تحميل رواية «بعد منتصف الليل» PDF

مساء الـورد  .. ❤️

#الـتااسـع عـشر  من الفصل الثاني

#حرير#بعد_منتصف_الليل

بقلمي #نشــــوى_السٌــلطاني ..

ام دحام... يولي شنون هسه هذا وين راااح

دحام... طول الطريق واني ساكت الولد يضحكون ويتشاقون واني اهجس واحد عبالك

خناكني... .. ظلي بعنادج حرير اذا ما كسرت هالراس اليابس سهلة،،.. تلفوني خلص شحن والشبكة انقطعت.. ومحد يدري بيه مسافر...

حرير... رجعنا الظهر للبيت فروحة لبست بدلة لون وردي طلعت تخبل واني لبست فستان عادي وياه حجاب ولا اللي واهس ابدل بس الخاطر فروحة

ام دحام.. وين اروح المن اسال.. طبيت الغرفتي لبست عبااتي...

سحر... يمة شبيج تلكي بايت يم اصدقائة شجاج هسه يجي،،هاي سوالف العشگ شسوت شسوت بينا حريررر...

ام دحام.. لا جان كال عجل من نطلبه عالتلفون مانحصلو.. راح اروح البيت دحام وعلى محمد اشوفو وين راح... ولج هذا راح يموتني...

حرير.. رجعنا للبيت .. جة اخذنا حسن.. تلكتنا شذى وسهام وبنوات عمي... واختي عبير

عبير.. يولي حرير عجل جنتي بالصالون جان

سويتي روحج شوفي فرح شلون حلوه طالة

گمررر.. عجل شبيج انتي يحضي

شذى.. حرير گمر بدون كلشي

حرير.. يولي موزين بدلت غير الخاطر فالخبلة

فرح.. خبلة اني بسيطة.. امشي جيبلي ماي

عطشت يول امي كاعده .. اريد اتشوفني

شذى.. كاعده فوتي عليها اتانيج

عبير.. اليوم ندبجلچ دبج .. نسويلج حفلة تخبل

حرير.. يول عبير هسه سكتي جهالج خبلو الناس ..

شذى.. الباب يندك شوفو منووو

عبير.. دحكت من الجااام منو هاي مو ام دحام

سهام.. هاي خاله ام دحام.. فتحت الباب فوتي خاله...

ام دحام... هين ابو قاسم.. وينها حرمته

شذى.. شبيها.. طلعت عليها .. هلا خاله

ام دحام.. يمة دحام ماشفتووو..

حرير... داشرب ماي سمعتها جابت اسم دحام انتبهت ذبيت الكلاص صديت عليها

شذى.. لا خاله ماشفناه والله ليش وين راح

ام دحام.. يمة ماندري وينه من الليل مختفي

شذى.. ياااا خطيه خاف يم محمد زين خابروو

ام دحام.. هاي المگموعه اخيته طلبته شكد اتكول يمة طافي... يطلع مقفول

شذى.. هااا خاف مخلص شحن

ام دحام.. والله مادري بنتي.. هسه اروح امر على محمد بلكي يمه نايم

حرير.. يحجون واني تذكرت من كال راح اختفي واروح بعيد.. عزززة عليه هذا صدك راح يبلاني

وين راح يربي.. اخذت ماي وديت الفرح بس بالي مشغول يمه... شلون مصايب يارب كون مابي شي ..

فرح... وديتو الكراسي بالربعه..

شذى.. كلشي مكملين... لا تفكرين انتي

عبير.. اكلتي لو لا خل اصبلج غده

حرير... طبيت الغرفتي.. سالفه دحام شغلت بالي خاف طلع بالليل وحضر واعتقلوو عزه عليك

هذا هم حضي جابلي مخابيل وعصبيين شلون

علكت ملابسي بالكنتور ورجعت...

مر الوقت وبدت الحفلة .. فروحة خطيه من زمان مافرحت هيج.. واحنا كلنا فرحانين الفرحها بس

مقهورين راح تتزوج  وتروح جانت مونستنا..

اهل دحام ماجوي ولا سحر بينت معقوله لخد

الان مابين دحام.. خلصت الحفلة وكلمن راح البيته...

فرح.. يولي هذا شعري اهجس جبر فوك راسي

حرير،،. ولج ادحگ عليها طنين ماشات خلت هههه كومي اغسلي

فرح.. دفتحيلي الماشات هسه اكول شو ست سحر ماجت شعجب..؟

حرير... يولي انشغل بالي.. هذا دحام مو مبين

يدورون عليه مادري لكو لولا..

فرح... هااا انشغل بالج مممم😵😉😉

حرير... ولج لا مو...

شذى.. فتحت الباب وطبيت...

فرح... صديت شذى ورايه

شذى.. اكووول جة ابو قاسم .. يكول باجر لا تسوون هوسة وصفكة. ..

فرح... شنوو ليش...

شذى.. هذا دحام مو لاكي لحد الان وامه متخبله كاعده باب البيت وتبجي..

حرير... جمدددت بمكاني يمة شسويت اني النوب هذا خاف هم يموووت عزة عليه هو كلي

راح ابعد عنج بعيد معقوله سوة شي بنفسة لا

ماتصور.. بقيت افكررر بالسالفه ومابقاالي واهس الكلشيي

فرح.. يبوووو واني شعليه

شذى.. لا عيب ابنهم مختفي مدري مخطوف مدري بي شي شنون نسوي عرس

حرير.. الله كريم ان شاءالله يرجع لاتكبروهاا

فرح.. هسه يطلع من وراج شوف شصاير بالزلمة

حرير.. انجبي ولج شعلي انيييي

شذى.. ابو قاسم ديدور عليه هو ومحمد وولد

خطية ان شاءالله مابي شي

حرير... بقينا للساعه ١٢ واحنا ننتظر نسمع خبر على دحام ماكووو.. امدايه شسويت اني

الرجاااال راح ابتلي بي..

دحام.. وصلنا الساعه ٩ الا ربع..  اجرنا فندق اني وابو شهاب صعدت للغرفه ذبيت التفون على

الشحن.. تعبان مو نايم والطريق كلها مزهورر

والدنيا طالعه من عيني.. طبيت غسلت طلعت

بس تمددت كبل نمت تعبان.. حتى نسيت اخابر امي.. اطمنها عليه...

ام دحام... يمةةةة راح ابني مني راح ادري بي نخطب راح بعد مايرجعلي

سحر.. دكوومي فوتي جوووة عليش كاعدة بره

ام دحام... ولج سيارتو هين يعني مو طالع بعيد

يولي وين رااااح...

سحر.. اوووف هو هاي سوالفة ابنج يطلع مايكول وين راح... خابرت على شمة اكلها دحام ماكو مختفي تضحك وتكلي هاي حوبتي

ام دحام.. موت اللي يموتها هي حوبه هاي لو حاجيه هالحجي جدامي الا ارزلهااا

حرير.. اتكلب بفراشي اريد انام ماكدر شلت التفون طلعت رقم دحام.. اريد اتصل مترددة

خاف فاتح تلفونه ويجاوبني .. اوو خطيه هسه خل احصله اني.. كلشي يهون.. دكيت .. طلع

خارج نطاق الخدمة... سديت الخط ورجعت تمددت... يارب مابي شي.. نمت ... كعدت

الصبح .. فروحة بعدها نايمة صوت شذى كاعده هي وابو قاسم.. لميت شعري  لبست حجابي وطلعت عليهم ..

شذى.. وينها فرح مو تريد تروح للصالون

حرير.. اي هسه اكعدها... شفت ابو قاسم راح ديغسل وجهه.. وكفت يم شذى. بصوت ناصي كتله.. بشري خطيه اهل دحام مالكو ابنهم

شذى... لا خطيه بعد لحد الان ماكو خبر

حرير.. خطيه خاف معتقلي..

شذى.. لا راح محمد ماكو اسمه بالمراكز...

سحر...  طبيت الغرفه دحام لكيت ملابسة نصعن ماكو بالكنتور ورت على جواز السفر هم ماكوو طلعت اركض صح يمة وينججج...

ام دحام. ياالله.. طلعت اركض ها يمة حصلتي

سحر.. يمة دحام ماخذ هدووومة جوازه ماكوو دورته..

ام دحام... عززة خاف انهززم سافر

سحر.. شمدريني هسه دورت ماكوو

دحام.. كعدت من النوم اريد اخابر امي ماعندي خط سوري.. لكيت تلفون ابو شهاب عالشحن

اخذتها.. خليت رقم امي واتصلت...

سحر... هذا تلفون ديدك.. طلعت اركض

حرير.. كعدت فرح.. تريكنا عالسريع وطلعنز للصالووون..

دحام.. ردددي عاد

سحر.. الوووو

دحام... الووو اسمعج امي وين

سحر... الوووو ماكو صوت يمة.. انكطع بس هذا رقم دولي.. ديطلع مكتوب رقم خاص

ام دحام.. هذا انهززززم عزة عالماتلك وين راح

سحر..ااااخ ست حرير كل المصايب منهاا

ام دحام.. بقيت مكابله التفون وكاعده

دحام... عددت الاتصال...

ام دحام،.. الوووو يمة دحاااام

دحام.. هلا يمة.. شنونج

ام دحام.. يبعد امك وين رحت ماكلت امي تخاف عليه شنون هيج تسوي بيه

دحام... يووم الصوت يكطع اطلعي بره

ام دحام.. احاجيييك انت وين هسه

دحام.. سافرت السوريا يمة لا يضل بالج

ام دحام.. ولك وين رحت ليش ماكتلي

دحام.. يمة ماصار شي اخذ خط واخابركم

ام دحام.. لا تبطي يمة انتضرررك..

سحر.. هااا شكتلج عرفته هج من وراهه هاي ماتجوز الا تسوي شي بدحام مثل ابو جراح

مات وعافها

ام دحام.. اسم الله لاتكولين هيج

حرير... دكيت علو شذى واني بالصالون اريد افهم لكو لولا

شذى.. لا بعد ماكوو اخابر اكلج كملت فرح

حرير.. اي هسة جاي علينا اخو حسن راح ياخذنا للبيت تخبل طلعت جنها لعابه

شذى.. ماشي دننتظركم ..

حرير،. سديت التفون..

ابو قاسم.. اني راح اطلع مدام راح يجون العالم المغرب ارجع..

شذى... ماشي الله وياك... يله حمودي كول الباب بيباااي

ابو قاسم.. ودي جوه لا يكع.. راح امر لبيت دحام .. اسأل عليه والله مانمت للصبح من وراه ضل بالي..

شذى... خطيه مايستاهل والله ان شاءالله يرجع

ابو قاسم.. طلعت تلكاني محمد.. اخذو ودكينا الباب..

ام دحام.. جنت كاعده بالطرمة.. كمت فتحت الباب.. هلا يمة فووتو

ابو قاسم.. مو كاعدين ها خاله بشرري

ام دحام.. لا يمه لكيناااه الحمدلله طلع مسافر

السوريااا

ابو قاسم.. والله عنده سوالف زين غير يكول يحجي ..

محمد.. والله بس يخابرني ارزله اني ماكدرت انام بالي يمة وهو بسووريا

ام دحام.. ووالله يمة علگ گلبي علگ الحمدلله عاد هسه كبل شوي خابرني..

ابو قاسم.. الحمدلله مدام عرفنه وين هو عجل اني اروح.. يلة خالتي من رخصتج

حرير.. رجعنا لبييت.. اني وفرح صار العرس وجوي الزفافه.. شفت سحر جتي.. معقولة

اخوها مختفي وهي هين.. رحت على شذى

كتلها روحي اسأليها وين دحام...

فرح.. اشرت الحرير... بيدي  تعاي

حرير.. وكفت يمها والكل فوك راسي

فرح.. تره تروحين ويايه للبيت خالي..

حرير... لااا ستحيي..

فرح .. ازعل اذا ماتجين

شذى.. رجعت على.. حرير.. يولي لاكين دحام

حرير.. اشش لا حد يسمعج يمعودة وين لكوو

شذى.. رايح السوريااا ..

حرير.. هااا ابو البنات ماكدر الا راح

شذى... هااا حرير .. شو غرنااا

حرير.. لا والله شبييج ...

شذى،، خهههههه اشاقيج يولي...

فرح.. هاا شبيكم احجوو شتشاورون

حرير.. اسكتي الحمدلله لكو دحام ..

فرح.. ااااي الحمدلله هم زين مودكول شعجب جت سحرر...

حرير... اي المهم هسه عوفينا المهم اليوم عرسج

فرح... راح اشتاك الكممممم😔

حرير... لا لااااه مو وكت البجييي شبيج

حسن.. هااا منو بجه الحلوووو

حرير... هيي والله بجت.. يمعودة المكياج راح

دحام.. طلعت اتغدينا بره اشتريت خط للتلفون

ابو شهاب.. شبيييك دحام.. اليوم كالب خلقتك

دحام.. ماكووو شي...

ابو شهاب.. نشوف النا مكان نسهر بي

دحام.. لا مالي خلك تعبااان

ابو شهاب.. لو بس اعرررف شنو اللي مضوجك

دحام.. كتلك ماكووو شي كووم.. دفعت الحساب وطلعنا رجعت للفندق وصلني ابو شهاب وطلع

فتحت التلفون خليت الرصيد.. خابرت على فواز

فواز.. بالشغل اني التفون كل شوي يدك دكة وينكطع.. بس ماكو رقم.. منو هذاا

دحام.. رجعت اتصلت النووب..

فواز.. اخذت التلفون وطلعت بره ... الىوو

دحام.. الگوووة خووويه

فواز.. هلااا منو دحااام الصوت يكطع

دحام.. اي دحام اني شنونك

فواز.. ياهلا .. شنو وين انت شو ماطلع رقمك

دحام.. سافرت انييي...

فواز.. كالو مختفي واهلك يدورون وراك غير تكلهم تحجي مايصير هيج

دحام.. صارت بعد خويه.. المهم كبل ماينكطع الخط.. اريد احجي وياك .. اني سافرت بس

سالفه حرير تنطوهااا ورايه ماقبل.. واذا انطيتوها بدون علمي.. من هسه اكلكم كلشي ينتهي بينااا..

فواز.. لا كتلك محد يبدي علييك

دحام.. كفىوو خويه ماتكضررر

فواز.. شوكت تجي...

دحام.. والله مامعلوووم اشوكا ضايج وطاكة روحي هجيييت

فواز... هههه والله ماتملام اشنونها سوريا

دحام.. الجووو يخبل.. يله اني اروح هسه سلماي عالربع...

حرير.. الحمدلله كدرت اطمأن شويه..اخذنه فروحة وطلعنا البيت خالهاا.. زفيناهه ورجعت

المغرب للبيت.. توضيت وصليت كعدت قرأت قرأن الابو جراح.. النور عيني.. سديت القرأن وطلعت

لميت ويا شذى الهووسة.. نضفنا البيت كملنا

مررت الايام.. اللبيت موحلو بليه فرووحة.. دحام

بعدوو بسووريااا مارجع...

شمة.. لبست عباتي ورحت البيت عيالي لميت اهدومي وغراضي...

سحر.. ها شتسووين.. تعاي يمه

شمة.. عجل شتريدين اسوي اخوج هج وعافني

هجوني من وره ست حرير...

سحر.. اي وهسه شتريدين تسوين

ام دحام.. هااا شجابج ولج ...

شمة.. رجع اخذ غرراضي شوفي ابنج اللي عافني وراح صارله عشيرين يوم بسوريا بالجذب ماخابررني

ام دحام .. عاد هسه انتي شنون مهتمة..

مو كلتي هاي حووبتي الحرمة الاصيله ماتكول هيج على زلمتهااا

شمة.. بعد مايهمي دحااام .. كررهته والله وكرهت الليوم اللي اتزوجتها بييي كافي عاد خل اسوي النفسي كرامه...

سحر.. مصيرج ترجعيييم عليه تتوسلين بي اثكلي لا تخلين حرير تتهنة بييي

شمة.. وعيونج تاليه يتزوجها اعرفه مدام نهى عليهااا...

سحر.. شنوو راح تطلبين الطلاك يعني...

دحام.. من مطعم المطعم ومن سهرة السهرة مثل سمجة المزهوورة مادري بروحي شنو اريد حرير

هددددت حيييلي هدد محد كدر ياخذ گلبي غيرها بعمري ماشفت هيج وحدة كلمتهاا وحدده

رجعت للبيت .. طالعه روحي مشتااااك الها مابيه بعد اتحمل.. خليت كرررت وخابرت عليها

يتبـع....

مساء الحـب والاشواك   .. ❤️

#الـعشـرررون   من الفصل الثاني

#حرير#بعد_منتصف_الليل

بقلمي #نشــــوى_السٌــلطان .

....ليه اسأل وانت گلبك من حديد

💔💔💔💔

دحام.. من مطعم المطعم ومن سهرة السهرة مثل سمجة المزهوورة مادري بروحي شنو اريد حرير

هددددت حيييلي هدد محد كدر ياخذ گلبي غيرها بعمري ماشفت هيج وحدة كلمتهاا وحدده

رجعت للبيت .. طالعه روحي مشتااااك الها مابيه بعد اتحمل.. خليت كرررت وخابرت عليها

حرير.. بالمطبخ كاعده اوكل حمودي.. الجهاز عالكاونتر.. سمعتة يرج بدون صوت اوف حمودي

هاي شمسوي بالجهاز.. كمت الحيلي شلت الجهاز.. اريد اجاوب انكطع.. بس انتبهت بس

رقم.. والرقم غريب... منوو هذا... گلبي صار يدگ سريع،،، معقوله دحام.. لا ماتصور هو بعد

راح ونساني.. ماتصور يسويهاا شلت التلفون

طبيت للغرفه قفلت الباب عليه.. خفت يتصل

النوب واحد كاعد يمي وانحرج.. فتحت السجل انتبهت الرقم دوولي.. اي هو والله عجل منو

مسافر ويخابرني... داطلع من السجل اتصل النوب بدون ماانتبه انطيتو رفض... خرب هاي شسويت اني،،، شكد عيب..

دحام.. اخابر وينكطع.. رجعت كررت الاتصال

حرير.. دگ التلفوون.. ويه كل دكة يروح نص عمري.. اريد اجاوب ماكدر عبالك  راح. ياخذ

روحي شبيه ارتبكت صخنت...  اكوم واكعد

رجعت اتأكدت الباب مقفول مخبوووصة فتحت خط همست.. بصوت ناصي... الووو

دحام... احتركوووووو..اهلج يول وينج  انتي

حرير... دحاااام ...!

دحام... يبعد عمر دحام انتي...اي دحام شنونج

حرير... اني زينه .. دتخابر من سوريا مو

دحام.. اي من سوريا.. هجيت من وراج كلت بلكي انسى.. تالي بكل الوجوه اشوفج.. ولج شسويتي بيه... والله حرام عليج ماعندج گلب

حرير.. حرام عليك انت تعذب نفسك... اني ماتزوج افهم هالشي ...

دحام.. يولي كااااافي عناد والله اهجس گلبي يوجعني.. مشتاك الج مشتاك العنادج لصوتج

العالي وانتي تحاجيني بعصبيه.. مشتاك الكلشي بيج يولي حسي بيه. خرب أهلي

حرير.. دحام روح راح يخلص رصيدك

دحام.. انعل ابو الرصيد اني وين وانتي وين

حرير.... ارجع كافي عاد خليت امك مقهوره عليك  وحسستني بالذنب..

دحام.. اي والله خطيتي بركبتج ...

حرير.. لا تسويها سالفه ارجع ورجع حرمتك

دحام..  يولومشتاكتلي...❤️

حرير... هاي شبيك .. بكيفك لا ترجع

دحام... لا تخجلين مني اني ابن عمج يعني اني اهلج ودنيتج.. والله روحي ترخص الج يولي

كافي عاد والله تعبتيني... محد كدر يجيب هالكلب غيرررج...

حرير... لا تتأمل اوافق عليك الله يخليك بدون زعل داحجي الصدك موبيدي ماكدر اكون زوجة الك وگلبي يم غيرك...

دحام... يولي ليش منو يكدر ينسى سعد  والله هد حيلي  بس هذا قدرة مايصير تبقين عايشه على ذكراه راح بعد مايفيد الحزن لو يفيد جان رجع جثير ناس..

ارحمي نفسج... كافي خبال.. ابدي حياة جديدة

صدكي راح اعوضج عن كل القهر اللي شفتي

يولي.. خلي ارجع للعراق ونكطع مهرر اذا بس تنطيني اشاره هسه اطلع والله ...

حرير... وحرمتك شنووون.. مو حرام عليه اهدم بيتك.شنون ترضاهه .. ماكدررر افهم ماكدر والله

دحام... حرمتي اني مااختاريتها امي خلتها براسي وانتي مالج ذنب شمة ماتفهمني  ولا

كدرت تكسبني.. شمة مو الموصفات اللي اريدها

شمة تعبتني.. وشفتي اخر مره شسوت مو

فضحتني.. بالديره اللي تحترم زلمتها ماتسوي هيج.. وفوك كل هذا تلم هدومة وتطلع.. اني هم

بشر.. اريد طفل يشيل اسمي.. ادري حرام خمو حرام.. انتي اخليج بيت وحد . اذا همج هالشي

ابد لا تهتميين...

حرير... كل اللي حجيته حقك اذا هي مثل ماوصفتها.. بس انت هم علمها.. واذا عالطفل

تره الطب اطور وديسون اطفال..

دحام... هاي صار ساعه احجي وانتي تكولين

علمهااا.. اكلج.. نعل هسههه.. خررب روحي

روحي اليوم.. اكلب الدنيا كلب.. عجل اطلع اني حرمة.. ويلبسوني عباة  نسوان اذا خليتج تتزوجين.. سهللة حرير... روحي تره صعدددن

حرير... شبيييك تصيح عليه.. هاا شنو ذنبي اني.. تريد تروح روووح... بس لا اصيح

دحام... ههههه شذنبج.. يولو.. اني جسد بدون روح.. جيت هين.. اريد انساااج.. خرب عمري..

خرب حياااتي.. خرب گلبي اللي حبج.. روحي

كافي عااااد...الله لا يسامحج على هالگلب اللي شايلتو..وخطيتي بركبتج..  ..سديت الخط.. .. طلعت بره

حرير.. الووو دقيقه .. شبيك الووو خرب كطعه

خابرت على  ابو شهاب هذه وين وله من البارحة ماكووو.. ..اتصلت الرقم مغلق.. رجعت للشقى

فتحت الغرفه.. هذه ماكوو رايح لك هذا شنون يروح ومايكلي... طلعت رقمه العراقي ودكيت 

ابو شهاب... هلا دحااام.. الووو

دحام.. يوول انت ويييين...

ابو شهاب.. طلعت للعراق.. بكروه...

دحام... زييييين ليش ماكتلي... اريد ارجع وياك

ابو شهاب.. لاااا.. هم زين ماجيت يمعود الله فكني...

دحام.. شنوو ليش شببك

ابو شهاب.. تلكوني ٤ سيارت ملثمين.. ماينعرفون شنو.. مدري قاعدة مدري سلابه

واكفين عالهويه.. لا تجي هسه

دحام،. وين واكفين... يعني..

ابو شهاب... كبل ماتصل الرمادي.. واكفين والله با تجي دير بالك.. خاف يسسولك شي

دحام.. بلكي اجي وياخذوني كول ياالله

ابو شهاب.. يول شبييك لا تجي كتلك.. ديربالك

دحام.. والله اليوم اطلع لو ياخذون رووحي

روح خل انطي حساب الفندق واطلع

ابو شهاب.. يووول لا تخلي بالي الووو..

حرير... سديت الخط.. اختنكت.. يربي شبيدي عليه.. هيج مقهوور والسبب اني.. يعني والله

تعبت.. ربي اخذ عمري وخلصني مابيه بعد اتحمل كل هالعذاااب..يارب ينساني ويرجع

الاهله.. شلت التفون ضميته بالكنتور جوة ملابسي .. هذا مخبل موصاحي خاف يتصل

ويشوفه الرقم ابو قاسم.. فتحت الباب وطلعت

دحام.. سلمت الفلوس خليت غراضي بالجنطه

طلعت للكراج... لكيت سيارة.. بهبان واكفه

عايزهم بس نفر.. جت راهمه.. صعدت وياهم

تووكل خويه خل نصل من وكت...شغل وطلعنا

ماشي حرير.. خل اصل واعلمج منو دحام

دشوف شلون ينطوج الغيرري...

ابوشهاب.. شنون بلاوي.. هذا راح يجي

علو هالطريق.. واللع بالي يمه .. النوب هو اهله معروفين خاف يسووله شي ولا يتعاند والله

شمة.. لميت غراضي ومشيت...

ام دحام.. هاي عود اختاريتج وكلت عاقله وشكثر حمدت بيج تالي تطلعين زعطوطه وماتفهمين

انتي خربتي بيتج بيدج ،، تستاهلين شيصير بيج.. روحي مصيرة يتزوج عليج اذا مو حرير

غير حريرر لان انتي مامدارية نعمتج اللسانج طويل فضحتي مااحترمتي وخليتي العالم

تحجي عليج .. روحي الله وياج..

شمة.. رايحةةة افرحوو لان انتو ردتوها من الله

ادري بيكم.. كاتلين روحكم عالطفل.. يعني قابل

بيدي  بس اللي ماعندو حظ لا يتعب ولا يشگة الف هاعافيه عليكم حرير.. اني راح اقدم

بالمحكمة عالطلاك... خل يكيف ابنج.. طلعت

وطبكت الباب ورايه حيييل... اخويه واكفلي صعدت وياه وطلعت للييت..

حرير.. بقيت افكر يريي شنون ويااه هذا عنادي وراسو يابس مايفهم ولا يعذر النوب صار يدعي

ويكول الله لا يسامحج.. فوك ضيمي ناقصني دعاوي اني... امداه الحضي الكل يردني بس

ياريت شفت السعادة يم واحد منهم لا والله السعادة راحت ويا الغوالي.. مشتاكة الحجابته

من يكلي سنفورتي.. اووف سنفورتك كبرت كبل حينهاا.. محد بعد يرحمني رحت انت وراحت

سعادتي وياك... 💔 صار الليل نمت وكعدت الصبح طلعت مثل كل يوم فتحت الباب لدجاجات

رجعت انطيت العمتي العلاج،. طييت غسلت الملابس اللي بالحمام وكملت اليوم اريد امر

العمي فواز مشتاكة الهم خل اكمل شغل من وكت واخلي ابو قاسم يوصلني...

ابو شهاب... اتصلت بالخط السوري مغلق انتصلت على خط العراق هم مغلق... يول هذا

وين رااح.. تغديت وكملت.. وطلعت البيت دحام

اريد اشوف خابرهم وصل لو لا.. طبكت السيارة ونزلت...

سحر... داشر بالملابس.. الباب اندك.. فتحت الباب... شفت ابو شهاب ياالله هذا شنون صاير متغير وصاير احلى من زمان ماشفتوو ... وكفت وره الباب

ابو شهاب... مرحباااا

سحر.. هلا...

ابو شهاب.. شنونج....

سحر... الحمدلله اتريد دحام...

ابو شهاب.. انتي حررمتة لو منو..

سحر.. لا لا دحام اخوويه

ابو شهاب.. ها العفوو اهلا وسهلا

سحر.. ابتسمت شكرا...

ابو شهاب... دحام وين...

سحر.. دحام موهينة بسوريااا تريد رقمىو

ابو شهاب.. لالا عندي اني جنت وياه

ام دحام.. يولي ويامن تحجييين

سحر.. تعاي يمة هذا صديق دحام...

ام دحام.. هلا يمه شنونك اخبارك شو ماتبين من زمان..

ابو شهاب.. والله ملتهي اشتغل علو خط سوريا والاردن مالحك...

ام دحام.. الله يعينك.. ادور على دحام

ابو شهاب.. عبالي وصل من البارحة خابرني كاا راح اطلع للعراق..

ام دحام..ياااايمة  عجل وين رااح

ابو شهاب والله مادري خابرت رقمة السوري والعراقي مغلق..

ام دحام.. يايمة اليووم صبحت حلمانه حلم موزين.. والله كعدت خايفه يايمه شنون هسه المم اسأل وييين انطي وجهي...

ابو شهاب.. دقيقه يمكم عندي بالسياره كرت بي رقم الفندق..

ام دحام... يايمه عجل اركض عفية شوفلياه هذا راح يموتني...

سحر.. طبيت جبت ماي ورجعت...

ابو شهاب.. كعدت بالسياره دكيت عالفندق

كالو سلم المفتاح وطلع.. شلون اعناد كتلو لا تجي مافاد بي... طبكت الباب ونزلت عالحجية

ام دحام.. ها يمه بشررر..

ابو شهاب.. مسلم المفتاح وطالع للعراق..

ام دحام.. عزززة عليه وين راح هذذذا شنون هسه ... الطريق سمعت موزين

ابو شهاب.. لا خاله ماكو شي ان شاءالله مرات ينكطع الطريق..

سحر.. انطيت الامي الماي قدمتله وبقيت وره الباب واكفه.. ادحك عليه .. هو ملتهي بالتلفون

ام دحام.. يوميه مهبطني هذا الا يموتني يله يرتاح.. شنون يربي امشي ولج انطيني عباتي

ابو شهاب وين خااله اصبري بلكي يجي

ام دحام.. مادري لابت رووحي.. اريد اطلع اسال اشوووف وين راح

ابو شهاب.. ركبت السياره وطلعت عالكراج مال السيارت اريد اشوف وين صار.. صارت العصر

وهو ماكو ويا السيارات الوصلن... اريد اطلع

وطبكت سياره.. كلت بلكي وياهم .. نزلت

تمشيت عليهم.. فتحت الباب شففتهم الكل مخبوصين وصيحون..

ابو شهاب.. خويه شكوو شصاير خما بي شي الطريق من جيتورر...؟

السايق.. الله فكنه يمعود.. سلابه مدري شنو واكفين عالطريق.. وكفو سيارتين حجزوهن احنا طلعنا بأعجووبه...

ابو شهاب... اي الي وكفوهم عاد وين راحو خما اخذوهم

السياق..هههه اكله وكفوهم يعني تسلفنو بعد اقرأ الفاتحة عليهم راحووو... بعد

ابو شهاب.. خرب يووومك .. هذا وين راح بس لا سووله شي شنون هسه... ركبت السيارة

طلعت التفون اتصلت النووب هم مغلق

نزلت باب بيت دحام... شفت ام دحام وابو قاسم واكفين ومحمد والزلم كلها ملتمه...

ابو قاسم... هااا خووويه بشررر

ابو شهاب.. والله خوويه ماكو دورت..

ام.دحام.. راااح ابني راااح والله عرفت اني صبحت ضايجة مقبوووضه روحي... احنا وين وسوريا ويييين... اوووف هج وراح من ضيمه

حرير.. طلعت للطرمة شفت شذى وحمودي بالباب واكفين طلعع اتمشى عليهم

شذى.. لج حريررر تعاي اسمعي

حرير.. شنوو شكوو.. مديت راسي الساعه مليانه زلم.. ام دحام كاعده بالكاع وتبجي

ولج شصايرررر احجي

شذى.... خطيه داحام راجع للعراق من البارحة ومامبين.. لحد الان ويكول صديقه الطريق بي تسليب خطيه بس لا سووله شي

حرير... جمدددددت بمكاااني... الحجي مالته رجع بأذني من كال .. خطيتي بركبتج .. ومن

كال اللع لا يسامحج... عزززة عليه النوب دحام يموووت لااا ماصدك شنووون هيج يربي

شسويت بالزززلمة.. راح بسببي.. النوب ادحك على امه كاعده بالتراب وحاله يكسررر الگلب..

اختنگت كوه كتمت دمووعي.. يارب رجعه سالم الاهله.. ياااارب لطفك ياااارب...

صارت الدنيا لليل وماكو خبر من عنده تمشينه

اني وشذى رحنا نسأل عليه من الباب

سحر.. فتحت الباب .. لكيت ست حرير وشذى

شذى.. شنوونج سحرر شنون الوادة

سحر.. شنونها كلشي ماكلت لحد الان والسكر صاعد عدها راح انوديها للمستشفى

شذى..، خطيه عدها العافيه تعاي حرير فوتي

خل نشوفهاا اكلج عجل حرمة دحام وين

سحر.. حرمتو راحت الاهلها قدمت عالطلاك تريد تتطلك..

شذى... عززة ليش زين سمعت بدحام

سحر.. منو الماسمع العرب كلها درت بس هي ولا خابرت ولا سالت

شذى،. طبينا للهول لكينه ام دحام خطيه متمددة

شنونج خاله شنون صرتي

ام دحام.. شنوني بيني وبين الموووت اصبع

ليش يمه ليش هيج حرير.. كله من وراج راح

ابني راح نضر عيني راح  وعافني وحدي

لو مبطله هالعنادددد ابني جان ماراح كله من وراج.. اذا صار بأبني شي احملج المسؤليه

حرير... تحجي ويايه واني ابجي ابجي على حالي وابجي عليها شفتها شاده راسها وتبجي

تخيلتها خالتي من راح ابو جراح .. اويلي اني

يمكن مامكتوبلي الفرررح .. اريد ارد عليها ماكدر دموعي تجري وحدهن....ربي شوكت ارتاااح.....

يتبع... اللي رادو صورة الدحام

مسائكم ..مسك    .. ❤️

#الـواحد والعشروون  من الفصل الثاني

#حرير#بعد_منتصف_الليل

بقلمي #نشــــوى_السٌــلطان .

،..........

حرير... تحجي ويايه واني ابجي ابجي على حالي وابجي عليها شفتها شاده راسها وتبجي

تخيلتها خالتي من راح ابو جراح .. اويلي اني

يمكن مامكتوبلي الفرررح .. اريد ارد عليها ماكدر دموعي تجري وحدهن....ربي شوكت

ارتاااح.....رفعت راسي سحر متخوصرة واكفة

خازرتني بعيني.. ماحجيت شي بقيت ساكته

شذى.. خالة كوولي ياالله ان شاءالله يرجع الغايب عذرة وياه مانعرف ليش تأخر بس مايصير نسبق الاحداث..

ام دحام... يمة الطريق خطر وهاي شوفة عينج الدنيا ليل وهو مابين  ، صارله سنتين ماطب

سوريا بس هسه. هج حرمتو راحت الاهلها لان شافتو يريدج.. وانتي ماقبلتي بي..،يعني هسة اني شسوي كلولي

حرير.. اريد احجي اكلها انتي اللي طلبتي مني مااوافق عليه ترددت هي مقهورها حقها هي ام

وهم سحر واكفه خاف تروح تحجي الاحد بقيت بس مدنجة...

سحر.. ماتملام امي من تحجي عليج شوفي

اذا اخوية صار بي شي وحق الله ماارحمج

كافي عاد دلع شبي دحام هاا شبي لو ادورين من شباب بغداد ... اااخ واحد شيحجي وياج

شذى.. عيب عليج سحر شنو هالحجي حرير مالها ذنب،. وبعدين لو تريد من شباب بغداد مثل ماتكولين جان وافقت بسامر

حرير،،، عوفيها شذى خليها تحجي مراح اهتم ابد كومي نروح وان شاءالله يرجع اللهم سالم

سحر... اي طبعا ماوافقت غير دحام نهى عليها ولج بس فهميني فريتي عقل دحام وخليتي يتعلق

بيج وهسه كمتي تتعزززين شدعوه عيني دحام مايعجب موو،، 

حرير... والله موصوجج صوج اللي جة عليج

ام دحام... اششششش اني وين وانتن وييين

ابني مادري بي وين وانتي متجاتلات فوك راسي ...

حرير... خاله والله هسه يرجع لا تقهرين نفسج موزين عليج،،

شذى.. خاله ابني خليته بالبيت احنا نروح وان شاءالله يرجع.. شوي وامر عليكم بلكي الله نسمع خبر شي...

حرير. صديت اريد اطلع..سمعت الباب البره انفتح.. بقيت واكفة بمكاني ماتحركت يالله معقوله هوو. ...!

دحام... فتحت الباب خليت الجنطة بالباب صحت يمةة وينكم.. تعاي سحرر اخذي الغراض

ام دحام... كمت الحيلي.. يايمة هذا هو مو لج سحررررر هذا صووت اخوج....

سحر.. مشيت سريع اريد اشوف هو لو منو

دحام.. فتحت باب الهوول وينكم شو اصيح محد يرد.. دحكت.. حرير صارت كبالي... بقيت صافن...

ام دحام..كمت ركضت عليه وحظنتة.. يول وينك ماتكول امي راح تموت ورايه وين صرت شغلت بالنا.. يايمة انت ترريد تموووتني...

دحام.. بست ايدها وراسها.. شبيج يمة شبيكم شنو الصاااير...

شذى... الحمدلله على سلامتك خويه شغلت بالنا عليك والله...

دحام.. الله يسلمج خيتي لا بس الطريق مكطوع

بالرمادي اشتباكات ..  اول مانفتح حركنااا

ام دحام.. عليش اطلبك  عالتلفون ماترد هااا

دحام.. يمة مابي شحن والله.. اكعدي يمه شبيج شصايرر بيج.. يالغالية

حرير.. بقيت واكفة على صفحة ادحك عليه من بعيد ماحجيت شي.. جة متغير.. مبيض

وسمنان .. لابس قميص نيلي وبنطرون.. الكل

سلم عليه اني ماكدرت احجي بقيت اردد

الحمدلله اللي رجعة سالم الاهلة.. الف الحمدلله

جان طلعت من وجهي .. واني موناقصني قهر..

فرحت حيييل برجعتو خطية امة تقهرر..

دحام.. سحر.. جيبي الغراض.. اكعدو خيتي ليش واكفين...

حرير..  جة يمشي صار قريب مني  رفعت راسي همست بصوت ناصي.. الحمدلله على سلامتك...

دحام..  ماصديت عليها  كتلها اشكرج...

حرير.. يله شذى خل نروح..

ام دحام.. اكعدي يمة والله ماتطلعين اني كبل شوي حجيت عليج ولمتج والله يمة من لوبت روحي شمدريني خوفوني كالو سلابة واكفين عالدرب

دحام.. غير لو اكو جريذذي ماكر ولا واحد لكيتهم مولين حرامات.. صديت عليها خزرتها

بعيني... حرامات لو ماخذيني اااخ  بلكي يحسون يمة

ام دحام .. اسم الله يمة لاتكول هيج  منو همه اللي يحسون

شذى..ضحكت من كال هيج عرفت يقصد حرير 

حرير.. وكفت يم شذى.. بصوت ناصي يله خل نروح امشي...

ام دحام.. والله حلفت ماتروحن اكعدي اشربن شربت والله جيتجن خيرر علينا

حرير... لا خاله مشكورة انريد انروح حمودي نايم عفناه يم ابووه خاف يكعد

دحام.. عفتهم بالهوول طبيت غسلت وجهي ذبيت الحذاء غسلت وطلعت.. شلت المنشفه دانشف بالممرر.. هي جدامي واكفة بالهول..

حرير.. كل ما ادحك عليه يخزني بعينة.. يخربطني مدري اضحك مدري اخاف من نضراتو.. راحت سحر جابت الشربت كعدنا

سحر.. خويه الولد بره جو عليك...

دحام.. مفتوح باب الربعه مو

سحر.. اي فاتو للربعه كلهم..

دحام.. شربت ماي من المطبخ ورحت للربعة

ابو قاسم.. يووول انت ماتكعد راحة متعود تخوفنا عليك...

محمد.. ماتكلي ويييينك ماخليت مكان ادور عليك ليش اتأخرت

دحام.. يمعودين والله الطريق مكطوع شسوي

ابو قاسم.. خطيه امك شسوت وراك شتسوي بسوريا اكعد واسكت..

دحام،.. يمعود هجيت ضايج ...  المهم شكو ماكوو.. لك هذا حمودي تعال سلم على عموو

ابو قاسم.. امة يمكم جوه موو..

دحام.. اي جووة يم اهلي..

ابو قاسم.. ماتوديلها حمودي خبلني جان نايم

كعد ايدور عليها..

دحام.. تعال بعد عمك تعال.. شلته وطلعت

شفت حرير يم الباب واكفه تريد تطلع والنسوان بالهول.. صارت جدامي بالباب..

حرير.. وكفت شفتو جة شايل حمودي

دحام،، هااج  انطي الامة.. ابوه جابه

حرير.. هسه توني اريد اروح اشوفه كعد لولا

دحام.. اي هاج ودي الامة...

حرير.. اخذت حمودي..  ودحام فات جدامي

دحام.. سحررر كومي سويلنا جاي اني والربع

حرير.. دحكت عليه ضايج ولا مثل كل مره متغير كلامه واسلوبه وياية.. عافني وطب للربعه

شذى.. ها شنو كعددد...

حرير.. هاج ابو قاسم بالربعه ..، جابه وياه

شذى... عجل نكوم نروح احنا ،. عمتي وحدها

حرير.. مع السلامه خاله

ام دحام.. امانة الله يمه حمو زعلتي مني

حرير.. لا خاله عادي اني حضي متعلم على الصدمات تعودت اهم شي رد الكم سالم

ام دحام.. يعني موزعلانه..

حرير.. انتي مثل امي خاله واني ماازعل من امي...

ام دحام.. عسى بعد عمري انتي.. حكو وليدي يريدج.. شوف العقل والثگل.. الله يسعدج بنتي

حرير.. ابتسمت.. الله يسلمج خاله.. يله مع السلامة.. طلعت اني وشذى رجعنا للبيت

شذى... يولي شفي دحام .. شلون خازرج بعيونو... ههههه سعمتي شيحجي ديسمعج

حرير... هههه عادي خل يحجي شيسويلو

شذى... مممم وانتي شبيج خجلتي..

حرير... منو اني....

شذى... هااا حرير اشوف ردتلج روحج من جة دحام😉😉😉

حرير.. لاااا والله شبيكم ويايه مراقبين كل تصرفاتي بس والله قهرتني امة

شذى... هههههه هسه عاد شكو بيها انتي ليش مستحية الزلمة جاي من الباب مو من الشباج الزلمة شاريج ..

حرير.. شذى دحام متزووووج حرام عليه

شذى..، والله صحيح بس اذا هو يحبج خطيه

حرير.. شمة هم خطيه واني هم خطيه شنو ذنبنا

مستحيل اوافق عليه

شذى.. والله دحام خبل من يحط شي براسو

يسووي لو يكلفو هالشي عمرو

حرير... موبكيفوو مايكدر ياخذني

شذى... خل اسوي حليب الحمودي خطيه

حرير.. اني اروح اصلي ماصليت واتمدد

دحام... الكعدة كلها.. هي على بالي مشتاك الشوفتها مشتاك الكل تفاصيلها.. اااخ حرير

اذا ماجبت راسج وخليتج ميته عشك بدحام عجل ماتسمى اني دحام.. لا والنوب تضحك وتصد غادي.. تتقصد تغيضني.. بلوة هاالبنت والله

حرير.. توضيت وصليت.. كعد اللعب بالتفون بعاي الدوده.. هههه مثل الخبله ماكو شي اتلهه

بي.. بعدين جت صورة دحام كبالي وهو غازني

شبي هيج يدحك عليه.. الضاهر بدة يكرهني

اي طبعا كرهني كل مايخابر اضل احجي ومااسكت.. تمددتت بفراشي.. بقيت ادحك

عالتلفون.. توقعتو يتصل.. بس مااتصل

دحام... جيت انام.. ماكدرت اللوب.. عيني عالتلفون.، مدي اخابر.. مدي اسمع صوتها

اسمع حجيها عصبيتها ودلعها عليه بس لا

خليها لازم تحس بية تحس بحبي الها جثير

تعبتني حرير،.وتوسلت بيها جثير يكفي لازم

اخلي النفسي قدر حتى لو اموت وراهه بعد

ماراح اخابرها.. احاول اكتم اشواكي بصدري

واتحمل والله كريم بلكي الله يهديها.. نمت الصبح... جت امي تكعدني..،

ام دحام... كوووم يمه سويتلك ريوك...

دحام.. دحكت عالساعه.. ١٠ ونص اوو مادري بقيت نايم.. كمت الحيلي.. يمة هسه اجي وراج خل اغسل...

شمة.. سمعت بي جاي.. كلت خل اروح ابرد گلبي..، لبست عباتي وطلعت... وصلت الفرع شفت محمد ودحام واكفين يسوون بالكهرباء مكطوع الواير.. سلمت ودكطت الباب

ام دحام.. اندك الباب وكمت فتحته شفت شمة

شمة.. وينه ابنج هااا جة .. تونس وكمل وجة شكو عليه يوميه مسافر وكاطني على اهلي

ام دحام.. وانتي شبيج تصيحين سلمي احجي شجرالج..

شمة.. وينه هوو.. طبيت للهول

دحام.. خيررر شبيج تصيحين ...

شمة... هاا ارتاحيت تونست موو

دحام... استغفر الله شبيج انتي..

شمة.. جيت علمودهاا... موو

دحام... شبييج انتي ماتكليلي.. منو هي

شمة... ياااا ماتعرفها منو

ام دحام.. اللي تخاف على رجلها يروح منها ماتطلع من البيت وماتكسر كلامو انتي اصلا ماهتميتي الزلمتج .. تكلج سحر اخويه مختفي

اتكليلها هاي حووبتي...

دحام.. ولج حووبت منو ليش اني شسويتلج حتى تطلع جووبتج..

شمة.. شسويتلي عشكت غيري وتريد تتزوج عليه.. طلكني اصلا اني ماريدك بعد

دحام.. يولي كافي حجي سدي حلگج

ام دحام.. سدو السالفه مدام جيتي بعد هاي هي اكعدي واسكتي

محمد.. شنو هالصياااح ..

ابو قاسم.. مادري خاف ام دحام بيها شي بالليل كالوو مالها خلگ

محمد.. امشي خل نفتهم شكوو

ابو قاسم.. طبينا للطرمة العياط والصياح يربي شبيهم ذوله.. صحت دحامممم

شمة.. روووح الام الحب سا حريررر فرت راسك جيت علمودها خاطر تشوفهااا

دحام... سدي حلكج لا اكوم اكسررج والله

ام دحام.. صل على النبي يمة عوفهاا تعااال

شمة..  تريد تضربني علمودهااا هاي الساقطة

اللي تركض ورة الزلم

محمد.. هاي شبيها تخبلت.. دحاااام اطلع تعال عوفهااا

دحام.. سمعت صوت محمد وابو قاسم يصيحون عليه تخبلت يعني سمعو الحجي كله

كمت عليها.. كمت اضرب بيها

شمة... وخرررر .. لا تضرررب وخرر بيك خير روح للمحكة وطلكني...

دحام . ولجججحج كااااافي راح ابتلي بيج

ام دحام.. طلعت عليهم يابه تعالو اخذو هسه يذبحهاا.. اركض يمة

ابو قاسم.. فتحت الباب طبيت..

شمة.. اذا انت زلمة واتكووول اني زلمة طلكني

دحاااام... لج كااااااافي والله اذبحج هسه

سدددي حلكج..

سحر. على العياط والصياح طلعت اركض

شفت محمد وابو قاسم.. وشمة والكل ملتمين

انصدمت شكووو شصايرر

شمة.. انت مو اتكول اني.. واني عجل وينه حجيك.. طلكني اذا انت رجااال..،

دحام،.، انعل ابو المايطلكجججج مطلكة بالثلاث

انعل اهلج.. وانعل اليوم اللي شفتج بي

ابو قاسم.. يمعوووود شبيكم تخبلتوو

شمة.. عليش اتخبلنا.. جبتوها هين جدامو وكامت تركض وراه .. فرت عقلو فررر الله يهجم بيوتكم مثل ماهجمتو بيتي

ام دحام.. ولج انتي اللي هجمتي بيتج بيدج

البنت ماعليها.. انتي طلعتي من طورووو خليتي يطگج درتاحي هسه

محمد.. كضبت دحام.. من ذراعو.. كىووم اطلع

دحام... دحگي علييية ارجع هيييين ماالكاااج افتهمتييييي

شمة.. روووح عليها رووووح

ابو قاسم.. عييييب عليج هالحجي... حرير يمج حواليج شنو هالحجي هذا

شمة.. والله الا افضحكم بكل العرررب

دحام.. رجعت اركض اريد اكتلها وكف جدامي محمد وابو قاسم.. واكف وافورر نارر عليهاا

شذى... ولج حريرررر... كووومي اركضي علكت ابيت دحااام

حرير.. رفعت راسي.. اريد اركززز شدتكول شذى ولج شنووو شبيهممم

شذى... ولج عيااطهم لهيييينة

حرير... عززززة مااتت ام دحاااام.. كمت اركض ولطم على وجهي كله من وراي صعد عدها

السكر وماتت اركض واهسج الدرب صار بعيددد

بس اريد اصل.. رجليه اهجس مابيهن دم

اركض اني وشذى.. يمة يارب مابيها شي

محمد.. اخذنااااه وطلعنا للطرررمة

شمة.. كعدت وكمت الطم على وجهي.. حسبي الله عليكم.. كله منكم..

ام دحام.. لا تدعييين انتي اللسانج طويل كلنا عليج فقيرررة طلعتي مو سهلة..

يتبع...

اذا كدرت اكمل واذا ماكدرت سامحوني حبايب

مساء الحلا يالحلا انتم     .. ❤️

#الثاني والعشروون  من الفصل الثاني

#حرير#بعد_منتصف_الليل

بقلمي #نشــــوى_السٌــلطان .

اعبـر على جفونك حلـم بس كون عينك سالمة

❤️❤️❤️❤️❤️❤️❤️❤️

م دحام.. لا تدعييين انتي اللسانج طويل كلنا عليج فقيرررة طلعتي مو سهلة..

حرير... طلعت شفت دحام غادي واكف بالساحة

يصيح ومفعوول ويحاجو محمد وابو قاسم

صديت على شذى.. يولي شو واكفين هناك

شذى... والله مادري.. خل نفوت نشووف

حرير.. لا يولي خاف مشكله بينهم خل نررجع

شذى.. دفوتي شبيج قابل غربة احنا

محمد... له له ،، راح تعلللللك حرير طبت عليكم

دحام،. صديت.. صدك تحجي..

ابو قاسم.. شجااابهاااا

دحام.. طلعت اركض اريد الحك عليها

حرير،. باب الهول مفتوح صوت ام دحام عالي تصيح .، طبت شذى طبيت وراهه..

شمة.. هلا هلا.. دحكوووو منو جة... هااا جيتي فرحانة.. مكيفة خلالج الجووو

حرير.. دحكت عليها كاعده وتبجي من شافتني كامت تصيح وكفت وره شذى بقيت مصدومة

شمة.. كمت الحيلي اريد اكتلهاا كمزت عليهاا

دحام..، طبيت اركض وكفت بينهن... وييين هييي شبي انتي تخبلتيييي

شمة.. وخرررر انت ماعليك ..

دحام.. كضبتها من ايدها.. تره تحملتج جثير كافي عاد..

حرير،، اريد اطلع دحام بصفي واكف ماكدر اعبر.. بقيت واكفه .. بمكاني بس حيييل خايفه

يربي شجابنيييييي شطلعني،.

شذى.. شبيج انتي محد ينهرج هااا حرير شعليها ليش تريدين تضربيهاا

شمة.. صايرات حلف ايييي عيني ليش لا مكيفات موو فرحانات بااطلاك جيتن مشتفيااات

شوفي.. اني اللي طلبت الطلاك مو هو اللي طلكني.. خلي ابالج شي.. تره مثل ما شاف

غيري هم راح يشوف غيررج الرجال ماتمله عيىنهم بس التراااااب بالعافية عليج

دحام... انتي تااالي ويااااج .. فتحت باب الغرفة.. سحبتها ضربتها دفعتها  الباب ..

كااااافي عااااااد يول ماتمتلييين ماتهجعييييين شنو انتي .. طبكت الباب. وقفلتة عليها

شمة  .. كمت اشيلي بالغراض واشمر.. ماخليت شي كلهن شمرتهن عالباب.. افتحة عليشششش

قفلته تخاف عليهااا تخاف على مشاعرها ولج ساقطة اذا مافضحتج انتي وياااااه  ادفرر بالباب بكل قوووتي افتحووو

حرير.. بقيت بصدمةةة ماعرف شحجي استحيت من نفسي دنجنت راسي ماعرف بعد شحجي اريد اطلع دحام صار جدامي

دحام.. روحي للبيت حرير اني احلهااا

حرير... مارديت عليه اخذت شذى وطلعنا

ابو قاسم.. بقينا واكفين بره نسمع الصوت فتحت الباب وطبيت... تلكتني شذى وحرير

هاا شجابجن...

شذى.. شمدرينا سنعنا عياااط

حرير،. عفتهم يحجون وطلعت اركض شفت محكد بالباب ماسلمت بوجهي عالبيت

شذى،، خل اروح اشوف حرير.. طلعت وراهه مالحكت بيها لحكتها طبيت للمطبخ ماكو

لكيتها بالهول كاعده وصافنا... هاا شبيج

خل تولي ماعليج منهاا

حرير... ولج راح اتخبل ليش المصايب فوك راسي كلها دتشوفين حضي...

شذى.. ماعليج منها المهم الناس تعرف بيها فد وحدة حقيره وماتخاف الله تحجي وتتهم

حرير.. مو حايفه منهاا بس صافنا على حضي شوكت الدنيا تصفى ويايه... جماله تريدون اتزوج دحام.. دشوفي بعينج الظيم

شذى.. ولج مو طلكهااا بعد شكو هي طلبت الطلاك..

حرير.. واذا طلكها تتوقعين تعوفنا بحالنا ولج هاي فد وحدة صلفة شفتيها شنون تريد تكتلني

الحمدلله دحام جة وخرهاا

شذى... يولي لو اني منج اكسر خشمها واوافق هي تنجب وتسكت شفتي دحام شنون متخبل

عليج شنون وكف بوجهه ولج والله يحبج ويعرف

كل قصتج وراضي.. يولي فكري زين

ابو قاسم.. والله حرمتك عجبتني الصراحة

شنو هااللسان.. وين اخوها دز عليه احجي ويا

دحام .. حتى مالوموني بيهاا..

محمد.. امشي اطلع عوفها هسه

دحام.. طبيت للهول.. اخذت السويج وطلعت

اخذت الربع وصعدنا بالسيارة ..

محمد.. ابو قاسم.. اني اشوف لو تقنع حرير وتكطعون مهر احسن.. ليش تخلون الججي بالديره عليهم اقلها تكون مرته جدام العالم

دحام.. .خل تجيب طاري حرير.. النوب والله اذبحهااا.. اااخ ولكم استخطيها والله انقهر

عليها بس اطلعني من طووري .. ماتحمل دتشوفون اللسانها شطولة

ابو قاسم.. عمي الله يعينك عليهااا

محمد.. يمعووود والله شلعتوا كلبي دفضوها عاددد كافي

ابو قاسم.. اليوم احجي ويا عمامي نشوف البنية ويصير خير

محمد،، ايييي هذا الحجي الزين... يمعود حلصت گلوبنا من المشاكل فضوهااا

حرير... طبيت غسلت وطلعت.. طبيت للغرفة سويت شعري.. بس حجي شمة ماراح من

بالي.. هاي ناوية على حفضيحتي بالعرب اتذكرت موقف دحام.. شنون وكف بصدرها

ودفعها.. شنون يصيحح عليها.. ماجنت متصورة

اني هالگد غاليه عندو.. بس والله عجيبة ليش

احتارني اني من دون الكل.. ليش وهو يدري بية گلبي مات ويا موتت الغوالي.. بس هو مالة ذنب

الحب موبيده اني هم ماكدر انساه انسان ميت

بس بداخلي حي.. عجل هو

شنون هو ينساني واني جدام عينة.. مادررري

يارربي ارشدني للطريق الصحيح تعبت والله

شوكت ارتاح من هالعذاااب .. حتى اللي يحبني

صار يتعذب.. طلعت شفت ابو قاسم كاعد يتغدة

هو وشذى...

شذى.. حرير.. بالله شوفي حمودي وينة خاف طلع بره،.، جيبيلياه وتعاي تغدي..،

حرير.. لا ماريد اني هذا حمودي راح للدجاجات اعرفو.. طلعت عالطرمة .. ماكو دحكت وره البيت

ماكو.. وين راح .. طلعت اتمشى عالباب..

شفت دحام كاعد كبال الباب  لابس تيشيرت 

ربع ردن اسود وبنطرون .. ومكعد يمة حمودي

يلعب هو وياه ويضحكون.. خطيه لو عندو طفل

يمكن جان هسه بكبر حمودي.. صحت تعال حمودي..

دحام رفعت راسي .. هل هلال العيدد احتركووو اهلي شهالوجه هذا يربي

كتلها ..  لااا خليه يمي..

حرير.. تريده امة مواني...

دحام.. كليلها دحام مايقبل...

حرير.. لا والله .. انطينياه

دحام.. روحي خلي يمي كتلج

حرير.. لا اشوو جيبه هسه

دحام.. ههههه يولو كافي ليش تتحارشين

حرير.. شنوووو انت شبيك

دحام.. مخبل يعني شبية

حرير... مخبل.. واني شنو ذنبي هاه

دحام.. ذنبج .. خذتي گلبي ومارديتي الي

حرير.. اششش شبيك لا احد يسمعك عوف حمودي خل يجي يتمشى عليه كوم حمود

دحام.. منو يسمع يعني..خل العررب كلها تسمع

يمعودددين احبهاااا سمعتوووو

حرير.. عززززة ابو قاسم هين والله شبيك هسه يسمعك

دحام.. مستحي خايف بنت عمي واحبها

حرير.. واني ماحبك شنون هسه .. صديت اريد افوووت

دحام.. ول ول .. يابخت الغرورر والله

حرير.. اني مو مغروررة

دحام.. ول ياب عجل اذا انتي ماتنغزين  منو الينغررر..

حرير.. دحام كاااافي عاد جيب حمودي

دحام.. انتي ليش تعيدين بالسالفه كتلج مانطي

لو كوه تتحارشين

حرير... هااااااا

دحام..، دمج عسسسسل ول ياااااب

حرير.. خزرتووو  بعيني جيبو عاد كافي

دحام... ول ول فديت العيووون لا تباوعين هيج

ترة گلبي ضعيف مايتحمل

حرير.. والله مووصاحي انت

دحام.. والسبب انتييييي

حرير.. راح اصيح ابو قاسم والله

دحام.. ول ابووو قاسسسم تعال وينك

حرير.. كمت اضرب على وجهي انت تريد

تسوويلي ساااالفة هاي مثل سوريا خليتوها براسي وانت رايح تتوتس يم الحبايب

دحام.. هههههه ول ول تغارين يول ياحبايب والله ماتحلا بعيني غيرج

حرير... عشتووو اغارررر اني شعلي بيك تنطيني حمودي لووو... اخذه منك والله

دحام.. تعاي تقربي اخذي وكافي تتحارشين

كولي اريد اجي وفضيهااا

حرير... والله ترررره هسة.... !!!

دحام...  ههههههه... اموت عليييج.... لا تعصبين تره اتخبل عليج هسه من غير شي منتهي عليج

حرير... عزززززززة شنو هالحجي

دحام... شبيج راح تموتين... احمريتي شكايل اني داحجي الصدددك

حرير..  انت موطيعي ابددد طبكت الباب وعفتو بره كاعد وطبيت اركض

دحام... اشتعلووووووا كلهمممم خرب هذي راح تموتني  .. بقيت كاعد بمكاني واضحك على

عصبيتها واللسانها شحلو تحجي ااخ حرير

والله فريتي عقلي .. شوكت اخذج

حرير... طبيت جسمي كله يرجف وجهي صار اللوان اهجسوو ناررر يطلع منة.. وكفت بالمطبخ

طلعت كلاص ماي شربت گلبي يدك سررريع

هذا مجنوون موطبيعي.. دحكت عالشباج

شذى.. حريررر.. انتي بالمطبخ وين حمودي

حرير.. صحت اي اني هين بس حمودي بره

كاعد يم دحام

شذى.. جيبلياه ماتغده...

حرير.. مايقبل يجي

شذى.. اكول ابو قاسم دحام كاعد بالباب يمكن

مناطر شوفة حرير.. ههههه

ابو قاسم.. لاا يمعودة جينا سوه هسه هو نزلني وبقى برة ذينضف بالسيارة

شذى.. لو نقنع حرير .. تره دحام شاريها مايجيها واحد احسن من عندة

ابو قاسم.. الله وايدج قنعيها اقلها نخلص من السوالف من تصير رسمي محد الو حگ يحجي

عليهاا اني اللي علي اليوم احاجي عمي فواز

هو يفر عقلها بحجايتين

شذى.. اييي صدك محد يكدر الها غيرة هو يعرف شنون يقنعهااا

حرير... بقيت بالمطبخ كاعده... عيني عالباب

شذى.. شلت صينية الاكل وطبيت للمطبخ

اكول حرير.. دحان بعده بره

حرير.. مادري ماااطلعت بعد

شذى.. شبيج شو مو طبيعيه

حرير.. ماكووو شي

شذى... لا اكو شبيج احجي .. دحام مو

حرير.. صديت عليها شنوو سمعتووو 😰

شذى.. شنو شسمعنااا..؟

حرير.. هالزلمة هذا راح يخبلني ولج مدري شيحجي بره اكله العالم هين لا احد يسمعك

ايكول خل يسمعون بنت عمي واحبها

شذى.. هههههه هالله هالله شوف الغزل عمي

هذا واكع بالحب.. بس اخ منج گلبج قاسي

خل اروح اجيب حمودي..

دحام... بقيت بالباب انضف بالسيارة وحمودي كعدتو بسوق بالسياره وساكت...

شذى.. فتحت الباب.. حمودي.. وينك

دحام.. ذبيت البيدي .. صديت عليها .. هلا خيتي حمود اليوم نساكم...

شذى.. خههه اي ايحب السيارة..

دحام.. هاا يعني هم مثل حضي يمعودة افزعي الاخيج عجل اني مااستاهل

شذى.. والله بدون ماتوصي اني من فزعتك

دحام.. ماتقصرين بنت عمي بس اللي يمج راسها يابس.. تحب تدللع علية

شذى... شوف اذا تريدها توافق دز عليها امك

دحام.. مافهمت يعني شنو تخطبها

شذى.. لا ..؟؟؟؟؟؟؟ ..... فهمتو السالفه

دحام.. هااا.. يعني تتصورين تجيب نتيجة

شذى.. ان شاءالله نجرب مو خسرانين شي

دحام.. عجل خليها عليه.. اني بعد ماراح احجي

بس راح اخليها بنفسها هي تخابرني وتكول موافقه...

شذى.. ان شاءالله ...

ابو قاسم.. هاا شنو السالفه شو هين واكفين فوت دحام اشرب جاي وياي ضوجة نتلهه بالدومنة...

دحام.. والله عندي شغل.. شلت حمودي كوه نزلته لازك بالستيرن..

ابو قاسم.. اياااا ملعووون.. هذا يبيعنا كلنا لخاطر السيارة

دحام.. ههههه اي والله..،

شذى.. اخذت حمودي. وطبيت جوه

حرير.. طفيت الجاي وكفت باب المطبخ جت تمشي شذى وحمودي

شذى.. شفتي ولا يقبل يجي لازك يم دحام

حرير.. شوو تأخرتي.. هااا احجي شكلج دحام

شذى.. وانتي ليش مهتمة..؟؟

حرير.. لااا بس داسأل شبيج قابل حرام

شذى.. لا مو حرام.. ههه بس ديحجيلي على سوريا ايكول تخبل

حرير.. واحنا شكو يحجيلنااا

شذى.. هسة هو حاجي اللي لو الج.. ديكول راح اروح السوريا ابو قاسم مايروح ويايه كتله لا مايروح..

حرير... هذا مايجوز من سورياااا مو الطريق خطر.. عجل ليش رجع مدام ايريد يروح

شذى.. لا ايكول جيت عندي جم شغلة اكمل وارجع..

حرير.. اي هسه يسافر وهم يخلوها براسي

ابو قاسم.. طبيت شربت جاي .. صليت صلاة العصر ورحت العمي فواز حتى نحل السالفه

دحام.. طبيت غسلت  وكملت.. كعدت اتغدة

ام دحام.. اكول يمة.. شراح تسوي ويا حرمتك

دحام.. شسوي يعني والله ماتصيرلي مره وهي طيبة..

ام دحام.. هذا منو بالباب... صوت الباب كمت الحيلي.. اتوجة عالحيطان.. يمة اليوم ضهري يوجعني... صحت منوو..

ابو شهاب.. .. اني خاله اني احمد ابو شهاب

ام دحام.. طلعت وفتحت الباب هلا يمة شنونك

ابو شهاب.. الحمدلله .. وينه دحام...

ام دحام.. ديتغده.. فوت..

ابو شهاب.. اكو طريق...

ام دحام.. اي يمة منين انت قابل غريب فوت

دحام.. هاا منو احمددد..

احمد..  فتحت الباب.. ايي احمد ابو المصايب

خوفتنا عليك.. شجابك

دحام.. اكعد.. هسه اغسل واجي.

سحر.. سمعت صوت غريب بالهول.. ماكدرت اطلع واشوف منو دحام هين خاف انكتل.. بقيت بالمطبخ كاعده..

ام دحام.. يولي سوي جاي الاحمد..

سحر.. قصدج ابو شهاب هين مو😍

ام. حام.. اي لا تطلعين جة يسلم على اخوج

دحام.. غسلت وطلعت  وكعدت  يم احمد...

فرح .. حسن توديني الاهلي...

حسن.. خل تخلص اللعبة ونروح

فرح.. هم لعبة اووووف ماشي رايحة اتحضر

دحام.. كعدنا شوية وطلعنا يم الباب وكفنا

احمد.. خوية.. اريد اجيب الاهل ونمر عليكم

دحام.. هلا بيكم .. البيت بيتك خويه

احمد.. كلت بلكي نتاسب وياكم ههه

دحام.. هههه ايا ملعووون ..شكو ماعدنا نسوان

احمد.. هااا ماتنطي خويك شو هيج..

دحام.. مايغلا عليك شي بس تبطل من سوالفك المكسرات تره مانطيك

احمد.. عمي غير عزابي طبعا من  اتزوج اعقل

دحام.. الله كريم خوويه سهلة...

احمد.. يله اروح اني باجر نمررركم

ابو قاسم.. حجيت ويا عمي فواز كال بالليل اجي واحلها طلعت على عمي ابو عبير اريد اشوف شيكول بالسالفه...

دحام... طبيت للبيت.. يمة وينج...

ام دحام.. هياني يمة بالغرفه تعال...

دحام.. شو نايمة خمو بيج شي

ام دحام... لا يمة بس ضهري يوجعني خير شبيك احجي

دحام.. يمة اريد فزعتج...

ام دحام.. كول يمه شبيك

دحام.. ووحي على حرير.. وووو؟؟؟؟؟؟؟

يتبع.....

صبااح الحب واللهفة      .. ❤️

بارت مفاجئ

#الثالث  والعشروون  من الفصل الثاني

#حرير#بعد_منتصف_الليل

بقلمي #نشــــوى_السٌــلطان .

دحام.. يمة اريد فزعتج...

ام دحام.. كول يمه شبيك

دحام.. ووحي على حرير..قنعيها.. كليلها راح يهج يسافر بسوريا واذا صار عليه شي انتي مسؤله

ام دحام.. عزززززة عليك هم سوريا تريد تموت ووتخليني... وين رايح

دحام... شبيج يمة اكلج قنعيهااااا مااسافررر

ام دحام.. هاااا يعني تقنع اذا كتلها هيج

دحام.. جربي بلكي الله هاي تتعززز راسها يابس حجايتين منج تقنعيها

ام دحام.. خل اصير زينة وامر عليهم

دحام.. يمة اريد حجي راهم تجين وتفرحيني

تره والله من صدك اهج...

ام دحام.. وحرمتك شنوون...

دحام .. اني وين وانتي وين يمه مو شفتيها شسوووت بيه  المهم هذا احمد باجر يجيب اهله ويجي يريد من عدنا مرة

ام دحام .. هااا يخطب سحررر

دحام.. اي كال باجر اجيب اهلي

ام دحام.. خوش وليد والله..

دحام.. اي خل يجون ونشوف راح اطلع شوكت تروحين على حرير

ام دحام.، مدام باجر يجون الناس خل اروح اليوم ونشوف تاليه

دحام.. اي ماشي... رايح اني

ام دحام.. كمت الحيلي يولي سحررر وينج

سحر... هااا لا تكليلي اغسلي ملابس تره ايدي سافت صار ساعه اغسل بالمطبخ

ام دحام.. يولي هذا احمد ...

سحر.. ايييي شبييي

ام دحام.. وعوووه شبيج خل اكمل.. جة على اخوج يكول باجر اجيب اهلي يريد يمشي عليج

سحر... صدكككككك تحجين...

ام دحام.. عجل شنوو هو اخيج هسه كال

سحر.. يعني بااجر يجوون ليش مو اليووم

ام دحام... شنو ولج... يالغمة انتي شجرالج

سحر.. اهووو يعني واحد مايتشاقه ويا ست الكل

ام دحام.. هااا صرت ست الكل ،، المهم راح اطلع بشغلة.. كملي الشغل عيب باجر يجون الناس لا تنسين

سحر.. اكفي.. اريد اشتري ملابس.. شلبس

ام دحام... كالوله عرسك مبارك كلهم الليله ادري خل يجون هسه نشوفهم يشوفونا تخبلتي

سحر.... اهوووو شحجي وياج هسه

ام دحام.. لا تحجين شي راح اطلع سدي الباب ورايه ،،،

حرير.. كاعده بالطرمة.. اني وشذى.. ننتظر فرح تجي.. حضرنا الجاي والكليجة... وكعدنا

ام دحام.. دكيت الباب،..

شذى،، هيان جوووي كمت فتحت الباب

ام دحام.. الگوة بنتي شنونكم

شذى.. هلا خاله فووتي...

ام دحام،.. الله يسلمج حرير هين لو راحت

شذى.. لا هيانه وين تروح  تفضلي خاله

حرير.. اريد اشوف ويامن تحجي شذى.. انتبهت هاي ام دحام جت تمشي ياالله خير كمت الحيلي... سلمت عليها وكعدنا

حرير.. شلت القوري اريد اصب جاي

شذى.. انطينياه برد خل ابدلة ديربالج على حمودي لا تخلي يطلع

حرير... لا راح اكعدو يمي...

شذى.. اخذت القوري وطبيت عرفت دحام دزها خهههه يارب كون الخطة تمشي مثل مانريد

بقيت بالمطبخ .. ادحك عليهم من بعيد..

ام دحام.. يمة ذيج للمره جيتج وكتلج لا توافقين بدحام بس هالمرة جيت وان شاءالله ماترديني اريدج الدحام بنتي ..

حرير.. خاله شنو السالفه احنا دنلعب...

ام دحام.. يايمة ادري والله كلامج افتهمه بس اني من كتلج ابتعدي علمود حرمتة بس هو مايرضى بعد يعوفج شسويله والله خبصتا بيج

حرير.. خاله دحام عنده مررة واني بعدني صغيرة الف واحد يتمناني لو اريد افكر بالزواج

بس اني لاغية هالفكرة من بالي وكلكم تعرفون اني ليش ماريد اتزوج لان اللي اتزوجة راح اضلمة ماكدر خاله موبيدي

ام دحام.. يايمة ادري والله بس يمة ابو جراح مات بعد الف رحمة على روحة بس انتي كلتيها بعدج صغيرة والعمر جدامج حرام تتلفين شبابج وتفدفني بالقهررر

حرير.. عجل خاله ابو جراح مايستاهل والله يستاهل احزن العمر كله بس اعرف الحزن مايفيد بقى ذكراه عايش بكلبي ..

ام دحام.. يمة هذا حضر جنطتة وباجر يريد يمشي السوريا.. يعني راح يهج النوب لو اكو عندة حرمة هين مايروح

حرير.. عندة شمة خل يرجعها..

ام دحام.. يمة طلكها بحزة عصبيها هي الله يسلمة ماتسكت ضيعت حكها بيدها كتله رجعها بس هي ماتقبل بعد ترجع

حرير.. خاله جيتج عالعين والراس بس اني

ام دحام.. لا تكملين يمة فكررري زين بالسالفه وان جان على حرمتة اقنعها يرجعها وانتي اعزلي وحد .. حتى لو تريدين بالطابق الفوك

بس لا نخلين وليدي يروح ويعوفني تره مالي غيرة بهالدنيااا

حرير.. الله يحفظة الكم ..خاله .. الله كريم اذا اكو قسمة .. راح تنسد كل الحلوك لان كلشي بيد الله ماندري الله شقاسملي جوز هسه رافضة بس بالحضة وحدة اغير رأيي الله كريم

ام دحام.. عجل اكوووم اروح اني هاي سحر يريدون يمشون عليها.. اريد  اشوف عمامها

حرير.. هااا بالخير ان شاءالله عليها

ام دحام.. خير يصيبج ان شاءالله يوم الج

حرير.. اشكرج خاله... مدري وين صارت شذى

يولي شذى هذا جاي لو باچة وينج شنو احترك

ام. حام.. ماريد يمة اريد اكووم اروح

فرح.. فتحت الباب وطبيبت شفتهم ملمومين بالطرمة... صحت لك حمودي تعاااال

حرير.. شذى جتي فرح.. كمت تلكيتها حضنتها بوستهااا

فرح.. شونكم خاله.. الحمدلله على سلامة دحام

ام دحام . الله يسلمج انتي شنونج ان شاءالله مرتاحة

فرح.. الحمدلله بخيرر وينه حمودي حبيبي لك تعال مشتاكتلوو والله

ام دحام.. اني اروح يالحبايب اسلم عليكم

حرير.. هلا بيج خاله

فرح.. الله وياج خاله سلمييلنااا

شذى.. وينج تأحرتيي يولي

فرح.. جان يشوف اللعبة موتني يله خلصت

شذى.. اكعدي شونج اخبارج

فرح.. كبل كلشي ام دحام ذياالها عجاجة على كولت امي ههه خيرر علمود دحام ..

شذى.. اكو غيرررة العاشگ الوللهان

فرح.. ههههههه والله خوش اشم

حرير..، انتن عاد ابقن اضحكن وقلدن

شذى.. ههههه يولي قابل جذب هسه ماعلينا شتريد. جتي

حرير.. شتريد يعني جت تقنعني اوافق على ابنهااا ..

فرح.. ايي شكتيلها

حرير.. شمدريني اتكول ايريد يسافر السوريا

شذى.. يبووو خطيه هو الله فكة النوب يريد يرجع شنون بلاوي خطيه اذا صار بي شي امة تموت وراه

حرير.. شبيج فاولتي للزلمة

فرح.. هههههههه ول ول نست ام دحام ركزت على دحام. الشغلة بيها تطورر

حرير.. اهىىوووو ولله ولا ينحجي جدامجن

شذى.. لا جديات خطيه الطريق خطر واذا راح هين منو يبقى يم امها والله كسر خاطري غمزت الفرح قنعي ويايه

فرح.. فهمت اشارة شذى.. ونزلت زززن نززن

خبلناهه.. ههههه

حرير.. يبووووه كافي والله شوشتن دماغي

شذى.. فكري زين قابل خالين السجين على ركبتج..

حرير.. سدو السالفه صارت مغرب والعصريه بعدها محد اكل ولا احد شرب.

شذى.. شربنا الجاي وكملنا لمينا الفراش طبينا كلنا يم عمتي كعدنا نسولف نضحك

الوالدة... شنونه حسن وياج

فرح.. الحمدلله كلش زين بس موتني لو بلي لو يشوف الطوبة فاصل احجي وياه وره ساعه يلة يتذكر يرد

حرير.. هههههه هاي بعده يلعب بلي

فرح.. دمرني بي كتله راح اكسروو

شذى.. يمعودة خلي ماتهي بي احسن مما يلتهب بغير سوالف..

الولدة.. يوم اللي نزوج حرورة ونفرح بيها

حرير.. هاا عمه مليتي من عندي

الولدة.. لا بنتي الحلوة اني امل من بنتي شنون ترضيها اني مقهورة شنون تتزوجين بغداد وتغوفيناا..،

حرير.. منو كال اتزوج بغداد باقيه هين يمكم

شذى.. لا عمه راح ننطيها لدحام ونخلص منها

الوالدة.. اي شحلات وتصير جدام البيت ويوميه تجينل وين تريدون تنطوها للغريب دحام اوله بيها

فرح.. اي دنحجي وياهه بس خبلتنااا

حرير.. عمه متزوووووج حرام عليه والله

الوالدة.. بهاي الج حك والله

حرير.. هاا شكتلكم شووفوو

شذى.. عمه الزلمة ايريد يتزوج ماعندو اطفال خطية هم حكة بعدين هي ماقبلت مرتة وكلتله طلكني.. سوالف جثير خربطت بيها شمة وخسرت دحام وخسرت حكها بيدها

فرح.. طلع اللسانها ست شمة والله عفية

حرير.. ولكم اليوم شوشتوو عقلي والله

كومن خل نكمل شغلنا حسن مو يتعشى هين كافي سوالف

الوالدة.. عفية بالنادرة سبعه والله

فرح.. اي كال اجي  بالليل ...

شذى.  كمنا رتبنا البيت سوينا العشى.. جة حسن وابو قاسم... تعشينا وكملنا وكعدنا نتعلل

حرير.. عينج عالجاي بس اصلي واجي

شذى.. روحي خل اشوف منو عالباب ..

ابو قاسم.. طلعت من الهول ها الباب يندك

شذى.. صديت عليه اي تعال سيارة طبكت بالباب والباب اندك...

ابو قاسم.. هذا عمي فواز .. فوت عم

فواز.. الله يگاويهم شنونج بنتي

شذى.. هلا عمو الحمدلله . 

ابو قاسم.. فوت عمي للهول ..

فواز.. احد يمكم ..

دحام.. اي نسيبنا حسن..

فواز.. عجل نسلم ونفوت باالغرفه نحاجيها

ابو قاسم.. اي ماشي..

شذى.. هههه اين تفرين اليوم حرير كلها عليج

حرير.. صليت وكملت سمعت صوت عمي فواز بالهول .. صفطت السجادة وطلعت سلمت عليه

دحام.. ها يمة بشرري شسويتي اليوم

ام دحام.. والله يمة حجيت وياهه بس اتكول الله كريم افكررر...

دحام.. هااا تفكر .. اااخ شكثر خشم عالي

ام دحام.. شنوو يمة شتكول

دحام.. صبيلي عشى يمة وينها سحر خل هي تصب انتي اكعدي يوولي سحررر تعاي

حرير.. الكل يدحك عليه ومدري شيتغاموزون

كام عمي وابو قاسم طبو الغرفة...

شذى.. كومي حرير يردوج جوووة

حرير... هااا بس لا هم سالفه سامر لو دحام

شذى.. شمدريني اني دكومي شوفي شريدون

حرير... طبيت عليهم وطبكت الباب ورايه

فواز.. ها حرير.. مالج نية توافقين

حرير.. عليمن اوافق.. شو هم رديناا

ابو قاسم.. حرير.. الزلمة شاريج ومن عمامنه وشفتي اليوم شحجت مرتة ليشش تخلين يصير عليج حجي..

حرير.. بس اذا وافقت راح أككد الحجي

دحام.. لا محد يصدكها تفرق من تكونين مرتة

فواز.. حرير.. اني ادري بيج ماترديني بنتي والله لو ادري بدحام مايفيدج جان ماكتلج بس الزلمة شاريج.. 

حرير... يحجون واني بس مدنجة اسمع وماارد

فواز.. فكرر اليوووم وباجر رديلنا خبرر

حرير.. الله كريم.. انشوف ...

دحام.. تعشيت وكملت.. كعدت بالهول.. خابرت على محمد دردشنة شوي وسديته ،، النوب الوقت

مايمشي شهالملل.... وين اروح ساغه وحدة لو ماالحضر جان طلعت افنريت

حرير... راحو الكل .. طبيت للغرفة.. رجع السيناريو يدور براسي حجي ام دحام حجي

عمي حجي ابو قاسم حجي عمتي اووو كلهم

مادري ياربي والله صعبة... صفنت المبايل صار

جدامي.. كمت شحنته اشتغل.. بقيت صافنة اخابرة.. اي.. خل اخابرة.. احجي وياه ونشوف سالفة سوريا شنو وليش ديخلوها براسي

دحام..، واني صافن .. التفون ررررن.. ككت الحيلي شلته... هذا رقم حرير...

هلا والله... رفعت الخط الووو...

يتبع....  البارت قصير بس تعبت والله الخاطركم هسه كتبت شوي باجر اكملها نعست وادري سحكت جثير هههه

ملاحضة.. بديت اختصرر حبايب انتو واني تعبت ان شاءالله اكملها هاليومين

مسائكم عشـك  ❤️

#الرابع  والعشروون  من الفصل الثاني

#حرير#بعد_منتصف_الليل

بقلمي #نشــــوى_السٌــلطان .

جدامي.. كمت شحنته اشتغل.. بقيت صافنة اخابرة.. اي.. خل اخابرة.. احجي وياه ونشوف سالفة سوريا شنو وليش ديخلوها براسي

دحام..، واني صافن .. التفون ررررن.. كمت الحيلي شلته... هذا رقم حرير...

هله والله .... رفعت الخط.. الوووو

حرير.،، اول ماسمعت صوته ارتبكت خجلت

اريد احجي.. تلبكت.. بخجل... همست

شلونك... ،،؟

دحام.. اني زين اذا انتي زينة

حرير... يعني والتالي شنوون...

دحام.. بلشنه بالخبال.. هاا خير شبيج النوب

حرير.. يااخباااال هذا..؟

دحام.. يمعوددة اشاقيج.. قابل حرااام المهم كولي كلي اذان صاغية.. اسمعج

حرير.. شنو هم تريد اتسافررر

دحام... اي  اريد اسافر ليش..!

حرير.. عود ماوصيك خليها براسي..

دحام.. عجل براس منو والله من وراج خبلتيني ماعاد الله يهديج... كلت اسافر بلكي انسة

حرير.. دقيقه.. خل اقفل الباب .. نزلت التفون رحت اتأكدت الباب مقفول.. اي وياك هسه

دحام..  يولوو انتي وياي بكل وكت ...

حرير..مممممم

دحام... هاااا شببيج.. هسه انتي خابرتي علمود سوريا شعليج بيه اروح اجي بكيفي انتي مو ماتحبيني ليش الغيرة

حرير..، غيرررررة... لا بالله ...

دحام.. يولي كافي دلع .. عذبتيني جثيرر

حرير.. اني ما ادلع واذا اريد ادلع بكيفي

دحام.. هههه بكيفج ول ياب تمونين عالگلب انتي

حرير.. لا تسافر امك خطية تقهرها

دحام.. ادور احد هين يداريني يحس بيه يخاف عليه يحبني.. يحتويني. اذا اكو هسه ابطل

حرير.. لااا بالله النوب يدور احتواء..

دحام،، هسه انتي مو كلتي لا تسافر .. اني ماكدر اعذريني هين ضايگ خلگي هناك الحياة تختلف،، اريد ارتاح كافي تعبت وعيونج

حرير.. هاي كله علمود البناات تريد تروح

دحام... هسه منو جاب طاري البنات

حرير... من زمان ادري بيك تروح علمودهم

حام.. ول ول .. ههههه يولي هيج مركزة بحياتي واني مادري يول عابت روحي ... وينج عنها

حرير.. انت ليش تسويها سالفة حرام واحد يحجي شي ليش هيج تقيسها ياتركيز هذا

ليش منو مايدري بيك كبل شكثر علاقات عندك

دحام... جثيرر والله .. بس محد كدر ياخذ هالكلب ويسبي هالروح غـيرج

حرير... وليش اني..؟

دحام... ماتعجبني المرأة السهلة... اعشگ القويةً اهوووه المستحيل.. عشگتج خليتج براسي .. غامرت بيج ومستعد العمر كله اراهن عليج

حرير... بس هيج تتعذب

دحام.. استلذ بالعذاب دامة منج.. كتلج اعشگ العناد.. حبيت طبعج.. اهوى غرورج .. كلشي بيج يعجبني...

يشدني.. افهمي يول ياب شوكت تعرفين

حجم غلااج بگلبي...

حرير.. خرررب .. كل كلمه يحجيها اهجس نفسي انتهيت من خجلي  سحبت نفس عميييق كتلووو والحل هسه شنون تالي وياك

دحام... الحل بيدج...

حرير.،، بس اني ماريدك

دحام،.. خههههه اويلي عالدلع يكتل مصيبة هالبنت ول يدحام تاليك  تموت بعشگها

حرير،.. لا ولي يسلمك لا تجيب طاري الموت

دحام... يولووو تخافين عليه...

حرير... الموت اخذ مني اعزز شي بحياتي

دحام.. يعني اني هم عزيز.. مدام خفتي عليه

حرير... دحاااام ......🙈

دحام.... فديت اسمي شحلو بحلگج

حرير،.. دحاااام كافي خل احجي

دحام.. احجي يبعدهم كلهم ...

حرير.. تريد اوفق مووو...

دحام... بدون مااجاوبج تعرفين جوابي... انتظرج العمر كله وشحدو اللي يتگلط سدج

حرير...

حرير... طيب موافقة... ولو انت ينخاف منك عندم بنااات

دحام... اكفي خل اسمع.. شنوو

حرير،.. م م م م  مووووووافقة

دحام... راح اجي افتحي الباب..

حرير... عزززززة وين تجي...

دحام.. باجر اكطع مهرررررر

حرير... خل اكمل دقيقة... اني موافقة بس بشروووط...

دحام،.. اي كولي يالعمرر انتي... بس اكفي يابنات.. ليش منو تحلة بعيني بعد .. يول هذا كبل طربكت هسه كلشي راح عقلنا كافي عاد

حرير.. ... امممم نشووف بس شرطي ترجع حرمتك .. ترجع شمة...

دحام.. حرمتي اللسانها طويل.. بعدين هي طلبت الطلاگ

حرير.. اعرف هي غلطت.. بس ميخالف اني ما مستعدة ابني سعادتي على تعاسة غيري

دحام... اني طلگتها بالثلاث لان هي طلعتني من طوري.. يول هاي مو فقيرة .. اللسانها اطول منهاا

حرير.. اي افهمك بس اسأل.. رجل دين اني

سامعه اذا بحزة عصبيه. يمكن مامحسوب الطلاگ ..

دحام.. الله كريم ،. نشوف هسه

حرير.. لااا اريد كلمة ارجال منك ترجعهاا

دحام.. يجرالج... وبعد..؟

حرير... انت تعرف حالتي كلها.. تعرف مااكدر اتقبل اي شخص بحياتي بعد وفاة سعد

دحام... يعني شنوو..!

حرير.. يعني مادري والله... اني نفسي مادري اللي بداخلي شنوو

دحام.. اعرف كلشي اني.. وحقج متفهم وضعج

ماراح اضغط عليج بشي..

حرير... تره وافقت بيك بسبب المشاكل وسوالف الناس

دحام.. ههههه اكول اشو محملتني منية

حرير.. لا بس خاف اتكول جبت راسج وخليتج انتي تخابرين واتكولين موافقة

دحام... اويلي عالغروووور ههههه لا مااكول لأن اني افهم كلشي يدور بداخلج..

حرير... هم كال غرورر

دحام.. يول والله اموت بغرورج ليش تضوجين

حرير،..ماضجت.. المهم.. يله روح نام

دحام.. منو بعد يكدر ينااام..  يول فرحة گلبي ماتنوصف

حرير... لا ناام.. باجر عدكم خطبة

دحام.. وانتي شمدريج..

حرير... توصلني اخباركم هههه

دحام.. الله الله ..،شنو هالضحكة

حرير..ممممم .. يله روح ..

دحام... شبيج .. وين اروح

حرير.. ماعندي بعد حجي وياك شروطي يمك

اذا كدرت عليهم بيت اهلي مفتوح

دحام.. يجرالج ياالعمررر انتي..

حرير... اني اروح...

دحام... وووين...

حرير.. يعني وين غير انام

دحام.. اني ماانام هسة بس نامي انتي نوم العافية 

حرير.. ... تصبح على خير

دحام.. تلاكين الخير حبيبي ..

حرير... سديت الخط.. جسمي مثلج.. ذبيت التلفون تلفلفت بالحافي.. مدري شبيه حالي

متخربط.. مادري اللي سويته اني صحيح لو غلط شنون كدر يخليني انطق كلمة موافقة

يارب.. اذا جان خير اللي فقربة واذا جان شر

اللي ابعده .. تعبت مابيه بعد حيل قهررر

دحام.. سديت الخط.. طلعت جكاره دخنت كمت افتريت بالبيت.. فرحتي ماتنوصف.. معقولة

هيج وتصيرر اللي ماصدك

حرير... اريد تغمضلي عين.. ماكدر.. الف حسبة وحسبة تمر ابالي.. بقيت افكر لحد ماتعبت ونمت...

شذى... اليوم حرير ماكعدت... دكيت الباب يولي حرير.. الساعه ١١ موعوايدج فتحت الباب مقفول.. ولج حرير وينج.. عززة وينها خاف انهزمت دكيييت الباب

حرير.. كمت الحيلي دحكت الساعه ١١ الباب عززة شنومني هالكد.. فتحت الباب..

شذى.. وينج خوفتيني.. شبيج خمو مريضه

حرير.. لا بس مادري بالليل نانمت زين

شذى... خههههه دشوفي شعرج لمي وتعاي شيلي حمودي بزعني اريد اسوي غدة

حرير.. اي جاية وراج..، راحت شذى . لبست حجابي.. وطلعت اغسل.. بعدين تذكرت

الحديث اللي دار بالليل.. اووف خايفه والله

خايفة اتعذب اكثر من عذابي.. نشفت وجهي

وطلعت للمطبخ... شلت حمودي

شذى.. اليوم اسوي دولمة... اكلج عمتي كعدت لو لا..

حرير.. مدري شتحجي شذى بالي مو يمها بقيت صافنة وافكررر

شذى... هيييي حرير.. وين بالج...،

حرير... هااا تحاجيني...

شذى.. هههههه لا الظاهر انتي واصلة مرحلة

حرير.. يولي شبيج جنت صافنة...

حرير.. تفكرين بسالف دحام..

حرير.. دنجت خجلت مادري شراح اكلها

شذى.. شبيج شو ساكته

حرير.. مادري شذى.. خايفه والله

شذى.. من شنوو شبيج

حرير... كولي الابو قاسم خل يكلهم اتوافق بس بشرط يرجع مرتة ويايه

شذى.. ولج اكو وحدة تقبل تخبلتي هو مو. طلكها

حرير.. لا شذى.. خطيه حقها هي صحيح غلطت بس حقهاا ليش نلومهااا..

شذى.. والله مادري بعد بس اللي اعرفه ماترهمله بعد لان بالثلاثه طلكهاا

حرير.. خل يسأل ويشووف والله كريم

شذى.. اييي هاي الاخبار الحلوة من الصبح

حرير.. خل اروح اشوف عمتي.. هم احجي وياهه محتاجة اسلوف ويا احد ويسمعني

شذى.. ووحي حبيبتي اخذي حمودي وياج

سحر.. اليوم خطوبتي وعليمن على احمد مامصدكة نفسي.. كمت رتبت البيت وسويت

شعري.. شعلت بخور بالربعه.. حضرت كلشي

طبيت اللبس. بعد شوي موعدهم...

ام دحام.. يولي وينج... سحررر

سحر.. فوووتي يمة داللبس

ام دحام.. وينج الناس راح يجووون

سحر.. صديت على امي هاا يمة حلوو

ام دحام.، والله جفلتيني عزة عليج فارة وطامسة بطحين.. يول شمصخمة بنفسج.. كومي اغسلي

سحر.. اهووو حصرة بكلبي ترضين على شي

دحام.. بقيت كاعد على نار اريد بس يجون ذولة واخلص من سالفه الخطبة حتى اشوف حل

السالفتي.. اروح الفواز.. اشوف شوكت اكطع مهر.. هسة ذولة وكتهمم... سمعت الباب يندك

كمت الحيلي...ينرالهم حظ وبخت هم زين من جووي... فتحت الباب...

ام دحام،. ولج امششششي جوووي

حرير.. شذى.. اريد اروح الامي اخذ رأيها احجي وياهه مشتاكة اللها

شذى.. اي حقج حبيبتي روحي عادي..

حرير.. ابو قاسم يوصلني ماريد اطلع وحدي

شذى..، هسه اكلها اصبري...

سحر.. جوي اهله شافوني وراحو مادري بعد

عجبتهم او لا.. بقيت محتارة خايفه ماعجبتهم

دحام.. بس طلعوو شغلت السيارة وطلعت

على فواز... دكيت الباب

حرمة فواز.. صحت منو عالباب

دحام.. اني دحام فواز هين...

حرمة فواز.. لا والله مو هين طلع

دحام.. عجل امرلة غير وكت...  ركبت السيارة ومشيت  شفت محمد جاي ديمشي بالفرع،. وكفت يمة،،، نزلت الجام.. يول وين رايح

محمد.. رايح البيت ليش..

دحام... تعال اصعد...

محمد.. هاا هم اليوم سباق احجيلي هههه

دحام.. لا يول تغيرت الامورر

محمد.. هاا يااالله...

دحام،. اصعد هسه...

ابو قاسم... وينها حرير،. خل تجي راح اطلع

شذى.. هيانه مكملة ماعندي شي   مشيت وراه طلعت السيارة  ومشينة

دحام،. يول.. هسه وين الكة. رجل دين

محمد.. غير سوووالفك رحت طلكت بالثلاثة

دحام.. يول طلعتني من طوري.. اني اريد ارجعها ماريد اشيل خطيتهااا  بس السوته بيه

موقلليل ماحترمتني ابد

محمد.. ميخالف الخاطر اخوها رجعها

دحام.. اي راح ارجعها ونشوف بلچي تكعد وتعقل..

محمد... هههه والله ماتصور راح يصيرن اثنين عليك،.

دحام،، انزل هسه خل نشوف تاليها اني اللي عليه اسوي اذا ماتقبل براحتها

يتبع.. احاوول اكتب بارت اخرر

شكر خااص  للاخ عمرر على الفديو والشعرر

# مسائكم فل

#الخامس  والعشروون  من الفصل الثاني

#حرير#بعد_منتصف_الليل

بقلمي #نشــــوى_السٌــلطان .

دحام.. اي راح ارجعها ونشوف بلچي تكعد وتعقل..

محمد... هههه والله ماتصور راح يصيرن اثنين عليك،.

دحام،، انزل هسه خل نشوف تاليها اني اللي عليه اسوي اذا ماتقبل براحتها

محمد... فتحنا الباب ونزلنااا.. يول شكو عليك يومية معرس..

دحام... الا هاي مسك الختام...

محمد... اي واضح... مدري شبيك مخبوص بيها

ادري شجرالك..

دحام... يول خذت گلبي والله.. عيوني ماتشوف غيرها ولا تحلا بعيني بعد حرمة من عداها

محمد... لا صدك لو كالو واصل مرحلة

دحام،.، نزلنا للملة.. سألناه... كال اذا جانت بحزة عصبيه مامحسوب الطلاك.. يعني شمة بعدها على ذمتي... ركبنا السيارة وطلعنا

محمد.. ها شراح تسووي هسة...

دحام.. عادي ارجعها اني هم ماريد اطلگها

محمد.. هاا عجل شنو

دحام.. يول استخطيها والله..

حرير... وصلني ابو قاسم وراح .. طبيت سلمت على امي... وخوالي...

ام عبير.. شنونج اخبارج ماتكولين. اسأل على امي عجل اني اخلف وتالي تصيرين ابخت حدهن وغيرها

حرير.. حگج والله يمه بس مالي واهس اطلع والدنيا ماترحم .. شسوي يايمه

ام عبير.. كنالج تزوجي كافي تخدمين هاي وذيج مافاد بيج..

حرير.. يمة هو اني جايه على مود هالموضوع

ام عبير .. يااالله اي راح توافقين

حرير... والله يمه عمي فواز وابو قاسم ديقمعون بيه على دحام... ودحام يهدد وينهي مايقبل

اتزوج غيره .. اني علواه. ابقي بدون زواج بس

المشكله ماريد الحجي يبقى ورايه طول عمري

ورقة بيضة تالي عمري يصير حجي عليه عجل

خل اطم روحي احسن...

ام عبير.. منهو هذا اليحجي عليج ها..

حرير.. الناس يمة اشكال يحجووون

ام عبير... ينكص السانو ان شاءالله اللي يجيب طاريج والله يايمة .. انتي مثل امج مالج حظ.

كضيت عمري بالقهر وعلاگة الدوه بيدي بس شنكول نتحمد الله ونشكرة

حرير.. الحمدلله والشكرر هاي هي قسمتنا هيج

ام عبير.. راح توافقين بدحام..؟

حرير... ماااادري يمة مضروبة براسي ماكدر والله نفسي ماتتقبل شخص غير ابو جراح

يمة مشتاكتله والله.. ليش الدنيا هيج ويانه تاخذ اعزازنا.. يمة ماكدر انساه والله.. شنسوه

فهميني حارب الدنيا لخاطري.. وتريدون انسى

انسى سوالفه لو غيررتة لو عصبيتة . اووف يمة

حتى دحام اذا اخذه راح اعذبة واشيل خطيتة

لان متاكدة راح اكون يمة جسد وروحي ويا غيره

ام عبير.. يمة شو تعرفين وتحرفين توج كلتي قسمتنا هيج ابو جراح راح بعد يايمة اني

مريضه و ابوج يباوع على حلگ حدهن مايدري بالدنيا شكو.. وافقي يمة محد يدوملج تزوجي

وخلفي الايام تمشي وان شاءالله تنسين لا تبقين عايشة عالذكرى القهر اللي شفتي مو گليلل

حرير.. الدنيا من الاول هيج وياي حرمتني منج واني صغيرة.. كلت كبرت درست الله راح

يعوضني خطبني ابن عمي شفت الموت يله رهمت قسمتنا تالي متالي يروح تتصورين الدنيا

راح تمشي عدل وياي .. ماتصور القهر لاحكني

من صغرري... يمة اهجس مخنوگة اريد بس

انفجر.. اريد ابجي.. اريد اطلع امشي وحدي

بعيدد.. يمة والله روحي ماتت وياه

ام عبير... كوولي ياالله ولا تبقين مقهوره الدنيا ماتبقى هيج.. ادعي من الله وصلي وستخاري

ان شاءالله كلشي يهون بس اطلعي شوي من القهر اللي انتي بي..

حرير.. الله كريم يمة.. ريحتيني شويه جنت محتاجة اشكي الاحد يسمعني يحس بيه

يخاف عليه... احبج يمة الله مايرحمني منج

حضنت امي.. وبجيت.. اتذكرت ايامي الراحت

ياليتها اتعوود وارجع صغيره.. مثل ماجنت

وماكو بحياتي اي قهر اتمنى ابدي من جديد

صار الليل بقيت يم خوالي.. جة عليه ابو قاسم يريد ياخذني...

ام عبير... مثل ماكتلج بنتي استخاري وصلي

وتوكلي على الله..

حرير.. بوست امي.. ان شاءالله يمة يله ابو قاسم واكفلي

ام عبير.. عود موي لا تبطين... وديربالج على روحج بنيتي...

حرير.. االا اجي مااتأخر .. يله مع السلامة

سلمت عليهم وطلعت.. فتحت الباب لكيت شذى وياه.. هاا شو طالعين

شذى.. طلعنا وياه نجيب حفاظات اتذكرت انتي يم امج ومرينة.. شنونها امج

حرير.. الحمدلله زينه الله يسلمج

شذى..حجيتي وياهه بالسالفه

حرير.. اي حجيت امي خطيه فقيرة ماتعترض على شي اهم شي اني راضية

ابو قاسم.. فكرتي زين حرير تره هاي عشرة عمر ... لا يوم ولا يومين

حرير.. اي فكرت بس كلوله شوطي يرجع حرمته

خل اطلع من خطيتها.. حرام عليه ماريد اكسر

گلبها وباجر عگبة تبقى تدعي عليه اني موناقصني دعاوي اللي بيه يكفي

ابو قاسم.. عفية بالعاقلة ياريت كل النسوان مثلج

شذى... هاااا لازم صارلك واهس اتجدد

ابو قاسم.. هي غير لو اكو راهمه وينها اني مگبررة ماررجع موتى

شذى... هااا هيج صار الحجي😡

ابو قاسم .. ههههه يولو اشاقيج انتي الكل بالكل

حرير... ههههه لا شذى.. تستاهل كل خير

شذى.. حبيبتي الل يسلمج هو غير لو يكدر يسوويهااا اذبحه هو وياهه

حرير... وصلنا البيت غيرت ملابسي ورحت يم عمتي .. خطيه تضوج وحدها.. كعدت فركت الها جتافه .. سولفت وياههه..

حام... تعشيت وكملت.. اخذت امي وطلعت

الاهل شمة نريد نشوف تاليها شنوو

ام دحام.. شوف راح ننزل شتحجي عوفها احنا يم اخوها عيب لا تسويلنا سالفه

دحام.. هسه خل نصل يايمه.. دقيقه المبايل يدك خل اشوف منو.. طلعت التلفون من جيبي

هذا احمد... الووو

ابو شهاب... شلونك خويه..

دحام.. هلا بيك شخبارك

ابو شهاب.. الحمدلله وين ماوين

دحام.. واللع طالع بشغلة اني وامي

احمد.. عجل كلها باجر جايب اهلي وجاي خمو ماتنطيني..

دحام... كل الهلا بيكم... گبعها واخذها

احمد.. كفووو والله.. عجل اخذ راحتك مدام مشغوول باجر نتشاوف

ام دحام.. هذا منو الخابرك احمد

دحام.. اي احمد باجر راح يجيب اهله ويجي مشية زلم..

ام دحام.. اني وصيت خبر العمامك كالو خوش وليد انطو

دحام.. اي عجل ليش اني ماعرفه دنزلي يمة خل نحل هاااسالفه...

شمة.. جنت اجلف بالمواعين جت مرت اخويه كالت بالهول دحام وامه.. تبرمت زين وطبيت

عليهم .. اريد بس ابرد گلبي... فتحت الباب وطبيت اخويه يم الحلاق بس اني ومرت اخوي بالبيت

ام دحام... هلا شمة شنونج

شمة... زينة الحمدلله خيرر

دحام.. بقيت كاعد ماحجيت شي خليت امي تحجي لان من احجي راح افور عليه ادري بنفسي ماراح اتحمل

ام دحام... جينه اليوم نرجعج ويانه يله كومي لمي اهدومج

شمة.. وين ارجع مو طلكني بالثلاثه

دحام.. منو الطلب الطلاك موانتي

شمة.. اي طلبته لان اللي سويته بيه مو قليل

دحام.. شنو السويته بيج ثلاث سنين انتظرج تجيبلي طفل وماكو وديتج على اكثر من دكتوره

وكلها اتكول الصوج بيج .. مابيها شي اني هم حقي هذا اريدلي طفل يشيل اسمي تخبلتي

خمو تخبلتي.. ارجعي واني حتى اذا اتزووج

ماراح اثر عليج.. راح اسوي بيت ثاني

شمة.. لا والله مو حجتك الطفل حجتك حرير

عشگتها .. ادري بيك.. وتريدني ارجع

دحام.. لا اله الا الله هسه عشگتها هي او غيرها شنو اليفرق مصيري اتزوج.. واللي اتزوجها

شنو تريدين اكرهها اكيد احبها واحبج

شمة.. هذا حجي يفيدكم .. اصلا اخويه راح يمشيلي بأوراق الطلاك.. راح اقدم على المحكمة

ام دحام.. لا تكبريها وتوصليها لللطلاك تعوذي الشيطان وكومي ويانه..

شمة.. مارجع لو مدري شيصير .. مستحيل بعد ارجعلك.. حتى لو ما تتزوج حرير.. ماريد ابقى

عايشه بالخوف ويوميه اكول راح يشوف غيري تجيبله جاهل.. خلوني عد اخويه مرتاحة

دحام.. يوولي كافي عاد وكومي اللبسي وامشي ويايه لا تسولفين جثير

شمة.. والله ماارجع ابددد انسو هالشي واني كتلك وبعد اكلك.. اذا انت زلمة طلكني لان كرررهتك وماري. بعد ارجع

دحام.. ولج مو اكوم اكسر سنونج تره احترمتج زايدددد كافي هالحجي..

ام دحام.. هسه انتي شلج بهذا الحجي

شمة.. هذا اللي عندي يعجبكم مايعجبكم طلكني وخلص لا تطوولوها

ام دحام.. بس مصيرج تتندمين بعدين

دحام... كوووومي يمة.. والله اني بعد ماتصيرلي مره لو تبقى بس هي امشي هاي اللسان طويل

مااريدها بحياتي... شلت السويج وطلعت واني ورايه تمشي

شمة.. روووح عيني الاحترام تلكاه يم حرير

دحام.. اشششش ايطلج مرض يله ولي موصوجج صوج اللي كبر راسج.. شغلت السيارة وطلعت..

دحام.. رجعت الطريق كله ماحجيت شي راسي اهجسو نار صاير شنون تورطت ورحت عليها شوداني على هالحقيررة وصلت البيت نزلت امي بالباب..

ام دحام.. يول وين رايح الدنيا ليل  انزل

دحام .. مارايح بعيد يمة هين بالمنطقه اريد جكاير خلصت..

ام دحام.. عجل لا تبطي يايمة يضل بالي

دحام.. ماتاخر يمة جاي والله

ام دحام.. فتحت الباب وطبيت

سحر.. داكوي بدشداشه دحام وجان تحي امي وحدها . ها يمة رين دحام

ام دحام.. هسه يجي راح يجيب جكاير والخاتون اللسانها متر ماقبلت ترجع

سحر.. هااا ليش عيني...

ام دحام.. اكلج اهل احمد باجر يجون يكطعون مهر حضري روحج

سحر.. صدددك شو ماكلتي غير هسه

ام دحام.. هسه اخوج كلي واحنا بالسياره خابرو شمدريني

سحر.. شراح اللبس خررب

ام دحام.. شوفيلج شي من هدومج

سحر.. طفيت الاوتي وطبيت علكت ملابس دحام

طبيت لغرفتي حضرت ملابس.. مومصدكة هذا

الحلو راح يكووون من نصيببي باجر اخابر سهام اعززمهاا اخليها تجي ويايه تسوي شعري اي احسن ماكدر وحدي

دحام... رجعت للييت متأخر.. جبت محمد ويايه

وبقينا كاعدين للفجر... نسولف

حرير.. صليت صلاة استخارة ودعيت من الله قريت قرأن .. كملت كمت طفيت المبايل ونمت

دحام.. توقعتها تتصل بس ام خشم العالي ولا دكت .. جنت كلش تعبان.. نمت من التفكير

والتعب كعدت الساعه وحدة  لكيت محمد كاعد وطالع البيتهم.. كمت الحيلي تغديت وكملت رحت

على عمامي وخابرت ابو قاسم عزمتهم عالمشية سحر.. جوي العصر كطعنا مهر وراحو...

بقيت احووص عيني عالباب اروح وارجع مشتاك الها .. شوكت اشوفج.. انتظر الساعه تمشي حتى بس اخابرهااا..

سهام.. يولي وين لكيتط هذا غير حلو

سحر.. لج هذا صديق دحام من زمان .. شفتي شنون شخصية مو

سهام.. ولج ولا شايفتي بالديره ابد

سحر خل ترتاح ست حرير عبالها بس هي المجاتل عليها

سهام.. صدك راح يكطع مهر عليها دحام

سحر.. والله علًى اساس.. اوف دحام مدري شعاجبو بيها

حرير.. حمست اللحم اني وشذى انريد انسوي كبة للعشى

شذى.. ووديت حمودي للربعه خبلني مايخليني اشتغل

حرير.. ليش جة ابو من المشية..

شذى.. اي شبيج اذن المغرب بقى مشية رااحو وجة كاطعين المهر هسه هو بالربعه

حرير.. ايكولون خوش زلمة اللي خاطبها

شذى.. اي بلكي تعقل وتبطل سوالفها

حرير.. الله يهديها شرايدين

شذى.. اكول دحام صار يومين مابين ولا اكو اخبار شو صارت سكته

حرير.. شمدريني مادري جوز ملتهي بخطوبة اختة

شذى.. اي عفية ذكرتيني

حرير.. يله خل انكمل ماضل وكت.. شو اليوم فرح ماخابرت

شذى.. لا خابرت الصبح تسال وتسلم

سحر.. يولي راح انسوي حفلة نسوان باجر اتخضري عود

سهام.. اي راح اخذ ملابس اكلج اتعزمين حرير

سحر.. مادري شمدريني اشوف

حرير.. كملنا الكبه وتعشينا.. غسلت المطبخ

كملت كعدت تفرجت مسلسل مكسيكي

خلص كلمن طب الغرفتة.. اني فرشت اسناني وغسلت وطبيت للغرفة..

شحنت المبايل.. من ضوجتي بقيت العب بالدوده

صارت ساعه.. ١٢ وربع.. ذبيت المبايل جوة

المخده. شفت ساعة ابو جراح.. طلعتها بستها ورجعتها بمكانها.. صديت ورايه صورته شلتها

صفنت عيها..صرت احاجيها.. اليكوول هو جدامي وديسمعني.. اختنكت ماتحملت.. تعوذت

الشيطان رجعت الصورة بمكانها.. وجان يدك المبايل رساله.. فتحتها .. دحام .. كاتب كاعده لو

نايمة.. بقيت صافنه ارد لو لا... زين شيريد هسه خابر.. رديتله برسالة  كاعده ليش...

دحام.. طبكت الباب وكعدت وحدي وخابرت

حرير.. دك التلفون.. ضميته جوه الحاف الصوت عالي بعد ماعرف شلون الغي النغمه جاوبت بسرعه .. بخوووف وخجل.. الووو

دحام.. هلا

حرير.. بصوت ناصي.. هلا بيك

دحام .. شبيج شو صوتج ناصي..

حرير.. دقيقه اقفل الباب.. كملت قفلت الباب ورجعت

دحام.. شبيج خايفه حبيبي

حرير.. لا تكلي حبيبي اني مو حبيبتك

دحام.. هاااا وجعنااااا 

حرير.. وين رجعنا اني كتلك كلشي وانت كلت ادري وموافق

دحام.. بس تره هذا دلع هسه انتي شعليج اذا كلت حبيبي او لا شراح يفرق

حرير... المهم هسه خلينا من هالسيره

دحام.. اي شبيج شو مستعجلة

حرير.. شو مارجعت مرتك ..

دحام.. اخذت امي ورحت قبل يومين ماتقبل كتلج اللسانها طويل بس شيفيد بيج راسج يابس

لحيتي عليه رجعها ورجعها

حرير.. ليش ماتقبل علمودي مو

دحام.. حرير... اني مصيري اتزوج وهي تعرف هالشي

حرير... ممممم والله مادري شنون تاليها

دحام... اي اخبارج شو ماشوفج بره ليش

حرير.. يمعود خليني مرتاحة

دحام.. منين مرتاحة مني

حرير.. االا من السوالف يوميه طالعه سالفه

دحام.. شحدو  بعد اللي يمسج بحرف اليوم كطعنا مهر سحرر

حرير.. اي سمعت مبررووك

دحام.. عليش مبروك قابل اني اللي كطعت مهر

خل اكطع مهر وباركيلي

حرير... لو ترجع مرتك اباركلك بنفسي اجي للبيت واباركلك

دحام.. هااا هيج .. وماتغارين عليه

حرير..  لااا حظيه مرتك  شنو ذنبها

دحام... اااخ... دقيقة راحت رجلي

حرير...  شنووو شبيييك الوو  دحام

دحام..  ها يبعد العمر الجمره وكعت على رجلي

حرير.. ياجمره هاي...

دحام.. الاركيله مالت محمد بقت يمي وهسه سويتها..

حرير.. تره هاي موزينه هاي شكد ادخن انت اتركهم

دحام.. ماكدر تعووويد..  ليش تخافين عليه

حرير... هفففف روح دحام خل اسده

دحام.. ههههه اشبيج انعقحتي  شكايل اني

حرير.. كلشي اكوله تحسبه غير حساب

دحام.. يعني ماتحبيني

حرير.. لاااا

دحام.. يولو عجل ليش من تشوفيني  يتغير لونج

حرير.. ويييين اكووو لا موصحيح

دحام.. وعيونج تصير تلمع.. وخجلج وارتباكج

وماتعرفين بعد تمشين تتخربطين كلج اااخ اموت

على خجلج..  تره كلو ملاحضو اني... يولي كافي عاد تره گلبي يوجعني اقسم بالله يوجعني  خل نكطع مهر وتصيرين حلالي حرام عليج

حرير.. وشمة.. شنووون

دحام.. اللي عليه سورته شبيدي بعد عليها

حرير... ماادري.. ماكدر اتحمل خطيتها احس اني ذنب بطلاكها

دحام.. لا تضوجيني بهالليل كتلج شمةةةة خررب اكسر هسه الاركيله وكلشي جدامي

كتلج مواختياري اختيار امي وافقت وكلت ميخالف بمصير الايام احبهاا بس اللسانها

طويل ماتحترم .. ليش تخليني اعيد بالسالفه

يومييه.. تااالي وياج

حرير... وانت شبيييك اتصيح

دحام.. مو تتكلبيت عليه مثل الدهر اني مشتعل ابو ابويه وانتي ادوريلط سوالف مالها معنى

حرير.. روح دحااام روح نام ..

دحام.. مو من اسددده اسوي شي موصاير

حرير... هسسسه شتريد احجي وياك اتصيح

دحام.. راسج هذا اليابس وتالي وووياه كوليلي مو شلعتي كلبي

حرير... اووووف روح دحام تره مالي خلك الكلشي.. عووووفني بحالي ..

دحام.. هااا هيج صارت .. ماشي روحي

حرير.. بعدني ما كتله مع السلامه سدة ها شبي بس لا زعل... اووف اني وين وهو وين  ضميت التلفون ونمت... كعدت الصبح

رحت على عمتي ريكتها وكملت .. طبيت للمطبخ شذى.. دتقطع باللحم... .. عجل حمودي وين

شذى.. عوفي يمعوده توه ناام خبيث كل شوي يطلع يلعب بالماي..

حرير.. ابو قاسم وين

شذى.. طلع.. اكلج جت ام دحام عزمتنا على مهر سحر..

حرير.. اي وشنو يعني نرووح

شذى.. طبعا نروح ..اذا مارحنا سحر راح اتكول مقهوررات بعدين اني اشوف تكلبين صفحة وتبدين من جديد وياهه احسن ماتبقى تسوي عليج سوالف..

حرير... ممممم والله مادري

شذى.. عندي فستان صغير عليه اليوم اللبسي واسوويلج شعرج ونكشخ عالاخر ونروووح

حرير.. ودحااام شنون خاف يشووفني..؟

يتبع تقييم للبيج حبايب لاتسون

اكو اخطا غلسو بداعتي ههههه

#صباحكم  سعادة. بارت مفاجئ قصير

للسهرانين

#االسادس  والعشروون  من الفصل الثاني

#حرير#بعد_منتصف_الليل

بقلمي #نشــــوى_السٌــلطان .

حرير... ممممم والله مادري

شذى.. عندي فستان صغير عليه اليوم اللبسي واسوويلج شعرج ونكشخ عالاخر ونروووح

حرير.. ودحااام شنون خاف يشووفني..؟

شذى... واذا شافج يعني شنو غرررريب شبيج

مصعبة الامور.. اليووم انروح يعني نروح

كافي عاد اطلعي من الكأبة اللي انتي بيها

حرير... والله مخنوكة محتاجة اغير جو بلكي ارتاح ...

شذى.. طبي الغرفتي اكو فستان اسود طويل

معلك جدامج .. روحي قيسي هسه اجي اشوفه عليج...

حرير.. دخل نكمل شغل...

شذى.. والله الا هسه تروحين... امشي يله

حرير... ههههه ماشي.. طبيت على كيفي طلعت الفستان ورحت لغرفتي... لبسته... دحكت على نفسي.. حيييل حلووو يخبل هاي منيلها شذى

شو مو شايفته... فتحت الباب صحت شذى

وينج تعاي لبسته

شذى.. غسلت ايدي ونشفتها وطلعت..

حرير... افتريت بالفساان هااا شرايج

شذى... ماشاءالله شنو هاالبياض ولج طالع يخبل عليج .. لج اليووم انتي العروس

حرير.. اي حيل عجبني...

شذى.. راح اسويلج شعررج وافتحي

حرير.. لا خاف يجي الولد عيب

شذى.. من يطلع ذبي الحجاب شبيج

حرير.. بيش ساعه الحفلة

شذى.. الساعه ٣ العصرر تبدي

حرير.. عجل خل اتحضر واكمل شغلي

دحام.. كعدت من الساعه سبعه طلعت للشغل ولبعدين وديت السياره للغسل.. بقيت للساعه 

ثننين الظهر.. رجعت تعبان طبيت  البيت هوسه يمنا بنات خالي وسهام .. طبيت للحمام سبحت

وطلعت.. حتى غده ماتغديت من التعب سديت الباب والبردات ونمت...

ام دحام.. يااا خطيه اخوج وينه عبالك طالع شو ماكو

سحر.. طب غسل هسه شفته جوز شافها هوسه وطلع

حرير... خابرنا فرح وجتي .. حتى انروح كلنا بس اني مدري ليش خجلانه من ملابسي احس بالغت بالكشخة

فرح... اني اسويلج المكياج

حرير... يااااامكيااااج مخبله انتي لا

فرح.. شكو بيها هي بس بنات

حرير.. شعري سوتلياه شذى افتحة على طوله وهاي هي يكفي

فرح... خفييييف والله شبيج

حرير.. هسه شنو اني العروورس لو شنو

فرح.. شووو دكعدي انتي مو مال واحد يقنع بيج

حرير.. فرررح امانه خفيييف ماريد جثير مكياج

فرح... افتهمتتتت .. غمضي عاد..

حرير... بقيت مغمظه  وهي تخلي.. هااا ولج مكافي

فرح.. كملت بس الحمرررة

حرير... النوووب حمرة

فرح... سدددي حلكج خرب راح تتخرب الحمرررة

شذى... هاي لحد الان وينجن اني كملت..

فرح.. اي كملنا ماعدنا شي ..

حرير... وخرررن خل اشوووف.. كمت الحيلي دحكت على نفسي.. يوووورلي .. عزززة عليج

هاي شمسويه...

فرح... ماعلينا حلووو لولا

حرير.... يخببببل بس استحي اطلع هيج هاي شمسويه

فرح... دباااووعي الجمااال ولج شذى

شذى.. فددوة تخبل طلعت والله يولي اقري ايات

خاف تنصابين

حرير.. واذا طلع هناك دحااام شنون

فرح... انتي تروحين وتجين وتفريها على دحام

دكولي اريده يشوفني وفضيهااا

حرير... ولجن انتن مصيبةةة شبيج لا والله

شذى.. هههههههه خجلت البنيه دعوفيهاا

فرح.. كومن يله بدت الحفلة...

حرير.. اصبري اللبس شال عبايه

شذى.. يله طالعين جدامج...

حرير... لبست وطلعت اني وفرح وشذى... طبينا الاغاني والكل يركص هوووسة مكان ماكو بقيت واكفه يم الباب شذى طبت كعدت يم خاله حدهن

فرح... خطيه سهاااام

حرير.. ليش خطيه شبيها

فرح.. كاعده بمكان احمد وعايشه الحضه 😂

حرير... خههههههه اي عبالك هي العريس

فرح.. ذاك ماكان فرغ امشي ويايه...

حرير.. واذا جة العريس شنون

فرح.. كالو مايجي هسه دفوووتي

حرير.. الشال مدري وين وديته طبيت اني وفرح كعدنا.. بالربعه بالاخير...

سحر... يولي حلوو طالعه

سهام... تخبلين والله .. شفتي حرير عبالها حلوه

مكيفه بروحها

سحر.. وينها ماشفتهااا

سهام.. لا تخليها تنتبه عليج كاعده بالاخير شوفيها

سحر.. هاي منو فرح هم جايه

سهام.. كل عقلج ماتجي لازم اتجيبها حرير

سحر.. بس هاي شطالعه حرير.. لج تخبل

سهام.. يمعودة هذا فستان شذى مو مالتها

سحر.. بس حلووة شوفي الشعر هاي منو سواهه

سهام.. شمدريني مادري 😒

ام دحام... صلوات على محمد.. شطالعه اليوم حرير.. اييي كبل هامله نفسج يمة عبالك لعابه

فرح.. والله ماتقبل هاي بالموت يله قتنعت

حرير.. اهووو شييكتج انتي عاد افضيحينا

فرح.. هسه شكايلين ياعيني قابل جذب اكلج شو الاغاني سوتلي واهس اكوم بعد مااتحمل

حرير.. شيكعدج انتي ههههه

فرح.. خاف اكووم جلبي بية حرامات اركص السحر ،..

حرير.. ههههههههه خرب والله مصيبة انتي

ام دحام... كافي تركصن يولن العريس جة

فرح... شنووو وينه

حرير... منووو ولج كمت الحيلي شالي وين

ولج شذى ذبيلي عباتي...طلعت بنص الهوسة ناس تنلطخ بناااس... كوووة طلعت من الربعه..

ام دحام.. بنوات على كيفجن الوليد مايفوت الا تلبسن..

حرير.. خاله شالي هين حطيته هو وعبايتي وينهن ماكووو شراح اللبس

ام دحام.. كلهن شلتهن وذبيتهن بغرفة دحام

طبي طلعيهن ماكو احد دحام غسل وطلع

حرير.. طلعت اركض غرفه دحام صارت جدامي

صحت فرررح تعاي الغراض بغرفة دحام.. خرب

ماتسمع هاي اصيح وهي بنص الهوسة فتحت الباب جفت بنية صغيره جدامي كتلها تعاي

انطيج عبايه فررح..كضبتها من ايدها وطبيت.. الغرفة ضلمة  الدنيه عصر بس

ماينشاف شي البردات مسدده.. ادور يربي منين يشتغل الضوه.. انتبهت الملابس بالكاع

بصف الكنتورر.. كمت اشيل وادور وين راحت عبايتي اييي هيان الشال بعد العباااية اكفي حبيبتي هسه ادورها...

دحام.. نااايم اني الباب انضرب حيييل صوت المسجل عالي ولا سمعت شي من التعب..وخرت

البطانيه رفعت راسي... اريد اركززز زين ماشوف شي ظلام.. منو هاي بالغرررفة صحت

منووو ولج سحررر شبيج ضربتي الباب هيج ماتشوفيني ناااايم... نصن المسجل لا اطلع اكسرررة... عليجن هسه

حرير... مندااارة اني .. سمعت صوت دحام جمدددددت بمكاني... اريد اصد عليه بعد ماكدر كمت اشيل بالعبي واخلي عليه

دحام.. ركززززت زين هاي مو طول سحر

هاي كصيرره منو هاي.. وخرررت الحاف كمت الحيلي.. افرك بعيوني بحلللللم لو بعلم اني

طكيت الدكمة...

حرير.. صديت عليه والعبي بدية...

دحام..... حريررررررر

حرير... كضبت البنيه اريد اطلع..

دحام.. وووووين رايحة...

حرير.. امشي واتعثر بالعبيي يحاجيني ماارد

دحام.. مشيت وكفت كبالها...

حرير.. كام وكف جدامي اريد اخلي عيني بعينة ماكدر مووووقف صعب .. دحام نايم بس

بالسروال والفانيله.جسمك مكشووف جدامي واني طبيت شعري مفتوح وفستان مجسم عليه.. مكياج شعرر .. بعد ماعرف شنون اغطي نفسي... انتهيييت

دحام... شجابج... يولووو يااااب هاي شطالعه

حرير.. وخرت اريد اعبر... مارديت عليه

دحام... ووووين تريدين.. يولي انتي اليوم ناوية  على مووووتي اكفي ...

حرير.. وخررر اريد اطلع

دحام... اكفي احاجيج وين تروحين

حرير... الجاهلة تريد امهااا..

دحام.. كضبت البنيه .. طلعتها... وكفت جدام

حرير.. بسرعه لبست العبايه وخليت الشال على راسي.. بس وخر اريد اطلع

دحام..ابتسمتلها... شهالصدفه الحلوة

حرير،.. ووووواالله مادري بيك هين وخر هسه ديدورن عليه..

دحام.. اشتعلوووو كلهممممم  منو اللي يدور عليج هااا خرب هسه اسب مااخلي روحي روحي اليوم وين تروحين مني...

حرير.. مدري شيحجي مافتهم عليه فتحت الباب طلعت اركض انتبهت على نفسي اديه يرجفن

عضامي يطكن طك.. صدري ركبتي وجهي تغير صار احمررر.. طبيت للمطبخ شربت ماي..

الجهال يمي والهووسة فوك راسي مديت راسي علو غرفة دحام.. شفت الباب مسدود طلعت

اركض وكفت بباب الربعه.. الكل صافن على العرسان وديلبسها بالحلقه الهلال مدري لوين

توصل العالم فرحانة ملتهية واني اتلفت ورايه

خايفه دحام يطلع.. ادحك على فرح مدري

شتحجي هي وشذى اأشر الها من بعيد ماتشوفني..

دحام.. لبست الدشداشه.. وطلعت غسلت وجهي شلت السويج.. شفتها واكفه بالباب..  صحت

عليها.. يبعد العمرررر

حرير.. سمعت صوووته التفتت...

دحام.. هاااه تدرين بروحج انتي العمر وتصدين عليه

حرير.. خزرتو بعيني وصديت

دحام... ههههههه راجعلج لا تحتارين.. طلعت عالسريع.. جمعت عمامي وابو قاسم وفواز وابو عبير... وخابرت على محمد كتلو جيب السيد وتعال ورايه عالبيت

محمد.. فهمني شنووو السالفه يمعود

دحام.. ماكو غير الخيرر لا تسولف استعجل وتعال.. سديت التلفون.. رجعت عالبيت شفت الناس كامو يروحون.. خابرت على الربع كتلهم من اخابركم تعالوو...

ابو قاسم.. بقينا كلنا مجموعين بالبيت... ننتظر اشارة من دحام..،

محمد.. وصلت اني والسيد.. شفت السيارات طابكة باب بيت ابر قاسم طبينا اني والسيد

دحام.. عفت الهوسه بيت اهلي وطلعت لبييت ابو قاسم..

محمد.. هيييان جة دحاااام

دحام.. السلام عليكم..

الجميع.. وعليكم السلام...

دحام.. اليوووم مابيها كافي عاد انتو نطيتوني الحرمة ليش انطوولهااا

فواز.. والله حكك خوش خطوة

ابو قاسم.. هسه اخابرهم يجون ونكطع مهر

دحام.. لا همه ماكو راح يجون ماحاجة

حرير... طلعنا كلنا.. والكل راح البيتهم

سهام.. حرير.. امشي ويانه عالبيت

حدهن.. اي صدك تعاي...

حرير.. لا وين اجي اجليها عالباجر ماتشوفين شلابسه

فرح.. لا عيني اجلوووها اليوم اني هين

سهام.. ماشي رايحين احناا

حدهن.. اكلجن شنو هااسياررات ابابكم

شذى.. عززة شو كلها هين خيرر ياربي

فرح.. خاف امي بيهااا شي

حرير.. طبينا كلنا عالسررريع... باب الربعه مفتوح وصوت الزلم عالي مدري شيحجون

صديت عليهم شنو القصه سبحان الجمعهم بغير ميعاد ... شو حتى ابويه هين داسمع صوته

شذ.. فوتن هسه وفهم شكووو...

حدهن.. ابو عبير هم هين شنو السالفه طبينا كلنا للهووول

شذى.. انطيت حمودي الفرح.. دكيت الباب

ابو قاسم.. ياالله الظاهر جوي... كمت فتحت الباب..

شذى.. بصوت ناصي خيررر شكو هينه

ابو قاسم.. حرير وين...

حرير.. كمت الحيلي هياني ...

فرح.. بقيت ادحك هاي شكوو شبيهم

ابو قاسم.. لفي نفسج زين واكفي يم الباب السيد هين حتى نكطلعكم مهرر

حرير.. شنووو مهررر شنو السالفه

فواز.. فتحت الباب وطلعت شور سوولنا مجال وينها حريررر..

حرير.. هلا عمي شنو السالفه

فواز.. يولي احنا مادنلعب انتي موافقه مووو

حرير.. انيييي اريد انطق ماكدر بقيت ساكته

شذى.. مووووافقه السكوت علامة الرضى

فررررح.. هههههه شكدددد حلووو والله سواهه دحام..

دحام.. شلت التلفون خابرت سحر كتلها خل تحي امي لبيت ابو قاسم حتى اكطع مهرر

فواز.. نصن حسجن... يول حرير المن توكلين

حرير..  مادري بكيفكم..

دحام.. بقيت كاعد بمكاني بس اهجس نفسي كاعد على جمر .. خايف يطبكن عدها ام راس اليابس وتكوول لاا بقيت عيني عالباب

فواز.. يله البنت موافقه..

السيد.. خل اسمع صوتها بس..

فواز.. طلعت عليها يولي تعاي هين اكفي

حرير.. رجلليه مايخذني سميت بسم الله وكفت يم الباب.. سألني الشيخ همست بصوت ناصي موافقه.. نطقتهاا ماتحمليت بجيييت

فرح... كلللللووووووش

سهام.. كوووومي يمة خل نرووح

حدهن اكفي خل نشوووف...

ام دحام.. طبيت من البااااب اني وهلهوولتي

حرير.. صديت ورايه خاله.. هاي شمسوي شنون جمعهم هالجمعه..

ام دحام.. عجل ماتكولون من الصبح نجيب شربت جكليت.. وينو دحام.. فتحت باب الربعه

الوالدة..كعدت على صوا الهلال وحس فواز .. صحت يوووولي فرررح شكوو هين شصاير

دحاااام... واخيرااا انكطع المهروررر كمت سلمت عالكل واني مووصدك نفسي..

مـساء الحلا يالـغلا انـتم...❤️

#االسابع  والعشروون  من الفصل الثاني

#حرير#بعد_منتصف_الليل

انـي ابتليت ابعـشگ ..، وادعي الله هم يبيلك 

بقلمي #نشــــوى_السٌــلطان .

ام دحام.. عجل ماتكولون من الصبح نجيب شربت جكليت.. وينو دحام.. فتحت باب الربعه

الوالدة..كعدت على صوا الهلاهل  وحس فواز .. صحت يوووولي فرررح شكوو هين شصاير

دحاااام... واخيرااا انكطع المهروررر كمت سلمت عالكل واني مووصدك نفسي..

محمد.. شايف كل الخير خوووية .. بلچي عاد تبطل سباق بالسياره .. ههههه

دحام... هههههه الا بعد اخاف على نفسي الخاطرها .. مانريد نخوفهاااا لو شنتكولون ياربع ...

فواز... هههههه ماتنلام ،.. هاي هي شايف الخير.. اييي هذه هو دحام اذا حط شي اباله

لازم يسووي نفس الوالد

دحام... يابة بنت عمي اني اوولة بيهااا..

محمد.. اخذت الشيخ وطلعت اوصلة...

ام دحام... مبارررك يمة عجل ليش ماكلت من الصبح جان تحظرنا اليوم فرحتين.. اختك وانت بنفس اليوم...

ابو قاسم... مبارررك اخويه...

دحام،. الله يبارك بيكم...

ام دحام... كوووم شو كعدددت ...

سحر... ذبيت الفستان فتحت شعري لميته لبست حجابي وطلعت على بيت ابو قاسم...

دحام.. هااا يمة شبيج خليني كاعد مرتاح

ابو قاسم.. وين رايدييين

حرير... كعدت عالتخم اني وفرح سهام ادحك عليه من فوك لجوووة.. مدري شجرالها

فرح... يولي هذا دحام كووول وفعل والله سواهه

حرير... يحجوون كلهم فوك راسي الهلاهل والفرحة على وجوه الكل مرسوومة .. بس اني

مدري شبيه احساس بداخلي مايتفسر حصرة مدري فرحة مدري موت بطيء معقولة اكدر ابدي من جديد... رفعت راسي.. شفت سحر جتي

سحر...هلووو بنات...

شذى.. هلا سحرر تعاي اكعدي

سحر... شهالتطورااات ..، مبروك عيني حرير

حرير.. اشكرج...

سهام... يمة كافي خل نروووح تأخرنا

حدهن... شجرالج تخبلتي اصبري خل نشوف دحام نباركله..،

ام دحام... كوووم يله ويايه

ابو قاسم... روح خويه سلم على حرمتك

دحام.. جاي وراج يمة.. روحي هسه

ام دحام... طبيت على هول... وينها العروسة شبيجن كاعدات ساكاتت شغلن مسجل صفكن

حرير... كمت الحيلي... جت ام دحام بوستني

شذى.. طبينا اني وفرح جبنه عمتي وكعدت ويانه بالهول

حرير... صديت شفت عمتي.. اتذكرت من كطعو مهر جانت الفرحة على وجهه ماتنوصف..، الله

يرحمك يانور عيني.. جنت اتكلي محد ياخذج غيري اووووف... ربي. ساعدني... كمت بوست

عمتي حضنتها حييييل ماتحملت انفجرت وكمت ابجي حيل صعبة عليه وعليها .. جانت تتمناني عروسة الابنها

ام دحام... شووو هيج يمعودة فرحانين ليش تبجينااا

الوالدة... مبارك عليكم ام دحااام.. حرير وردة وتستاهل كل خير..،

فرح.، كاااافي يمعودين موفرحانين امشي شذى جيبي المسجل

شذى.. اخوج جوة خاف يكوم يحجي صوته عالي ،.،

فرح.. مايكول شي جيبي...

دحام... طلعت بره خابرت ورجعت للربعه،..

فواز.. اني اكوم امشي عندي شغل

دحام... ها شو كلها كامت وين رايحين

ابو عبير.. انرووح احنا ،. ابو قاسم دزلي الحرمة خل تطلع...

دحام.. دقيقه وين السوويج اني اوصلكم الشارع اظلم ..

شذى... شغلت المسجل.. بس ماعلينه اريد اطلعهم من جو الحزن كافي تعبنا

حدهن.. كووومي دزو عليناااا

حرير.. وين خاله بعد وكت...

حدهن.. ابوج صاح علينااا لازم نروح

حرير.. خل اكوم اسلم على ابويه،.. كمت الحيلي خليت الشال على راسي وكفت باب المطبخ ... شفت عمي فواز والزلم كلهم طلعووا

شذى... حرير.. شنوو راح تروحين وياهم

حرير.. لا شوديني ماروح..

سهام.. اطلعي عاد يمة اني راح اطلع جدامكم الحكيني..

شذى،. اكلج شبيها سهام شو انجلطت

فرح.. خل اندورلها عريس ونتلاحك السالفه

ادحك عليها محبطة راح تموت ههههه

حرير.. اششش هسه تسمعكم حدهن

شذى.. هيان طلع ابووج اطلعي..

حرير... طلعت للطرمة تلكاني ابويه هلا يابه

شنونك حضنته وبوستة...

ابو عبير.. هلا بيج بنيتي انتي شنونج مبارك عليج ...

حرير.. الله يبارك بيك..

حدهن.. امشو مو وكت سوالف سهام طلعت وحدها...

دحام.. طلعت وره عمي اريد اوصلهم.. شفتها مثل هلال العيد واكفة جدامي ...

فرح.. بصوت ناصي حريررررر صدي وشوفي منو وررراج

شذى.. دعوفيهااا عليش كتيلهاااا

حرير.. صديت صار بوجهي دحام... خجلت وبسرعه صديت على ابويه..

ابو عبير.. ارجع دحام الربع راحو مشي اني طالع وياهم.. مسلم عليكم...

دحام.. الله وياك عمي ومشكوووور عالمرة

حرير... خرررب اريد ارجع مستحية.. النوب يذب سوالف ويكله مشكور عالمرة

دحام.. واكفه جدامي واني وراهه بقيت مرتجي عالحايط.. وادحك عليها

شذى.. اشرت الفرح كتله عوفيهم خل نفوت

حرير... طبكت الباب وراهم اريد افوت صديت بس دحام بالطرمة... ،، دنجت راسي ومشيت خررب هذني وين راحن..،

ام دحام.. اكول يمة وين حريرر

شذى.. عمة واكفه هي ودحام بره عوفيهم هسه

ام دحام.. والله طلع بيهم كل ابله واني اكول فقرة

دحام.. وين رايحة .. ...

حرير... وكفت كتلوو منو اني...

دحام..... عجل منو ليش اكو غيرج يالعمر انتي . مبروك يالروح انتي ...

حرير.. بخجل وارتباك.. كتلو اشكرك ..

دحام.. كتلج انتي اللي محد ياخذج اليوم شسويتي بية... شلابسه سبيتيني وطلعتي

حرير..،رفعت راسي دحكت بعيونه .. كتلو اني ليش شسويت..؟ 

دحام... اييي دحكي عليه من حاجيج ليش حارمتني من هالوجه ...

حرير..، دحااام هين ابو قاسم شبيككك

دحام.. يبعد عيون دحام.. وشريد منه واذا هين

حرمتي بعد محد الة حگ يحجي

حرير... اني اروح ... انت ماتسكت اليوم

دحام.. كضبتها من ذراعها سحبتها بقوووة

صار وجهه قريب مني.. عيونها بعيوني .. يولو

اني محترگ اب ابويه وانتي تدلعين عليه وين راااايحة اكفييي هين خل اشبع شوف منج

حرير... دحااام وخررر شبيك.. راح يشوفنا ابو قاسم وخرر لا تكضبني

دحام.. بكيفييي شبيج انتي من منو خايفه

حرير... دحاااام اني كتلك من الاول اني مامتعودة عليك... اتركني هسه

دحام... يولي .. انتظرج العمر كله يبعد العمر انتي ... امشي ويايه...

حرير.. وييييين

دحام.. نفوت جووة انتي مو تريدين تفوتين

حرير... لاااااء عوفني لا تكضبني اني افووت وحدي

دحام.. ماشي حبيبي براحتج .. اني برة دزيلي امي اريد اروح...

حرير.. مشيت ماصدكت عاف ايدي شسووة هذا خربطني انتهيييت،. وكفت باب المطبخ

صديت عليه شفتو مرتجي وبيدو الجكاره

دحام..... ابتسمتلها ها شو ادحكين عليه شبيج مو تريدين تروحين..  تعاي لا تروحين

حرير،.. لاااا شبيك بسس

دحام... هههههه بس شنوو.. يول ياب انتي راح تموتيني .. ماتنحزين والله

حرير.. تعال ليش ماسلمت على عمتي

دحام.. ههههه جاي يابه جاي ومرنا لله

حرير... طبيت جدامة.. كتلهم دحام جة ورايه

ام دحام.. هلا يمة تعاال فوت سلم  على عمتك

دحام... سلمت عليها .. بست راسها واكفت على صفحة.. ها يمة مانمشي

سحر.. اي خل نروح .. اتأخرنا

الوالدة.... والله موراهمة تطلعوون سووو عشى يمة شذى يلة كوومن

ابو قاسم.. اي صدك اليوم عشاكم هين

دحام،. لا لا غير مررة عشاك واصل خويه

حرير.. وكفت بصف فرح كتلها بصوت ناصي بسيطة ليش عفتوني وحدي

فرح.. خل يولن حريررر صار ساعه واكفه وياه هسه تذكرتي ههههههه كولي غيرها

حرير... ولج لااااا والله هو ماخلاني خرب بيج اصبري اليوم خل يروحون

فرح.. هلا والله ماخلاج تروحين ولج تعاي شسويتو برررة اعترفي...

حرير... ووووجع اشششش فضحتينااا

دحام.. اخذتهم وشيت .. يله مع السلامة

ابو قاسم انتظرك تعال تعلل هيين

دحام.. ان شاءالله خوية...

حرير.. شفتهم طلعو .. طبيت للغرفه .. بدلت ملابسي..،

فرح.. فتحت الباب وطبيت... اني وشذى

حرير.. داشد بشرعي صديت اثنينهن ورايه

شذى... ممممم حريررر تعاي سولفيلناااا

حرير... شسوولف شبيكم

فرح.. انتي كلتي ماخلاني اطب هاا شنون يعني اريد شرح مفصصصل

حرير... هههههه شهافضوول والله ماكو شي حجي عادي ،،

فرح.. كولي ماريد احجي وفضيهااا

حرير... سدوووها هسه خل اكوم اصلي ماصليت ،.

فرح... اي اي تهربي عاد انتي...

حرير.. طلعت صليت وكملت وطبيت على عمتي انطيتها الدوة اتعشينا وكملنا جة حسن اخذ فرح

وراحو... طبيت للغرفه شلت الفستان اريد ارجعه طلعت تلكاني ابو قاسم

ابو قاسم.. سوولنا جاي الولد هيين

شذى.. دقيقه دحام هين ..

ابو قاسم اي جة وياهم ليش

شذى.. خلو يجي هيين يكعد يم خطيبته خطيه

حرير... شذذذذى😨😱

ابو قاسم.. كاعدين نتعلل بعدين موهسه صبن جاي بسرررعه

حرير.. راح ابو قاسم.. صديت عليه ولج شنوو هالحجي ليش هيج كلتي خررب لا عفية استحي واصلا ماكدر احجي ويا دحام بعد لا دزين عليه

شذى.. انييييال حظي عجل شنوون راح تتزوجين..

حرير... مااااادري منا الوكتها الله كريم

شذى.. خل اكوم اصب جاي هسه وبعدين نحجي .. انتي سالفتج طويله

حرير... طبيت علكت الفستان وطلعت..

بقيت بالمطبخ انظف... دحكت من الجام ..

شفت دحاام بالطرمة يخابر يروح ويجي

بقيت انظف وعيني عالشباج .. اتوقعتة راح يجي يسلم بس ماجة.. صارت الساعه ١٢ راحو

كلهم... طبيت للغرفة لكيت التلفون مأشر اكو رساله... كاتب بيها... مشتاق لعيونج قريت

الرساله مارديت ذبيت التلفون يمي وتمددت

اتذكرت .. لمن كظبني من ايدي وصار جدامي

تذكرت سوالفه كلها... واني صافنه دك هو

رفعت الخط... الووو

دحام.. هلا حبيبي .. شنونج نايمة كاعدة

حرير.. بعدني مانمت

دحام.. شبيج خمو ضايجة

حرير.. لا ماكو شي بس ليش هيج حرجتني وجبت الشيخ وجيت كطعت مهر

دحام.. حرجتج .. انتي مو كلتي موافقه ليش تلعبين بأعصابي

حرير.. كتلك لما تحل سالفه حرمتك

دحام... مووو تدرين اني رحت ارجعها وهي ماتقببببل شسوي يعني

حرير.. ماااادري

دحام.. يولي اني مووو جاهل جدامج يكفي تلعبين بأعصابي..

حرير... ليش تصيييح منو لعب بأعصابك

دحام... يوولي لا شفتيني متعلق بيييج صرتي تتعززين عليه كافي عااد تتكلبين عليه مثل الدهر

خرب هالگلبب اللي ماحب غيرررج خرب عمري

حرير... انت شبيك شو متحممل عليه شدعواك

دحام.. مو شلعتي گلبي اني فرحان اليووم  وانتي مدري شبيج اريد اسمع كلمة حلوة منج ماكو شحجي تمنعيني..

حرير.. دحام... موبيدي والله ..

دحام.. الحل شنوو اني ماعندي احد يداريني وصبرت وانتظرت جثير يعني خل ابالج عرسي قريب وماريد اسمع كلمة لا

حرير.. بس اني كتلك اتركني اتعود عليك تقبل اكون يمك واني...

دحام... كاااااافي كافي راح اكسر التلفون والله يولي اليوم مرتاح ليش تغثيني يعني حرمتي

صرتي شحجي راح تبقين تمنعيني كااافي عاد

اني هم بشر وعندي گلب مثلج.. يعني هنت

نفسي جثير الخاطرج واني ماكو مره كدرت تسوي بيه مثل اللي انتي دتسوي

حرير.. دحام... اعرف وكلامك كله صحيح بس اني صعب عليه والله ليش تخليني ابقى اعيد بالسالفه نفسها

دحام.. انتي تستحين مني وتستحين من اللي يمج ادري عجل شنون راح تتعودين عليه شوكت

راح تفتنعين انتي خلاص انتهى الي راح وهسه اني دنيه جديده الج كافي تقهرين بنفسج الماضي لا نخلي ابالج

حرير.. يحجي واني بس ساكته

دحام.. دحجي ليش ساكته يول بس صوت انفاسج اسمعها .. يبعد عمري شبيج

حرير.. الحل دحام انت بعدنا اول يوم ومليت مني

دحام.. منهو هذا المل.. ولج انتي النفس اليصعد وينزل.. بس انتي مادتخليني اتقرب منج بكلشي

تصديني خجلج هذا عوفي كافي اني راح اكمل هاليومين كلشي والخميس نتزوج

حرير.. شنوووو لا عيني ماتزوج هسة ماكدر اكون زوجة الك اللي بداخلي ماينحجي اذا احجيلك جوز راح تنقهرر

دحام.. لا تحجين شي اسمعي انتي مدام كاعده بنفس البيت ونفس الغرفه ماراح تنسين راح تبقين خجلانه من اهل سعدد

حرير.. اي يعني شنووو

دحام.. الحل نتزوج وانتي شوي شوي تتعودين واني راح اخليج براحتج

حرير.. لا لاااا

دحام.. كتلج والله ماعليه بيج اخليج براحتج وكلمة ارجال انطيج والله

حرير.. خل افكر بالسالفه

دحام.. ماكوو تفكير هي براسج براسج بعد انتي حرمتي تره اكدر هسه اطب اخذج واطلع

حرير... لاااا والله لازم بكيفك

دحام... مو اسويها والله واجي

حرير... دسويها وشوف شيصير.

دحام.. هههههه حبيبي

حرير... نعم دحام ...

دحام... يولو فديت هالصوت الحلو روحي نامي

حرير... هاا ماشي بكيفك

دحام .. شنسوي ماريد اضغط عليج اكثر راح اخليج براحتج

حرير.. شكرا دحام

دحام... ماحب الرسميات اني وانتي واحد يله عمري تصبحين على خيرر

يتبع..،

اعذروني اتاخرت بس عندي ضرف خاص

راح اختم القصه .. هاليومين  رجاااااءا اللي يبقى يكول تعبنا وملينا خل يتركها تره

اختصرت بما فيه الكفاية مامستعدة اخلي القصه تفشل بسبب الاستعجال حرامات

مـساء المـسك .. 🌱...❤️

#الثامن   والعشروون  من الفصل الثاني

#حرير#بعد_منتصف_الليل 

اه من تعب القلب ومن تعب الحب المفقود  ..

بقلمي #نشــــوى_السٌــلطان

جـززء بأحداث مسرررعه ... ومختصرة

،..،،،،،،،،،،،،،،،،،،،،،،،،

دحام .. شنسوي ماريد اضغط عليج اكثر راح اخليج براحتج

حرير.. شكرا دحام

دحام... ماحب الرسميات اني وانتي واحد يله عمري تصبحين على خيرر

حرير... وانت من اهل الخيررر ... سديت الخط

ونمت.. بدون تفكيررر لان صدك دماغي تعب

دحام... سديت الخط وبينت نفسي طبيعي بس بداخلي نارر.. هذي راح تبقى تتكلب عليه

واني عيوني ماتشووف غيرها شوكت تفهم هالشي .. شوكت تحس بية ...

حرير... كعدت الصبح.. بقيت متمددة بفراشي

تذكرت اني هسه على ذمة زلمة .. يعني راح سعد

صرت الغير شخص..ااااوف كافي شبية اني حتى اللي ويايه صار يمل مني .. بس شنوون

شنون يضحكلي سن واتعود ... واني ضحكتي وفرحتي اندفنن ويا حبيبي .. اووف لازم انسى

لازم اتعوود ...كافي حرير.. اصحي من اللي انتي بي راح سعد ..خلي مدفووون بكلبج مدام

وافقتي على حياة جديده يكفي قهرر سحبت نفس عميييييق كمت الحيلي ،. طلعت على عمتي

لكيتها نايمة طبيت غسلت وجهي البيت هدوء بس اني كاعده طلعت للحديقه.. الجوو يخبل .. بقيت

شوي بالحديقه .. صافنه ويه نفسي.. سمعت صووت حمودي... كعد.. كمت الحيلي طبيت للبيت ..شلت حمودي

شذى.. طلعت من غرفتي تلكتني حرير هاي شنو كاعده من وكت..

حرير،، مادري شو كعدت شبعانه نوم وكمت كعدت شويه بالحديقه.. هاج اللزمي حمودي

خل اسوي ريوك ونتريك برة الجو حيل حلو

شذى.. عجل خل اكعد ابو قاسم... واجي وراج

حرير.. طبيت للمطبخ سويت الريوك والجاي

وطلعنا بالحديقة كعدنا...

ابو قاسم.. يول حرير شنونج اليوم

حرير.. رفعت راسي.. دحكت عليه لا زينه الحمدلله ليش

ابو قاسم.. مرتاحة بوافقتج لولا

حرير.. والله ان جان عالراحة هي راحت ويا الغرالي بس شنكول بعد الراح راح يبقى ذكراهم

بالگلب ودحام ،،شاريني بس كون اتعود وتأقلم ويا حياتي الجديده...

ابو قاسم... خوش حجي والله صحيح بعد هو راح وكلنا مانكدر ننسى

شذى.. اي يعمري انتي تزوجي وحاولي تنسين كلنا نفرح الفرحج والله .. ابدي من جديد

ابو قاسم.. عندي اقتراح ...

شذى... اي شنوو

ابو قاسم.. شوفي حرير.. انتي اذا تريدين تنسين لازم تطلعين من غرفة ابو جراح تعوفين

كل الذكريات اللي تذكرررج بي اذا موهيج صعب تتقبلين اي شخص بحياتج

حرير.. لا ذكرياتي مستحيل اعوفهن

ابو قاسم.. شوفي انتي مثل اخيتي واني اريدلج الخير .. وهسه انتي كلتي يبقى ذكراه

بالگلب .. يعني لو مهما يكون ماراح تنسين بس

حاولي تتعودين اطلعي من الغرفه

حرير.. الغرفه اكدر اطلع منها بس الغراض ماكدر اعوفهن

ابو قاسم.. مو مشكله اخذي الي تريدي وياج انتي شوي شوي تتعودين..

حرير.. قصدك ارجع البيت اهلي

ابو قاسم.. عليش بيت اهلج لا طبعا تروحين على بيت دحام مادام يكدر يجهز كلشي عليش تأخرون الخطوبه وهذا وذاك يحجي

حرير... بس اني ماكدر والله مامتعودة عليه

شذى.. شنووون تتعودين عليه وانتي بكلشي تصدي ومكابله الغرفة والذكريات ها حاجيني يله

حرير... والله مادري اني داحس راح اظلم دحام ويايه

ابو قاسم.. اني رايح للشغل اذا احتاجيتو شي خابروني

شذى.. الله وياك سد الباب وراح خاف يطلع حمودي ...

شذى.. اي نرجع السالفتنا .. سالفة تظلمي هاي بطليها انتي راح تتعودين عليه بمرور الايام

بعدين دحام شخصيتو حلوة وحبه الج ماينوصف

مستحيل تكدرين تمنعين نفسج تحبي

حرير... رفعت راسي عليها .. شذى يعني تتوقعين راح اتعود عليه واحبه مثل ابو جراح

شذى.. اي وجوووز اكثر بعدد..

حرير... اتمنى والله لان اشوف حبه اللي بس ماكدر اتقرب من عنده شما يتقرب هو اني ابعد اريد انسسسى ولج شذى شنوون

شذى.. والله تنسين وتصير سوالف دحام من كد حبه الج راح يخليج تنسين كومي نشوف عمتي كعدت

حرير... مرت الايام على خطوبتي دحام يوم يجي ويوم بالشغل .. ومرات يخابرني بس

ماحاول يضغط عليه ابد  .جابولي الذهب والحلقات وشمة مصره عالطلاك ماتقبل تتطلك... ومادري شنون راح تفظ.. بدينا نشتري بالجهاز

شذى... وين سارررحة كووومي

حرير.. هااا شكووو

شذى.. دحام بره يرريدج

حرير... كمت طلعت عليه .. لكيته كاعد بالحديقه

دحام... هلا تعاي

حرير.. مشيت تقربت وكفت يمة وكتله شنونك

دحام.. هلا الحمدلله... اكول تروحين اليوم تاخذين بقية الملابس

حرير.. لا ماحاجة انتو اخذو

دحام.. يولي امي ماتعرف راح تجيبلج مو حلو

حرير... خل اشوف شذى تروح ويايه اذا ماراحت اخذ فرح

دحام... تاخذون امي لو لا بكيفج

حرير.. لا عادي خل تجي

دحام ..خوش عجل اتحضري ...

حرير.. منو يودينا....؟

دحام..، جثيرين اللي يودوكم .. خل اشوف ابن خالتي فهد هو يوديكم لان اني عندي شغل

حرير.. ماشي براحتك

دحام... يله اني اروح وجهازج اشحني خاف اخابرج ليش كبل مغلق

حرير.. مدري شبي كل شوي يطفى

دحام... يله فوتي تحضري بين مااشوف امي واخابر فهد...

حرير...راح دحام.. طبيت للمطبخ لكيت شذى واكفه تغسل مواعين.. اكول شذى تروحين ويايه

شذى.. وين اروح تجهزين مو

حرير... اي استحي وحدي شنون

شذى.. عليش تستحين عادي شكو بيها بس اني ماكدر اروح حمودي مريض يضوجني بالسوك

حرير.. عجل خل اشووف فررح بلكي تروح

شذى.. والله اليووم يمكن طالعه هي وحسن خابري وشوفيها

حرير.. عجل ماحاجة اروح اني وام دحام

شذى.. كولي عمه شنو ام دحام شوكت تتعودين

حرير... هههههه شمدريني انسى اكفي دز رساله خل اشوف شدزلي

شذى.،.اي عيني كاظيها مسجات

حرير.. لا شبيج كاتب امي وسحر راح يروحن ويايه

شذى.. اي عجل روحي تحظري

حرير... طبيت عالسريع لبست فستان كريمي وحجاب وطلعت بالحديقة انتظرهم

دحام... يمة كملتو لولا فهد بالباب ...؟

ام دحام... ولج سحر اطلعي عاد الزلمة واكف

سحر... هيان كملللت شبيكم طاير السوك خمو طايرررر

دحام...طلعت سلمت على فهد

فهد.. اكوول خويه وين رايح شنو ماتروح ويانه

دحام.. والله عندي شغل اخذهم انت شوف شيردون صار سبوع اركض هيج وهيج مادلحك

سحرر.، صعدنا بالسيارة .. اكول وينها حريرر

دحام.. دقيقه دخابر عليه خل ترد

حرير.. التلفون بالجنطه سمعتة عرفت دينتضروني بالباب .. كمت الحيلي مشيت طلعت عالباب.. الوو

دحام.. ويينج شو ماتجاوبين يله اطلعي

حرير.. اي مكمله اني... سديت الخط وطلعت

دحام.. فتحت الباب وطلعت

حرير.. وكفت جدام الباب.. جت السيارة عليه

دحام.. همه بالسيارة واني وراهم امشي اريد اطلع خففت السيارة وكفت

فهد.. هلا خيتي اصعدي..،

حرير،. ياربي شكد خجلانه .. صديت ورايه سيارة دحام.. مدري شبي يدحك عليه وخازرني

بعيونه،. فتحت الباب سلمت وصعدت طلعنا للسوك فهد كلش حباب ولا متصورته هالشكل

حتى ولا حسسني بشي حسيت نفسي اعرفه من زمان.. يضحك ويشاقه تونسنه ورجعنا للبيت

بس دحام مدري شبي كالب وجهه وحتى ماخابر

رجعت البيت هلكانه تعب..

شذى.. كومي اللبسيهن خل انشوفهن

حرير.. يمعودة مالي خلك والله

شذى.. اكلج دحام ماديجي قليل شبي خاف رجعتي لخبالاتج .. وضوجتي

حرير.. لا بس هو شافني مبتعدة عنه الظاهر هو هم البتعد واليوم من صعدت بالسيارة مدري شبي خازني بعينه

شذى.. توقعت اليوم هو يوديج بس طفشتي الزلمة من طبعج وسوالفج ابقي هيج لما يمل منج

حرير.. اهووو لا تخبليني يعني شتريدين اسويله هاا كولي

شذى..، حرير... انتي تعرفين تكسبي بس انتي كو حابه هالشي ..،

حرير.. شمدريني كل مااريد اتقرب احس شي يبعدني

شذى.. والله انتي من اكعد يمج واسمع سوالفج كلبي يصير بكبر الدنيا خل اكوم اغسل

حرير.. كامت شذى طلعت بقيت وحدي صفطت ملابسي رجعتهم بالكنتور.. شلت الجهاز ماكو لا

مكالمه ولا رساله .. شبي شو عبالك متغيررر

اي طبعا اتغير لا وهو يكلي اصبرلج العمر كله

بعدنا بالبدايه يمل .. اوووف محد يفهمني ويتحملني غير ابو جرراح ... شلت التلفون

وطلعت بره... فتحت الباب.. دحكت السياره مالتو واكفه بالباب.. عجل ليش ماجة ولا خابرر

بقيت متردده اخابره لو لا .. زين شراح اكله اذا خابرت... بقيت بحيرررة.. واني واكفه بالباب

شفتو طلع.. رجعت لوره وكفت بصف الباب شفتو  كاشخ ومتعطرر مدري وين رايح بقيت ادحك عليه من بعيد..

دحام.. فتحت الباب وصعدت شفته بالمرايه واكفه ورايه،.،. رجعت السياره وكفت يم الباب... نزلت الجامة...

حرير... فتحت الباب دحكت عليه

دحام.. ليش هين واكفه...

حرير.. لا بس ضايجة وطلعت..

دحام.. فوتي الشارع كل ساعه واحد فايت من هين

حرير.. من احد يفووا اسد الباب

دحام.. يولي احاجيج لا تشلعين كلبي كتلج فوتي جووووة

حرير.. زين انت شبيك شو مدري شنون تحاجيني ..؟

دحام... اسألي نفسج.... روحي هسه مو وكت حجي

حرير.. لا دقيقه خل افهم شكو شبيك

دحام.. ليش يهمج اللي بية...

حرير،. اهووو شبيك فهمني

دحام... ماكو شي حركت السياره .. مشيت ورديت رجعت خطوه.. يولي هذا اللي للبستي من طلعتي ماريد بعد اشوفه عليج

حرير.. قصدج الفستان الكريمي

دحام... اي هذا ماريد حتى اشوفه بعد

حرير... ليششش

دحاام... مايعجبني هيج لبس ابد ..

حرير... عادي وشنو يعني ماالبسه

دحام.. يله فوتي اني رايح عندي شغل

حرير... بعدك معند على سالفه العرس

دحام.. معنددد..؟ شبيج شنو معند غير احنا اتفقنا من نكمل نتزوج...

حرير.. بس اني ماقبل بنفس الغرفه اتزوج

دحام.. لا اطمأني صبغنا الغرفه الفووك

حرير.. خوش عجل... يعني العرس بعد يومين

دحام...اي نعم بعدد يومين روحي الشارع جدامج عود اني اخابرج...

حرير... زين انت وين رايح ..

دحام.. للسوك اخذ غراض ليش تريدين اجيبلج شي ويايه

حرير.. لا سلامتك... بس شفتك كاشخ

دحام..  هههه لا ماكو شي اني هيج على طول يله راح اخذ محمد واطلع ماشي يله عيوني فوتي هسه رايح اني

حرير... راح دحام طبيت وسديت الباب وراه

بس مافهمت ليش هو ضايج وكالب وجهه معقوله بسبب تصرفاتي ..

دحام..، مريت على محمد كالو نايم شغلت وطلعت للسوك اخذت الها تلفون ورجعت

حرير.. تعبت كلش بالسوك تمددت شوي وجان اناام

دحام.. رجعت للبيت طبكت السيارة وتمشيت عليها .. دكيت الباب البره...

شذى... فتحت باب المطبخ .. صحت منو

دحام.. هلا خيتي .. بالله ماتصيحين الحرير

شذى.. والله نايمة خل اكعده

دحام.. لا لا عوفيها هاي تعبت اليوم ونامت خليها بس هاج وصليلها هاي العلاكة .

شذى.. تمشيت عليه.. اخذت العلاكة .. انطانياهه وراح..، فتحت العلاكة مادري شنو بيها باكيت.. اخذتها وطبيت على حرير

حرير..، حسيت الباب نفتح اني نايمة جفلت كعدت .. دحكت الساعه ١٠ شنومني اني صديت شذى جتي

شذى.. كعدي عيني شو نايمة

حرير.. ولج مادري بنفسي والله .. ونمت جان كعديني .. ماصليت

شذى.. جة دحام يدور عليج

حرير.. صدك وينه هسه هو هين

شذى .. لا كال االا تكعديها انطاني هاي العلاكة كال انطيها الحرير

حرير.. كعدت الحيلي شنو هاي .. شلت العلاكة فتحتها بيها باكيت شنو هذا

شذى.. ممم مادري افتحيها

حرير.. فتحتها لكيت جهاز مبايل... يااا هاي اليووم سالني ليش مغلق كتلو يطفى من كيفه

راح وجابلي مبايل..

شذى... يبوو وجماله تدللين عليه وشالعه كلبه

وشوف هو شنون مداريج ..

حرير.. يعني شسويله والله خبلتووني هسه اني كايله حاجيها

شذى.. دمشي يله خابري اشكري عيب ًراح اكوم اكمل شغلي..

حرير... خليت الجهاز يمي صفنت شون راح اخابره استحي شراح اكله ممم خل ادزله رساله احسن.. شلت التلفون .. كتبتله .. شكرا عالهديه

دحام.. صابيلي العشى داتعشى .. جت رساله دحكت عليها مكتوب شكرا.عالهديه .. خليت الجهاز كمت غسلت.. ماخابرتها .. بقيت اشتغل

بالبيت اني وفهد.. نصبنا الغرفه خليناهه فوك وكملنا كلشي..

حرير.. مررر ١٧ يوم على خطوبتي بس ابد ماحسيت بنفسي اتعودت عليه يوم عن يوم

اخجل من عنده اكثر.. البارحة حنتي اليوم عرسي ... طلعت للصالون  اني وسحر وفرح

طبينا للصالون ازدحام وهوسة ..

سحر.. هيني لا تصبغيلها شعرها تره اخويه مايقبل

فرح.. عيني هي اصلا ماتصبغه شعرها يخبل عليش تصبغه

حرير.. سدو السالفه هسه مو وكت سوالفكم اني اصلا ماصبغه

ام الصالون اي مااصبغه بس اني اسويلها شعرها لحد يدخل حبابات اكعدو

حرير.. بقيت كاعده وهي تشتغل ،. مادري شسوت ماسوي...

دحام... عزمت اهل الديره كرايبي كلهم وسويت عشى.. نصبت جادر.. جدام البيت..

محمد... يول شوكت نروح نجيب العروس

دحام.. لما بخابرون بعد خل افوت اغسل انت ضل هين ويا الربع كاعد

محمد.. روح عيني اليوو انت عريس بعد بس مو تلزك بالحمام ساعه

دحام.. ههههه لا لا ماتاخرر ..، طبيت للييت غسلت عالسريع وكملت ..وطلعت عالربع بره

ام دحام.. اكف يمة شوكت تررحون تجيبون العروس..

دحام.. مادري يمة بعد ماخابروني خل اشوف الولد برة احمد جة لو لا

ام دحام.. كلها برره هووسة الشارع مليان شفت غرفتك فرشتلك الفرشة اني وخالتك

دحام عاشت ايدكم يمة ماتقصرون بس .. يمة اليوم لاتبقون  بالبيت اطلعو ..

ام دحام.. هااه وين نروح..، ولك

دحام.. مادري يمه هجوو اطلعو ههههه لا اشاقيج وصيت فهد راح ياخذكم يمهم وره الزفة

ام فهد.. اي يختي شبيج ماينلام عريس خلي ياخذ راحتوو

دحام.. عفية بخالتي .. يله راح اروح اجيبها دزولي رساله..

ام دحام.. اكف خل اللبس عباتي

دحام.. شغلت السياره وصعدت وحدي امي وخالتي صعدن وشذى صعدتهم ويا فهد اني بقيت وحدي بالسيارة ..

محمد.. يووولووو ها نمشييي

دحام.. اشرتلهم بدية امشووو.. مشيت واني مومصدددك معقولة راح تصير اللي اليوم فرحة عمري .. شغلت المسجل... ومشيناا

شمة... وكفت بالباب سمعت صوت الزززفه فاتو عاالشارررع العام..  هلاهل وصفكة من بعيددد

اسمعها يعني ست حرير سوتها واخذت دحام مني ... بسبططططة

فررررح... ولج حرير... يول شنو هالجمال

حرير.. رفعت راسي وكمت الحيلي .. ادحك على نفسي ولا عبالك اني لا مستحيل غير شخص

سحر... طلعتيها حلوة عاشت ايدج

ام الصالون... والله هي حلوة بدون كلشي

حرير... شكرا كلش حلوو والله عجبني

فرح.. ولج خل يجي دحاااام ويشوف الكيييييك

انتظرووووني 🙈🙈🙈😉😉 احاول اكمل الجزء الليلة

نشوووى

شبيهة حرير خليتها غلاف