رواية : برائتك يا أبوي أنا بطلعها الفصل السابع والعشرون 27 - بقلم Khalek Poetess

بيسمع كلامهم ويطلقني بس انا ما غلطت حبيت احمي ولدي من الخبيثات ان شاء الله ما اكون غلطت بحقك يا شهاب )

ببيت ابو بدور
كانت بدور تشم بقوه من المخدرات اللي على كف يدها ووجهها لونه شاحب والهالات السوداء تحت عيونها وتغيرت كثير صارت ما تطلع من غرفتها واذا اهلها دخلوا عليها تعمل نفسها نايمه حطت رأسها على مخدتها وهي تهذي :اتركني لين اصير طيبه يا شمس راح اذبحك واتخلص منك صبري علي ااه رأسي

بالشقه عند اسماعيل
كان بيطلع للبنك اللي يشتغل فيه محاسب بس استوقفه صوت درئ بحزم : ابي اروح بيت جدي
لف لها اسماعيل بهدوء : ما صار لك اسبوع راجعه من عندهم على طول بتروحين
درئ وهي تحط اصبعها على رأسها : والله عاد كيفي تراهم اهلي مو اهلك وبعدين لمتى بتظل مخبي عن اهلك عن زواجنا اسماعيل تراني سكتت لك كثير فلا تختبر صبري

اسماعيل وهو يحاول يمسك اعصابه :درئ اقصري الشر وروحي غرفتك ما يحتاج تدورين مشاكل من الصبح
درئ بعصبيه : لا والله قلت لك بروح عند اهلي يعني بروح رضيت او ما رضيت بروح بطقاق ما هميتني
اسماعيل وهو يتنهد بقوه : ترى ما صارت كل يوم والثاني وانتي داخله لي بمشكله
وقرب منها وبعصبيه : لا تلعبين بالنار عشان لا تحرقك واتركي عنك حركات البزران على الرايحه والجايه جايبتلي مشكله مفهووم
وطلع حتى بدون ما يسمع ردها اول ما طلع جلست درئ على الكنبه وحطت رأسها بين ايدينها : مفهوم يا اسماعيل بس من حبي لك راح اعلمك درس عشان ما ترجع لي ايام الذل والاهانات

عند عبدالرحمن شغل شريط التسجيل بجيبه وقرب من المسبح وهو يحاول يخفي توتره شاف عماد واقف على طرف المسبح ويشرب عصير برتقال
عبدالرحمن وهو يوقف جنب عماد ويضغط على التسجيل : اا عماد ممكن اسألك عدة اسأله وتجاوبني بصراحه
عماد وهو يطالعه بنص عين : ايش عندك
عبدالرحمن وهو يفرك جبينه : انت ليش قتلت ابو خالد واتهمت ابو شجن معا انه مظلوم
عماد بأستهزاء : وليش تسأل وانت عارف كل شئ
عبدالرحمن وهو يمثل دور الغباء : ايش بس انا ما اذكر شئ بس لو خبرتني برجع لك شجن ( ويبتسم بخبث ) ﻷن برأسي خطه بس ابغى ادرس الموضوع عدل
عماد بسخريه : ما يحتاج يا عبدالرحمن بس دامك مصر انك تعرف بخبرك بكل شئ ﻷنك اخ عزيز
حس عبدالرحمن بذنب بس حاول ما يبين : تسلم
تنهد عماد وصار يعترف بكل شئ وهو ما يعرف انه كل كلمه يقولها تتسجل وعبدالرحمن يحس بنار بصدره على اللي يسويه
وصلت شجن المحكمه وهي تحس قلبها بيطلع من الخوف
نزل خالد من الدرج وما تذكر يسأل عن شجن بس امه خبرته عصب بقوه وهو يوقف : وليش ما خبرتني هين يا شجن
وطلع حتى ما سمع رد امه وهي تنادي عليه
ببيت ابو شاهر

كانت مرام طالعه من المطبخ متوجهه للدرج ومعاها صينية فطور لشاهر كانت لابيه بلوزه بيضاء نص كم وبنطلون جينز ازرق وعامله بشعرها جديله على جنب صادفت جنى اللي كانت واقفه بنص الدرج وتطالعها بأستهزاء
وقفت مرام قدامها وبكرهه : ليش جالسه تطالعيني كذا
جنى وهي تتعدل بوقفتها : والله عاد بيتنا وانا حره فيه
مرام وهي تهز رأسها بأسف : ما بلومك انتي مرضك نفسي مو جسدي الله بس يعينك وراحت
جنى بصدمه : انا مريضه يا مراموه بس بتشوفين اذا ما طلعتك من هذا البيت ما اكون جنى
وصلت مرام على اخر درجه ولفت لجنى وببرود : تعالجي وبعدين نتفاهم اوكي سي يو ( وبدلع ) حبيبي جوعان
وراحت وهي تحس نفسها انتصرت على جنى اللي جالسه تتوعد فيها
عند شجن تنهدت وهي تشوف الساعه (يوووه ايش فيهم تأخروا ) سمعت صوت سلاسل ولفت على طول وهي متلثمه شافت ابوها وهو مكلبشينه بالسلاسل والشرطيين ماسكينه وشكله كأنه واحد عمره 70 مو 61 حست روحها بتطلع ودموعها نزلت وبهمس : يبه
ابتسم لها ابوها بألم ودخلوا للقاعه اللي فيها المحاميين وما كان معا ابو شجن محامي وبعد السلام والكلام الطوووويل
كان خالد توه واصل
القاضي بعد ما تكلم معا اللي جنبه : حكمة المحكمه على المتهم مرزوق ال.....
مسكت شجن قلبها بقوه
باﻹعدام بعد خمس شهور اذا ما ظهرت اي معالم لبرائته وشكرا
شجن فتحت عيونها بقوه وهي تطالع ابوها اللي دموعه تنزل على خده من الظلم والقهر وبصرخه وهي تروح للقاضي : انت ظاااالم انت ظااالم ا ابوي بريئ والله بريئ حسبي الله ونعم الوكيل فيك انت ومن كان السبب لااا تظلم ابوي حرام عليك دخل على آخر كلامها خالد وانصدم اول ما شافها منهاره وابو شجن اخذوه وهو يبكي ويطالع في بنته : بس بسلم عليها يا ولدي
شجن وهي تطالع ابوها وبصراخ : يببببه لا تروح وتتركني
ورمت بنفسها على الارض وهي ترفع ايدينها لسماء :يارب ابوي بريئ يارب اثبت برائته يارب اه يببببببه
ركض خالد لها وهو يشوف الكل يطالعها بشفقه مسكها وحاول يسندها عليه وبالقوه اخذها واول ما ركبها بالسياره بالمقعد الامامي وركب جنبها كان بيهزئها بس شافها منهاره طالعته وهي تشاهق : ابوي راح يعدمونه بعد خمسه شهور (ضربت بيدينها على فخذها ) انا ايش اسوي بعمري ايش اسوي جعل يومي قبل يومك يا الغالي اه يا يبه كيف بعيش بدونك
طالعها خالد وحس بشئ بقلبه وبدون تفكير : وانا وين رحت يا شجن
طالعته شجن بصدمه
خالد وهو يطالعها بنظره اول مره تشوفها شجن : ايه وين رحت انا بس ابوك اسمحي لي حرمني انا وامي واخواني من ابوي وما نقدر نسامحه
شجن وهي تغمض عيونها بقوه : اوعدك بحاول اثبت لك برائت ابوي اوعدك يا خالد
سكت خالد وهو يحرك السياره
ببيت ابو شهاب
شهاب بقهر وعصبيه وهو يضرب بيده على الكنبه
كانوا من نص ساعه واصلين وام شهاب كذبت عليهم وهي تمثل دور البريئه وقالت لهم شمس رفضت تجلس عندها ﻷنها خايفه تذبح لها ولدها شهاب متأكد ان امه سوت لها شئ بس ما حب يكذب امه
وقال بقهر : انا بروح وافهم منها كل شئ بروووح
ام شهاب بعصبيه : تطلقها يعني تطلقهااا سمعت وبعد ما تولد تأخذ ولدك وتربيه انت وبدور
شهاب بعصبيه : طلاااق مو مطلق
ام شهاب بنفس مستوى صوته : وترفع صوتك على امك يا شهاب
ابو شهاب وهو يجلس على الكنبه وبهدوء : يا جماعة الخير اهدوء ترى مو كل شئ ينحل بالعصبيه وانت يا شهاب روح ارتاح وبالليل روح لزوجتك وتفاهم معاها
تنهد شهاب : لا يا يبه الحين بروح وبتفاهم معا شمس استأذن
وطلع حتى قبل ما يسمع رد امه ضربت ام شهاب ايدينها ببعض وبعصبيه ةهي تلف ﻷبو شهاب: شفت شفت بنت ابليس ايش سوت لولدك انا متأكده انها مسويه له سحر

البارت الثاني والعشرين
ببيت ابو اسماعيل
شمس بأستغراب : يمه شهاب يبغاني ليش (وهي تفرك ايدينها ببعض) لا يكون امه كذبت عليه
ام اسماعيل بهدوء : روحي يا يمه واتفاهمي معاه بس هاه لا تنسين شرطي يشتري لك بيت لحالك ولا يطلقك
هزت شمس رأسها وهي تقوم وتحط مرطب شفافي على شفتها وترتب شعرها وتتعطر : ان شاء الله يمه
ببيت ابو بدور
كانت بدور رايحه راده بغرفتها وهي تضغط على رأسها بيد واليد الثانيه ماسكه التلفون وحاطته على اذنها : ردي ردددي يا سوزان اه رأسي
وهي تجلس على السرير وبصراخ : الله يأخذك يا سوزان ( وترجع تدق على رقم سوزان ) اه رأسي
سوزان وهي ترد بملل : نعم خير ايش تبغين
بدور وهي توقف بسرعه وبلهفه : وينك انتي صار لي ساعه وانا اتصل فيك ابوس ايدينك سوزان ابي حبه حبه بس واللي يرحم لي والديك
سوزان وهي تقول بتأفأف : يوووه بدوور لا تزعجيني انا مشغوله بالمره
بدور وهي تبكي من ألم رأسها : لا لا سوزان بمووت بموووت رأسي حاسه انه بينفجر طلبتك عطيني ولو حبه وحده مستعده اعطيك كل اللي تبغينه بس ساعديني
سوزان وهي تبتسم بخبث وتتذكر رزان : طيب بس عطيني دقيقه