رواية بائعة الخضروات الفصل السابع والثلاثون 37 - بقلم زهراء العراقيه

جومانة:- شو الي صار ليش عم ترتعشي هيييك
:- وديني لسريري
اخذته من ايده وودته جومانه اتكورت على نفسه .وضلت تبجي بألم وخوف على يحيى وين اخذوه الشرطه ؟
مر اليوم طويل وقاتل بهدوئة
اندكت الباب .... واجته جومانه كالت اله اكو نسوان يردنج ...
طلعت من غرفته شافت ام انور وام ياسر .....
علياء:- !! اهلا وسهلا حياكم الله
ام انور:- لا هلا ولا مرحبا شكو رديتي هااا ما ضليتي ويه رفيجج اهناك يا فاجره
ام ياسر:- يمه
:- جان ضليتي وخلصتي ابني منج
تنهدت بألم علياء ودمعته طلعت غصبا عنه
ام ياسر: - ابويه يريد يحاجيج
علياء:-عمي ؟؟
:-اي اجي وياكم هسه اذا تردون
:- لا هو بالباب
:- دخلته علياء
جان مدنك ما يباوع بوجه وهاي مو من عادته
:-حياك.الله عمي
مارد.عليه وكان على وجهه باين الزعل والغضب
:- ابني بالتوقيف .. كولي لهذا الي وياج يجي يتنازل عن القضيه واحسبي نفسج امطلك.من يحيى واخذيه ورقه طلاكج من شاربي بس خل هذا الي وياج يتنازل اذا عندج ذره معزة لأهلج وناسج
ام انور تباوع لعلياء بتقزز وتعالي بس ما هزت شعره بعلياء بكثر العم ابو انور وابوهه الثاني .. جان اسلوبه وياهه جاف . وقاسي .....
:- ليش هو مشتكي
:- يلا امشن وراحن كدامه نسوانه
وكال
:-انت بس اطلبي منه يروح للقسم
وراح ...
حاولت اتخابر قصي على الفندق بس مايرد اويلي يعني يحيى راح يضل بالتوقيف
لبست عبايته
وصاحت لجومانه اخذت عنوان الفندق الي مقيم بيه قصي من زوج جومانه الانه يشتغل بالحمايه وجان ماخذهم عنه بس اليوم رجعوا اثنين منهم...
دخلت سألت الاستعلامات ما قبلوو يدخلووهه لجوه.... نزل همام ... شافه كاعده بالاستقبال
راحت اله
:- همام وين قصي
كوة رد عليه كانه هو الثاني ضايج.منه
:- نايم
:- نايم يعني اهنا لعد ليش مايرد على اتصالاتي
:- لان توه اجه اليوم كله جان طالع مدري وين
:- فدوة كله اريد اشوفه
:- خير اذا اكو شي اني اساعدج .
:- اريد يتنازل عن الشكوى اذا رافعه على يحيى
:- طليقج المستقبلي اذاه لقصي ويستاهل الي راح يصير بيه
دب القلق بقلبه من كلام همام المغلول على صديقه وعافته وراحت للمصعد
راح وراهه
:- وين رايحه
:- لقصي ...
:-دتعاي ما يصير ادخلين اله اهناك
:- لا يصير
:- روحي انت اصلا وين اتعرفين رقم غرفته
صفنت وكالت
:- ادك كل الابواب اذا لزم الامر ونزلت من المصعد بالطابق الثالث
:-اوووف تعاي
اخذه
دخل همام ....كدامه
ورة اشويه اجه قصي
:- عليا!!!!!
كان مرتبك اشويه
انتبهت علياء لأحمر الشفاه العالق بوجهه
سوت نفسه ممنتبه
:- قصي الله يخليك اتنازل عن الشكوى ليش يحيى مسجون لهسه
صفن بوجهه قصي وهو يراقب تأثره على زوجه .. تبقى متناقضه هذي البنت تطلب الطلاق من شخص و اعيونه تجدح عشگ من اشوفه .... ؟
:-طمني عليا انا ما اشتكيت عليه ..
:- ها لعد
:- همام الي قدم الشكوة واني سحبته
:- صددددك
اعيونه هلللت
:-اي سحبتا جيتك لهون اكبر غلط روحي عليا ...
:-رايحه رايحه ...
:- استني
:-يحيى ما خرجوا
:- ليش
:- لان ضارب احد المنتسبين.
رجعت ملامح البؤس والزعل على وجهه بعد ما هلل بالفرح قبل اشويه
:- مين جابك لهون
ما جاوبته وراحت ...
طلع وراهه
:'- استني حخلي احد يوصلك
:- لا
روح اله تنتظرك

وعافته ومشت حيل لا يلحك
فرك مقدمه راسه ورجع دخل لغرفته عدل ملابسه وطلع وراهه يركض ....
:- انتظري تعي
وصله للبيت وراح ....
دخل للغرفته ...معقوله اتكون غارت اه شنو ظنت يمه وحده؟ ؟
باوع لنفسه بالمرايه وضحك .هههههه قبل لا يدخل لغرفته استقبلته مرة وبته عمره يطلع 9 سنوات ..كانت حاطه احمر شفاه و مساحيق تجميل اخرى
امه حاطه اله لان البنيه مريضه وحبت تفرحه
................
مرن يومين وعلياء على نارهه ماتعرف اخبار يحيى .......
....... ...........
:-الو السلام عليكم ... بلا زحمه اني اخت نجلاء ممكن اصيحه الي
.......
:-الو نجلى اشلونج
:-اهلا
:-اشلون اطفالج
:- زينين
:-اكولج اني اشتاقيت حيل لوحيد حبيب قلبي وروحي ما اجيبي الي ..
:- تعاي انت اخذيه
:-يا
:- اي اخذي من الباب هم لا ادخلين ولا اشوفج
:-لج اني اختج احجي عدل
:-اختي!! عايفتنه وشارده ومن رجعتي جبتينا واحد وجبتي النا العار .. وعذبتي رجلج
خطيه والله ذنبه برقبتج
وسدت الخط

قلب علياء انفطر شكو شنو صاير ليحيى ليش هيج اخته شايله عليه
ابسرعه دكت على عهود
:- الو لج عهود شصاير
:-شنو منو
:-اها اسفه ممكن تنطيني عهود
............
:-الو عهود.شصاير ليحيى
:-شنو كانج عود خايفه عليه
:-لج احجي .
:- اوف شكلج انت عذبتي هالرجل دمرتي لج بس شكول شحجي
:- يا ليش
:- الرجال..... او اكلج خليج بنارج والله تستاهلين وسدت الخط وضحكت فرحانه
وابسرعه دكت على نجلاء
:-الو نجوله
:-هلا عهود شنو مخابرتج علياء
:-اي ولج بس والله كسرت خاطري .
:- لج والله على موده حتى بلكت تعرف غلطه من تشوف كلنا ضده وترجع لرجله
:-اي والله يحيى خطيه تعذب على موده
:-يلا مع السلامه اريد اكمل الخطه
:-ها خوش
صاحت نجلاء لمهجه تخابر علياء
....
مهجه:-علوشه سمعت نجلاء شنو كالت الج
اعذريه ضايجه على يحيى
:-الله يخليج اشبيه
:-اوف هو ضارب احد المنتسبين ..
فما رحموا بالتوقيف عذبوه
:- يا يا
:-اي بس جدوا ابو انور طلعه وحل الشغلة ابسرعه سواهه كعده زلم
:- ويحيى
:-طلع بس تعبان
لا تبجين علوشه
اكلج صدك سمعت تردين وحيد تره يم يحيى هو دوم يمه ..
علياء كامت تبجي ماردت
:- ها ويحيى يم اهله اذا تردين تاخذين وحيد
وغمزت مهجة لنجلاءوسدت الخط
.....
العصر فاض بيه بعد كالت لازم اشوف وحيد حبيبي حيل اشتاقيت اله وطلعت من غير الحمايه .... وكفت متردده كدام البيت استجمعت قواهه ودقت الباب....
فتح.اله طفل صغير ... اجته انمار
:- علياء!!!
سلمت عليه . بس كانت انمار هم متغيره عليه والسبب معروف ...
مع هذا دخلته لغرفه الضيوف وكالت اله اخوج يم يحيى .....
راح اصيحله
:-اشلونه يحيى
:-زين ...
...
اجاهه وحيد.اصلا هي من رجعت لهسه هو متغير عليه ولا كانه بيوم كان يصيح اله يمه
:- هااا شتردين
:-وحودي حبيبي اشتاقيت الك ليش ما تمرني
باوعله بحده وغضب
:- ما اندل
:-زين وحودي شرايك تجي وياي
:- ما اعوف عمو يحيى منو يجيب اله ماي اذا رحت
اوف وحيد خلاهه اتغوص بأحزانه اكثر لهلدرجه يحيى متأذي
راح.وحيد وعافه
علياء اجنبت نظرات انمار الناريه المملوئه بالعتاب واللوم
:- يلا اترخص اني
:-وين ما اشوفين رجلج
وكفت وكالت بكلبه ياريت
:-لا اخاف اضوجه
:- على راحتج
:- مع السلامه ...
وصلت يم الباب بس الصوت الي بداخله منعه وصاح باخر لحظه
:- انمار خلني اشوفه حبابه
:- عرفتج.بعدج علياء الي اعرفه .... الحمدالله ماغيرتج الغربه تعاي ورايه
يلا امشي سريع قبل ما امي تجي ...
.
دخلته للغرفه الي بيه يحيى
انمار:-وحيد وين عمك
:- بالحمام يسبح
:-ها زين تعال انت سويت الك تموتعه تخبل
وراحت انمار توكل أطفاله ووحيد ...
وفرغت الجو لعلياء الي كعدت تنتظر يحيى ...
طلع من الحمام كان لابس فانيله بربع ردن(اكمام) سودة وبجامه بيت . وحاط على راسه الخاولي ..
اجته انمار وكالت اله مرتك بالغرفه .
اشتعل
اااه اشكثر يتمنى يكتله هسه ضرب بس مو من ثوبه ضرب المرة بس ميخالف خل يشفي غليله ... بيه هاي الي ما قدرت العشره ونزلت كرامته بالارض ....
دخل وسد الباب حيل
اخترعت باوعتله شافته واكف ومغطي وجهه بالخاولي .....
:-يحيى
كالته بصوت باكي ....
خلت نيران يحيى المشتعله والهايجه تنطفي بدمعته الي طالعه .... من غير ما يشوفه طفته ..!!!
:-اطلعي بره
:-يحيى اني
ما حجي اي شي اخذ المخده من يمه وحطه على الفراش واتغطى ..!!!! وغطى راسه كله
:-يحيى!!
:-بره
دخلت الحجيه
:-خير سمعت انت اهنا كلت اشجابه هاي.
:- لا تخافين ورقه طلاكج توصلج يلا بره
:-يحيى بس اسمعني الله يخليك قصي هذا .
:-اطلعي مااشوفيه تعبان
:-يحيى طلع راسك الله يخليك بس اشوفك

ماكو لا طلع راسه ولا حجى وخله امه تطرده بقساوة وبكلام جارح ...
طلعت من البيت منهارة نفسيا ... .....

اشكثر رادت تطلك منه بس حتى ترجع من كرامته لكن هسه تدمرت وادمر كلشي مااتريد يحيى من يتركه يظن بيه ظن السوء ....
....
رجعت للبيت ورادت تصفي فكره .. هي بعد رجعت للعراق وقصي اتغير وياهه بس تطلب منه ينسحب يختفي من حياته وهذا الي راح اسوي ...بس لازم اتفكر عدل وتدرس القرار صح لان يحيى هم راح يطلكه .. بس هي راح تخسر كلشي ....... مشاعره وحبه ... اوف هم رجعت افكر بحبي اني من اجيت مو مقررة اعوف كلشي ليش هسه رجعت ضايجه عليه وعلى خسراته .... بس هذا العز والغنى هم لازم اتنازل عنه واعوفه انه قصي مو ثوبي ... .
....
من راحت علياء ابعد الغطى عنه ووكفت امه فوك راسه اثرثر براسه عباله كلامه يأثر بيه ... لانه من طلع من الحبس لهسه تحجي براسه بس الحقيقه اي رجل شرقي ما يحب مرته اشوفه باتعس حاله يمر بيه وهو مذلول من وراهه كان وجه مليان بأثار اللكمات والضربات الي حصله بالتوقيف من الظباط لانه ضرب منتسب الهم نعم هذا العراق العظيم يحاسب المواطن بالاستبداد والظلم من اي احد يملك.سلطة ... قبل ان يحاسب من قبل القانون نفسه .......
انور ضل يطقس ويسأل واتاكد هذا قصي العراقي المطرب الشهير .......
بعد.ثلاث ايام
قصي انتشر خبر رجوعه للعراق للصحافه العراقيه وتم النشر عنه .. وتم أستتدعائه لأحياء حفل في بابل ووافق مرغوم ... هو ما يحب يحيي اي حفل داخل العراق والسبب اي مطرب انذاك الوقت لازم او مستحب!!!!! منه لارضاء الحكم ذكر السيد الرئيس والتبجل والتمجد فيه فيهومن هذا القبيل اثناء الحفل ..
وهذا الي مكرهه بالغناء لجمهور شعبه ....
فوافق قصي وراح السبب الاول ذكرناه والثاني ليفاجأ علياء بغناء اغنيته المفضله ....
..
اشويه صار زين يحيى من مرن ذني الثلاث ايام
بس نفسيا كان محطم ......
حاس بلووووعه كبيره ..تارسه صدره ....
طلع من البيت وراح كعد بالكهووه ...
يعني هو طول فترة غيابه عايش من غير روح حياته كله وقفه على بس امل رجوعه وهي بعد.ماترجع اجازي هيج
ما يهمني اتريد تطلك حقه هذا اذا ما اتريدني هسه بس اشلون تقبل تمشي ويه واحد.ثاني وهي على ذمتي ولا بعد اني هيج على الهامش اجتي بس اتريد تتخلص مني ... وكرامتي وين راحت داست عليه دوس . صرت مقرن دفع الميز وكعه على الارض خله الحضور كله اتباوع اله ..
طلع من الكهوه ....متوجه لبيته ..... جانت الساعه ب 11 بالليل ...
باوع للحراس هم موجودين ..
اصلا هو طول الطريق يخطط اله ..
راح ابسرعه دك باب بيت كريم
فتح اله كريم
سلم عليه عادي هادي
وكريم هم رحب بيه وارتاح من شاف صديقه مستعيد رشده .. دخله لغرفه الضيوف ... وراح يبلغ نسوانه بالمطبخ يسون شي اله . يحيى ما ضيع وقت مشى من غير ما يباوع لخلفه وصعد فوك السطح كريم

طفر من سطح كريم لسطح علياء ....!!
رجع كريم للاستقبال ما شاف يحيى عجيب امره هذا راح هيج ؟؟
.....
حاول يفتح باب بيتونته بس مقفوله بالسرقي من داخل ... هم ما فكر اهواي ....
وراح يدور بالسطح على شي ...
اهنا جانت علياء نايمه بفراشه ...
طبعا جومانه اليوم اخذه رجله وراح للفندق لان حيل تعبان ..... وقصي انطاه اجازه وزوده بحرس من عنده ......
فتحت اعيونه مخترعه من سمعت صوت تكسير جام .....
كان يحيى جايب طابوكه وكسر بيه جام شباك البيتونه ... طفرت للدرج خافت خاف حرامي رادت تركض لبرة اشوف الحرس الي واحد بيهم نايم والثاني حاط مسجل ويسمع؟؟
وصلت للهول حست واحد خلفه حط ايده على حلكه ...
شاور باذنه
:- ههههششش ولا كلمه تعاي وسحبه للغرفه الي طلعت منه .. دفعه على السريره وفتح الضوه
:-ي ييحى؟؟؟؟؟
ما يحجي ويباوع اله بنظرات تخوف حيل والكدمات الي على وجه ضايفه اله رهبة ...
علياء:- لي ليش اتباوعلي هيج .. شكووو
هز راسه بطريقه اتخوف اكثر
:- شنو الي بينج وبين قصي
:-وانت شعليك
خزره بنظره خلته اتكول الاول والتالي
:- قق قصي اخو زوج الحجيه
الي لكتني ع عع عطف عليه و جابني لهنا لا تاجر ولا شي
:-ما سالت منو هو
شنو الي بينكم
سكتت
اتقرب منه ولوة ذراعه خلف ضهرهه
:- اه اه والله ما بينه شي هو كا كال يريد يزوجني بس انه كتله مزوجه واريد اطلك
:-هااا بس هيج
:- و والله ورح ابوي هد.ايدي حموت ....اااه
:-ما مقتنع
:- ااااه اه يحيى حموت ايدي
:-هو انت شفتي شي .....اليوم قتلج على ايدي

ودفعه على سريره مره ثانيه......

ضلت ترجع للخلف من راح يسد بالغرفه واتكورت على نفسه بطريقه مشفقه .. وتبجي خوفا من تهورة كان واحد ثاني .. كعدت تبجي وتبجي وصوته وصل لمسامعه ... دار وجه عليه لكاهه اضعف بهواي من الي جان يريد يسوي بيه وهو هم اضعف منه امام ادموعه بعد بهواي ...
وكف كدامه ... ومابدر منه شي .....
علت صوته وباوعتله وتبتعد عنه خوفا من القادم ....
غمض اعيونه.............يحيى

اُصبت بلعنهٍ
من تلك الجميله الفاتنه
تجاهل ......،،،، وعصيان
وانا الشرقي
كيف السببل ...،،،،،،لوصلها ...

كعد.يمه .
:-كافي علياء
باوعتله جان وجه ختلطه بيه الدموع والكحل
:- ليش هاي الاذيه منج علياء
حطت اديه على وجهه ورجعت تبجي ماتدري على شنو بس كانه خلص راح وخسرته للأبد ياريته ما عاندت ولا حاربت لأسترجاع كرامته ذل الحبيب ولا بعده مكرمة ...!!!
حط ايده على متنه وهي ما صدكت وارتمت بحظنه لزمت قميصه بقوة وكملت نحيبه على صدره ....
ولكه يحيى نفسه بدل ما يقتله يحاول يرضيه!!!!!!
:-كافي كافي
وبده يضمه اكثر علي صدره حطه على قلبه
:-والله ما بينا شي يحيى واللله ما نسيتك ابد والله
كالته بصوته الباكي مع اهات وشهقات كوة كملته

:-انحشري اهنا انت مكانج اهنا يا غبيه ... وضمه اكثر على صدره من جهة قلبه ضل يحشر براسه وده ينفتح جسمه وتدخل هي داخله ويحتفظ بيه للابد ....ماتطلع ..
اشوي صوت البكاء راح ...بس بعده تشهق مثل الطفله ..
بهدوووء وبحنان
:-هش كافي
باس راسه ورجع حشره بصدره ....
مد رجليه وشاله كله حطه على رجليه وبقى راسه على صدره ....
:-يحيى لا تعوفني اني بدونك اضيع
ما رد عليه بالكلام بس زاده قرب اله لدرجه حست راح تدخل بيه ... هي هم ما اتخلت عن النعيم والعز الي هي بيه هسه وتخللت بيه بعدت القميص بفتح اول زارارة وحشرت راسه بيه تتنفس وتستنشق عبير ريحته ...
وهو يبوس بمقدمه راسه ..... بخفه ويربت على ضهرهه ..... وتحولت قبلاته على يمين راسه ونزل على اذنه

رفع راسه بديه بالقوة ابعده عن صدره وقبل رقبته بشغف وحلاوة و صعد لأذنه وهي مغمضه ماتصدر منه اي حركه ... فتحت اعيونه اتريد اشوفه وجهه وهو يقبله هالمرة .... كانه اول مرة اجربه معاه هو هم فتح اعيونه ... ماتدري ليش اجته ضحكه .... وكعدت تضحك بصوت
اشويه ابتعدت عنه وتضحك .. ...
ابتسم اله ..هو وين جاي وين صار .. خلع قميصه على جنب ورجعه كعده يمه ...
:- ابعد شعره عن وجه .... ...

ونيمه بلطلف على السرير ...

قبل لا يتقرب اله
:-بردانه
:-اني ادفيج
ونام تقريبا عليه ... وضل يقبل بيه وبين صوت تأوهاته
:- و و سهير
بعد.راسه اشويه ..
:-طلقته
ورجع
هم.قاطتعه
:- اشوكت
رجع راسه نيمه ... وبده ينزل لجسمه يقبل بيه
:-من سنوات
حاولت اتكوم بس هو متحكم عليه
:- بس ملابسه ماليه كنتورك.خوش ملطكه وليش محتفظه بيهن؟

كالته بعصبيه ورعونه وهي ترعش ...
تركه و باوع اله .. حط اصبعه على شفاهه الترعش
:- ذني ملابسك.ياعمري
:-ش شنو اني حطيته ببقجه ومدري وين وديتهم من هجمت عليه مرتك
:- ماعندي مرة غيرج .. ملابسج لكيتهم جوة السرير وحتى بوجوده رجعتهم الج.
:-شنو ليش ل ليش هي عرفتك.مزوج وعافتك .. موو
سكت مو من رجوله ذكر الي صار وهو الي سهير اتوسلت بيه لا يطلق وطلقه
سكته حك لحيته وكال
:-علياء اتحبيني
:- سكتت
رجع نام
منو يحبني يجي يبوسني .
ضحكت مثل الطفله.... وراحت اله .......

.................
كام يبوس براسه بحب وشكر ك
.. من انتهى من اول لقاء حب بينهم ....وكأنه شكره على انه انهت على شكوكه
بعده نام الاثنين بحظن بعض
يتبع