رواية بحر الانتقام الفصل العاشر 10 - بقلم Lamiaa Ahmed

صلّو على من تدخِلون بشفاعته دَار السلام ،،صلو على من جلس علي رگبتيه يواسي طفلا مات عصفوره ... صلو على من ينادي يوم القيامه "أمتي ..أمتي" ... اللهم صل وسلم وبارك على نبينا وحبيبنا وشفيعنا محمد.❤️❤️❤️
🥀🥀🥀🥀❤️❤️❤️

حمزه وهو يخانق في سوسن ,,,,,

حمزه ______انتي وليه رغايه

محمد _______ يا ابني وحد الله اهدي

سوسن _______ الله يسمحك يا دكتور حمزه مكانتش كلمتين قولتهم

حمزه لمحمد الذي يمسكه ______ امسكني كويس

محمد ______ طيب اشتغل انت بس

حمزه ________ والله يا سوسن يا رغايه ما جايبلك ساندوتشات تاني بس

سوسن _______ ليه يعني وانا كنت عملت اي لدا كله

حمزه _______ سيبني عليها الوليه دي

محمد بخفوت _______ هسيبك بجد

حمزه بخفوت له ________ امسكني كويس بس تسيب اي دا ممكن تديني خبطه تجيبلي ارتجاج في المخ

سوسن _______ بتقول اي

حمزه ________ بقول مش هعمل عقلي بعقلك بس عقاب ليك مش هجيبلك ساندوتشات بطاطس تاني  ... يلا يا محمد

محمد _______ هو بس كدا

حمزه وهو يضع يده حول كتف محمد _______ اه يلا يا حبيبي نشوف شغلنا وهي خليها قاعده كدا هااا 😝

محمد وهو يقلد حمزه  ________ يعني جايبني ويلا بسرعه انا رايح اخانق حياه او موت وامسكني كويس اوعي تسيبني احسن اتهور وفي الاخر هي دي الخناقه

حمزه ________ انا كنت بخوفها بس ..دي لو خبطتني خبطه بقولك تجيبلي ارتجاج في المخ نهار اسود ولا لو زاحتني علي الارض والله يجيبلي انكسار في العمود الفقري

محمد وهو يضحك _______ هههههههههههه والله معاك حق ... انا هروح اروح بقي

حمزه ________ وانا يلا هخرج انا ولينا

محمد _______.تعمل اي يا اخويا

حمزه _______ أخرج انا ولينا

محمد غامزا ________ اي الحكايه بالظبط اوعي يكون كلام سوسن صح

حمزه بشك_______ هي قالت اي

محمد _______ قالت حمزه وقع علي بوزه وحب المريضه اللي كانت عنده

حمزه _______ انت متأكد انها قالت بوزه دي

محمد _______ قولي بقي اي الحكايه دا انا اخوك حبيبك

حمزه بابتسامه ______ ومش هقول لحد

محمد _______ بصراحه يا حمزه هو مفيش حد لسه ميعرفش

حمزه _______ هو اي دا هو انا مفضوح اوي كدا

محمد _______ جدا هههههههه

حمزه _______ طب يلا وصلني كافيه حلو وانا اقولك في الطريق اي الحكايه

محمد _______ يلا يا باشا وبعدين فين عربيتك

حمزه _______ هو انا مقولتلكش

محمد _______ لا مقولتليش

حمزه ________ العجل نايم وقولت حرام اصحيه سايبها في الجراش

محمد _______ امشي يا آخره صبري ياريتني ما سالت

حمزه _______ صحيح هتعمل فرحك امتي

محمد _______ فرحي هو بقي فيها فرح

حمزه ______ ليه مش متفقين أنه الايام دي

محمد _______ الاستاذ ابوها مش موافق قال اي سنه كمان

حمزه _______ سيب الموضوع دا عليا وحط في بطنك بطيخه

محمد بشك  _______ هتعمل اي

حمزه _______ هكلم حماك وأقنعه

محمد _______ ياسلام

حمزه ______ عندك شك بقدراتي

محمد _______ يا خوفي منك

حمزه ________ خلاص علي بركه الله غير طريقي لحماك وسبني معاه وانت روح وهتصل بيك بليل اقولك معاد الفرح

محمد بتحذير _______ والله يا حمزه أن طلع مقلب منك

حمزه ______ ههههههههه والله بجد مفيش مقالب انا ساكت اهو بقالي فتره عملت حاجه

محمد _______ اقسم بالله اخر مقلب كان هيجيبلي جلطه منك

حمزه بابتسامه بشوشه_______تعيش وتاخد غيرها هههههههه

🥀🥀🥀

وتين بشك  _______  ماما انتي كويسه

حوريه _______ الحمد لله كويسه

وتين ________ لا مش حاسه

حوريه _________ صدقيني انا كويسه ميستهلوش ازعل عليهم اكتر من كدا هي بس الصدمه كانت قويه بالنسبالي وخلاص الموقف دا علمني درس كبير اوي هو شويه كان قاسي لكن اتعلمته كويس اوي يا وتين

وتين _______ اللي هو اي

حوريه _______ مديش لحد الثقه العمياء اوي كدا ..انتي مفكره اني انهار زيي امبارح لا ميستهلوش دمعه من عيني

تعرفي علي قد الحب اللي حبيته ل حامد كرهته لدرجه مش قادره اسمع اسمه انا بس الصدمه كانت كبيره اوي اوي اوي والحمد لله عدت علي خير

وتين _______ الحمد لله

حوريه ________ انا اكتشفت حاجه كبيره اوي يا وتين عارفه احنا لما نشتم حد بنقوله يا كلب ولما نمدح في حد نقوله انت اسد ..مع أن الكلب عنده وفاء عن الأسد

الاسد لو جاع بياكلك إنما الكلب يضحي بعمره علشان يتقذك ...

وتين _______ معاكي حق والله

حوريه _______ لو جاهزه يلا نمشي

وتين ________ وجاسر

حوريه ________ مش هيقول حاجه يلا نروح النادي شويه وانا كنت محتاجه كام حاجه كدا نعدي نشتريه

وتين _________ ماشي انا جاهزه

حوريه _______ يلا قبل دكتوره الجلسات تاجي

وتين _______ تمام

.؟...؟...

عليا _________ مفيش حد في البيت اعمل اي بقي

&&& حاولي تدخلي مكتب جاسر وتدوري علي اي أوراق مهمه

عليا _______ وبعدين

&&&& خليها معاك ..وتعرفي اي معلومات عن مراته

عليا ________ اوك ودا ليه

&&&& من كلامك واضح أنه مبسوط معاها احنا نخليه يكرهها بالبطيئ

عليا بانتقام_______تمام اوي ... أمه معتقدش انها تنفع خدت صدمتين حلوين واللي عرفته أن أيدها اتشلت لما عرفت بيا

&&&& كفايه عليها كدا كدا ملهاش لازمه

عليا _______ سلام قبل ما يرجعو

&&&& سلام يا بيبي هستناك بليل عايز اشوفك وحشتيني

عليا _______ اوك يا بيبي .هفتح الفيديو علي الساعه 11

&&&& ماشي يا قلبي سلام ومحضرلك مفاجاه بس مش دلوقتي

عليا _______ I love you  so much 

&&& وانا كمان باي

..
تسحبت ببطئ إلي أن دخلت مكتب جاسر وجدت كل شئ بدقه وترتيب فائق .. بحثت عن اي أوراق لم تجد شئ نفخت في غضب ولكن لمحت أحد الإدراج مفتوح قليلا
يبدو أن جاسر نسي أن يغلقه ... وجدت ملف باللون الاسود يوضع بدقه وترتيب أخذته سريعا وخبئته بملابسها

وخرجت مسرعه عندما سمعت صوت سياره جاسر في الخارج ....

صعدت الي غرفتها وقامت بتخبأه الملف جيدا ... ثم نزلت إلي الأسفل مره اخري محاوله أن تتمالك بهدوء ....

دخل جاسر يبحث عن الملف فقد جاء من أجله أخذ يبحث عنه لم يجده ______ ثناااااااء

حضرت الخادمه مسرعه _______ ايوه يا جاسر بيه

جاسر _______ حد دخل مكتبي وانا مش موجود

&&&& لا يا فندم محدش دخل

جاسر ________ تمام هاتيلي قهوه في جناحي فوق امي فين

&&&& حوريه هانم ووتين هانم خرجو

جاسر. باستغراب ________ خرجوا فين

&&&&& معنديش فكره هما خرجوا من بدري بقالهم ساعتين

جاسر_______ تمام روحي انتي

صعد جاسر الي جناحه بعد أن القي نظره علي عليا التي تجلس وبيدها أحدي المجلات .. ابدل ملابسه بملابس مريحه للمنزل .. ووقف في الشرفه يدخن طرقت الخادمه علي الباب ليسمح لها بالدخول وضعت القهوه وغادرت ...

كان يقف شاردا يحاول تذكر اين وضع الملف ولكن رجح أنه تركه في أحدي شركاته ... اخذ ينتظر عوده والدته ووتين ما يقرب اربع ساعات كان يعمل بهم علي حاسوبه

ليلمح اخيرا وكان الوقت مقارب علي الثامنه مساءا سيارتهم تدخل من بوابه القصر الشاهقه....

.....

حوريه بابتسامه بشوشه________ أما كان يوم جميل بشكل

وتين بسعاده ______ جدا انا استمتعت كتير اوي

حوريه ________ احنا هنخرج كتير بقي انا حبيت الخروج معاكي هههههههه

وتين ________ هههههههه وانا جدا اول مره اشوف الحجات دي

حوريه _______ هنشوفها كتير ...ثناااء

&&& ايوه يا هانم ..

حوريه ________ خدي الشنط دي طلعهالي  جناحي

&&&& حاضر يا هانم

حوريه ________ وشنط وتين كمان

&&&& حاضر حاجه تانيه احضر العشا

حوريه _______ لا اكلنا بره

وتين وهي تجلس بارهاق علي الاريكه______ هو جاسر هياجي امتي

حوريه ________ مش عارفه انا عطله انام تعبانه جدا

وتين ________ وانا كمان

،،،،

دخلت وتين الي جناحها بهدوء اتجهت الي غرفه الملابس بدأت تبدل ملابسها لترتدي منامه قطنيه تصل إلي فخذيها

خرجت الي الخارج متوجهه الي السرير ولكن شهقت بخضه من صوت جاسر

جاسر________ اهلا بالهانم ما لسه بدري

وتين بابتسامه ________جاسر انت جيت امتي اقصد حمدالله على سلامتك

جاسر باستهزاء ________ يعني من الساعه تلاته

ابتسمت بتوتر لطريقه حديثه ... خرج من الشرفه بغضب بعد أن ترك حاسوبه واطفي سيجارته ....

جاسر ________ كنتي فين

وتين ______ كنت مع ماما حوريه

جاسر _______ فين

وتين ________ خرجنا و شرينا حجات هي كانت محتجاها وانا شريت الوان وأوراق ليا

جاسر امسك يدها بقسوه _______ وبتخرجي من غير متعرفيني ليه

وتين _______ اه ماما حوريه قالتلي انت مش هقول حاجه

جاسر بغضب وعصبيه _______ مش هقول حاجه لما تقوليلي لكن تخرجي من غير إذني ومن غير معرف

ترك زراعها وأمسك بشعرها البني بين يديه بقسوه _____ مش مالي عينك انا انطقي مش شيفاني راجل

وتين بعياط ______ اااااه مش هعمل كدا تاني

جاسر  بغضب وصراخ_______ قسما بالله متخرجي بره القصر بدون علمي يا وتين هتشوفي وش غير اللي تعرفيه فاهمه

وتين ______ فاهمه فاهمه

تركها بعنف لتضع يدها مكان قبضته بالم وجلست تبكي ....

أما جاسر خرج متوجها الي جناح والدته ...

حوريه ______ ادخل

جاسر _______ عامله اي انهارده

حوريه _______ الحمد لله بأفضل حال

جاسر ________ مقولتيش ليه انكم خارجين

حوريه _______ عادي ضربت في دماغي نخرج انت جيت امتي

جاسر ______ من بدري علي الغدا

حوريه _______ وما اتصلتش ليه كنا جينا اتغدينا معاك أو انت تيجي تتغدا معانا اصل اتغدينا بره

جاسر ______ اممم ومالو .. خدتي دواكي

حوريه _______ اه خدتو مش عارفه لما اخده بنام ليه

جاسر _______ هبقي اتصل بالدكتور بقالك اكتر من شهر
مراجعتيش معاه

حوريه _______ ماشي تصبح على خير

جاسر _______ وانتي من اهل الخير

......
خرج راجعا الي جناحه وجدها تنام وتففتح عينيها تنظر إلي السقف بشرود

اغلق الاضاءه وتوجه الي الفراش هو الآخر ... اجفلت علي حركته فقد كانت شارده كثيرا ... .. أغمضت عينيها مدعيه النوم ...

ولكنه رأها مسبقا عندما دخل ... اقترب منها ووضع يده فوق خصرها ليقربها إليه بوضع حميمي .،،انتفضت علي حركته لا إراديا ....

وضع رأسه في تجويف عنقها من الخلف يضع قبلات ببطئ 
وكعادتها تصنمت مكانها عندما يقترب منها ..
اخذ يوزع قبلاته إلي أن وصل إلي شفتيها قبلها برقه قبلات متفرقه وبدأ يتعمق أكثر واكثر ..ابتعد لتلتقط أنفاسها وعاود تقبيلها من جديد ويده تعرف طريقها جيدا نحو جسدها ولكن ما لبس  أن نهض صارخا بها

جاسر. ________ انا كل ما اقربلك تتخشبي كدا وتعيطي في اي

وتين بخوف منه ______ م مفيش حاجه

جاسر _______ افهم بتعيطي ليه وجسمك بيتشنج لما اقربلك  مش اول مره

وتين بدموع  ______ معرفش

جاسر _______ حاجه تقرف

تركها وغادر صافعا الباب خلفه بقوه ...... لتتكور حول نفسها تحتضن ذاتها بزراعيها كعادتها وأخذت الدموع مجراها علي خديها المحمرين ..لتشهق في البكاء ..هدئت شهقاتها ..لتغرق بعدها في نوم عميق مرهق....

أما جاسر دخل مكتبه لاحظ أحد الإدراج مفتوح قليلا .. فكر متي تركه مفتوح ليتذكر أنه وضع الملف به ولم يغلقه نهض متوجها الي الخارق الي الحرس

جاسر _______ مين دخل القصر بعد ما انا مشيت

&&&& مفيش حد خرج أو دخل غير الهانم الكبيره ومعاها الهانم الصغيره .

جاسر _______ حد تاني غيرهم

&&&&& لا يا فندم

جاسر _______ راجعولي الكاميرات دلوقتي فورا

&&&& أمرك يا بيه

دخل جاسر الي مكتبه مره اخري وهذه المره بحث جيدا بين أوراقه وفتح خزنته وبحث بها حتي ارفف الكتب المرصوصه بعنايه بحث بها ... تذكر دخول وتين الي هنا من الممكن أن وضعته بمكان اخر .. صعد إليها وجدها تغط في نوم عميق

جاسر لنفسه ... وبعدين راح فين الملف دا وبعدين أنا مراجعه امبارح والصفقه بعد أسبوع لازم يكون جاهز
ومتأكد اني مخرجتش بيه بره المكتب

تنهد بتعب من التفكير وجلس علي الفراش يستند بظهره الي الخلف نظر إلي التي تتكور حول نفسها كالجنين وشرد في النظر إليها لا يعلم الي متي بسبب إغلاقه لعينيه ونام هو الآخر .....

...،،،

حمزه ______ لا انا همشي بقي والله هتوحشني بس مشاغل والله مشاغل

&&&& ماشي يا ابني سلملي علي دكتور محمود

حمزه _______ من عنيا حاضر نتقابل بقي الشهر الجاي في الفرح أن شاء الله

&&&&& أن شاء الله

....

حمزه وهو يرن الجرس بشغب ....

خديجه _______ انا قولت أنه انت يا حمزه والله

حمزه بابتسامه بشوشه _______ ديجا الروح

خديجه _______ ادخل يا مضروب

حمزه _______ فين العريس عندنا فرح يا ديجا لولولولي

خديجه _______ هههههههههه يسمع منك ربنا

حمزه ________ والله ما بهزر فين محمد

محمد ________ هااا انا هنا عملت اي

حمزه _______ تديني كام واقول

محمد _______اللي انت عايزه

حمزه _______ طب افكر

محمد ________ ياض انا في قلق من وقت ما سيبتك انطق

خديجه وهي داخله المطبخ _______ حمزه متمشيش هحط الغدا

حمزه ________ والله ما ليا غيرك يا ست الكل

محمد وهو يجلس جوار محمد بقلق وتوجس _____ قول بقي عملت اي

حمزه _______ الفرح زيي النهارده الشعر الجاي

محمد _______ مش بتهزر

حمزه ________ اقسم بالله ما بهزر الفرح يوم واحد في الشهر الجديد ابسط بقي ياعم اي خدمه كنت عايز اقدملك كمان شويه بس الحج حماك قال لا علشان فاضلهم معرفش اي تجهيزات

محمد _______ اقسم بالله انت اجدع اخ في العالم

حمزه وهو يعدل من باقه قميصه ______ علشان تعرف قيمتي بس

محمد _______ دا انا عايز ابوسك دلوقت حالا

حمزه غامزا _______ لا يا اخويا روح بوس نهي ملكش دعوه بيا

محمد وهو يحتضنه _______ ربنا يخليك ليا يا حمزه

حمزه بحب ______ويخليك ليا

خديجه بحب _______ شكلكم حلو اوي عايزه حضن انا كمان

حمزه _______ خش في حضن اخوك يا فواز

خديجه _______هههههههههه يلا الغدا جاهز علي السفره عملاكم شويه محشي تأكلو صوابعكم بعدها

حمزه _______ يلا بينا هجوم علي المحشي

......

محمد _______ مش فاهم برضو

حمزه _______ يعني انت تاجي توصلني وتنفخلي عجل العربيه

محمد _______ تمام

حمزه ________ بعدها انا اجي اوصلك واروح اقابل لينا

محمد ________ ايوه وانا هروح اوصلك ازاي

حمزه ________ بعربيتك

محمد _______ وانت توصلني ب اي

حمزه _________ بعربيتك برضو

محمد ________ جبلي عقل يفهم لما انت هتصلح عربيتك هتوصلني بعربيتي تاني ازاي وهترجع تاني تاخد عربيتك من عند شقتك

حمزه ________ مش عارف

محمد _________ انت اللي دخلك طب ظلمك امشي قدامي ناخد تاكسي وترجع توصلني بعربيتك يا ناصح

حمزه ________ إذا كان كدا ماشي

محمد ________ يارب الصبر يارب

🥀🥀
لينا _______ انت عندك عربيه

حمزه ________ اه من زمان بس كانت بايظه ومكسل اصلحها

لينا _______ هنروح فين

حمزه _______ مكان حلو اوي وهادي علشان عايز اقولك حاجه مهمه

لينا ________ وانا كمان عايزه اقولك حاجه مهمه

ابتسم حمزه باتساع ...وأكمل طريقه ..

......

حمزه ________ تشربي اي

لينا ________ مش عايزه

حمزه ________ يا سلام امال انا عازمك ازاي

لينا _______ خلاص اي عصير

حمزه _______ ماشي ..كنتي عايزه تقولي اي

لينا _______ لا قول انت الاول

حمزه _______ بصي انتي تعرفي عني كل حاجه ومخبتش عليك صح

لينا _______ ايوه

حمزه _______ بصي انا مكنتش بفكر في الموضوع دة نهائي بس انا بقالي ايام بفكر فيه واتاكدت من حاجه علشان كدا كنت لازم اقولك .. مع مرور الوقت وانتي معايا بدأت انجذب ليك وأعجب بيك جدا بشخصيتك وانك بنت جميله لغايه ما اتاكدت ..

لينا انتي عارفه ان انا صريح ومحبش اللف ولا الدوران ..انا عايز اقولك أن انا ب..ح..ب..ك بحبك

نظرت له باندهاش تام لم تكن تتوقع حتي باحلامها أن يقول لها هذا الكلام ...أما حمزه كام ينظر لها يستشف معالم وجهها ينتظر اي رد فعل منها

لينا ______ حمزه انت فاجئتني انا

حمزه _______ ممكن تاخدي فرصه تفكري بالموضوع واهم من دا كله اهلك هيقبلو بيا ولا لا لينا انا مش علاقه حب والسلام انا بحبك بجد وعايز اكمل حياتي معاك تقبلي تكوني شريكه حياتي. ..

لينا _______ حمزه انت لازم تعرف حاجه مهمه ..ممكن بعدها تغير رايك بس انا اسفه مش قادره اخبي عنك اكتر من كدا بقالي اسبوع واكتر بحاول ان انا اقولك وبتراجع

جه الوقت اللي لازم تعرف خصوصا بعد كلامك معايا وانك بتحبني انا مقدره مشاعرك ومقدره حبك ليا بس انا غصب عني عملت كدا

حمزه وتغيرت لمعه الحماس بعينيه _____ اتكلمي سامعك

🔥🔥🔥
خلص الفصل 🔥

اي رئيكم في الأحداث ؟.....

يا ترا اي  اللي لينا عملته ؟؟؟؟؟
ورد فعل حمزه ؟؟؟

جاسر و وتين حياتهم مش مستقره هل في امل منها ام للقدر رايي آخر ؟؟؟

عليا هتقدر تنتقم ولا للقدر رأي آخر ؟؟؟؟

اشوفكم الفصل الجاي ☺️

متنسوش التصويت ⭐ اضغطوا علي النجمه أسفل الفصل ⭐⭐⭐

بقلمي ❤️ لمياء احمد ❤️