رواية بت روحي الفصل الثاني 2 - بقلم hour writer 🐆

#بت روحي
#حور حيدر

كبرت ووصلت سادس ابتدائي بهاي السنين المرت مشفت اهلي غير مرات تنعد علاصابع..
ومجانو جايين حته يسئلون عليه
زياره لبيت عمي...ويسلمون عليه كانو مو بتهم
محاجيتهم ولا عمري سئلت عليهم ..
حسين عوضني عنهم كلهم ...اني من جنت صغيره
جان عبالي انو بيت عمي همه اهلي ...
يعني طفل وعه على ناس يوكلو يشربو ويحبو شون يعتقد انو ذوله مو اهله...
الا ان اجه يوم جان عمري بوكتها 8سنوات وحسين گلي انو احنه بيت عمج كلي انتي بت عمي صدك ضجت من كلي هيج يعني تمنيت الموت اهلي كبال عيوني ولاحاسبيني بتهم واشوف شون يعاملون جهالهم الي همه اخواني ...
ليش اني من دون البشر هيح يصير بيه ...
طبعا حسين گلي انتي بتي واني مخليهم ياخذوج بعد لان اني الربيتج...
حزنت شويه وممكن اكون حقدت عليهم ...
بس من اشوف عمي ومرته والاهم حسين شون يعاملوني
احمد ربي...لان لو اني يجوز يم اهلي هسه..
مجان حبوني ودللوني وربوني مثل بيت عمي...
جنه نروح للمدرسه اني وساره...
الي اعتبرها اختي واعز صديقه اليه...
...وجان حسين يوميه يوديني اني وساره للمدرسه ....

بيوم حسين خذاني للمدرسه اني وساره هوه يمشي كدامنه حسين كولش حلو وطويل وضخم عمره 25الى الان ما ازوج...
مع انو مرت عمو تلح عليه...لانو ابنها الجبير وتريد تشوف خلفته...
اني جنت كلش اضوج من اتخيل حسين يهتم بأحد اكثر مني..
يعني شون الطفله الي تغار على ابوها اذا جذب اهتمامه غيرها...

هو جان ايكولي من ازوجج وأمن عليج ياله عود افكر بالزواج...

جنه اني وساره وراه اني اسولف وي ساره على ابن جيرانه اسمه يوسف شكله عادي بس جنت مراهقه واشوفه يضحك،
ويكشخ انعجبت بي...

كلتله ساره اني احب يوسف من زمان بس مايدري بيه صرخت ساره ...هاولج تحبين يوسف..ومن زمان همين ومتكليلي...
سديت حلگه بيدي واني اباوع لحسين الي يمشي،كدامنه وكتله بابا حسين لايسمع ...ثوله نصي صوتج

كالت حجيلي شلون حبيتي وشوكت..

كتله قبل سنه بس اعجاب بس هسه اني متاكده احبه كالت من تشوفينه شنو احساسج..
كتلها واني اتخيل يوسف گدامي...
كلبي اضل ادك سريع وجسمي كوله يرجف وموت لاشفته يحجي وي بنيه يكتلني القهر ...واگوم اكل بنفسي ..

كالت ومالج نيه تخلينه يعرف تحبينه ..

كتله لا موهسه اريد اتأكد مايحب وحده والله كريم

وصلنيه للمدرسه حسين لتفت علي ونطاني مصرف اني وساره وباسني براسي وكلي ديري بالج ع روحج ...

دخلنه للمدرسه اني وساره...

وساره اضوج من شوف حسين يهتم بيه اكثر منها..

كالت ساره ليش حسين ايبوسج ويوصيج واني ولاكنو موجوده ..

كتله لان اني اكبر منج وهوه من ايوصيني حته عليج وكلي ديري بالج عليهه...

ضلت تباوعلي صفح ...
كملنه يومنه ورجعنه للبيت وي حسين دائما اشوف يوسف وهوه ايباوع علي بس اني اسوي روحي ماباوعله مرت سنتين ونص على هاي الحاله ماكو جديد حياتي روتين عادي مثل كل يوم مدرسه و بيت....

وبيوم تاسع من عشره محرم عد خوالي ثواب واني وساره وخواتي انروح انساعدهم احنه نطبخ وكله علينه هم بس يتعشون حسين بلطبخ جيد دائمت يطبخ باعراسنه وبمحرم هوه علمني على الطبخ وكل شي اعرف اسوي من واني اصغيره بس كل الي بيتنه يضوج لان حسين مدللني دامن مشاكل وي اهلي بس هو مجان يهتم لاحد...
يگلهم بتي واني ربيتها محد اله سلطه عليها غيري..

من رحنه لبيت خالي بلطريق صادفت يوسف ضل اباوع بعيوني اني ماكدرت اشيل عيوني منه حسيت بعيونه عتب مثل الشخص الي تعوفينه يعني عتب افراك شوي ورجع ورانه يمشي منا دخلنه لبيت خالي واني افكر ليش حسيت هيج من شفته ليش عيونه اتعاتبني اني مامتواصله ويا ولايعرف اني احبه حسين شافه يمشي ورانه بس ماحجه جاي ايحضر بماعين العشه ..

اني وساره وجنه بت خالتي اجه حسين ووكف بلباب شوي كتله بابا رايد شي كال صعدي فوك السطح واني جايج بس عيونه حمر وعصبي كولش اني بدخلي كولت لا ليوم يشمرني من السطح ...

صعدت وره شوي اجه حسين وسد الباب قوي وكلي تعاي يمي اجيت يمه كتله شبيك لزمني من ايدي حيل وكلي شعدج وي يوسف اني بلحضه هاي اتمنيت لو يذبحوني مايلكون قطرت دم كتله...

بابا ماعدي شي ويا كال ليش تبعج كتله والله ماعندي شي وياه وانته ربيتني شون اخون الثقه وهاي السولف انته كتلي حرام...

كالي حلفي بروحي ماعندج علاقه بي كتله وغلاتج عندي مابينه شي بس ثق بالله بعدما احلف بيك لو أموت انته اغله شي عندي وثق بيك ولو تاخذني الجهنم امشي مغمضه وياك وانته ماثق بيه ليش ...

ضجت كلش احس اريد انفجرومن القهر وهم شخص بحياتي مايثق بيه ..

كلي بت روحي اني مو قصدي اشك بيج ولا افكر هيج بس راح اكولج شي وانتي حكمي من قبل سنتين انتي كلتي الساره تحبين يوسف واني اليوم شفته شلون يباوعلج ويمشي وراج واحنه اهل شيوخ جدي شيخ ورب العالمين مايقبل بهل شي غلط واذا صاير شي وين اروح من احلوك العالم بت شيوخ ورباها حسين ومصاحبه اني من الصدمه ماكدرت احجي شي شلون عرف ساره كلتله لا ماضن شلون اباوع بوجه بعد بس ادموعي اصبن كلي احجي شبيج ساكته...

كتله والله ماعندي شي وياه بلكوه نطقت الكلمات هوه شبكني كال اهدي الحب موحرام بس حرام ..

اذا اضل للعب وانتي بعدج صغير واريدج اتكملين الثاني متوسط وترحين للثالث حته اطلعج معهد كتله ماشي لتريد يصير...

كلي مو الاريده انتي شنو تردين تحبين يوسف لودرسين وتركزين بدراستج لان اسلاحج الوحيد الشهاده...

كتله اريد ادرس ويوسف مايعرف اني احبه وأكيد انساه حب جهال رفع راسي ومسح دموعي وباسني من خدي وهو يمسح دموعي، ..

كلي تدرين حب الجهال ايضل طول العمر كتله شلون ضحك وكلي شوفيني اكبالج حبيت وحده من الزغر بس ماكو نصيب وضليت الهاذه اليوم احن الهه بس بعد راحت كلي شوفي هسه انسي كلشي ولاتخلين يوسف يعرف تحبينه بكل الاحوال لان ايحاول يستغلج واذا سويتي علاقه...

وياه راح ايكول هاي وحده ملعبه وثاني شي حرام...

لازم ايكون حب طاهر وزواج ورب العلمين راضي عليج موحب الذله مال مخابرات وصور وسوالف مكسره كتله انشاءالله وعد مااسوي شي غلط كلي روحي يم البنات ولا اتامنين سرج عد اي مخلوق لين كولهم مضاهر اكبالج يردون

بس الشينه الج كته صار..

اجيت اروح وذكرت لتفتت علي كتله بابا ساره كلتلك ضحك كال لا انتي من سولفتي الها قبل سمعتج من رحنه للمدرسه بس ماحجيت هسه مثل ماوصيتج لاثقين باحد كلها تروح وتعوفج رحت بسته بخده كتله شكد احبك ضحك كلي روحي موتردين تفلتين من شغل وراج غسل اماعين ضحكنه..
واحنه ننزل..

نزلت جوه اساعد بنات خالي عنده ولد 3حسام وجلال ويونس حسام مزوج وجلال هم مزوج يونس بعده هوه يحبني بس ماحاجي لان مانطي وجه اخته جنه كلتلي...
خلصنه العشه وكمنا كل احنه نغسل اماعين...

ساره تحب اشاقي هواي اجه جلال يمنه واحنه نغسل كال اريد اتوضه حته اصلي ضحكت عليه كتله مايصير اتفوت صلاتك صليها بلوقت كال والله لتهينه وي الناس جبتله صونده مالت الماي الي مخليته بكدر جبير حته اشطف بي الماعين كتله هاك اتوضه اجه يتوضه شاف ساره مخليه سماعات بذانها ومغمضه عيونه باوعلي بخبث كاي انطيني ياها خذاها ورش ع ساؤه مي ساره ضلت

اصرخ عليه هوه راد يشرد ذبت علي مركه مالت اللحم واحد يشمر على الثاني...

اجه يونس وحسام وياه وضلو يشاقون واني وجنه نغسل ماعين جان جلال يذب علي مركه اني ضجت كولش لزمته من شعره وغطيته بكدر الماي الشطف ضلينه نضحك جان يوم كلش حلو ...

صارت 2 بليل كال حسين يله مادام خلصتي شغل وشقه خل نرجع عدي دوام رجعنه مرت لايام ورحنه اني وحسين للاربعينه مالت الامام الحسين ع عدنه موكب بكربلا نخدم بي وعمامنه كلهم هناك عايشين وعمي ابو حسين هم شال هناك ضلينه بلموكب وره ايام بعد يومين للربعينيه تجي زوار هوايه النه..
اني وساره طلعنه نمشي شوي ونرجع للموكب جان جان اصادف يوسف كلبي احسه يريد ينفجر من صدري ويطلع وجسمي يرجف ردت نرجع جان يوسف يلزمني من ايدي حيل خفت كولش...
#بت روحي
#حور حيدر
---------😌

يسعد مساكم...