بحر الانتقام الفصل الرابع والعشرون 24 - بقلم Lamiaa Ahmed

ممنوع نقل الروايه أو اقتباسها أو نسخها 🔥🔥

.....

وتين بوجع والم ______ ماما في حاجه حاسه هتنزل

حوريه _______ حاجه اي بسرعه يا جاسر شويه

جاسر ______' وصلنا
ترجل بتهور من السياره بعد أن أوقفها بعشوائية... فتح الباب وانزلها بصعوبه حملها ودخل وكان في استقباله طاقم طبي متكامل ....

دخلت غرفه العمليات كان يقف جاسر بالخارج هو وحوريه في موقف لا يحسد عليه...

حوريه ________ يارب استر يارب ... جاسر انت قربتلها

جاسر _______ لا والله ما قربتلها من ساعه ما الدكتوره حذرتني

حوريه ______' امال اي جابلها نزيف كدا

جاسر بقلب منفطر ______ مش عارف مش عارف

كان يأخذ الممر ذهبا وإيابا والقلق يفتك به يود الدخول الي الداخل ليراها ... لا يتمني في هذه اللحظه سوي خروجها بخير ...

خرجت الطبيبه بعد إجراء الكشف السريع _____ حاله ولاده لازم تولد دلوقتي

جاسر ________ ومستنيين اي

الطبيبه _______ موافقه حضرتك

جاسر _______ انا موافق انا عايز مراتي سليمه فاهمه كلامي

اومئت الطبيبه وعادت للداخل واضيئ اللون الاحمر امان الغرفه ليعلن عن بدأ العمليه ...

وقف بترقب والدموع مترقره بعينيه تتراقص علي وشك الهبوط ... يستند برأسه للخلف يدعو الله أن تكون فقط بخير

مضت ساعه واخري ولا يوجد أي اخبار ... جلس جوار حوريه التي لم تكف عن الدعاء .. أسند برأسه علي كتف والدته ...

جاسر بصوت مختنق _____ هتبقي كويسه صح

حوريه _______ أن شاء الله يا ابني أن شاء الله

جاسر _______ انا بحبها مش عايزها تسيبني بعد ما حبيتها ..

حوريه وهي تحتضنه_____ ششش متقولش كدا هتبقي بخير وهتربو ولادكم سوي

جاسر ______ مش عايز عيال عايزها هي مش كل حاجه بحبها بتحرم منها

حوريه بدموع عليه_____ يارب يارب

جاسر ونزلت الدموع من مقلتيه _____ مش هقدر اعيش من غيرها مش هقدر ادعيلها يا امي

حوريه ______ بدعيلها يا نور عيني بدعيلها يارب اللهم اني لا أسألك رد القضاء ولكن نسالك اللطف فيه

مضت ساعه اخري ...... وضوء الصباح بدأ يسطح في الإرجاء ....

خرجت الطبيبه اخيرا ....

جاسر بلهفه مسرعا بتوجس _______ وتين كويسه

الطبيبه ______ الحاله كانت صعبه جدا بسبب النزيف قدرنا نوقفه بصعوبه

جاسر صارخا بها ______ هي كويسه ولا لا

الطبيبه _______ لا هتتحول للعنايه المركزه حالاتها صعبه جدا

حوريه _______ ولدت ولا لا

الطبيبه _______ ايوه الاطفال اتحولو للحضانه ولدين وبنت بس في ولد منهم اصغر منهم ودي حاله نادره جدا عمره اقل منهم ب ٣ شهور .. نسبه النجاه ضعيفه ليه

اغمض عينيه هامسا بقلب منفطر داعيا إلى الله ...
وقف ينظر من ذجاج العنايه المركزه إليها وبجواره حوريه التي بكت حزنا عليها فهي اعتبرتها بمثابه ابنتها بل وأكثر .

جاسر وهو يتحدث بعينيه وقلبه معها ___ خليكي قويه علشاني وعلشان ولادنا يا وتين خليكي قويه علشاني

حوريه وهي تجفف دموعها ______ تعالي نشوف الاولاد

جاسر ______ مش قادر اشوفهم حاسس ان انا السبب في اللي حصلها انا السبب

حوريه ______ متقولش كدا دا قدر ورزق من ربنا واللي هي فيه اختبار من ربنا ليك اتماسك يا جاسر واستحمل وهتبفي بخير صدقني قلب الام دليلها وانا حاسه انها هتكون كويسه

جاسر. ______ يارب يا ماما يا رب

حوريه _______ يلا نشوف الاولاد ونسجلهم باسمك

جاسر _______ و وتين

حوريه _______ هنرجعلها بسرعه

تحرك مع والدته دخل قسم الرعايه بالأطفال " الحضانه" اشارت له الممرضه علي أطفاله ... ليذهب هو وحوريه إليهم .. نظر لهم بعاطفه حنان وارتفعت دقات قلبه ..

حوريه _______ بسم الله ما شاء الله تبارك الله ربنا يخلهوملك ويجعلهم زريه صالحه يارب ..

جاسر ______ مفيش اختلاف بين الاتنين دول

حوريه _______ فعلا حلوين اوي ما شاء الله

جاسر. ________ دا لسه مكتملش شايفه

حوريه _______ سبحان الله يا ابني أن شاء الله هيكون بخير .. يلا نسجلهم ..

جاسر _____ ماشي ..

كان يستمع إلي ما تقوله يمشي جوارها كالتائه .بشرود .. .يشعر بالنقص والفراغ .. يشعر بالضيق فوق صدره ... قام بتسجيلهم وعاد الي وتين مسرعا ... مازالت لم تفق حتي الآن ...

وقف ينظر لها بشرود وحوريه تجلس فوق المقعد تدعو لها ... رن هاتفه ليري الساعه الثامنه صباحا ...

جاسر _______ الو

عليا ________ جاسر انت. فين قلبت البيت عليكم واي الدم اللي في الممر وعلي السلم وكمان في اوضتك

جاسر _______ في المستشفي وتين ولدت. بس تعبانه

عليا _______ الف سلامه عليها مستشفي فين علشان اجي

جاسر _______ متتعبيش نفسك هي في العنايه المركزه

عليا ______ ازاي يعني يا جاسر طب مش محتاجين حاجه

جاسر ______خلاص هاتي لبس ليا ولماما

عليا _______ حاضر

جاسر _______ وبلغي السكرتير يلغي كل الاجتماعات والشغل يمشي عادي

عليا ______ ماشي

جاسر _______ سلام

....

عليا ________ داده لو سمحتي ممكن تطلعي تنضفي جناح جاسر

$$$ حاضر

صعدت عليا الي غرفه حوريه اولا أحضرت ملابس لها واحضرت حقيبه صغيره وضعتهم بها وتوجهت الي جناح جاسر وجدت العامله تقوم بعملها .. لتجلب ثياب ل جاسر أيضا ..وفكرت ان اكيد وتين تحتاج ملابس أيضا لتجلب معها أيضا ووضعتهم بالحقيبه واخبرت السائق بتوصيلها
واتصلت بالسكرتير الخاص بجاسر وأخبرته بما أخبرها ...

حوريه _______ عليا انتي جيتي

عليا _______ ايوه يا ماما جبتلك لبس تغيري

حوريه ______ ماشي يا حبيبتي بس هغير فين

جاسر _______ تعالو انا حجزت جناح نقعد فيه

....،،،،.

ابدل جاسر ملابسه بالمرحاض وخرج ارتمي بجسده علي الاريكه مغمض العينين يضع يده فوق رأسه ...

حوريه مسحت دموعها التي نزلت دون شعور منها عندما رأت هيئه جاسر هكذا ...

عليا _______ انا عايزه افهم ازاي طفل اصغر منهم

حوريه _______ الدكتوره قالت كدا احتمال يكون حاجه من اتنين يا حمل اضافي .أو أن كيس حمل الجنين صغير ف دا سبب تأخر نموه

عليا _______ ووتين هتفوق امتي

حوريه ______ الله اعلم احنا مستنيين

عليا _______ هو يعني اي حمل اضافي

حوريه ________ حمل فوق الحمل الموجود و بيكون حصل بعديه بفتره

عليا ___'_____ هو عادي يحصل

حوريه _______ كله بمشيئه الله ربنا قادر على كل شئ

عليا _______ وصغر كيس الجنين يعني اي

حوريه ______: هي بتقول أن اتنين متطابق في كيس او بويضه واحده وواحد كان لوحده لكن الكيس كان صغير اثر عليه

عليا _______ طب ازاي الدكتوره مقالتش أنه في كيس صغير

حوريه _______ انتي شوفتي يا عليا كان مستخبي ورا اخواته مشفتهوش غير في الشهر الأخير

وقف جاسر وخرج متوجها إلى وتين لم يقدر أن يجلس بعيدا عنها ولم يطيق حديث حوريه وعليا يشعر أنه هذا بسببه وهو من تسبب بكل ذلك لها ...

حوريه _______ هيموت عليها يا عليا

عليا _______ ربنا يقومها بالسلامه ليه يارب ..

حوريه ______ يارب

عليا ________ انتم سجلتو الاطفال

حوريه ________ ايوه الصبح سجلناهم وجاسر اتصل بالمحامي يخلص التسجيل في السجل المدني علشان شهادات الميلاد

عليا _______ وسجلتوهم اي

حوريه ______ ادهم و اسيا وأسر جاسر حامد المحمدي

عليا ________ ما شاء الله ربنا يخليهم ويبارك فيهم

حوريه_______ يارب ومتحرمهم من امهم يا رب

........____ .....

دخل جاسر الي وتين امسك يدها بحنان وقبلها بعشق ...

جاسر بصوت مختنق _____ انتي وعدتيني مش هتسبيني انا بفكرك بوعدك ليا ..

أما في مكان مظلم ..كانت تجلس وحيده والظلام يحيطها من كل جانب تلتفت حولها تبحث عن اي احد لمحت نور بسيط يأتي من بعيد مشت اتجاهه كلما اقتربت يبتعد إلي أن وصلت اخيرا ...

وتين _______ ماما بابا انتو وحشتوني اوي عاملين اي

&&& وحشتينا يا وتين تعالي معانا

وتين ______ بس جاسر لوحده

&&&& تعالي معانا انتي وحشتينا جاسر معاه أخته وأمه

وتين ______ بس

&&&&& تعالي بس هنا في حجات حلوه كتير

وتين _______ بس انا بحب جاسر عايزه ابقي معاه وكمان ولادنا

&&&&& هو هيهتم بيهم

وتين _______ لا روحو انتو انا هفضل مع جاسر وأولادنا

&&& سلام يا وتين

وتين ______ سلام ...

استمعت الي صوته ينادي عليها اخذت تنادي عليه وتبحث عنه في الإرجاء تحاول الوصول الي صوته ...

أما جاسر كان يتحدث معها ويخبرها عن صغارهم وأنهم يشبهوها كثيرا ..

جاسر ______ بس عليا شكلها هتشمت فيك يا وتين هما صغيرين اوي وخصوصا أسر الطفل الاخير اصغر منهم جدا يلا اصحي بقي علشان تشوفيهم انا سجلتهم كلهم بحرف واحد زيي ما انتي عايزه علشان يكونو مع بعض

ثم ابتسم عندما تذكر جملتها ___ وعلشان يغشو من بعض يلا اصحي بقي بقالك ٦ ساعات نايمه و٣ ساعات بعيد عني في العمليات يبقي ٩ ساعات كتير اوي وحشتيني

:- شددت بيدها علي يده ....

جاسر بفرحه _______ وتين انتي اتحركتي صح وتين انتي سمعاني ..

شددت وتين علي يده مره اخري اقوي وصوت انين يصدر منها ....

ضغط جاسر سريعا على زر الأنظار لاستدعاء الطبيبه ..

جاسر _______ وتين حبيبتي فتحي عنيك يا عمري

جاء الأطباء سريعا .... اوسع لهم جاسر الطريق ليرو...

...

بدأت الطبيبه بالكشف علي وتين جيدا وفحصها .بالكامل تحت أنظار جاسر ...

الطبيبه _______ الحمدلله عدت مرحله الخطر نصف ساعه وهتفوق كليا ..

جاسر ______ الحمدلله الف حمد وشكر يارب ...طب هتخرج من العنايه امتي

الطبيبه _______ دلوقتي هتتنقل قبل ما تفوق ..

جاسر _______ تمام الجناح اللي قولت يجهز علشانها جاهز

الطبيبه ______ جاهز يا فندم وهتتنقل ليه دلوقتي

... خرج جاسر يخبر والدته بفرحه ..

جاسر _______ ماما وتين فاقت

حوريه بسعاده ________ بجد الحمدلله والدكتوره قالتلك اي كويسه صح

جاسر ______ ايوه الحمدلله هتتنقل للجناح اللي جنبينا

بعد نصف ساعه فاقت وتين .... كان يقف جوارها بقلق يمسك يدها .. وحوريه وعليا أيضا بجوارها ...

جاسر _______ وتين حبيبتي سمعاني انتي كويسه حاسه ب اي

وتين بتعب ______ ج جاسر

جاسر _______ عيون جاسر وقلبه

وتين بالم وتعب ______ ااه حاسه بنار في بطني

كدا يدها لتصل إلي بطنها لتمسكها حوريه سريعا. .... دا الجرح يا وتين معلش هيخف دلوقتي

وتين بدموع ______ موجوعه اوي يا ماما

جاسر ______ سلامتك من الوجع يا عمري هنادي الدكتوره دلوقتي حالا ....

حوريه _______ هيموت عليك يا وتين بيحبك اوي

وتين ______ وانا كمان بحبه ..هو الاطفال كويسين

حوريه ______ كويسين في الحضانه

وتين ______ ليه

حوريه _______ احم اه علشان انتي كنتي نايمه وهما هبعتنو بيهم

وتين _______ والبيبي الثالث كويس

حوريه _______ كلهم ما شاء الله بخير

دخلت الطبيبه وخلفها جاسر ... قامت بتركيب جهاز ازرق اللون به ماده سائله ...

جاسر _______ اي دا

الطبيبه ________ دا جهاز عمليه بدون الم اول لما تشعر بألم تضغط هنا هيخف الالم ومتشلوش من أيدها لمده ٣ ايام

جاسر _______ تمام

وتين _______ عايزه اشوف الاطفال

جاسر _______ حاضر

أحضرت الممرضه التؤامين....

حمله جاسر بخوف وتوتر وشعور مختلف كثيرا .....

نظرت له وتين بحب وسعاده قبلت جبينه ...ليرجعه جاسر مكانه ويحمل الآخر ...

وتين ______ فين التالت

جاسر _______ مش هينفع يخرج أنه لسه صغير ومكتملش

وتين ________ انا عطشانه اوي

جاسر _______ اصبري شويه

عليا _______ انا عايزه اشيلهم

جاسر _______ شيلي براحتك محدش هيقولك لا

عليا _______ هههههههه شكلهم كيوت اوي أوي

حوريه ________ جاسر

جاسر _______ نعم

حوريه _______ كلم السواق يروحني اعمل اكل ل وتين وحجات ساخنه

جاسر _______ طب ليه ما نشتري جاهز

حوريه _______ لا طبعا لازم تاكل حجات مغذيه طبيعيه انت مش شايف وشها عمل زيي اليمونه ازاي

جاسر ______ ماشي تعالي اوصلك لتحت

صرخت عليا بحماس وفرحه عندما حملت أحدي الصغيرين _____عاااا الله واو حلوين اووي

جاسر ______ روحي يا شيخه ربنا يهبلك كمان وكمان

عليا _______ انا هاخدهم مليش دعوه خلاثي علي يا ناس دا صغنن خالص يا ناس

جاسر _______ طيب اياك مترجعيش تقوليلي لم اولادك مش عارفين نقعد

عليا _______ انا دا انا هبقي عمتو طيبه

وتين ______ هما دون ولدين

جاسر ______ لا دول ادهم وآسيا

وتين ______ مش باين خالص فرق بينهم طب هنعرف ازاي

عليا ______ اه والله العظيم انا افكرهم واحد

جاسر ______ اصلهم متطابق ..وبعدين باين الي لابس ازرق تقريبا ادهم والبمبي اسيا

عليا _______ اي الذكاء دا يا جاسر اخاف احسدك

جاسر بغرور مصطنع _______ مش عارف من غيري كنتو عملتو اي

عليا ______ ربنا يخليك لينا يا راجل

ضحك جاسر علي مشاكستهم التي ازدادت كثيرا مع مرور الأيام بينهم وتوطدت العلاقه بينهم لتصبح طبيعيه كاي اخ وشقيقته ....

حوريه ______ يلا يا جاسر مش هنخلص انهارده منكم

عليا ______ ماما ابقي هاتيلي اكل انا كمان

حوريه ______ حاضر انا عندي الا عليا ووتين

جاسر ______ وجاسر خلاص راحت عليه

حوريه غامزه له وهم خارجين ______ انت الأساس يا جسوره هتغير منهم ولا اي

جاسر بغرور مصطنع ______ ايوه كدا كنت احسب

حوريه ______ هههههههه انا فرحانه فرحه يا جاسر اخيرا هشيل ولادك مش مصدقه

جاسر ______ صدقي كل اللي نفسك فيه هحققهولك

حوريه _______ خليك بقي السواق هيوصلني

جاسر _______ اه صح هو جاب عليا كنت ناسي

حوريه _______ مش محتاج حاجه اجيبها معايا

جاسر _______لا عليا جابت لبس ليا كتير

حوريه ______ ماشي يا حبيبي مع السلامه

جاسر ______ سلام ..

......____....

عليا ______ الحقي يا وتين بيعيطو اعمل اي

وتين _______مش عارفه

عليا _______ تعرفي ترضعيهم

وتين ______ هااا ازاي

عليا _______ هيكون ازاي يعني يا ناصحه

وتين ______ طب ساعديني اقعد

ساعدتها عليا في الاعتدال قليلا .... ..... كدا كويس

وتين ______ ايوه هاتي كدا

حملت عليا الصغير ووضعته بين يدي وتين .. التي ضمته إليها بحنان وحب ______ يا روحي علي جماله

عليا ______ يلا رضعيه بقي

فكت وتين ازرار بلوزتها بخجل _____ بصي بعيد

عليا _______ هههههههههه طيب متحمريش اوي كدا

بدأت وتين في إرضاعه وتنظر له بحب وسعاده وضربات قلبها تخفق مسرعه من هذا الشعور الذي يراودها....

عليا ______ انا عايزه اشوف وهما بياكلو

وتين باستسلام ______ طيب بصي

عليا بانبهار _______ وااااو شايفه بيرضع ازاي

وتين بدموع الفرح _____ اممم بينام يعني كدا اكل

عليا _______ ايوه اجيب اسيا

وتين _______ ايوه خدي نيميه في سريره

حملته عليا ووضعته بهدوء وحملت اسيا واعطتها لوتين التي قابلتها بنفس فرحتها ..

عليا _______ شايفه أيدها صغنننه ازاي وجميله

وتين ______ اي رئيك بقي أن ملامحها باين انها بنت

عليا ______ ما انتي امهم طبيعي تعرفيهم

وتين ______ قلبي دليلي ههه

عليا _______ههههههه يا ام قلب حنين يا توتا يا عسل

وتين ______ بس يا بت قوليلي يا ام ادهم بعد كدا

عليا _______ هههههههه عيشي الدور براحتك ياعم

دخل جاسر علي ضحكهم ______ نهاركم اسود انتو بتعملوا اي

عليا ______ اي بنرضع البيبيهات

جاسر _______ من غير ما تقولولي ولا تاخدو اذني

عليا _______ وانت مالك يعني ام بترضع أطفالها

جاسر _______ دي املاكي يا ماما مناطق محظور الاقتراب منها غيري

عليا ________ اه وانا الي كنت فاكراك مؤدب يا جاسر

جاسر ______ مؤدب مين انا قليل ادب متربتش اصلا
وهاجي الطشك كفين دلوقتي اي اللي عرفك يا بت بقله الادب

عليا _______ انت اللي بتقول يا اخويا

وتين بخجل _______ جاسر عيب ... تعالي شوف شكلهم حلو ازاي

اقترب جاسر منها ليري بغيره _______ امممم وهما هيفضلو كدا لأمتي

وتين _______ لأمتي ازاي

جاسر _______ يرضعو كدا ....نزل ايدك يا بابا كُل وانت ساكت

وتين _______ جاسر الله سيبها تاكل براحتها

جاسر _______ سيبها هههههههه هي اسيا ههههه يا حلاوه يا جدعان انا مش عارف افرق بين ولادي

عليا _______ احسن

جاسر _______ مش هخليك تشيليهم يا عليا

عليا _______ لا خلاص هسكت

وتين _______ ششششش البنت مش عارفه تنام

صمت جاسر وتبعته عليا ... وأخذوا ينظرون لهم بعاطفه جياشه ...

امال جاسر برأسه يقبلها بجبينها بحنان ابوي ،،، ثم حملها ليضعها في فراشها .ودثرها جيدا وكذلك فعل مع ادهم ..

جاسر _______ هترجعي تنامي

وتين _______ ايوه

ساعدها في الاستلقاء مجددا ... وقبل رأسها ...

جاسر هامسا لها _______ كنت هموت من خوفي عليك يا وتيني

وتين بحب وضعت يدها علي خده ______ بعد الشر عليك يا جاسر

جاسر ______ متعمليش فيا كدا تاني

وتين _______ حاضر

جاسر ________ اي اللي حصل علشان يجيلك نزيف وتحصل ولاده مبكره

وتين ______ مش عارفه بس انا كنت برسم تقريبا قعدت فتره طويله بس مش معقول دا يتعبني يعني

جاسر ______ وليه لا ممكن علشان قعدتي فتره طويله

وتين بنعاس ______ ممكن مش عارفه

جاسر ______ ارتاحي دلوقتي ..وانا هنام هنا علي السرير التاني

اومئت له وتين وذهبت في نوم عميق مرهق....

جاسر _______ عليا بصي كدا الحرس وقف بره

عليا ______ ليه دخلتهم

جاسر ________ اسمعي الكلام دا للامان وعلشان محدش يخطف العيال لقدر الله

عليا ________ حاضر .... ايوه اتنين بره

جاسر _______ طيب انا هنام ساعتين بس

عليا _______ ماشي

🥀🥀🥀

حمزه _______ خلاص

لينا ______ لسه

حمزه ____خلاويص

لينا _________ خلاااص

حمزه _______ انتي فين يا لينا هقفشك

ضحكت بخفوت وهي تتخبي جيدا ...

حمزه _______ هي راحت فين تكونش استخبت تحت السرير لا لا هتدخل ازاي

بحث عنها في جميع الأماكن في الشقه لم يجدها ...

دخل الي المطبخ بطئ ليبحث عنها أيضا ولكن لم يجدها تذكر دولاب الملابس ذهب إليه مسرعا ...وفتحه

لينا _______ بخ هههههههه

حمزه _______ هههههههه يا بنت ال ايه

لينا _______ هههههههه عرفت مكاني

حمزه _______ هههههه ايوه يلا دورك بقي

لينا ________ لا تعبت نلعب لعبه تانيه

حمزه ________ طيب نلعب اي تاني

لينا _______ نلعب كوتشينه

حمزه ________ ماشي بس معنديش هنا

لينا _______ لا فيه كنت شاريه واحده نلعب بيها

حمزه ______ هههههههه ماشي هاتيها وتعالي جوه

لينا _______ ليه ما نلعب هنا

حمزه _____لا في اوضتنا علشان الأحكام يا عسل

لينا _______ هههههههه هتنام علي الكنبه انهارده يا حمزه

حمزه غامزا_______ هههههههه هنشوف يا قلب حمزه في حضني ولا علي الكنبه

...
لينا ______ ‏في البدايه احب اقولك الرسول صلى الله عليه وسلم قال من غشنا فليس منا

حمزه _______ اغش ! والله شكلك خايفه

لينا ______ بصراحه بقي يا حمزه انت بتكسب في كل الالعاب

حمزه ________ علشان بفكر الاول يا ناصحه

لينا ________ ماشي ابدا

حمزه _______ لعبت

لينا _______ لعبت

بعد العديد من الأدوار ...

حمزه _______ هههههههه انا اللي كسبت الورق عندي هههههههه اختاري ورقه علشان احكم عليك بعددها

لينا _______ ليه كدا يا زوما يا قلبي دا انا لينا حبيبتك

حمزه _______ مش هغير راي لا

لينا بعيون جرو_______ علشان خاطري

حمزه _______ هغير راي في حاله واحده بس

لينا ______ موافقه

حمزه _______ حيث كدا بوسيني يلا وانا أتنازل

لينا اقتربت قبلته بخده _____ اهو خلاص بقي

حمزه _______ لا مش ابن اختك بتضحكي عليه .. بوسيني زيي ما انا بعمل

لينا _______ بوسه قليله ادب يعني

حمزه _______ ايوه عليك نور

لينا _______ كنت فاكراك مؤدب يا حمزه

حمزه _______ كلهم كدا يا حبيبتي بعد الجواز يلا

اقتربت لينا بخجل وقبلته قبله سريعه ...... حلو كدا

حمزه _______ لا انتي متعلمتيش الدرس كويس تعالي نعيد ونطبق عملي بقي

لينا _______ لااا استهدي بالله

حمزه _______ يا اختي اتنيلي بقالي شهر بعلم فيك وفي الاخر بتاخديني علي قد عقلي

لينا ______ انت نازل الشغل امتي

حمزه _______ بتفكريني ليه يا شيخه ليه

لينا _______ هههههههه

حمزه _______ من بكرا الصبح شوفتي بقي مفيش وقت ومتضيعيش الكلام

قالها وجذبها يقبلها بنهم وشغف لم يقل يوما بل يزداد أكثر ... لتتفاعل معه بعشق ... قاطعهم رنين هاتف حمزه ....

لينا ______ حمزه التلفون

حمزه _____ تؤ متركزيش معاه ركزي معايا

لينا ______ بس

حمزه _____ركزي كويس علشان هسمعلك بكرا

لينا بخجل وكسوف لم تستطع التحدث ..

ليكمل ما بدأه لياخذها الي عالمهم الخاص...وتصمت شهرزاد عن الكلام غير المباح.... 🙈

🥀🥀🥀

حوريه _______ اخر معلقه

وتين ______ مش قادره خلاص شبعت

حوريه ______ طب علشان خاطري حته الفرخه دي

اكلتها وتين ______ خلاص بقي

حوريه ______ خلاص .. . هو جاسر نايم من امتي

عليا ______ بقاله بتاع اربع ساعات من وقت ما انتي مشيتي

حوريه _______ صحيه ياكل ماكلش حاجه من امبارح

وتين ______ دا بيصحي ههههه دا عايز طبل بلدي علشان يصحي ..

حوريه _______ ابني وانا عارفاه

عليا _______ جااااااسر جاااااااسر

حوريه _______ صرعتينا وهتصحي العيال

عليا _______ ابو اااادهممم يا ااااابو ااااااسياااااا جاااسر

جاسر بنوم ______ اممم

عليا بخبث______ الحق وتين بسرعه الحقنا يا جاسر

انتفض جالسه ______ فين حصل امتي وازاي

انفجرت حوريه وعليا وكذلك وتين هههههههه هههههههه هههههههه

جاسر _______ في اي

حوريه ________ لا احنا نجيب عليا تصحيك بعد كدا

رجع يستلقي مجددا ويدلك عينيه ______ بتصحوني ليه بس

حوريه ______ قوم كل مكلتش حاجه جيبالك اكل

جاسر ______ الساعه كام

حوريه ______ المغرب هياذن

جاسر _______ ياااه انا نمت كل دا

حوريه ______ اغسل وشك وتعالي شوف ادهم وآسيا فتحو عنيهم

جاسر ______ بجد ولونهم اي

حوريه ______ مش عارفين يا ابني والله حاجه غريبه

وتين _______ انا عايزه اشوف أسر

حوريه _______ يا بنتي مش هينفع هتتحركي ازاي

وتين ______ طب مش ينفع نجيبه هنا

حوريه _______ لا علشان غلط عليه إنما ادهم وآسيا وجودهم في الحضانه علشان انتي كنتي لسه مفوقتيش

وتين ______ ماشي

🥀🥀

مرت الايام والايام ليمر ٣٠ يوما علي تواجد وتين في المستشفي والتي رفض جاسر أن تعود الي المنزل مدعي أنها ليست بخير ...

وتين ______ يا جاسر انا زهقت بقي عايزه اروح

جاسر ________ يفرض تعبتي

وتين ________ يا جاسر انا بقيت كويسه وبمشي لوحدي والجرح خف والحمدلله وفكينا الغرز اي تاني بقي هقعد ليه وبعدين بقالي شهر والده كتير اوي

جاسر _______ ماشي يا وتين خلاص هخلي الممرضه تلك حاجتنا ونروح

وتين ______ وديني لأسر عايزه اشوفه

جاسر ______ طيب يلا بينا هاتي ايدك

وتين _______ علي فكره انا رجعت زيي الاول وبقيت كويسه

جاسر ______ المفروض اصلا تقعدي اربعين يوم

وتين ______ جبتها منين دي

جاسر ______ مش انتي المفروض بتقعدي نفثه اربعين يوم

وتين _______ ايوه بس مش في المستشفي يا جاسر

جاسر _______ خلاص هنروح امشي نشوف اسر

...

وتين _______ كل دي اسلاك متوصله ليه يا حبيبي

جاسر ______ مش عارف ربنا يشفيه ويخرج بقي لسه الدكتوره قالتلي لسه بدري

وتين ______ بس انا مش ملاحظه تحسن يا جاسر

جاسر _______لا أن شاء الله في تحسن وبعدين يوم طبيعي غير صناعي اكيد هياخد وقت

وتين ______ معاك حق يلا نروح بقي كرهت المستشفي وريحتها

جاسر _______ يلا ..

.......

حوريه ________ نورتي القصر من تاني يا حبيبتي

وتين _______ شكرا يا ماما

حوريه _______ ادخلي خدي شاور علي ما الكل يطلع

وتين ______ حاضر بس انا هنزل عادي متتعبيش نفسك

حوريه ______ خلاص ماشي متتاخريش .. وادهم وآسيا تحت مع عليا وجاسر

وتين _____" ماشي

.....

عليا ________ بس كبرو يا جاسر صح

جاسر _______ ايوه شويه صغيره

عليا _______ عقبال أسر

جاسر _______ يارب .. وعقبال ما اشوف ولادك يا لولا

عليا _______ لا انا اضربت عن الجواز

جاسر بغمزه _______ يا بت هو في احلي من الجواز

عليا _______ خليهولك انت

جاسر______ في واحد متقدملك اصلا

عليا ______ بجد مين دا

جاسر ______ وانتي عايزه تعرفي ليه مش مضربه

عليا ______ يا جاسر قول علشان ابقي عارفه

جاسر ________ افكر وابقي اقولك

عليا _______ مش عايزه اعرف

جاسر _______ ههههههههه هتموتي وتعرفي ومش هقولك مش كدا يا اسيا

عليا ______ ولا يفرق معايا اصلا

حوريه _______ يلا الاكل جهز

وضعو الصغار في أماكنهم وتوجهوا إلي السفره ..
ونزلت وتين أيضا ...

وتين _______ ياه الله يسامحك يا جاسر مزنبني في المستشفي لما عفنت

حوريه ______ هههههههه دا ليه دماغ لوحده معلش

جاسر _______ انا غلطان أن خايف عليك

وتين _______اسفين يا حج خاف براحتك

ارتفع بكاء الصغار لتتحرك وتين لهم سريعا .وخلفها جاسر .... وحوريه ترتفع ضحكاتها عليهم

عليا ______ بتضحكي ليه يا ماما

حوريه ______ علي جاسر جري معاها ليه أما هي هترضعهم وتاجي

عليا ______ ههههههههه مش عارفه

جاسر _______ بتضحكو ليه

حوريه _____ مفيش هههههههه انت روحت فين

جاسر _______ كنت بشوف بيعيطو ليه

حوريه ______ متقلقش عايزين يأكلو

جاسر _____ اه

....

حوريه _______ مالك يا وتين مبتكليش ليه

وتين _______ مش عارفه والله يا ماما نفسي وقفت مره واحده وقلبي وجعني

جاسر ______ جالك كلامي فيها لما كنتي استنيتي في المستشفي اهو اول ما جينا تعبتي

وتين ونزلت دمعه من عينيها _____ جاسر انا مش تعبانه انا حاسه ان في حاجه هتحصل أو حصلت معرفش

حوريه ______ اهدي يا وتين صلي علي النبي يا جاسر

جاسر ______ وتين انا بس خايف عليك مش متخيل أن بين لحظه والتانيه كنتي هتضيعي بين ايديا ..

وتين ______ خلاص يا جاسر اللي حصل انا هطلع فوق ارتاح شويه

جاسر _______ هاجي معاك

تحركت وتين وحملت صغيرتها وخلفها جاسر يحمل الآخر ....دخلت وتين لجناحهم بهدوء حيث تم وضع سريرين للصغيرين ليكونا بجوارها ...

قبلتهم بحنان ودثرتهم جيدا ... ثم ذهبت للسرير بتجاهل ل جاسر ..

كان بيتكلم معها ولكن أتاه اتصال ...

جاسر ______ الو .... بتقول اي ازاي يحصل يعني اي الكلام دا ..انا جاي حالا ..

وتين ______ في اي يا جاسر

نظر لها مطولا ونطق ______ .

🔥🔥🔥🔥

خلص الفصل 🔥

رئيكم فيه ؟

ورجاء تفاعلوا عدد المشاهده بالنسبه للتصويت منعدم 40 و 45 بيشوفو الفصل مفيش غير 4 اللي بيعملوا تصويت 🥺🥺

متنسوش التصويت ⭐ اضغطوا علي النجمه أسفل الفصل ⭐

بقلمي ❤️ لمياء احمد ❤️