رواية بائعة الخضروات الفصل الثامن والثلاثون بقلم زهراء العراقيه

همست
:-يحيى
ماكو رد.منه . شافته غافي أرادت تبعد.ايده واتنام على المخده لا اتعبه ...

رفعت ايده اليمنى عنه ورادت اتشيل راسه عن يساره .. فتح اعيونه ...
:-ليش تتحركين نامي ....
:-اخاف تعبت ايدك
:- صارلي سنوات ما نايم مرتاح مثل الليله ..
بس فعلا ايدي تعبت
رفعه من يساره ليمنه ...ورجع غفى ...عجيبه اشلون رجع غفى ابسرعه وهي ما تكدر تغفى لحظه ... تغيرات اهواي صارت اله بهاي الليلة وتغير مسار حياته كله ...لكن مو مهم اي مخطط رسمته ما دام حبيبة صار من نصيبة !

كان موعد.الحفل الخاص بقصي . الساعه 9 .... علياء هي سمعت اله اول اغني غناها (جنة يا وطنه ) وهي تراث عراقي وعرفته لخاطره غناها

كان بث حي على الراديون سمعته وبعد من بده بغناء اغاني عاطفيه طفت الراديون ونامت .ولكن صحت على صوت تكسير الجام ..وصارت بين ادين حبيبة ...
ما عرفت كيف اختتم قصي الحفل الغنائي الخاص فيه!!!!!

كان يسابق الريح بسرعة سيارته من الحلة (بابل) الى ميسان (العمارة)

همام ما راح معاه للحلة .. لأن بدمشق سافر يقضي الاعمال المتوقفه بالشركه الخاصه بقصي .....بالوكالة الي عنده ....
لكن خابر احد حرس الحماية وبلغه شنو سوة قصي وخطورة الموقف ...
سد همام الخط بأنفعال ..
:- لك قصي اتريد اتلاقي حتفك انت ...

.........
المفروض الليله يحاول يهرب لسوريا .. لكنه ما فكر بالهروب الا بعد ما يشوف علياء ...
المرأة الوحيد الي قدرت ترجعه لعبدالله فهي مو مجرد بثت حبه لقلبه واعادت اله الحياة لا هي رجعت اله كثير امور فقده كان يحسه وهي بيته جزء من وطنه المفقود
بيه ريحة المحبوب من عاداته وقيمه وانسانية كانت تمثل وطن بأكمله ... يعرف الوصول اله مستحيل بعده ما رجعه بيده مستحيل بيوم يكدر ياخذه مرة ثانيه لأنه مثل النخلة العراقيه اتموت اذا ما تلائمت مع الجذور .....
كعد بالفندق ...
خابر همام

همام:- لك وينك يارجل حركت الدنيا عليك
:- صدك الكلام الي وصلني
:- شنو الي وصلك
:- قصي اني رتبت الك.الامور اليوم الساعه ب5 الفجر لازم اتكون انت بدهوك مناك نهربك.تهريب لتركيا نطلعك.من العراق ..
:- ماكدر
:- لك شنو ماتكدر
:-مو قصي الي يشرد. مهرب لك.اني
:-٠انت غبي وراح اضيعنا وياك لك ابسرعه اصرف وروح
:- همام لا تخاف ولك.عمر الشقي بقي
وضحك اله
سد الخط وراح سبح ..ببرود قاتل ولا مهتم لأي شي رغم الي سواه خطر جدا ... ......
طلع من الحمام ... نام ....!!!!!
همام خابر بالليل علياء على امل تكدر تأثر بقصي
بس مردت ....
كعدت من حست بيحيى يبعده عنه برفق ...
:- وين
:-حبيبتي اريد اصلي
فعلا الاذان كان يأذن ....
ابتسم
:-لو قابله اتروحين وياي من قبل مكان اظطريت استخدم حمام هذا البيت .
ضحكت وكامت
:- اني هم اريد اصلي واشكر الله على انك رجعت الي
:- خوش لعد ...

وكفت وراه اصلي ... وهو امامه
خلص صلاة دار وجه عليه كانت اسبح
:- علياء
:-نعم
:-اتعرفين اصلين صلاة الشكر

:- ما مصليته من قبل؟
ابتسم ابتسامه الحانيه زادته طيبه و وقار
:- تعاي اعلمج ...

كعد يم شباك الصاله على القنفه وهي اجت كعدت يمه بوشاح الصلاة وبيده السبحه .. اتقرب عليه .... واخذ السبحه قسم خرزه نصفين .... وبدوة بالتسبيح .. التقلت أصابيعهم سوة من وصلو اثنينهم لحلقه النصف ...
شعور حلو وهم بدو يشاركون كلشي بحياهتم.مع بعض حتى الحسنات ...
نامت على رجليه وهو جالس وكورت نفسه حتى تكفيه القنفه ... واخذت كفه ترسم على باطن كفه ...
:- علياء
:- ها حبي
:- ليش طلعتي من البيت ...؟
سكتت
:-كاان دافعتي عنه ! ليش ما سويتي مثل اي مرة ليش مثلتي دور الخدامه ورحتي ..

:- اجت بوقت غلط بالوقت الي حاسه بيه اني بضيق واني حمل زائد انت متكلف بيه نظرته وهيأته وشكله خلتني أيس انت بيوم.اتصير الي واتعوفه .. ليش اخرب عليك وانت ساعدتني ..عفتله كلشي ورحت اصلا مجان الي من البدايه ...
:- وين رحتي
:-حاولت انتحر من شفت نصير مكتول
:-نصير ممات بس عذبوه حتى يعترف .
:- حسيت الدنيا ظاكت عليه ...مكدرت اموت .. اخذوني الناس الي رميت نفسي على سيارتهم ...
:- وين اخذوج
:- نزلت اول ما وعيت ضليت امشي من غير واجهه وهايمه بأرض الله ما اعرف اشلون وصلت لبغداد وشنو وداني للمرة العجوز واساعده وترحمني من الشارع وظيمه
:-يمكن ملائكه الله قادتك
ضحكت
علياء:- هههههههه
:-يحيى
:- ها
:-وانت شنو سويت
:- جنيت يا علياء جنيت ..
حركت راسه وهي بحظنه
:- وسهير اشلون طلكته
رجعته بذاكرته وسرد اله باختصار شنو صار

سكت بعده اذكر كيف تغير مجرى حياته وطلق سهير

من رجع من الشرطة الجنائية كان خايف لا مقتوله علياء فراح يبحث بالامر ..
رجع منهك... واتلكته زوجته بالشكوى والعتاب لانه مجاهله
:- يحيى انت مو طبيعي تطلع ليل ونهار و ما اتنام غير ساعه لو ساعتين ...
ما جاوبه وراح نام لان عنده موعده ويه صديقه المتحري.....
سهير جرت الاغطيه عنه وصاحت
:- كافي عاد اني جايه من اديالى لهنا حتى بس اطيب خاطرك وانت مجاهلني
درا وجه وغمض اعيونه ..
:-لا لا يحيى انت ابد مو خالي اعترف الي يحيى وواجهني انت تعرف وحده غيري .. لا يكون امك زوجتك.من ورايه هاااا

:-كول اني اعرفه اتريد ازوجك بت خالتك كول
:- اريد انام
:- انت ما تحبني ...
:-كافي علياء اني تعباااااان
:-علياء
اجاهل غلطه بأسم مرته الثانيه وهم غمض اعيونه
:- ههه تغلط بأسمي باسم خدامه هم ياريت زميله بالعمل كان اهون هاي الخدامه الملحه العربيه شنو تغلط باسمه
وكف يمه ابسرعه خرعته ....
:- علياء مو عربيه علياء مو خدامه مو خدااامه
يصيح بعلوو صوته
:- شنو لعد
كالته بسخريه

:-علياء صاحبه هذا البيت مرتي وعلى راسي وشرفني وشرف اهلي

:-تشاقه مو

ما انتظر ردت فعله وخله وطلع .... مكان متوقع يجي يوم ويتجاهل بيه مشاعر سهير وجميع من حوله ويسمع بس صوت قلبه المملوء بالندم والحسره....
.....

بعد ما سمعه وعرفه وعرف اسلوبه مع من حوله.
ماعاد طايق العيش وياه والنفاق رغم هي تحملته وتحملت أسلوبه الجاف وياهه ...

وكال اله برغبه انفصاله عنه
لكنه ثارت ومن لمح اله هو عرف حقيقته وشنو سوت .... فضحت امره بنفسه من ظنت هو عرف بامر الاجهاظ ....... ثاني يوم طلقه ما صبر يخليه على ذمته ولو يوم اخر ... .......

افاق من الغوص بالماضي من سولفت اله علياء شنو سوت بسوريا ودخلت جامعه

وهيج حكى كل واحد بيهم شنو عمل بفترة فراقهم

الساعة 9 صباحا .... مشى قصي وحس اكو سيارتين وراه تمشي
ابتسم بتحدي

طلب من السائق يوكف وهو يسوق بمكانه ...
السيارات بدت تتقرب ...

ضل يتلاعب بيهم بأحترافيته بالسياقه ...
وضيعهم ...

ضحك ضحكه عاليه وراح لواجهته علياء ..

كانت تحضر بملابسه ... وتنتظر جومانه تجي ... حتى اسلمه مفاتيح البيت وتنطيه رسالة لقصي ...لان يحيى تركه تحضر نفسه وبعد اشويه يجي ياخذه ...
حس بخطر قصي من شاف السيارات رجعت تلاحقه ... ساق بسرعه جنونه ...ووصل للحي .. راد يسلم عليه ويودعه ....
نزل براس الشارع الرئيسي هو والحمايه ... وترك سيارته حتى تحير الي يلاحقه ... وركض للحي
ليش ما صار تجمهر حوله من اهل المحلة . توهم اكتشفوا وجوده بينهم وبالعراق .. طالما قضى هاي الايام كله يتخفى منهم
. لكن هسه حاصروه وهو بموقف لا يحسد عليه
الي يطلب توقيعه والي يسأله والي يترجاه بس ينتظره يجيب كامرته من البيت حتى يصور

قصي:- يا جماعة يا جماعة على راسي انتم والله اهل الغيره والشهامه لكن اني حاليا مشغول ...باوع للسيارت دخلت للساحه ... هو خله ودفع بالناس وحمايته وراهه مع الاسف مكانو مسلحين لانهم حماية مدنيه لفنان مشهور مهمتهم بس يمنعون التجمهر حوله اما الحرس الي حاطهم على علياء كانو مسلحين ...
اتعدى الساحه ودخل للفرع ... ... ....

الحرس كالو قصي بيك اجه ...

خافت علياء لا يجي يحيى وهم اتصير مشكله واستغربت بنفس الوقت منه

هو يجنب المجئ لهنا ليش اجه؟
يلا خل تنطي عقد البيت بنفسه .. طلعت على راحته تمشي ...
ماتدري هي حاليا دا تمشي على عمر قصي ...

وصلت للباب .. دخل قصي ابسرعه
:- اشلونك عليا ....
وضل يباوع اله بلهفه كأنه يريد يرسم اخر صور اله بخياله ....
استغربت هي من نظراته وخافت
:-قصي اشبيك صايرلك شي؟؟
:- لاء بس حبيت املي اعيوني بشوفتك
دنكت بألم وشفقه ..
:-شو بك لا يكون بالك شي
انا اعرف انك هلا مستغربه من جيتي الك لكن اني اجيت اكول الك
باوعت اله بتركيز
:- لا تتنازلي عن حلمك عليا
لمعت اعيونه وهو يكول
:-ابدا ابدا ..وخلي حالك دوم فوق مثل ما عرفتك
دخل يحيى من شاف الباب مفتوح والحرس حاولو يمنعوه لكن ما كدرو عليه
يحيى حس بغضب ونار داخله ...
:-علياء ..
باوعت اله بخوف ... ..
علياء:- والله بس اسلمه اوراق البيت يحيى
قصي صفن عليه ابسرعه فهم بفطنته خلاص تفاهمت مع زوجه .... ظم حزنه
:- ما بالك يا رجل في ناس هون مو لحالنا عن ازنك
وطلع ابسرعه متجاهل نظرات يحيى القاتله
علياء:-يحيى والله ما
يحيى :-يلا نطلع
ويه ما فتحوا الباب دخلت سيارة للفرع كان قصي حاير اشلون يروح لسيارته اخاف يشوفوه ومنطي ضهره ما شافهم من دخلوا
....

زوج جومانه بالتحديد هو اجه معاه بسيارة اخرى بس هم وقفوا سيارتهم مو يم الفرع دخلت جومانه للداخل مرعوبة ....
زوج جومانه:-يا بيك خلي بالك ... كانو همه اربعه حرس ..
طلعت علياء هي ويحيى وابتعدوا مسافه قليله عن البيت باللحظه الي نزلوا من السيارة ناس متلثمين ...
وبيدهم اسلحتهم....ما افتهمت شي علياء غير ورذاذ الرصاص والدوي الي صار بالفرع صار عجه بالنسبه اله ... بس حست يحيى صار درع اله من ماا لحكوه يرجعون للبيت ودفعه على الارض ونام عليه
علياء :- يممممه شنو يصير يحيى يحيى
:- وخر عني يحيى
ماكو كان لازمه بكل ما اوتي من قوة
اما قصي من شافه طلعت كبل الحرس ما انطوه مجال دفعوا على بيت الناس دفع الي هو بيت كريم جار علياء ودخل وياه حارس يسحل بيه وهو يريد.يطلع لان اكو ناس ماله ذنب راح تتأذى ...
لان حمايته صارت تتضارب وياهم ...
باوع قصي شاف نسوان بالحديقه اطافرت من دخلوا عليهم فجاءة ....

اشويه بدت تهدأ اطلاقات النار ....ويحيى هم بدت لزمته لمرته ترخي وانفاسه تهدأ
طلع قصي ودفع الحارس الي مانعه ... واجته رصاصه من حيث لا يعلم بمتنه
سحله بالغصب الحارس ورجع دخله لبيته هالمرة

الملثمين صعدوا بسيارتهم لان اصوب منهم اثنين وراحوا
وحرس قصي اثنين ماتوا ولكوه حتفهم بهذا اليوم المشؤم وواحد مبين بس متصوب والرابع ويه قصي المتصوب بالبيت ..

قصي:-عليا عليا
طلع من البيت مرة ثاني شاف ناس على الارض
علياء :-يحيى راحوا ابعد عني
دمعته طلعت
:-ههع والله راحوا انت ثكيل
:-يحيى

اكو شي اتحاول ما اصدكه ولا اتريد اصدكه
بس صوت انفاسه الطفيف واديه المرتخيات
خلته اجن
صرخت صرخه مدووووويه وصل صداها للسماء

وصل اله قصي وهو مصوب والناس الي ختلت بابيوته طلعت اشوف
اهنا كريم كان طالع بعمل بناء بالحي من سمع صوت اطلاقات نار وخاصه بذاك.الزمن مو عادي مثل هسه .. راح يركض للفرع شافه صايره هوسه يم بيته تقريبا يم بيت علياء وناس ملتمه
قصي ابعد يحيى عنه بمساعدة حارسه ... ..
علياء:-وخروا عني ..
:-يحيى كوم ليش ماترد.عليه ... وصل كريم
انفجع من المنظر جثث مرمية وجثه جاره ابو هادي الشايب الحقنه مثل ما يسميه هو مرميه على الارض .. بعدين ارتعب حيل من شاف علياء تصرخ ونايمه على جثمان احد.وتترجى بيه
يحيى :- ا اه اه كان يباوع اله بعيونه الذابله ..

كريم :-يحيىىىىىىىىىىى لك يحيى واخذه من ادين علياء الي كانت حاطه راسه على اديه وصافنه بصدمه ....
كريم:- لك يحيى ... لك ابو الغيره كوم وياي ...
اجت الاسعاف والناس مخبوصه تتفرج ...
كعدت هي وكريم بالسيارة ... والاسعاف اتحاول تسعف فيه ......بين ما هو غمض اعيونه!!!!!!
........
2016
........
همسة:-بابا يلا ابسرعه ليش تأخرت
يلا رح نتأخر على ماما
:-اي اجيت
راحوا لموقع الاستوديو
.
وكفت علياء متوترة حيل امام المرأة بعد ما تعدلت من قبل كادر خاص بالميك آب .. شافت حجابه عدل .. ضحكت لروحه لعلها تخلص من التوتر ....وراحت للاستوديو ...
وكفت امام الكامرا
:-2 1 3
تصووووير

علياء :-السلام عليكم ورحمة الله وبركاته ....يسعدني اعرفكم بنفسي الشيف علياء العراقيه ... حكون وياكم طول شهر رمضان الكريم وحقدم الكم اجمل واهم الوصفات الرمضانية وانشالله يعجبكم الطعم .. اليوم حنبدأ .... بطبق الرئيسي ...الدولمة العراقية ...سيدة السفرة العراقية هههه والجلي بالكاسترد.....
ابتسمت بحب من شافت زوجه وبناته واكفين بالكواليس
باوع اله زوجه وغمز وسوة اله حركه بنص التصوير ما يفهمه الا هو وهي ..
ضحكت بصوت
:-اسفه اعزائي بعد ما خلطنا اللحلم مع التمن
وهم غمز
همسة:-رسمت قلب بديه لأمه
وعلياء حاولت تجاهل وجودهم هالمزعجين....

..بعد الحلقه

علياء:-اويلي بالقوة دبرته .
زوجه :- ههههههه بذمتك همسه هاي امك مبين عليه اليوم اول يوم اله خلف الكامرة
:-لا بابا ههههه كانت طالعه اجنن
:-فديتكم اني ...يلا تعالو
وانت اعزمني على غده فاخر
وضربت زوجه بمتنه بخفه
:-هذا الطبخ الي طبختيه وما ناكل منه شي
:-هههههه لا اني اريد اكل برة
:-الله يرحم ايام زمان ما اكل من الشارع وما ادخله لمعدتي
:-هههههه صار عندي تشبع من اكلي
:-مو تدلل واحلى غده لاحلى شيف
ريماس:-ماما سؤال ...
:-نعم
:-هذا الاكل الي اطبخي وين يروح
:-هههههه من اعرف اكول الكم ...
.....
في المساء
كعدت علياء ...على الاريكه تكمل مذكراته ...
..
رجعت الك يا دفتري وأنيسي
اليوم كان عندي تصوير اول حلقه الي ببرنامج على قناة عراقيه ... ههههه اليوم المفروض اول ايام رمضان عند اخوانه السنه واحنه باجر لهذا عديت اول طبق الي على كامرات
كان يوم صعب لكن بمساعدة ابو همسه ودعمه الي اتعديته ... احبك حيل يا نبضي ..
وارجع وياكم من حيث ما وصلت

التاريخ
عام 2000 / 12/28

بعده ما حسيت بشي
اثاري اني اغمى عليه على متن كريم
كريم الي هو هم بدوره منهار على منظر صديقه الي مصوب بضهره ...
وصلنا للمسشتفى اني ماادري كلشي
كعدت لكيت نفسي بغرفه مبين مشفى
كمت ابسرعه بعد ما اذكرت الي صار اركض بالممر مثل المجنونه
اجت الممرضه واخذتني
اني:- وينه الله عليج.وينه
:-زوجك صارله اربع ساعات بالعمليات
:-وديني اله
:-اي اي امشي
دخلت شفت ابو انور وخوه واخته انمار بس امه ماكو
:-ع عمي وينه يحيى وينه
محد كام الي ورد عليه الكل غائص بأحزانه ....
ابو انور قلبه مشتعل نار على ابنه لو مرته الي اجته جلطه من سمعت الخبر وهم بالانعاش ... .......

طلع الطبيب مع قطرات العرق على جبينه كانت العمليه صعبه ومطوله ...

اني:-ها
انور:-بشر دكتور
:- احد كلياته متضررة جدا مع الاسف اظطررنا نشيله
انور:-وهسه
:'الحمدالله سيطرنا على الحاله وبعد.ساعه اذا مرت على خير يكون المريض اتعدة الخطر .... الحمدالله الطلقات مكانت باحد فقراته لو بالعمود الفقري لكانت سببتله شلل او غيره
...
وكفت على رجليه مرة ثانيه بعد ما انور كعدني ورحت ... استجمعت قواي واتوضيت .....
بقيت الساعه كله كاعده اصلي وادعي الله يرجعه الي سالم .... لزمتني العبره من اذكرت المشهد من هجمو علينا المسلحين
شفت قصي اخذوه حراسه واحتمى بيهم بس يحيى الي ابسرعه استوعب الموقف مو مثلي ضليت مشدوهه دفعني ونيمني وصار فوكايه اريد ابعده ماكدرت لان صرنا احنه بوسط اطلاق النار لا نكدر انروح منا لو منا ...
ما اهتم للموت ولا لروحه اهم شي اني عنده
منه عرفت اذا اتوقفت دقات قلبه اني هم تتوقف الدنيا بوجهي من جديد لان صعبه تلكه بهاي الدنيا الشخص الي يفديك بروحه .....
نذرت لربي لكعد اقضي صلاة الشكر بعد كل فرض اذا رجعلي زوجي .....
...
بعد ساعه الحمدالله طمنوني صار زين ودخلنا اله واحد واحد ... دخل اله ابو وبعده اخوه واخته واني خلوني بالاخير .... لان يدرون اذا ادخل ما اطلع بعد ..

شفته وهو نايم .... والموصل على خشمه واجهزه اهواي على صدره وبس صوت جهاز القلب مسموع ....
كان وجه اصفر تعبان سودة عليه
كعدت يمه ..... اريد الزم ايده وخايفه
همست
: اللهمّ اشفه شفاءً ليس بعده سقمٌ أبداً، اللهمّ خذ بيده، اللهمّ احرسه بعينك التّي لا تنام، واكفه بركنك الذي لا يرام، واحفظه بعزّك الّذي لا يُضام،
لزمت ايده الدافية
:-بسم الله الذي لا يضرّ مع اسمه شيء في الأرض ولا في السّماء
حسيت احد اصابيعه تتحرك.
باوعت لأيده الي بدت تلزم بيدي....ابتسمت من بين ادموعي ....
تراتيل حواء زوزاية

بعد ثلاث ايام ..... صارت صحة يحيى الحمدالله زينه
طلعنا من المستشفى بعد اسبوع ....
لبيت اهله ... واني ادلل بيحيى مثل الطفل ...
ها نسيت مو وحدي اني و وحيد ...
وام ياسر وانمار محتارات بأمهن .......
بعده عرفت قصي عمي ابو انور ساعده يهرب من العراق بعد ما داواه بيته وسفره والسبب عمي يعشق الانسان الحر وقصي كان مثال اله
من احد الحزبيين ذكر اسم القائد الريس وحياه بوسط حفل قصي ..والكل رد وراه الا قصي لزم المايكروفون واتحامل حيل ماكدر يخفي غضبه والكبت والاظطهاد وهو ينذكر يمه اسم الي قتل اولاد اخوه وصفاهم ....... وصعد الميكروفون على حلكه ولعن صدام امام الجمهور اجمع ... ولهذا السبب اجه يتم اختياله ومن يومه صار قصي مطلوب لجهات خاصه لولا ابو انور ومساعدته اله رغم هو كان السبب الرئيسي بأحتمال يخسر ابنه لو لا عطف الله عليه ونجاه اله
تراتيلحواء زوزاية
راح قصي لكن مع كمية من الخذلان والاحباط من اسبب لاهله وناسه الي حموه بهاي الخسائر وخاصه زوج جومانه مات كل ما يشوفه يذكر نفسه وغبائه لان هو طلع وخله الرجل يصوب وياه من حاول يحميه وضل عايش فتره وتسمم بالكبد ومات ..
هاي غير كل ما يذكر علياء و جبنه من احتمى بحرسه وتركه لاحد غيره يحميه
احد اقوى منه بهواي ....

تراتيل حواء زوزاية
وكفت امام حبات المطر ... بحديقه بيت زوجي يحيى ... وكانت بطني سابقتني ... رفعت راسي للمطر حتى يغسله الي ...
يحيى:- جنون والله جنون
:-ما ادخل لجوهه وماعليه
:-ههههه ومنو كال راح امنعج من جنونج
:-ههههه لعد
:-اشاركج ايها
:-هههه
وكف يمه ورفع راسه
:- ما نزله
نزل راسك يحيى

باوعلي

:-ليش
:' هاي القطره ما تستحي نزلت كبل على شفتك
كالته بغل
:- هههههههههههههه
:- غيرتج هاي تدرين
:-اي اي كمل
:- اتخليج مثل البطه الغركانه
:-لا والله ههههه هي البطه تغرك
:-علياء
:-ها
:- يعني احنه سبحنا تره اذا اتمرضتي اني وين اروح تعاي ندخل
:-اوه ما ما
:-تعاي
سحبني من ايدي ودخلني بالغصب كوة جرني لان يخاف عليه حامل بشهر التاسع ...
بالتحديد حامل بهمسه......

تراتيل حواء زوزاية

تركت بنتي يم عمتي
اي عمتي بعد ما تمرضت اني داريته من بناته راحن لأبيوتهن وام ايلاف عزلت بقيت بس اني يمهم اداري بيهم وحبتني الحمدالله وحبت بتي هم
طلعت من البيت ابصراحه ما كلت ليحيى .ولاني ما اندل بيت أيناس ضليت امشي واسال على الوصف
وتيهت وتأخرت حيل ..
واخيرا دلوني بيه جان مشتمل بمنطقه نصف ابيوته تجاوز ... دكيت الباب كان رفيع ومزنجر ..

فتح الي الباب ابنه
علياء:-فددديت الحلو انت خالد موو
:-اي انت منو
:-اني خالتك
:-ماما اهنا.
:-اييي
دخلت اوف المكان غير صالح للسكن .. دخلت .. شفته واكفه بالمطبخ خارجي وكشفي
:-السلام عليكم
وكعت الخاشوكه من ايده
:' علياء.
:- اي
...............
كانه خجلت مني بي
تراتيل حواء زوزاية
.....
طلعت من بيته وابالي
شكل أيناس و علامات التعجب والذهول من انطيته مبلغ مالي يساعده وهم انطيته مفاتيح البيت الي انطاه الي قصي ... كانت متعجبه من تصرفي وما مصدكه عباله جايه اشمت بيه مسكينه ايناس لحد الان ما عرفتني واني اخته ... مستحيل كلبي يقسى عليهم مهما صار ومها حصل يبقون خواتي وافديهم بروحي ....... وزعلت حيل من عرفت رجله الحقير بعد السقوط شرد واخذ كل افلوسه وخلاهه حايره اساسا هي ابد ما ارتاحت وياه لان صاحب مزاج ......
طلعت من عده وارتاحيت حيل من شفت بعيونه الندم والخجل وهذا كلش زين بلكت ينصلح حاله ....
تراتيل حواء زوزاية
.... تعبت يحيى حيل بموضوع دراستي واني بعمر كبير لكنه ما وقف بطريقي بالعكس ساندني وساعدني هو واهله وعمتي ربت وياي بناتي همسة و ريماس ...
ما رجعت للبيت اخذتني رجليه للسوك الي جنت ابيع بيه مخضر .....وشفت مكاني ابتسمت واني اشوف جابر صاير رجال وكاعد بيه يبيع فواكه ....
احلى ايام قضيته اهنا وهي سبب للوصلت اله وصاحبة فضل عليه ..... وما ندمانه على اي خطوة خطيته بحياتي لان هي سبب نجاحي الان ...
رجعت للبيت ...
اول مادخلت لكيت عمي كاعد بالحديقه ويحجي عليهم
اجتني عمتي عصبيه
:-ولج وين جنتي هااااا من ال 10 الصبح لهسه
:-خير خاله شكو رحت لاختي
:-كلتي اشويه وارجع وخابرنا خواتج كالن مو يمنا تراتيل حواء زوزاية
:-اي ا اني جنت يم ايناس
:-يا ولج رجلج خبص الجوووو شخلصج منه
بلعت ريكي صدك اني ما كتله ...
دخلت يحيى للبيت واعيونه براسه شافني كاعد بالصاله وبحظني بنتي
شاله حطه بحظن امه
:-على كيفك يمه وياه
:-لا تتدخلين يمه
:-كومي علياء
كمت وراه شخلصني اليوم
دخلت وسديت الباب
:-وين جنتي
:-اا اني ج جنت
:-بيت ايناس
:- اي
:-يحيى
:- طيح الله حظه ليحيى الي ما معتبرته موجود واطلعين على كيفيج
:-اسفه

تراتيل حواء زوزاية
:-اني انطيتج مجال صوجي ...
اتقربت منه وهو بقمه غضبه مني .. صحيح اني زوودته
:-اسفه يروحي وادعت حبنا بعد ما اعيده
باوعلي بعتب
واني ما تحملت لازم اطفي غضبه ما يخلصني زعله
حاوطت وجه باديه
وبديت اقبل بيه واهدأ
بصوت أنوثي ....
:-حبيبي لا تزعل ياربي اموت ولا...
:-هششس
سكتني بقبله حنينه ودافيه مثله ........

بعد تخرجي حققت حلمي وفتحت مطعم صغير الي .. وازدادت شهرتي وعرضوا عليه عمل باحد القنوات اني رفضت الفكره لكن يحيى شجعني عليه .. . ....
واليوم صار عندي اثنين بنات روحي من الدنيا وكل حياتي يحيى حبي الاخير ... وضليت عايشه بوسط اهله امه وابوه ..
اما قصي حديثا سمعتة ازوج جومانه ........ ماعرف حبه لو بسبب احساسه بالذنب المهم هو استقر وصار عنده ولد وبنت حلوين مثله

تراتيل حواء زوازية
سدت دفتر مذكراته علياء بفرح من سمعت صوت المطر وطلعت تركض للحديقه واتفاجأة من شافت يحيى واكف وبناته هم وياه يلعبن

وهي راحت وياهم .... وكبل حظنت يحيى حييييل خلته يستغرب من حظنه ....
:-علوشه
:-يحيى اني احبك احبك حيل وما اتخيل حياتي بدونك
:- ربت على ضهره وحاوطه بديه من خصره
:- يا روحي اني ما اعرف اكول كلام منمق لكن اني مااكدر اعيش لحظه من غيرك واضيع اذا غبتي عني يوم
ضلوا متحاضنين بالمطر
علياء ضحكت بصوت
يحيى :-شكو
اشرت اله باوع شاف بناتهم مقلداتهم ومتحاضنات .........
تمت
تراتيل حواء
زهراء العراقية
زوزاية
..........
راح يتم تغير اسمي الى زهراء العراقية ......
يسعد ايامكم ورمضان كريم علينا وعليكم
اريد تعليقات نارية على الجزء الاخير
الى اللقاء اراكم بعمل جديد