رواية استاذي_زوجي الفصل الثالث 3 - بقلم 𝓑𝓝𝓘𝓝♥️✨

# بعد مرور شهر
علي: صباح الخير
الطلاب: صباح النور
علي: شوفي اني كل سنه اسوي بحث وأرسله للخارج اختار طالب متميز من كل مرحلة وطبعا من ومرحلتكم راح اخذ منها سالي خليل لأن هيه ذكيه ومميزه مو بس عندي عند كل الاساتذه شتگولين سالي
سالي: ااا استاذ والله ما اعرف شگول يعني شرف الي اسوي بحث ويه خضرتك
علي: ماشي لعد اتفقنا
اكمل الاستاذ علي محاضرته وخرج
درة،: ياعيني شنو هل المديح متميزه وذكيه وشاطره
سالي: ممكن بلا كلامج الفاضي
درة: ايبااا سالي شگد محظوظة شفتي گال موبس عندي عند كل الاساتذه
سالي: محظوظة ههههه اصلا هاي الكلمة ماعرف شنو معناتها من وره خولة
درة: اووي اسفه والله مو قصدي
سالي: لا حياتي عادي بس يلا امشي اتأخرنا
مرت اربعة ايام قمت بانهاء البحث هه تتسألون لماذا بهذه السرعه هه فأنا اسهر عليه لاوقات متأخره وانهيته بسرعه
في الجامعة
سالي: اا استاذ اني خلصت البحث واشوكت اقدمه
علي بصدمه: شون خلصتي بهاي السرعه
سالي: ههه استاذ خلصته
علي :هههه ماشي شوكت ايكون ماعندج محاضره تعاي للمكتب واشوفة
سالي: ماشي استاذ
انتهت محاضره الاستاذ علي ولسوء الحظ لم يكون هناك شاغر ابدا
سالي: يالله والله حموت من التعب
درة: اخخ يمه اخخ بويه تعبت دماغي وگف ظهري اتكسر اف شنو يردون ينتقمون من عدنه ولج همزين ماعدي بحث چا متت
سالي: عزززززة البحث لهسه مقدمته
درة: يبووي لج روحي اكيد هسه ينتظرج
سالي: لججج عزة بعيني خل اروح يله باي
درة: باي
ذهبت الى مكتب الاستاذ علي طرقت الباب وانتظر رده
علي: اتفضل
سالي  دخلت للمكت ورأيته لم ينظر في لانه كان مشغول باوراق على الطاوله
سالي : استاذ البحث
علي: هاا سالي اي ماشي گعدي احنا بين مااخلص الاوراق الي بيدي
سالي: ماشي استاذ
جلست على الكرسي انتظره بعد مرور مده تأخر الوقت وشعرت بالملل كثيرا
سالي: استاذ خلصت اتأخر الوقت
علي: هاا اووف نسيتج اي خلصت يله
قام من مكانه وذهبت ورائه دخلنا الى غرفة الاجتماعات وكانت عازله للصوت والضوضاء
علي: يله اطيني البحث اشوفة
سالي: اتفضل استاذ.   قام بقراءة البحث وكانت علامات الدهشة على وجهه
علي: لج هاي شنو ابد متوقعت يطلع هيج بحث باربعة ايام هههه انتي كارثة صدگ اهنيج
سالي: ههه شكرا استاذ
علي: هو شويه يرادله تعديلات يله نبلش
سالي: ماشي استاذ
قمنا بتعديل البحث وكنت اشرح له عن الطريقه وهو أضاف منه بعض الافكار لكن استغرق وقت طويل
في جهة اخرى
درة: هاي وين صارت معقولة طلعت ومشفته اي لأن مستحيل تبقى لهذا الوقت
اكيد طلعت اني هم لازم ارجع اتأخر الوقت
في جهة اخرى
الحارس: خل اقفل المكاتب مال الاساتذه واطلع
قام الحارس بقفل الابواب وصل لمكتب الاستاذ علي  دخل الى للمكت والقى نظره
الحارس: اكيد ماكو احد لأن الاستاذ علي ميبقة لهيج وقت خل اقفل الباب
اقفل باب وذهب

في غرفة الاجتماعات
سالي: استاذ ال قت اتأخر وصار لازم اروح نگدر انخلص باجر
علي: اي صح اتأخر الوقت ماشي باجر انكمل لعد يله
سالي: يله
خرج الاستاذ علي وخرجت ورائه قام بجمع اغراضه وقال: بما انو اتأخر الوقت اني حوصلج
سالي: الاستاذ ماكو داعي مااريد اتعبك
علي: لا اشلونكم اتاخرتي بسبي
سالي: ماشي
اكمل من جمع اغراضه وذهب باتجاه الباب واراد أن يفتحه وكانت المفاجأة
علي: هاي شنو
سالي: خير استاذ شكو
علي: ماادري الباب مقفول
سالي بصدمه ،: شنوووو
سالي: استاذ شوفه خاف معلگ
علي: ماكو يالله شنو هل الورطه
سالي ببكاء: اهئ ياربي اشلون هسه شون ارجع للبيت
علي: رجاء ممكن متبچين لازم اكو حل
قام باخراج هاتفه واراد انت يصل لكن فجأ انغلق الهاتف
علي بعصبيه: يالله مو وكتك اوووف
سالي: شكو
علي: الموبايل خلص شحن
سالي: يالله شنو هل حظ
علي: زين اطيني تلفونج خل اخابر منه
سالي:: اا إني ما عندي تلفون
علي بنفاذ صبو: شنووو اكو وحده ماعده موبايل اووف
سالي: زين اكسر الباب
علي: هاي الباب غير قابل للكسر
سالي: اوووف ياربي شنسوي هسه اهئ يالله هسه اهلي ايموتوني
علي: شنو انتي طفله ايكتلوج
سالي: استاذ مو يكتلوني هيج يمكن ايموتوني خلاص اذا ما ارجع للبيت
علي: اوووف ماادري مين اجت هاي الورطة
سالي: استاذ ماكو حل
علي؛ للاسف لا
سالي: اهئ اهئ اهئ ياربي هسه شلون ليش هيج المصايب تنزل وحده وره الخ
علي: ماعدنه خل غير ننتظر للصبح لتخافين يجي الحارس قبل الكل واحنه نطلع بدون محد ايشوفنه
سالي: استاذ شنو هل الحجي اتريدني اليوم ابات بره البيت ويا واحد غريب والله يذبحوني
علي: بس احنه مابيناتنه شي ولا راح ايكون
سالي: استاذ اذا شفت اختك واستاذه بغرفة وحدهم ومقفولة الباب عليهم شنو راح اتفكر
علي: ماادري اوووف بس احنه هسة لازم ننتظر للصبح
سالي: اهئ ماشي ننتظر
بقوا الإثنان في نفس الغرفة ينتظرون خروج الصباح بااقصى سرعة تعبت سالي من الانتظار نامت على الاريكه التي في المكتب علي ظل مستيقيظا لكن عينه أتت على سالي وهي نائمه ظل ينظر إليهم ويتأملها ظل علي مستيقظ لم ينم ابد
اي جهه اخرى
خولة: هايي وينه لهسه مااجت
خليل: لعد سالي لهسه مشفته
خولة: هااا سالي
خليل: هاي اشبيج اتلبكتي گتلج سالي
خوله: بصراح هيه لهسه مجت من الجامعة
خليل: شنووو اتخبلتي انتي شنو هذا الكلام شلون لهسه هيه بالجامعه وكت عشه هسه خاف يم بيت صديقته درة
خولة: ماشي هسه اتصل واشوف
خولة: الو هلو عيني اشلونج.... الله يسلمج ..... بس اريد اگلج سالي اجتكم اليوم ويه درة..... شنو ماجت هاا زين عيني ممكن تنطيني دره احجي وياها
... تسلمين
درة: الووو
خول: هلا بنيتي اكلج لعد سالي وين
درة: ليش سالي وين مااجت
خولة: لا هو اني داسأل عليه
درة: لا ماجت بس هيه راحت اتقدم البحث للاستاذ ومن اتأخرت اني گلت اكيد رجعت
خولة: ماشي يلا مع السلامه
درة: زين اذا عرفتوا اي شي گلولي
خولة: ماشي مع السلامه
درة: الله. وياج
خليل: هاا
خولة: مااموجوده بيت صديقتها
خليل،: يااللهي البنيه وين راحت
خولة: والله هاي بتك شو شعده هسه درة كالت راحت تنطي البحث للاستاذ ماللته واتأخرت شو شعده ويه الاستاذ مالته
خليل: انتي شلون هيج تحجين هااا
خولة: والله اني مااحچيت ششي غلط هاي البنيه راح انتزل راسنه وهسه  اشوف
رزاق : شكو شبيكم اتصيحون
خولة: سالي لهسه مااجت
رزاق: شنوو لعد وينها لهسه واحنه من اشوكت عدنه بنات اينامن بره البيت
خليل،: خلص كافي هسه تجي ونعرف
مرت الساعات وتصبحت الساعة الواحدة بعد منتصف الليل
خولة: هاا اشگتلك شوف الساعة ١ ولهسه مأجت يابنيه اضل لهسه بره البيت
خليل: اسكتي كافي فوگ ضيمي انتي
رزاق: هاي نهايته على ايدي شوف هسه راح تدخل للبيت بس جثة اني اعلمه هاي ال..... اني اعلمه
في جهة اخرى
اصبحت الساعة السادسه صباحا ولم يأتي الحارس
علي: اووف هذا وينه لهسه يالله مو من عوايده خل ننتظر فد اسوي لخ
اصبحت الساعة السابعه ولم ياتي
علي: يااللهي راح يبدي يجون الطلاب ولهسه الحارس ماكو
استيقظت سالي من النوم مفزوعة
سالي: بيش الساعة
علي: بسبعة
سالي: شنووووو
علي: شبيج
سالي: والحارس وين
علي: لهسه ماكو
وضعت سالي يدها على راسها وقالت : هاهيه هاهيه انفضحا استاذ
علي بعصبيه: خلص كافي ثولتيني گتلج مراح تصير شي
اصبحت الساعة الثامنه
الحارس : يالله اني كلش متأخر هسه الاساتذه منتظرين اووف شمالني اني اتأخرت اكيد راح انطرد
# سالي
كنا جالسين ومتوترين كنت ابكي بصمت والاستاذ علي يهزز قدميه الى أن سمعنا صوت المفاتيح قمنا بفزع
سالي: اي واخيرا
دخل الحارس وفزع
الحارس: ااستاذ شنو
علي يقاطعة: حضرت جنابك البارحة فافل الباب علينا و والبارحه محبوسين اهنا احنه
الحارس: اعذرني استاذ بس البارحه اجو اقاربنه وضلينا سهرانين واتأخرت
علي:. وهمه مالگو بس البارحه يجون
خرج علي وخرجت معه وكان هناك بعض الطلاب ولقد رأونا مع بعضنا اوو يااللهي ماذا سيحدث
علي: يله تعاي اوصلج
سالي: لا استاذ ميحتاج اني ارجع
علي: لا تعاي اوصلج لأن راح تأخرين فوگ ماانتي متأخرة يله
سالي: ماشي
ركبت معه السياره وكنت شابكه يدي بتوتر وكان الصمت سيد الموقف بعد مرور نصف مده قال: هذا العنوان
سالي: اي هاذا شكرا استاذ تعبتك ويايه
علي: لا ولو تعبج راحه
سالي: يله مع السلامه
علي: الله وياج
نزلت من السياره وذهبت للبيت وكانت هناك الفاجأه رأيت ابي يجلس وعيناه حمراء من شده الغضب واخي عندما يراني كأنه اسد جائع ورائ فريسته
خليل بصراخ: وين چني لهسه خاتون
سالي: ب ب بااابا
رزاق: اي احجي بيا وصاخة چنتي
خليل: ولج احجي وين چنتي خابرنه صديقتج گالت ماادري وهسه يله اجيتي وين چنتي
سالي: بابا هسه افهمك
خليل: سالي لتختبرين صبري تحجين لو شلون
سالي: اي احجي. وسردت لهم ماحدث
خليل: شنووووو
رزاق: ولج اشلون تنامين ويه رجال غريب بنفس الغرف هااااااا
مسكني ابي من شعري وقال: صار شي بينكم
سالي ببكاء: لا والله مصار شي والله
خولة: دعوفها يابو رزاق لتوصخ ايديك بيه
خليل: ارتفع ضغطي رزاق
رزاق: ها يابه
خليل: هاك انته اتكفل بيه
رزاق: اي مو تدلل تعاي ولج اليوم موتج على ايد
سالي: لا بابا لاتخلي يضربني والله مصار شي اهئ والله
سحبها رزاق من شعرها وقام بادخالها الغرفة وقفل الباب وقام يضربها كالمجرم اصبحت تنزف من كل مكان من كثره الضرب الذي لم يتحمله احد اغمى عليها
خرج من الغرفة وكان ينظر لهم
خولة: ها شو طلعت
رزاق: غابت عن الوعي
خولة: ولك بس لا موتته
رزاق: لا لتخافين اصلا هاي هيج خل تگعد واشوفة الضرب على اصوله
خليل: لا كافي خلص لتضربه بعد عوفة
رزاق: ماشي
ذهب كل منه لغرفته
ندى: لك احلگ
فلاح: شكو
ندى: لك اليوم سالي نايمه بره البيت وابويه عصب عليه وخويه دمره من الكتل لعد لو يدرون اني كل يومه اجي يمك وانام سوه شيسون يمه
فلاح: لا لتخافين اصلا همة من ايگللهم ويعرفون ياحياتي بعدين اني مشتاقلج كومه
ندى: مو البارحه چنت يمك بعد شتريد
فلاح: اي مو احنه البارحة مسوينه زين اليوم تعالي وانعوض
ندى: لا يمعود مااگدر اجي البيت متوتر واذا انكشفت بعد هاهيه
فلاح: ماشي الله يصبرني
ندى: يله باي
فلاح: باي
#سالي
يااللهي من أين تاتي هذه المصاب لا استطيع التحمل اكثر خذني اليك ارجوك يالله خذني اليك امي الم تشتاقي الي حتى الان لم تأتي وتأخذيني اريت كيف يعاملوني قلت لهم لم افعل شي وقاموا بضربي انا حتى لا استطيع التحرك ابدا عظامي تكسرت لماذا؟ ياامي انجبتني لهذه الدنيا التي لاترحم اريد الموت اريد ان ارتاح فقط تعبت يااللهي.   نمت قليلا من التعب فاريت حلم جميل وكانت امي
امي: ليش هيج دتگولين ليش تردين اتموتين
سالي: ماما اني تعبت
امي: لا لتحجين هيج هذا كله اختبار من رب العالمين وگاعد يختبرج واني ادري بيك شاطره وتجتازينه (واصبروا صبرا جميلا) الله هيج گال والله ضاملج شي كل حلو بعدين     وبعدها ذهبت  قمت من مكاني بالكاد ذهبت لغرفتي استحممت وغيرت ملابسي واديت صلاتي 
#علي
عندما اوصلتها لم تفارق بالي خفت عليها كثيرا مالذي سيحدث معها ياللهي ساعدها فالأمر صعب جدا وصلت للبيت كنت متعب عندما دخلت قفز الجميع نحوي وكان هناك عمي ايضا
سعاد: يمه وليدي وين جنت
فؤاد: علي خبلتنه من البارحه وينك
سامر: زين ليش ادگ عليك مجاوب
اياد: ادري متگول عندي ام عندي اهل بالهم مشغول
علي: هاي شبيكم عليه اشوي اشوي البارحه صديقي مسوي حادث ورحت ويا من البارحه والموبايل مابي شحن
فؤاد: اووف بس ميصير هيج ياعمو
علي: عمو مو بيدي
_يلا راح اصعد ارتاح عن اذنكم
صعدت لغرفتي وايضا بالي مشغول ماذا حدث لها هل تفهموا الامر ياترى ام ماذا ياللهي دخلت الحمام اغتسلت وغيرت ثيابي رميت نفسي على السرير من شده التعب وبعد لحضات اندق الباب
علي: اتفضل
دخل سامر واياد
علي: خير ياستار شكو
اياد: گوم دنحجي وياك
علي: بشنو
سامر: ليش اتحب تسأل اهوايه
علي: يله گمت خير
اياد: شوف تره سالفت صديقي ماعبرت عليه ف گلي شكو
سامر: اي وبعدين منو هذا صديق انت عندك بس اياد والباقي وياهم رسمي منو هذا
علي: واحد صديقي متعرفو ا
اياد: شوف علي اذا اكو شي احجي تره اني اخوك احجي واذا صار شي احنه وياك وانحله
علي: استغفر الله ولكم ماكو شي اشبيكم
سامر: علي تره اذا هسه بفلوس باجر بلاش فاحجي احسن
قررت أن اتكلم فأنا غير مطمئن عليها ساتكلم وليحدث مايحدث
علي: ماشي راح احجي
اياد: اي احجي نسمع
علي: البارحه بالجامعه....... وسرت لهم ماحدث وعلامات الذهول على وجوههم
سامر: معقولة زين والبنيه اشلون لك هاي مصيبه
اياد: حسب ماگلت هذوله اهله متخلفين احتمال ايكتلوه
علي: لا شنو هل حجي يمعود
صمت لدقائق
اياد: هسه انت ارتاح وايصير خير يلا سامر أمشي
سامر: يلا
خرجوا من الغرفة وبقت افكر بكلامهم واتقلب على الفراش وبعدها ذهبت لعالم اخر
#في صباح اليوم التالي
#لم اذهب للجامعة لأن كنت متعب جدا نزلت لاسفل تناولت الفطور وصعدت لاعلى لانهي عملي اصبحت الساعة التاسعة كنت اعمل واندق الباب
علي: اتفضل
دخل سامر الغرفة  نظرت له مستغربا
علي: اشو جاي من وكت
سامر: الحگ مصيبه اشكبره
علي بندهاش: شكوو
سامر: الخبر مال البارحه
علي: شبي
سامر: انتشر بكل الكليه
علي: شنووووووووووو😨

_______________________________________________________________________

هلو حبايبي اشلونكم مشتاقتلكم كووومايات والله اسفة على التاخير اعذروني وشكرا على تعليقاتكم الحلوة وانشاللة عجبكم للبارت وتوقاعتكم للبارت الجاي

تصويت+كومنت😍