سالي
نايمة على فراشي علي يمي بسابع نومة نايمة وابچي اي ابچي اول مرة ابچي من الغيرة اول مرة ابچي لان اغار اول مرة بحياتي اغار اغار من عرسان نايمين واحد بحضن الخ اغار من ليلة عرس اني ماعشتها ابچي على احلى ليلة بعمري گضيتها مثل الي بالغيبوبة نايمة وابچي بس بصمت احس شهگاتي بداخلي كل شهگة تأخذ عمر وياها اتشگ گلبي من الوجع اباوع على السگف بس اتخليت كلشي ماكو ودااباوع على السمة واحاجي ربي
عن حال سالي
- إنه لأمرٌ مُحزن أن أفتقدك وأنت بجانبي ، !
سالي في نفسها: ربي شوكت الفرج اللهي ربي محرووگ كلبي اريد اطفي رجلي نايم يمي مثل مينام اخو يم اختة اللهي ليش بالدنيا مالي قسمة فرح ااااخ ربي مو اثنينهم نفس الشي مو اثنينهم انغصبوا ليش بس قسمتي هيج ربي سامحني انتة ادرى بحالي
ضليت ابچي وابچي وابچي الى ان نمت
الساعه 7:00
علي
گعدت من النوم درت شفت سالي نايمة بس خشمها احمر وجها مصوفر گلت جوز من تعب البارحة طلعت ملابسي سبحت نزلت لگيتهم امي وخالتي وبنات خالتي شيماء گاعدات دگيت على سامر
علي: الوووو هلا بالعريس شلونك
سامر: هلا بابو حسين زين شعدك گاعد من الصبح
علي: لك ياصبح هذا گوم لعد البااارحة لوين يلة نمت
سامر::. ابو حسوني طالعة عينك يعني شعدي
علي: ديلا حضروا نفسكم ساعة هيج واجي
سامر: اي ماشي
علي: يلة مع السلامة
سامر: الله وياك
جيهان: علاوي عفية شوفنة سايق لان ورة الضهر نطلع
علي: شعدكم يابة دضلوا هو انتو البارحة اجيتوا
جيهان: لا يمعود رجلي ثبرني من البارحة ايدگ اشوكت تجون ما شوكت
علي: هههه حقة غير مرتة ماشي بعيني اني اشوفلج
جيهان: سالمة عينك ابو حسين
علي: ههههه وصللكم اللقب
جيهان: هههه اي محمد گلنة
علي
سالفة اللقب بالحنة الملا من ذب هوسة الي لان اخو العريس گال علاوي ابو حسين وهمة بعد لزگوا بيها وهسة صار ايلقبوني ابو حسين گعدت اشوي كلت بلكت تنزل سالي اشوفها ماادري ليش ادورها بين اعيوني بس اريد اشوفها مع انو اني معصب منها بس اليوم مطولة بالنومة جوز تعبانة طلعت رحت للعرسان
الفندق
سامر
چنت نايم وحاضن نالين فزيت على صوت الموبايل علي يتصل فتحت حچيت ويا وگال راح اجيكم من سديتة باوعتلها اشلون نايمة بس اثار ادموع يمكن متأذية مال الباحة چان ضهرها علية اني حاضنها من ورة ماادري ليش حسيت بشي تجاها گمت ابوس بيها علمود تگعد ماگعدت لان تعبانة بعدين گمت ادغدغ بيها شفتها گامت تتبتسم بس بنعاس
سامر: صباح الخير ياعروس
نالين: صباح الورد
سامر: متگومين لازم حلتلج النومة
نالين: اي والله حييل تعبانة
سامر: من شنوو 😉
نالين: ساامر حباب لتخجلني
سامر: هههه ماشي بس وين اشردين راح اسبح لان حيجي علي
نالين: اي خوش ادخل انتة وبعدين اني وراك
سامر: زين شنو رأيج نختصر الوكت وندخل سوةة
نالين: خااب حباب كافي
سامر: هههه تمام تمام ماشي
دخلت سبحت اليوم كلش مرتاح طبعا اني البارحة نسيت سمر وعشيرتها طلعت نالين كارثة احس ضالمها لان البارحة ورة كل حركة احسها اتبادلني بحب بس حعود نفسي عليها وراح احبها وسمر اني اعلمها طلعت لگيتها لابسة السيت مالتها مال الباحة تنتظرني اطلع طلعت ضحكت بوجها بادلتني بخجل ودخلت بدلت ملابسي هية طلعت لافة المنشفة على جسمها
سامر: هاااي شنو مو توني سبحت
نالين: اي ادري
سامر: هههه فديت الي ميفتهم يعني اسويلي اغرائات من الصبح
نالين بخوف: لا. والله بس نسيت اهدوومي
سامر: تمام تمام ليش هيج خايفة ترة والله مااخوف يلة بدلي علي على جية
نالين: اي ماشي
من الباحة من حجة وياي على سمر وهذيج السالفة ضجت وگمت ابچي لان أحبة بس بعدين باسني وجرني للفراش حسيت اكو امل يعشقني مثل مااعشقة مبينة من لمساتة بس من أخذني اتأذيت هواي بس محجيت ضليت اون باليل نمت متأخرة من الوجع گعدت الصبح على بوس سامر وبعدين دغدغني وصار حوار بعد دخل سبح وإني بدلت وجهزت نفسي ورة اشوي اجانة علي نزلنا سلم على سامر وباسة وباركلي صعدنا للسيارة وسامر يداهر وية علي وعلي بس يضحك عبالك هوة العريس مبين رزن دخلنا للبيت والهلال ضبحوا ذبحية جوة رجلي دخلنا هلاهل وچكليت شي ايجنننن دخلنا گعدنا اشوي بعدين طلع سامر يم الزلم وصعدوني لغرفتي ريحتها اتخبل سألوني على الباحة گتلهم لا كلشي تمام ضلينا گاعدين صعد سامر اداهر وياهم اشوي وطلعوا بدل وإني هم بدلت
سامر: اي عيني تعاي احجي وياج
نالين؛ هااا خليني اهنا احسن
سامر: لج بابة تعاي كلشي مااسويلج بس احجي وياج تعاي
نالين: اجيت
سامر: اي من اشوكت اتحبيني
نالين: ههههه هو قبل مرحلة المراهقة بس من راهقت عشقتك وشوي اشوي كبر وصار جنووون
سامر: لهل درجة
نالين: وااكثرر من ماتتصور
باس أيدها : الله ايقدرني واهنيج وأخرج فوگ حبج الي لان تستاهلين ترة اشتاقيت
نالين: لاااا عفية سامر والله تعبانة
سامر: وهاي عبرناها بس باليل وين ترحين الاطحين
نالين: اهووو خوفني بعد اشبيك
سامر: هسة عرفت اشبيج اثاري اتخافين ترة متخوف بس اول مرة وفضت زين تعالي نامي اني نعسان خل انام
نالين: اي والله اني همين
غرفة علي
علي
دخلت لغرفتي لگيتها توها گاعدة
علي: هاي شنو توج گاعدة
سالي: ااي
علي: اشعجب متأخرة اليوم مو من عوايدج خاف مريضة
سالي: لاا بس تعبانة من البارحة بس ايروح الله يساعد تعب گلبي
علي: شنو قصدج
سالي: مو مهم تعرف
ردت امشي وهو جرني صرت اگبالة وقريبة علية انفاسي وانفاسة سوة گلبي گام ايدگ حيل
علي: شنو مو مهم اعرف احچي شنو قصدچ
سالي: مااا قصدي شي بس هيج احچاية طلعت
علي: ليش دتعذبيني
سالي: شنوو شمسوية
علي تركها
علي: ماااا اااا اكو شي اطلعي
طلعت سالي حسيت گلبي طلع وياها من اتقربت منها اتخربط وضعي عبالك بغيبوبة كلشي مااحس بقربها معقوولة لاا لا لا مستحيل اني عفت درب الحب من زمان بس ليش من موجودة انسى كلشي انسة اهلي انسة تعبي انسة غضبي منها حتى انسة رووحي بس معقولة احبهااااا❤️😨 والله احساسي هذا ماحسيتة وية وحدة بس اكيد هية متحبني لان مغصوبةةة اووف ربي دخليك رحت اتمددت واتگلب ماگدرت انام اتأكدت احبها لان نمت على مخدتها يلة ارتاحيت وغفيت
سالي
طلعت وخدودي احس يطلع منها نار واعرگ وگلبي ايريد يطلع نزلت جوة سلمت سألت على نالين گالوا صعدوا فوگ بغرفتهم اني ضجت مع اني ابد ماعدي هيج خصال بس كأي بنت بنفس الوضع وصار وياها يلي چنت اتحصر علية المهم التهينا بالطبخ وناس وهوسة چانت ام حسام موجودة اتساعدنة المرة مالت الله كلش حبابة عكس سمر صار وكت الطبخ نزل سامر ورى بشوية نزل علي چانت نضراتة متغيرة احسة ايباوع من جوة لجوة بس بداخلي حيييل ولاعبالك مزوجين نضرات الي بينة نضرت غريب يستحي ايباوع من الناس بس بالبوگة وكت الغدة سبونة الزلم لان الناس تنتظر ولايتحملون حوصلتهم ازغيرة دنصب اجة علي
علي بعصبية: لااااا صبون يلة الناس راحت كلمن لبيتة اذا الوحدة منجن اصب خاشوگةةةة
فؤاد: علي تطلع لضل كلسع طاب اتتصيح عيب منا الناس انتة معليك حسام يأخذ الاكل
علي: اي مشوفهن ياعمي
فؤاد: خللص اطلع
كمنا نرجف علي ابد ماعدة صبر بسرعة ايعصب گمنا انصب حسام گام ايناوش اياد ولد خالة رسل هم مقصروا كملوا غدة غسلنة الماعين سوينة چاي علي بعد مشفتة لان عمة ميقبل يدخل ايضلط ايصيح متت من التعب على فد وگفة ولا ارتاحينة ومنا علاوي ايگمز على الروس غسلنا المطبخ صارت تقريب ب٣ نزلت نالين سلمت عليها حضرن البنات روحن لان يرحون بالأربعة يجي السايق اني ونورة كملنة الشغل خلصنا بدلت لبت جيهان لان ميلحگون خلصوا اجة السايق ودعناهم وراحوا نالين گامت تبجي لان اهلها خطية اول مرة اتفارگهم مثل حضي اني بنص العرس شردوا اووف استأذنت صعدت سبحت اشوي ارتاحيت حطيت راسي على المخدة بس بيها عطر علي بس هذا مكاني اشلون گلت ايجوز بدل مغيرتها حضنتها ونمت مااحس الا على طگطگة الكنتور شفت علي ايطلع الملابس وايرجع
سالي: هااا شكووووو
علي: خااااتون ليش القمصان ممكوية
سالي: يووووو نسيتهن والله بعد ملحگت
علي: مصار شي گومي اكوي هذا
سالي: اي گايمة
اتفاجأت من ردت فعلة معصب گمت اكوي بالقميص چنت لابسة دشداشة نص ردن وشوي اقصيرة لونها اصفر وية شعري طالعة اشرد حسيت بنضراتة الي اتضايقت بالگوة كملت اتلبكت
سالي: اتفضل كويتة
علي: مرة ثانية لتنسين
شفت اهدومي ممكويات عصبت من شفتها گعدت وتفرك بعيونها نسيت عصبيتي گامت توكي القميص چانت لابسة دشداشة صفرة ربع ردن وقصيرة اشوي يابة وشعرها اصفر حالتة على طولة وهية بيضة يابوية سبيت جدي ضليت اباوع عليها حسيتها اتلبكت من خلصت اخذت منها القميص لزمت أيدها حبيت اتحرش بيها باوعت علية بصدمة وخرت أيدها اخذت منها القميص وبدلت ونزلت
سالي
من كويتة اطيتهيا لزم ايدي باوعتلة بصدمة وخرتها هووو راح ايبدل اني ضحكت گلت يمكن الله استجاب دعواتي
بدل ونزل رحت اشم بالتشيرت مالتة الي نزعة يالله ريحتة اتججن عبالك مغسول ومعطر بعدين ذبيتة بدلت ونزلت لان اكيد ناس طابة طالعة نزلت العرسان بغرفتهم اجونة خطار نورة راحت اتصيحهم نزلت تضحك ضحكت گلت هاي اكيد شافت شي لان ادري بيها متگعد راحة نزلت نالين وسامر طلع وضل خطار ايجر خطار نالين مبينة تعبت گلولها اصعدي فوك راحت صعدت واحنة ضلينا
بالمطبخ
نورة: اكلج لو شايفة البارحة اياد اشلون ايباوع بالمراية واليوم صرت اگبال الصالة من فتحوا الباب اخذ الصينية شافني ضل صافن
سالي: يالله يعني اكو تطورات
نورة: يااارب ايصير الي بالي
سالي: خايبة وينج وين الزواج والضيم ضلي بيت اهلج مدللة
نورة: هاااا علاوي ضيم
سالي: انجبي مااحجيت هيج
نورة: اي لا ترة مو كل الناس مثل رجلج
سالي: راح افشخج بالماعون ترحين فدووة لعلاوي
نورة: انتي صدگ متستحين اتقبلين اتغزل باخوج گدامج بنات اخر وكت
سالي:. ههههههههه عزة بعينج
اجة وكت الغروب صلينا وصبينا عشة وغسلنا الاماعين وبدت سالفة الخطار ل١٠ فضت كلمن راح لغرفتة متنة تعب
في غرفة سامر
سامر: هاي شطالع ياحلو كلمن يلبس احمر هيج يطلع
نالين 😊😊
سامر: اروووح فدووة للخجلان تعااي تعاي شو ولااشبع
نالين: حبيبي ترة الليل بدايتة
سامر: خاب تعاي اليوم صباحي
اتقربت منها ابوس بيها هية بعد استسلمت نزعتها ثوبها نزلت لرگبتها دنرتها ووووووو💏💏💏💑(ياااا هاي انتو اهنا وإني عبالي طلعتوا ولاتستحون يلة گدامي عرسان همة انتو شكووووو )
في غرفة علي
علي: باجر ترى دوااام
سالي: اي ادري السنة غبت كووومة كود الله اطلع
علي: لا انتي مينخاف عليج شاطرة ماشاء الله اريدج اترفعين رأسي
سالي: راسك دووم مرفوع انشاللة
علي: دفي الضوة يلة نامي
سالي
طفيت الضوة رحت اتمددت مشعلت تيب اللام صاارت ظلمة ماكدرت انام ضليت گاعدة گلت اكيد علي بسابع نومة مااحس الا ايد صارت على خصري فزيت طلع علي حضني من ورة عبالة نايمة معقووولة😨 بعدين حضني صرت يمة مثل العصفور بس اتفاجات وبنفس الوكت فرحت حيل نمت وإني اضحك
الكل نام عم الهدووء
مرت شهرين ( خل نعرف اشصار)
سالي
مر شهرين بهاي الشهرين اتحسنت علاقتي وية علي نضرات وباليل من ايشوفني انام يحضني ودائما نگعد الصبح واحد بحضن الخ وحتى بالجامعة گام هوة ايوصلني وايتاني اطلع ويا وبالقسم عينة بس علية من يشرح ومرات ايحيبلي هدايا كلش حلووة ومرات نطلع يعني احسنت علاقتي بس مو اشلون ماكان اباووع بعيونةة مليانات حب وعشك حتى درة اتكلي وامتحنة نص السنة واول مرة ايجيب اسألة سهلة حتى الطلاب مخبوصين سشجلوها بالتاريخ درة اتگلي انتي رحمة للطلاب لان جابها سهلة على مودي
سامر
نقلت نالين يم نور حييل ارتاحيت وياها انثى بمعنى الكلمة الي دائما أبالي نسيت شي اسمة سمر گمت اعشق نالين حيل مداريتني معتنية بية شاليلتني على كفوف الراحة الغرفة أربع وعشرين ساعة تلمع صاح جانت نور اتنضف بس مرات اتخبث وياي لو عدها امتحانات وإني طبعي فوضوي ومن ادخل الگها هية والغرفة تلمع حتى من أدخل للغرفة واشوفها تدرس نص السنة اروح اتحارش بيها اتعوف الدراسة وتجي وياي😉 مطلع عينها بس مرات اساعدها اراجع الها واشرحلها اذا مفاهما شي باختصار احبك كلش هواية
__________________________________
انتضروني بأجر انشاللة بأجر انشر. بارت طويل واحداث جدا مشوقة وحيكون تمهيد للبارتات الأخيرة
توقعاتكم للبارت الجاي؟
تقييم البارت من١٠؟
البارت اهداء لاصدقائي القراء❤️❤️
أكره كلمة كملي واشوكت اتنشرين لتحجوهن بليز وإني مااتاخر علمود تعليقات هواي خلوها بالكم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!