رواية بعد منتصف الليل الفصل الثامن والستون 68 - بقلم غير معروف

مساء المسك

... (1)... الفصل الثالث

لا ينتصر بالحب الا رجل شجاع وإمرأة مجنونة

#حرير.... #دحام...#بعد_منتصف_الليل

#بـقلبمي .. #نـشوى #السلـطان

♥️♥️♥️♥️♥️♥️♥️

قصتهم... مليئة بالمغامرات...

احبها... بجنون .. دخلت قلبه دووون إستأذان

تحده الجميع لأجلها... غامر وغامر من أجل

كسب قلب حرير... اما عن حريرر

رفضته وبشدة...

تركت دحام يدخل حياتهه..

وفي داخلها كانت ترفضة ولا ترغب به

تدللت عليه تمردت.. تعززت.. كانت تصده عنها بشده

لكن بمرور الوقت.. دخل حب دحام لقلبها أحبته

دون ان تعلم .. أحبت خوفه واصراره .. وغيرتة

كان لها كل شيء .. رغم الانكسار والألم اللذي

كان يحاوطها.. لكن كان حب دحام الحبيبته أكبر

من كل الظروف.. هل يستمر الحب .. ام هناك

عثرات أخرى تواجههم... أوقات ممتعة اتمنالها لكم

تكملة الجزء الاخير...

حرير... كعدت من النوم ... الساعه 6 المغرب

لكيت نفسي نايمة على ذراعو..  رفعت راسي دحگت عليه

صفنت بملامح وجهه... بقيت العب بوجهه ولحيته واني امشي طارف اصابيعي على وجهه بهداوة.. ابتسمت حسيت

نفسي حيييل فرحانه.. عروسة من جديد... تقربت بسته
بوسة خفيفه وكمت على كيفي اريد اطلع...

دحام... حسيت بيها كاعدة ماخليتها تحس بقت  انفاسها قريبة مني ماتحركت بقيت مستمتع بكل لمسه منهت ..وخرت مني مديت ايدي گضبتها جريتها علية..

حرير.. جفلت عبالي نايم صديت عليه لكيته مبتسم
ضحكت هاي انت كاعدد

دحام... ولا كلام تعاي يمي...

حرير.. راح تجي عمتي اكوم اسوي عشى

دحام... تعاااي اكلج ياعشى شتحجين تعاي جريتها وحضنتها نومتها على ايدي

حرير.. حبيبي والله عمتي راح تكول وين جنتي تقبل عجل تبقون بلية عشى

دحام ... ول ياب اتكلي عشى ولج ماريد كلشي بس انتي تبقين يمي تسوى الدنيا ومابيها يالعمر انتي تعاي هين

حرير... ممممم دحام ..

دحام... يعمر دحام وگلبو انتي...

حرير ... اريد أسالك

دحام... هسه صارت حزة الاسأله  اسألي خل نشوف

انت ليش حبيتني اللي رغم جنت اصدك جثير.

دحام.. يولي يمكن لو ماصادتني ماجنت حبيتج هالكد
حبيت عنادج وغرورج وروحج.. يولي احنا الرجال

مانحب المرة السهلة.. اني عن نفسي احب الحرمة
تكون قوية تعرف شنون تخلي الزلمة يموت بيها يولي
انتي مصيبة كتلج شكثر شفت نسوان بحياتي

حرير .. هااا نسوان اي اي كمل 😤

دحام.. هههههه يولي والله انتي كلهن.. شكثر رحت وجيت بس مصيبة هالكلب العندي عية الا يحب وحده بس

انتي الوحيده جبتي راسي وفريتي عقلي فر ... شسويتي بيه والله هديتي نص حيلي ،،

حرير... هههههه حاقد علية....

دحام.. لا يولو  أكو واحد يحقد على روحة ولج انتي الروح والله جنت من اشوفج بالشارع تمشين مدي اشيلج واخذج

اضمج بنص گلبي أشتعل نار ماريد احد يشوفج.. أخ
ومن جنت اطلع وروح بعيد .. أشتاگلج ومن تجين براسي

تحركين حتى اثيابي العلية.. أكوم الوب أرجع للديرة متلهف على شوفتج حتى لو من بعيد... أخ الله يساعد

گلبك دحام يولو حرير لعبت عليك لعب ،..صغيره وبيها كل البلة .. إعدال  الف حرمة

حرير... اي قصدك كصيرة مووو كولها عليش تكول صغيره اني هسه موصغيره🙁 كبررررررت

دحام... حضنتها حيل يولي حلاتج كصيره دحكي شنون ضعتي بين اديه.. يول اعشگ تفاصيلج كلها

حرير.. واني هم أحبك والله ..لأن محد كدر يفهمني غيرك محد جان يخاف عليه غيرك.. حبك اللي خلاني احيية

من جديد رغم جنت كاره الدنيه وداخلي مكسور بس
الله عوضني بيك.. وصرت انت كلشي بحياتي حبيت اصرارك جنونك غيرتك شهامتك بأختصار حبيتك كلك

دحام.. يبعد گلي انتي... اموت بيج يولي اللي يريد الحلو يصبر على مره واني صبرت والله عوضني بحبج  بديت ابوس بيها بلهفةة وشوگ متعشط عليها..

حريرر... هههههه مجنون.. شبيك خل اروح

دحام.. شكتلج اني....

حرير.. اذا تحبني خليني انزل حباب والله اكمل شغلي وارجع،..

دحام... هذا العناد البيج مشكله روحي نزلي مايفيد بيج

حرير..رفعت راسي عليه.. مممم زعلت مني حبيبي ؟؟

دحام.. تعودت على عنادج روحي بس حضريلي ملابسي

شوي وانزل وراج ..

حرير... محضرة كلشي .. كمت الحيلي وكفت عالمراية بقيت اشد بشعري وعيني عليه .. نايم وايده جوه راسة.. صافن عليه ادحگ عليه واني مبتسمه..

دحام... يول عيونج هذن.. لا اا دحگين عليه هيج.. عيونج خذن عقلي

حرير... هههه يعني شنون اسد عيوني...

دحام... ول يبعد عيوني عيونج.. تعاي لا تنزلين

حرير.. هااااا شييك لا حباب خل انزل

دحام.. يولي انتي كل مره هيح تسوين بيه تحركين جد جذي وتالي تروحين... أخ... منج... مو اكوم هسه ..

حرير... صديت عليه... تخوصرت... هااشتسويلي يعني تضربني😒

دحام... ول انتي وتالي وياج روحي انزلي احترحگو اهلك دحام ولج روووحي عاد صغيرة وتلعبين على گلبي لعب أخ

حرير.... ههههههه رايحة والله رايحة.. لبست وطلعت.. سديت الباب.. مشيت خطوة ورجعت فتحت شووي عيني عليه.. وهو نايم. عجبني ادحك علية.. شوفته تملة عيني

دحام.. صديت على الباب حسيتو انفتح... دحكت هي وراه الباب واكفه وتضحك.. يولي ليش تتحارشين.. مو اجيج والله... انتي تريدين اچلب بيج واكولج ماتطلعين

حرير...  يااااا لا لا نام  رايحة والله ههههه .. طبكت الباب ونزلت اركض طبيت للمطبخ واني اضحك وي نفسي اوزع ابتسامات مثل الخبلة واسترجع بالذكريات اني شسويت

بي اتذكرت ليلة العرس هههه لعبت عليه لعب خطية زين اتحملني  مممممم دحكت وحدي .. بعدهم محد جاي بديت

اسوي بالعشى.. وگلبي يمه فوووك بديت أحس الدنية ضحكتلي من جديد.. ريت هالفرح دوووم مو يوم.. اتمنى

ماينعاد الحزن.. صفنت اتذكرت ابو جراح.. گلبي عصرني
قريتله الفاتحة تعوذت الشيطان.. ماريد ارجع للذكرة اووف

الله يرحمة... شعلت النار خليت الاكل عالطباخ سمعت
صوت الباب وسيارة وكفت جدام الباب.. لفيت الشال

وطلعت اركض.. تلكتني سحر مدري شبيها ضايجة طبت تركض جوه مدري شدردم ويه نفسها وعمتي بيدها العلايك

وتحاجي احمد طلعت اخذت العلايك من عمتي .. دحكت على احمد .. شلونك خوية

احمد.. هلا خيتي شنونكم

حرير.. يسلمك الله تفضل انزل..

احمد.. لا تسلمين مو وكتها عندي شغل.. عجل وين دحام شو سيارتة طابكة هين..

حرير.. واللع فوك عفتو نايم جة تعبان من الشغل

احمد.. هاه عجل خلي ماريد شي بس كلت اسأل اترخص اني..

ام دحام.. عود مر يمة لا تبطي...

حرير.. ها خاله كملتو الملابس لو بعد شو تأخرتوو

ام دحام.. فوتي.. وينها هاي المصكوعة عسى بلجي صكع يصكعهاا

حرير.. فاتت جوة خير شبيها. ...

ام دحام.. شسوت بينا هذا اريده وهذا ماريدة خبلتو للزلمة
اخر شي تيد من هاي البدلات الله وكيلج لو ماتلبسها

احسن كل جسمها يطلع خطيبها مارضى وسوت زعلة
عساهه بالموت ان شاءالله جنها عود ودور هيج لبس شنون

تطلع والله عود ولابس طول قماش..،من خفه هالوجهه جنها فزاعة وتأمر عالزلمة

حرير.. ههههههه والله عمه عليج سوالف.. يمعودة ماتسوه هسه هي تقتنع وتسكت

ام دحام ..ول والله فركستو الگلبي.. وينه دحام ..

حرير.. خليت العلاليك بالممرر سمعت خالتي تسال على دحام اريد اكلها نايم.. ماحسيت الا وهو ورايه نزل من

الدرج وبيدو الخاولي.. شمحلاه شمحله طولو نزل بالفانيله والسروال ول  شبلاهه عيوني ماجانت اتشوف ول فديت اجدامو اني ..

دحام.. نزلت علكت الخاولي عالتعلاگة.. صديت عليها
شبيها امي شو ضايجة..

حرير.. ماكو شي تريد تغسل...

دحام.. اي اريد اغسل شنو تريدين تغسلين ..

حرير.. لا عزه اني اغسل بس اكمل العشى

دحام.. شكو عزة اني رجلج يولي شبيج،،

حرير.. عييييييب اهلك هين..

دحام.. واذا اهلي هين.. لا تخليني اسويها وهسه احذج ويايه.. يولي شبيج اهلي شنون تخليني هسه احجي حجايه شكبرها..

حرير.. يمة يمة فديت المعصب اني...

دحام.. وعيونج مامعصب بس ادري اهلي شدرون يعني مويدون مرتي و..

حرير... اششششش خرب🤐😨

دحام.. ههههههه يبوووو دحگ عالخدود شنون حمرن اموت عليهم...

حرير.. راح اصعد اجيب ملابسك ..

دحام.. لا تتأخرين... ..

حرير.. مررت الايام.. مابقى شي لعرس سحر واحمد
دحام.. دنيه حلووة جديده اللي.. يوم عن يوم يكبر بعيني

من اشوفه حبه غيرته لهفتة اتندم على كل لحظة بعدته عني
فيوم من الايام كملت شغلي وصعدت الغرفتي رتبتها..

شلت ملابسي اريد انزل اسبح.. طلعت امشي نزلت عالدرج سمعت صوت نسوان يحجن.. بس ماعرف

هالصوت ماسامعتو كبل.. فتحت الحمام علگت ملابسي
وكفت يم باب الهول.. اريد اشوف منو تلكتني سحر بيدها صينية وكلاصات.. اريد اسألها منو هين ..

سحر.. هههه ها حرير جاك الموت ياتارك الصلاة.. عليش واكفه هين تريدين تسمعين الصار..

حرير.. جنت ارتب بغرفتي نزلت اريد اسبح سمعت صوت
كلت اشوف منو هين..شنو جاك الموت تره مافهمتج

سحر.. خليت الصينيه عالكاونتر.. كضبت حرير من ايدها
سحبتها بقوة.. تعاي فوووتي

حرير.. فشلت من عدها شون جرتني ولا كالت راح تسحبني ماحسيت الا واني بنص الهول لكيت نسوان
اثنين كاعدات.. بقيت صافنه اريد اسلم بعد ماعرف

ام دحام.. تعاي يمه حرير سلمي... على ام حسن وام رعد

سحر.. خاله  هاي حرمة دحااام الجديده

حرير.. مرحبا...

ام رعد.. مراحب عيني ...

حرير.. استغربت مدري شنون ردت السلام وصدت غادي
والثانيه اللي وياهه ماردت.. السلام بقيت صافنه..

منو هذول وشجابهم هين.. اول مره اشوفهم.. وسحر فرحانه وتضحك مثل واحد شمتان...

ام دحام.. كعدي حبيبة عليش واكفه

حرير.. لا عمه اريد افوت اغسل.. شفتهم ضايجين مشيت اريد اطلع..

ام رعد.. ليش لا اسبحي خي اسبحي بهاي سوالفجن
طيرن اكبر وحده...

ام دحام.. ام رعد خية صلي على نبيج.. شلج بهالحجي

دحام.. عفت الشغل وطلعت بره اخابرها ماترد وين صارت

محمد.. دحگت من بعيد دحام مدري شبي واكف بعيد

تمشيت عليه...

دحام.. دكيت على سحر ماترد ضل باللي شبيهم ..

محمد.. خيرر.. شبيك مخبوص.. كل شوي وعايف الشغل وطالع بره..

دحام.. اتصلت بحرير اريد اكلها تتحضر انروح انسلم على امها بس ماترد..

محمد.. يمعود عبالي صدك جوز بعيد التلفون عنها وماتسمعه امشي تعال خل نشرب جاي راسي يوجعني

دحام.. يولو والله بالي يمهم خاف صاير شي راح ارجع عالبيت. ومابقى شي بالشغل خل ارجع

محمد.. عجل اخذني وياك دقيقه اجيب الموبايل عالشحن

دحام.. طلعت عاالسيارة شغلت لفت جدام الساحة صعد محمد ومشينا

سهام... شلت التلفون .. خابرت على سحر ماترد اريد اشوف شنو الاخبارر.. بقيت كاعده وانتظر وين ولت هاي

يتبع... الاجزاء ممكن اتكوون مختصره كتبته لحتى تعرفون حياة حرير بعد زواجها .. والجهاز غيرتو يعني
الاحرف مامتعودة على مكانهم ادري راح اخطأ جثير
اهم شي تغلسووون تروحلكم فدوه سهام ..