رواية بائعة الخضروات الفصل الثاني 2 - بقلم زهراء العراقيه

علياء:- يا و چنتكم ليش انهزمت
باوع كريم لكدام واعيون تجدح نار من ذكرت علياء وحده انهزمت
الحجية:- والله اخذت رجله هذا ابني مابيه خير وعزلت بيه وضليت انه حايره بزماني
عليا:- چناين هالوكت ما يتحملن اعيال وابسرعه يشردن
كريم:- يالله يا اختي اريد اروح لشغلي اني دليني بيت ام نبيل
علياء باوعت لخلفه عزة نست الرجال مسموط بالحر شايل ثكل بس ماعجبه عيني ليش ينتر بيه وهو حمال عباله ولازم يتحمل ليش صبره قليل
علياء:- ها خوية اشمالك عيني مستعجل
الحجيه:- يلا علياء انه اروح اسوك في امان الله
:- في امان الله
وباوعت لكريم بطرف عينه وهزت ايده ومشت وعوجت حلكه عود مكشوله ...
كريم:- استغفر الله
ومشه وراهه
علياء دكت باب بيت ام نبيل وكريم وكف وراهه
علياء:- اشلونج حجية واشلون الصحه
ام نبيل هي الي فتحت الباب
:- الحمدللله يخاله اشلونج انت عساج طيبة .
:- اي ازوينه اكولج خاله اسويتي بيتج لكيتي مشتري تره اكو مرة اليوم وصتني على بيت اجار
ام نبيل :- لا يعيني ما نأجر بعد اريد ازوج ابني الصغير وهاي البيوت حشه السامع خرة يعني مجاريه مسدوده و خنكه تكتل مابيه خلفيه لا وبعد مابيه منور من قسمته مشتملات خربت بعته على ناس غشمه
هذا كله وكريم واكف وراه علياء الي تقريبا داخله عتبت الباب وهو خلفه بالشارع وسمع كلشي
علياء:- هاج خاله هاي الطماطه والخيار الي ردتيهم من مخزنج
ام نبيل:-اها من جابهم ابني الحوك نايم مايقبل يكوم
علياء:- جا مو انت دزيتي واحد من الي يشتغلون عدكم ؛؟
كريم ابتسم
ام نبيل:- لا يخاله منهو انت يا ولد
كريم:- اني اخو الغشمة !!!!!!
من كتابات تراتيل حواء زوزاية
ام نبيل:- شنهوو؟؟
كريم خاله هاي مسواكم ونزل الصناديگ و كال :-اني اخو ابو شمس ومفتاح المشتمل الخرابه يمكم بلكت تنطينياه
المرة  دخلت بنص اهدومه من الفشله وباوعت لعلياء بعتاب علياء ضحكت على الصامت وكالت
:- يااا فشلتي منك خويه ودارت وجه عليه وصارت عينه بعينه راسا كريم دنك
:- والله جبتك مناك لهنا عبالي  واحد منهم هي
دازتك أعذريتي خوية زحمتك
كريم :- لا عادي خوية .......وباوع لام نبيل الي واكفه ومدنكه من الفشله
كريم:- خاله المفاتيح بلا زحمه
دخلت ام نبيل اجيب المفاتيح
وعلياء باوعت لكريم وكالت بكلبه هذا مو من المنطقه ما شايفته بس والله طويل وراحت لطريقه وضل هو واكف ينتظر ام نبيل وكال هاي شنو هي شابه بس جنه عجوز  من تحجي اشكد السان ....
بعد.كم يوم شافت علياء وهي راجعه  من السوك صديقته القديمه الي بس ازوجت عافته والسبب زوجه قبل لا يزوج زينب  جانت عينه على علياء وخطبه من ابوهه جان عايش بس هي رفضته ما معبي عينه مشهور بالمنطقه يمشي وراه امه فرفضته وهو ما يأس اتقدم اله اربع مرات وماقبلت بالاخير حتى امه تحرك كلب علياء خطبت زينب ووافقت بس من عرفت زينب بزوجه عاشك علياء وهو الي كال اله وما يريده امه الحت عليه اتعاركت ويه صديقته العزيزة وقطعت علاقته بيه ومرت هاي السنوات السته وصار بيه عد زينب خمس بنات تحبل واجيب فوكه فوكه اتريد ولد بس الله ماقسم اله .....
صارت عينه بعين علياء ودارت وجه وراحت ما سلمت عليه . ضاجت علياء هي ماعده شي وياهه ولا بحال رجله ليش هيج قطعت بيه .. 
مادخلت لبيته راحت لصديقته الثانية اسمه صبا جانت صبا معلمة وعدهن مثقفة بس شكله ما يساعد لهذا لهسه ممزوجه هنه جانن ثلاث صديقات علياء وزينب وصبا بس من ازوجت زينب ضلت متواصله ويه صبا وعافت علياء ...
...
بعد ما كعدت وضايفته صديقته
صبا:- اي اكلج هاي زينب العوبه هم حامل
علياء رادت تشرك بالشربت:- يااا ما صار اله اتلث اشهر من جابت
صبا:- عوبه وخايسه
علياء:- لا تكولين عليه هيج خطيه هذا رجله مسودنه يريد.ولد يكلك راح يدخله للجنه .
صبا :- اي وانت اشمالج هيج صايره جنج بكد جدتي عجوز
علياء:- يا ايمتى اشو ام هادي اتكول اليه ابين احديثه ما كملت 14 حول 😋
صبا بستهزاء:- ههههههه ومنو هاي ام هادي تلكاهه بكاله من رفيجاتج العجايز
علياء:- ههههه اي جا غير رفجه عمل مثل ما يكولون ...
طلعت علياء من بيت صديقته  وشافت  كريم جايب اثاث بسيط ودا ينزل ضحكت كالت شوفوا البخت الطويل طلع جاري
علياء:- الله يساعدك خويه
اخ كريم ضل صافن منو هاي المره الحلوة الي سلمت على كريم ...
كريم بتعجب:-  اهلا اااختي
علياء:- گواكم الله
كريم:- الله يقويج !!
:- اشوفكم بس انت اتحملون ماعدكم حزمه
كريم:- اي لا هو اني شعندي
علياء:- لا لا تشيله .. شافته يريد يشيل مبرده وحده
:- اوكف خويه لا اتشيله وراحت دكت الباب على الجيران وطلعوا ولد احديثين مدري شحجت وياهم خلتهم يفزعون وجابو اصدقائهم واجوا لكريم واخوه حملوا وياهم خلصوا بغضون دقايق  دخلوا الغراض للحديقه
وعلياء على وكفته تتفرج
كريم اتشكر من الولد واجه اتشكر من علياء
علياء:- لا تشكرنا هذا واجبنا خويه ومرة ثانيه لا تحاول اتشيل شي ثكيل انت صندوگين  گمت تلهث ذاك اليوم وراحت
اشكد جان مرتاح كريم لان خلص حمل الغراض بس اخر كلمتين  كالتهن هاي المرة المسترجله موتته واتنرفز حيييل حتى وجه صار احمر من حركه دمه دخل للحديقه وشال المبرده وحده واخو صفن عليه ودخله لجوه
ابو شمس اخ كريم :- ولك كريم انت مو تريد اتحطه بالحديقه  يم الشباج وين مدخله لجوه اكو مبرده جوة
رجع كريم وحطه حيل يم الشباك بقهر
ابو شمس:- اشبيك عيني دتعال خل انشيل البوفيه
كريم :لا اني اشيله لوحدي
:- لا حول ولا قوة الا بالله دتعال خل انشيل مو كلمتين  من  هاي المرة حمگنك

..
بعد.ايام حيل ضاج كريم حاله واكف  لا شغل ولا مشغله  ضال لان جديد بالمحلة ومحد يعرفه ... جان دوم يروح عند صديقه يحيى
بس مل من كعدته وطلع يدور شغل ....