الباب انا ما قربت ع الباب جنت لابسة بس شال ع كتفي وبعدني بالفستان فتحت ماما الباب وطلعو

قبل ما افوت لمحته واكف يم امه فتت اركض قبل لا يشوفني وانا بالفستان ما يصير

دخلت لكيتهم جاي ينضفون ويلمون

جمان : انهى اكثر شي احبه الدك والركص هسه بدا اكثر شي اكرهه دك شغل

هاجر : يلا عيني تعالي لمي ويانا

جمان : افففف والله مكسرة

رغد : من الركص ذبيتي لحم لي يوم الدين

جمان : الله صار هواي نفسيتي محتاجة حفلة وبعدين لازم تشكروني انا سويت للحفلة جو

رغد : ديلا ام النفسية

هاجر ضحكت : ولج يا أجواء هسه عبالهم ماجرين رقاصة

كلهم ضحكو وكملو تنظيف ودزو عشة من المطعم لان محد بيه حيل يسوي جابو الاكل وتعشينا انا كملت ورحت سبحت

جمان : الله راحة نفسية بعد التعب وهسه نومة منا ليومين
نمت وكلت لماما ولا تجي يمي باجر ولا تكعدني لان جمعة وما عندنا دوام راح اضل نايمة

___________________
اسر

كعدت الصبح رحت للدوام وطلعت الظهر الولد كالو تعال ويانا راح نروح نتغدة بالمطعم

اسر : يلا جاي
خابر امي حتى لا تضل تنتضرني اعرفها ماا تتغذة تنتضرني

طلعنا ونتغدينا وكضوها ضحك وسوالف واصلا المطعم مو مليان ف اخذنا راحتنا كملنا ورجعت للبيت

لكيت امي وايات مبدلين :ها وين

ام اسر : شبيك اسر مو البارحة عزمونا بيت ام احمد ع الحفلة مال بنتهم

اسر :ها يلا امشي اوصلكم

ام اسر : دفوت ابني ارتاح احنا نروح

اسر : لا ما اخليكم تروحو وحدكم بعيدين وآيات مبدلة وحاطة مكياج بعدين احسابج ولج

ايات : امانة اسر هية حفلة بس بنات وبعدين خفيف ميبين مدري شلون انتَ شفته

اسر : يلا امشو
وصلتهم للباب شفت شاب طلع فتحه بس مو اخوهم احمد لان تعرفت عليه فاتو ورجعت وصيتهم لو انا ارجع عليهم لو إحسان لا يرجعون وحدهم امي كالت عود اخابرك

رجعت ع البيت سبحت وفتت نمت ساعتين وكعدت
شوي وشفت الدنيا قربت تغرب خلي اروح اجيبهم احسان طالع

رحت دكيت الباب طلعت ام احمد سلمت علية شايفها قبل انا وبعدين طلعت امي وايات رفعت راسي شفت بنية بعدين لابسة فستان وحاطة حجاب فوكاه ما دحكت ع وجها حيل درت وجهي استغفرت ربي واخذتهم للبيت

سوو عشة والتمينا وضليت كاعد لل ١٢ جوا وبعدين صعدت ع غرفتي قبل ما انام كلبت بالتليفون وعفته قبل ما انام فجاة اجا مشهد البنية الي ورا ام احمد وعقلي راساََ كال هاي جمان

كمت استغفر الله ربي يمكن مو هية وحتى لو هية بعدها ما صارت حلالي يعني اكيد ما اقبل احد يدحك ع ايات هيج انا كلشي صاير يصير وياية احط ايات او اخواني بين عيوني واكول انا صرت سندهم وانا صرت ابوهم افكر بيهم اكثر من نفسي جمانتي اريد ابدي كلشي وياها بحلال وافتح حياة جديد وما بيها اخطاء وطيش حاولت امحي المشهد من بالي ونمت

_________________
جمان

نايمة واحس احد جاي يكعد بية فزيت وحسيت خيال فوكاي رفعت راسي شفت فتحت عيني وصرخت ........

يتبع....