رواية بت روحي الفصل الثالث 3 - بقلم hour writer 🐆

#بت روحي
#حور حيدر

يوسف لزم ايدي حيل التفتت عليه واني متعجبه من جرائته  ...
كتله هد ايدي، هو ماشال عيونه مني يخزر بيه  ...
شبي هذه يربي واني اتلفت لا واحد يشوفني وانفضح...

كلي نور ليش عفتيني ورحتي ... اني بهاي اللحضه
عقل ما ضل براسي شدا يحجي هذه شنو عفته
..هو اني شوكت جنت وياه حته اعوفه...

ساره خافت كلش وتتوسل بي ايهدني ...

لاننفضح گبال الزوار ...ربي كل شي ولا نزل راس حسين ..

كتله اني شوكت وياك حته اعوفك ...بيك شي

ضحكلي وهو بعده لازم ايدي...ويباوع بجرائه عليه ..
شنو نسيتي  علاقتنه وحبنه وهو يغمز ..

اني حاولت ماعصب لان من اعصب افقد..
حاولت اهدي نفسي  جريت نفس ...
كتله بهدوء واني اباوعله بقوه .. هد ايدي واني مو من ذني البالك...
روح لاكول البابا حسين عليك..

هوه كلي روحي بس هم نرجع للبصره ونشوف شيفلتج مني..
ما صدكت هدني كلبي وكف من الخوف ...
مشينه بسرعه واني خايفه شيريد مني واني يمته على علاقه ويا ..يربي شلون  اكول لبابا حسين لولا خاف اكله وسوي مشكله افكار هواي ابالي تجي...

بس خايفه على حسين لا يسوي مشكله  كلت خل اسد الموضوع والله كريم...
شكد احب يوسف بس بهذه تصرفه كلش  ضجت منه يعني شلون  ايسوي هيج ماخاف واحد من اهلي ايشوفني ما فكر بسمعتي  وناس شتكول علي...

ساره كلتلي شبيج صافنه...
كتله شلون يوسف  ايسوي هيج بيه يعني شيريد وشلون عرف اني احبه...

اني صفنت شوي كتله ساره انتي موصله حجي اليوسف اني احبه...

نكرت بقوه ... كالت لا شنو ماثقين بيه..اني اختج شون انطي بيج...
كتلها  لا بس خاف حاجيه لحد بلغلط وهو داري...
كالت لا والله ..شبيج قابل المن كايله

تحجي بس والله كلبي ماعرف ليش ميصدك بيهه..

حسين مستحيل يحجي هذه روحي من الدنيا بس ساره ضلت ...
زين يوسف  شلون ايكول اني وياج على  علاقه واني كلمه وحده محاجيتله...
اففف فكرت وتعبت من تفكير رحت نمت بصف ساره بلحسينيه  احسن ولاشفته ...

كعدت ب2ونص الفجر كعدت رغد وكمنه انحضر ريوك الزوار..الي هو معروف
بيض سلگ وجبن وحليب وجاي..
اذن صلينه وصبينه للزوار اني وساره وجنه ومرت جلال
اجه حسين صاحلي  يم الحمامات...

رحتله صفن بوجهي ورفع تك حاجب تقرب الي وكلي...

بت روحي شبيج اكو شخص مضوجج ...

كتله واني گلبي يدگ خاف عرف ...

ماكو شي... ابتسم گلي علي هل حجي شكلج يوحي اكو شي بيج وضايجه مو بتي الي تضحك دوم لكبالي هسه ..

تلوعت كتله لابس وحده على حياتها من الزوار وخطيه انقهرت عليها.... مابيه شي
أبستم وكال اجذبين علي صايره...وهو يباوعلى بنضره عتب

ضليت صافنه بوجها كتله ...
شتريد موصحتني كال غيرتي الموضوع مو..
يله معديهه الج اجيت اشوف خاف ناقصج شي ريوك الزايرات كتله لاعدنه خير من الله...
اجن زايرات للحمام خله ومشه باوعتلي الزايره هيه بايته يمنه ....

كالت نور هاذه زوجج لوشنو كتلها ...

لاوين هاذه ابويه نططت عيونه علي صدك عود هاذه ابوج بس بعده صغير كلش ..
كتله اي هوه أزوج من جان صغير....

كالت اكول عليمن طالعه  حلوه انتي اثاري هاذه ابوج ..

كتله اي بابا ربي يحفضه اليه ،يخبل..

كالت امج وين كتله ماتت...
وابوي هو الام والاب اليه .. اريد بس اخلص من اسئلتها  تعبانه كولش..
ردت اروح جان أصيح علي ...اكدر اخطب ابوج الي

ضحكت من صدك بهذاك اليوم ...
كتله اي تعالي كالت لاشبيج اضحك وياج الله ايخلي الج..

كتله شكرا وراحت ...يوم الا ربعين رحنه مشي من موكبنا

ربع كيلو للامام الحسين(ع) كل احنه رحنه وطبعا حسين وياي لازمه أيده لين بعد ماكدر اطلع وحدي موخوف من يوسف ...

بس ماريد مشاكل ..وصلنه كولش ازدحام بي بخت الي يدخل بين الحرمين الناس توصل اتشوف القبه وترجع...

بس اني كلبي بي نار ومختنكه اريد ادخل للحضره والزم الشباك وصلنه للحرمين كال عمي شوي ونرجع لاضيع وحده منجن ...

اني ماكدرت ارجع واني من يوم الشفت يوسف  تحلفت بلحضره اشكي همي الابو فضل العباس (ع) ...

خذت حسين شوي عنهم كتله بابا فدوه اريد ادخل للحضره واني اندل لا ضعت ارجع للموكب البيت عمي اندل كربله شبر شبر ماقبل كال خاف ...
تختنكين وماكدر اعوفج وحدج توسلت بيه تالي قبل كال خلي يرحون لين ابوي مايقبل اخليج ادخلين بلازدحام...

هاذه كوله راحو وحسين كل لعمي اخذ النسوان ورجعو اني حاخذ نور للمستشفى راسها ايأذيها ...

وخاف نتأخر.. لاتخافون راح نفتر شوي حته نسوك لين يومين ونرجع للبصره راح يبدي دوام نور ...

كله عمي.. براحتكم بس موضيعها بهل الزدحام راحو وحسين كلي اني كاعد هنا روحي ورجعي لمكانه هذه..

رحت والله ازدحام بكل معنه الكلمه شلون وصلت للحضره بطلعان  الروح من ساعه11لل 4العصر يله وصلت الشباك ..

اووووف من وصلت بجيت شكد لين حبيته وماكدرت انساه ولين هيج سوه ...

أرتاحيت كلش نسيت همومي كلها ...
كتله ها يابو فاضل اطلبه منك اريد اعرف شنو قصد يوسف... وتكف عني  المشاكل ويا ابعده عني ...
وحميلي حسين ماعندي سند غيره بدنيا زرت وخلصت بلويل طلعت لكيت احسين نايم بلكاع ...

كعدت يمه اقره الزياره شويه وكعد كال ها دخلتي ..

كتله اي وصلت ولزمت الشباك كال بلعافيه عليج والله خفت عليج وتأخرتي هسه بلخمسه خل نرجع..

كتله يله كوم رجعنه ضلينه عد بيت عمي اجه جلال  كال لحسين على  رجعتنه للبصره كله بس ليوم باجر نرجع  اني ماريد ادخل البصره من وره يوسف  تعبني حيل واكره روحي من اذكر لزم ايدي ...

بيومها نمت يم ساره بس ماجاني نوم تعبت خليت وصعدت فوك لغرفت حسين ...

فتحت الباب لكيته كاعد كال تعاي ليش مانايمه لهسه شبيج كتله لين مكاني متغير ماجاني نوم وخفت ضلمه البيت...

ضحك علي كلي ولج الضلمه احسن من الواقع خافي من الواقع لاتخافين من الضلمه اجيت نمت ع رجليه ماعرف ليش بجيت من كلي هيج...

هوه تخبل كلي احجي شبيج منو وياج ليش انتي هلايام ضايجه...

  كتله ماكو شي بس خفت من الضلمه كال ولج عمرج 15سنه وتخافين شلج بيها..
حجيلي صدق شنو جاي اصير وياج...
انتي  بتي وعرف البيج مو شي خوف لا اكو سالفه غيره كتله ماكو شي بس اريد انام ...

سكت كلي تعاي نامي بحضني شبكته ونمت كعدنه الفجر بتلاثه صلينه ورجعنه للبصره اني الطريق كله افكر شنو الصار وخله يوسف ..
يحجي هيج لازم اعرف...رجعت سئلت ساره نفس،ردها..

ساره كلتلي نور انتي كلش صايره نكديه انسي يوسف حقير كتلها هوه هيج...

  وصلنه حسين كلي خليلي ملابس بلحمام اريد اسبح دخلت للغرفه جبت ملابس حسين خليتهم بلحمام اريد اصيح لحسين ...

باوعت لوجهي بلمرايه حيل مدغيره وجهي تعبان مو هذيج البت الي الناس تتعجب على حلاتهه كلت بعد هاي هيه يوسف.. اشيله من گلبي واذا مانسيته اسحك ع كلبي ولااحب واحد نذل مثله دراستي وحسين اهم شي بحياتي..

طلعت صحتله وهوه من راد يدخل كلي راح اسبح ونام ومن اكعد اسولفيلي...

كلشي شوكت علمتج اضمين علي …
كتله ماشي واني الخوف متملكني وعرف حسين عصبي نار ماراح يسكت من اكله لزم ايدي بلشارع ...

احاول ادبر اعذار اله بليل كاعدين اني وخوي قصي وحلا أ أختي وساره نسولف ونكت اني وساره ضلينه وحده اذب على

الثانيه عصير وجبس گلبناها گلاب وقصي وحلا يضحكون علينه اجه حسين صاح  بينه...

جمدنه من الخوف كال شوكت تعقلن ها...

كتله من نزوج كال هاا وبله شوكت تزوجن كتله من نعقل...

كال ماكدرعليج ام السان ضلينه نضحك وسولف وحسين عنده سوالف  ايموتن ضحك ضحكنه بشكل هذاك اليوم نوبه كلها راحت نامت ضليت اني وحسين وساره ...

كال حسين شوكت تحجيلي كتله ماكو شي ينحجي مابيه شي لو اكو شي اجي اكلك ...
ساره كالت خويه اني اكلك ليش نور هيج صايره ..اني متت خوف. من كالت هيج بس ماكدر احجي بعد...

كلتله ضايج لين اتعاركت هيه ومرت جلال بلموكب ونور جاوزت عليها ونوبه أعتذرت منها وصالحن..
بس نور تعرفها ماينطيها گلبه ازعل احد... اني شوي الدم مشه بجسمي خفت لا تكوله  ...

هوه حضني وكلي ماكو داعي للزعل لبشر مامعصوم بس تعلمي من غلطج وهيه اكبر منج وانتي من تعصبين ميخالف لمهم مايتكرر الصار لين حرام انام وبشر زعلان منج ماتعرفين شنو علاقته برب العالمي اجوز من احبابه ...

فراح يغضب عليج …كتله يعني اني من احباب رب العلمين كلي ليش مو أصلين وذكرين الله دايمأ ومامقصره لابلمستحبات ولابلواجب وماتحجين على بشر اكيد رب العالمين ايحبج وهو احب العبد النادم على غلطه ونتي ندمتي اكيد ربي يغفرلج ....

كلت بكلبي يعني رب العالمين راح ياخذ حقي من يوسف  ليش ايشوه سمعتي اوووف مرت الايام وداومت واني ادوم اشوف يوسف بلطريق يخزرني بس ميكدر يوصلي لان حسين وياي مستواي زين بلدراسه يعني وسط امتحنه اخر السنه...
#بت روحي
#عشـگ آلجبل
----------👑
يسعد صباحكم...