رواية بائعة الخضروات الفصل السادس والعشرون 26 - بقلم زهراء العراقيه

صار تبادل بالنظرات بينهم عيوونه كانت توجه  نظرات اله مغزى كانه بحور من العتاب واللوم و اشتياق .....
هو نظراته كانت  حيره  ممزوجه بشوية امل امل ضئيل جدا مايعرف شنو سره وليش هسه اجاه بهاي اللحظه ..
شافت زلفه غازيته كم شيبة ... اه هذا من القهر عليه
لو من القهر مني ...
هو ليش نظراتك   شدتني الج انت منو لا يكون هم وهم من اوهامي كافي عاد تعبت والله تعبت ... 
كانت ثواني لكنه من العمر ..
كريم نزل
:- يمعودة ما اشوفين زفه اي ليش صافنه ...
نزلت النقاب وغطت اعيونه
يحيى كانت صرخات بقلبه لا لا كانه سدت باب الجنة من غطت اعيونه وراحت ...
.
.
.
مشت الزفه وراحت الهوسه .....
احتارت علياء وين اتروح بيومه .... ما لكت غير بيت زينب دكت الباب محد طلع اله ... ضلت حايره ...وين اتروح هسه ... ماكو غير اتروح لأخته سهام ...
راحت فاتت من يم بيت ابو انور بيت اعياله سابقا ....
وكفت يم الباب .... ياربي اسويه وادخل عليهم هسه كافي مليت خل ادخل بلكت عمي وحده وانزل ابوس رجله ... واتوسل واحلف اله ما مسويه شي اشجعت اشويه ودكت الباب لكن ماكدرت اتواجه شي هسه خلت ومشت.......
ورجعت من حيث ما اتت
....
سهير .. كانت كاعده تنتظر رجوع يحيى .. صارت ب 1 الا رجع ..
سهير:- يحيى هذا كله بالعرس ...
:-هلا بسهير .. ترة اني تعباااااان حييل ...
داخل انام ..
مشت وراهه
:- هاي كله ويه جماعتك

:- اي ويه جماعتي ولا اضلين اتحلين ...
.....
الصبح كعدت الحجيه واتعجبت من شافت علياء نايمه ابصفه .. يااا هاي اشوكت اجت
..........

سهير:- شنو اليوم ما ناوي اتروح للدوام ...
باوع اله كانت لابسه ومحضره نفسه لدوامه
:-هم مراح اترد عليه موو
:-......
:- يحيى انت شنو اتريد بالظبط ...خدامه وصرت عملي بالحزب وعفته ودوامي وانتقلت وتركت اهلي وناسي على مودك انت وبس ..وانت ولا على بالك ..مو يمي يحيى
:- سهير شنو تردين
:- اريدك الك اريد يحيى الي حبني وازوجته
:- والله مو بيدي مو بيدي سهير
:- لو اعرف علياء شنو الي سوته الك حتى تتعلق بيه اشو وحده قروية معقوله كدرت اتنسيك حبي ....
:- مااعرف
:- من كانت عايشه ماكنت محسسني بوجوده ليش من اتوفت عاشت بينا ليش ...
:علياء ما اتوفت
:- لا ميته صاره سنتين
:- لا ما اتوفت وعايشه وما صار اله سنتين صارله سنة و 8 اشهر و3 اسابيع ..
:- ياااه حاسبهن بهاي الدقه .. اتمنى . اتمنى يحيى تركز وياي ولو ليوم بمكان ماكاعد تحسب ايام فراقه ....

:-داخل اسبح
:-راح انتظرك اتوصلني
:- لا روحي بسيارتك
ما اروح للدوام ......
راح يحيى لزينب ... وزينب كالعاده جاوبته نفس الجواب لا ما اجت وهم اني مغيره عنواني اشكد جانت حاقده عليه بالبدايه لان تعتبره هو السبب ب الي صار لعلياء .. 
بس انكسرخاطره عليه لان ابد ما نساهه وضل يبحث عنه ابد ما مل رغم الكل طلب منه ينسى ويعيش حياته .... واكدوا هي ميته لا محال ....
لكن هو احساسه يكول اله هي بمكان ما  و شارده منه ......
بعد ايام .....
جانت طالعه اغنيه لمطرب اسمه قصي العراقي..وجان حيل وسيم ... وصوته روعه ومشهور عربيا حيل .....
علياء:- اليوم الحجيه تسمع اغاني
:- ههههه لعد ربي وحد بس الله عليج مو قمر ويغني
:- ههههه اشمدريني انه ماحب غير ياس خضر و ليلى مراد
:- هههههه واني ماحب غير هذا حتى اكثر من قيس
:- يا هههههههه شعندج يمة
:- لج هذا فلذه كبدي ابني وروحي
:- شنهو ابنج هههه رجعنا يمه للخربطه اروح اسوي غده احسن
:-انتظري
:-ها
:-اكعدي عندي كلمتين

: -شنهو

ام جعفر :- يمة اني اعتبرتج تعويض من الله سبحانه على الي راح مني ... وهم رزق من الله ما انطاني ابنيه من بطني لكن عوضني بيج ..وابصراحه مو بس تعويض من الناحيه المعنويه لا هم انتشلتيني من الشارع والجوع والقهر وعشتي ممرضه ورفيقه ومعيل ..
:- يمة ماكو داعي لهذا الحجي ..انه بلياج يمكن اضيع ...
:- شوفي بتي اني كبرت وما بقى بعمري شي .... وابني يريدني وهذا ماكدر على زعله اني راح اسافر اله
:- شنهووو
:' يمه اروح لابني قيس وابني عبدالله بحاجتي اني وصيتهم من اموت يدفنوني اهنا

:-الي يريحج سويه
ضاجت حيل علياء وحست عليه ام جعفر
:- اشبيج يمه عبالج اعوفج اني .
:- لا يمةمابيه شي الله يسعدج ويه ولدج
:- علياء
:- ها
جانت علياء تفرك بديه بتوتر ....
:- ما عوفج رجلج تمشي قبل رجلي وانروح سوة للمطار ههههه اني وراج وراج
:- شنهووو انه اسافر لسوريا
:- جا المن باقيه اهنا ؟
:- باقيه....!!! ماعرف المن بس ما اكدر اعوف اهنا
:- يايمة دروحي وياي والله اهنا تتعذبين وين اتعيشين وقيس يريد يبيع هذا البيت حتى يشتري بيت اهناك مايضل كاعد ويه عمه ...
:- حكه هذا حلاله ..  انه ادبر حالي لا اتخافين اعليه
:- واني اكلج روحي وياي يايمه لا اتوجعين كلبي والله روحي بيج
:- ماكدر يمه ماكدر
:-فكري اترجاج...
ضلت يومين اتفكر واتفكر ..  ماتكدر.. لا ماتكدر
-----------------
:- مصره
:- اي خاله اروح اشوف اقاربي من بعيد اذا يستقبلوني اجي اودعج واروح ....
..
سيرت ام انور لبيت ابنه ..
كعدت اسولف ويه سهير
:- اي اشوكت ناويه اشدين حيلج واجيبين النا الطفل
:'- مو وقته خاله
:- يا ليش لعد اشوكت
:- احس علاقتنا غير مستقره
:- ها هم بعده يفكر بذيج
: اكيد خاله ماعرف اتمنى اشوفه مرة ثانية
حتى اعرف شنو الي يميزه وخلته يتعلق بيه
: كلشي مابيه اشجاب لجاب انت حسب ونسب وجمال ..
:- خاله اني احس نفسي مالي قيمه
:- لا اتكولين هيج بس استحمليه
:-اوف خاله اكثر من هيج .. عرفت هو مزوج عليه وسكتت واتحملت على نفسي واتنازلت وكعدت اله خدامه هم ما فاد اني والله احبه ليش هيج حظ ماكو والله تعبت ...
:- لا تبجين سهير ..المرة الشاطرة هي الي تكسب زوجه ...
اندكت الباب بهاي الاثناء
كامت الام فتحت الباب
وصار بوجه عليااااااء!!!!!!!!
ام انور :- اه ا انت ....سهير سهير
اجت سهير مسرعه
:شكو خ....
سهير:- نعم
علياء ما استغرب من شافت سهير  ....
بس ام انور الي راح يغمى عليه هاي عايشه ..؟؟؟؟
سهير:- منو انت
:- انه علياء
:اهااااا .. خاله صدك تحجي
:- ليش نسيتني مو انه الي خليتيني اطلع اخويه بالشارع الشمس تحرك بيه حضرتك ما اتحبين غرباء بيتك
.
سهير دارت وجه للناحيه الثانيه كانه الله حقق اله رغبته وصدك شافته ...
ام انور راحت شربت ماي وكعدت اشويه حتى تكدر تستوعب الواقع . 
بعده كامت
وخرت سهير من كدام علياء وكالت
:- شنو رجعج؟؟؟هاااا انت مو متي شنو رجعت اني ماصدكت خلص ابني منج 

:- خاله والله مظلومه وماعندي شي

عرفت ام انور ماتعرف شي من الي صار

:- لا الكل شهد عليج حتى اختج ايناس .
:- والله ان
:- اني اترجاج روحي منا وبعد لا تجين ابني رجع لمرته وخلف منه وعايش حياته بس يشوفج يكتلج ترضيه ابني تخرب حياته
سهير صفنت على عمته اشون  مره داهيه
علياء غرقت بدموعه
:- يلا ابنيتي روحي امنين ما اجيتي من غيرما يشوفج احد اذا مظلومه يجي يوم وتنكشف الحقيقه بس هسه الله يخليج روحي .....
طلعت علياء ......اه اه يحيى والله غصب عني انت جبرتني ......
..
حظرن جنطهن واجه صديق عزيز لعبدالله راح ياخذهن ويسافر يوصلهن هو اساسا هم عايش بسوريا هاجر ويه عبدالله وصديق عمره...
.....
سافرن على البر ....

علياء:- يالله انعم عليه بالنسيان ....يالله
.....
رجع يحيى من العمل ومعا5ه وحيد حيل يحبه وهو تقريبا الي معتني بيه .....
.....
وصلو الى سوووريا..........
...طلعوا من المطار بعد ما استقبل قيس امه بالاحظان ........
.....
واخذهم واتوجهووا لبيت العم عبدالله....
جانت اتحس الاجواء موووحشه حيل وبلد الغربه ظلمة وكانه بغير عالم عالم ثاني اظلم  ...وكله سحاب اه انه شسفرني اموت اهناك.احسن الي بهووواي .....
مسحت ادموعه من الحجيه ربتت على كفه
:- والله مثلج ودي ارجع هسه ما اريد العيشه اهنا
:- رجعيني يمة انه شجابني اهناااااااا
:- اي والله يمه احنه بس نسلم عليهم ونرجع
:'-صدك
:- اي بس امسحي ادموعج
ضحك.قيس على امه اشلون ضحكت عليه وهاي مثل الطفله . صدكت..
باوعت علياء البيوت اهناااا تثلج الكلب شنو هاي سوريا كله اقصور لو  بس هاي المنطقه
هيج
وصلووا يم قصر كانه سرايا عابدين مووقصر .. انفتحت الباب ..... الهم ودخلووا بالسيارة...
علياء طلعت راسه واتباوع للحديقه الي على طوله اشجااار وثيل كانه جنه او بستان هاي شنو زين الحرس الي شفناهم بالباب شنو موقعهم؟؟؟
لا يكون عم قيس رئيس سوريا؟

نزلت علياء بعد ما السواق فتح اله الباب
عدلت شيلته ووكفت تنتظر الحجيه .
قيس يلا تعالووو
اول ما دخلت الحجيه اجت مرت قيس سلمت عليه واحفاده هم  . بس علياء جانت اتباووع بأنبهاااار قوي على القصر ...  عباله اخته ايناس عايشه بقصر طلع لا شي امام هذاا عاااا هاي شنووو اجت خدامه لابسه زي خدم مثل الي انشوفهم بالتلفزيون يااااا هاي شنهي ياربي زره كله طالع
الحجيه: - سناء هاي بتي علياء
سناء باوعت اله بتمعن وكالت:-اهلين
:-اهلين بيج
:- اي خالتي اتفضلو من هون
علياء همست للحجيه
:-مو كلتي سناء عراقيه
:- لا ولج عراقيه بس تتفخفخ ..
:-جا وين ابنج عبدالله
:- صدك قيس وين عبدالله
:- اجه اله شغل اليوم وسافر ...
:- اووف اشكثر مشتاقه اله ...

علياء راحت ويه الخدامه
دخلته للغرفه ...
علياء:-شكرن عيني
:- لا ولو انسه هادا واجبي عم اؤم فيه
:-االله والله حجيكم يخبل
:-تسلمي انسه
:- يا خيه حلوة بحلكج انسه شنو اسمج
:- جومانة
:-الله .. والله انت حلوة هاي لو عدنا يخلوج ملكه جمال
:- الله يجبر في خاطرك
:- اكول انت ما مضايقه من هذا لبسج الضيقه اشلون تشتغلين
ضحكت جومانه على تطفل علياء
:- هههههه لا عادي هي اوامر البيك
:- هااا قصدك عبدالله باين عليه عبد النسوان على هذا  اللبس
:-ما فهمت مين عبدالله
:-شنهي الي تشتغلين عنده
:- اه عم بينادوا الي على فكره الي عم اشتغل عندو اسمو قوصي بيك..

............
خابرقصي قيس

:- هلا كيفيك قيس
:-اهلا قصي اشلونك
:-تمام والله
اجت امي
:- اي وصلت
:- ومعاهه هايدي البنت
:- اي عمي
:-اه اوف من امك دخلت الي بنت غريبه لا اعرف اصلا ولا فصلا بس شو اعمل مسكتني من ايدي الي توجعني . يا اما تجي معاهه يا اما تبقى في العراق
:-امي بعد اكو واحديكدر اله
:- هلا ائلي كيفا
:-الحمدالله صحته جيده وهاي البنيه ترة رحم
الله والديه دارته هاي المده كله
:-ماعم اسالك عن صحه امك عم اسالك عن البنت .. حلوووة ولا لا بس خساير
:-يا عمي يمعود الا هاي البنيه فوته الله يخليك امي تعتبره مثل بته
:-اها شو ئلنا هلا احنا
(كان كلام قصي مكسر اشوي مابين  اللهجه العراقيه والسوريه .. )
قفل الخط وكام قصي عنده جلسة تصوير ... 
.....