رواية بائعة الخضروات الفصل السادس والثلاثون 36 - بقلم زهراء العراقيه

أتَهجُرُني، وما أسلَفتُ ذَنباً
ويَظهَرُ منكَ زُورٌ وازوِرارُ

وتُعرِضُ كُلّما أبدَيتُ عُذراً،
وكم ذنبٍ محاهُ الاعتذارُ

وتخطبُ بعدَ ذلكَ صفوَ ودي
فهل يرضيك ودٌّ مستعارُ

فلا واللهِ لا أصفو لخلٍّ
سجيتهُ التعتبُ والنفارُ

إذا اختَلّ الخَليلُ لغَيرِ ذَنبٍ،
فلي في عَودِ صُحبَتِه الخِيارُ

#صفي_الدين_الحلي

.............
ماكدر ينفذ الي كاله لنفسه ويتركه كم يوم تهدأ رجليه جابته لمكان البيت الي تكعد بيه ....
وكف كدام الباب . هل مرة ماكو حرس؟؟؟
معقولة راحوا لو هي هم راحت منا!!!!!!!
طلع كريم ..... من بيته
:- هلا هاي شسوي اهنا ...
:- انت تعرف شسوي
:- يلا هسه فكه .دومك ضايج تنحل يا صديقي ...
تراتيل حواء #زوزاية
:- اي تنحل ..
اهنا دخلن سيارتين .... للفرع ..
انظارة يحيى اتركزت على السيارة الاولى من وكفت كدام بيت علياء .
نزل قصي بنفسه سابق حتى السائق الخاص ليفتح اله الباب بس هي سبقته وفتحته لروحه ...
كريم ضل يباوع ليحيى .....
الي بدورة صافن على قصي ... مو حارس شكله وهم مدري وين شايفه وناسي ...
علياء ارتبكت وتوترت حيل رغم هي دومه ويه الحرس وهمام ما تتوتر بس هسه لان فعلا هذا مجرد لقائه معاه ذنب لهذا خافت
تراتيل حواء زوزاية
قصي وكف اله كدام سيارته ينتظرهه تدخل بس هي حرنت يم الباب وتباوع ليحيى .... .....
يحيى :-يمكن هذا الي قصدته بكلامه مرة
وهو ورة كل هاي التغييرات الي حصلت .... لانه مرتبكه ..
قصي صعد وراحوووو ......
كريم ما عجبه سكوت يحيى
:-يلا اني عندي شغل ببيتي مع السلامه
ما رد يحيى جان باله يم هاي الي دخلت لجوة ..
اجاوز الحرس ودخل .. اجوي وراه واحد سحبه من ذارعه وقفه والثاني هم جه ويردون يطلعوهه وهو يقاوم ...
من حست اكو حركه بالحديقه طلعت جانت بعده ما مغيره ملابسه ....
علياء:- عوفوووه عوفووه
وخرهم هو عنه
تعالي وسحبه وطلعه من البيت
:-وين وين
:-تعاي وياي ماكو كعده اهنا
:- لا ما اجي اوياك
باوع للناس الي بالشارع بدت اتباوع الهم.....
ما كان جاي بسيارته حتى يكعده .....
كريم هو معنده شغل اصلا بس لان ضاج من صديقه اشلون يسمح لمرته هيج تكعد وعلى كيفه ... عافه ودخل لبيته سمع اصواتهم طلع شافهم
تراتيل حواء زوزاية
يحيى :- بلا كلام وامشي وياي
:-كتلك ما اروح هدني ...
رجعوا الحمايه اجوي يردون يبعدوه عنه من شافوه ماتريد اتروح
ابعد عنه ....
يحيى:- وخروا انتم وانت تعاي كافي فضايح ...
عاندت علياء ... هذا اتريد اتعبه بس العكس دا يصير ....
علياء:-هدني
تراتيل حواء زوزاية
حطه خلفه واشر بيده لهذا الي وصل يمه
:-احذرك.لا توصل لهنا
الحارس اجه عليه يريد يضارب وياه بس يحيى سبقه وضربه بوكس .. واجه الثاني هم اضارب وياه صاروا اثنين عليه وعلياء واكفه وراه وحاطه ايده على خده....
كريم حشر انفه وادخل اشلون ابن البصرة يشوف بعيونه صديقه ينضرب وما يدخل وياه ...
كريم:-يحيى
صاح بصوت عالي
باوعله يحيى
شمر كريم سويج سيارته اله لكفه يحيى بس اجاه بوكس دمه حلكه من سهى ..
كريم:-اخذه ربيه واني سداد
يحيى هم ما كذب خبر سحبه من ذراعه وصعده بسيارة كريم الي واكفه يم باب بيته وصعد... هو ما تخلى عن صاحبه بس يدري بيه لو عشره يتعاركون ويه كريم هم يومز هزمهم رجل
سبع ......

تراتيل حواء زوزاية
علياء مكدرت تحجي شعوره بالذنب اتجاهه انضرب بسببه وهم اتجاه الحرس همه خطيه عبد مأمور مهمتهم حمايته . لو رايحه وياه بسكات مجان صار الي صار وكريم هم خطيه يعني سوت مشكله زلم بسبب اعناده
ساق بسرعه جنونيه وصله لبيته ...
نزل وما جان قال(ناقص) من انفعاله شي ... ضلت جامده بالسيارة ...وخايفه حيل ....
فتح الباب
:- اطلعين لو هم الا بفضيحه
نزلت
ليش حاسه بخوف فضيع منه هسه ماتدري نزلت
مد اله ايد بعصبيه للأمام بمعنى امشي
وكفت صفنت على الباب
:- يلا امشي كدامي ..
مشت
:- ونازعه العبايه هم ...!!
ما ردت و
دخلت للبيت
البيت الي طلعت من مجبرة قبل اعوام ... نست خوفه من يحيى وهي تسترجع ذكرياته بكل ركن بالبيت ....
كعدت على احد القنفات ورفعت صورة وحيد.محطوطه على الميز ....
يحيى ما راح اله خوفا لا يطلع نار السنين كله وعذابه وناره قبل ربع ساعه اشسوت بيه خاف لا يصب غضبه بيه ...
دخل للحمام غسل وجه وفركه ...
... هي هم فهمته وانزال خوفه تماما
بس بدل الخوف سكنه الفضول
غرفته هم اتغير بيه شي لو على حطت ايده مثل الصاله؟؟
شافته اتأخر رادت اتكوم اشوفه
هو دخل
تنهددددد وكعد وهو يباوع اله ...
ما حكت كعدت تنتظره هو يبادر
:- علياء
علياء
:- ها
:- اه لا بس اشتاقيت للها بصوتج
باوعتله صفح
:- البيت خالي عليه لكن دوم صدا صوتك بيه
:- ابد ما نسيتج علياء ابد ...
:- حتى للكركوك رحت فريت العراق كله برحله بحثي عنك.... احساسي بوجود انفاسك بالحياة كان قوي رغم كل الدلائل والمنطق هم يكول انت متي لكن ما صدكت .....
:-علياء ليش ساكته ... بعد هذا كل ترديني اعوفج
هو يحكي ويباوع اله بس مدري ليش حاس مو هاي علياء وحده عبارة عن كتله من القسوة كاعده اكباله حتى ما تنظر اله ...! ليش لان خايفه مني؟ لو بعد.صدك كلشي انتهى وهي صادقه بموضوع انفصاله عني
...
من سكت فجاءة ضاجت علياء هي كانت منحنيه واسمعه لان كل كلمه يكوله تشفي جرح ما من الماضي كانت بحاجه الى جرعات كلماته المشفيه بس ليش سكت .. هم بخل عليه بيهن ...؟؟
ماتدري هو سكت لان الخوف اجتاحه لا صدك ماله مكان بقلبه بعد..؟؟؟ هو هسه متحمله لان يدري بيه مجروحه منه وما ترجع بسهوله بعد التغيرات الي صارت بس اذا مكان جرح واصلا نسته كيف يصرف هو كان ينتظره بلهفه وصبر ويدعي بكل صلاة الله يعثره بيه ... وهسه ترجع بس موواله حرك راسه ينفي هاي الفكره عن راسه ...
:- علياء
:-اريد ماي ...
سكت ... تصرفاته ابد مو طبيعيه ...
كام للمطبخ وهي كامت وراه اتريد ترحم فضوله او بالاحرى غيرته الي دفعته بفتح غرفته اتريد تعرف البيت هم تجي اله سهير لو لا
شافته نفس الاثاث .. ما متغير
جاب الماي ماهي بالهول ؟؟
شاف باب غرفته مفتوح .. دخل ... شافه كاعد على السرير وبيده رسالته هو جان مخليه جوه مخدته ... سد الباب ودخل !

دارت وجه عنه اخذ الرساله منه وفتح كنتوره وحط بيه ... انتبهت علياء اكو ملابس مرة مع ملابسه .. رجعت دارت وجه عنه للناحيه الثانيه بغل اضاهر ست الحسن عيني تجي يمه بس مو دوم وهم رجع يريد يرجعه اله دوبلير لا اكثر وقت الحاجه ....

:- الحمدالله من دخلتي غرفتك معناهه طاب خاطرك
ووكف كدامه مثل اليتيم الي يريد شي بباله

:- لا والله خاطري كسره محد يجبره
:-علوشتي ترة والله انت كل حياتي لا تقسين عليه واحجي الي شنو الي بينج وبين هذا الي وصلج اليوم ليش هلكد مهتم بيج

:-شنو قصدك
كامت منفعله حيل ونظرات الالتهام بعيونه

ابتسم بلطف وداس على نفسه رغم هو احساسه انو هذا كل الي يسوي اله كأن من يكن لغرض ....
:-ما قصدي شي علياء اني واثق انج حافظتي على نفسج من كنتي وحدج مثل ما سويتي من كنتي اهنا ويمكن حملك كان اثقل لان حافظتي على خواتك هم ما بال وانت وحدك بس الي جاي يصير ما يطمن خصوصا بعده مبهم بالنسبه الي .؟ليش هاي المساعدات
:- لان امه موصيته
:-اها
كاله ما مقتنع
:- وهو هم كاسره خاطره لان يعرف سالفتي واشكد مظلومه
:- وليش توه ضهر لعد
:-ها جان بسوريا هو مستقر اهناك
:-وليش اجه
:- اجه اجه ا اي عمو عمود شغل شغل عنده اهنا
:-شنو يشتغل
:- هاا امم ا تجاره
:-هااا زين ليش احس نفسي شايفه سابقا
سكتت المفروض ما تكذب بس شسوي شنو اتكله مثلا جاي لهنا بس على مودي ...
:-علياء
:- ها .....
كعد يمه وكعده هم
:- ما اشتاقيتي الي ..
كاله بحنيه وشغف
سكنهة الحنين والشوق ...لأيام ماضي ابتسمت من اذكرت قبل ما يصير الي صار وتعوفه ... كعدوا اهنا على نفس السرير هم كان يتودد اله بس هي خايفه منه لا يكون مو جاد وياه هي اتعرفه محترم بس خافت لا نزوة ...اصلا ما تلام هو نفسه عباله نزوة دخلت حياته بس هو طلع حب اله مثل القمر طلع هلال الى بدر كامل لكن هالقمر عمر بقلبه وما اختفى وبقى يضيئ قلبه العفيف بالعشق .....
هو من يعشق وحده يوفي اله مهما شأت بيه الضروف وغيرت من حاله ..
هي صافنه وادموعه غمرنه ..... من اذكرت قصي والي جاي يسويه اله .. وهي اهنا كاعده ويه واحد مرتبط بوحده غيره لمجرد قلبه اللعين يحبه ... من لعنه على قلبه ...
مسك اديه قاطع عليه انين ذكرياته
اكهربت بعدته عنه وكامت .
:- وديني كافي
:- كافي دلال فالقلب ما عاد يحتمل ..
بده يفتح بعقدة شاله .. طلع قذلته ورمى الشال ... اتقرب عليه اكثر ضلت تاخذه نفس واجره من صار صدره على وجهه وهو يحاول يفتح بقيه شعره
لزمه بعده نفس ملمسه كأنه قطعه حرير سوده
:-اااااه انت مو بشر
اذا ملمس شعرك فقط رجعلي رووحي الي راحت ...... اه
وضل يصعد وينزل بشعره الي سايح بيده .....
كان ثخين وطبقات اسود فاحم ..... نزله كله صار جوة خصره ...
ولزمه من زنوده وصارت اقباله
:-باوعي بعيوني ....
باوعتله بعتاب ....
:-عوفني يحيى
:- اعيونج اتكول احظني يحيى ...
:- واني ماريدك كافي تلعب بيه كافي اني مو لعبه بين اديك عوفني
هو حظنه ما اهتم اله ...
ضلت تبكي على صدره ....
اخذه وكعده وكعد
:- علياء اني مااكدر بدونج والله اتبهذلت احوالي بغيابك
:- اني احبج يا اقليبي والله احبج ..

حظن وجه بديه كانه بدت اصدكه خدرت بكلامه ...
ما قبله وهو حيل جاي بباله ياخذ شفاه ويشمهم بس حتى لا اظنه ملوع بس بجسده اتحمل على نفسه واكتفى بوضعه على صدره .... ..
هي تبجي بصوته وضهره يرجف وهو يربت عليه يهدي بيه وهو بقمه انهيارة ... غض النظر عن الحب لكن رجل من غير امرأة سنوات ... وجلوس مرة يمه و مو اي امرأة وحده ثلاثينيه مثيرة للشهوات بحظنه لعد اشكد دا يتعذب لأرضائه

:-يحيى
:-نفسه .. نبضه ليحيى
:-كافي عاد لا تضحك عليه ... رجعني

:- ليش اصيحيني لهل درجه كارهتني

:-كارهتك وكارهه كلشي بيك وبيتك هذا
رجوع ما ارجعلك ....
صفن عليه يريد يستوعبه ...

:- لا تصفن عليه هيج كافي عوفني
:-ليش
:-ليش هيج اسوين
ضحكت بانفعال وكالت
:-ثار قديم ..
شالت شاله لفته وطلعت كدامه ....

كعد على طرف السرير فمهه خلته يستأثر وتركته بناره ... الماضي دا اتعيده واتعكسه عليه ...... حتى بس يجرب ناره ... ياريت يكون ثار قديم ولا تخذله وتطلع ناسيته

طلع وراهه شافه كاعده بالسيارة تنتظره ..
صعد وصله وابد ما حكى شي ...
يفكر بيه ترى شنو تفكيره؟؟
بس اتريد اترجع من كرامته واتعذبه مثل ما سوة بالماضي لو اتريد اتعوفه ؟
هسه بهاي الايام مايكدر ياخذ منه جواب منفع لازم فعلا يتركه فتره ......

بعد ايام ... بهاي الفترة قصي قليل يشوفه جدا يمكن هي مرتين من يم الباب .والسبب مبدئه ما يتقرب لأي وحده متزوجه وخاصه من احب ..اخاف يضهر مشاعره المتأجئجه امامه ومجرد نظراته اله يعتبره غلط وهي بذمة واحد ثاني .....

وهي عذاب الروح موته اتريد وما تريد بنفس الوقت ..اتريد حبه .. وما اتريده الماضي طيب اشلون بهاي الحاله اترخصن الخوات كل وحده من رجله ... وراحن لاختهن ....
نجلاء سألت عن القضيه وعرفته ما سحبته لهذا كالت اله بعض الامور الي تجهله
اولها يحيى بعد غيابه ورغم انشغاله بعمله وبالبحث عنه لكنه ما تركهم وصار الهم اخ كبير يحميهم من اقرب الناس الهن
ازواجهن !
سولفت اله كل ما تزعل ويه زوجه يروح هو لابن اخته يحاجيه ويصلح حاله ويه مرته لو مهجه من كبرت واتعرضت لمضايقات من احموين نجلاء ابسرعه زوجه واحد منهم وتابع موضوعه وابد ما خلاهه تترك دراسته واهتم بيه ... اما سهام ف هاي اله الحصة الاكبر من مساعداته الهن ... رجله الي اختارته فلاح كان مشوفه نجوم الضهر هو وامه هم فقر وهم ضرب وطرد كل يوم .
طلقه منه . وكعده ويه عهود فتره ما اتحملوهه .... ضل يسعى اله منا من سمع احد الاصدقاء يريد مرة ثانيه عرضه عليه ووافق ياخذه ..هي واطفاله
وخاصه هو مطلق لان ما يخلف ... يعني رحمه من الذل والعوز .
وشكو وحده تزعل تلجأ اله ووحيد تقريبا هو الي يربي بيه حاليا....
طلبن منه تسحب الدعوة وترجع اله الان ممقصر وياهن ... طلعت ادموعه من عرفة بأعماله وشنو قدم الهن بس هنه حكمن عليه ترجع اله الان بس فايدهن زين وهي شنو عنه اشو ما فكرن بيه ! طبعا ما يفكرن بيه هذا طبعهن نفسهن وبس وهي عبارة او جسر للصول لمصالحهن .......
لهذا عندت اكثر هالمرة ماكو تضحيه الا الهن والا لأي شي من يطيب خاطره الا ترجع اله هي برضاهه ماكو لا عادات بعد تحكمه ولا لخاطر احد ...... .
ثاني يوم جان موعد الجلسه ....
لبست وراحت ... غريبه هليام قصي شايل الحراسه عنه وحتى اخباره انقطعت عنه .. وصلت هي وجومانه للمحكمة..
شافت يحيى واكف
استأذن من المحامي ياخذه بكلمتين

:- اشلونج
:-تمام
:-علياء اخر مرة أسائلج انت صدك رايده الطلاك.لو بس اتبردين نارج ...
:-اريد اطلك
:- علياء هاي اخر مرة صدك اذا رايده الطلاك اطلكج هسه ومن غير قضايا وهاي السوالف بس اذا اعناد خلي الزمن يحله واني انتظرك العمر كله ....ثقي بيه
:-لااااا طلكني يحيى ...
:-ماكو داعي ادخلين لعد ...
اني راح ادخل واكول قابل اطلك.

كاله وضل مركز بتعابير وجه حتى يشوفه صادقه بطلبه وهو دمه محترك ريته اتكول لا ولو بنظراته ولو اي تعبير بوجه اذ يكعس الي اتكوله ما ينفذ لكن مع الاسف ملامحه غلفته القسوة .....
دخل للقاضي هو ومحاميه ووافق يطلق طلب منه القاضي تدخل البنت تسمع وحتى بعد يوقعون ويرحون للشيخ يطلق ...

اهنا ماكدر ينتظر اكثر قصي نزل من السيارة وهو متخبي بنظارات شمسية لا احد يعرفه ...والحمايه ما خلاهم يمشون وراه ..

دخل لوحده ... شافه واكفه لوحده .. وحاطه اديه على وجه وتبجي بحركه .... لان راح يطلكه والله احتارت ويه نفسه ..
اتقرب منه
:-عليا ليش تبكين عليا شو عملك شو صارلك ..
هي شافته وازدادت نحيب
:- تعبت اخذني منا
تعي معي ...
كوة تريد تمشي وتتعثر بخطاها
رادت توكع حط قصي ايده على ضهره
طلع يحيى .. يباوع يمنة ويسره يريد يشوفه ليش ما اجت من صاحوا بأسمه ... طبعا هو اصلا كانت روحه جازعه والدنيا ظلمه حالكه بعيونه ركز هاي هي مؤكد هي وهذا نفسه الرجل الي وصله قبل ايام ...
رجع قصي سنده من خلفه لان يريد يمغى عليه
يحيى شافه حط ايده على ضهره لو جن .... بدون وعي وادراك منه يمشي ويصدم بالمارة
باي حق هذا يلمس مرته ...
منا من وصل الهم اصلا يمشون على كيف همه ..
جر قصي من خلف وضربه بوكس معدل
دفعه للخلف من قوته بس ما سقط بعده ممستوعب شي قصي انهال عليه بالضربه الثانيه يحيى وكعه بيه على الارض
قصي بالضربه الثالثه وعى للموقف وقام صده ..
علياء :-يحيى عوفه
تأكد قصي هذا زوجه ...
يحيى:-وخري
باوعله واعيونه تجدح شرر لا وبعد خايفه عليه خلت يحيى مثل الاسد الجريح كرامته انسحكت بالارض كدامه ورجولته هم ابن العاشير والزود هيج يجي واحد يحظن بعرضه ...
فهاي الامور الي براسه نسته انسانيته
بس الغريب قصي ضل واكف ما اتهجم عليه ويمسح بالدم ...
طبعا الناس التمت عليه ... ولزمو يحيى واجوي المنتسبين ... اله لزموه اشلون داخل المحكمة مكان للنظام والقانون هيج يصير .
قصي:- يلا بينا
وجه كلامه لعلياء ..
يحيى جن جنونه بالزايد ضرب الرجال الي لازميه واجه لقصي .. بس الشرطه صارت اكباله وواحد من الشرطه ضربه على راسه .. عليا حتى عباته وكعت وركضت ليحيى ..
:-عوفوه يحيى انت زين جاوبني الله يخليك وتبجي بحركه ......
ما باوع اله يحيى واخذوه الشرطه من كدامه وهي اتباوع وراه وتبجي
صفن عليه قصي حس بألم بقلبه يضاعف الم وجهه المضروب زوجه مو مثل ما متخيل واحد عراقي مخربط لا رجل بمعنى الكلمه ... وهي وخوفه عليه كله يدل اكو رابط وتيد بينهم ..... طلع من المحكمه قصي .... ماصعد ويه الحمايه بس طلب منهم يوصلون علياء للبيت ....

يتبع عذرا فمخيلتي لم تسمح لي بأنهاء اخر جزء اليوم .....
ملاحظه هذه جزائين بجزء .....