رواية بعد منتصف الليل الفصل السابع والستون 67 - بقلم غير معروف

#الاخيررررر

#حرير#بعد_منتصف_الليل  .

#بقلمي #نشــــوى_السٌــلطان

#لا تزعل  انا امزح الشوك اللي
#بالگلب يفضح انا مثل افرح
#اذا تظحك يمحبوب #تعال
#اغفى في صدري اشم #عطرك

#تشم عطري حلاة الهوى ياعمري

#لمن اثنينة #انذووووووب❤️

ام دحام.. اي يمه والله حرمة دحام فد مره غددت
تعال خل نوديها للمستشفى..

فهد.. خطيه شجاهه .. جان خابروني من وكت
يله خل اللبس واجي ونشوف

شذى.. هاا شكال

ام دحام.. جاي بالطريق...

شذى.. حرير.. كومي حبيبتي خل انلبسج

حرير.. فرررح عوفيني اريد انام
ً
شذى.. حرير شييج اني شذى مو فرح

ام دعام.. عزززة النوب كامت ماتعرف الوادم

شذى.. لا هاي من الصخووونة.. حرير عمري
كومي خل نوديج مايصير تبقين هيج

دحام.. مابقى شي واوصل.. شلت التلفون ودكيت عليها...

شذى.. هذا رقم دحااام..

ام دحام.. عجل هذا هو طلبنا ردي يمة

شذى.. الووو...

دحام... منوو شذى

شذى.. اي هلا

دحام.. هلا خيتي... شنونج حرير شنون صارت

شذى.. والله بعدها هسه جاي فهد راح نوديها

دحام.. انيييي موكتلهم خل ابو قاسم يوديها

شذى.. اي كالو والله بس ابو قاسم مو هين اليوم

دحام.. خيتي بس جاوبيني هي شبيها هسه
لا تخبلووني حرير بيها شي

شذى.. والله تتحسسن وترجع تصخن الحراره
حييل مرتفعة .. تصور احاجيها ماتعرفني

دحام.. يووول يااااب .. شطلعني اليووم روحي خيتي جدامي سيطرة هسه.. سديت الخط

شذى.. عمة شو دحام ايكلي جدامي سيطرة هو مو بالحفلة...

ام دحام.. جاااااان عايزة يطلع جاي ولله هذا مايهمو شي  ..

سحر.. يمعودات شيجيبه... هاي بغداد ديفترون

شذى.. والله مادري.. كلت معقوله جاي والطريق خطررر

فهد... بدلت عالسريع ... شغلت السيارة وطلعت من بين الافرع...

شذى... جيبيلها حجابها.. كومي حبيبتي

حرير... شذى... ماروح الله يخليج عوفيني

ام دحام.. كووومي بنتي مايصير تبقين حرارتج
عاليه.. هسه نوديج للمستشفى وترجعين مثل الورد

حرير... سمعتكم تكولون دحام جااي وينه

ام دحام.. لا يمه شجابو بغداد بعدو ماجة

شذى.. لا حبيبتي .. اني عبالي جاي بس
سحر تكول ابغداد موجاي

حرير... لا يجي الطريق موزين خابري عمه
وللمستشفى ماروح .. ميتة برد والله

ام دحام.. يمه من العصر لحد الان انتي على هالحال وهاي صار اكثر من ساعتين مانزلت حرارتج دكومي يايمة موزين عليج

دحام... وصلت الديره.. خففت السرعه شعلت اشارة بالسيارة.. طبكت يم السيطرة حاجيتهم

ودخلت للفررع... وصلت لكيت سايرة فهد طابكة
نزلت عالسرريع..

فهد.. ها خاله نمشي لو لا

ام دحام... خل تنزلها شذى ماتكدر خطيه

دحام.. فتحت الباب وطبيت.. لكيت امي وفهد يم الدرج واكفين... يمةةة وينها حريررر شنونهاااا هسه

ام دحام... عززززة عالماتلك شجابك يول تخبلت

دحام.. حريررر وييين..؟

ام دحام فووك هسه ينزلوها

دحام.. وخرت امي من يم الدرج وصعدت عالدرج ركض... فتحت الباب وطبيت

حرير.. ماكدر خابري دحام شوفي وينه خاف جة ..

شذى.. تحاجيني حرير وماتدري دحام واكف وراهه..

دحام... يبعد العمررر شبيييج ...

حرير... سمعت صووت دحام.. بقيت صافنه معقولة المرض اثر عليه صديت دحام ورايه بقيتتت مصدوووومة..

دحام.. شلتها... حضنتهااا حييييل... حبيبي
يبعد عيوني عيونج.. شبيج غاليتي ًً

حرير.. كتلك لا تروح وتعوفني... مريظة

دحام.. بلچي راحت روحي ولا رايح.. شذى افتحي الباب..

حرير... مارووح والله هسه احسن

شذى.. يبوو حتى الدم رد بوجهه جان جيت من زمان..

دحام.. لا حبيبي انتي نارر صايره.. نزلت واني شايلها..

ام دحام.. هااا وين رايحين...

دحام.. فهد افتحي الباب...

شذى... دقيقه خل اجي وياكم

ام دحام... يولي سحرر عبايتي وييين

سحر... هاي شجابة دحاااام

شذى... الشوگ جابووو ليش وين يكدر يعوف حرير هيج... عفتها وطلعت وراهم..

فهد.. دقيقه دحام.. خل اجي وياكم

دحام.. ماحاجة... خليت حرير يمي وشغلت ومشيت..

حرير... عليك الله خل نرجع حظر خاف يصير شي..

دحام.. حبيبي هسه جيت ماكو شي لا تخافين

حرير...دحام برداااانة... والله

دحام... طفيت السيارة نزعت الستره وخليتها عليها.. ادري شجرالج.. هاي كل شوي تغسلين وتخلين شعرج كله ماي وبردتي.

حرير.. يحاجيني واني حتى سنوني اطكطك من البرد... بقيت مرتجيه عالطخم وارجف.. ًً

دحام.. حرير.. شونج هسه

حرير.. مابيه شي بس باردة

دحام.. هاي راح نصل مابقى شي يالعمر انتي

ام دحام.. اني موكتله اروح وياك ليش ماخذني

فهد.. خاله طلع مستعجل حتى اني مااخذني

ام دحام.. يمة اطلبه كله لا تجون باتو بالمستشفى

شذى.. خاله اني اروح واذا جتي حرير خابروني ..

دحام... وصلت المستشفى فتحت الباب شلتها ونزلت اركض احاجيها ماترد بس تووون

صحت وين الدكتوررر احد هييين دخلت للرده
ماكو.. طبيت اركض للردة الثانيه كلها اطفال
يمعوودين وين الدكتور

الدكتور.. خير عيني شعندك .. شبيها

دحام.. مادري بس حرارتها مرتفعه وراسها يوجعها

الدكتور.. خليها.. على السدية...

دحام... دكتوررر... ولي يسلمك عوف كلشي وتعال شوفهاا...

الدكتور.. جاي ..

دحام... سوينا الفحوصات..اخذولها التحاليل

وكملنا..

الدكتور.. انطيتها مسكن وخافظ حرارة
اتوقع عدها التيفوئيد ..  حسب الفحوصات بس ننتظر النتيجة تطلع...

دحام.. دكتور .. بس حيل تعبانه وصخونتها عالية

الدكتور.. شي طبيعي التيفوئيد هاي اعراضة
بس ان شاءالله مايكوون قوي...

دحام.. ان شاءالله دكتور رحم الله والديك

الدكتور.. اذا بيتك قريب وتحب تطلع عادي اطلعو والعلاج اخذه وياك مالها داعي تبقون

دحام.. زين والتحاليل شنون

الدكتور.. تكدرر تجي الصبح تاخذهم واذا تريد تبقى براحتكم.. عن اذنك

حرير.. دحااام

دحام.. صديت عليها... كضبت ايدها .. ها يبعد عيون دحام...

حرير.. لا تطلع خل ينفتح الحظر

دحام.. حبيبي المستشفى كلها امراض راني اتخبل من عدها..

حرير... يعني شنووو...

دحام.. شلت العلاكة.. صديت عليها شلتها

حرير... لااا عفية اخااف

دحام.. يووولي ماكو شي والله امشي هسة نصل

ام دحام... فهد وينه دحااام

فهد.. اكيد بالمستشفى خاله هسه تبين

ام دحام.. عجل ليش من تطلبه مايرد

فهد.. خاله الجهاز جو بالسيارة

دحام.. طلعتت خليتها بالسيارة ومشيت للبيت

حرير... على كيفك اوووف من عنادك

دحام.. هههههه منو منو هذا العنادي .. بعمري ماعاندت على شي بس يووم حبيتج كلت اخذها يعني اخذها لو يكف الكون بوجهي بس العناد يمج ااااخ شمسويه بيه

حرير.. شلت التلفووون.. هاي شكد مخابرين عليك..

دحام.. هاي امي ومحمد.. هسه بس اصل اخابرووو

حرير.. هو يسوووق واني عيني عليه ادحك عليه على تفاصيل وجهه.. حلوو عيونه حلووة حركاته

شخصيتة بعد احلى.. وكل ما اركز عليه اتذكو سعد.. جثير بشبهه حتى بالعصبية ااوف حييل

انقهرت لان دحام تعبتة جثير مايستاهلني... شمااا اسوي مراح اكدر اوفي بحقه .

دحام.. صديت عليها هاا شبيج وين صافنه

حرير.. صافنه عليك..

دحام.. هااا ليش

حرير.. شنون تحي بالليل هاه

دحام..ضل بالي عليج شسوي .

حرير.. هالكد انييي!!

دحام  اي كمليها.. اي هالكد احبج واكثر

حرير.. التلفون ديدك.. هذا فهد

دحام.. جيبي. عوفيهم هاي وصلنا بعد

ام دحام... راح يموتني والله ليش مايرد

فهد.. هاا صوت سيارة بالباب...

ام دحام.. ياالله ...خل افتح الباب.

دحام.. دفعت باب الحوش برجلي وطبيت

ام دحام.. هااا يمة شنونها هسه

دحام الحمدلله احسن..

فهد .. جان جاوب خليت بالنا

دحام.. ازدحام وهوووسة ماكدرت ارد من رخصتكم .. صعدت فووك

ام دحام .. الحمدلله ياربي وين المگصومة سحر خل تجي تخابر شذى عيب

دحام... طبيت للغرفه .. خليتها عالجربايه

حرير...  غطيني..

دحام... بعدج بردانه...

حرير.. اي بس هسه احسن من گبل شويه

دحام... غطيتها.. راح اروح ..

حرير... رفعت راسي وييين

دحام.. لا بس اغسل وجهي وارجع ..

دحام،،. طلعت للدرج نزلت... لكيت امي وفهد مندمجينن كاعدين يسولفوون.. طبيت غسلت

وجهي وصعدت.. فتحت الباب..على كيفي شفت حرير نايمه،، سديته ذبيت ملابسي وعلگتهن ..

كعدت يمها عالجرباية.. بقيت صافن ادحك عليه
على تفاصيلها.. صرت احاجي روحي بالله لو

لوصاير بيها شي جان شكلت اني... تمددت يمها ونمت...

حرير.. كعدت الصبح.. لكيت نفسي نايمه على ذراعه... رفعت راسي.. دحام نايم .. تقربت عليه

ورجعت نمت يمه .. ليش هيج سويت ماعرف بس
حسيت نفسي محتاجة الة كل يوم يكبر بعيني
اكثر خوفة حرصة عليه يذكرني بسعد .. محد
جان محسسني  بقيمتي غيرهم... مرت الايام

مرضي جان التيفوئيد .. لكن درجه خفيفة
استمريت عالعلاج وصرت احسن.. دحام يسهر

ويايه يوميه وبيده ينطيني العلاج رغم اني جثير
تعبتة .. بس
بعد ماشافني تحسنت صار يرجع الطبيعته

ينام بالكاع .. وحتى اذا ينام يمي يبقى صاد
غادي.. صرت اتمنى قربه.. بس مادري ليش

ماكدر احجي واطلب منه هالشي يمكن خجل
او غرور .. او يمكن مثل ماكال راس يابس

ههه.. بس لازم ابدي من جديد .. سعد ماتصور
يجي يووم واكدر انساه ولو شوي.. بس راح

يبقى مدفون بداخلي.. دحام.. هو دنيا جديده
الي.. ماتصور احد راح يحبني كثر دحام..

وحتى اني ماكدر بعد بدونه...  شمة اطلگت طلاك غيابي .. هالشي جان بأرتدتها .. كعدت الصبح نظفت ويا عمتي.. وكملت..

ام دحام.. عجل وين دحام...

حرير. طالع عمه.. ليش..

ام دحام... اني اروح ويا سحر وره الغدة دنجهز الها .. انتي تبقين هين لو تطلعين...

حرير... لا مااطلع واذا اطلع اروح يم شذى

ام دحام.. دحام يجي عالغده..

حرير.. اي طبعا يجي...

ام دحام.. عجل خووش...

حرير..عمتي طبت جووة.. بقيت كاعده بالطرمة وحدي.. صافنه وافكر.. دحام راح يجي

خل اكوم اللبس ابدل خلي اغير من نفسي شويه
اي كافي كمت الحيلي.. طبيت غسلت ومكيجت

لبست دشداشه ربع ردن بصلي...فتحت شعري
بقيت كاعده .. كمت رتبت الغرفه ونزلت ..
لكيت عمتي وسحر مبدلين يردون يطلعون..

سحر... يله عاد يمة احمد جة بالباب

ام دحام.. جايه عسى خبال لاحگة عالعرس يولي ماراح يطير...

حرير.. نزلت عالدرج شفت عمتي تحجي على سحر وبداخلي ميته ضحك محد يكدر الها

غيرها... خالتي طلعت وسدت الباب وراهه
كعدت بالمطبخ وحدي... انتظر دحام يجي

عيني عالباب.. صرت اتمنى وجوودة بكل لحظة
اضوجة وغيضه لحتى اشوف عصبيته جنونة

غيرتة عليه.. شلت التلفون خابرت عليه

الوو..

دحام.. هلا

حرير.. تأخرت ماجيت..

دحام.. لازم مشتاكة الي

حرير.. اي..

دحام.. احم  احم .. شنووو..

حرير.. وحدي كاعده اهلك طلعوو وضايجة

دحام.. ماكدر اجي جثير شغل عندي

حرير.. اهووو عجل راح اووح الشذى لو على امي

دحام.. لاااا ماكو روحة وحدج.. بالليل اخذج
ونروووح

حرير.. عجل لا تتأخر...

دحام.. صار يالعمر انتي..

حرير... سديت التلفون.. طبيت رتبت البيت
اريد بس الوقت يمشي .. طبيت للحمام شغلت الغساله وبديت اغسل بالملابس..

دحام.. عفت الشغل ورديت للبيت.. فتحت الباب
البيت هدوء بس صوت الغساله..  طبيت على

كيفي.. وكفت بالممر.. شفت حرير.. واكفه
يم الغساله.. مشيت خطوتين.. وجان احضنها

حرير.. جمدددت بمكاني يممةةة عطت حييل
صديت عليه دحام ورايه.. شبيييك حفلتني

دحام.. ههههه ول ول شنون تعيط شهالصوت العالي اللي يشوف طولج ماعبالو عندو صوت

حرير.. اي انت ابقى قلد على طولي الزم
شوف گلبي شكثر يدك..

دحام.. يول من عاااب گلبي اي والله ريتني بعد كله دكة بي..  ول من بعد جدامي جدامج امشي تعاي

حرير..  مممممم خل اغسل ايدي..

دحام.. رايح فوك الحكيني ... صعدت

وعفتها.. جوه طبيت غيرت ملابسي...  تمددت وكعدت اكلب بالمبايل...

حرير.. نشفت ايدي وصعدت.... فتحت الباب لكيتو متمدد كعدت جدام المرايه وكمت امشط بشعري...

دحام... ادحك عليها من بعيد.. شهالحسن يربي
يوم عن يوم يزيد اشتايكي ولهفتي الها بس

مدام هي فضلت هالشي بعد مستحيل اهين كرامتي اكثر من هيج خليتها على راحتها حتى لو هالشي على حساب سعادتي.. ماراح اتنازل

حرير... ادحك عليه بالمرايه... عيونه عليه بس لما
ادحك عليه يصد .. تعطرت .. ورحت نمت يمة

دحام... حسيته متقصده جت يمي.. حاولت
ابين نفسي طبيعي.. صديت غاد.. طفيت التلفون ونمت...

حرير... ممم لازم نعسان..

دحام... اي تعبان حيل..

حرير... شعجب راح اتنام هين انت كل مره تنزل جوه..

دحام.. يعني دتكوليلي انزل مووو.. دفرت الحاف ونزلت بالكاااع..

حرير.. هاي شبيك واحد لازم مايحجي وياك

دحام.. يولي.. انتي كل مره هيج تسوين يعجبج

تشوفين غيرج متعذب الاجلج.. يكفي غرور

يكفي كبرياء كلتليلي اصبر عليه .. گلبي

ويا غيرك.. صبررت.. وكلت تهون .. بس مال

تلعبين على گلبي لعب لاااا مااقبل كافي تعبتيني جثيررر .. كمت الحيلي شلت الجكاير اريد اطلع..

حرير.. كمت اول ماشفتو كام عرفته مثل كل مره

راح ينزل جووة.. وكفت عالباب صرت  جدامة...

دحام.. اريد اطلع صارت كبالي...يول شبيج

حرير.. لا تروح..

دحام... كظبتها من خصرها.. يولي اني دحام
اللي يستلذ بعذابي اجعل الله ماخلقوو .. كافي
كاااافي.. انتي اللي تريدي شنوووووو

حرير.. بخجل وارتبااااك.. همست بصوت ناصي .. اريدك الك..

دحام... بقيت صافن بوجههه...

حرير.. حظنته حييييل.. لا تروح وتعوفني..

دحام.. بقيت مستغرب هاي حرير لااا مستحيل

حرير،، رفعت راسي.. دحكت بعيونه .. دحام

دحام... دحكت بعيونها بدون ماارد ...

حرير.. أحبك والله .. ماكدر بعد ابعد نفسي

دحام... عجل ليششش ماتحجين

حرير.. ماددددري.. بس اللي ادري بي اني احبك... والله

دحام.. عجل لو ادري بيج راح تحجين يول
من زمان جان زعلت..،

حرير...وهسه بعدك زعلان...

دحام.. ليش اني اكدر ازعل.. يولي انتي الگلب
مالي انتي الرووح يبعد العشيرررة كلها

حرير.. تحبني...!

دحام.. هههههه عجل اكو واحد مايحب روحه
تعااااي.. احتركووووو اهلج ..

حرير.. وييين دقيقه... اهلي شعليهم ههه

دحام.. ولا كلاااام.. كافي بعد مابيها اصبر
ولج انتي بلووووة... تغريني بجمالج ولمن
اتقرب.. تبعدييين شسويتي بيه

حرير.. هههه يله يمكن هيج تحس بقيمتي اكثر مو يكولون الحب بالساهل مالو طعم

دحام.. شلتها واني ابوس بيها

حرير... اكف مو اهلك...

دحام.. ماكو احد هيييين يااهلي..يرل ياااب العرب كلها هسه ماتممعني منج...

حرير.. ههههه مجنووون ..،

دحام...  بس مجنووون .... ولج ميييت عليج

حرير.. اني اللي اعشگگ من راسك لجداك

دحام... لا مو كااادر اصدددك انتي حرير
يولي تدرين شكثر حبيتج والله اكثر من روحي
يول ياااااب... يبعد العمررر انتي... قفلت الباب

و....... 👌🏻🙈🙈🙈

انتهت قصة حرير.. ودحام.. رغم كل الصعاب
وكل الظروف.. لكن الحب كان اكبر..

لا ينتصر بالحب الا رجل شجاااع
وإمرأة  مــجنوووونة❤️

انتظروني بعد ددور زميلاتي بقصة اخرى
بعنوان ثنايا العشق .. اللي عندو قصة
حاب اكتبه خل يراسلني على البيج
القصة القادمة باللهجة البغداديه 😘
اختصرت جثير لأن طفلتي وكعت ونجرحت رجليها ..😔 الحمدلله عدت على خير

تحياتي لكم .. #نـشوى #السلطان