رواية : برائتك يا أبوي أنا بطلعها الفصل الحادي والثلاثون 31 - بقلم Khalek Poetess

عرسه لو كنت كبير ايش راح تسوي اكيد ما راح ترضاها علي ( غمضت دموعها وصار جسمها يهتز بقوه) وجدك بكره اعدامه وهو بريئ اه
حطت رأسها على مخدتها وهي تبكي بقوه
عند بدور
دخلت بيتهم وهي تحك خشمها وتترنح بمشيتها كانت تاركه شيلتها على كتفها
نزلت امها تبغى تشرب ماي واول ما شافت شكل بنتها على طول قربت منها : وش فيك كذا يا بدور
بدور وهي شبه مغمضه وتحك خشمها : م مالك دخ ل في ني انجلعي ع ن و وج هي
ام بدور بصدمه وهي تعطيها كف قوي : انتي تتعاطين مخدرات وبعدين من وين جايه بهذا الليل
بدور وهي توقف وبعصبيه : ليش عطيتيني كف هاه
ام بدور بعصبيه وصراخ : لاا انتي مو بنتي اللي اعرفهااااا موو بدور بنتي
نزل ابو بدور اللي صحى من النوم على اصواتهن : خير ايش صاير
ام بدور بعصبيه : شوف بنتك ايش اللي صار فيها
بدور وهي تحك خشمها بقوه ومرتكيه على الجدار على طول ابوها طالعها بصدمه وبعدها استوعب ركض ولبس دشداشته واخذ مفاتيحه ومسكها من يدها وهو يطلعها من البيت وام بدور وراهم : وين مودي بنتي
بدور بترنح : وبن ماخذني انت
ابو بدور : لا تخافين بأخذك اجيب لك مخدرات
نامت بدور اول ما ابوها حرك السياره تارك ام بدور تبكي وهي خايفه يرمي بنتها الوحيده مكان اما ابو بدور (ان شاء الله بتتعالجين يا بنتي واخذها مستشفى اﻷمل)
اما عند شجن كانت نايمه
دخل شخص غرفتها من الدريشه ومعاه اثنين : جيب المخدر يا احمد
عطاه المخدر وحطه على كلينكس وقربه من شجن وعلى طول حطه على انفها وفمها
صحت شجن وانصدمت باللي تشوفه حاولت تصرخ تتكلم بس ما قدرت شافت الدنيا تظلم بعينها وبعدها اغمئ عليها

عند درئ
كانت نايمه جنب اسماعيل كالعاده وحاطه ايدها بيده وام اسماعيل نايمه على الكنبه الموجوده بالغرفه حست درئ بشئ يضغط على يدها صحت بس ما شافت احد طالعت اسماعيل ( يمكن اتوهم ) ورجعت غمضت عيونها بس رجع ضغط عليها بقوه صحت وطالعت اسماعيل شافته يحرك عيونه بتعب ويحاول يفتحهن فرحت من كل قلبها : خااالتي خااالتي
صحت ام اسماعيل وجلست على طول : اسماعيل صاير له شئ
درئ بفرح : اسمااعيل صحححى صحى
وركضت تنادي الدكتور ام اسماعيل وقفت بسرعه : يا بعد عمري يا وليدي الحممدلله على سلاامتك يا وليدي
جاء الدكتور وفحص اسماعيل وبشرهم انه بخير وان شاء الله بكره بيصحى وبيتكلم معاهم ضمت ام اسماعيل درئ بفرح والثنتين نزلت منهن دموع
الفرح لسلامة اسماعيل

عند ام شهاب
كانت تطالع الببت وتدور بصاله بعد ما سافر ابو شهاب لشغله بدبي ورفضت تروح معاه جلست على الكرسي وهي تتذكر شهاب وشمس (اووف البيت صاير فاضي ومو حلو احسن لي اتصل بأختي ) دقت رقم ام بدور بس ما ردت سمعت رن الجرس قالت بأستغراب : من بيكون جاي هالحزه
وقفت وطالعت من العين السحريه انصدمت اول ما شافت خليل
خليل نفسه اللي مره جاء عند شمس
حطت يدها على فمها : ايش يبغى هذا مو كافي الفلوس اللي عطيته اياهم وما سوى لي اللي ابيه
قطع عليها صراخه : بتفتحين ولا كسرت الباب على رأسك انا ادري انك لوحدك بالبيت شهقت بقوه :هذا ايش يبغى المجنون
اخذت تلفونها وطلعت الدرج وهي تركض وسكرت على نفسها وعلى طول تذكرت شهاب دقت رجمه وهي ترجف : يا ويلك يا نوره رحتي فيهاا
سمعت رد شهاب وعلى طول : شهاب يمه واللي يعافيك تعال بيتنا بسرعه بسرعه يا ولدي
كان شهاب جالس جنب شمس يطالعون فيلم عاشقي 1 على dvd
شهاب بأستغراب : ايش صاير
ام شهاب وعيونها مليانه دموع: شهاب تعال بسرعه
شهاب بعجل : طيب طيب
طلع الغرفه يركض وشمس راحت معاه : ايش صاير شهاب وقف واول ما دخل الغرفه اخذ مفتاح سيارته : امي تعبانه
شمس بصدمه : ايش
قرب شهاب من باب الغرفه واستوقفه صوت شمس : لحظه يا شهاب بجئ معاك
انصدم شهاب بس ما عنده وقت يقول شء : بسرعه تعالي
لبست شمس عباتها على السريع وراحوا لبيت ابو شهاب
فتحت شجن عيونها بس ما شافت الا الظلام حاولت تتحرك بس حست كل شئ فيها مربط : امممم مممم
قرب منها عماد ونزل الربطه اللي على عيونها واللي على فمها : كيفك يا حلوه
شجن بخوف وهي تشوف نفسها على سرير ويدينها مربطه على حوافه : عماد تكفى هدني كفايه تدمير لحياتي
بنفس المكان بس بغرفه ثانيه
قرب احمد من الغرفه اللي فيها عبدالرحمن وبهمس : عبدالرحمن اصحى
قبل يجون الحراس
صحى عبدالرحمن بتعب وبوهن : مين انته
احمد بعد ما فك السلاسل اللي مربطين فيهن عبدالرحمن : مو وقت اﻷسئله يالله قوم وانا بساعدك
سنده وبسرعه طلعه من الباب الخلفي وركبه سيارته اللي مجهزها وتاركه بشنطة السياره وعلى طول طلع من القصر
عماد بأستهزاء :راح تتدمر حياتك اكثر ﻷن ابوك ما عرف نفسه تحدى مين
شجن وهي تبكي : بس ابوي وانا حياتنا صارت بجحيم ارحمنا واللي يسلمك ابوي بكره بيعدمونه ارحمنا الله يخليك
قرب منها عماد : خلينا بليلتنا وانسي كل شئ راح اعيشك ملكه وهذا وعد
شجن وهي تهز رأسها بقوه :مابي مااابي انا اكررهك احب خالد فااهم ما ابيك
مسك شعرها بقوه وبقساوه : لا تتركين احط خالد برأسي وادمر حياته
شجن بصراخ :مو على كيفك فاااهم
عماد بعصبيه : ولا على كيف مين
شجن بعصبيه : كسر بيدك وخر يدك عني واحب اوضح لك حاجه انا حاااامل
عماد بصدمه : حاامل
شجن بعصبيه اكبر: ايه حامل اطلع من حياتي يا عماد واتركني اعيش بعيده عن كل شئ يخصك
عماد ضرب بيده بقوه على الجدار وطلع من عندها
وصلوا شهاب وشمس بيت ابو شهاب ونزلوا بسرعه لف خليل بسرعه اول ما شاف سياره وركض بسرعه للأسوار وكان ملثم ركض وراه شهاب وحاول يمسكه بس ما قدر مشت شمس بصعوبه لداخل البيت وصارت تنادي ام شهاب : يمممه يممه ووينك
طلعت الطابق الثاني وهي تنادي سمعت ام شهاب شمس تنادي وعلى طول طلعت واول ما شافت شمس ركضت وضمتها وهي تبكي : ساامحيني يا شمس سامحيني
دخل شهاب وطلع الدرج واول ما شاف امه بحضن شمس وهي تبكي وشمس من النوع اللي يتأثر بسرعه جلست تبكي معاها ابتسم بحنان لتغيير امه المفاجئ وهو بيموت من الفرحه
عند احمد بعد ما بعد عن القصر
نزل من السياره ونزل عبدالرحمن وجلسه جنبه :ممكن يا عبدالرحمن تخبرني بكل شئ عشان اساعدك
حط عبدالرحمن رأسه بتعب للخلف :بخبرك بس للأمانه تساعدني ..... وصار يخبره بكل شئ
وبعد ما قاله انصدم احمد من قساوة عماد : والحين الاشرطه وين
سكت عبدالرحمن
احمد بحنان : لا تخاف وانا اخوك والله بساعدك
عبدالرحمن بتعب : بشقتي بتحصل برواز صورتي وخره وعلى طول بتحصلهم
احمد وهو يهز رأسه : طيب بأخذك المستشفى يضمدون لك جروحك وانت خبرني بعنوان الشقه وانا بروح اجيبهم
عبدالرحمن وهو يتنهد : اوكي
اليوم الثاني (يوم عرس خالد & غاده ) اعدام ابو شجن
الساعه 10 الصبح
عند خالد كان صاحي وينتقل من مكان لمكان ﻷن عرسه عائلي ببيتهم وما دخل اببد جناحه
وغاده بتطير من الفرحه وهي منتظره الكوافيره
صحت شجن من النوم ايدينها بس مربطه واول ما تذكرت اللي بيحصل اليوم انا لازم اسوي شئ ايييه لاازم : سسسسساعدوووني ااااااااااااااا
دخل عماد واول ما شافها: ليش جالسه تصارخين من الصبح
شجن وهي تحاول تفك ايدينها وتبكي :ابي اساعد ابوي طلبتك عماد فكني بعد ما يطلع ابوي اذبحني سو فيني اللي تبغى بس فكننني
طلع من عندها عماد وهي صارت تتلفت فرحت بقوه اول ما شافت كأس على طول اخذته بسرعه وضربته بالجدار اللي خلفها جرحت نفسها بس ما هتمت اخذت قطعه حاده وصارت تحاول تطلع الحبل اللي مربوط على يدينها
عند خالد وقف سيارته بداخل بيتهم وهو يشوف العمال يدخلون ويطلعون