رواية بائعة الخضروات الفصل الأول 1 - بقلم زهراء العراقيه

من كتابات زهراء العراقية

تدور احداث القصة سنة 1994
گاعد كريم  على الجنط ومغطي وجهة بكفوفه
لحد هسة ما متقبل فكرة خسر مرته وعملة وناسه والأهم  من هذا كله شرفه
وعرضه الي  الكل يتحدث عنه
رادت دمعه تغدر بيه وتنزل بس مسحه من المدمع قبل لا تنزل وكام شال الجنط وراح طلع من البيت الضهرية الحمرة والشمس تسطع حتى لا احد. يصادفه من الجوارين . راح للمشتري انطاه المفاتيح مال البيت  وراح طول الطريق يمشي ومنزل راسه ما يرفعه ... صادفة احد العمال الي جانو يشتغلون وياه
العامل :- السلام عليكم اشلونك.عمي
كريم :- رفع راسه شاف العامل الي جان يشتغل تحت ايده وبنفس الوقت من اهل الحي يعني اكيد يعرف بسالفته
ليش هو اكو احد ما سمع بيه ..!!!
كريم:- وعليكم السلام كاله وربت على متن العامل وراح لطريقه ضل العامل يتبع خطاه بنظراته وهو واكف بمكانه وضاج حيل على الخلفة الي جان يشتغل تحت ايده بعد ما جان سبع المطنقه محد يندك بيه والكل يحترمه ويحلف بأصله وشرفه هسه عينه بالارض ما يكدر يرفعه بوجه عامل
.. وصل يم السيارات (الريم )... صعد وراح لكراج المحافظات ... ..
اذكر ايام الجيش من اتعرف على صديقه يحيى من اهل العمارة وصاروا مثل الاخوة واكثر وابد ما نقطعوا عن بعض بعد ما اسرحووا بين مده واخرى يجي واحد منهم للثاني .. 
بعدين رجع اذكر مصيبته الي خلته يطلب من صديقه يشوفلة بيت بالعمارة ويترك البصرة ..
واذكر اشلون اول من اتخلى عنه اقرب الناس اله مرتة صفت مع اخوته وابوهه وطلبت الطلاق وكالو اله ما يشرفنا بتنا اتضل ويه واحد اخته نهبت وشردت وية عشيقه وصارت سمعته بالطين هو واخوته الثلاثة و اختهم الوحيدة فضحتهم بعد ما لگفه رجله مع واحد  بغرفة نومه ضربته بسچينة بظهرهه من جان يضارب ويه عشيقه واخذت عشيقه وشرد ورجله اتلاحكوا الجيران وصارت فضيحتها حديث الساعه ماگدروا يضلون اكثر بنفس المنطقة لازم يرحون لغير مكان محد يعرفهم بيه نسوان اخوته كلهه عدهن اطفال وما تركن ازواجهم بمحنتهم  .. بس مرته هو ما صارله سنتين من مزوجه عافته واتخلت عنه
صديقه يحيى شافلهم ابيوت (مشتملات ) بمطنقة شعبيه اخوته سبقوه وراحوا يرتبون امورهم بالبيوت وهو ضل اخذ اخر قبضه وبالوكالة الي عنده باع حلال اخوته(ابيوتهم)وبيت ابوه الي جان عايش هو بيه وصفى شكو شي بالبصرة بس كوة خطيه اتحمل نظرات الناس من شفقه وحس بالذل والعار .....
وهسه يلا خلص ولحك اخوته..............
اتعرفون الشمس الحارة شنو تعمل ببشره عمال البناء والخلف رغم انه كريم  بشرته حنطاوية لكن بسبب الشموس وجه متيبس ومسومر
....

......
العمارة
..الساعه 10 صباحا
بين ضجيج الناس الي يصيح بمخضره والي يعامل والي يشاقة ويه صديقه
والنسوان الي ما تحلى السوالف بينهم والسلام الا بوسط السوك
جانت تكعد شابة يطلع عمره 25 سنة
كاعدة كدامه بسطية خضورات من كراث وكرفس وجرجير وفجل وحتى بصل اخضر و جت الجت مرغوب واله ناس تاخذه علف للحمير وحتى البط والطليان ..
جانت كاعده علياء البنية الي يكولون عنه گوية ... واتبيع مخضر جان حيل مرزوقه مو يكولون البنات يجي رزقهن وياهن هاي علياء اليتيمة بعد ما اتوفه ابوهه صارت هي  الاخت والابو لخوته وحتى الام لان امه ماتت قبل ابوهه بأخر ولاده اله .. 
عده خمس خوات واخ واحد
ايناس ::::----عمرهه 20 عام ذكية وداروسه بس انانية .... تظغط على اخته بالمصاريف حتى تضهر باحسن مضهر بالمعهد .
نجلاء ::::::____ عمرهه 19  عام  كاعده بالبيت واتخيط واتحوك واساعد اخته بالمصرف
سهام:- 17 :- طالبة وحيل اتخوف تصرفاته متعبة اخته وابد مو راحه
عهود :- 15   مثل اخته سهام وبعد اكثر  وهم طالبة..
مهجة :- 12  ابنية كلش حبابه وكلش تحب علياء ...
وحيد :- عمره 4 سنوات وحيل متعلق باخته علياء ويصيح اله يمة لان امه اتوفت وهي تولده ما لحكت حتى اتشوفه وربى على ايد اخته ....

جانت علياء اتعيش براحه وهنا ويه عائلته صحيح امه جانت ذابه الحمل كله عليه وبطلته بس اخذت الابتدائية لكن حيل مرتاحه.... انكسرت من اتوفت امه سنه 1990 لكن بعده كامت على حيله واعتنت بأخوته وابوهه بس بعد سنة واحد ما يخاف الله حرك بايكه ابوهه جان عنده مخزن للطحين والطحين جان نار نار محد يكدر يندك بيه من احتركت بضاعته كله فلس الرجال وصارت الديانه تركض وراه اظطر باع بيته واجر حتى يسد اديونه بعده صاحبته امراض اخرهه جلطه دماغية جابت أجله سنة 1991 يعني بعد سنه وحده على وفاة امه ... وضلت علياء واخوته بهاي الحياة الصعبة... بين الحزن على اهله واحساس الضياع الي جانت تعانيه اشلون بيه هي واخواته بنهاية الشهر يريد المؤجر افلوسه امنين اجيب واتعيش اخوته ..
انسدت كل الابواب بوجه ..بس ربك ما يقطع رحمته .. صديق والده كان تاجر مخضر جبير واله وزنه بالسوك .  ضل يتودد عليهم ويصرف ويجيب ويحط بس علياء ما رادت اتضل عالة على الرجال ..  وطلبت منه يساعده يشوفله شغله احتار الرجال شنو يشغله وهي ابنيه صبيه رفض يشغله بس هي اصرت وضلت ادور لحد ما صديقته اقترحت عليه اتبسط بالسوك بالبداية جانت تخجل وتستحي بس كعدت السوك كفيلة بأن خلته سباعية وماتخجل من حقه والسان اذا انفتح ضدك ما تخلص منه وصارت صدك بت سوك ومن واجهت مشاكل بالكعده مالته لان ماعده مكان محدد ساعده صديق ابوهه رغم هو مكان راضي على كعدته بس شسوي هو ما ضال الهن ... .
وشافله بسطية وضلت تكعد عليه وصار اله اسم بالسوك واتبيع بس خضورات ...   ....
اشويه بالتسعينات مجان اكو تحفظ كلش يعني عادي المرة تطلع بطرك الثوب ترش الباب وجانت علياء ذبت عرب من دون خواته وسوقية اشويه لان اخذت ذبت السوك واطبعت بطباعهم جان تتشيل من تطلع اتلف الشيله واطلع قذله منه وتحط ماشه جبيره على قذلته وتبيع الخضره   .
وصل كريم لبيت اخوته اكل ونام من التعب ..
همه اشتروا بيتين لانهم اربعه اخوه البيوت عبارة عن مشتملات مقسمه يعني اربعه مشتملات
بيت كريم جان طالع من بيت اخو محمد ابو شمس. والاخوة الثانين بغير فرع مشتملاتهم هو مشتمله المفاتيح مالته مشتبهين بيهن وضالات عند المرة صاحبة البيت السابقه فضل ببيت اخوه ارتاح وثاني يوم الصبح كال اروح اخذههن ....
ثاني يوم ...
علياء:-ولك جابر اليوم ام نبيل وصتني اوديله صناديگ الطماطة والخيار لبيته بس انه اشلون اشيلهن ما كالت الك ادز ابنه  واحد يشتغل عده ياخذهن هسه ذبوههن على كلبي انه ماعندي مكان ..
جبار صبي عد علياء عمره 10 سنوات .
:- خاله هي كالت ادز واحد من المخزن ياخذهن
:-اريد خضره عيني
ها عيني الكفشه بميه وخمسين  اخذيلج منا اها شوفي اشلون  تخبل اليوم حاشوههه ..
من كتابات تراتيل حواء زوزاية 
طلع كريم بعد ما سال اخو عن المرة كال اله بگاله بالسوك واسمه ام نبيل ووصف اله وين تكعد وراح كريم للسوك
ملت علياء اتريد ترجع لبيته وهاي ام نبيل مادزت واحد ياخذ المخضر الي اتريد للبيت لانه اليوم ما مفتحه ...
وكف كريم سأل ولد عنه
كريم:- اكلك اهنا اكو مرة اسمة ام نبيل وين بالظبط تكعد
قبل لا يحجي الولد اجت عليا وبصوته العالي
علياء:- هااا واخيرا جيت بعد وكت والله اوف تعال تعال
كريم صفن عليه ابنيه شابه واحليوهه بس شو توجه كلام اله وكأنما تعرفه باوع لخلفه عباله تحجي ويه واحد ثاني
علياء:- اشمالك يخيي يلا تعال اتاخرت ورايه شغل انه وراحت صاحت لجابر
:- يلا جابر جيب الصناديك اجه الولد
اجه جابر وجاب صندوك الخيار
وكريم صافن بس من شيله جابر الصندوك كال
:- عمي شنو القضي انتم متوهمين اني اجيت اسال عن ام نبيل
علياء بقله صبر:- اي اي واحنه الي ودعت يمنا المخضر . جيب الطماطه جابر يلا
جابه جابر وكوة يمشي لان اصغير والصندوك ثكيل وحطه فوك صندوك الخيار  صارن حيل اثكال  بس كريم متعود على الحمل ما مهتم وكأنه عادي ماشايل شي
عليا:- يا ليش واكف
كريم:- عيني اني اريد ام نبيل وهاج راد ينزل الحموله
علياء:- لا على بختك تعال انه اوديك لبيته بعد شتريد وشيله ماصدكت انه ...
مشت وهو مشى وراهه
علياء بگلبه كال عيني كال
كريم شنو هاي الوكحه امنين طلعت الي بس والله حلوة بت المحروك .. صناديكه اثكال . 
ضلت تمشي وهو وراهه
بنص الفرع علياء وكفت شافتله حجي وضلت ادك اسوالف ونست المسموط وراهه واكف هو والصناديك!!!
يتبع