،سامر: هاي شتريد شنو هل صلافة الووو
سمر: هلة بالعريس بالعافية وبالخير شنو هل استعجال بسرعة خطبت على العموم الله يتتممها عليك
سامر: شنو هل صلافة والوكاحة الج عين اتخابرين بعد الي صار
سمر: ليش اني سويت رفضتك ماقامت القيامة وترى ادري انتة ازوجت حتى اتغثني أو تكسرني لا حبيبي لا مو سمر الي يكسروها وبعدين ادري بيك مراح تتقرب الها لان اتحبني
سامر: ليش واثقة
سمر: هههه طبعا لان ممعقولة اتحب بت خالتك بيوم وليلة ههه والله عليك اسوالف يمكن حتى محلوة بس هيج مال استعجال
سامر: انجبي لج تسوة راسج واني اعلمج واشوفج على الورق اشلون يلة امشي ولي بعد لدگين وهاي الصلافة بطليها وخشمج اليابس هذا يجي يوم واكسرة الج يلة امشي ولي طوووط
سمر: حيوان اني اعلمك صاير رجال براسي ابو النسوان
اليوم التالي نفس الروتين مال كل يوم
العصر
نورة: اگلج سوسو شوكت اروح للسوگ
سالي: شعدنا رايحين
نورة: الطم ولج غير المهر مال سامر اشبيج
سالي:: اممم اني عندي
نورة: لا ماكو ترحين تشترين اني وياج اريد تشترين مخصر حتى من ترگصين ابين جسمج
سالي: يمة يمة اشلون تفكير اتريد ايضربوني عين
نورة: لا اريد اترگصين حتى اايشوفون مرت علاوي جمال واخلاق ورگص
سالي: هههه والله عليج اسوالف شوكت اروح حتى اشوف علي واموري بالكلية
نورة: نطلع الاثنين هم يلة
سالي: ماشي أسأل علي واگلج
نورة: خووش
بعد العشة
سعاد: يمة شوكت اروح حتى تشتري الذهب
سامر: انتو اشتروا اني شعلية
سعاد: شنوو شعليك غير تجي وياي واتشوف مو زين ما طلبت مثل اهل الشمال كلة بالكليوات
سامر: يعني مانة علية اذا اتريد كليوات اجيبلها شنو ماعدي
سعاد بعصبية: شووف ولك هاي نالين بت اختى تسوة سمر وطوايفها من هسة گول اذا متريدها ولاتورط البنية بغلط بت عمك قسما عضما ياسامر اذا اذيتها وقللت من قيمتها اغضب عليك ليوم الدين
گام سامر بأس راسها وايديها
سامر: لتعصبين ام علي وميصير خاطرج الا طيب ونالين بعيني اخليها ولايهمج اهم شي رضاج
سعاد: يمة والله لو ماادري شنو نالين ماهيج احجي والله تنحط على الجرح ايطيب وجمال ونزاكة يم اطي لنفسك فرصة واطيها وشوف الفرق بينها وبين سمر
سامر: انشاللة يمة اتأمرين
علي: يلة تصبحون على خير
سعاد: وين يمة بعد وكت
علي: يمة اشوي تعبان ومصدع
سالي: يلة اني هم تعبانة تصبحون على خير
في الغرفة
سالي: ععععللي
علي: هههه شبيج شنو اسمي ثگيل
سالي: لابس اشوي احسة صعب
علي: گولي شتردين
سالي: علمود المهر مال سامر اروح نطلع نشتري اهدووم تقبل
علي: اي روحي بس امي وياج مطلعين منا لهنا اذا مو امي
سالي: اي لعد اشلون هوة وية خالة انروح
علي: اي روحي لعد واني اطيج باجر الفلوس
سالي: لا عندي
علي: اي واذا انتي مرتي اني مسؤل عليج تعاي سالي اتعرفين اتسوين مساج راسي موتني
سالي: هاااا 😳
علي: اشبيج اتصككتي رأسي يوجعني
سالي؛ اي اعرف
اتفاجأت من طلبة هذا رحت يمة على الچرباية هو خلة راسة بحضني گلبي صار ايدگ الف بالديقية گمت اسوي مساج لراسة وهو مغمض انتبهت لشكلة شگد حلووو ضحكت لان چان كلشي بي مواصفات فارس احلامي. طويل واسمر وعيونة جوزي طوخ من بعيد گانها اسود ولحية يبووي ايخبل
سالي في نفسها: انجبي ولج شنو هل حجي هذا استاذج ههه والله لو طلاب الجامعة ايشون علي شلون نايم ابحضي ينجلطون هههه راعبهم علاوي
علي: تووو شنو هاي ايدين لو سحر لو شارب حب الوجع راس كلة ماراح الصداع
سالي: بالعافية
گمت
علي: خووش دووة انتي بعد كلم ميصير صداع اجي عليك
سالي: تدلل
علي: هههه هوا احنة واحد دووة الخ 😉
سالي: شنوو
علي: هههه نامي اسوالف مال اكبار انتي بعدج اصغيرة
سالي: لعد ليش. غمزتلي
علي متصنع الجد: خلص گتلج مال اكبار نامي
سالي: هاي اشبيك لعد اني اصغيرة
علي: انتي بعدج بنوتة متفتهمين
سالي: شنو بنوتة اني مرة متزوجة
علي: منو گال مرة
سالي: شنو. منو گا.... ( افتهمت) شنوووو 😶
علي: ههههه مو گتلج اسوالف مال اكبار يلة نامي
سالي
من الفشلة والخجل لفيت رأسي جوة الغطة احس اخدودي راح ينفجر افتهمت من گال كل واحد دوة الخ اذكرت البوسة ومن گال بنية يبووووي هاي الچبيرة هذا طالعة عينة يمةةة عزة خل انام احسن
مرت الايام نفس الحالة علي اذب حجي لسالي وسالي تخجل وتحاول تجنة بس وراها وراها
سالي
مرت الايام وماملتهين بخطوبة سامر وتجهيزات يوووه وطبعا علي طالعة عينة كل منگعد سوة يذبلة حچاية وماادري شصارلة وين علي الرزن الي من عيد لعيد يضحك بالغرفة ايصنف وايذب حجي ماادري يمكن يستمتع من ايخجل واحد وضلينا مناگر اني ويا
سامر
ملتهي بالخطوبة مالتي طبعا من حجت علية امي ذاك اليوم قررت اسمع حجيها وانطي فرصة لنفسي ولغيري اني طبعي الدنيا متوگف اذا خسرنا شخص هذا مبدئي بالحياة وقررت ابدي حياتي ويانالين طبعا الواحد ايعرس مرة بالعمر واريد اعيش احلا لحضات العمر ومااريد اصير مثل علي ضلم روحة وظلم بت العالم ويا گاعد انحضر ومخبوصين منا الخطوبة ومنا سالفة المطعم وبعدنة ممشترين ذهب يعني اروح قبل المهر بيومين اتأجلت الخطبة ليوم لجمعة
يوم الثلاثاء:
سعاد: يمة حضرتن غراضج شفتن خاف اكو نقص ترة محد ايجيبة الج كركوك مو ورة البيت
سالي: لا خالة كلشي تمام ماناسين شي
نورة: لتوصيني اصلا اني كل ربع ساعة اروح اشوف غراضي لان اذا نسيت شي يمكن تجيني الجلطة غاد
دخلوا علي وسامر
علي: السلام عليكم
الكل: وعليكم السلام
سامر: هاااا ضلووع اشلونكم
نورة: هلا بالعريس
سامر: هلا بخيتي شوف اريد احجي وياج اريد بيوم الخطوبة اشوفيني همتج بيوم خطوبتي اتبين الخوة
نورة: لاه ياخوي متوقعتها منك وعلي اذبلك لحك
سامر: شووف وايگلولي ليش احبچ
نورة: 😍😍
سامر: علي ترة اني طالبك رگصة ذبيت لحم بعرسك والله فحطت
علي: اي عود انشاللة
سامر: لا العباس عليك لدگ بية الناقصة
علي: اسكت لك اني ادگ الناقصة
سامر: لتفشلني خوية
علي: افتهممنا😒
سامر: اي يا زوجت اخي انتي هم مشمولة بالحجي ترة رگصت بعرسج وزوجتي المستقبلية هم ماقصرت
سالي: هههه تدللون
علي: يلة امشي انام تعبان😒😒
سالي: تصبحون على خير
الكل : وانتي من اهلة
في الغرفة:
علي: هاي شنو اتگليلة ادلل
سالي: شنو شكو
علي: شنو. شكو سويتي روحج متعرفين شنو من گلج ارگصي اتگليلة ادلل هسة يعرف بيج اتعرفين اترگصين
سالي: وانت منين تعرف اني اعرف ارگص
علي: اااااااا مووو هوة عبالة يعني
سالي: لا شنو عبالة يعني شگلة جاملتة يعني اگلة امااعرف
علي: اي مبين متعرفين
في نفسة : هو انتي ففي عبدو متلحگج بالهز
سالي: صدك علمود الإجازة اخذت
علي: اي مدام اخذت السنة ماكو هيج اجايز ماخذ
سالي: تصحيح معلومة اني مو امدام اني انسة مو دگول انتي بنوتة تصبح على خير
علي: هاااا ولج طالعة عينج هي هي
اليوم التالي طلعوا من الصبح لكركوك بسيارة علي وصلوا ورة ٣ساعات نزلوا الغراض ودخلوا سلموا طبعا سامر چان ايدور بعيونة على نالين هو يعرفها بس ايشبهه بيها وشافها بالصور بتليفون نور
شيماء: هاا ولك عليمن ادور ترة العروس فوگ ميصير اشوفها هسة اصبر
سامر: تتووو شلون شفتيني شلون لگفتيني نسر شنو
شيماء: هو اني خالتك وميانتك زفرة ادور نسيبي
سامر: هههههه خرب يلة تعبان اريد اسبح
سعاد: ولك عيبب
شيماء: دعوفي سعاد غير يشاقة وماخذ علينة
نورة: خالة جيهان وين شو ماكو
شيماء: بأجر تجي هذا رجلها نحس ويغار بلگوة ايخليها تطلع إذا مو ويااا
سعاد: اااي مو زين
شيماء: شلونج سلوو انشاللة زينة
سالي: بخير خالة ماادامكم بخير
شيماء: ولج حليانة فوگ حلاج تردين اتخبلين الولد
سالي هههه عيونج الحلوة 😊
شيماء: علي شو حسك ماطلع ولو متعلمين اگلك شو سمنان وصاير بيك روح وجهك صاير بشوش
علي: ههههه الله يسامحج ليش شبية اني
شيماء: يطي لعافية للبنية ولو هو ليعاشر هيج جمال شيصير بي
شيماء: بداعتي علي من تشبگها شيصير بيك
علي: اسرار زوجية خالة 😉
الكل: هوووووووووووو
علي: ههههه
سالي: 😳
سعاد: خايبة شيماء جوزي ذني البنات گاعدات
شيماء: يااا خايبة نسيت بس احب اداهر وية علي
علي: يلة كافي سدو الموضوع شو خالة رسل ماكو
شيماء:: هم بأجر يجون محمد عندة امتحانات وكلية وخبصة وذولة الصغار هم
سامر: ههههه احنة كلة واسطات اني اخو الاستاذ والمدام مرتة كلة تأجيل
علي: والله لو ماأگول عريس اني اخذلك إجازة
سامر: وعلي أسويها
نورة: تعاي سالي انشوف نالين فوگ
سالي: يلة
سامر: اجي وياكم يلة
الكل😒😒😒.
سامر: ترةةة اشااقة ههه والله
شيماء: گومن وية البنات خل يصعدون فوك
صعدنا فوگ
نالين: هلااووووووووووو
نورة: هلااااااا بالضلعة شلونج زينة
نالين: تمام الحمدلله يمةةةةة هلا بالجميلة اموواااح
سالي: هلا بالعروس شلونج
نالين: والله بشوفتكم صرت زينة
سالي: دوومج حبيبتي
تالين: خل اجيب غراضكم حتى اسبحون ترتاحون وتتغدون
سالي: والله ياريت اني متت من الحر ادور من نفتح الجام سموووم عود علي شاعل تبريد ولو اتعبج
تالين: لا عيني تعبج راحة
نزلت تالين جابت الغراض طلعت غراضي و رحت سبحت اشوي ارتاحيت من الحر لبست گلابية لان بيت غريب ضلينا انسوالف لشوي نزلنا انساعدهم وبعدين صبينا واتغدينا زلم وحد ونسوان وحد علي چان سابح ومبدل ملابسة بس اشوي جو كركوك احسن لا شمال غسلنا اماعين وصعدنا اني نمت لا تعبانة والبنات ضلن ايسولفن بعدين فزيت لگيهن كلهن نايمات ضل بالي يم علي هذا من الحر ايصدع بسرعة انزل لو لا لا خاف عيب هسة ايگولون تفتر احسن شي ادزلة رسالة
سالي: هلو علي اگلك راسك مصدع لان ادري من تتعب ومن الحر اصدع بسرعة
علي؛ ها هلو اي والله موتني بس اخذت حباية والله كريم ليش خايفة علي
سالي: لعد اشلون مااخاف انزل اسويلك مساج
علي: ووين نازلةمو رجل خالتي موجود😒😒
سالي: اي عيني هسة شحجينا يلة حرووح انام
علي: هو انتي گضيتي عمرج نايم شوكت ماادخل الگاج نايمة
سالي: صدگ لو گالوا تجيك التهايم وانتة نايم
علي: هههه حتى امثالج بالنوم يلة روحي كملي نومتج ❤️
سالي:🙈🙈🙈🙈🙈
علي: هههه باع المخبلة ادزلي قرد مستحي ههه هو الي يعاشر اخواني شيصير
سالي: عززةةةة ليش دزلي گلبي اووف ادور اني العوبة دزيت قرد هسة شيگول اووف خل انام احسلي
نمت وگعدت على صوت اسوالف گعدت اسوالف وياهن نزلنا العصرية انسوالف ونضحك اتفقوا بأجر ايطلعون يشترون الذهب سوينا عشا اتعشينا علي وسامر راحوا للگهوة وية عمو ازاد واحنة ضلينا طلعنا حبشكلات وگعدنا لهناك اجو گعدوا اشوي اشوف سامر كلسع ايباوع على نالين مو نضرة حب وانما اعجاب وعلي كلساع ايباوع بعدين گمنا نمنا فوگ وخالة وعلي وسامر بالصالة ثاني يوم رحنا اشترينا الذهب رحت وياهم باعتباري مرة متزوجة والبنات ضلن بالبيت بس نور وصتني كوومة غراض ولاعبالك هية مشترية نص بغداد
رجعنا شفنا جيهان جاية أول مرة اشوفها من شافتني اتخبلت گالت ولا اتوقعت هل معقد عندة حظ طبعا هسة اكبر من علي ب٣سنوات يمةةة بتها الصغيرة اتخبل دخلت گلبي فدووة اجننن ضليت خالتها بحضني وحايرة بيها بعدين بدلت اتغدينا ولزمتها علي ايباوع علية ويضحك
سالي: عليك الله شوفها اشلون حلوة اتجنن
علي: اي حلووة الله يحفظها
سالي: يمةةة باع الخدوود يربي
شيماء: اذا هيج اتحبين الجهال متجيبين واحد
سالي؛ هاااا اااااااا لا مو هسة خل اخلص اني دراستي صعبة
شيماء: يمعودة لو ما رجلج استاذ
علي: اي واذا اتعرفيني مااحب الواسطات
شيماء: خااب درووح خل ايصير عندك طفل طفلين راح تدخل التلاثين
علي: عوود الله كريم
شيماء: كاتلني بهاي احچايتك
ضلينا انسوالف وإني بحضني البنية اسمها اڤين فدووة وخوها اسمة ايليا بس ايليا مبين جامد يتصرف تصرفات أكبر من عمرة رزن ومن اجة گاعد يم علي ايسوالف وية أمة گلتلي هوة ايموت على علي حتى تصرفاتة گلت بگلي ضاع مستقبل الولد
علي: شوفي فد اشوي يوصلون بيت خالتي عدها ولد اكبار لتحاولين تتواجدين هواي بنفس المكان
سالي: شنوو السالفة يعني اني مزوجة واكييد ميباوعون غير اني مرتك
علي: اني شحجيت صايرة لسان تدرين بروجج
سالي: هسة شحجيت اني رايحة
علي:شنو عيني زعلتي
سالي: شگلولك حمار ( اجلكم الله)
علي: شدخل الحمار
سالي: مو بس الحمار يزعل حروح
علي: بالعافية عليك علي هاي بعد يومين تضربني راشدي
للعصر اجت خالة رسل وية ولدها دخلوا سلموا والله مؤدبين عينهمم مرفعوها بس علي اوي يا علي ضلينا انسوالف گلتلي شو حليانة ومن هل حجي گام يتغزلون بية ههه ضلينا انسوالف سوينا عشا واتعشينا وسولفنة الولد طلعوا ورجعوا ل١٢ كلمن راح لفراشة
اليوم التالي نفس الروتين بس للعصر حفن لنالين ونضفوا جسمها ومساج وجها ومن سوالف العرايس نفس الشي لليل
يوم الخطبة
گعدنا من الصبح مخبوصين رحت اني وجيهان و للصالون ويها لان مزوجات نور طنگرت اريد تسريحة ومكياج وتسريحة گلتلها ولا يهمج من اجي اني امكيجج رحنة من الصبح رجعنا ل٤ كان اكو ناس قليلة صعدت نالين تلبس البدلة واتعدل مكيجت البنات اني شاطرة بهيج اسوالف وسويت تسريحات اني هم لبست وعدلت لبست ثوب احمر ضرب على شكلي صرت حمرة نزلت كلها فكت حلگها حتى خجلت رحت للمطبخ دخل علي گلت كملت ضل ايباوع
علي: اليوم خطوبة منو
سالي: هااا هاي اشبيك غير نالين وسامر
علي: هاا عبالي انتي لان اكيد طالعة احلى من العروس
وطلع
سالي: يااع عزة هذا گام يحجي طگ بطگ
طلعت والعيون علية نالين صاحتني گلتلي كسرتيني ولج اني ضحكت عليها بعدين لهناك دخل سامر والهلاهل اذكرت يوم خطوبتي بس شفت اشلون سامر بس ايباوع على نالين وإني علي ماارفع عينة علية گلت هسة يلة عساس شلون عدي حظ لبسها الذهب والحلقات وطگوا صور بقة گاعد باس راسها وطلع بعدين شغلوا اغاني ردح اجت نور جرتني بالبداية مقبلت بس صار ردح قوي متحمملت گمت ارگص سولي مجال بالنص ذبيت لحم كلة فاكة حلگها حتى الترگص وگفت وضلت اتباوع تعبت بعد خلصنا رگص گام اشوي اشوي ضلينا گاعدين والبنات متخبلات گالن ابد متوقعناج هيج وضلينا انسوالف راحوا الناعزيم
شيماء: هاااي شنووو ولج بالعافية عليك علاوي
رسل: اي والله اشلون اتهز خصر مدووخة الولد
سعاد: يمةةة چنتي لتحسد
شيماء: بعدج على سوالفج
نورة: هههه خالة حتى سالي اتخاف من هيج اسوالف
رسل: ياااا دشوف كملت هههه
سالي: ضلوا ايصنفون علية وإني وخالة نضحك رحنة غيرنة ملابسنة ونزلنة انضف من عدة نالين لان عرووس نضفنا ماسوينا عشا عموو ازاد گال اكيد تعبانين انجيب جاهز راح هو وعلي لان الچبير جابوا عشة گعدت يم رجلي ونالين يم سامر لان خطبوا والباقين وجيهان يم رجلها چان موجود گعدنا اتعشينا سامر ساكت عشتوو عود عريس يستحي خلصنا عشا گمنا الم السفرة ضليت بالمطبخ انعزل مااشوف الا واحد جرني حيل من ايدي اندار اشوف علي
علي: حبيبتي تعاي احجي وياج فوگ
سالي: گاعد انضف
علي: تعاااي 😠
جيهان: اي عيني اشتاقلها
علي بابتسامة مصطنعة: ههه
صعدت فوگ واحسة ايفور ممااذكر مسوية شي ايضوجة دخلني للغرفة ورگع الباب حييل
علي: شنووو طيحان الحظ لمسويتة هااااااااا
سالي: والله ممسوية شي اهى
علي: من شالج الله وخلصني منج وارتاح تردين اتصخمين وجهي انتي شنو تاليها وياج
سالي: اهى اي شمسوية
علي: ولج داگة وراقصة شنو مزوجلي كاولية اني شنو هذا الرگص يعني الراقصة مو مثلج ادب سز اتهزين هز والتصوير
سالي: والله محد صورني
علي: طبعا متدرين غير ملتهية ترگصين يعني لو احد مصورج متدرين وناشرشج على الانترنيت اني اجي ادگ طبلة موووو حيووانة اشوفج مرة ثانية اترگصين اكسرج والله انطمي بالغرفة ومطلعين بس اشوفج گدامي وعلي اضربج گدامهم
طلع
ضليت ابجي متت من البجي كلامة حيل جارح چان ويغلط ضليت ابچي بحرگة ونمت ودموعي بعيني
علي
من خلصنا عشا گاعدين اجت نورة گلتلي تعال شوف مرتك اليوم صفنتنا اني عبالي لان طالعة حلوة طلعت الفديو وشفتها ترگص اعيوني صارت بگصتي واباوع احترگت گلت خاف احد مصورها وهية ذابة لحم بالگوة خلص الفديو رحت جريتها حيل بس محد انتبه صعدت فوگ وضليت اصيح عليها وهية تبچي كوومة حچيت عليها بعدين نزلت جوة سألوني عليها گتلهم عوفها خطية اتگول تعبانة خالة گالت اي خطية تعبت ورگصت هواي النسوان گام ايضحكن اتمنيت اصعد مرة لخ املخها
سالي
نورة
______________________________
روشنا
نالين ثوب المهر
تالين
جيهان
بنت جيهان
___________________''''_____"""_____
لهنا ويخلص النشر انتظروني بالبارت الجاي
توقعاتكم للبارت الجاي؟
تقيم البارت من ١٠؟
البارت اهداء لعيون المتابعين😍😍
اعذروني لان منشرت البارحة صارت عندي مشكلة ومكتبت وموعد النشر بأجر انشاللة
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!