رواية بائعة الخضروات الفصل الخامس والثلاثون 35 - بقلم زهراء العراقيه

دخلت اولهم نجلاء بقت صافنه على  علياء الي واقفه امامه ومبتسمه بدموع ...

شعور لا يوصف للخوات يعني شخص تتوقعه ميت والله يسمح الك بشوفته مرة ثانيه  هاي وحده نعمة كبيرة وفضل من الباري.

كعدت بوسطهم.بعد العناق والبكاء والعتاب ...
سهام طلبت منه تحكي الهم وين كانت وشصار بيه ... وسولفت الهم قصته ولا بالاحلام مرة عجوز تطلع زنكيله وتاخذه لسوريا ... ذكرت الهم كلشي صار معدا قصي ...مجابت طاريه ابد....

نجلاء:- اشكد دور عليج يحيى خطيه
:- حتى يغسل عاره
:- يا عار هذا علياء كلشي انكشف واتضح النا
:- شنو الي اتضح الكم
كالته بسخرية ...
:- علياء نصير اعترف بكلشي وكال منو دازة عليج
وسولفن اله كلشي
كامت عنهن ودخلت للحمام ...
جومانه:- شو في ليش عليا بتبكي
مهجة:- ماكو شي

سهام:- وانت شعليج هااا كلج خلك خدامه

جومانه عافتهن وراحت للحمام ورة علياء
:- شو بكي عليا ردي عليا
لا جواب

لا صبا و نصير ولا حتى يحيى نفسه يهمه مثل أيناس ..... ياريت ما حكن اله ياريته ما عرفت شي وضلت غافله عن شر اخته .. معقوله اكو اخ يأذي اخوه زين ليش هي شنو سوت اله وخاصه بذيج الفتره طافحه القوت وتشتغل الهم. كانت تعز اللبس و كلشي بخاطره واتقدمه عليه ....
طلعت من الحمام اعيونه مورمه ....

علياء:-روحن هسه لابيوتجن اني اريد.اكعد وحدي وراحت لغرفته
. ضلن اشويه وراحت كل وحده لبيته ....

كانت بحاجه الى لم شتاته ماتدري ليش اتمنت تنتقم من كل الي أذاه و اجه عليه بالماضي محد.نصفه .... اتمنت ترده لايناس اكثر وتنتقم منه  ..... اكثر ما تنتقم من صبا اصلا ما تهمه الي جرحه اخته اكثر ...

فرح يحيى باالي  سمعه من نجلاء وابسرعه صدك بكلامه لانه بعد فقده. حلف يثق فيه ثقه عمياء .......
ماكدر  ينتظر اكثر ..راح.اله ..
هم الحرس صاروا بوجهه هالمرة هو هادي
طلب منهم بس ينطوهه خبر ...
اجت جومانه
:- استاز يحيى الخانم تعبانه اكتير ما بتأدر اشوفك.
:-زين بس اشوفه
:-اسفه هلا موعد نومه . بتأول بكرا تعى لأخذ منا موعد اتشوفك فيه
:- ههه باجر اجي حتى اخذ موعد.واشوفني بيه؟
:-  انبلا يا استاز وانا الي حئول الك يلا مع السلامه
.........
ضل صافن بمكانه هاي شنو انوب هسه ...؟؟ بعد مو عرفت كلشي ....  هاي اشجاي تتصرف  ؟؟

راح لبيته ......ماحب هم يتلاطم ويه الحرس

جومانه:-هههههه ما بتشوفي وجووو كيف صار لما ئلت الو ههههههههه بس والله كسرلي خاطري
:- بعده مشاف شي مني والله لأخذ حكي منهم واحد واحد
..........
ثاني يوم الصبح هم راح اله تارك عمله وجميع مصالحه ..... وانطته موعد .... للعصر !

دخلوا الحرس واخيرا لهذا البيت الي لحد الان مايعرف ليش ابن المرة مشتري اله ما مقتنع حيل بالقصه الي كالته لخواته بس هو وعد نفسه بعد المشقه الي شافه من غيره ما يتخلى عنه .....
كعد بالاستقبال مثل ما طلبت منه جومانه ..وكانه ضيف عادي ...
لبست وتعطرت ببذخ واتمكيجت بس شنو مكياجه هم اطور مثله ...
شافته كاعد وضاهره بس خلفيه راسه ..

احم احم رفعت ضهره ودخلت

علياء:- مساء الخير .

وكف اول ما دخلت ...

:- اشلونج
:- زينه
فاتت من يمه رادت تكعد امامه مثل ما مخططه واتحط.رجل على رجل ....
لزم كفه .......
:- علياء
وكف كدامه
علياء:- ممكن نتفاهم يحيى
:- على شنو
:- على الطلاق
:- خلص انسي سالفته علياء
:- لا ما انساهه اني بعدني مصره عليه وحباب ماريده اطول ...
:- اهااا اعتبره عقاب وعدم غفران منج الي
:- اسباب خاصه بيه

هاي اشجاي اتخربط ياربي اني تعبااااااااان ومشتهي حظنه وهي واكفه تتفزلك عليه لا وبعد.من خلف انفة والله لج علياء شغيرج هيج

علياء:- اشبيك هيج اتباوعلي
:- خليني املي عيني بيج
حقي اسنين وانت شارده عني  وحارمتني منج

:- عاد شارده منك بغير مكان ما حارمتك مني وانت اكبال عيني.... ما هاجره افراشك واني بيتك اعتقد اهون ...

يحيى :- وبعد
:- شنووو
:-كملي
:-شكمل
:-عتاب
:- ان اني مجاي اعتاب خلص يحيى اا طلكني ...
:- علياء
:-ها
:- راح اسويه الي ترديه ....!!!
:-وهسه هم راح ارحمج ...وبهاي اللحظه البي الج طلبج الي يريده قلبج

باوعت لعينه وهي ترتعش يمكن صوت انفاسه المتفاقمه وصلت اله ....
بتوتر شديد :- اي يكو ي يكون احسن
كوة نطقته

انطته ضهرهه ما اتريد اتشوف وجه وهو ينطقه كافي عليه راح تسمعه ...
اشو هذا ما كال شي ...وحست اديه تتلمس بضهرهه بده من متنه مسح بديه عليه الى خصره ويه كل لمسه هي تحس قلبه راح يطلع يسقط بالارض يعني شنو هذا انتقام لمساته الشغوفه عليه راح اتخليه  اجن وصل لخصره وهي روحه اتريد.تطلع من النشوة والاشتياق لهذي اللمسات المحرومة منه ..

حط راسه على متنه وفكه صاره عليه وراسه يم راسه وضل محتظنه من خلف وكل اجزاء جسمه التصقت بأجزاء جسمه ... هد خصره ولزمه كفوفه حطهم على خصره ورجع لزمه ... ........
علياء:- ك كفاي    كافي
بالقوة اله نطقته عدل
:- بس جسمك يكول الا من مزيد
رجع الاستبداده واستفزازه عليه وهي هم رجعت مثل الدجاجه بين اقدامه وماتكدر تتحرك وهو بيده سكين يريد.قطعه رقبته بيه كالعاده

رادت تفلت اديه بالقوة الطفيفه الي استجمعته .
.وهو فلته وداره عليه وحطه على صدره وظمه بين ادي ... هالمرة اتحولت لمساته من مستفزة ومغريه الى حنونه ومشتاقه    .....

:-موتيني بغيابك موتيني ....
هي اديه مترددات اتريد تحاوطه بيهن بس مكدرت ....
وخرته عنه عنوة .
:-ليش هيج سويت
:- هذا الي طلبتيه
:-كافي استفزاز يحيى
:-لكن اني مو مستفز بس نفذت الي طلبته اعيونك علياء لخاطرهم مستعد كلشي اسوي .. 
اما هذا واشر على حلكه قاصد لسانه
:- يحتاج قطع ليش رافضني ليش هالقسوة والحده علياء اذا عندج شي عاتبيني لوميني وصدكي كلشي نكدر نجاوزة
:- هااا هسه صرت اتريد.اتكمل وياي يعني
جاوب بتحريك وجهه
:- اي يلا نرجع ..سوة ماطول انت ردت نرجع ليش لا وترجع علياء لسجنه ولشهريار وعطفه عليه ... اذا ابتسم بوجهه اتصر الدنيا بوجه جنه واتروح تركض اتملطخ وجه اله وتتنمى فتحت الباب الى ان شهريار  يغفى وينام رغد هههه على القنفه
:-علياء
:- لا تكول شي يحيى كلامك مراح يغير من رأيي بشي ... بالعكس كل ما تحجي شي اتخليني اذكر ايامي وياك ....تدري مرات اسأل نفسي وين جان عقلي واني هيج مرخصه نفسي الك وين
:- طول عمرك غاليه يا غاليه وبين الزوجه والزوج ماكو اسعار ....  انت كنت ومازلتي جوهرة وهبتي نفسك لبيتك وزوجك الي مكانت اله الضروف مؤهلة اشويه .... لكن بعد ما دخلتي حياتي وقلبي ...
باوعتله بضعف من كال وقلبي
:- غيرتي بيه اهواي وضفتي لحياتي لون ....حسيت بفقده من فقدتك
حاول يمسح دمعته الي خانته وطلعت ...وهي كارهته مو وقته يشوفه
ابتعدت عنه ..
:- طكلني يحيى طلكني وخلصني وخلص نفسك انت هم وروح لسهير ههه اكيد.تنتظرك هسه ...
:- علياء كافي عاد ويلا تعالي وياي
:- وين اجي وياك دااكلك طلكني
:- علياء هسه انت منفعله مراح امشي على تصرفاتج بس صدكيني اول ما تهدأ اعصابك اذا مصره على قرارك انفذه الج بس خل نطلع من هذا اللبيت
:هذا بيتي
::-امين اجه بيتج عليا عسى ما اتروحين وياي لبيت اهلي او لبيت اي وحده من خواتج اذا ما تردين لبيتي بس لا اضلين اهنا
:- هذا المكان الوحيد الي ملكي هو ليش اطلع منه
:- علياء شنو قصة هذا البيت والخدم والحرس اني لحد الان ما سالت حتى بس لا تتحسسين مني
::- ما يخصك يحيى روح لسهير خانم

بعصبيه
:-رايح لسهير بس جاوبي

طلعت روحه وده اتروح هسه تقتل سهير هاي الي ماخذه عقله وروحه ...وتخلص منه لهذا اتهورت وكالت
:-هذا البيت لابن العجوز الي عشت ببيته وابنه هو الي يصرف عليه

:-يصرف عليج؟؟؟ من باب الصدقه يعني ؟؟؟

:-لا ليش شايفني بحاجته يحيى  طلكني وروح لمرتك وعوفني اني هم اشوف حياتي ويه واحد يكون بس الي .... ويقدرني ..

طلع من بيته فايرة اعصابه ....

..........
اتغيرت حيل علياء ...  كلشي بيه صار للأجمل .. لكن بانهاية كلامه قاصده احد معين ،؟
مثل ابن العجوز لو مجرد.كلمه عباره لتغيضه بيه ... ...
الافضل ينتظره ايام تهدأ وما يظغط عليه ولو فكرة مكوثه بيت هذا تزعجه لكن ينتظر .لخاطره ...

دك التلفون ..
رفعت السماعه علياء
اول ما سمعت صوت قصي حاولت تخفي من نبرته الحزن
قصي:-شخبار بنتنا الجنوبيه
لا تسال لا اتلفن
:- اشلونك قصي
:-انا بخير انت كيفيك
:- اني   زينه
:- صوتك.ما يوحي لهذا الشي ..  اشبيج علياء ليش ضايجه  منو وياج
كاله من باب المزح وتغيير الجو الانه حسه ضايجه
وهي بالفعل كانت هيج وماكدرت تخفي كبل انهارت وبجت
:-عليا علياء هاي صدك الو
ضل على الخط قصي محترك.دمه وهو يسمع صوته شهقاته ... بعده سدت الخط وكملت بكائه لوحده ...
هو كبل خابر همام يسال عن اخباره وعرف زوجه رافض الطلاق .....
الصبح الساعه ب 10 ادك بابهم احد الحرس
طلعت جومانه
الحارس كال اكو ضيف يريد يدخل بلغي الخانم راحت بغلته لبست عبايته وراحت اتريد اشوف عباله هم يحيى ...

علياء:-------- قصييييييي
قصي:-اي نعم قصي
كان واقف هيبه كدام سيارته وهو وحمايته هم جايه وياه
هذا اشوكت اجه؟؟؟

تعالي ودعاهه تصعد.وياه ..لان ميكدر يدخل هو
باوعت شمال ويمين لا احد يشوفه من الناس الي ما ترحم . وصعدت وياه ....

علياء:- انت اشوكت اجيت اشلون وصلت
:-مثل كل الناس...... عليا
:-نعم
:- انت تردين تطلقين  منه
:- اي اكيد
:- لعد لا تخافي حتطلقي منه بس اوعديني ادموعك ما تطلع بعد
علياء:-انت ليش اجيت 
:-  ما يخلصني اميرتي يبجوهه ويزعلوهه ...
ابتسمت علياء عليه ياربي عطفه وكرمه فاق الجميل اشلون اترده اله ....

::::::::::
انتظروني في الجزء القادم
ترى منو يفوز بعلياء يحيى ام قصي ..تاركه لكم توقعاتكم ......
قراءة ممتعة ....