رواية استاذي_زوجي الفصل الثاني 2 - بقلم 𝓑𝓝𝓘𝓝♥️✨

بسم الله

سالي: لج هذا نفسه الي ردت انضرب بسيارته
درة: شنووووو سمعنا صوته يقول: السلام عليكم
الطلاب: وعليكم السلام
علي: اتفضلو
علي: طبعا اليوم مراح انطي محاضره لأن العدد مو كامل واليوم اول يوم يعني نتعرف عليكم وملاحضة بمحاضرتي ماحب الشباب والبنات كلكم سوه فراح نفرقكم يعني سره بنات سره ولد اوكي يله
قامو جميعا وبدلو اماكنهم
علي: اوكي هسه تمام
علي: خلي اعرفهم على نفسي اني الاستاذ علي جواد اختصاصي هي ماده الرياضيات طبعا اهم اشي اتعرفون اطباعي اول شي اني مااحب الثرثره ابد بمحاضرتي ثانيا الغيابات ممنوعه الا اذا بعذر والي يجي للجامعة وميدخل محاضرتي بعد ليدخل احسن ويعتبر نفسه راسب وثالثا اهم شي عندي الاخلاق يعني الاخلاق مطلوبه التزموا بيها رجاءا اوكي هسه اتفقنه
الطلاب: اوكي
علي: هسه نجي نتعرف عليكم     قام بالتعرف علينا و من ثم وصل الينا  درة: إني درة قاسم ثم نظر الي مطولا كنضرته في الصباح وقال: ااا وانتي
سالي: اني سالي خليل.  واكمل التعارف على الجميع و من ثم قال: اليوم لهنا تخلض محاضرتنه اتگدرون اطلعون
#سالي
خرجنا من القاعه وكانت الصدمه واصحه على وجهي في طريقنا الى الكافتيريا
درة: لجج سالي اني ممصدگه هسه انو الي راد ايدعمج بالسياره يطلع نفسه الاستاذ ماللتنه
سالي: لجج دخلب اصدگ اني بالاول وبعدين انتي صدگي
درة: لج سالي اني هسه يله اقتنعت انو كلشي بالهدوء
سالي: هههه ها اني اشگتلج مو كلشي بالهداوة بس انتي اتگليلي فاهيه يعني لو انتي مكاني وهيج سوه بيج وسحلتي بي الشارع ولميتي عليه الناس يعني هسه نگدر انكول انتي راسبه
درة: لج اي والله ادور امي گلتلي اذا متهتمين بالدراسه واضلين يامكياج ياملابس اشوفين مني غير تصرف اخلي وازوجج
سالي: ههههه تستاهلين
درة: أمشي لج
في جهة اخرى
# علي
عند دخولي الى المحاضره كنت اتكلم الا أن لفته انتباهي فتاة وكانت نفسها هيه تللك الفتاة التي كنت اكااد اصدمها بسيارتي لم اتوقع هذه الصدفة ابد
علي: هاي شبيك اتخبلت احنه اتفقنه انو هنه كلهن چذبات كافي بعد
بينما كنت اتكلم مع نفسي دخل اياد وسامر
،،اياد: هلا بضلع
سامر: هلا والله هلا بالكبير
علي: اهلا شنو سبب هل لواگه
سامر: حرام عليك يعني احنه وجه لواگه
علي: فضوني عندي شغل شتردون
اياد:علووش بداعتي گوم نطلع نتغده
علي: عندي محاضرات
اياد: اني هم عندي يمعود هو اليوم منو يطي محاضرات
سامر: للك اي دگوم حبيبي انته
علي: انتهةشوكت اتبطل هل استهتار مالتك مو عندك محاضرات شنو بيدت من اول يوم تضرب
سامر: هسه هذا كله علمود گلنالك اريد نطلع نزقنب
علي: اني مااطلع تردون انتو طلعو
اياد: اووف اشگد كئيب انته تدري انته الي تاخذك امه داعيه عليه بصلاة الصبح
سامر: ههههههه
علي: اي ادري يله طلعوا عندي شغل
اياد: اكو واحد عنده شغل اول يوم دوام اووف
سامر: يله ايودي أمشي نطلع نتغده
اياد: هو هم هيج يله

انتهت المحاضرات وانتهى يومي خرجت من الجامعة بعد ماودعت درة لانها كانت تنتظر سائق الجامعة وذهبت الى البيت او بالأحرى الى الجحيم وصلت للبيت استقبلتني زوجة عمي باعمالها الشاقة
خوله: هاا عيني ست الحسن بعد وكت ليش متأخره
سالي: شنو ليش متأخره هاي جامعة مو مدرسه ومحاضرانته بين ساعة وساعة خولة: ديلا يلا اليوم عدنه شغل كووومه
سالي: شنو شغل اني تعبانه اريد انام وارتاح
خولة: اي بطلي وگعدي وترتاحين
سالي: اوووف اروح ابدل واجي
خولة: يلا بسرعه
صعدت لاعلى وقمت بتغير ثيابي نزلت لاسفل كانت تعطيني اعمال شاقة كسرت ظهري  بعدما انتهيت كنت منهكه جدا ورميت نفسي على الفراش وتذكرت
سالي: ياااا عزه بعيني اني ممصليه نهضت من مكاني مفزوعة توضئت ثم صليت انهيت صلاتي وكنت كالعادة اتحدث وأبكي مع ربي
سالي: اهئ اهئ ليش هيج ياربي اهئ ليش اني مو مثل كل البنات الي لمن يجن من الدوام تتلگاهن امهن وتبوسهن وتسأله على يومه شلون جان ليش اني اختلف يعني ادخل للبيت تتلگاني مرت ابويه بالشغل حتى الغده مالي واهس بي ليش اني اخدم بناته ليش هنه الاميرات واني الخدامه اهئ اهئ بس اني ادري ياربي انته ضاملي شي احلى مو ادري متأكده لأن انته متحب احد من عبادك ينظر او يزعل انته اعلم ياربي بتدبير امورنه بس اني گاعد اشكيلك همي لأن محد يفهمني غيرك     انهيت صلاتي قمت بلف مصلاي وذهب للفراش لأخذ قيلوله وبعدها ابد بتحضير دروسي

#علي
انتهت محاضراتي جرجت من الجامعة وذهبت لاحضر نور من المدرسه وبعدها ذهبنا للمنزل كالعادة استقبلتنا امي بوجها البشوش الذي اتمنى من الله أن لا يحرمني منه
سعاد: هلا يمه جوعان اصبلك غده
علي: اي ماما بس خل اصعد ابدل واصلي وانزل
سعاد: ماشي حبيبي بين متكمل اني صصبيت
علي: ماشي
صعدت لغرفتي غيرت ثيابي وصليت نزلت لاسفل كانت امي قد حضرت الاكل
علي: ها خلصتو
سعاد: اي حبيبي خلصنا بس وين سامر شو لهسه ماكو
علي: ماادري هسه اخابره
سامر: هلاووووو
سعاد: هلا همزين اجيت يله تعال اكل
سامر: لا حبيبتي عوافي اكلت ويه ايودي
علي،،: انته من هسه بدت وياك رحمه الله
سامر: اهووو اخويه العزيز اني جدا تعبان واريد انام من اگعد اجي عليك اتكمل الرزاله اوكي باي
علي: ميفيد وياك الحجي ابد
انهيت طعامي وذهبت لغرفتي تمددت على الفراش لا اعلم أتت فورا على بالي تلك الفتاة وكلماتها التي تقول فيها اني حتى اذا متت او عدلت محد مهتم
علي: اوووف رجعنا لك اشبيك اتفكر وبعدين انته شعليك اووف وبعدها غططت في نوم عميق
نامو الابطال وكل واحد الا مشكله خاصه وتفيكره مشوش
في اليوم التالي
#علي
كعادته وروتينه دخل الحمام واخذ شاور وجهز نفسه ونزل لاسفل
علي: صباح الخير
الجميع: صباح النور  اكملت فطوري بصمت وقمت بايصال نور للمدرسه وذهبت للجامعة ذهبت للمكتب قمت بانهاء بعض الامور نضرت الساعة كانت8:00 قمت باخذ اغراض لاذهب للمحاضره  دخلت المحاضره اتي بعدي بعض الطلاب لم ادخلهم هه كانو يظنون اني كنت امزح معهم قمت بالقاء محاضرتي وكنت اسأل بعض المعادلات المتعلقه بمراحلهم السابقه فلم يجب احد الاواحده
#سالي
نفس الروتين  انهض من الساعة الخامسه واقوم بترتيب المنزل واعد الفطور واحهز نفسي واذهب الى الجامعة وصلت لجامعتي اتفقنا انا و درة انت نلتقي بالكافتريا
سالي: صباح الخير
درة: صباحو حبي
درة: اي شلونج شبيج گالبه وجهج
سالي: يعني شلوني ومين يجي الخير من خوله
درة: ليش سوت هل المره
سالي: يعني شسوت نفس اسوالفه اتگعدني من الخمسة وشغل فوگ شغل لج حتى من اجي انظف عبالك چان مهجور على الهوسه
درة: اووف الله ايعنج حبيبتي شنسوي صبري
سالي: هو اني اشعندي غير الصبر اصبر والله كريم
درة: يله گومي حتبدي المحاضره استاذ متعجرف
سالي: هههه هذا اشوكت طلعتيله اسم
درة: لج مو اني الجامعة كله هيج تحجي اكولج
سالي: گولي
درة: تدرين انو اخو الاستاذ علي اهنا بالجامعه مرحله ثانيه
سالي: صدوووك
درة: لج اي بس مختلف تماما على الاستاذ يعني يضحك ويشاقة حتى وية الي ميعرفهم يعني باختصار اجتماعي وابيض وشعر بني ايجنن بس مو احلى من الاستاذ علي يعني الاستاذ علي عنده شخصيه وهيج شي
سالي: اهااا نياله اكيد العام نجح بالمادة وبامتياز لانه اخو استاذ مالته
درة: ههه اذا اكلج مصدگين
درة: شنو
درة: لجج تدرين العام طلع دور ثاني بالرياضيات
سالي: جذاااابه
درة: اي والله لج هذا الاستاذ علي خطير وميرحم يعني اصوري اخو من لحمه ودمه رسبه اشحال لواحنه
سالي: اي ولج صدگ هذا ايخوف عزززززة
درة: شكو وجع
سالي: لج بعد دقيقتين على المحاضره لج يله
درة: عزززززة أمشي
كنا نركض بالممرات نحاول الوصول الى القاعة بسرعه ولحسن الحظ وصلنا قبل أن يصل ب10 ثواني اوووه كان وشيكا ذهبنا وجلسنا في مقاعدنا وصل هوو واتى بعده طلاب لم يسمح لهم بالدخول كنا مصدومين لم نتوقعه جاد لهذه الدرجه ثم قام بالقاء محاضرته اعترف انه استاذ ناجح بتوصيل الماده وعبقري جدا كان يضرب ويقسم بعقله ويعطي الحل فورا
كان يسأل بعض الاسئله تتعلق بالمراحل السابقه لم يكن احد يجيب الا انا فأانا أتذكرها جيدا وايضا انا احب الرياضيات جدا وكنت اخذ به علامات كامله انتهت المحاضره وخرجنا
درة: هااي شنو عيني ابدعتي
سالي: ههه شكرا بس عادي كان يسأل اشياء بسيطه واني اذكرها
درة: لك فديت المتواضعه اني
سالي: ههههه فداج الكون

انتهى اليوم وكل واحد عاد لبيته رجعت سالي واستقبلتها خوله بالشغل الشاق وعاد علي واستقبلته امه بوجها البشوش ومره اليوم الثاني والثالث والرابع الى أن مر شهر واتى ذالك اليوم المشؤوم الذي قلب الموازين

من تكون تلك المرأة الاخرى؟
ومااوصافها؟
الجميلات على كل رصيف
غير اني لاارى غيرك في هذا الزحام💕

______________------***-----____________________________________________

هلووو حبايبي مشتاقتلكم هاي للبارت الثاني واسفه جدا على التأخير شنو توقوعاتكم للبارت الجاي
ها نسيت اگول سويت تعديل بالشخصيات بشخصيه سمر رحو شوفوا بلا امر
.
.
.
.
.
.
احبكم چاووو💖