بحر الانتقام الفصل السادس والعشرون 26 - بقلم Lamiaa Ahmed

حمزه _______ اولا اياك تشيلي حاجه تقيله ولا تعملي مجهود ولا اي حاجه خالص أنا هعمل كل حاجه

لينا ______ انت مكبر الموضوع

حمزه _______ اسمعي وانتي ساكته

لينا _______ كمل يا دكتور

حمزه _______ ثانيا .. الادويه دي تاخديها بنظام والفيتامينات والمقويات دي تخلصيها في معاها هعدهم كل يوم يا لينا ويا ويلك أن لقيتك نسيتي تاخدي

لينا _______ حاضر يا بابا حمزه

حمزه ______ الله بابا يا سلام انا حاسس ان انا ملك زماني

لينا _______ ههههههههه خلاص كدا

حمزه _______ لا لسه الوصايا العشر وصلنا لفين

لينا _______ ثالثا

حمزه _______ اه ثالثا بقي الشيبسي والمشروبات الغازية ممنوع

لينا _______ يا سلام لا مفيش الكلام دا

حمزه _______ مش هجيبلك وهخلص اللي جوه لوحدي وانتي اياك تقربيلهم

لينا ________ دا ظلم

حمزه _______ لا لو خايفه علي البيبي بلاش

لينا ______ حاضر اي تاني

حمزه ______ بس لما افتكر هقولك

لينا _______ هههههههه الحمدلله تصبح علي خير بقي

حمزه _______ وانتي من اهل الخير ..

🥀🥀🥀

مرت الشهور والايام والأسابيع ... لتمر تسع شهور كامله علي الجميع ... وتين وصغارها كان الوضع صعب كثيرا في الشهور الأولي لتبدأ في التدريج أن تكون هادئه ..

أما لينا اقتربت ولادتها فتره الحمل كامله كانت تحت تعليمات حمزه المشدده .....

وتين ________ ادهم تعالي هنا

حوريه وهي تقبل اسيا من وجنتيها________ والله ما فيه زيي اسيا العسل بتلعب بالعابها وساكته إنما ادهم خليه داير كدا طول اليوم من هنا لهنا هو راح فين

وتين _______ هههههههههه تحت السفره هناك ههههه خليه كدا لما يتعب يلف ويرجع

حوريه ________ هههههههه فيران صغيره دايره في البيت هههههه

اسيا وهي تخرج اصوات صغيره غير مفهومه وبدأت تحبي الي مكان ادهم باحثه عنه ____ ددددادااادددد

وتين ______ اتفرجي اتعدت منه ومشيت هي كمان

حوريه بسعاده _______ خليهم يلعبو القصر طويل كبير يسيع من الحبايب الف

وصلو الاثنين الي اللوح الزجاجي المطل علي الحديقه في الخارج وجلسو ينظرون إلي الخارج ... كان في هذا الوقت جاء جاسر وعليا ...

شاهدتهم عليا اتجهت لهم ليبدأو بالضحك ويحاولون الوصول إليها وهي تلاعبهم من خلف الزجاج ...

جاسر _______ هتجنني العيال ادخليلهم

زحف ادهم مغيرا موضعه متجها الي وتين مره اخري .. ولكنه راي جاسر جلس موضعه يشير بيده اليه..

حمله جاسر وبدا يقبله ويقذفه في الهواء ويلتقطه __ ابني القمر قاعد مستنييني يا ناااس هههههه

ادهم _______ اااادااااادظاااا

جاسر______ عايز اي جمع جمله مفيده ههههه ... السلام عليكم

حوريه ووتين _______ وعليكم السلام

بدا يدغدغ به وترتفع اصوات ادهم وضحكاتهم الاثنين ....استمعت اسيا لصوت والدها لتترك عليا التي تفعل حركات بوجهها لها وتوجهت عائده لهم ...

انزل جاسر ادهم أرضا وفتح زراعيه ل اسيا ____ آميرتي الحلوه جااااات حضن كبير وحشتيني

التقطها ليحضنها وبدأ يقبل خديها _____ الله عسل عسل اميرتي عسل

بدأ يلاعبها ويدغدها بفمه وبدأ يفعل مع ادهم كذلك ونسي الجميع ____أكلك منين يا بطه أكلك منين همهمهم هههههههه لا اكل ادهم منين من هنا هم هم هههههههه

كانت وتين وحوريه ينظران لهم بيسمع سعيده فهذا اللقاء يتكرر كثيرا كل يوم بعد عوده جاسر ...

عليا ______ عاااااا بتلعبو من غيري

جاسر وهو يضعهم خلفه______ عمتو الهبله جات هههههه استخبو بسرعه هههههههه

استخبي الصغيرين خلفه وهم يضحكون بسعاده وأصوات مرحهم تتردد في أنحاء القصر .....

عليا _______ انا جيت تعالو

جاسر _______ لا مش هنا مفيش حد هنا

عليا _______ لا انا شيفاهم اقفش بسرعه

جري ادهم الي والدته سريعا وآسيا أيضا خلفه ....

حملتهم وتين وضمتهم سريعا ______ امشي يا عليا امشي هش هش هههههههه

جلست عليا تضحك بشده عليهم ... وصعد جاسر يجلس فوق الاريكه بدلا من الأرض بانهاك.. ...

جاسر ______ هطلع اخد شاور

حوريه _______ متتاخرش. هنتغدا

جاسر ______ ماشي

وتين لاطفالها _______ يلا ناكل احنا كمان يلا يلا

حملت اسيا وبدأت ترضعها وادهم ينظر لهم بضحك ويحاول مضايقه اسيا .. يناغشها يشد شعرها الصغير ويضع إصبعه الصغير فوق عينيها

نظرت له اسيا بغضب ونظرت ل وتين تستنجد بها ...

وتين ______ بس يا ادهم سيبها ترضع وانت بعدها

عليا وهي تحمله ______ قفشتك في اي بتزهق في البت ليه شوف انا جبتلك اي

نظر لها ادهم وهو يبتسم باتساع وتركيز ليري ما أحضرت

فتحت عليا حقيبتها وأخرجت لعبه صغيره تصدر صوت عند تحريكها .. ليحملها بيده الصغيره ويحركها

تركت اسيا وتين ونظرت لهم ... لتخرج عليا واحده اخري لها ..لتبدأ في تحريكها هي الأخري ...

عاودت وتين ارضاعها ولكنها رفضت ....وضعتها أرضا وحملت ادهم من عليا ...

وتين ______ تعالي ياعم دورك جه ..

عليا _______ هطلع اغير ونازله

وتين _____ ماشي شكرا علي اللعبه الحلوه يا لولا

عليا______ انا عندي الا اسيا وادهم حبايبي

..
بدأت وتين إرضاع ادهم الذي بدأ يستسلم للنوم .. وترك اللعبه من يده ... أما اسيا كانت منشغله بالالعاب ببرائه ...

وضعته برفق فوق المكان المخصص لنومهم فكان عباره عن مرتبه صغيره ناعمه ووسائد ناعمه ..

وضعته برفق ثم وضعت الغطاء فوقه بحنان مبتسمه علي ابتسامته الصافيه أثناء نومه

وتين ل اسيا ______ هتنامي يا سمسم

حملتها وتين ولكنها رفضت النوم ...... صحاكي ونام هو هههههههه ولد مشاغب ... يلا يا اسيا نامي شوفي ادهم نام ازاي يلا نامي زيو

وبالفعل حاولت وتين معها كثيرا إلي أن غطت في النوم هي الأخري وضعتها بجانب شقيقها ووضعت الوسائد حولهم ... وتحركت تساعد حوريه في وضع الطعام مع الخادمات

وتين ______ خلاص

حوريه _______ اه خلاص هاتي الطبق دا معاكي

وتين _______ حاضر ...

.......
جلسة يتناولون الغداء جميعا ...

جاسر ______ الولاد فين

وتين _______ نامو

جاسر _______ اه ينامو دلوقتي ومش هنعرف ننام احنا بليل

وتين _______ قال يعني بتحس بيهم اصلا

جاسر _______ ايوه ايوه امال مين اللي كان بيسكت فيهم امبارح

وتين _______ انت

جاسر ______ خليك شاهده يا ماما بقوم اساعدها بليل وتنكر

حوريه _______ معلش انت الكبير برضو

جاسر ______ الحمدلله اكلت .

وتين ______ شكل ادهم صحي شوفه كدا

جاسر _______ اوك

.....

توجهه جاسر الي مكانهم وجد ادهم ينام فوق بطنه ويرفع جذعه قليلا ..

نظر ادهم الي والده وابتسم باتساع وهو يحاول فتح عينيه والتحرك اتجاهه

خلع خفه المنزلي وجلس بجواره يحمله ...

جاسر _______ اي نوم القطط دا يعني مكملتش ربع ساعه وصحيت

حمله وغادر الي الخارج في الحديقه. . ..

وتين ________ ادهم فين مع جاسر ولا مستخبي في مكان

حوريه _______ مش عارفه هطلع اسال جاسر بره

وتين ______ ماشي ...

.....

حوريه _______ انت هنا واحنا بندور عليك جوه

جاسر ______ معايا من بدري

حوريه _______ احنا قولنا اتحرك استخبي في اي حته زيي عادته

جاسر _______ هههههه لا معايا بنشوف شغلنا

حوريه _______ هههههههه ربنا يخلهولك ويجعله سندك يارب

جاسر _______ امين يارب .... عايز ينزل الأرض يجري علي العشب

حوريه ________ هههههه يحب يجري شمال ويمين

جاسر _______اسيا صحيت

حوريه ________ مش عارفه وتين راحت تشوفها المهم انت عامل اي في شغلك

جاسر _______ الحمدلله كويس

حوريه _______ والشركات اخبارها اي

جاسر _______الفرع الاخير اصغر واحد وسعته زيي الباقي والحمدلله تمام

حوريه ____' ربنا يوسع رزقك كمان وكمان يا جاسر يا ابني ويخليلك ولادك ويبارك لك فيهم

جاسر _______ امين يارب خدي ادهم بقي عايز اكمل شغل عندي اجتماع بليل كدا

حوريه _______ انت في حاجه بينك وبين وتين ملاحظه انكم مبقتوش زيي الاول

جاسر ______ لا مفيش حاجه هي اشتكيتلك من حاجه

حوريه _______ ازاي مفيش ويتسال انت مزعلها

جاسر _______ لا ابدا مش مزعلها ازعلها ليه

حوريه _______ طب ما تسبب الولاد معايا وتاخدها معاك تغير جو

جاسر ______ بس انا عندي اجتماع

حوريه ______ علي فكره حرام عليك يا جاسر انت لا بتخرج معاها كزوج خالص ولا بتفسحها ولا بتخرج خالص من القصر مكنتش انا أخدها معايا النادي مره كل فين وفين مبتخرجش

جاسر _______ يا ماما انتي شايفه عندي شغل كتير انا باجي اتغدا معاكم وبعدين يكمل شغل من هنا بدل ما اكمله في الشركه علشان متزعلوش ازاي بقي هبقي فاضي علشان نخرج

حوريه ______ وتين نفسيتها تعبانه افهم بقي انا ملاحظه أنها مطفيه وعينيها حزينه خليك في شغلك بقي

وتركته وغادرت ...

جاسر ______ يا ماما استني خدي ادهم طيب ...وبعدين بقي ياعم ادهم تعالي نشوف ماما مالها

تحرك للداخل مره اخري ... أما وتين ...

ذهبت لتري اسيا وجدتها مستيقظه وتلعب بقدميها في الهواء وتمسك بهم ...

وتين _______ قلب ماما صاحي يا روحي انتي

حملتها وتين وظلت تلاعبها في الهواء وتقبلها ....

جاسر _______ اسيا صحيت

وتين _______ روحي لبابا يا اسيا

جاسر ______ لا انتي تاخدي ادهم انا خارج عندي اجتماع

وتين _____ هترجع امتي

جاسر _______ ساعتين كدا... صحيح انتي مالك يا وتين متغيره ليه

وتين ______ ابدا مفيش ما انا عال العال اهو

جاسر صمت لانه يعلم ما بها ______طيب امسكي ادهم

تناولته من يده وقبلته بوجنته _______ وحشتني يا دومي في الشويخ الصغننه دي

أنزلته بجوار اسيا ليلعبا سويا بالالعاب الخاصه بهم ..
وصعدت خلف جاسر ....

ارتدي جاسر أحدي بذلاته الرسميه .وقف يصفف شعره وينثر عطره وقفت مربعه زراعيها تنظر له بشك ..

وتين _____ الشياكه دي كلها علشان اجتماع

جاسر ______ اه اجتماع خارجي مش في الشركه

وتين _____ اممم وعليا بقي رايحه

جاسر ______ لا

ازداد شكلها أكثر وكلام حوريه من قبل يدور بعقلها __ وهتتاخر

جاسر _______ لا ساعتين بقولك وجاي

وتين _______ ماشي

طبع قبله فوق راسها وغادر ..... قبضت فوق يدها بغضب شديد وتوجهت الي غرفه عليا ..

عليا ______ ادخل

دخلت وتين _______ انتي مروحتيش مع جاسر ليه

عليا _______ دا اجتماع خارجي

وتين _______ مع مين

عليا _______ صوفيا هانم وأخوها

وتين وتاكدت ظنونها ______ اممم وهو جاسر عنده سكرتيره

عليا _______ لا راجل سكرتير

وتين _______ ماشي يا عليا شكرا

عليا _______ انتي بتفكري في اي

وتين _______ لا ابدا مفيش تصبحي علي خير

عليا _______ وانتي من اهل الخير

،،،،،،
نزلت وتين تري صغارها استمعت لصوت صراخهم لتسريع الخطوات علي السلم وجدتهم يتشاجران .. كانت اسيا تمسك شعر ادهم بغضب والآخر يحاول أبعادها ويبكي ..

وتين _______ اسيااا سبيه كدا غلط

افلتت شعر ادهم من بين يدها .. أما اسيا بدأت تبكي هي الأخري .... ..

ضمت وتين ادهم وهي تحاول اسكاته وبيدها الأخري تحاول إسكات اسيا..

وتين وهي علي وشك البكاء _____ انتي ضربتيه بتعيطي ليه وانت اكيد رخمت عليها ..انا اعمل اي بس

وبدأت تبكي من كثره الضغط والأفكار التي تدور بعقلها وادهم وآسيا ينظرون لها ويبكون حزنا ..

حملتهم وصعدت بهم الي جناحهم ومازالوا يبكون بصوت عالي ... بدأت ترضعهم الاثنين سويا حتي يصمتو .. توقفت عن البكاء وبدأت تمشي يدها بحنان علي رأسهم وظهرهم ليتوقفوا اخيرا ...

حملتهم بحنان وضعت ادهم بسريره ودثرته جيدا .. وكذلك اسيا .....

جلست فوق فراشهم تبكي على ما توصلت بهم علاقتها بجاسر فهو منذ أن وضعت طفليها ..لم يقترب منها بعد أن كان يأخذ حقوقه الزوجيه منها باستمرار الان منذ ولادتها

لم يقترب منها كلما اقتربت هي منه يأخذ بعض القبلات ويغادر متحجحا ... تسعه اشهر لم يلمسها أو يقترب منها ...

ماذا فعلت ليفعل ذلك .. لما تغير معها هل دخلت الي حياته امراه اخري ام عاد إلي ما كان يفعل قبل زواجهم .. بكت كثيرا لتهدء بعد فتره ،، وقفت توجهت الي المرحاض مقرره استعاده زوجها كلمات حوريه لها ونصائحها لها دائما

تذكرتها جميعا وتذكرت أنها نصحتها أن لا تهمل نفسها متحججه بأطفالها ،وان لا تدع فجوه بينهم وتحتل مركز حياته ... دخلت لتتجهز في المرحاض ... ارتدت فستان قصير ذو حمالات رفيعه مثير من الستان الناعم ...

جلست تصفف شعرها ..تطلعت لوجهها في المراه والي الهالات السوداء أسفل عينيها من السهر مع صغارها .. بدأت تضع بعض مساحيق التجميل لتخفيها ثم وضعت احمر الشفاه...

ارتدت روبها فوق ملابسها وتوجهت للشرفه تنتظره ... مرت ساعه واخري أمسكت وتين بلوحاتها تكمل رسمتها لصغارها فهي كل فتره واخري ترسمهم ... والتقط الصور لهم وتطبعها لتكون حائط بمراحل عمرهم ليروها عندما يكبرو ...

وصل جاسر اخيرا رأته وهو يصف سيارته وخرج تحدث قليلا مع الحرس ودخل الي القصر .لتدخل الي الداخل لاستقباله ....

جاسر _______ لسه صاحيه ليه يا ماما

حوريه _______ مفيش كنت بجيب ميه

جاسر _______ ماشي وتين والولاد فين

حوريه ______ طلعت من بدري زمانها نامت

جاسر _______ ماشي تصبحي علي خير

امسكته حوريه من يده ______ جاسر ريحني وقولي

جاسر ______ اقولك اي

حوريه _______ حط عينك في عيني وقولي يا جاسر انت ووتين مالكم

جاسر _______ يا ماما انتي مصره علي الموضوع دا مفيش حاجه ولا خصام ولا زعل

حوريه ______ ماشي يا جاسر هعمل نفسي مصدقه

جاسر ______ تصبحي علي خير

حوريه _______ وانت من اهل الخير

........

دخل الي جناحه وجد الاضاءه منخفضه توجهه إلي ادهم وآسيا قبل جبينهم وبحث عن وتين وجدها تقف تنتظره

جاسر ______ مساء الخير يا وتيني

وتين ______ مساء النور يعني اتأخرت قولتلي ساعتين بس

جاسر _______ الوقت عدي بسرعه وعلي مضينا العقود جيت علي طول .

وتين ______ ماشي هتتعشي

جاسر وهو يخلع ملابسه ______ لا ... انا نعسان جدا اليوم كان طويل ومتعب

تسطح فوق الفراش عاري الصدر وضع يده فوق رأسه .. جلست جواره بعد أن أزالت روبها ....

وتين ______ جاسر

جاسر _____ اممم

وتين _____ انت ليه بعيد عني

جاسر _______ بعيد عنك ازاي يا حبيبتي انا جنبك اهو

وتين _______ كانت حلوه صح

جاسر _______ هي مين

وتين ______ اللي كنت عندها

جاسر. _______ عند مين انتي اتجننتي

وتين _______ لا يا جاسر انت عارف كويس انا اقصد اي هو انا خلاص بقيت وحشه ولا زهقت مني

جاسر ______ اي الكلام اللي بتقوليه دا

وتين ______ بقول الحقيقه يا جاسر انت زهقت مني واكيد شوفت غيري زيي ما كنت بتعمل زمان

جاسر جلس مقابلها ________ يعني اي زي زمان

وتين بدموع ______ ايوه قبل ما تتجوزني اكيد رجعتلهم علشان كدا زهقت مني ومبقتش تقربلي من يوم ما ولدت بقالك تسع شهور

جاسر _______ انتي مين قالك الكلام دا عرفتي منين

وتين ______ هو دا اللي فارقه معاك عرفت مين

جاسر _______ عرفتي منين يا وتين متخلنيش اعلي صوتي

وتين ______ ماما اللي قالتلي

جاسر ________ ماما ؟! ازاي يعني

وتين _______ معرفش

قالتها وتحركت خارجه من الجناح صافعه الباب خلفها ... نسيت أن تحضر روبها لتجلس علي السلم بصمت وتضم جسدها ... ثم وقفت توجهت الي غرفه حوريه ... طرقت الباب بلطف ...

حوريه ______ ادخل

وتين ______ ممكن انام معاكي

حوريه بخضه فتحت لها زراعيها ______ تعالي يا حبيبتي في اي

لم تستطع وتين الصمود أكثر النهار باكيه في أحضانها ..،،

حوريه _______ في اي يا وتين اهدي بس اهدي فين روبك خارجه كدا ليه زفت جاسر عملك اي

وتين من بين بكائها______ مبقاش يحبني

حوريه ______ مين قال كدا بس

وتين ببكاء ______هو اكيد رجع للي كان يعرفهم زمان زيي ما قولتيلي

حوريه بصدمه _______ لا لا يا وتين جاسر مبيعملش كدا دلوقتي جاسر بيحبك ومستحيل يخونك انتي بتقولي اي ياريتني ما قولتلك يا ريتني ما اتكلمت .،

وتين _______ هو كان بيقابلها دلوقتي قالي ساعتين وقعد اربع ساعات وعليا قالتلي انها واحده ست

حوريه _______ لا مستحيل والله مستحيل جاسر يخونك هو ميكرهش قد الخيانه يا ريتني كنت اتشليت قبل ما انطق ياريتني ما قولت ...
بصي انا هتأكدلك دلوقتي حالا من مصدر مقرب من جاسر

مسحت عينيها بيدها _______ بجد

حوريه _____ اه

جزبت هاتفها وأجرت اتصالا وانتظرت الرد ووتين تتابعها ...

حوريه _______ الو ازيك يا مراد يا ابني عامل اي

مراد ________ الله يسلمك يا طنط في حاجه ولا اي

حوريه ______ معلش اسفه أن اتصلت في وقت متأخر

مراد _______ لا عادي ولا يهمك اتفضلي

حوريه _______ كنت عايزه أسألك حاجه هو جاسر رجع لايام زمان تاني انت فاهم اقصد اي

مراد _______ لا ابدا اقسملك وحياه بنتي مرجع للكلام دا من يوم ما اتجوز حتي منع اي سكرتيره بنت تكون في المكاتب وبدلهم برجاله

حوريه _______ امال مين اللي قابلها انهارده في اجتماع خارجي

مراد _______ اه دي مدام صوفيا وأخوها

حوريه ________ وبينهم شغل وكدا ولا اي

مراد ______ ايوه شغل طبعا مش اللي في دماغك مدام صوفيا كبيره في السن اولادها من سن جاسر وسني

حوريه _______ والله يعني زيي كدا

مراد ________ لا انتي صغيره كمان يا طنط

حوريه _______ ماشي يا مراد شكرا يا ابني

مراد _______ العفو يا طنط انتي عارفه انا يهمني مصلحه جاسر

حوريه ________ عارفه يا ابني ..اوعي يكون ازعجتك

مراد _______ لا ابدا مفيش ازعاج

حوريه _______ تصبح علي خير يا ابني

مراد _______ وحضرتك بخير

..

حوريه _______ سمعتي

وتين وهي تزيل دموعها _______ اه

حوريه _______ دا بس اللي خلاك تشكي فيه ولا عمل اي تاني .،

وتين ________ هو هو

حوريه ________ حاجه خاصه بينكم

وتين ______ ايوه

حوريه متفهمه الموقف لتغير مجري الحديث حتي لا تشعر بالخجل _______ هو فين بقي دلوقتي

وتين _______ مش عارفه انا خانقت فيه وجيت هنا

حوريه _______ ههههه جدعه .،ثم تابعت بغمزه .. وبعدين الميكب اللي باظ والفستان الحلو دا وخانقتي فيه

وتين بخجل _______ هو اللي غلطان

حوريه ________ والله لو انتي اللي غلطانه برضو هقف معاك ابني وانا عارفاه

وتين وهي تتسطح فوق الفراش ______ يلا ننام بقي

حوريه _______ نامي يا حبيبتي وهو ينام لوحده يستاهل علشان يزعل وتين تاني

..
أما علي الجانب الآخر كان جاسر يبحث عنها في المطبخ والقصر من الاسفل ...،،،

جاسر _______ راحت فين

ذهب الي غرفه عاليا طرق الباب كثيرا ...

عليا بنوم ______ مين

جاسر _______ انا يا عليا وتين عندك

عليا _______ لا مشيت

جاسر _______ طيب ماشي كملي نوم ..

دخل الي جناحه مره اخري استمع الي بكاء اسيا ... حملها يحاول اسكاتها ...وبدأ يتحدث معها لتستند برأسها فوق كتفه

جاسر _______ اعمل اي في ماما يا اسيا انا خايف عليها وهي مش متفهمه كدا مفكره أن انا اعرف ستات غيرها .. بس تفتكري تيتا عرفت الصياعه اللي كنت فيها ازاي

بدأت الصغيره تصدر اصوات منزعجه والبكاء من جديد لأنها جائعه ...

جاسر ______ خلاص تعالي نروح لماما شكلها عند تيتا بيتفقو عليا هتبقي معايا في صفي ولا معاهم يا اسيا

اسيا ببكاء ______ اداددا ااااعع

جاسر ______ رايح اهو متزعقيش

طرق الباب بخفه ولكن دون رد فتح الباب ببطئ ونظر للداخل وجدهم نايمين الاثنين ...

اقترب منهم لتلوح اسيا بيدها لوالدتها ..

جاسر برفق اقترب من وتين _______ وتين وتين

اسيا وهي تضع يدها علي خد وتين __ ممننمنعععهه ااعع

فتحت وتين عينيها بكسل ______ في اي

جاسر ______ اسيا عايزه تاكل

اخذتها منه وضمتها لها لتضحك الصغيره وتتدثر بأحضان والدتها ...لتبدأ وتين بارضاعها

جاسر _______ قومي ارجعي جناحنا يا وتين

وتين _______ ملكش دعوه بيا ومش هنام غير هنا

جاسر ______ وتين مينفعش الكلام دا قومي

وتين ______ مش قايمه

جاسر _______ ينفع كدا تسبيني انام لوحدي ومتناميش في حضني

وتين _______ من امتي بيفرق معاك عادي بالنسبالك بقالك تسع شهور اتعودت علي البعد كفايه

جاسر ______ وتين استهدي بالله وقومي معايا نتفاهم

وتين ______ سيبني يا جاسر مش طايقاك وعلي التفاهم شوف انا اتكلمت معاك قد اي وعرضت نفسي عليك اد اي

جاسر ______ يعني اخر كلام

وتين ______ اه

جاسر _______ طب ادخلي شويه هنام معاكم هنا

وتين _______ لا متنمش معانا روح عندك سريرك

جاسر ______ انا هنام عند امي

وتين ______ مفيش مكان يلا روح نام مع ادهم

جاسر _______ دا حزب النساء ولا اي

وتين _______ ايوه يلا هصحي ماما تطردك

جاسر _______ ماشي خارج انام انا وابني

.🥀🥀🥀🥀

حمزه _______ معلش يا لينا اخر حقنه يا روحي

لينا بدموع _______ خدت حقن كتير كفايه

حمزه _______ معلش علشان الرئتين للبيبي

لينا _______ احنا هنسميها اي فيروزه ولا جوري

حمزه ______ عايز اسمي مريم

لينا _______ اي بقي دا مقولتليش من زمان ليه

حمزه _______ اصل دا اسم والدتي الحقيقيه ربنا يرحمها

لينا ______ بجد انا موافقه يا قلبي من غير نقاش مريم اسم جميل قديم وجديد في نفس الوقت

حمزه ______ انا مش إجبار انتي لو عايزه تسمي اسم تاني يعني كنتي عايزه تسمي فيروزه

لينا ______ لا لا انسي فيروزه خالص نبقي نجيبها بعدين ههههههههه احنا نسمي مريم يا ابو مريم

حمزه ________ هههههههه اه يا لئيمه تموتي في قله الادب هههههههه

لينا _______ هههههههههه منك بنتعلم برضو ااااه

حمزه _______ اي في اي

لينا _______ يا لهوي شكلي بولد ولا اي

حمزه _______ هههههه بتولدي اي

لينا _______ لا دا خبر كاذب الست مريم بتتحرك

حمزه ______ هههههه تتحرك براحتها مش هتنسيني الحقنه برضو

لينا ______ يا مامااا

حمزه _______ يلا وبعدين دا انا حنين

لينا ______' لا بتوجع

حمزه _______ يلا وانا اديك بوسه بعدها

لينا ______ هههههه براحه

حمزه _______ حاضر مش هوجعك

...

لينا وهي تبكي ____ عااااا

حمزه وهو يحتضنها______بس خلاص خلاص يا اختي خلاص بقي

لينا ______ عاااا ابعد عني انت قولتلي مش هتوجعني

حمزه _______ معلش خلاص اخر واحده اصلا ههههه

لينا صارخه ______ اااااه والله شكلي بولد يا حمزه

حمزه ______ ليلتك طين انا قولتلك اولدي دلوقتي

لينا _______ هو بايدي اااااه متتصرف

حمزه _______ وانا اتصرف اعمل اي كنت دكتور نسا

لينا صارخه________من اول الحمل وانت عامل عليا دكتور نسا اشمعنا دلوقتي خدي العلاج دا يا لينا خدي الحقن دي يا لينا جاي دلوقتي تقولي اعمل اي

حمزه _____البسي خلينا نروح المستشفي

.....

حمزه _______ الو محمد كلم دكتوره نسا بسرعه لينا بتولد وانا قربت اوصل المستشفي

محمد ______ طيب طيب متقلقش هظبط الدنيا ركز بس وخلي بالك من الطريق

حمزه _____ حاضر

لينا ________ هموت يا حمزه ااااااه

حمزه _______ بس يا حبيبتي متقوليش كدا علشان خاطري

لينا _______ عايزه مامااااا

حمزه وهو يجري اتصالا.________ هتصل اهو ....الو يا طنط لينا بتولد لازم تبقى وصلنا المستشفي

ترجل وخرج مسرعا يخرج لينا التي تتالم بوجع اكبر ...

حملها حمزه مترجلا للداخل في حين كان ينتظره محمد ...

لينا ________ ااااااااه روحي بتطلع يا حمزه عااااا

حمزه _______ متقوليش كدا هتبقي بخير علشاني متسبنيش

لينا وهي تبكي من الوجع والألم الذي يفتك بها .الامومه مش بالساهل .كما يظن البعض ...

دخلت الي غرفه العمليات والطوارئ... وقف حمزه في الخارج متصنما لا يعلم ماذا يفعل ...

محمد مربطا فوق كتفه _______ متقلقش هتكون بخير والبيبي بخير

حمزه _______ يارب

قاطعهم رنين هاتف محمد الذي استغرب ____ الو يا نهي مالك يا حبيبتي في اي... واحده واحده افهم بس

نهي _______ الدكتوره انا روحت عندها

محمد ______ ايوه قالتلك اي

نهي ______ طلبت مني تحاليل زيي ما قولتلك امبارح

محمد ________ ايوه استلمتيها خير فيها أي

نهي صارخه بحماس _______ اناااا حااااامل

محمد_______ ودني باظت واي المشكله في كدااااا

نهي _______ محمد افهم بقولك انا حامل

محمد _______ اي دا بجد عيدي كدا تاني انتي حامل بجد ولا مقلب

نهي ______ لا والله انا حامل بجد وبعدين حمزه هو اللي بيعمل مقالب فيك مش انا

محمد بفرحه ______ احلي خبر سمعته مبروك يا قلبي

نهي _______ انا هطير من الفرحه اول ما عرفت اتصلت بيك ..انا رايحه ل ماما خديجه

محمد ______ ماشي يا حبيبتي ابقي قوليلها حمزه مراته بتولد

نهي _______ بجد هعدي عليها وناجي

محمد _______ ماشي خلي بالك من نفسك

نهي ______ حاضر .

....

محمد _______ نهي حامل

حمزه وهو يحتضنه ______ الف مبروك وربنا يكمل بخير

محمد ______ يارب

محمود _______ في اي يا ولاد قالولي حمزه جايب مراته تعبانه

حمزه _______ لينا بتولد

محمود _____ ربنا يقومها بالسلامه أن شاء الله

محمد _____ بابا وانا نهي حامل ههههه

محمود _______ بجد الف مبروك لا انا من حقي اتغر بقي محدش قدي ولادي الاتنين هيخلوني جدو اخيرا

حمزه ______ انا الاول خلي بالك

محمود ______ ايوه صح انت الاول تكسب

حمزه _______ ايوه كدا

قاطع حديثهم هروله الممرضين من غرفه العمليات ...

حمزه بخوف _____ في اي

&&& الام بتنزف والاكسجين ضعيف والولاده شغاله ..ثم توجهت سريعا لجلب ما كانت خارجه لأجله ...

محمد ______ متقلقش يا حمزه انا هدخل اشوف الوضع هتبقي بخير ..

جلس حمزه ولم تسعفه قدماه علي الوقوف والدخول لإنقاذها بينما محمد دخل الي الداخل سريعا ...

حمزه بدموع _______ مش هقدر المره دي يا بابا مش هقدر استحمل وأكمل

محمود وهو يربط عليه فقد عاش الكثير من الالم ومراراه الفراق _____ هتبقي كويسه متقلقش وهتربي بنتكم مع بعض

حمزه _______ خايف مش هقدر اعيش بعدهم مش هقدر

محمود ______ بس يا حمزه اجمد كدا مش عايز اشوفك ضعيف ..

حمزه ______ حاضر

حضرت خديجه ومعها نهي وكذلك ناهد ووالد لينا ...

وقف حمزه بعد أن تمتلك نفسه بفضل محمود الاب الروحي له .... ارتدي زيه وتعقم ودخل الي غرفه العمليات ... وقع قلبه بين قدميه من الذي يري ...

محمد يمسك قناع الأكسجين ويهتم بأمر التنفس الصناعي.. والطبيبه تحاول السيطره علي النزيف والاخري تقوم بإخراج الجنين ...

تقدم بعد أن أزال دمعته ......... لينا علشان خاطري قاومي علشاني وعلشان بنتنا .انا تعبت من الفراق والفقدان ..
....

محمد _______ الحمدلله التنفس وحاله القلب استقرت

&&&&& والنزيف وقف الحمدلله

مرت ساعه وتغيرت الأجواء الجميع كان في حاله من الخوف والتوتر ..الان بعض الهدوء والطمأنينة وذلك بعد استقرار الحاله وكأنها استجابت لتوسل حمزه وشعرت بتواجده حولها ... ...... كان حمزه يمسك بيد لينا ويتابع بعينيه الطبيبه وهي تقوم بإخراج الجنين ... ..

خرج الجنين اخيرا وارتفع صوت بكائه ..ليبتسم حمزه والدموع بعينيه ...

الطبيبه _____' الف مبروك يا دكتور حمزه ولد

حمزه ______ ازاي كانت بنت انا اللي عامل السونار بنفسي

الطبيبه _______ بتحصل الف مبروك

اخذت الممرضين الجنين لتجهيزه وعمل اللازم له ....... بعد ساعه اخري كان الجميع حول لينا في غرفتها منتظرين أن تفيق ...

خديجه كانت تحمل الصغير _____ شبهك اوي يا حمزه هتسمي اي

حمزه ______ احنا كنا هنسمي مريم هههههه جه منين دا مش عارف

محمد ______ شوف من اعمالك فيا هههههه اديك خدت اكبر مقلب كانت بنت طلعت ولد هههههههه

حمزه _______هههههههه حقك تضحك حقك

محمود ________ علي فكره بقي شبهي انا

خديجه _______ لا شبهه حمزه

محمود ______ انا جدو يبقي شبهي انا

حمزه _______ وانا ابوه .... يا جدعان نسمي اي

ناهد _______ هههههههه استنو نشوف لينا لما تفوق

حمزه _______ بدأت تفوق اهي

حركت أهدابها ببطئ لتعتاد علي الضوء ...

لينا _______ امممم حمزه

حمزه______ عيون حمزه وقلب حمزه

.........بعد قليل من الوقت .......

لينا بعدم فهم ______ ايوه يعني اي مش فاهمه

ناهد _____ افهمي انتي جبتي ولد مش بنت

لينا _______انت مش قولتلي بنت

حمزه ______ ايوه كانت بنت والله لولا أن شوفته وهو خارج من بطنك كنت قولت بدلوه

لينا ______ انت ضحكت عليا وعملي نفسك دكتور عليا من اول الحمل وفي الاخر يطلع ولد

حمزه _______ نعم يا اختي هو حد قالك اني دكتور نسا وتوليد

لينا _______ والحقن اللي شكشكتهالي يا حمزه دي كلها ليه مش مسمحاك

حمزه _______ يا بت دي فيتامينات ومعادن ومقويات والحقن علشان الرئتين بتاع الجنين

لينا ______ مليش دعوه انا عايزه بنت

حمزه ________ انتي مش قولتيلي هنجيب فيروزه وتسمي مريم المرادي المره الجايه بقي نسمي مريم وبعدين نجيب فيروزه هههههه

لينا _____' امشي من قدامي

حمزه ______ يا اختي انتي تطولي احمدي ربنا

ناهد _______ صلو علي النبي

كان الجميع يضحك بشده علي الشجار بينهم ...

محمود ______ معلش يا لينا بس هو اللي عملو صح ماعدا بس السونار هههههههه دخل نفسه فيه ليه مش عارف هههههههه

حمزه _______ الله مش كنت عايز اشوف بنتي اول واحد

انفجر الجميع في الضحك علي حمزه ...

لينا _______ فين البيبي عايزه اشيله

خديجه ______ خدي يا حبيبتي نسخه من حمزه

حملته لينا برفق ______ دا صغنن اوي

قبلت جبينه بحب وسعاده ______ اي رئيكم نسمي زين يا حمزه

حمزه ______ جميل رئيكم يا جماعه

الجميع _______ جميل ربنا يخليه

🥀🥀🥀

كانت حوريه مستيقظه واستمعت لشجار وتين وجاسر استغربت كثيرا من مغذي حديثهم ولكنها فضلت عدم التدخل .. ولكن ستتحدث مع جاسر بمفرده ... ضمت اسيا لاحضانها بعد نوم وتين ونامت هي الأخري .....

.....

أما جاسر ف حمل ادهم من سريره و وضعه بجواره وحاول النوم ...... في الثانيه صباحا ... استيقظ ادهم يبكي .. ..

زحف اتجاه والده واستند فوق صدره العاري ويبكي لكي يسمعه ولكن جاسر ينام بعمق ...

وضع الصغير يده فوق وجهه ويحاول ايقاظه... استجاب جاسر وفتح عينيه سرعان ما جلس حاملا له ....... خلاص صحيت معلش حقك عليا بس انا هنا

ولكن الصغير لا يكف عن البكاء حمله جاسر ووقف يحاول اسكاته ... ولكن فشل ..

أما وتين استيقظت فزعه نظرت حولها باستغراب سرعان ما تذكرت نظرت إلي اسيا وجدتها تنام في احضان حوريه ........ ادهم
تحركت لتراه ....

جاسر ______ خلاص هوديك لماما يلا

تحرك ليغادر في نفس دخول وتين ...

جاسر ______ ماما جات اهي

نظر ادهم ومازال يبكي ليسير بيده الي وتين التي اقتربت منه سريعا ______ بس حبيبي انا جيت يا روحي بابا عملك اي قولي

جاسر _______ انا عملت حاجه انا جايبه ليك

تحركت وتين لتغادر ولكن أوقفها صوت جاسر ...

جاسر ______ انتي يا عسل هتفضلي دايره بفستانك دا من هنا لعند ماما

جزبت روبها بصمت وخرجت ..وهي تضعه فوق كتفها ....

...،.،.،،....

استيقظت حوريه صباحا مبكرا كعادتها نظرت جوارها وابتسمت بحب علي ادهم وآسيا كانو يحتضنان بعضهم ووتين تحتضنهم بزراعها ....

توجهت الي المرحاض لتنهي روتينها اليومي .... نزلت درجات السلم ..توجهت الي المطبخ ألقت التحيه علي الموجدين...

حوريه _______ انتو جهزتو الفطار ولا اي

&&&& ايوه يا هانم

حوريه ______ واكل الولاد الصغيرين

&&&&& لا لسه

حوريه ______ ماشي لما يصحو السيرلاك في الدرج اللي فوق

&&&& حاضر

.....

عليا _______ صباح الخير يا ماما

حوريه ______ صباح النور ..

عليا _______ انا صحيت بدري اهو فين استاذ جاسر

حوريه ______ نايم لسه هههههه اقعدي الفطار جاهز

عليا _______ لا انا همشي عندي شغل كتير اوي وعايزه اخلصه علشان ارجع بدري

حوريه _______ لا متمشيش غير لما تفطري

عليا _______ مفيش وقت

حوريه _______ طب استني استني خدي الساندوتش دا كليه وانتي ماشيه

عليا ______ يا سلام انتي احلي ام في الدنيا

حوريه _______ بالهنا والشفا يا حبيبتي

...

استيقظ جاسر وتنهد بتعب جلس ينظر حوله ولفراغ الجناح من حوله ______ يارب انا مش عارف اعمل اي واللي بعمله دا صح ولا غلط مش عارف

توجه إلي المرحاض مقررا عدم الذهاب الي عمله ..

...

جاسر ______ صباح الخير يا ماما

حوريه ________

جاسر ______ يا ماما بقولك صباح الخير

حوريه _______ متكلمنيش

جاسر ______ ليه بس يا ست الكل

حوريه _______ شوف انت عملت اي

جاسر ______' انا عملت اي انا اقدر علي زعلك برضو يا عسل انت

حوريه _______ اضحك عليا بكلمتين مالك ومال وتين

جاسر ______

حوريه _______ سكت ليه

جاسر _______ هقول اي هي اللي سابتني ومشت

حوريه بخفوت _______ اي الكلام اللي سمعته دا

جاسر _______ سمعتي اي صحيح افتكرت حاجه انتي كنتي بتراقبيني من امتي وليه

حوريه _______ الله انت مش ابني ولا اي ومن حقي اعرف سلوكك وبتروح فين ومع مين

جاسر _______ اه منك انتي يا حوريه وبتقولي لوتين ليه اهي معكننه عليا

حوريه _______ مكنتش اقصد والله ياريتني ما قولت ...واد انت متنسنيش اي اللي سمعته دا

جاسر ______ سمعتي اي

حوريه ______ سمعت كلامك انت ووتين عندي في الاوضه اللي فهمته دا صح

جاسر ______ افتكرت ورايا شغل

حوريه أمسكت يده ______ فهمني الاول اقعد الشغل مش هيطير يعني اي اللي انت بتعمله دا يعني اي انت فيك حاجه ومروحتش لدكتور ليه

جاسر بصدمه ______ دكتور اي نهار اسود وطي صوتك حد يفهم غلط .. انا مفيش حاجه

حوريه بصوت منخفض_______ امال باعد عن مراتك ليه وهي زيي القمر مش ناقصها حاجه

جاسر بتعب _______ هو فكرك اللي انت فيه دا مش تاعبني .. أن اشوف مراتي جنبي ومقدرش اقربلها

حوريه ______ واي يمنعك هي منعتك بالعكس دي بتحبك وهتموت عليك وخايفه تكون بتخونها ولا شايف واحده غيرها. ولا زهقت منها الإهمال بيقتل الست من جواها

جاسر ______ الموضوع مش كدا انا خايف عليها شوفتي حصلها اي في الولاده وموت أسر انا خايف اقرب منها تحمل تاني واعيش اللي عيشته في ولادتها تاني مش هقدر اعيش من غيرها

حوريه _______ انت متخلف مبتفهمش

جاسر ______ انا ليه علشان بقولك خايف عليها

حوريه _______ علشان في وسايل منع حمل

جاسر _______ ازاي يعني اي

حوريه _______ يعني في برشام أو حقن أو تروح للدكتوره تركبلها وسيله أو اي حاجه تناسبها تمنع الحمل ولا تعوز تحمل تمنعها

جاسر بصدمه______ بجد بتهزري

حوريه _______ لا بجد

جاسر _______ ومقولتليش ليه

حوريه _______ واقولك ليه المفروض تكون عارف طلعت متخلف مش فاهم حاجه

جاسر _______ يعني بقالي تسع شهور وفي الاخر يطلع في وسائل كتيره وانا مموت نفسي وبحارب نفسي وببعدها عني وان جيت مره ضعفت معاها بهرب بسرعه وأخرج ..،

حوريه _______ تستاهل دا عقاب علي غبائك مجتش ليه سالتني

جاسر _______ اسال اي بس دا انا طلعت متخلف

حوريه ______ احسن ،،، خلي بالك وتين متعرفش اني عرفت هي رفضت تقولي مع اني حاولت معاها كتير اوي

جاسر ______ اصيله ام ادهم

حوريه _____ ههههههههه روح صالحها يا اهبل وفهمها وهي طيبه هتصفالك

جاسر _______ أن اتأخرت بقي متساليش عني

حوريه _______ هههههههه مش كان عليك شغل

جاسر _______ شغل مين الشغل مش هيطير

حوريه _______ طب مش لما تروح للدكتوره الاول

جاسر ______ تصبيره مفيش مانع

......

أما وتين كانت تقوم بتشطيف اسيا وادهم ... الذين يلعبان في الماء بمرح ...

وتين بسعاده ______ هههههههه هنغرق اسيا

اسيا بمرح ....دادازاة عاا هههههه

وتين ______ هههههههه انتي بتقولي اي سمسم نغرق ادهم صح يلا

ادهم ضحك بصخب ضحكات طفوليه تجعلك تبتسم تلقائيا ....هههههههه

جاسر ______ بتلعبو من غيري

ادهم وآسيا ______ عاااددددادااهههه

وتين _______ لا خلاص ناخد برد نلعب تاني بكرا

ولفتهم الاثنين بمأذر طويل وخرجت متجاهله جاسر تماما ....

بدأت تلبس ملابسهم سويا انتهت من اسيا التي حملها جاسر ويمرح معها قليلا ثم توجهه إلي الخارج مقررا النزول يبدو أن وتين لن تستمع له الان مطلقا

وتين ______ الله ابني ريحته حلوه اوي الله

اقتربت برأسها منه تشتم رائحته الطفوليه الجميله بادمان _____ ابني جميل وريحته حلوه

يلا ننزل ناكل هم يا جميل.... حملته وتوجهت الي الاسفل هي الأخري ....

حوريه وهي تقبل اسيا من خديها ______ صباح الخير علي اللي نامت في حضني يا خلاثي علي جمالك يا سمسمه اي الحلاوه والجمال دا اي دا يا ناس هو في طعامه كدا

جاسر ______ دا اي الترحيب دا كله

حوريه _____ انا عندي كام اسيا قلب تيتا شوف عينيها زرقا ازاي وهي جميله ازاي

جاسر _______ طيب

حوريه _____ يعني قولت هتتاخر هههههههه

جاسر ______

حوريه ______ هههههههههههه تستاهل

وتين ______ صباح الخير يا تيتا

حوريه _______ حبيبي صحي يا ناس وسعو لقلب تيتا وعمر تيتا

جاسر _______ كل دا ترحيب وانا بقولك صباح الخير مترضيش عليا

حوريه وهي تقبل ادهم ______ اي الجمال دا كله دا صباح الخير يا يا روحي وحشتني انت وحشتني خالص ..ينفع كدا طالع عنيك زيي جاسر ها دا ينفع

جاسر ______ وهي عنيا وحشه وميطلعش زيي ليه مش ابني يعني ولا اي

حوريه ______ هههههههه جميله عنيك عسلي .. احنا نقدر نتكلم يا جسوره

جاسر _______ كنت احسب

وتين ______ هههههههه هجيب اكلهم

أعطت اسيا ل جاسر وذهبت الي المطبخ ...

🥀🥀🥀🥀

جاسر _______ وتين اسمعيني

وتين ______ نعم خير

جاسر _______ علي فكره انتي ظلماني ومن يوم ما عرفتك مفيش ست تانيه دخلت حياتي لأن انتي ملكتي كل حياتي بين اديك ،،انتي في قلبي وعنيا بكل نساء العالم

وتين ______ ايوه اضحك عليا بكلمتين

جاسر _______ والله يا وتين سبب بعدي عنك اني خايف عليك خايف اقرب منك تحملي ويحصل نفس اللي حصل لما ولدتي

وتين _______ بتهزر صح

جاسر _______ لا دي الحقيقه

وتين _______ انت عارف خلتني احس باي عارف ولا لا انت خلتني اشك في نفسي خلتني ابص لنفسي كتير وأشوف انا اتغيرت في اي ،،خلتني اشوف هو ممكن يبص لغيري ليه هما فيهم اي احسن مني ،، انا حسيت انك بتقرف مني شوفت انا وصلت لاي

جاسر ______ انا مستحيل افكر كدا انتي ازاي تفكري في كدا انا اسف يا حبيبتي اسف مكنتش اعرف ان في وسيله ممكن تاخديها تمنع الحمل

وتين ______ انت غبي غبي

جاسر وهو يضمها إليه يحاول تهدئتها _____ انا فعلا غبي انا اسف يا روحي اسف بس دا كان عقاب ليا وعقاب علي غبائي

وتين _______ تستاهل

جاسر ______ طب اي

وتين ______ اي ابعد عني اشوف الولاد

جاسر ______ مع ماما تحت متقلقيش

وتين _____ لا هطمن عليهم اوعي كدا

جاسر وهو يقترب منها أكثر _____ لا مش هبعد دا انا هموت لو مقربتش حرام عليك

وتين _______ وانا مالي هو انا اللي قولتلك تبعد

جاسر ______ ما تلبسي الفستان اللي كنتي لبسته امبارح جنن امي طول الليل

وتين بدلع _____ تؤ

جاسر _______ وعلي اي مش هنحتاجه اصلا

قالها ثم اقترب منها يقبلها ببطئ واشتياق يرتوي من رحيق شفتيها يروي ظمأه ،،ثم لا إراديا تحولت قبلاته الي أكثر عمق وقليل من العنف لتأن معترضه ليهدئ قليلا من انفعاله ... واشتياقه....

تحولت قبلاته الي عنقها المرمري يقبلها بنهم وشغف يضع صك ملكيته عليها الذي اختفي لفتره طويله ..

جاسر من بين قبلاته الحميمه .... بحبك ..بعشقك

أغمضت عينيها خجلا وعشقا له هو وحده سابحه معه في عالمه الخاص ودوامه المشاعر ....

ارتمي بجسده جوارها بعد فتره طويله يذيقها فنون عشقه ويعبر لها عن اشتياقه البالغ لها ،،جذبها لتستقر باحضانه ،، وقبل رأسها بانتشاء وامتنان وبداخله يشعر بالسعاده والراحه والعشق لها فقط ....

كانت تنام فوق صدره بهدوء وهو بدوره يغمض عينيه براحه ،،،،،،

جاسر ______ وتين

وتين _______ امممم

جاسر ______ هنروح للدكتوره بليل

اعتدلت وتين واحكمت الشرشف حولها ____ ليه

جاسر ______ علشان موضوع تأجيل الحمل

وتين ______ انت مش عايز تخلف مني تاني

جاسر ______ لا طبعا عايز بس فتره كدا يعني سنتين اربعه كدا

وتين ______ كل دا

جاسر _______ يكون ادهم وآسيا كبرو شويه

وتين ______ ماشي يا جاسر ..انا هشوفهم

جاسر ______ لا خليك جنبي هما مع ماما هتهتم بيهم كويس

وتين ______ طيب

...........

حوريه ______ يا داداه هاتي زبادي ل ادهم حبيبي

نظر لها ادهم وترك ألعابه ....

حوريه _____ تعالي ناكل زبادي تعالي يا اسيا

هي راحت فين بحثت عنها بعينيها لم تجدها .. وقفت تبحث عنها كعادتها مع الصغار لم تجدها ...

حوريه _____ نهار اسود البنت راحت فين ادهم اسيا فين

ادهم نظر لها ____ ها

حوريه ______ ها اي يعني انت هتقولي يا داداه

&&&& ايوه يا هانم

حوريه ______ فين اسيا

&&&&& مشفتهاش

حوريه ______' دوري عليها كدا معايا

بحث كثيرا عنها في كل مكان تحت الارائك والكراسي والسفره... وكذلك في المطبخ واسفل السلم ....

حوريه بتفكير______ يكون طلعت السلم لا مش ممكن هما بيمشو اه لكن السلم مجربوش قبل كدا ولا حد خدها يا لهوي جاااسر

صعدت مسرعه الي الاعلي وهي مازالت تبحث عنها .... طرقت علي جاسر بسرعه ..

جاسر _______ ايوه

حوريه ______' جاسر اسيا عندك

جاسر باستغراب وقلق بنفس الوقت تحرك ارتدي بنطاله في حين تحركت وتين وسحبت روبها وإرادته مغلقه إياه بأحكام ...

جاسر فتح الباب ______ عندي ازي هي معاك تحت

حوريه ______ مش لقياها لفين البت كله عليها

وتين بخوف امومي ______ ازي

تحرك جاسر مهرولا الي الأسفل وكذلك وتين وحوريه....

اخذت يبحثون بتكثف هنا وهناك وجاسر يكاد يجن وكذلك وتين .... والخدم يقلب القصر رأسا علي عقب

جاسر ______ يعني اي اختفت

وتين _______ يمكن خرجت بره

تحرك جاسر مسرعا الي الخارج .وحذر وتين من أتباعه ..طلب من الحرس البحث .وهو يبحث أيضا ...

حوريه ______ بس هتخرج بره ازاي الباب مقفول

وتين والدموع تغرق وجهها _____ مش عارفه يمكن من باب المطبخ

دخل جاسر بعد فتره وهو يحملها بين زراعيه براحه ،،،،وجدها تجلس فوق العشب الأخضر الناعم بالجنينه في الخارج وتلعب باناملها الصغيره به بفرحه بريئه ...سمع صوتها الناعم وهي تلعب .. ليتحرك باتجاها حتي وجدها ...

وتين بلهفه _____' اسيا

ضمتها منه براحه تحمد الله ........ كانت فين

جاسر _______ بتلعب في الجنينه بره

حوريه _______ الحمدلله ___ثم تابعت بزعيق للخدم ازي باب المطبخ مفتوح اياك تتكرر تاني

&&&& مفهوم يا هانم

.....

صعد جاسر بعد أن اطمئن علي أطفاله لينعم بشاور هادئ مريح للأعصاب ....

حوريه _______ وتين اطلعي يا حبيبتي

وتين ______ حاضر خلي بالك منهم

حوريه _______ دول في عنيا

وتين _______ هغير لبسي وهاجي

حوريه _______ براحتك هأكلهم الزبادي وهينامو

وتين ______ ماشي مش هتاخر

🥀🥀🥀

خلص الفصل ..❤️

انتظروا الخاتمه ....❤️

فصل كبير جدا جدا جدا جدا.....

تفاعل حلو بقي ومتنسوش التصويت ⭐⭐

متابعه لطيفه تزود الدعم 👇
Lamiaa_Ahmed

بقلمي ❤️ لمياء احمد ❤️