رواية بحر الانتقام الفصل التاسع 9 - بقلم Lamiaa Ahmed

ممنوع نقل الروايه أو اقتباسها أو نسخها 🔥🔥

🥀لنبدأ الحماس 🔥🔥

حمزه _______ وصلنا لفين

لينا _______ لما روحت الملجأ

حمزه _____ اه ربنا كرمني أن روحت ملجأ كويس .وناس كويسه معظمهم كانت حكايتهم زيي بس انا كنت مدرك للأمر اكتر لما الممرضه اتكلمت معايا فهمتني وانا فهمت لاني صحيح كنت صغير بس بفهم كويس جدا ومستحيل انسي اي موقف حصل معايا ..

كنت في الملجأ دايما ساكت مكنش ليا تعامل مع حد نهائي كنت معني أصح طفل منطوي .

لينا _______ بس ازاي شخصيتك دلوقتي متقولش انك منطوي خالص

حمزه _______ مديره الملجأ كانت انسانه جدا عطوفه وحنينه عرضتني علي دكتور نفسي كان بياجي الملجأ علشان لو حد عنده مشكله يساعده .. هو اللي ساعدني اتفاعل مع المجتمع ومع اصدقائي ....

لينا ________ حد اتبناك وانت صغير

حمزه ________ وانا صغير لا انا كنت برفض رفض قاطع أن حد يتبناني واتكلمت مع المديره وطلبت منها ترفض أن حد يتبناني وبصراحه هي وقفت معايا جدا وكانت بتعارض لغايه ما تميت 18 سنه وكانت آخر سنه في ثانوي وقتها جبت مجموع عالي جدا يحقق حلمي وادخل طب .

لكن قابلتني مشكله كبيره اوي كان معاد خروجي من الملجأ ..حلمي اللي حلمت بيه انا وامي وبابا اني ابقي دكتور كله كدا هيطير في الفراغ ... هجيب مصاريف الكليه منين؟؟ كليه الطب محتاجه مصاريف كتيره ؟؟...

هعيش فين ؟؟ ودي كانت تحتها الف خط اني هعيش فين ؟؟ البيت اللي كنت عايش فيه مع عيلتي معرفش حتي عنوانه ومش هلاقيه موجود اكيد بعد السنين دي كلها ...

سألت المديره إذا كانت في الملف بتاعي عنوان ليا وفعلا كان موجود بعتت ناس تسال لقت أن الشقه اصلا والدي كان واخدها اجار يعيني مش ملكه ..

الدنيا اتقفلت معايا ولاول مره أشعر باليتم والوحده ..انا منستش اني يتيم لا كنت اول مره اتعرض لموقف زيي دا

اتفقت مع المديره أن هدور علي شغل بس ارجع الملجأ اعيش فيه يعني انام بس بليل في اي مكان ..
وهي وافقت ..

لفيت ولفيت ودورت في كل مكان عن شغل محدش قبل بيا ..لقيت نفسي جعان ممعيش فلوس مفيش مكان اروحله اكل منه ...واروح فين...الدنيا قفلت أبوابها في وشي . ..

لكن وقتها لقيت ناس كتير واقفه روحت ليهم وسالت عرفت انهم عمال يوميه يعني يقفو يستنو اي حد عايز عمال يشيلو رمال.. طوب.. اسمنت ..احجار اي حاجه

مكنش قدامي حل غير اني اقف معاهم وفعلا جت عربيه تحمل العمال جريت مع اللي بيجرو وركبت وانا مش عارف هروح علي فين واي هيحصلي ...

انا عمري ما انسي اليوم دا يا لينا عمري ما أنساه بعد ما روحت مع الناس كان هنشتغل في ڤلة كانت بتتبني

بعد ما شيلت معاهم ادوات البناء وكل حاجه كنت بشتغل وانا التعب فاض بيا اول مره يحصلي حاجه زيي دي

اول مره أشيل كل دا من طوب بناء ل رمال .. جه وقت أن تاخد فلوس تعبك وشقاك طول اليوم ...

وقفت معاهم في الصف وكان قدامي واحد سبق وتتكلم معايا قبل كدا واحنا بنشتغل..جه دور الراجل دا واتفاجأت من اللي بيقوله .....

لينا بتأثر ______ سكت ليه كمل

حمزه بالم لتذكره الموقف ______ ثواني وراجع

اومئت له وتابعته إلي أن دخل الي المرحاض ...

كان حمزه يغسل وجهه من فرط الأحداث التي تذكرها ... ليخرج وهو يجفف وجهه ..

حمزه ______ تشربي نسكافيه ولا قهوه

لينا _______ نسكافيه

حمزه وهو يُعد النسكافيه _____ قال للشخص اللي كان بيوزع الفلوس أن انا معاه وحسابنا مع بعض وقتها انا مهتمتش اوي انا فكرت أنه هيشغلني معاه بعد كدا

لينا ______ امال اي اللي حصل

حمزه ________ اتفضلي

لينا بمزاح ________ اوعي تكون حاطت فيه كاتشب ولا ملح

حمزه بابتسامه _______ لا متخافيش ..... اللي حصل أنه نصب عليا بعد ما طلعنا بره قولتله عايز فلوسي قالي العب بعيد كلمه مني وعشره منه كان هيضربني بس انا مستحيل اخلي حد يمد أيده عليا بعدت عنه وهو مشي

وقتها خلاص كنت هموت من الجوع والتعب النفسي قبل الجسدي ..فضلت ماشي مش عارف رايح فين ... لغايه ما قعدت علي الرصيف مش قادر اتحرك  اكمل وادور علي شغل أو ارجع الملجأ ..

فضلت مستني علي الرصيف كان الوقت خلاص مقارب علي المغرب وكانت الدنيا شتاء ..ووقتها الدنيا بدأت تمطر ....

افتكرت ماما لما كانت تعملي شيكولاته ساخنه لما الدنيا تمطر .... وافتكرت بابا وهو داخل بسرعه من بره بعد ما رجع من الشغل وماما تلحقه بالشربه والعشاء الساخن كنا نتلم كلنا علي السفره في دفئ وحنيه ..... افتكرت لما كنا نتخانق انا ومروان علي اللي يقعد جنب بابا ...

حسيت أن انا منبوز انا السبب في موتهم كرهت نفسي أضعاف محستش غير وانا بعيط وحسيت أن السما كمان بتشاركني البكاء

محستش غير علي عربيه وقفت قدامي رفعت عيني ابصلها لقيت أعظم حاجه حصلت ليا ولولاهم مكنتش بقيت حمزه الدكتور المحترم الاجتماعي اللي بيهزر مع كل الناس ...

🥀🥀
كانت تقف خلفه وهو يضع ربطه عنقه ويربطها بتركيز وأحكام ....

وتين _______ انا كنت عايزه انا كنت انا

جاسر _______ متتكلمي علي طول من غير تعيدي الكلام

وتين _______ كنت عايزه اقولك هو انا مش هقدم في الجامعه

جاسر بتذكر _______اه طبعا انا نسيت كويس فكرتيني عايزه تدخلي اي

وتين ______انا _عايزه اتعلم لغات تانيه مثلا روسي الماني بريطاني

جاسر ______ اشمعنا يعني

وتين ______ مش عارفه

جاسر _______يعني عايزه تدخلي السن

وتين _______ لو ينفع

جاسر _______ هشوف واقولك بس مفيش حاجه تانيه

وتين _______ لو منفعش دي عايزه ادخل كليه خاصه بالعلوم

جاسر. ______تمام هبلغك بليل لما ارجع

وتين _______ ماشي

اقترب مختطفا قبله من خدها وتوجه خارجا ولكن وقف عند الباب

جاسر ______ وتين

وتين بخجل ______ نعم

جاسر _______ مبتلبسيش الحجات اللي جوه دي ليه

وتين باستغراب _______ حجات اي

جاسر غامزا _______ اللي في الصف الشمال... عايز اشوفك بواحد لما ارجع سلام

دخلت وتين الي غرفه الملابس لتري ولكن شهقت بخجل وكسوف فهذا الجانب الذي يتحدث عنه خاص بملابس النوم التي اشتراها تحت خجلها____ يا لهوي البس دا ازاي يعني قدامه لا لا بس ممكن يزعل ويتعصب عليا وانا مصدقت أنه بقي يعاملني كويس

يوووه بقي انا هنام شويه وارجع افكر تاني ...

.....؟......؟....

عليا وهي تتحدث في الهاتف _______ يعني أنا هعمل يا حبيبي انا عملت اللي انت قولتلي عليه لكن حوار الوصيه اللي ظهر دا هو اللي اخر الدنيا نصبر شويه

&&&& حبيبتي انت كدا المشروع هيطير من ايدي ولازم نبني مستقبلنا علشان نتجوز

عليا _______يعني اعمل اي انا قولتلك اللي حصل

&&&& ليه ميكونش جاسر دا بيضحك عليك ومش هيديك فلوس

عليا ________ لا هو ميعملش كدا

&&&& وانتي تعرفي منين دا تلاقيه بيكرهك هو وأمه

عليا ______ بس هيديني حقي حتي لو بيكرهني

_&&&& والله انا حذرتك بس انتي لازم تاخدي حقك مش كفايه كنتي محبوسه بعيد عن والدك السنين دي كلها بسببهم انتي لازم تتصرفي وتدوقيهم من العذاب اللي كنتي عايشه فيه ..

عليا بانصياع _______ يعني اعمل اي

&&& بخبث وفحيح اقولك يا بيبي

🥀🥀🥀

حوريه ______ مش هتفطر يا جاسر

جاسر _______ لا مستعجل عندي شغل افطري مع وتين

حوريه _______ ماشي في رعايه الله يا حبيبي

تناولت حوريه فطورها وانتظرت وتين كثيرا ولم تنزل لتقرر الصعود إليها ..كما أن يدها تحسنت كثيرا بفعل الجلسات الطبيعيه وتستطيع تحريكها ولكن بشكل بسيط .....

فتحت الباب بعد أن تعبت من عدم الرد ..لتجد وتين نايمه بهدوء ...

حوريه ______ وتين توتا وتين

وتين ______ اممم صباح الخير يا ماما

حوريه _______ صباح النور بت حبيبتي اي منزلتيش ليه

وتين _______ كنت نعسانه منمتش كويس بسبب اللي حصل امبارح

حوريه _______ معلش هههههههه خلاص كملي نوم مش هتاكلي

وتين _______ لا انا خلاص مش عايزه انام تاني

حوريه ______ ماشي انا نازله اشوف هنحضر اي علي الغدا

وتين ______ ماشي هاخد شاور واحصلك

حوريه _______ براحتك باي اشوف اللي مختفيه لا صوت ولا خبر من امبارح

وتين ______" عليا

حوريه _______ ايوه مش عارفه البت دي مش مرتحالها

وتين _______ليه يعني

حوريه &______ مش عارفه عامله ناصحه ولا هي عقربه زيي امها

وتين ______ وانتي شوفتي امها فين بس

حوريه ______ ايوه عقربه خطفت جوزي مني

وتين ______ معاكي حق بس هي مزنبهاش حاجه ويتيمه مشفتش مامتها

حوريه _______ مش عارفه بقي يا وتين

وتين _______ بصي حاولي تقربي منها وشوفي

حوريه ________ ماشي هحاول

🥀🥀🥀

حمزه ________العربيه كان فيها واحد ومراته وابنهم
كان دكتور محمود وزوجته ومحمد .... سألني قاعد كدا ليه والدنيا بتمطر مينفعش اقعد كدا وقتها مكنتش عارف اتكلم من كتر التعب والشهقات والعياط كنت في حاله هيستيريا

محستش بنفسي غير وحد بيفوقني ..بصيت حوليا لقيت الناس اللي شوفتهم قبل ما يغمي عليا بيكلموني .وكمان في بيتهم وفي محلول معلق ليا بعد ما خلص انا كنت همشي لكن رفضو ودكتور محمود اثر عليا اقعد معاهم لغايه ما النهار يطلع ...

بعدها بداو يسألوني عن حكايتي وحكتلهم حكايتي زيي ما حكتهالك كدا يا لينا

لينا ________ يعني هما ساعودك تحقق حلمك

حمزه بابتسامه محبه لذكرهم ______ ايوه تاني يوم خدني دكتور محمود وروحنا الملجا اخد اوراقي من هناك واتبناني وانا كبير لكن بدون اوراق ... خدوني عشت معاهم في بيتهم .. والست الطيبه امي خديجه اهتمت فيا زيي محمد بالظبط الي اتضح أنه سنه من سني بالظبط

قدمنا احنا الاتنين طب مع بعض ودرسنا مع بعض وكل حاجه حتي لما اتخرجنا اشتغلنا هنا مع بعض ..حقيقي انا لو عشت عمري كله مش هقدر اوفي باللي عملوه معايا انا مديون ليهم بجميل كبير اوي ..

لينا _______ وهل انت عايش معاهم لدلوقتي

حمزه _______ لا انا قبل سنه كدا استقليت بشقه خاصه بيا وبزورهم من وقت للتاني حتي لسه جاي من هناك
بس هي دي حكايتي

لينا ________ حمزه انت انا مش عارفه اقول اي انت عيشت حياه صعبه جدا انا لو منك مكنتش استمريت ساعه واحده بعد موت اعز الناس لقلبي ..انت بطل شجاع جدا ..بعد كل اللي حصلك .كان عندك اراده انك تحقق حلمك وحلم والديك حقيقي انا عمري ما قابلت شخص مكافح زيك كدا انا سعيده جدا أن اعترفت عليك

حمزه بهزار مغيرا مجرب الحديث _______ انا كدا هتغرر خدي في بالك ومش هتعرفي تكلميني بعد كدا غير بمعاد هههههههه

لينا ________ هههههههههه اتغر براحتك ياعم

قاطع حديثهم  رنين هاتف لينا وكانت والدتها

:- طب انا بقي همشي اتأخرت

حمزه _______ ماشي 

لينا ________ باي

حمزه _______ مع السلامه .. لينا

لينا _بهزار_______ نعم ..قول انك مش قادر علي بعدي قول

حمزه ________ غوري يا بت كنت بنادي عليك نسيتي دفترك

لينا ________ يا كسفتك يا لينا هات يا اخويا هات

حمزه _______ خدي يا اختي

بقلمي ❤️ لمياء احمد ❤️

🥀🥀

مساءا ....

عليا _______ فين الصوره اللي قولتي عليها

حوريه _______ خدي الصوره اهي وريني مامتك

عليا ________ انتو محظوظين اوي كنتم عايشين معاه لكن انا مشوفتش ل امي ولا عيشت مع ابويا

نظرت حوريه إلي الصوره بعيون متوسعه لا تصدق ما تراه
::___ انتي بتهذري انتي متاكده أن دي مامتك

عليا ________ ايوه انا هكدب عليك ليه يعني

اخذت حوريه تضحك عاليا وكثيرا ثم ما لبست أن بدأت في الصراخ الهيستيري وقفت وأخذت تحطم كل الذي تراه أمامها من تحف زجاجيه ...

كان جاسر يدخل لتوه من باب القصر سمع اصوات التكسير ذهب مسرعا الي مصدر الصوت وتفاجئ من شكل والدته الغاضب ..

جاسر _______ ماما اهدي في اي ..انتي قولتيلها اي

عليا _______ مقولتش حاجه هي أول ما شافت مامتي ضحكت ورجعت بدأت تكسر في كل اللي تشوفه

جاسر مقتربا من والدته محتضنا ايها ليسيطر علي حاله الهستيريا التي تلبستها _______ اهدي اهدي كنا كويسن واتفقنا مش هنفكر في حاجه

ارتمت بين زراعي جاسر تبكي بعنف فوق صدره تشكي له ما يجيش في صدرها دون كلام ...

جاسر بصوت عالي ل عليا ________ اطلعي اوضتك

تحركت مسرعه من امامه....  أما وتين نزلت درجات السلم مسرعه عندما سمعت أصوات التكسير ...

وتين بخضه _______ في اي

لم يرد عليها أحد ..جاسر يضم والدته التي بدأت شهقاتها تهدئ من حدتها ....

جلست أرضا بجوارهم ودموعها هي الأخري تنزل بصمت حزنا علي هذه السيده التي اعتبرتها كوالدتها

حوريه بصوت متحشرج من البكاء _____ تعرف كان متجوز مين يا جاسر

جاسر _______ يا امي ليه تعملي في نفسك كدا خلاص انسي بقي

حوريه دون استماع ________ كان متجوز صاحبتي الوحيده يا جاااسر ااااااه متجوز صاحبتي عشره عمري ااااه يوم وفاتها متذكره انه عمل كل اجراءات الوفاه وكان زعلان علي زعلي طلع كان زعلان علي فراق مراته التانيه ااااااااه جاسر انا حسه أن هيجرالي حاجه حاسه بصداع اوي في دماغي

جاسر بخوف ______ وتين هاتي ميه أو عصير بسرعه

وتين بخوف هي الأخري نهضت مسرعه ____ حاضر

جاسر _______ اهدي ابوس ايدك اهدي ميستهلوش اللي انتي بتعمله دا ميستهلوش

حوريه _______ انا عملت اي عملت اي علشان يخدعوني بالشكل دا ليه يخونوني كدا ليه دا جزاتي

وتين أحضرت عصير ليمون _______ اتفضلي يا ماما اشربي

امسكه منه جاسر _______ علشان خاطري اشربي هما ماتو خلاص ربنا هيحاسبهم متهتميش بحد

تناولته حوريه وهدئت من نوبتها ______ معاك حق محدش يستاهل ... قومني يا جاسر عايزه انام عايزه هدوء

ساعدها جاسر علي الوقوف جاء ليحملها رفضت ... سار معها إلي جناحها ساعدها علي الاستلقاء وقبل يدها

جاسر _______ خدتي دواكي

حوريه ________ ايوه الحمد لله

وتين _______ محتاجه حاجه اعملها

حوريه _______ لا يا حبيبتي يلا روحو جناحكم

جاسر. ______ تصبحي علي خير

حوريه _______ وانت من اهل الخير رب يصلح حالك يا جاسر يا ابني

.....

دخل جاسر الي جناحه وخلفه وتين ... اخذ شاور سريع وخرج متوجها الي الشرفه شاردا وبيده السيجارة..

أما وتين دخلت الي غرفه الملابس وأخذت تكلم نفسها مره اخري ... .. دا شفاف اوي ليه كدا طب كان يجيب حاجه محتشمه شويه .. مفيش غير دا علي الأقل مش شفاف ...

ارتدت ثوب من الدانتيل أحد ملابس النوم .. يصل الي ركبتيها وفتحه علي جانبيه تصل إلي بدايه فخذيها ذو حمالات رفيعه ..لونه احمر ... ووضعت روج شفايف بنفس اللون الاحمر الجريئ ...تاركه لشعرها العنان ....

وتين بخجل وكسوف ______ يا لهوي هطلع كدا ازاي قدامه__ اهدي يا وتين اهدي مفيش حاجه دا جوزك عادي
يلا واحد اتنين تلاته ...

خرجت ببطئ وجدته يعطي لها ظهره ويقف في الشرفه يدخن ... ... الحمد لله اجري بسرعه بقي استخبي تحت الغطاء ..

ولكن وقفت مكانها دون حركه بسبب صوت صفيره يبدو أنه سمع همسها ...

جاسر بإعجاب دخل واغلق الشرفه ودخل وهو يتفحصها بدايه من قدميها العاريه حتي شفتيها المطليه بالون الاحمر ....اقترب منها بتمهل ثم وضع يده فوق خصرها ويده الأخري امتدت لترجع خصلاتها للخلف ..

جاسر بإعجاب ورغبه ______ اي الحلاوه دي

تلونت خديها باللون الاحمر ولم تستطع الرد ...

جاسر وهو يسير بإصبعه ممررا إياها علي طول عنقها وخدها __كانت تغمض عينيها والخجل يكسوها لا تستطيع
النظر إليه ...

مال برأسه اتجاه شفتيها والصق شفتيه بخاصتها يقبلها بهدوء وتروي ليتحول الي عمق ونهم ...ابتعد لتلتقت أنفاسها وعاود تقبيلها من جديد ... ويده امتدت الي جسدها ... حملها بين يديه وتوجهه الي الفراش ..

سطحها ببطئ وهو مازال يقبل شفتيها متزوقا رحيقهما بعمق ... اتخذت قبلاته منحني الي رقبتها يضع علاماته عليها .... ابتسم وهو يقبلها عندما وجد أن علاماته السابقه لم تختفي بعد ....

لياخذها الي عالمه الخاص وتصمت شهرزاد عن الكلام غير المباح .....🙈

🥀🥀🥀

حمزه _______ ممكن ادخل

د محمود _______ تعالي يا حمزه انت دخلت اصلا

حمزه _______ هههههههه

د محمود _______ محتاج حاجه ولا اي

حمزه _______ لا انا يعني كنت عايز اشوفك بس

د محمود _______ تعالي يا عم اقعد معايا حتي استخبي هنا في مره من المرات

حمزه _______ هههههههههههه انت بقي بتراقبني وانت قاعد وانا اقول بيشتغل

د محمود _________ ههههههههه المستشفي كلها عارفه انت بتعمل اي يا حمزه

حمزه _______ هو انا مفقوس اوي كدا

محمود _______ جدا وبالأخص بقي الانسه الي انت بتخرج معاها

حمزه بخجل _______ حتي دي عارفها

محمود _______ المستشفي كلها عارفه انت عايز موضوع زيي دا سوسن تعرفه ومتقولش عليه

حمزه _______ يعني ضحكت عليا وقالتلي مش هقول لحد واجبلها ساندوتشات كل يوم لا بقي لا بقي انا لازم اخد حقي من الوليه دي

محمود ________ ههههههههه يا ابني اعقل شويه

حمزه ________ ابدا دا المفتريه بتاكل ساندوتشاتي كمان لو اتأخرت والله منا سايبك يا سوسن

قالها وخرج متوجها لها تحت تعجب ويأس محمود منه ....

🥀🥀

لينا وهي تتحدث مع صديقتها وتبكي ....

لينا ______ انا حاسه ان بخدعه

&&& خداع اي بس انتي معملتيش حاجه يعني لدا كله

لينا _______ بس انا كدا بستغفله وهو ميعرفش

$$$$$ هو رضي أنه يقولك يبقي عادي موافق

لينا _____ انا لازم اتكلم معاه وبكرا هتكلم معاه

&&&& لينا انتي حره اللي تعرفيه اعمليه

لينا _______ ماشي سلام

🥀🥀🥀🥀

في اليوم التالي ....

كان جاسر يعدل من أكمام قميصه وينثر من عطره ... فتحت وتين عينيها بكسل رفعت جزئها العلوي قليلا لتري جاسر بهيئته التي تخطف الأنفاس والانظار ..وعطره الرجولي الذي يتناثر في أنحاء الجناح برائحته القويه ..

التفت القي عليها نظره ______ صباح الخير

وتين بخجل _______ صباح النور

جاسر _______ اه صحيح مجتش فرصه اتكلم امبارح انتي قبلتي كليه علاج طبيعي

وتين _______ بجد

جاسر _______ اممم اقدم الورق ولا عايزه حاجه تانيه

وتين _______ لا تمام ماشي موافقه

جاسر _______ تمام عايزه حاجه

وتين _______ لا سلامتك

جاسر _______ سلام

وقفت وتين وتوجهت الي المرحاض لتأخذ شاور منعش ...ثم نزلت لتناول الفطور مع حوريه التي تغيرت عن أمس كثيرا وعادت كما هي حوريه ...

وتين _______ عامله اي

حوريه ________ الحمد لله بصي ايدي بحركها ازاي

وتين ________ الحمد لله عارفه جاسر هيقدملي في كليه علاج طبيعي ..

حوريه _______ بجد الف مبروك يا حبيبتي وربنا يوفقك يارب

وتين _______ امين ...هنعمل اي بقي انهارده

حوريه _______ تيجي نخرج

وتين ________ هو ينفع

حوريه ________ ايوه طبعا روحي البسي هكلم السواق نخرج نروح النادي شويه

وتين بسعاده ________ ماشي ثواني واكون هنا ...

كانت تتابعهم بخبث من الاعلي لتقرر تنفيذ خطتها ....
إن لم تحصل علي هذه السعاده التي حرمت منها لسنوات طويله فلن تدع أحد يتهني بها ...  

🔥🔥🔥
خلص الفصل 🔥

رئيكم في الأحداث ؟

متنسوش التصويت ⭐ اضغطوا علي النجمه أسفل الفصل 🤗👇

ومتابعه لطيفه تزود الدعم 👇
Lamiaa_Ahmed

بقلمي ❤️ لمياء احمد ❤️