بحر الانتقام الفصل الخامس والعشرون 25 - بقلم Lamiaa Ahmed

توضيح 🔥
بالنسبه لحاله وتين وحملها ملاحظه انكم مستغربين 😂 بس حقيقي علي فكره انا بتأكد دائما من كل معلومه طبيه بكتبها واتكلمت عنها ،، من صديقي Google 😂
ودي اسكرينات 👇

يلا نكمل الفصل بقي ❤️

وتين _______ رد عليا يا جاسر في اي حاجه حصلت صح أنا قلبي حاسس

جاسر _______ وتين

وتين _______ حاجه حصلت في شغلك

جاسر _______اسر

وتين _______ بقي كويس الحمدلله صح

جاسر بحزن وهزه قويه اجتاحت جسده عندما استمع لكلام المتصل________ لا .. وتين احنا ربنا عوضنا باتنين وكل حاجه بحكمته

وتين بجمود ______ قصدك اي

جاسر ________ للاسف يا وتين أسر توفي

وتين _______ هههههههه انت بتهزر صح

جاسر محتضنها _______ اهدي يا وتين ربنا رحمه يفرض كان عاش باي مرض كان هيتعذب

اجهشت بالبكاء وارتفعت شهقاتها وبكائها علي فلذه كبدها وصغيرها..... أدمعت عين جاسر حزنا علي قطعه منه ،،

جاسر ______؛وتين اهدي

وتين ______ اااااه كنت حاسه يا جااااسر ااااه يا قلبي عاااا ليه كدا ليه

جاسر ______ ششش متقوليش كدا هو نصيبه كدا وربنا كريم كرمنا ب ادهم وآسيا ربنا يبارك فيهم

وتين وهي تبكي بانهيار ______ كنت عايزاه هو كمان ااااااه كان نفسي احضنه وارضعه زيي اخواته اااااه

جاسر ______ انا لازم أمشي يا وتين اهدي شويه واحتسبيه عند ربنا

وتين وهي تبكي ______ لا خدني معاك يا جاسر والنبي عايزه اشوفه واحضنه عايزه اشم ريحته

مسح جاسر عينيه وأبعدها عنه ببطئ _____ مش هينفع علشان خاطري كفايه عياط

وتين وهي تجهش ببكاء مرير______ لا خدني معاك

جاسر _______ هجيبه تشوفيه هنا اهدي

وتين _____ لا لا انا عايزه ابني اااااه

جاسر ______ طب ادخلي غيري

أسرعت وتين الي غرفه الملابس ومازالت تبكي ليخرج جاسر مسرعا ويغلق الباب بالمفتاح ...

اغمض عينيه بالم ونزل إلي الأسفل ...

اعطي المفتاح لحوريه ______ افتحي لوتين بس بعد ما امشي

أما وتين سمعت صوت غلق الباب لتعلم أن جاسر خدعها ...جائت لتفتح الباب وجدته مغلق ...

وتين ______ جاااااسر افتح الباب متعملش فيا كدا

جلست مستنده علي الباب بظهرها وتبكي حزنا علي صغيرها الذي لم يكمل شهرا ...

عليا _______ ابنك شكله اتجنن هو قافل عليها ولا اي

حوريه _______ والله شكله اتجنن هطلع افتحلها وأشوف في اي

عليا _______ اجي معاك

حوريه ______ تعالي

صعدت حوريه وانصدمت من شهقات وتين فتحت الباب بسرعه ودخلت وجدتها تنام فوق الارض وتبكي ..

حوريه _______ وتين في اي مالك

وتين ______ مات يا ماما ااااه

حوريه بخضه ______ مين يا حبيبتي اهدي اهدي

وتين ______ ا أسر

وضعت حوريه يدها فوق فمها بزهول ودهشه وشهقه مرتفعه خرجت من عليا ...

ضمتها حوريه إلي صدرها تربط فوق شعرها بحنان امومي وحزن _______ اهدي يا وتين اكيد ربنا رحمه ارضي بقضاء الله وربنا محرمكش من حاجه عطالك اتنين

هدئت شهقات وتين بعد أن أرهقت من كثره البكاء ..تنهيداتها فقط ترتفع بين الحين والآخر في احضان حوريه التي تضمها بحنان .. وعليا التي تجلس حزينه عليها ....

حوريه ______ قومي اغسلي وشك وصلي علي النبي واهدي واحمدي ربنا علي اللي معاك وادعي ربنا يباركلك فيهم . وشويه كدا يكبرو سنتين كدا وهاتي تاني

عليا _______ ماما معاها حق

تنهدت وتين ووقفت واسندتها عليا توجهت الي المرحاض

حوريه _______ الله يساعدها يا عليا دي ام انتي عارفه مره جاسر رجع واخد طلقه في كتفه انا روحي طلعت مني وقتها

عليا ______ ربنا يصبرها وكويس أنها ملحقتش تتعلق بيه اكتر من كدا

حوريه ______ فعلا معاك حق هاتيها وتعالي تحت متسبهاش لوحدها

عليا _______ حاضر خدي بيبي معاك وانا هجيب التاني معانا

حوريه _______ يا جمالهم يا ناس صاحيين ازاي يا كتكوته تيتا يا ناس ربنا يحميكم يارب انا خدت اسيا هاتو ادهم بقي .. ..

عليا ______ ماشي

وتين ______ فين اسيا

عليا _______ ماما خدتها يلا ننزل تحت

حملت وتين صغيرها بعد أن قبلته ______ يلا

نزلت درجات السلم وهي تشعر بالتعب والدوار ... وصلت إلي المكان التي تجلس به حوريه جلست بتعب ظاهري ..

حملت عليا منها ادهم ______ مالك يا وتين

حوريه _______ انتي تعبانه ولا اي

وتين اومئت بصمت ...

وضعت عليا الصغير بجانبهم فوق الاريكه وتحركت الي المطبخ لتحضر عصير لها ...

عليا _____ اشربي يا وتين انتي مكلتيش كويس

حوريه ______ خلي الداده تجهزلها الاكل

عليا ______ حاضر

تناولت وتين طعامها والعصير وارضعت صغارها .. وجلست بصمت ولكن الحزن يطغي عليها ..

أما جاسر ...

خرج من المستشفي يحمل صغيره بين يديه ملفوف في قماش ابيض اللون .. كان يمشي ببطئ حزين شارد .. قطعه منه بين يديه لا روح فيها ...

دخل الي مقابر العائله .. ارتجفت قدماه وهو ينزل درجات المقبره ليضع صغيره أسفل التراب .. نزلت دموعها حزنا ودعه بعد أن قرأ الفاتحه له ول والده ..

غادر بقلب منفطر داعيا الله أن يبارك له في ادهم وآسيا وان يكونو زريه صالحه ..

دخل القصر وهو لا يطيق سماع أحد يعلم أن وتين تنتظره وينتظر هو أيضا انهيارها وصراخها عليه ولكنه تفاجئ من حاله الصمت التي تحيطها ...

حوريه ______ عملت اي يا جاسر

جاسر _____ دفنته يا ماما خلاص

حوريه ______ طوله العمر ليك يا جاسر وربنا يباركلك في اولادك

جاسر ______ يارب

نزلت دمعه من وتين ازالتها واكملت ما تفعل حيث كانت تبدل ملابس ادهم لآخري نظيفه ...

نظر جاسر لها طويلا. وصعد الي جناحه ...

حوريه _______ مش هتطلعي معاه

وتين _______ لا

حوريه _______ ماشي .خلاص بقي متزعليش علشان ولادك ميتعبوش

وتين ________ يعني اي

حوريه _______ الزعل بياثر علي اللبن

وتين ______ يعني اي ازاي

حوريه _______ الزعل بيقلل اللبن وممكن يمنعه وانتي طفلين محتاجين للرضاعه الطبيعيه احسن من اللبن الصناعي

وتين _______ حاضر يا ماما بس والله غصب عني

حوريه _______ عارفه يا حبيبتي اعتبري نفسك مكنتيش حامل غير في ادهم وآسيا زيي الدكتوره مكانا مفهمانا

وتين ______ هو دا اللي هيحصل .

حوريه ______ يلا اطلعي ارتاحي شويه

وتين ______ ماشي .. حملت ادهم .. ناوليني اسيا يا ماما

حوريه ______ استني ابعت عليا معاك

وتين ______ لا متتعبهاش انا هشيلهم عادي

ناولتها حوريه الصغيره .... وصعدت الي جناحهم ..

وتين لنفسها ______ هفتح الباب ازاي بقي انا مش كنت سمعت الكلام .. طب انادي علي جاسر لا انا مخصماه مش هكلمه ..

اقتربت تفتح الباب بفمها ولكن فشلت حالولت برأسها وفشلت أيضا لتكرر أن تطرق الباب بقدمها حتي يستمع لها جاسر وبالطبع استمع للصوت وفتح الباب باستغراب ..

جاسر وهو يلتقط منها صغيرا _____ منادتيش عليا ليه اساعدك

لم ترد عليه وتين وذهبت اتجاه فراشهم ووضعت الصغيره وأخذت الاخر من جاسر بصمت ووضعته بجانبها ... وتوجهت الي المرحاض بعد أن جذبت بعض الملابس لها

اخذت شاور وابدلت ملابسها وعادت الي الفراش وتسطحت بجوار صغارها ... فهم جاسر أنها تخاصمه تنهد وجلس في الاتجاه الآخر من الفراش ماذا كان سيفعل هل يأخذها معه لتنهار أكثر ام يتركها مثلما فعل ..وعدها أنه سيجلبه لتراه ولكن لم يستطيع أن رأته ستنهار أيضا وترفض أن تتركه فهي ام وفي هذه الحاله غريزتها هي من تسيطر عليها ....

جاسر _______ وتين ....وتين ... يا ام ادهم .... طب يا ام اسيا .. برضو

أما وتين كانت تعطي ظهرها له ولا ترد عليه مطلقا

جاسر _____ طب العيال دي هتنام هنا ازاي يا بت يا وتين ردي عليا

وتين _______ هرد عليك ليه وانا مخصماك متكلمنيش

جاسر _______ طب ليه

وتين _____ اسال روحك

جاسر _______ منا بسالك اهو

ابتسمت ولكن اخفتها واكملت خصامها .....

جاسر _______ طب انا عايز انام

وتين ______ ما تنام انا ماسكه عنيك

جاسر _____ ماشي لو العيال فطست زنبك

وتين _______ اياك تقرب منهم والسرير واسع ياخد عشره نام ساكت

جاسر ______ حاضر يا ماما وتين

،،،،،،، مضت ساعه واخري واستيقظت وتين تتفقد صغارها لتطمئن أن جاسر بعيد عنهم ..لم يمر دقيقتين وارتفع بكاء الصغيرين في وقت واحد ..

التفتت جالسه بسرعه ______ بس بس انا هنا

حملت ادهم وارضعته وبيدها الأخري تحاول إسكات اسيا
ولكن لا تصمت لتكرر ارضاعهم معا كل واحد باتجاه ...

لتفلح هذه الفكره .. وصمتو .. حاولت جعلهم ينامو ولكن لا يستجيبو ظلت تهدهد وتسمعهم صوتها حتي ينامو وبالفعل نام الصغيران مجددا .. تنهدت بتعب واطفئت الاضاءه ونامت ...

لم يمر ساعه اخري واستيقظت اسيا تبكي كان صوت بكائهم كصوت القطط الصغيره ... جذبتها وتين لها وهي نائمه لم تستطع الجلوس فهي مرهقه وبشده ضمتها لها بحنان لتستسلم للدفئ وتنام مره اخري ...

أما جاسر كان مستيقظا ويشعر بها .. هو بالأساس يخاف أن ينام ولا يشعر بنفسه كعادته ... وقف نظر لهم ووضع الغطاء فوقهم بحنان ووضع وساده في مكانه لتحمي ادهم

ونزل إلي الأسفل يتمشي قليلا ..

جاسر للحرس ______ عاملين اي

&&&& تمام يا بيه الحمدلله

جاسر لرئيس الحرس_____ عايزك تجيب اضحيه أو اقولك خليهم تلاته وتوزعهم علي الناس المحتاجه

&&&& نوعها اي يا بيه خروف ولا بقر

جاسر ______ لا بقر طبعا ..٣ ابقار بكرا أن شاء الله

&&&& حاضر يا بيه والف مبروك علي المولدين يتربو في عزك ..

جاسر ______ الله يبارك فيك .... وفي في الحسابات لكل شخص ليكم مكافئه..

&&&& ربنا يكرمك ويزيدك من نعيمه

جاسر_____" شكرا تصبحو علي خير

دخل مره اخري الي الداخل توجهه ناحيه الاريكه وتسطح فوقها ظل شاردا في حياته واخر شهر مر به نهايه بوفاه أحد ابنائه .. تنهد واغمض عينيه ولم يشعر بنفسه وذهب في نوم عميق ...

🥀🥀🥀

استيقظت لينا صباحا وجدت أنها تنام بأحضان حبيبها وزوجها نظرت له بحب تتأمل ملامح وجهه الهادئه .. نظرت له بعشق لحنانه ومراعاته لها ابتسمت علي وقاحته الجديده عليها كليا ولكنها تدغدغ كيانها تشعرها بأنوثتها

ويشعرها بأنه لا يوجد نساء علي الارض غيرها ... ابتسمت علي طفولتهم سويا ولعبهم كثيرا مع بعضهم ..تقسم أنها تعيش اجمل ايام حياتها برفقته هو فقط ...

ارتفع رنين هاتفه للمره التي لا تعلم عددها ....

لينا _______ حمزه حمزه اصحي

حمزه بصوت متحشرج من أثر النوم ______ اممم

لينا _______ تلفونك مش مبطل رن

جزبه حمزه ومازال مغمض العينين _____ الو ..مين .. محمد مين .. اخويا مين.. طيب ماشي .

محمد ______ يا حمزه ركز معايا

حمزه _______ ايوه انا هنا انت مين ياعم

محمد _______ نهار اسود يا ابني انا محمد اخوووك

حمزه ______ طيب عايز اي

محمد _______ المريض اللي عملتله العمليه امبارح مكتبتش ليه التقرير وعلاج اي اللي عطتهوله مسجلتوش ليه

حمزه ______ هو انا شغال اي ومريض مين

محمد _______ يا اخي منك لله

قالها واغلق الهاتف ولكن رن عليه مره اخري .. وهذه المره ردت لينا وهي تضحك بشده علي حمزه ...

محمد ______ ايوه يا لينا وحياه ابوك كبايه ميه ورشي علي الواد دا خليه يفوق المريض هيموت هنا

لينا _______ حاضر هصحيه

محمد ______ ماشي وخليه يرن عليا لما يفوق ضروري وبسرعه الساعه 9 ولسه مجاش

لينا _______ ماشي هصحيه حاضر.

اغلق الهاتف .

لينا _______ حمزه قوم اتأخرت علي شغلك

فتح حمزه عينيه نظر لها مطولا ووقف متنهدا ....

حمزه _______ صباح الخير

لينا ______ صباح النور

دخل حمزه الي المرحاض لتغرق لينا في نوبه من الضحك لأنها تعلم أنه لا يتذكرها والقي عليها تحيه الصباح مثلما يفعل منذ شهرين عندما يستيقظ ...

توجهت الي المطبخ لتعد وجبه إلافطار بحب وسرعه ...

حمزه _______ صباح الورد والياسمين يا عسل بالقشطه

لينا ضحكت بخفوت_______ صباح النور يا حبيبي

حمزه ______' الله علي الريحه الله

لينا _______ صحيح كلم محمد كلمك وانت نايم وطبعا كالعاده

حمزه _____ بس خلاص متكمليش هههههههه انا هتصل عليه

لينا ______ هههههه ضروري معرفش في مريض حاجه زيي كدا

حمزه ________ الو يا دوك

محمد _______ يا اخي حسبي الله يا ابني قولتلك ميه مره اكشف علي حالتك دي مبتسمعش الكلام ليه

حمزه ______' حاضر هكشف عايز اي علي الصبح

محمد ______' الحاله اللي عملتلها العمليه امبارح مكتبتش ليه التقرير وعلاج اي اللي عطتهوله مسجلتوش ليه

حمزه _______ نسيت انا عطيته **** و*** و****
والمفروض ياخد جرعه الصبح التقرير كتبته تقريبا في مكتبي هتلاقيه

محمد _____طيب ماشي خلص تعالي الشيفت بتاعك بدأ من بدري

حمزه _______ ماشي جاي ما انا شلت مصطفي ساعتين امبارح بليل فهو عارف اني هتاخر الصبح

محمد ______' والله طيب ماشي سلام دلوقتي

حمزه _____ ماشي سلام

..
لينا _______ يلا الفطار جاهز

حمزه ______ يا سلام يا لينو يا حبيبتي تسلم ايدك

لينا _______ بالف هنا بقولك انا عايزه اروح لماما

حمزه ______ ماشي البسي اخدك وانا ماشي

لينا _______ هترجع امتي

حمزه ______ علي الساعه 7 أو 5 هبقي ارن عليك

لينا _______ ماشي هلبس علي ما تخلص اكل

حمزه ______ انتي مكلتيش

لينا _______ مش جعانه دلوقتي

حمزه ______ ماشي بسرعه بس

لينا _______ عشر دقايق بس

........

حمزه _______ خلي بالك من نفسك لو عوزتي حاجه رني عليا

لينا _______ ههههه حاضر

حمزه ______ سلام

لينا _______ باي

لم يتحرك الا عندما دخلت الي البنايه ... وغادر سريعا الي عمله ....

🥀🥀🥀

نزلت حوريه درجات السلم بحيويه تستعد ليومها.... تفاجئت بجاسر ينام فوق الاريكه ..ضحكت بخفوت عليه ..

حوريه ______ جاسر يا جوجو

حركت زراعه المتدلي من فوق الاريكه مفرود في الهواء .. ولكنه استيقظ شاهقا بسبب حركتها

حوريه ______ بسم الله الرحمن الرحيم متخافش دا انا

جاسر بصوت متحشرج _______ صباح الخير

حوريه _______ صباح النور اي منيمك هنا

جاسر _______ مفيش محستش بنفسي

حوريه ______ يا جوجو محستش بنفسك ولا وتين شحتتك هههههه

جاسر _______ لا ابدا هي بس الولاد منيماهم علي السرير وانا خوفت انام ومحسش بنفسي

حوريه _______ قومت نزلت هنا مجتش نمت عندي ليه

جاسر _______قعدت هنا شويه ونمت غصب عني

حوريه _______ حصل خير اطلع كمل نومك لسه بدري

جاسر _______ نوم اي بقي انا عليا شغل متراكم جبل

حوريه _______ قدها وقدود روح اجهز علي ما الفطار يجهز

جاسر. وهو يتمطع بكسل وصعد إلي العلي ... وجد وتين تضم الاطفال كل واحد في اتجاه ادهم علي زراعها الأيمن وآسيا علي الأيسر وتنام هي بالمنتصف .وبلوزتها ازرارها مفتوحه كاملا ....

جاسر _____ الامومه متعبه جدا دي منامتش ساعتين علي بعض .اصحيها ولا بلاش خليها نايمه .. اصالحها لما تصحي ...

ارتدي ملابسه مستعدا الي العمل ...

حوريه _______ وتين منزلتش ليه

جاسر _______ سبيها نايمه اخيرا نامت كل ساعه تصحي علي عياط حد يا ادهم يا اسيا كل شويه ترضع فيهم وتنيم فيهم ...

حوريه ______ ربنا يعينعها يا ابني دي طفلين مش واحد بجد حاجه متعبه

جاسر _______ انا كنت بتعبك

حوريه _______ ابدا حاشه لله دا انت كان مزاج عندك تنام طول اليوم وتصحالي طول الليل

جاسر _______ هههههههه انا أخص عليك يا حور

حوريه _______ حور ! معرفتش. اربيك اصلا

جاسر ________ طب يا ام جاسر ولا تزعلي

حوريه _______ ايوه كدا

جاسر ______ انا ماشي عليا فين

حوريه _______ بتلبس بقالها ساعتين

جاسر ________ مش هتخلص دي انا همشي وهي تاجي براحتها

حوريه ______ بتشتغل كويس ولا لا

جاسر ________ دي بتلعب مش بتشتغل

حوريه _______ هههههههه بتلعب ازاي

جاسر _______ تمسكلي شويه ورق وتقعد تترجم فيها

حوريه _______ هههههههه بص وراك كدا

نظر جاسر وجد عليا تقف خلفه ______ اهي تقعد تلبس وتعملي شعرها كل يوم في جنب

عليا _______ بقي انا مبشتغلش وبلعب هي الترجمه دي حاجه قليله هتترجم لوحدها

جاسر _______ انا قولت حاجه عليا عسل انا اقدر

عليا _______ انا سمعتك لوحدي

جاسر ______: صدقيني وكدبي ودانك هههههههه

عليا _______ علشان اسيا وادهم بس هسامحك

جاسر _______ يا ام قلب طيب يا حنينه امشي يا بت قدامي ورانا شغل

عليا ______ تمام يا فندم

حوريه _______ يعوض عليا عوض الصابرين يارب المهم خدها معاك يا جاسر وخلي السواق يجهز علشان خارجه

جاسر _______ رايحه فين

حوريه ________ اشتري حجات نفسي اشتريها من زمان

جاسر. _______ وليه مشرتهاش من زمان

حوريه _______ علشان كان لسه وقتها مجاش

جاسر ______ طيب سلام

حوريه _______ سلام

🥀🥀🥀

ناهد _______ يا بنتي وشك اصفر كلي

لينا _______ مش جعانه يا ماما

ناهد _______ انتي مكلتيش حاجه

لينا ________ هاتي يا ماما هاتي

ناهد _______ خدي السمك اللي بتحبيه

لينا _______ هههههه حمزه لما بيصحي بيبقي زيي السمكه اللي بتنسي وترجع تفتكر

ناهد _______ ممكن تكون يا بت يا لينا حاله نفسيه من اللي اتعرضله

لينا بتفكير _______ مش عارفه أما اروح أقوله

ناهد _______ مش متخيله أنه بينساك كل يوم

لينا _______ هههههههههه دا بقي يقولي صباح الخير وهو باصصلي باستغراب تام ومش فاكرني بس هو عارف أنه هيفتكرني بعدين فبيحاول يلطف الدنيا هههههههه

ناهد ________ هههههههه هههههههه يا حبيبي يا ابني دا حالته صعبه خالص

لينا _______ هههه ماما السمك دا وحش

ناهد _______ وحش ! عملاه زيي كل مره بعمله

لينا وقفت متوجهه الي المرحاض تفرغ ما أكلته ...

ناهد بقلق ______ مالك يا لينا يا بت افتحي الباب في اي

خرجت لينا بوهن وإرهاق اسندتها ناهد _____ في اي

لينا ________ كل ما اكل يحصلي كدا علشان كدا مش برضي اكل

ناهد _______ قومي نكشف

لينا ________ لا انا كويسه

ناهد _______ قومي نكشف بقولك حتي نروح عند حمزه خلصي

لينا _______ يا ماما هيقلق علي الفاضي

ناهد ________ مفيش نقاش يا لينا انا ساكته من بدري وانا شايفه وشك اصفر

..... ...
وبالفعل توجهت لينا مع والدتها الي المستشفي ... اتصلت ب حمزه ...

حمزه _______ الو ايوه يا لينا هتروحي ولا اي

لينا _______ لا انت فين

حمزه _______ في المستشفي هكون فين

لينا _______ انا عندك

حمزه _______ عندي فين مالك في حاجه ولا اي طب واقفه فين

لينا _______ تحت عند الاستقبال

حمزه _______ انا نازلك حالا

اغلق معها وتحرك مغادرا استقل الاسانسير ..... رأها تقف مع والدتها ....

حمزه بقلق _______ ازيك يا طنط

ناهد _______ الحمدلله يا ابني

حمزه ______ في اي مالكم

ناهد _______ لينا تعبانه وبترجع

حمزه بخوف وضع يده فوق خدها ______ مالك يا حبيبتي كنتي كويسه الصبح

لينا _______ انا الحمد لله كويسه

ناهد _______لا مش كويسه اكشف عليها يا حمزه

حمزه بقلق بالغ عليها _______ ايوه لازم حالا تعالو معايا

أخذهم وصعدا الي غرفه الكشف ...

حمزه _______ افتحي عينك يا لينا

بدأ بإجراء االعديد من الفحوصات الطبية.

ناهد _______ مالها يا حمزه

حمزه _______ هاا اصبري بس نهارنا زيي الفل

لينا _____ هههههههه حمزه ايدك برده

حمزه _______ هههههههه طب كدا

لينا ______ ههههههههههه بس بس هههههههه

ناهد ________انتم بتلعبو ولا بنكشف

حمزه _______ خلاص خلصنا

ناهد _______ مالها

حمزه _______ هنعمل تحليل صغير بس وهقولكم

بعد إجراء التحاليل كان ينظر لها حمزه بدموع .... سرعان ما حملها ودار بها في رواق المستشفي ....

لينا بخضه ______ عاااا نزلني يا مجنون

ناهد ________ متفهموني في اي

حمزه ________ انا هبقي اب يا ناااس وانتي هتبقي تيتا

ناهد بفرحه _______ بجد الف مبروك يا احلي خبر

لينا _______ ثواني بس يعني انت هتبقي اب وانا ام حقيقي أنا هيبقي عندي بيبي صغير

حمزه بسعاده _______ ايوه

لينا صارخه بحماس وهي تحتضنه بيدور بها مره اخري ...

حمزه بسعاده وفرحه ______ الف مبروك يا روحي

ناهد ______ ربنا يكملك علي خير وتقومي بالسلامه ..

حمزه بحماس ______ لازم نروح لبابا دلوقتي ونقوله هيفرح اوي

أخذهم حمزه وتوجهه الي مكتب محمود ....

حمزه _______ سمعني زغروطه هنا لولولولوي

محمود باندهاش _______ في اي الله يهديك ازيك يا لينا اهلا وسهلا يا مدام

ناهد ______ هههههه الله يسلمك

حمزه ________ احب اقولك من موقعي هذا ابدأ رسميا حساب ال.9 شهور

محمود وهو يحتضنه بحب_______ بجد الف مبروك ياعم خلاص كدا رسميا هتخليني جد

حمزه _______ وفيت ووعدت بعون الله شوفت بقي

محمود ________ هههههههههه شوفت لا انا فخور بيك

حمزه ________ ههههههههه طب انا همشي علشان اوصلهم واخد اجازه بقي

محمود _______ ليه انت اللي حامل هههههههه

لينا _________ ههههههههههههه حلوه يا عمو هههههههه

حمزه_______ انتم اتفقتو عليا انا عندي حماتي حبيبتي

ناهد _______ الغي حماتي دي وانا اجي في صفك

حمزه ______ نمشيها ناهد حاف كدا

لينا _______ لا بالجبنه هههههههه

حمزه _______ شايفه بنتك

ناهد _______ معرفتش اربي

انفجر الجميع في الضحك والسعاده. .. وغادروا سويا ...

ناهد _______ وصلني الاول يا حمزه علشان زمان ابو لينا وصل

حمزه _______ ما تيجي معانا الاول ونرجع اوصلك

ناهد ______ لا مش هقدر روحتي وهاجيلكم بكرا أن شاء الله خلي بالك من نفسك يا لينا ومتعمليش مجهود ولا تشيلي حاجه

لينا ______ حاضر .

حمزه _______ عايزه حاجه يا طنط

ناهد وهي تنزل ______ سلامتكم

.....عاد الجميع الي منزله ...

حمزه بفرحه والدموع تتلئلئ بعينيه _______ تعرفي يا لينا انا مبسوط اوي وفرحان جدا بيك وبالبيبي مش مصدق اني هكون اسره

لينا وهي تضع يدها علي خده "______ وانا كمان مبسوطه وسعيده معاك يا حمزه ربنا يخليك ليا يا حبيبي

حمزه _______ ويخليك ليا

🥀🥀🥀

وتين _______ حمدالله على السلامه يا ماما كنتي فين سيباني لوحدي اليوم كله

حوريه _______ معلش يا حبيبتي بس كنت بعمل مشاوير كتيره ... تعالي بصي جبتلكم اي

وتين _______ اي

حوريه ______" اول حاجه الهديه دي مني ليك

وتين _______ ليا انا اي المناسبه

حوريه _______ هديه الولاده

وتين ________ شكرا يا ماما

حوريه _______ يلا افتحي

فتحتها وتين لتشهق بانبهار من جمالها

وتين _______ الله يا ماما جميل اوي بس دا غالي اوي

حوريه _______ مبروك عليك يا حبيبتي ميغلاش عليك

وتين _______ انا بحبك اوي يا ماما

حوريه ______ وانا كمان بحبك اوي تعالي بقي شوفي جبت اي ل اسيا وادهم

وتين ______ بجد وريني

حوريه ______ ملابس ليهم

وتين _______ الله علي جمالهم دول صغيرين اوي ههههه

حوريه _______ علي قدهم هههههه الحجم دا دوخني

وتين _______ الفستان دا حلو اوي الله

حوريه _______ عندنا كام اسيا

وتين _______ بس فيهم لبس مش هياجي مقاسهم

حوريه ______ عادي شيليه في اوضتهم

وتين _______ عايزه ألبسها الفستان دا دلوقتي

حوريه ________ لا لسه صغيره تاخد برد شهر كمان ولبسيها براحتك

وتين ______ ماشي

حوريه ______ لو عايزه دلوقتي دا كويس

وتين _______ ماشي بس بليل شويه علشان احميهم ويلبسو وينامو

حوريه ______ ماشي ..الغدا جاهز ولا لسه

وتين ______ ايوه جاهز بس انا مستنياكم

حوريه _______ انتي لوحدك لدلوقتي

وتين ______ ايوه

حوريه &_______ جاسر اتاخر ليه كدا وعليا

وتين _______ مش عارفه اتصلي بيه

حوريه _______ فين شنتطي فيها تلفوني

وتين _______ اتفضلي اهي

حوريه _______ كان مشوار يا وتين وخصوصا اني روحت النادي اغيظ شويه هوانم اصحابي هههههههه

وتين _______ ليه ههههه

حوريه ________ اصل انتي متعرفيش جاسر وعمايلو فيا يا وتين كان مجنني

وتين ______ ازاي

حوريه _______ ثواني هقولك ... الو يا جاسر اتاخرتو ليه الغدا جاهز من بدري

جاسر_______ جايين في الطريق بس زحمه شويه انتي روحتي ولا لسه

حوريه ______ اه لسه من شويه

جاسر_______ ماشي احنا جايين ربع ساعه بس

حوريه _______ توصل بالسلامه

...
وتين _______ قوليلي بقي كان مغلبك ازاي

حوريه _______ اسكتي يا وتين علي عمايله اخر اربع سنين تقريبا كدا جاسر متلمش غير لما دخلتي حياته

وتين _______ لا احكيلي تفاصيل

حوريه _______ هههههه لو قولتلك هيبات علي الكنبه هنا زيي امبارح

وتين _______ هو نام هنا هههههههه بس لازم تقوليلي علشان خاطري

حوريه ______ يا بنتي مينفعش

وتين ______ لا قوليلي

حوريه ______ بصي جاسر كان بيبات بره بالاسبوع مشفهوش ويسافر كتير وكان حاجه فظيعه محدش كان يقدر يكلمه ولا يقوله بخ حتي كميه رعب وجبروت فظيعه كنت بخاف يطلع زيي أبوه وخصوصا أن دا كله ما ظهرش غير بعد وفاه حامد

أما بقي بالنسبه لعلاقاته النسائيه مقولكيش يا وتين علي اللي كنت بسمعه كل مروح النادي شويه يستلموني كلام عن جاسر وعلاقاته وووو

وتين ______ لا احكيلي بقي كانو بيقولولك اي
وحقيقي ولا اشاعه

حوريه ______ لا فعلا حقيقي اتاكدت من اللي قالوه امال انا رجعت زنيت عليه علشان ينفذ الوصيه ليه خفت عليه من النساء والأمراض

وتين _______ ثواني بس انا مش فاهمه علاقات ازاي يعني وأمراض اي

حوريه _______ انتي فاهمه يا وتين

وتين _______ فاهمه اي انتي قصدك أنه كان بي

حوريه _______ ايوه كل يوم سكرتيره شكل متكملش يومين وتمشي ليه هو بيطردها لكن بعد ما يقضي يومين معاها دا غير الستات التانيه

علشان كدا انهارده روحت مخصوص علشان اعرفهم أن ابني اتلم واتجوز وخلف كمان

وتين _______ وبيعمل بقي كدا دلوقتي

حوريه ______ وتين الكلام دا بقولك قبل ما تدخلي حياته انتي من اول يوم دخلتي القصر هنا وحصل تغيير كلي لجاسر انا بنفسي اتاكدت من دا

وتين ______ اممم

حوريه ______ متقلبيش عليه وتخليه يرجع إلي كان عليه احتويه وأملي حياته متخليش في فراغ علشان ميكبرش

وتين متنهده قمعها حق كثيرا _____ حاضر يا ماما

حوريه _____ اهو جه كلميه بقي انتي مخصماه من امبارح كفايه

وتين _____ لو صالحني هكلمه

حوريه ______ هههههه ماشي العيال نايمه ولا اي

وتين ______ ايوه ينامو طول اليوم ويصحو طول الليل لما بجد تعبت عايزه اظبط نومهم

حوريه ______ في الاول كدا استحملي شويه وبعدين تقدري تتحكمي

وتين ______ ماشي علشانهم استحمل اي حاجه

حوريه _______ تعالي نساعد ونطلع الاكل

وتين ______ يلا

🥀🥀🥀🥀🥀 مساءا ...

كانت تقف امام المراه ترتدي طقم الذهب التي احضرته حوريه ...

جاسر وهو يحتضنها من الخلف______ هتفضلي مخصماني كتير

وتين _____ اه علشان انت ضحكت عليا

جاسر وهو يقبل رقبتها______ حقك عليا انا اسف

وتين ______ جاسر بس سيبني اركز

جاسر ______ منين الذهب دا صحيح

وتين ______من ماما حوريه هديه الولاده

جاسر ______ طب صالحتيني ولا لا

وتين ______ اممم بفكر

جاسر ______ لا متفكريش عايز انام وحياه عيالك

وتين ______ هههههههه انا مقصدتش انيمهم جنبينا علشان يعني اعاقبك علي فكره انا بس علشان يبقىو جنبي لأنهم بيصحو كتير بليل

جاسر ______ بجد وانا هفضل كدا كل يوم

وتين ______ طب ما تنام هما مش بيتحركو يعني

جاسر. ______ انا اللي هتحرك

وتين ______ خلاص انا هحل الموضوع انت تنام جنبي وهما جنبي التاني بس مش عايزه اظلم حد فيهم من أنه ينام في حضني

جاسر ______ يا حبيبتي ما انتي دا شويه ودا شويه

وتين ______ ماشي

جاسر ______ اشمعنا ماما تجيب هديه وانا لا افتحي الدرج دا كدا

امتدت يدها وفتحت أحد الإدراج _____ اي دا علبه

جاسر ______ ايوه افتحيها

وتين ______ الله روعه جميل اوي زوقك حلو اوي يا جاسر بس انا هعمل اي بكل دا انا حتي ملبستش اللي انت جبتهولي قبل كدا

جاسر ______عادي تلبسيه براحتك

وتين ______بس دا غالي

جاسر ______ ميغلاش عليك اي حاجه في الدنيا

وتين ______ شكرا يا حبيبي

جاسر ______ احلي حبيبي دي ولا اي ..بصي بقي العلبه دي

وتين _____ ودي فيها اي كمان

جاسر ______ افتحي كدا

فتحتها وتين لتراها الله علي جمالها حلو اوي اوي اوي بس صغيره

جاسر _____ اه ل اسيا

وتين _______ برنسس اسيا تعيش وتجيبلها ويخليك لينا يا روح قلبي

جاسر ______ اه قلبي الصغير وحده وحده عليا يا روحي يا قلبي الاتنين مع بعض كتير والحاله صعبه

وتين بدلع ______ هههههه مش لازم ادلع جوزي حبيبي ابو ولادي

قربها إليه وآمال برأسه اتجاه شفتيها مقبلا إياها باشتياق وعشق بالغ .. .. أبعدته وتين برفق بخجل

وتين _____ مينفعش لسه

جاسر غامزا _____: عارف انا بس باخد تصبيره

وتين ______ انا عايزه احمي ادهم وآسيا ممكن تساعدني صحيح نسيت اوريك اللبس اللي ماما جابته ليهم

جاسر ______ يلا نديهم شاور الاول وبعدين نتفرج براحتنا

وتين _____' ماشي

........

جاسر _______ هههههههه احنا كنا كدا واحنا صغيرين

وتين ______ هههههههه اه

جاسر ______ بتعيط ليه بس بنضفك اهو خلاص

وتين _______ خايفه احط الميه اول مره يستحمو

جاسر_____ اي العفانه دي

وتين _______ كنت بنضفهم علي فكره ب مناديل معقمه ومنشفه دافيه ماما قالتلي كدا

جاسر ______ طب يلا انا اشيله علي ايديا وانتي حطي الميه ..يلا بيعيط بردان

بدأت وتين في وضع الشامبو الخاص بهم بنعومه ولطف وحنان ..سكب الماء رويدا رويدا وارتفع بكاء الصغير ....... انتهت من تحميمه وضمته من يدي جاسر بالمنشفه ضاممه إياه....

وتين _____ خلاص خلصنا بس حبيبي بااس

جاسر _____ اسيا نايمه حرام نصحيها

وتين _____' خمس دقايق وهتصحي متقلقش

جاسر _____ هههههه فين اللبس بقي

وتين ______ الشنط اهي هاتها نختار بقي

أحضرها جاسر وبدا يتفرج علي محتوياتها ___ اي الحلاوه دي كلها دا تيتا مدلعاكم علي الاخر

وتين بدأت تلبس به بعد أن هدئ من بكائه ..

جاسر ______ دا كله قطعه واحده

وتين ______ اه سلوبته

جاسر ______ طب ما الاحسن بنطلون وتيشرت

وتين _____ لسه صغير يا جاسر فين المفرش الصغير بتاعه

جاسر _______ اهو

لفته وتين جيدا في الغطاء الخاص به وبدأت ترضعه كل هذا تحت أنظار جاسر السعيده ...

وضعته برفق في سريره الخاص .

جاسر _____' مش هينام جنبينا

وتين _____ لا علشان تكون براحتك

جاسر ______ لا رجعيه راحتهم اهم طبعا

وتين _______ لو شلته تاني هيصحي خليه لما يصحي لوحده ..

جاسر _____ ماشي دور اسيا بقي

.......

جاسر بضحك _______ ههههههههه لما تكبر وتعرف أن شوفتها بلبوص كدا هههههههه يااه علي الكسوف
هههههههههه

وتين _______ ههههههههه انت ابوها برضو مفيش حد غريب هههههه

جاسر ______ بس مش بتعيط زيي ادهم شكلها بتحب النضافه إنما المعفن اللي بره دا شكله كدا مش بيحب السحوم خالص

وتين ______ هههههههه مش يمكن علشان اسيا لسه صاحيه مش فايقه

جاسر ______ تصدقي فعلا ههههه خلاص كدا

وتين ______ اه

....

جاسر _____ فساتينها حلوه اوي

وتين ______ كنت عايزه ألبسها دا بس لا أحسن تاخد برد

جاسر ______ اه بلاش اصلا الجو بدأ يبرد

وتين _____ ايوه خلاص

ارضعتها ووضعتها بسريرها الاخر أيضا ...

جاسر بمشاكسه______ دوري بقي انا كمان

وتين ______ هههههه لما تبقي صغير

جاسر _______ لا وانا كبير عادي مفيش مشاكل

وتين &______ خلاص روح ل مامتك

جاسر غامزا______ وليه ومراتي موجوده

وتين ______ هههههههه عيب .انت تاخد بالك منهم لغايه ما انا اخد شاور سريع قبل ما يصحو

جاسر ______ ماشي يا ستي بسرعه بس

،___🥀

وتين وهي تنام فوق صدر جاسر الذي بدأ يستعد للنوم

وتين ______ جاسر

جاسر _____ اممم

وتين _____ بتحبني

جاسر ______ لا انا خلاص مبقتش احبك

وتين ______ ليه

جاسر ______ علشان بقيت بعشقك

وتين وهي تضربه بقبضتها _____ خضتني

جاسر _______ مش عايزك تشكي ابدا ولو لحظه واحده من حبي وعشقي ليك يا وتيني

وتين _______ بحبك

جاسر _____' وانا بموت فيك نامي بقي قبل العيال دي متصحي ...

وتين _______ تصبح علي خير

جاسر ______ وانتي من اهل الخير ..

🥀🥀🥀🥀

حمزه _______ لينا بصي بقي اسمعي كويس علشان نكون علي نور من اولها

لينا ______ قول

حمزه ______ اولا

🥀🥀🥀
خلص الفصل ❤️

نكمل الفصل الجاي تعبت من الكتابه تقريبا اطول فصل كتبته من اول الروايه يعتبر يعادل ٣ فصول

التفاصيل الصغيره بين جاسر ووتين وأولادهم الصغيرين حابه اعرضها جدا خصوصا أن دايما النهايه بتقفل الروايه علي ولاده مولود جديد .. هي حلوه ولا لا الفكره ولا اختصر ...🤔

تفاعل حلو بقي وخلاص فاضل علي فكره فصل أو فصلين حسب ما ياجي معايا 🥺

متنسوش التصويت ⭐ اضغطوا علي النجمه أسفل الفصل ⭐⭐

بقلمي ❤️ لمياء احمد ❤️