رواية استاذي_زوجي الفصل الثامن عشر 18 - بقلم 𝓑𝓝𝓘𝓝♥️✨

علي
التهينا وية سامر رحت ويا اشترينة الغرفة ولوازم وكذا ورحنا اشترينا القاط مالتة واشتريت ويا على الواهس😉 واياد هو وحسام خطية ايطلعون ايحضرون مستلزمات المطعم وكذا خلينا على ذوقهم اليوم چان ثلاثاء رجعنا للبيت

سعاد: هاا يمة اشوكت ايجيبون الغرفة

سامر؛ ورة العشة باليل

علي: لضلون طابين طالعين يجون ولد حتى اياد وحسام ويانة يلة صبوا العشة من وكت

سامر: يمة علي اشترة قاط ايريد ايجدد😉

علي بابتسامة: والله انتة فضيحة

سعاد: اي شكو بيها هو انتة صارلك شهر مزوج جدد يمة جدد وهاي مرتك عبالك البارحة ازوجت شو كل يوم تحلة بالزايد احجز وية اخوك بالفندق

علي: سامر بيك شكل كتلة هسة اگوم اشگگ القاط والبس بعرسك اتراك

سامر: ههههه يابة دااتخيل المنظر هلة وإني عازم ربعي بالكلية اشطح هههه

علي: هية هاي العايزة انفضح ثاني يوم

نورة: سامر علي من ازوج ااطاني افلوس اشتري ملابس وهسة دورك

سامر: هههه ليش اني مااكتلج اني جبتلج

نورة: يمة فديتة اخوية شنو لونة

سامر: امم وردي

نورة: فدووة لگلبك حبيبي وين خالة

سامر: گدام الحمام مالتي

نورة: يااا ليش خالة غاد

سالي: هوو شنوو

سامر: النعال( حشاكم) مال تواليت طلع چبير على نالين لونة وردي گلت اطي لنور

نورة: شنوووووووو خررررب يمة شوفي وگولي اتحارشين يطني النعال ادووور مال تواليت

علي: ههههه سامر عوفها لداهرها اني اطيج فلوس خل ايوالي

نورة: والله ولا اريد
راحت لغرفتها زعلت

علي: ارتاحيت زعلت

سامر: شمالها قابل اول مرة

علي: ايجوز اخذت من خاطرها لان سالي گاعدة واستهضمت

سالي؛ ليش اني غريبة وتزعل لان گدامي خلف الله عليك
هم صعدت لغرفتها زعلت😁

سعاد: ارتاحيتوا هسة ليش هيج تحجي گدام البنية صدگ قابل غريبة

علي: وإني شمدريني صايرة حساسة عشتو

سعاد: انتة گول صالح اختك وإني روح صالح مرتك يلة

علي: مااگوم هم عوزي اصالح النسوان هه

سامر: اني اروح لنوير اصالحها

سعاد: علي گوم لتخليني ازعل عليك گوم يمة مرتك هاي لتكسر بخاطرها

علي: استغفر الله گايم

في غرفة علي

سالي: استغفرالله ربي وتاليها وتاليها ويا اهى شنو هل مذلة ياربي والله تعبت مليت خلصني منة الهي مااريدة من ازوجتة لليوم عرك مار بينة يوم متصالحين شنو من عيشة هاي اهى بس ايذل بية شنو ذنبي لان أحبة 😱 شنوو شگلت اني عززةةةة والله طلعت على لاهيتي شنوو معقولة حبيتة لااا هو هذا هم ينحب شنو

انفتحت الباب

علي: صايرة حساسة مدام شنو هاي تزعلين واعفين المكان واتتصعدين جديدة هاي اضيفها لقاموسج لان كل يوم اكتشف شي جديد

سالي: اي لعد شنوو شفت نفسك اشلون تحجي واتكول تزعل مني واستهضمت اصلا نور تگعد وياي اكثر مما تگعد يم خالة علي انتة هواي كاعد تغلط وياي شنو مسويتلك

علي بعياط: شووفي لج مو انتي اتعلميني اني علي الكل يحلف براسي مو تاليتي زعطوطة اتعلمني احترمي نفسج احسلج وعرفي على شنو چان زواجنة
وطلع

سالي: اهى اهى الله ياخذك لو ياخذني واخلص هسة صرت زعطوطة بس مو صوجك صوچ گلبي الماعرف يختار هسة اني وين وين الحب لك الله ياخذني ملليت مين مااجيبها عووجة اووف

في غرفة نورة

دخل سامر للغرفة شاف نورة خالة راسها بين رجليها

سامر: زعلان الابيض مايگلي مرحبا مارايد اكثر كلمة مرحبا لك كبد تبچي من وراية من همداني عمي النعال الي والعشرتي لج انوير ازعلين مني اني سمورج

نورة: اهى لا تحجي وياي گوم اطلع

سامر: زين رفعي راسج خل نتفاهم ولك كبدبد عمي انعلج ابو الفلوس واشتردين اني حاضر كلشي ولاازعلين واتعرضلي لا العرس يخرب اااا لايعني اقصد لزعلين ميهون علية زعلج واذا على الفلوس تعاي فد اشوي اطيج

نورة: صدگ😂

سامر: هاااي شنو اچذبين علية وتتبكبكين

نورة: ههه لعد شعبالك ولك اني ازعل منك لو تضربني چلاليق گدام العالم ابقى محمضة عليك

سامر: من طااح حضج وهاي صار ساعة لتلوگ وإني اللواگة اطلعيها بس بالامور الچايدة وانتي هسة اضحكين علية

نورة: هههه من كل عقلك اني ازعل منك

سامر: لج من وراج سالي زعلت

نورة: يااا ليش

سامر: حجالها السالفة

نورة: خررب علي ولا يجوز منها اووف والله الله يساعدها علية اووف

سامر: يلة گومي اذن واهمشي مزعلانة فديت خيتي ( حضنها)

نورة: ازعل من روحي ولا ازعل منك سمورتي

سعاد: نوور يمة يلة تعاي

سالي
ضليت ابچي هو طلع بعدين سمعت الاذان گمت صليت وبچيت على سجادتي وقريت قرآن وبعدها نزلت جوة وية خالة انصب العشة

نورة: ها سلو اتعارك وياج علي

سالي: هه عادي اتعودت

نورة: اعذريني ترة والله ماادري حيصير هيج اسفة

سالي: لا حبي عادي هية اتريد اتصير ترى عادي هاي مو اول مرة

دخلت خالة

سعاد: ها سالي يمة اعذري علي ترة هو مكان قاصد ايجرحج ترة والله ماكو اطيب من گلبة هو عصبي صح بس بالعشرة تتعودين علية واتعرفين اطباعة والله ماكوا احن من گلبة بس هذا شكلة الخارجي الي هو البرود والعصبية بس انتي ايجوز اتعرفين من داخلة شنو وانتي رجلج وصار شهر مزوجين وجوز اتعرفين اكثر مني

سالي: اي خالة ادري هو مكان قصدة بس اني شوي اتحسست بس هوة راضاني

سعاد: الله يهنيكم ابنيتي يلة صبن قبل ليجون الولد وايضلون يسبونة

صبينا الاكل دخل علي احس گلبي گام ايدگ حيل مع هو شگد اذاني بس من شفتة كلشي نسيت صبينا أول مرة من اباوع علية احس بشي حلووو معقولة هذا كلة من الحب من چنت بالاعدادية وصديقاتي يسولفن على الحب وشگد حلو مچنت اصدگ گلت لان ماكو هيج شعور بس اليوم اتأكدت اكو هيج شعور واكو حب واكو احاسيس كلش حلووة چنت قافلة على علي من سالفة كركوك مال الرگص وهسة علي هاي السالفة بس نسيت كلشي ماادري يمكن لان خليتة بالي انو اني أحبة ⁦❤️⁩ خلصنة عشة غسلت الاماعين بسرعة قبل ليجون الولد خلصت صعدت فوگ اجت وراية نورة علمود تأخذ نفانيف مني

نورة: اكلج اريد ابيض لان نالين گالت من البس بدلتي البيضة كلجن وياي ابيض زي موحد

سالي: يووو كومة ابيض عندي من چنت اشتري النيشان خالة اتگلي اشتري ابيض انتي عروس شوفي هذا قصير ادري بيج اتحبين المشلح

نورة: هاي شنو ماخذة علية فكرة هههه اي حلوة بعد بعد طلعي الله حلو هذا بنفسجي

سالي: هذا

نورة: ااي

سالي: هاج اي حلووو بعد شنو

نورة: لا حبي تسلمين مردودات

سالي: ازعل عليج والله اتلبسيهن بالعافية

نورة: يمةةة فديتج اكلج صوت وزلم يمكن اجوو

سالي: ولججج تعاي وين فاتحة الباب تعااي ليشوفج علي

نورة: حبابة بس اشوي بس اشوف ايودي😍

سالي: ايودي اخوج الصغير طيحتي الهيبة

فتحت نورة الباب اشوي واتباوع

نورة: يمةةةةة عززةةةة شوف الجمال شوف الوكفة دخيل الله شنو هل جمال ⁦😍

سالي جرت نورة وطبگت الباب على كيف

سالي: خلصتي اگعدي وانچبي استري علية ليشوفج أحد وعلي يجي ايعلگني بالبنكة

نورة: ولج يمة ربي أمة شماكلة بي ولج ايخبل

سالي: هه مو احلى من علاوي⁦❤️⁩

نورة: هااااا هااااا هوووووو

سالي: وجععع چنت ولد

نورة: هلة باع تتغزل بي گدامي متستحين

سالي: my husband( زوجي )

نورة: هلة گالبين على الانگليزي معناها زوجي مووو

سالي: اااي بالعافية علية واتريد تدخل طب

نورة: ولج اني ميتة على الطب غير على مود ايودي 😍 ايودي لو بمعهد مهندسين النظافة اروحلة

سالي: هههه الله يهديج

نو رة:هسة تعاي انخابر نالين اصورلنة الحنة الوووو و

جيهان: هلوو

نورة: هلاوو جوجو بداعتي فتحيلنة كامرة دنشوف الحنة

جيهان: اوكي راح اثبتةبمكان اتشوفون كلشي

نورة: تمام

سالي
شفنا الحنة اتخبل ونالين طالعة گمر وبدلتها اتخبل والردح نور گامت ترگص وگومتني مقبلت توبت بعد بعدين خلصت سلمنة عليها وانسد الموبايل لهناك سمعنا صوت سامر

سامر: تعاااالوا شوفو الغرفة

طلعنا وصعدت خالة من دخلت گامت اتهلل اني دخلت صليت على محمد چانت الغرفة حلووة تركية بس مو احلى من مالتنة نور گامت تردح

نورة: وسووو درب ل اخت الولد خليها تلعب جولة 💃💃💃💃💃

سامر: وسووو درب للعريس خلي يلعب جولة گام يردح

بعدين جر علي وگامو ايرگصون علي بس يفتر وايصفگ ويضحك وبعدين جروا خالة خلوها بالنص وهمة مسوين دائرة وبعدين جرني سامر گلي مشايف اخت مترگص بعرسس اخوها وگاموا ايرگصون على الهوسات بس اني اصفگ وعلي هم من گام ايرگصون چنت قريبة صارت ضكة اندفعت ردت اطيح بس علي لزمني صرت بحضنة حسيت گلبي طلع من مكانة هو ضل ايباوع بعدين انتبهنا وخرنا يعني لو ماعلي لازمني چان طحت😂 نضفنا الغرفة مالتة فرشة الفرشة لان ميگدرون اهللها مو هنا وعدلناها ياسبحان الله ريحة غرفة العروس وحدها اصير طيبة وحتى غرفتي بعدها بيها من ادخلين مبينا من رحيتها مال عرسان 😞 ضلينا انسوالف بعدين صعدت لغرفتي وراي دوام علي ميداوم إجازة هو وسامر واياد وحسام بغير كلية بس هم مجاز لان حنة سامر
اتمددت على الفراش واتاني الدقايق تمشي حتى يجي اينام يمي لشوي دخل مباوع علية غير ملابسة وطلع افراش وفشة بالگاع ضجت حيييل وإني صار ساعة متأنية بعدين شال البطانية فتحها وباوع علية😒 هيج ونزل نام على الگاع ياالله اشكد حلوو شكلة وهو زعلان داگلب باليوتيوب وشفت. اغينة زعلان مني دخلت عليها گلت صدگ توصف حالي ،
ضليت اسمعها وبعد محسيت. علي شي

اليوم التالي
علي: گعدت متأخر  اليوم تقريب ب٩ لان مااخذ إجازة گعدت شفت سالي ماكو گلت بالدوام گمت سبحت وطلعت لبسة ملابسي واباوع على افراشفها بدون وعي مني اتقدمت شلت المخدة مالتها واشم بيها اشلون الواحد مختنك وهسة شم هوة انتبهت على روحي تلفتها وطلعت واكو بعقلي وگلبي مخربط رحت لسامر شفتة نايم بغرفتة

علي: ساااامر سامر گوووم يلة

سامر: خاااب شكووووو

علي: گووووم ولك ورانة كومة شغل بلة شكلك مال واحد عريس

سامر: هسة يلة لعد شلون شكلك من ازوجت اذكر وجهك معبس يطرد النعمة

علي: دگووووم اني اني غير

سامر: يلة گايم

دخل سامر للحمام ضليت گاعد واباوع للسگف واذكر چان عندي شعور الندم بس لا حنيت نزلت يم امي صبحت عليها دسوي ريووگ ونزل سامر اتريگنة وطلعنة للحلاق طبعا حسام واياد منتضرين غاد سوية نيو لوك جماعي كلها غيرت الچهر بس اني ححدت لحيتي مغيرت بيها وخففت شعري وشطب من فوگ شلون الخط مع خلصنا كلها ادگلي انتة العريس ل١٢خلصنا لان ازدحام واحنة أربعة بعدين طلعنا للجامع صلينا واتغدينا بمطعم اتغدينا وطلعنا للحمام للعريس انطونة مناشف ولبسة وطلعنة نسبح وجلفنا سامر طلع غير شكل وچان موجودين اصدقائة ذبولة لحم اذكرت يوم عرسي بس چنت اني معبس اخ لو يرجع الزمن ضلينا على هل حال طلعنا من الحمام٣ رجعنا انحضر الحنة لان راح اتصير گدام بيتنة بدون قاعة هيج باشارع. احسن كلمن راح البيتة ايحضر نفسة دخلت كلها صافنة متغيرين وإني أول مرة احدد لحيتي دخلت سبحت مرة لخ اشوي اتمددت من التعب نمت گعدت ب٥ گمت بدلت لبست قاطي ورتبت شعري وخليت عطر ونزلت سامر چان ايبدل دخلت ساعدتة خلصنة للستة طلعنا رتبنا المراسي برة ومتفقين وية الملا يجي ورة الاذان تقريب ب٧ونص اجة عمي سلم وحسام واياد اجوا دخل سامر چانت مرت عمي موجودة سلمت. علية وباركتلة وطلع صار الاذان دخلنا صلينة وطلعنة اجة الملا والتموو ولد المنطقة وگام ايذب هوسات قوية وكلها بالنص تردح بعدين گال سوو درب لا خو العريس خل يلعب جولة بالبداية گام ليدفعون بية بس بعدين گمت ارگصلة كلها متفاجئة هووة خطية گام يبچي رحت شبگتة وگتلة اذا بعرس اخوي مااركص بعرس منو ارگص بعدين ذبنة هوسة وگمنا نرگص اني ويا وعمي وكلنة بعدين عمي حنا سامر وعشينة الناس س الولد مقصروا نضفوا الشارع هااا نسيت اگلكم بيت خالتي رسل چانوا جاين خلصنا ل١٢تعبنة دخلت سلمت وصعدت لگيت اهدومي محضرتهن والحمام جاهز دخلت سبحت وبدلت ونمت من التعب  

سالي
من اجة علي وشفتة اشلون محدد لحيتة وشعرة طالع ايكتل يمة اشلون شخصية فديتة صعد فوگ بعدة شايل خشمة شفتة نايم اتقربت علية ضليت اباوع لشكلة اشلون رجولي بعدين نزلت لان اليوم تجي خالة رسل اجت للعصر وية ولدها وسلام وكلام نزلوا علي وسامر اباوع لعلي هوة العريس وقاطة ايكتل علية اليوم ناوي ايخبلني طلعوا ورة اشوي اجت مرت عمهم سلمت علينة واعتذرت على السوتة سمر خالة گلتلها الفات مات والولد مرتاح بعدين دخلوا صلوا وطلعوا وعلي ولايباوع بوجهي لهناك سمعنة صوت الردح ياااي اتخببل الحنة هيج بالشارع نورة متحمملت گامت اتهز خابرنة نالين گلنالها اسمعي حنت رجلج وهية تضحك سدينا وخلصت الحنة رجع علي بدل لا قاطة ابيض ورجع نزل ضل اينضفون بالشارع عمو اخذ مرتة وراح بس حسام يبقى حتى اياد مسويلة حفلة توديع العزوبية نص الليل نور مكيفة اياد حيبات دخلوا ل١٢ علي صعد نام والولد بالصالة گاعدين ضحك واسوالف ورگص صعدت فوگ شفتة نايم على الچرباية كيفت رحت نمت يمة سويت طگطكة هوة فز باوع علية وگام نزل جوووة انقهرت حييل گمت ابجي گلت هيج مطايقني نمت والدموع بعيني اتعودت ها عادتي من انخلقت لليوم

علي:
نمت من التعب گعدت على صوت طگطكة شفت سالي باوعت عليها خليت وطلعت بعدني ضايج منها نزلت جوة دخلت كلها گامت اصفك واصوفر عبالك المطرب مالتهم ضلينا انسوالف وتضحك ونرگص

اياد: يلةةة شباب ناموا خل الولد يرتاح بأجر ورى سهررررر😉

الكل: هووووووووو

بعدين نمنة ل٤ گعدنة على ال١٠ سونة ريوگ اتريگنا كلمن طلع غراضة هذا اليكوي وهذا اليسبح اذكرت قاطي هسة اكيد معفس صعدت شفتة معلك بالزاوية ومكوي وبي عطري اتفاجأت كلت اكيد سالي نزلت وية الولد صار الغدة محمد راح ودة الغدة للصالون للعروس وهناك ايجيب بنات خالتي لان اجن خالتي ورجلها مااجوا لان عيب أهل البنية ايحضرون زفت بتهم ل١ اتغدينا خلصنا صعدنا لغرفة سامر طلعنالة القاط بالاول ضل ايرگصوا كل هاي اللحضات حسام ايصور بالكامرة ل٢ گاموا ايبدلون دخل سامر سبح وطلع سولة الولد شعرة وإني لبستة قاطة وساعتة ضلينا گاعدين نزلنا جوة حتى ايعدلون الغرفة نسيت. موبايلي بالغرفة صعدت اجيبة دخلت الغرفة واشوف سالي يبووي انثولت لابسة ثوب مخصر ابيض وخالة مكياج اسود واحمر ضليت صافن هية ظنگت وضحكت انتبهت على روحي رحت جبت موبايلي سويت روحي العب بي وهية رجعت اتخلي مكياج ضليت اباوع من جوة. لجوة ل٤ طلعنا زفة انجيب العروس من الصالون بس الزلم لان انجيبها للبيت وبعدين انزفهم للفندق سامر اخذ سيارتي مزينها وإني وية اياد رحنة جبناها وديناهم للمصور اني استلمت الكامرة ودخلت وياهم بس غاض بصري عنها طكو وخلصوا زفيناهم للبيت بعدين نور اخذت الكامرة ودخلت

نور

سالي

من دخلت الزفة حنيت لأيام عرسي دخلوا ونالين ماشالله اتخبل گعد اشوي سامر وبعدين طلع ضلينا نرگص واخواتها همين بعدين صعدنا للغرفة مالتها گعدت بيها وصعدن خالة وخالة رسل وجيهان اني ماصعدت استحي من هيج مواضيع ممارة علية وجودي والعدم سوية البنات مدخلن مقبلت خالة نزلت يم درة لان هم عازميها هية وامها

درة: يمةةةةة شنو وو هل جمال انتي العروس وعلي

سالي؛شكرا حياتي

فاطمة: خالة سالي: ديري بالج من العين انتي حلوة اقري المعوذات

سالي: انشاللة

درة: علي لعمى بعدة كل جمال ومقام والله رجال

سالي: اووف اندري اشوكت يستسلم

درة: هاااا ولج طالعة عينج ليش تردي يستسلم😉

سالي: ههههه لبالي بالج

درة: ههههه

ل٧ دخل علي گل لأمة اشوي ونطلع حضروا روحكم جهزنا نالين گامت تبچي بين خوف وبين اشتياقها لأهلها المهم بدلت وخففت المكياج بعدين دخل سامر مبين فرحان بس من شاف سمر عبس نسيت اگلكم سمر اجت للعرس واسلم من ورة خشمة مانة علينة شگد صلفة كلشي صار. وبعدها خشم يابس وجاية للعرس المهم سامر اخذ نالين وطلعوا احنة همين

علي: تعالوا احنا انرووح وية اياد

سالي: بس درة وامها اشلون

علي:: اصعدي اني ادبرهم

علي: السلام عليكم درة انتي وامج تعاي صعدي وية بيت عمي محد وياهم

صعدت درة وياهم لان سمر مااجت رجعت للبيت وية ابن خالتها زفيناهم للفندق نزلت وية سامر وامي سالي ونورة ضلن بالسيارة وديناهم للغرفة سلمنا عليهم ونزلنا رجعنا للبيت امي صعدت صعدت سالي بدلت ونزلت اينضفن بعد اني نمت ماحسيت بشي

غرفة العرسان 😍

سامر: مبروووك نالين

نالين: مبروووك علينة

سامر: تعاي احجي وياج بموضوع اگعدي

نالين: شكوو

سامر: شوفي نالين قبل مااخطبج چنت احب سمر بت عمي وخطبتها ورفضتني بساعتها اني گلت لامي اتخطبج وهيج اني وياج خطبنة ادري موضوع صعب عليج بس هاي حقيقة شوفي نالين دائما احب ابدي من الصفر متوگف حياتي على انسان ميستاهلني اريد ابدي وياج من الصفر شوفي اني ما راح اچذب عليج واگلج احبج بس اريد منج اتخليني احبج

نالين: يعني اني لحضة غضب اهى

سامر: لا لتبچين انتي مرتي وام بيتي گومي غسلي وبدلي وتعاي اتعشي

نالين
گمت بدلت بس محروگة من جوة هاي اول يوم وبچيت ( الله يساعد سالي)
لبست سيت نوم وطلعت هوة ضل صافن اني چنت زعلانة رحت يمة اتعشينا وخلصنا

سامر: يااحلوو بعدك علي زعلان

نالين: اهى اشلون متريدني ازعل وانت كلبك مو الي

سامر:ليش تبچين اذا على سمر فهاي مجرد بت عم صارت انتهت من گلبي

نالين: سامر اني احبك ومن چنت اراهق ولهسة وانتة اتگلي لحضة غضب

سامر
من گالت احبك اتفاجأت وگامت تبچي فقدت اتقربت منها بستها على الخفيف هية ضلت متصنمة بعدين حسيتها گامت تتجاوب وياي اتعمقت بالقبلة اكثر اثنينة فقدنا بعد نزعتها الروب فوك السيتت  وضليت اتلمس جسمها هية ذايبة بين ادية وديتها على الچرباية وضليت ابوس بيها نزلت على رگبتها دنرتها گمت اتقرب اكثر إلى أن اخذتها

سامر: يلة فضت خو مااتأذيتي

نالين: كلشي منك مثل العسل عندي

مسحت. دموعها

سامر: صرتي مرتي مبروووك

نالين: الله يبارك بيك

اهنا ناموا اثنين بعد مااتحدوا وهم فرحانين بس بغير مكان اكو گلوب مكسورة وعيون مليانة ادمووع

سالي
ممتمدة على السرير وابچي ابصمت

للي ماطلع عدهم