رواية ازمة ضمير الفصل الأربعون 40 - بقلم Rozaya1122

ازمة ضمير ... البارت الثامن والثلاثون
«للكاتبه روزايه»

( بارت هديه لعيونكم الحلوه واشكركم جزيل الشكر على المتابعه والتصويت القصه وصلت لنصف مليون واخذت المرتبه الاولى لحد الان بالقصص الحقيقيه الاجتماعيه اشكركم من كل قلبي )

شايف خير
يمنيشن حلال الغير
يالحاصد تعب فلاح
يفزع فزعت الهادود
لوشاف على زرعه الطير
مافكرت؟؟
من ينباك زرعه شلون حاله يصير؟
...

ثريا... اعرف الكل يتهمني بالخيانه ونكران الجميل اعرف حجم غلطي الي مايتصلح باعتذار وسامحيني لا اريد ابرر لنفسي ولا اريد اسوي نفسي المضطهده وكلشي طالع عن خارج ارادتي...

لا انه جنت شريكه بالجريمه ومافكرت ولا كلت ترى هاي دمعه يتيمه وماراح تتعداني شكد سامعه قصص ولازم انضوك من نفس الكاس بس ماجنت اصدك..

سامعه الحوبه تسحك وتاخذ ثلثين من الحك وفعلا حوبه امنيه ودمعتهه عند رب العالمين جبيره وما تعدت لاي نفر بينه ...

بعد مايفيد لا الاعتذار ولا جنت موبوعي ولا ولا كلهن هذني مايجبرن خاطرهه ...

كلنه واكفين انهمش ادهم منا وقيس واوس منا وفاروق ماخله واحد من معارفو ماكفلو ايوب اعصاب وكلساع يهد على ادهم ...

طلعو اخوتي كلهم يدورون وكل واحد راح بدرب لعلى وعسى يلكوهن كاعده بنص الديوانيه واجت الحجيه لابسه ومبدله وسبحتهه بيدهه...

كمت وراهه جده وين رايحه؟؟
الحجيه.. ثريا كل خراب البيت من ايدج نصحتج وعلمتج ومافاد هجمتي بيتج وبيت اخوج وشتتي شملهم ...

يابنتي انه مره حاجه بيت الله ومعتمره وصلاة الليل مافاركتني احس هذا البيت سجن مثل الصندوك المعتم اريد اطلع اخذ نفس كلشي بيه مربوط انه مونعيمه التسكت وخلت البنات هاجات بشوارع...

ثريا.. شنو قصدج جده كلنه مخنوكين من البيت ماوكعتلنه عتبتو...

الحجيه.. لا موعتبتو الحيه الجبتيهه وركبتيهه ع اجتاف بنت عمج المسكينه ...

ثريا.. ليش تلوميني انه شنو علاقتي اول وحده ثاني وحده تصادق اذا ادهم مايريدهه اني شكو...

الحجيه.. العرك دساس يابنت عماد وماخذه من ابوج العار ماتدرين ابنات اثنين هجن من ظلمج وظلم اخوتج وبعدج ادافعين عن نفسج وعن وحده مامعلوم اصلهه...

ثريا.. شنو الخلاج هسه تحجين موجنتي ساكته وانتي ادحكين المشاكل واسالج دكليلي الله راد هيج ..

الحجيه.. البشر من يكبر يتعظ يسوي عمل خير بس انه من اجيت هين تقرب مني الشيطان انه ساكته لان ما اكدر احجي وكتلج يابنت ترى هاي مسويتلنه شي ساده حلوكنه مانفع بيج. 

البارحه بليل ظليت اصلي وعندي دعاء ابوي الله يرحمو علمنيا وظليت ادعي بي واستغفرت ونمت كعدت لكيت هاي المصيبه الحلت ع روسنه بس انه زينه ولازم اطلع من هذا البيت لويوم واحد لازم ارقي نفسي اذا اظل اموت بداري ....

... عافتني وطلعت وانه ظليت وحدي اليوم المفروض فرحانين والحنه وكلساع عيني ترفع على الساعه واكول هسه تجي الناس واخوتي كل خبر ماكو وصفيت وحدي بنص هذا البيت بعد ماجان مايفرغ ولايهدء من ضحكة امنيه وشقاهه...

ساعه ورجعو اخوتي تلكيتهم من الباب اريد اعرف شصاير محد جاوبني ادهم صعد لغرفتو ورجع مبدل والمسدس بحزامو وكفت كدامو وكتلو وين رايح ماتحجون؟؟

ادهم.. رايح لجهنم كله منج يول ثريا الف مره كتلج لا تختلطين بيهه كتلج ما مرتاحلهه يولي انه شنو شلون انجريت وراهه انتي مستوعبه الصار امنيه ما ادري بيهه بيا شارع وبيا بيت ...

ثريا.. ليش تحملوني ذنب انه مالي علاقه انت كلت اريد اخطبهه قابل كتلك اخطبهه الحجيه طلعت ودكلي من وراج ...

اوس.. هسه مو وكت مكاونكم راح يجن عماتكم واول مايسالن عن البنات شدكولون وشلون راح نسوي عرس وعرضنه مانعرف بي وين.

ايوب.. هسه عرفتو عرضكم يولو ٣ انتم شنيتو حرب عليهم وعبالك عدكم عداوه وياهن عبالك تعدي الكم انتظر اتشمت بيكم من ادحك حوبتهن...

انت قيس يول سويت نفسك العاشق الحزين وبس انت حبيت وبس انت اتزوجت حبيبتو لاتاكل ويانه ولاتزقنب واجيت ولكحت الذنب على فاروق ...

واجت البنيه وطلبت مساعده وماحركت روحك بالعكس اتشفيت بيهه ومن تكعد تحجي تسوي نفسك ابو كلب الحنين الماكو منه وانت فد واحد نذل تعيش الدور ...

قيس.. انجب لاتتجاوز يول لا اطيح حظك منو انت حته تحجي وياي هيج ...

ايوب.  كوم يول من يصير براسك حظ هذا الوكت احترمك نسيت بيمن درست ووصلت لاعبالك بفلوسك لو بفلوس ابوك بتضحيه نيران وصلت...

لوماهي جان لسه نشيل طاسه ونشتغل عماله ولسه ماعرفتو معنى الشهاده شنو ولا حظرتك شديت النجمات كلو بفضلهه وانت خوش جازيتهه...

فاروق.. ايوب كافي يول مو وكتهه خلي نلكه البنات قبل لا يجي الليل ..

اوس.. وين تلكاهن فص ملح وذاب حته بيت جدهن تخبلو وحملونه المسوؤليه ..

ثريا.. ادهم طلع ولحكو اوس وفاروق وايوب طلعو وقيس ما ادري وين راح وهم صفيت وحدي ...

طلعت للحديقه ابجي وادعي يلكوهن وترجع لمتنه من جديد اندك الباب وادحك السيارات تنزل وصوت عماتي والجهال..

حرت وين اودي وجهي وشحجي وشكول فتحتلهن الباب وطبن للبيت بس كعدن سالن يولي ثريا مو ادهم خاطب امنيه بنت فلاح شلون خطب غيرهه..

... ظليت ابلع بريكي ما اعرف شحجي كتلهن اي هي ماقبلت لان جان بينهم اتفاق بس تكبر تفسخ ..

ام جاسم.. عجل وينهن لاهي ولا اختهه مو اطلكت..
ثريا.. راحن لبيت جدهن جدتهن مريضه ..
ام جاسم.  يولي غير اليوم فرحه وهن بنات العم شلون يرحن..

ام سالم.. تلكيهن مقهورات بنات فلاح لان ماحصلن لا ادهم ولاقيس انتو كبرتو راسهن وخليتوهن شايلات خشومهن..

ثريا.. لا مامسويات شي بس راحن يرتاحن تعبن بهاي الفتره ما اعرف شحجي وشنو التبرير الي نكولو ومصيرهن شنو ..

اندك الباب كمت فتحتو عمة اسماء جايه دكلنه ع موعد الحنه وهم ظليت حايره شجاوبهه بس كتلهه الله كريم...

صارت ب٤ المفروض موعد الحنه واخوتي ماكو وبدت الناس تجي ومحد يطلعلهم دكيت على اوس كال راح اجي وشويه واجو يستقبلون الناس ...

ادهم مارجع ومتخبل يكول اوس فاقد عقلو ومثل الغركان ويهمش يوصل للجرف احنه مارحنه للحنه رغم شكد دزو علينه ونسمع الهوسه وصوت الجهال وماطلعنه ايوب منع الكل حته عماتي ماقبل يروحن للحنه وكعدن يحجن...

الحجيه مارجعت للبيت وفوكاهه اخوتي حارو عليمن يدورون بس ايوب كال انه وديتهه الحجيه لبيت ام شذره وكالت اظل هناك اشكم يوم ...

ادهم مارجع للبيت ولاحضر الحنه وكل اليسال علي انكلهم عندو واجب ما انطو اجازه دزوني بليل لاسماء نكلهه ماكو زفه ولاعرس المغرب انجيبهه للبيت ...

رحت انه وعمتي ام جاسم وتلكتني زعلانه شلون ماحضرت الحنه مالي خلك احجي واخذ وانطي بالكلام كالتلهه عمتي ام جاسم عدنه ظرف وماكو زفه وهذا الحجي لادهم...

اسماء.. تخبلت من سمعت بهاي الزعطوطه خربت عرسي اختارت يوم عرسي حته تنهزم وادك على ادهم من الصبح مايجاوب كلت يجوز ملتهي...

اني احب ادهم لحد الجنون ومستعده اسوي المستحيلات علمود احصله امنيه بشنو احسن من عندي حته تاخذه...

صديفتي رنا تدري بيه وكتلهه لازم انشوف وحده تسويلي محبه لازم اصير من قسمه ادهم وهي دلتني بوحده بمنطقتهم مشهوره  اسمهه ام معتز هي ورجلهه بهاي الامور...

اول يوم رحت اني ورنا وامهه كالت رجلي يسويلج شغل بس يكلفج هواي بس مضبوط كتلهه ما اريد شي موزين ويمرض كالت لا بس محبه وعكد السان...

حاولت اجمع من مصرفي وسوتلي محبه ورا ما انطيتهه اسماء العائله كلهه وجان المقصود ثريا هي الوسيط ولازم هي اول شي انجرب بيهه...

اول شغل ماسوه شي ورجعت مره ثانيه الهه كالت لازم ادفعين ورجلي يسويلج ظليت حايره منين اجيب والمصيبه ام رنا تريد انطيهه لان هي التروح واتجيب وصايره حبل الوصل...

ظليت اسبوع وانه حايره وافكر منين اجيب وشلون والمبلغ الطلبته جبير ظليت اراقب بعمي ووين يخلي افلوسه وعمتي معلمه متقاعده انتظرتهه تستلم راتب..

اسبوع كامل واني اراقب بيهم لحدما اندليت مكانهن واخذت من فلوس عمتي ورا يومين يله عرفت فلوسهه مبيوكه وتخربطت وكل ضنهه ضيعتهن بالشارع لان ما فقدتهن من رجعت..

اخذت المبلغ وانطيته لام رنا واشتغلتي العمل وكالت تخلي بلاكل واكو مي اروح ارشه ابابهم شفت نتيجه على ثريا لان غيرت معاملتهه وياي بس جنت مستعجله ما انتظر عود يبدي العمل...

شكد حاولت ويه ادهم خابرته من الف رقم وصدني بس لوهو لو ما اتزوج مدام اكدر احصله مثل ماكالت ام معتز وكالت اسويلج شغلات اخلي كلشي بيدج ...

عاجبتني هاي العائله حيل اتمنى اصير بنصهم واصير اني الجنه والمسوؤله عن البيت وادهم احبه حب موطبيعي ومن كدما اراقبهم حته حفظت ملابسهم من يطلعون...

هم اخذت فتره ورجعت على ام معتز كتلهه شوماكو حل يصدني ومايتقبلني كالت اني جاي اشوفهم محصنين من صغرهم بشغلات تحجب عنهم هاي السوالف الا عمل جبير واندفنه وشي موطاهر يله يفيد ...

دخلت بهاي السالفه وكلت ما اطلع منهه الا واني محصله ادهم وصدك طلبت بعد فلوس اكثر وهالمره اخذت من عمي ومافقدهن لان جان ضامهن ومامحتاجهن ...

طلبت من عندي اشياء لازم اجيبهه ظليت هواي اروحلهم وجانت ملابسهم منشوره ع الحبل من اريد اطلع كلت لثريا اريد الصينيه مالتنه يمكم راحت تريد اتجيبهه واخذت شكم قطعه من الملابس الي ع الحبل وما اعرفهن المن بس اكو تشيرت جان لادهم اشوفه لابسه...

خليتهن بجنطتي ع السريع جنت متحظره واخذت جنطتي جبيره ثريا مثل الثوله وكانو معميه ماتشوف اي شي كدامهه ومصدكتني بكلشي...

وديتهن لام معتز واشتغلت الي العمل ورشيته ابابهم ودزيتلهم اكل ومن هاي تغيرت ثريا صارت هي ادز عليه ودكلي تعالي يمنه والحجيه جانت تطردني هسه مالهه علاقه ...

عفت كلشي واتجهت على ادهم كمت اتودد اله واخابره رغم مايجاوبني بس احسه موطبيعي وبس يتهرب من عندي ومن اجيب ذكر امنيه بسرعه يعصب عليه...

ظليت متواصله ويه ام معتز وخليت ادهم يخطبني وماراح اسمح لامنيه تخرب فرحتي رغم اني متاكده ادهم مايحبني وباله يمهه بس جنت اتامل اغيره واخلي ينساهه...

طول فتره علاقتنه وخطوبتنه الشهرين تقريبا ماسمعني كلمه حلوه ولاكال احبج ولا لزم ايدي وحته من اتقربله يبتعد وكانو مجرد اسقاط فرض علي او جاي كوه ...
....

ثريا... ثاني يوم عماتي ورا الغده راحن وماكو كل هوسه هذا العرس الي انخطط الو اسابيع انتهه بس ثريا كاعده بنص المطيخ وعينهه ع الباب...

حال اخوتي مايسر ابد ايوب وفاروق من البارحه ماماكلين وقيس ازيد حاله من عدهم وادهم مالفه للبيت ابد...

صار المغرب ولازم يجي ادهم وكوه بعد معاناه يله اجه كالو فاروق بس جيبهه ونطلع اندور حته تتجنب كلام عمهه ...

جابو اسماء بدلتهه البيضه ومكياجهه وهو حته قاط مالابس وعافهه بالبيت وطلع وهي اكلت راسي وتحجي ع امنيه ونيران ...

زكخت بيهه حته تسكت كتلهه روحي لغرفتج انه راح اروح اصلي عفتهه وكمت للغرفه هاي ثاني ليله  والبنات ماكو خبر عنهن...

دكيت على بيبيتهن بس كالت الو بجت كالت جاي اموت جدهن يفتر بشارع عليهن وين راحن مايندلن واحد وين كعدن...

صليت وطلعت اسماء بغرفتهه واخوتي رجعوا بس ايوب وادهم ماكو سالتهم صفكو بديهم كالو ماكو كل ذكر الهن...

دحكت ع قيس الي ايدو على كلبو ووجهه شاحب اصفر ردت اصبلهم عشه ماقبلو كعدو بالديوانيه وما ادحك غير قيس يكمز من مكانو للمغسله وخشمو ينزف...

جبتلو كلينس ومنزله راسو وياشرلي يريد يكعد حس على نفسو راد يوكع كام اوس سندو وكعد على الكرسي ...

قيس مومثل ادهم الي يتكاون ويفرغ عصبيتو ويضرب بس قيس يكتم بداخلو الي يدحكو يكول مامهتم بس بداخلو براكين محد يكدر يخمدهه...

كعدت بصف فاروق كتلو الحجيه جيبوهه انه ما اكدر اظل وحدي ...

فاروق.. باجر اوس يجيبهه كومي سويلي استكان جاي وثكيل لاتسوي خفيف...

رحت جبتلو الجاي كتلهم مارحتو للامام الكاظم خاف راحن هناك لان مره كالت عاجبني اروح للامام من جانت صغيره تروح ويه خالهه...

اوس... رحنه ودورنه وحته لابو حنيفه رحنه خوفنه راحن برجليهن لابوهن...

ثريا... شراح تسوون راح تسكتون وتمر الايام وهن ماموجودات ..

اوس.. يولي ثريا ماخلينه ضابط ما دخلنا حته السيطره الي بالمنطقه كالو مادحكنه احد طلع الفجر عبالك فص ملح وذاب ...

قيس .. نيران خوافه ماتجازف باختهه الا احد ساعدهن..
اوس.. يول منو يساعدهن هن طفح الكيل بيهن وراحن...

ثريا.. الكل راح لغرفتو وادهم مارجع بهاي الليله الي المفروض تسمه ليله عرسو ...

كاعده بالديوانيه ومخليه ايدي ع خدي ونزلت اسماء لابسه كلبيه وملامح الحزن على وجهه كعدت يمي وتواسيني وتهدي بيه..

اسماء.. ثريا كولي يالله هسه يلكوهن ماخابرتي ع ادهم مايجاوبني..

ثريا.. هو وينو ادهم ما اجه للبيت ولا دحكنا صار يومين اسماء ادعي يلكوهن ترى ادهم مايلفي البيت اذا ماجابهه ويا...

اسماء.. شحجي وشكول ياثريا اني عروس وشوفي حالي بس اني وياج كاعدين ورجلي حته ما شفته ولا باوع بوجهي ابد...

ثريا.. مابيدنه شي غير الدعاء تعبت من الانتظار ونمت واخوتي مارجعو ثاني يوم الصبح كعدت محد اكو وبس اني واسماء..

ادك عليهم محد يرد عليه لحد ١٠ الصبح يله اجه اوس وجاب الحجيه وشذره وامهه بس طبت الحجيه اسماء تلكتهه تريد تسلم عليهه بعدتهه ماخلتهه...

استغربت من تصرف جدتي وطبت للغرفه هي وشذره وامهه واسماء تشكيلي ع تصرف الحجيه ماجاوبتهه رحت للغرفه اريد افتهم منهه...

طبيت كتلهه جده البنات ماكو كلبج مايوجعج عليهن بسرعه بجت ...

الحجيه.. عمة عين كلبي ياجده يا امينه يم ضحكه الحلوه شكلتي اشربتي صار ٣ ايام واخيتج المسكينه شحالهه...

ثريا.  ..جده  اخوتي محد اجه بيهم بس يدورون وادهم ماطب للبيت من يوم الطلعت بي ..

الحجيه.. خلي تفيدو هاي الحيه ام الدروب وانتي يثريا اذا لكفتج يمهه اكطع الشحاطه عليج...

هسه صحيت امداني وضربت كصتهه من كون الله ماخذ امانتو ولاصار الصار وسكتت ...

ثريا... جده شلون تغيرتي شو احس بس انه هايمه وسط الظلام فهموني شجاي يصير...

الحجيه.. هاي الجنهه سعلوه تارسه البيت عمل شيطان طلعت منا بعيد عنكم رقيت نفسي من دنس هاي ام السحوره وظلي انتي مثل الطلي تفترين وراهه...

ثريا.. شنو هالحجي حرام عليكم اتهموهه صارت مشاكل النه مو معنى نتهم البنيه...

الحجيه.. دكومي منا لا ابتلي بيج جنج وحده ثوله لا والله غبره ومابيج خير وما انقهر عليج بعد...

ثريا.. لاتخبليني جده انه شنو ذنبي شبيكم وياي كلكم ضدي والله راح اموت من الملامه...

الحجيه.. كومي من هين وكلي لهاي الحيه وين ما الكاهه اهينهه لاتوكف كدامي اوف شلون مثل بحلكي على روحي هسه تندرت لو من ساعتهه حاجيه...

كومي ثريا حضري الملحق البرا لام شذه وبتهه راح يظلن يمنه ماعدهن مكان ابو البيت شيلهم بين مايلكن مكان...

ثريا.. الملحق البرا نظيف بس انطيتهم المفاتيح هن غرفتين برا وبيهن صحيات بس صغار طلعت من الملحق واسمع اسماء لازمه شذره وتتامر عليهه دكلهه كومي نظفي غرفتي انتي وامج مو خدامات...

صدك ضجت منهه رحت عليهه كتلهه اسماء شذره كرايبنه وضيفه عدنه وماعدنه خدامه كل واحد يخدم نفسو..

اسماء.. ثريا ترى اني عروس كلشي ماشفت شجاكم ويايه ليش هيج تعاملوني..

ثريا... بشنو معامليج احنه بياحال وكاعده ادورين مشاكل مالج علاقه بشذره...

طلعت شذره واخذت غراضهم للملحق ويه طلعتهه من المطبخ تلكت فاروق وجه لوجه جان جاي هستوه ويخابر لابس دشداشه نيلي والجكاره بيدو...

البنيه ماتعرف وين تروح تمشي خطوه وتتعثر من الارتباك وفاروق واكف مثل الحبل بنص الطرمه ومصوب نظراتو عليهه ...

مشت بخطوات سريعه مرت من يمو وجان تعثر وتوكع ع وجهه التفت عليهه كالهه اسم الله يولي ...

كامت نفضت نفسهه وعينهه بالكاع دحكت برائه امنيه بيهه صدك جواهر هاي البنات المتعوب عليهن...

بس فاروق الظاهر عجبتو لان واكف بكل جبروت كدامهه وهي تنفض ملابسهه اول مره ادحك اخوي يهتم ويدحك لحرمه. .

سمعتو كالهه انتي شذره؟؟

هزت راسهه بمعنى اااي وركضت ليجوه حته فاتت من يمي وضربتني بكتفي وما انتبهت من الخجل...

تقربت ع فاروق كتلو ماكو خبر عن البنات؟؟

هز راسو بلااا ماكو وادهم مايرجع نايم بشارع حاولت ويا بس حالتو تعبانه...

ثريا... وهاي اسماء شلون خاف تحجي لاهلهه..
فاروق.. ليش هي عدهه اهل ما ادري منين جابهه ادهم المهم يولي هاي البنيه وامهه ليش يكعدن بالملحق بارد فرغيلهن الغرفه الجوه وايوب ينام بالمضيف...

كعدت ع درجات الحديقه وانه ادحك ع السما ياربي رجعهن سالمات غانمات واحفظهن وين مايكونن...

اخوتي تشتتو ونايمين بشارع بالبرد بس علمود يلكوهن لاقيس ولا ادهم يرجعون للبيت ...

كاعده وكلساع امسح دموعي الي تصب وحدهه على وضعنه الماساوي ويندفع الباب بقوه ...

وايوب يصيخ يول ثريا جيبيلي خاولي ومخلي ايدو على بطنو التنزف وصايره ايدو حمره....

ركضت علي كعد على ركبو ماكدر يكوم ويصيح بسرعه يولي على صوتو اجه فاروق يركض سندو انريد نعرف شبي ومنين هذا الدم...

بس كال تكاونت ويه واحد يم المجمع البارحه وهسه من طلعت  وردت اوصل البيت ضربني واحد وشرد ما لحكت بي ...

ثريا.. جان يحجي ووجهه ينطي الوان وبده يفقد وعيو لان نازف دم جثير بدت عينو تغمض وانه كلبت الدنيا واصيح ايوب واضغط ع جرحو وفاروق ركض يجيب سويج السياره...

وايوب غمض عينو والعرك ينزل من كصتو وشفايفو جافه وايدو ارتخت....

يتبببع.... متابعه ممتعه احبكم هوااايه...

هوايه طلبتو صور تشبه الابطال وهاي صار فتره اطلب من ثريا ادزلي كالت جاي ادور كل ماتلكه شبيه ادزلي. اليوم دزتلي هذولي ....

ايوب يشبه رائد ابو فتيان نسخه من عنده بس ايوب اضخم واسمر بعد اكثر

ثريا تشبه الاء حسين قبل التجميل

ترى والله مو لان اسماء نكرهه طلعناهه مو حلوه بس صدك شفتهه بالصوره الدزتهه ثريا نفس الملامح ونفس الحواجب مسويتهن وبعد اسمن