رواية اسرني كيدها الفصل الحادي عشر 11 - بقلم الكاتبة ايات الـ سند

بقلم : ايات السند
السلام عليكم

لا تنسون التصويت والتعليق بين الفقرات استمتعتو

هل كان الأعتذار عليه صعباً؟
أم أنه لقربي لم يعد يريد؟
أم أن قلبي صار عندهُ زهيد
هل ما زال يذكرني حقاً؟
أم أنهُ بـالحاضر سعيد هل لم يعد في قلبهِ شوقاََ

____________
جمان

دخلت للبيت وسمعنا صوت هوسة دخلت بسرعة اشوف شكو
شفت جيش اخواتي المتزوجات (جوان وزينب) وزعاطيطهم

جمان : يبوووو اجونا

زينب ( اخت جمان الكبيرة) : انجبي بدال ما تكولين هلا بخواتي مشتاقتلكم

جمان : شنو سبب هل زيارة ان شاء الله

جوان ( اخت جمان) : هاي شبيج جمانة نسيت بعد كم يوم حفلة زهراء اجيناج حبيبتي من وكت

جمان بمرح : ها صحيح تذكرت وبعدين ليش جايين من هسه عود بيوم الحفلة

زينب : دوخري وخري خلي افوت ابدل يلا يمة روحو لغرفة خالتكم وما اوصيكم وغمزتلي

جمان : لا يالكعبة راح يكلبون الغرفة اهئئ
هجمو الجهال للغرفة

جمان : مو جهال تكول وحوش

زينب : يمة هاي خالتكم متريدكم

ريتاج ( بنت زينب) : شنسويلها والله بكيفنا هاي صارت غرفتنا

جمان : دمشي روحي ع ابوج هوا ينطيج غرفة يمة مكياجي راح يكسروه شنو انتو غضب ونزل علية والله مصلية كل صلاواتي ليش هيج

علي (ابن جوان الصغير) كال بطفولة : ثونج (شلونج) جوجو

جمان ضحكت : يمة حبيبي بس انتَ العاقل ولو هسه تتخبل وياهم شلته وحظنه

علي :ثوفي شنو اشتليتلج (شوفي شنو اشتريتلج)

جمان : ههههه شنو يلا شوفني
طلعت جبس انا صرحت وحظنته : يمة جعل محد يشتريلي غيرك

كمت طلعت الهم شوي من العابي معلومة عني اني اضل محتفظة بالعابي وهيج أشياء تخصني احب كلشي يضل وياية احب الذكريات احب اوثق لحظاتي بموبايل احب احتفظ بأشياء الها ذكرة اللحظات المميزة ما انساها من بالي احب التفاصيل

طلعت الهم سوينا عشة وتونست ويا خواتي والبيت مكلوب مع انو اضل اتشاقة وياهم واكول خبصتونا ومدري شنو بس اموت عليهم من يجون واحيانا اكون محتاجة هوسة مو دائما هدوء

جمان ضحكت ع الجهال : كافي يا شياطين ما تعبتو يلا راح افرشلكم ونامو صوت ما اريد

روان (بنت زينب) : لا بلا

جمان : يول هاي عود اني خالتكم راحت الهيبة

ريتاج : بممممم

جمان : امشي ولي لج صايرة تعرف البمم خرب بحظي

كمت فرشت الهم ونامو واحتلو غرفتنا اني وزهراء

كعدت الصبح رحت داومت مر عادي ورجعت للبيت
دخلت لكيتهم مجتمعين يحضرون الغدة

جمان : ميتة نعس اريد انامم هوسة ما ادري

جوان : والله اذا نمتي انتي الخسرانة راح نروح للسوك العصر نشتري فساتين

جمان : عزااا بس لا باجر الحفلة ولكم

هاجر : ي هاي انتي فاقدة الذاكرة

جمان : يا حيوانة يا زهراء اكو وحدة تسوي حفلتها ويا دوام اختها والله حرام عليج

زهراء طلعت لسانها : والله حفلتي وبكيفي اذا معاجبج لا تحضرين

جمان : لا يابة وتريدين اني افوت الحفلة والركص
والله لو اغيب المهم احضر واردح

كمنا تغدينا ولملمنا وكعدنا شوي صارت ب ٣ كمنا نبدل حتى من ياذن العصر نروح

فتت للغرفة شفت زينب مقتحمة كنتوري

جمان : خير ان شاء الله شكو

زينب بدلع : غير اختي والبس منها

جمان باستهزاء : امانة

زينب : هههه اي شبيج

جمان : دوخري وخري احسن لج هدوَي خط احمر

زينب : احمر لو اصفر صبريلي صاحت يمةةةة تعالي شوفي جمانة ما تخليني البس منها وانا كلت ما اجيب ملابس اخواتي موجودات

ام جمان : يااا ولج جمان شبيج خلي اختج تلبس منج

جمان: وهيا ما اجت غير ع هدومي وبعدين انتي كلشي ولا بناتج خط احمر اجيتي تركضين

زينب : دنجبي عاد من حور ملابسج

جمان : ي يختي اني لمصلحتج كل ملابسي مو حلو جان خليتج تلبسين بس ما اريد اختي تطلع مو حلو

زينب : يا جذابة دولي انا عليش جاية يمج اروح لكنتور زهراء

زهراء : اهئئئ

جمان متتتت ضحك عليهم احب استفز زينب
لبست جينز وقميص طويل ولبست شال وخلصت صحت عليهم : يلا مو الا تكشخون هوا للسوك

جوان : شوفو هية خلصت لازم الكل يكمل

جمان : هههههه يلا فضونا عاد
كملنا وطلعنا للسوك ورحنا محل فستاين اشترينا انا اخذت شي بسيط زهراء هذيج المرة مختارة البدلة بس اجت واخذتها والبنات كملو وخلصنا ورجعنا
وصلنا البيت جاي نفوت

وشفت وسام راجع من الاسواق شافني اجى يركض علية وحضني

جمان ضحكت : ها ولك

وسام : هههههه شلونج خطيبتي

جمان : ههههه الحمدلله وانتَ

وسام : زين يلا اني راح اروح لبيتنا اسر ينتضرني باي

جمان : بيباي
دخلت ع البيت

ام جمان : هههه هاذ وسام شافت واجاج مو

جمان ضحكت : ي يعمري يسميني خطيبته

ام جمان ابتسمت : والله عنده سوالف ولا تكول جاهل
دخلت بدلت وتعشينا
امي بليل طلعت عزمت كم جار ع الحفلة طلع احمد وياها كال خوما اعوفها وحدها ما طولو ورجعو

حضرت هدومي لان الصبح ما اكدر اطلع وهما نايمين وحضرت محاظرتي وقلمي ونمت

الصبح حسيت واحد يكعد بية بهدوء دحكت امي
جمان حجيت وانا فاتحة نص عين : ماما منج من الشيطان تكعديني بهدوء

ام جمان بصوت خافت : كومي ولج لا يكعدون جهال اخواتج

جمان : ها عرفتج مو حباََ بية بس والله هسه مال اغيب وارجع انام وراية حفلة وتعب بس عندي محاظرة مهمة كمت

_____________________
اسر

مرت هل يومين بدون احداث بس جنت البارحة عندي خفر بالمستشفى واليوم كعدت بالبيت ورا العشة سمعت الجرس

كوم احسان ( اخ اسر الي اصغر منه) شوف منو
طلع ورجع يحجي ويا امي

احسان : اجتي ام احمد الي انتقلو جديد عزمتكم عدهم حفلة باجر مال بنتهم

اسر كمزت من مكاني متنصع الهدوء : حفلة منو منهم

ام اسر : يمة شعرفكم بيهم هاي بنتهم مخطوبة

اسر بهدوء : لا ما اعرفهم بس اسئل هية شنو البنية شكد عمرها،
ما كدرت الزم نفسي وحاولت اسئل امي حتى اعرف هاي جمانة لو اختها والله اذا جمان احترك احس مشاعري زايد تجاهه بعد ما لاكيتها

ام اسر : امها كالت العام تخرجت

اسر تنفست الحمدلله مو جمانة لازم استعجل حتى تصير الي اصلا ما ادري ليش ليهسه كاعد ...........

يتبع .....

بارت قصير بس حتى ما اترككم 🥺 +حضرو فساتينكم اكو حفلة باالبارت الجاي 😂