علي
ضلوا ايسولفون ضل بالي يمها وبنفس الوقت مااگدر اشوفها گدامي لشوي فرشلولنا الولد بالصالة والباقي صعدوا فوگ ضليت اتگلب بفراشي حسيت الي سويته مبالغ بي بس ترصرفي كأي تصرف رجال ايسوف هيج مرتة بس بعدين هدأت اتوقعت اتضل زعلانة علية ل٢. يلة نمت بالگوة
سالي
من ضربني انقهرت حيل ضليت ابچي ومن التعب نمت بعدين گعت على صوت اسوالف البنات موجودات ايسولفن گعدت اعيوني حمر
جيهان: سلو شبيها عيونج مورمة باچية
روشنا: اي باچية باع عيونها
تالين: اشبيج حبي أحد وياج
سالي: اشبيكم مابية شي بس اتذكرت امي وبس
نالين: يلة حبيبتي شنسوي هاي سنة الحياة تعاي اگعدي ويانة وانسي اهمومج
نورة: تعاي تعااي اليوم حتى علي تنسي
سالي: هو هم هيج
تالين: بيبسي لو عصير
سالي: لا بيبسي
جيهان : اليوم للصبح والله
نالين: اي عيني انتي متعلممة😉
جيهان: هههههه شعبالج لعد للصبح
تالين: هههههه خل تسمع امي واتگول على رجلج نحس
جيهان: يا فديتة خل تجي واتشوف😉
سالي: ههههه كافي چلبتوا
جيهان: هاي اشبيج لازم انتو حبابين
نورة: هههههه والله اني متأكدة علي حباب اخوي واعرفة
الكل:: هههههههه
سالي: اصلا فد حباب كلش ماكو منة مطيع
نالين: ياااا عزة بس لايطلع سامر هم حباب
جيهان: هههههه انجبي لج
روشنا: يبووي هاي انخططبت بعد شيخلصنا هية بلا هيج كلشي تفتهم
سالي؛ يمعودة هية الدنيا بيها شي ينضم
جيهان: اجذب عليج اذا اگلج چنت اعرف شي قبل لا ازوج
تالين: وهسة
جيهان: انجبي لج
نورة: ييييي سالي ماگتلج غير اجة اياد
سالي: هااااا صدگ
نورة: والله هو وعمي وحسام خرب ماشفتة
روشنا: بس لا هذا الحلو
نورة: راح اكوم باىشحاطة
روشنا: ههههه يمعودة اشاقة
سالي ؛ تعاي يحلوة تعاي شنو هل جمال اموواح
جيهان: الله يرزقج احلة منها
سالي بحسرة: اميين
ضلينا انسوالف وصدك اشوي نسيت علي ضلينا نضحك والتهيت وية بت جيهان بعدين اذن صلينا وكلمن بفراشها عساس اريد انام وكل وحدة بفراشها فتحنا نقاش ومانمنا الاب٥ الصبح نمنا محسينا الا على صوت بت جيهان تبچي
سالي بنعاس: اممم بيش الساعة
تالين: ب٣
نالين: خاااب سكتي بتج دنام
جيهان: يلة گومي الساعة٣ هسة امي اتكوم تحجي
روشنا: اهوووو خااايبات كافي اريد انااااام
نورة: وجع حتى وجع باع الصوت جيهان سكتي بتج خل ننطمر
سالي: والله اني بعدني نعسانة اعذروني حنام
جيهان: لعد ضلت علية يلة ماما اسكتي هل انام
ورجعنا نمنا جانت الغرفة اسعاد على النوم ظلمة وبااردة ونمنا گعدنا على صوت موبايل تالين خالة اغينة الله الله يا جمالك كلنة فزينا من گام يردح
تالين؛ الووو ها ماما ... اي ليش اتغلطين... اي قابل بس اني... اووف راح ننزل .... اي افتهمت
نالين: شكووووو
تالين: انعل ابوج لابو الخلفج يلة گومن گامت اتصيح
جيهان: اني مو كلتلجن
الكل:😒😒😒😒😒
گمنا غسلنا وبدلنا ونزلنة
شيماء: يمة هلا بالعرايس عبالي عدي بس عروس ثاري طلع درزن
رسل: بلة البارحة بيش ساعة نايمات هسة يلة گعدتن
سعاد؛ والله چنتي أول مرة أسويها حتى انوير
جيهان: هسة يلة كافي اخذتنا النومة
البنات😏😏
شيماء: يلة روحن اتغدن
نالين: اي والله جوعانة
رحنا اتغدينا وضحك واسوالف خلصنة غدة وضلينا گاعدين اجيتنا عيطة وطفرنا كمنا غسلنا اماعين ورجعنا للصالة ضلو يتناقشون علمود العرس بعدين اجو الولد وعمو ازاد ومن ضمنهم علي اشو هذا ايباوع ويخزر ولاعبالك الغلط راكبة من راسة لرجلية اني هم ولا باوعت علية كمنا بالهول وهمة گعدوا بالصالة سوينا عشا وصبينا خلصنا وصبينا چاي غسلنا ونضفنا وگعدنة دخل علي للصالة
علي: سالي اكويلي القميص
سالي: خالة وين المكواة مالتكم
شيماء: گومي نالين طلعيها
نالين: اي تعاي
طلعتة الي وگاعد اكوي
سالي: والله خووش يتعارك ويغلط وبعدين يتأمر حلوة هذا الموديل استغفر الله اشلون بي هذا ايموتني ناقصة عمر والله لو يموت بعد مااحجي ويا وه ه ه
علي: خلصتي شسوين صاارلج ساعة لو بس اتعرفين تتمرگصين
سالي: 😒😒
علي بعصبية : لتباوعين هيييج
سالي: خلص اتفضل
علي: شگد صايرة مشنترة شلون عافتني وراحت اني اعلمج طالعة عينها
لبست وطلعت عمو ازاد ودانة نفتر اشوي طلعنا اكلنا موطة وشقة الولد والضحك بس بالي يم سالي اشلون متغيرة أخذنا موطة العائلة ورجعنا
تالين شنو بلة بس همة يفترون احنة حرام
رسل: همة ولد انتي شكو
تالين: يعني ميصير واحد ايطلع عائلتة
سعاد: يلة عوود على جية الخ
شيماء: هلا بيكم اشوكت مااجيتو
رسل؛ هه اجو ابن الحلال على ذكرة
سامر؛ السلام عليكم
الجميع: وعليكم السلام
سامر: هااا عيني عاش من شافجن منورات من انشاللة نامت عليجن طابوگة
جيهان: يااااا هااي اشبيك مدگلي اكلتة
سامر: اي عيني نايمات للضاهري
جيهان: ترة مرتك همين نايمة
سامر: معليجن بمرتي مرتي عروووس انتن شكو مدام سالي اشو بيتنة اتگعدين طگة البريگ
سالي: هههههه شعليك بية بابا يعني حرام اتنامين
سامر: اي عيني نامي ورجلج مطنگر علينا من البارحة ذابتة علينا بس شكول
علي: هاااا شبيك
سامر؛ يمةةةةة لا مابية بس هاي مرتك تحجي عليك وإني ادافعلك وانة اخوك
سالي: ياااا اني
علي: بلة صار ساعة تحجي والموطة ماعت
سامر: يااا صدگ صارت شربت هاي هاكم
جيهان: الله يساعد اختي عليك شگد تحجي
روشنا: اي مو على ساس اختج قاصرة تحجي اكثر منة
سامر☺️
نالين😳😊
علي: يمة بأجر حضروا روحكم من وكت نطلع
شيماء: شعدكم خالة
علي: يعني بالعشرة هيج خالة هم يلة نرجع تعبانين ورانة دوامات
محمد ابن رسل: السلام عليكم
محمد: يمة خابرت السايق ايگول بأجر الصبح أمر على السبعة هيج
شيماء: يااا شنو مغبشين
محمد: اي والله خالة هذا احمد طلع عدة امتحان وماحاجي
رسل: ياااا مو گال ماعدي
محمد: اي ايجذب طلع عندة اااااااا روشنا بس اريد روشنا بلا زحمة اريد الحاسبة مالتج عدي مشروع هندسي اسوي بيها ورسلي الي على الايميل
روشنا: اي لحضة اجيبة..... اتفضل
محمد😍 شكرا
روشنا:تدلل😊
سامر: هااي شنو جيهان شگد بخيتة بين يوم ويوم يم اهلها
جيهان: من عابت هل عيون اي بلة منو گلك
سامر: هذا ابنج ايسوالف لعلي ايگلة لو اني بدال أبوية ولا اخليها تطلع
جيهان: ابني اووي ابني فاتح علية العين هوو وين بالسنة حسنة وين هذا ابو لسان
علي: عووفي يمي كاعد يلة يمة مثل مگتلج تصبحون على خير
الجميع: وأنت من اهلة
سامر: يلة اني همين دوختوني اروح انام
جيهان: ههههه عسل دمك عسل.
سامر: ادري تصبحون على خير
الجميع: وأنت من اهلة
گمنا نمنا كليتنا هم ضحك واسوالف بس نمنة من وكت گعدنا الصبح احنة بالعشرة ونص نطلع بس بيت خالة رسل راح يجيهم السايق گمنا انحضر بالغراض ودعنا خالة رسل وراحوا بقينا احنة لملمنة دخلت سبحت لان ادري الطريق حارة وسبحنا صارت 9:55 اتريگنا غسلنا الماعين على جيب ودي صارت بالعشرة
علي: يلة خلصتوا
نورة: مو كلت ونص
علي: هسة اذا بالعشرة وإذا بالعشرة ونص نفس الشي
سعاد: اي يمة مخلصين
علي: يلة طلعوا الغراض برة سامر ايوديهن بالسيارة
طلعنة الغراض برة وسامر شالهن علي واگف مراقب وعابس وجهة
علي: شوووو ذني اشوي غير اجيبن الكنتور كلة
سالي: اي اني هم كلت بس يلة على الجايات
علي: 😠😠 اشوي اشوي ( بمعنى اثگلي)
سالي 😏😏
علي : استغفر الله يا أمة الإسلام
( الحديث هذا چان بالطرمة ايتانون سعاد)
سعاد: يلة اجيت امشوا يمةةة اشبيك متگلي عليمن هيج حوصلتك اصغيرة
علي بعصبية: على جدي
سامر: عوود صدك هههه يلة مع السلامة 🙂☺️
نالين: الله وياكم تصولون بالسلامة ،❤️
علي: فضوني
ركبنا السيارة وعني على ام السان صاية اتلاسن هية اتباوع من الجامة ولا عبالك اكو شي ملاحظها صايرة اترادد وصلنة ورة ٣ ساعات متت من التعب والحر وصلنا دخل سامر الغراض اطشرنا على الحمام من الحر سبحنا ونمنا ساالي فرشت بالگاع ونامت
علي: شنو عيني لازم منعجب نايمة بالگاع
سالي: يعني انتة هم چنت اتنام بالگاع يعني چنة منعجب
علي: چان عدي اسباب انتي معليج
سالي: اي نفس اسبابك
علي: تعاااي 😠 اخذيلج چلاق
سالي: سووري مااعرف اضرب چلاليق
علي: وعلي حگوم حضج اطيحة
سالي: اصلا هو طايح من گاعة
علي: هاااا هو تدري منو الحظ يعني الرجال ياعووبة
سالي؛ يعني انتة غلطت على روحك بالاول اني شعلية وانتة اتحارشت
علي؛ انطمري وايصير خير انشاللة بسيطة
ضليت اتگلب من نامت واتگول نفس الأسباب اني چنت مااتقبلها يعني هسة هية هم هيج اووف هسة اني ليش هيج افكر وبطبها مرض بس صايرة صلفة واترادد والله چانت فقيرة صدگ لو گالوا ماتحت السواهي دوهي نمت وگعدت بالخمسة بدلت ونزلت رحنا اني وسامر انكمل معاملة المطعم رجعنا البيت
سعاد: يمة شايفين كل الخير انشاللة تتهنون الله يحميكم من العين
نورة: بالعافية يعني بعد كلة ناكل اكل مطاعم الله
علي: ليشوفج ايگول محرومة
نورة😣
سالي: بالعافية الله يجعلة الكم باب الرزق
سامر: تسلمين
علي: يلة اروح اصلي وصبوا جوعان
سالي في نفسة : وايگلولي مسمنتة اذا اربع وعشرين. ساعة ياكل
راح صلة هو وسامر احنة مصلين صبينة اتعشينا خلصنا گاعد نغسل اماعين اندگت الباب نورة اتريد تطلع تفتح
علي: تعاااي تعااي وين رايحة
نورة: افتح الباب
علي: ماكو زلم وانتي اتفتحين امشي طبي
نورة: اووي هذا الشبي ياهو الي شوفة يتعارك ويااا
سالي : هو هذا اخوج
نورة: الله يساعدج
سالي: هه اي والله
نورة: يمةةة يمةةة
سالي: اشبيج
نورة: ولج هذا اياد
سالي: صدگ
نورة: اييي والله تعاي شوفي
سالي: شعدي شايفتة انتي اشبعي اني شابعة
نورة: اي والله هنيالج ايدرسج والله الله هيج واطلع طب وكل يوم اشوفة
سالي: انشاللة
سامر:. سوون چاي
سالي: اي
نورة: اگلج شوكت اروح للسوگ علمود العرس
سالي: بالله اليوم ترة اجينة مشبعين انتي من السوگ مو اشتريتي نفنوف لخ
نورة: اي قابل بس هذا ألبسة اخت العريس اني ترة
سالي: اي ادري تعاي اخذي مني كوم عندي مال العرس مالابستهن الي يعجبج اخذي بالعافية
نورة: اموواح يمة فدووة لو كلمن عندة هيج مرت إخوة حل العالم بخير
سالي: ههه تعاي ودي الجاي بلكت اتحصلين نظرة😉
نورة: والله بس انتي تفتهمين جيبي
رحت وديت الچاي دگيت الباب وطلع علي هيج واگف طول بعرض كلشي مشفت اووف حيموتنة هل ولد
سالي: هااا شو معبسة
نورة: غير رجلج واگف طول بعرض كلشي مشفت
سالي: ههههه يلة خيرها بغيرها
نورة: اذا بيها علي مين يجي الخير
خلصت اماعين گعدنا يم خالة انسوالف لهناك طلع استاذ اياد ودخلوا علي ايباوع بطرف عينة عشتووو اني هم ولا معبرتة صارت بالعشرة رحنة نمنا ورانة دوامات
علي
مر هذا السبوع بتعب بين تحضيرات عرس سامر وبين تجهيز المطعم واياد طبعا ويانة هذا الضلع حتى حسام مقصر الولد من الصبح لليل واگف على حيلة ويانة صدگ لو گالوا الإنسان ايبين معدنة بالمواقف صدگ سند وابن عم حتى عمي مر الاسبوع اني وسالي منتحاجة حتى من وراها بالامتحان جبت للطلاب أسئلة صعبة اتكسر بس جابت درجة زينة بت الاوادم احجي وياها حجاية تردها عشرة وهيج گاضيها
يوم الحنة ؟.
___________________________________
لهنا يخلص النشر انتضروني بأجر
توقعاتكم للبارت الجاي؟
تقييم البارت من ١٠؟
اسفة على التأخير بس طفت الكهرباء
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!