رواية بتندمين يا بنت والسبب نظرتك هذى الفصل السادس والثلاثون 36 - بقلم غير معروف

على كثر السنين اللي عرفتك ماعرفتك زين ..

تمنيت إني ماشفتك ! ولا لحظه ولاشويه ..

حسبت إنت وأنا نبقى حبايب نبقى أحلى إثنين ..

حسبتك تبقى لي طول العمر مخلصوفيّ ليا ..

وأثاري حبنا كذبه نسيت العشره في يومين زرعت الشوك أنا بنفسي ..

غرستالهم بيديا ..

أنا ماكنت أظن اللي يحبّ .. يحب له شخصين ..

على بالي أنا لحالي وحبيبييموت بس فيه ..

.

.

الجزئيه الثانيه من البارت (33)

مع ابطال روايه بتندميــن يا بنت والسبب نظرتـج هذي ..

بين ايديكــم ..
كانت تصيـح كل لـحظه مرت وفكرت فيــه !!

تحس بـ أنها من أول ما طالعته .. وسمعت همسـه ..

اكتفت من هـ الدنيـا ..

وأنهدمـت الاسوار اللي كانت تبنيها وتتسلح فيـها عسب تبعد فكرها عنه ..

بس من لحظه ظهور الفيصـل .. ردت لـها ذكراه ..

لانه الشبه اللي بينهم كبير بدرجه لاتوصــف ..!

.

ليـش أحيـن بس رد .. وليـش فـ هالليله بـ الذات ..!

( ومـسرع ما خطر ع بـالها الفيصــل وحركته الوقـحه )

اللي تعتبرها نزلت من قدرهـا وبـ قوه ..!

ولا عن كلماته اللي ذبحتها ..!

( مـدت أيدها وهي تحطها ع مكان البوسـه وتتلمسـها بـ رقه .. )

ومسرع ما تذكرت قربه لها .. وشقايل جسمـه ملازق جسمـها ..

وصدره فـ صدرها ..

( وبدون سابق انذار .. بـدت تضرب خدها وبـ قوه وبـ دون أي رحمـه )

وجنها تبا تمحـي هـ الذكرى ..

وفـ خاطرها كان يجوول ( بـ أنه هاي المره الثـانيه اللي يسويها فيـها .. )

مره كانت فـ فلتهم .. وهـ المره أحيــن ..!

صــرخت بـ صوت عـالي ومبـحوح من الصيـاح : أكـــــــــرهــــــــــــك ..!

( سمـعت صوت حمده واليـازيـه برع ..

وهن يضربن البـاب وبـ قووه .. )

وسمعت صوت اليـازيـه وهي تقول : روضــه .. روضـه .. دخيلج ردي ..!

( غمضـت عيونها بـ ألم وهي تقول : أنـا ما استاهل كـل هـ الحب ..!

الفيصـل كرهنـي فـ دنيتيه ..!

خلانـي أتشتت وأعيش عيشـه وحده من هـ البنات اللي بايعات نفسـهن .. )

سـحبت روحها بالغصـب .. وهي تسمع صوت حمده تصرخ ..

ونبـره الصيـاح جنها بدت توضـح فيـه ..

.

حدرت الحمـام " وأنتوا بـ كرامه " ..

وهي تطـالع روحها فـ المرايـه ...

( أستغربت من منظرهـا ..

كان الجحل سايح فـ ويها من الدموع ..

والميك أب كلـه متبهذل من الدموع .. )

غسلت ويـها .. وهي تحاول تخفي أحمرار عيونها ..

وتدخل داخلهن ماي عسب تختفي الحمره ..

( حطــت أيدها ع خدها وهي تطـالعه شقايل محـمر من ضربها لـه )

غمضـت عيونها وهي تقول بـ حسره : وصلتنيه يالفيصـل ..

لدرجه بـ انيه اضرب روحيـه ..!

حسبي الله عليـك ..!

.

مشـت بـ سرعه وهي تجر وراها ألمها ..!

وفتحت البـاب ..

وهي ترسم أبتسـامه أقل ما يمكن القول عنـها " أبتسامه سـارحه "

.

تنهدت حمدوه بـ راحه وهي تقول : حسبي الله ع بليسج ..

( وبـ نبره توبيخ ) : زيغتينيه تحريت فيـج شيء ..!

( طـالعتها يزوي بـ نظره كره وهي تقول ) : أحين يعني لازم تسوين أكشنات

عسب نتبعج وتخربين ليلـتيه ..!

( ضحكه حمدوه وحاولت وبـ قوه أنها تبادلها الابتسـامه .. )

فــجأه ظهرت بـنت من ورا يزوي و حمده ..

وقـالت : أييه انا هنـي ..!

(طالعتها يزوي بـ نظرات وقـالت ) : فيه أحد قص عليـج وقـالج أقعدي ورا ..!

طالعتها بـ نظره عصبيـه .. وقـالت : اليازيـه لاترمسيني ..

( ظهرت يزوي لسانها بـ طريقه تقهر ..

وهي تقول ) : ميروووه لاترمسـيني ..!

( طـالعتها روَضـه بـ صدمه ..

هاي شو تسووي هنــي ..! )

وفـجأه قطـعت عليها تفكيرها وهي تقول : روضــه ..

( سـكتت .. وهي تحس بـ تردد .. ولكن كملت ) : بلاه خدج متورم ومحمر ..

( بـلعت ريجها بـ خوف ماتوقـعت أحد ينتبه لـ خدها .. )

وبـ سرعه قـالت : وأنا أنظف ويهيه من الميك أب حمر ..

( صرخت يزوي بـ عصبيه ) : وليش تغسلين ويهج ..

الحفله وماخلصـت .. ولا أنتي طبعج مول مايتغير ..!

( رفعت عيونها وهي تقول ) : يزوي .. ( و سـكتت ) ..!

( قـالت حمده ) : صـح روضـه .. ليش خوزتي الميك أب .!.

طالعتهن بـ نظرات يطاير منها الشرار .. وقالت بـ عصبيه واضحه ...

: أنــا حره اللي ابا اسويه بـ سويه ..

وجم مره بـ بررللكن أنيه ما اطيج هالتجمـعات ..

.

( حدرت الجنـاح و تصكر الباب وبـ قووه .. وهن قاعدات برع .. )

طالعن ع بـعض ..

وعقب ابتسمن وهن ينزلن ويتركن روضـه بجناحها .!

.

( مرت من حذال المرايـه الطويلـه اللي وسط اليدار ..

وطالعت بـ انها لحد أحيـن حتى ما بدلت هـ الفستان .. )

.

تنهدت وهي تتوجه وبدون أحسـاس لدريشـه ..

اللي كانت قبل اربع سنوات ..

24 ساعه جدامها تتريـاه ..!

قعدت حذالها وهي تطـالع منها .. وتستعيد ذكرياتها ..

ولكن وفـجأأه .. وبـ الحـاضر هـ المره ..

تطـالعه تحت واقف وحذاله أخوها حمد ..

( أبتسمت وهي تطـالعه بـ وقفته اللي كلها شموخ وهيبه ..

يرمس حمد .. )

.

قـالت بـ هدوء : ليـس أحيـن رد ..

( وبـ نبره غريبـه ) : حتى حمد اللي يموت ع طاري متعـب . نساه الفتره الماضيـه ..

ليش بس فـ هالوقت بالذات رد ..!

( كانو حمد وايد متعلق فـ متعـب .. ولحد أحيـن متعلق فيـه ..

بس من 4 سنوات ..

تحسـه أختفى عن كل العالم ..

وحتى عن ربيعه وأخوه حمــد ) !!

.

ردت بـ سرعه ع ورا بـ صدمه وهي تطـالعه ..

رفع عيونـه ع دريشتها وأبتسم أبتسامه عريضـه .. !!

( ردت ع ورا وهي تترك الستاره عسب تغطي الدريشـه )

ومسرع ما رفعت أيدها ..

وهي تحطها ع صدرها عسب تصيطر ع دقات قلبـها ..

.

همسـت بـ صدمه : شقـايل انتبه لــي ..!!

.

( حركت رأسـها وجنها تحاول تخرج هـ الشخص بالذات من رأسـها .. )

ومشـت بـ سرعه ناحيـه حجره التبديـل ..

وهي ترد الفستان لـ مكانه .. ولبست بجامه نوم ..!

.

أرتمت فوق الشبريـه وهي تتريـا أمتى بـ تخلص هالتفاهه ..

أو بـ الاحرى المجاملات اللي تدور حولـهم ..!

.

( مدت أيـدها للكمديـنا اللي حذالها ..

وهي تأخذ نظاره القراه اللي كانت من macos adamax..

ذات الحدود السوده والعدسـات الكبـار النازلـه ..

.

وسـحبت الكتاب اللي كان حذال النظاره .. " كـتاب فلسفـه " ..

ظلت تتمعن فـ غلافـه لـ ثوانـي ..

لانها تعتقد بـ أنه الغلاف هو اللي يتحدث عن مضمون الكتـاب ..

( تنهدت تنهيده طويـله وهي تطـالع ع صوره الغلاف

الفيصـل و متعـب .. )

غمضت عيونها بـ سرعه وهي تفتح الكتـاب ..

و سمت بالله .. وبدت تقرا ..

عسـب هالافكـار الغبيه تتركها ولـ لسـاعات معدوده ) ..!
.

.

السـاعه 1 ص ..

حدرن البـنات الجنـاح وهن يتوجهن لـ حجره روضـه ..

.

( أبتسمت حمده وهي تطالع يزوي وقـالت ) : قلتلج بـ أنها تقرا ..

( كانت منهمكـه فـ القراه .. وحتى ماحسـت بـ اللي حولـها )

فـجأه رفعت عيونها وهي تطـالع البنات واقفات حذالها ..

اكتفت بـ الابتسامه وهي تنزل النظاره من على عيونها ..

وقـالت : من أمتى وانتن هنــي ..

( طالعن ع بعض بـ صدمه .. معقول ماحست فيـنا لما حدرنـا )

أبتسمت وهي تطـالع نظراتهن وفهمت شالمقصود منها ..

وقـالت بـ سرعه : السـاعه جم ..!؟

يزوي بـ تعب ونعاس .. : الساعه 1 ..

( شهقت بـ صدمه .. معقوله قضت كل هالوقت تقرأ وهي مب حاسه ) ..

.

صكرت الكتـاب وهي ترده لمكانه ..

ورفعت جسمها شوي لـ فوق ..

قـالت حمده : تصدقن ع التعب اللي احس فيـه .. بس مافيني رقاد ..

طالعتها يزوي وهي تقول : لا والله .. عيل احس عيونتي بروحها تصكر ..!

( ابتسمت حمده وهي تقول ) : شو رايـكن نسير بيتنـا نكمل السـهره .. ؟!

نقزت يزوي وهي تقول : هييييييييه .. صدقها .. شو رايـكن ..؟!

( حركت روضـه رأسـها بـ أسى .. وهي تقول ) : لا بنات انا تعبـانه ..

( وبـ جذب ) : أبــا ارتاح ..!

( كانت فـ الحقيقه .. تبا تختلي بـ نفسـها ..

وتظهر كل اللي فـ خاطرها .. )

بس سمعت عدم تأيد البنات لـ فكرتها ..

( وبـ سرعه نشت وهي تسحبهن وتظهرهن برع الحجره .. )

وصكرت البـاب ..

عقدت حيانها وهي تسمع الهدوء عاد لـ يسكن بين أنحاء الجناح ..

( وحدرت الحمام " وأنتوا بـ كرامه " .. )

وظهرت بـ سرعه عسب تسير ترتمـي فـ الشبريه ..

وترمي ويـاها أحزانها وهمومها ..

.

بس تفأجات وهي تطـالع جدامها يزوي و حمده

كل وحده منهن لابسـه وحده من بجاماتها ..

وأبتسامتهن شاقه الحلج ..!

.

وبصدمه : اييييييييه ها بجاماتي افصخن يا قليلات الادب ..

حمدوه وهي تتطالع على يزوي بنظره خبث : اووويه طلعن بجامات روضه ..!!

يزوي وهي تكمل ع حمده : الللله يعني حلال علينا م بجيه رواضتي ..!!

كانت بتنفجر من الضحك بس كانت حابسه فـ عمرها عسب توضح انها معصبه جدام البنات ..

مشت بسرعه وتوجهت على شبريتها وهي تتسدح ..

.

اول ما طالعنها البنات متسدحه ع الشبريه ماصدقن وطيراان ويا روضه ..

يزوي وهي تلعب فخصلات شعر روضه وتمسح عليها : رواضتي .. حبيبتي ..

حبيبتج يزوي خاطرها تلعب اونو نشي لعبي وياها ..

كان خاطرها تضحك بس تحاول تكتم : اييييييه يا الشااذه وخري عنيـه

مابلعب ويااج ..

جربت منها حمدوه : روووضه يلاااا بس عااده نشي نلعب شووي والله ..

وبعصبيه مصطنعه : اذا لم تلعبي معي الان سوف تري شيئا لن تحبينه

يزوي وهي تصفق : عااااشووووو ... ماروم ع القويين انااا

فودييييييييتهم ...

خلاص وصلت حدها ماتروم تكتم اكثر عن جيه وانفجرت روضه من الضحك ع حركات يزوي وحمده اللي يحاولن يظهرنها من اللي هي فيه ..

: انزين نشن يالمغثـه .. محد يروم يرتاح فحجرته شو هاا ..

البنات ماصدقن ان روضه وافقت وعلى طوول قعدن وبدن يلعبن ..

.

.

×

.

.

وصلـو للمكان اللي تعودو يسهرون فيـه دووم بس كان

الشخص الخامس مب موجود بسبب الخلاف اللي كان بينه وبين الفيصـل ..

.

راكان وهو يمد ريوله : الا اقوول فصوول وين اختفيت فـ العزوومه ..؟

( الفيصـل كان مبحـر فعالم لـروحه وموول مب منتبه لـ رمسه

راكان ) ..

عبدالله وهو يرسم الابتسامه على محياه : اقوول الحبيب موول مب وياك ..

ضربـه ع جتفه عسب يصحيـه من اللي هو فيـه : الحبيب انا من ساعه ارمسك وين وصلت ..

حاول يتدارك الوضع ويوضح انه وياهم : هــا انا هنــي اسمعكم ..

ابتسم راكان وهو يدري باللي يدور فـ راس ربيعـه : انزين ما جاوبتني

وين اختفيت فـ العزومـه ..!!

كان يرمس وفكره مول مب وياه : هــا .. هيه ياني اتصال مهم وظهرت

عسب ارمس الـريال ..

اطلق مانع ضحكه كانت كافيـه انها تنرفز الفيصـل زياده ..

لانه كان يفضح عمره بحركاته ..

نش من القعده بعصبيه وهو يتركهم مكانهم ..

.

.

<

>

.

.

ويا البنات .. فـ حجره روضه ..

.

روضه وبقهر : يزووووي يالغشااااشه طلعي اللي تحت ريولـج ..

يزوي وتحرك رموش عيونها شرات اليهال والبرائه اتقطر منها : مـاسـويت شي << عنبو التمثيل

حمدوه وهي محرجه (معصبه) : والـلـــــــــــــــــــه اني شايفتنج يوم اتغشين طلعي طلعي اللي تحتج

روضه وبعصبيه : لج لحد الثلاثه وان ماطلعتي اللي تحتج اول شي

بنطلعهن بالقوو يعني بنجلبج فوق حدر.. وبنفـضـج لحد مايطلعن

وعقبها (وتزيد من صوتها) بنعقــــــــــج برع اللعبه فاااااااهمه...

وجنها بدت اتخاف من تهديد روضه وحمده لهـأ : انا اصلاا ماغش ولا احب الغشاشين.. اصلا انا اكفخهم الغشاشين

حمدوه مارامت تمسك عمرها : هههههههههههه

روضه : يعنــــــــي مايفيدج التهديد....

اذاً ببدا فـ التنفيــذ ..

وهي ترفع ايدها وتبدا تعد : ا .... 2 ...... ترا قلت 2

يزوي : لااااا روضه عيدي .. صبري بقولكن سالفه << تغير الموضوع

روضه : جــــــــب يلاااا شو صبري بعد .. (وهي تكمل ) ..3

نشن البنات فوق يزوي وهي تصارخ وجلبنها على ورا

يوم جلبنها جااان ايفجن عيونهن بثنتينهن ويشهقن مره وحده

يالغشـــــــــــــــــــــــــــــــاشه ....

يزوي وهي ميته ضحك : ههههههه مب انا ها كله من بليستي انا قلتلها حرام

بس ماطاعتني ههههههههه << (بليستي يعني بليس بس بالمؤنث كل شئ تجلبه)

(حمده وروضه واصله حدها عندهن وهي تنكت حضرتها)

رووضه : جلبي ويهج والله مابنلاعبج يالغشااااشه ..

يزوي و بترجي : لااا خلاص والله اوعدكن بتووب وهاي بليستي بقاعدها ..

رواضي : سيرري منااك ها المره العااشره اللي نزخج فيها اتغشين ونسامحج .. و لو انها المره الاولى هيه بنقوول

واحيــن يلااا برع اللعبه ..

يزوي : مالت علييج وعليها يالخامات المعفنات الشعشبونات الخالات

حمدوه : ههههههههه من ذوقج يالهنديه ..

يزوي وهي صج بانت عليها التنرفيزه وتغير ويها من قالت حمدوه هـ الرمسه: هنـــــــــــديه فعيينج قوولي اميين انزين

روضه وهي تحاول تغطي ع الموضوع : ههههه فديت المعصبين تعالي بنلاعبج يالغشاشه

لو انه محد يطيج يلعب وياج انتي وبليستج ..

يزوي وهي محمره : مااابااا شئ

(وسارت تربع صوب الحماام .. وانتو بكرامه )

.

وجهت نظرها لحمدوه وهي ترمسها : حمدووه بلاج انتي جيه دووم مفهيه ..

حمدوه: شوو.. والله ماقلتلها شئ غير هنديـه ..

روضه : وانتي تعرفين انها ماتحب حد يقولها هالكلمه بالذات

حمدوه: بس والله توقعتها عادي عندها ونستها من زمان .. ماتوقعتها بتتحسس لحد احين ..

روضه : ليتج ياحمدوه ماقلتيها .. يزوي اترد لها حالتها من اتي طاري هـ السالفه

بس ماعليج بنحاول احين نراضيها

حمدوه: هي وين سارت ؟؟

روضه : خليها لروحها شوي .. وعقب بتيي لروحها ..

( ردن البنات يلعبن اونو )

.

.

.

كان توه حـادر الفلـه .. وعلى طوول كانت عيونه تدور ع نايف ..

كان قاعد ع الـ tv وهو سارح بفكـره ..

واول ما طالعه جيه حزت فـ خاطره وقاله بهدوء :

ليـش ماييت العزوومه ..؟

التفت بهدوء من وين مصدر الصوت وهو يطالع على ثاني اللي كان قاعد ع راسه وحاول رسم ابتسامه هاديه ع شفاته : ثــاني .. متى ييت ..!!

على طول فهم ثـاني ان نايف مايبا يرمس وبادله الابتسامه :

توني ياي .. شحالك وشو مسوي ..!!

تنهد بهدوء وهو يرد راسه ع الـ tv : الحمد لله تماام ..

تعال اقعد ..

.

.

×

.

.

.

مسحت دموعها بقووه .. وهي ترمس عمرها و تتطالع فـ مرايه الحمام (وانتو بكرامه ) ..

جـب يلااا مابا اشوفج تصيحين ويلا احين جدامي اطلعي برع وطفري بـ حمدوه وروضه لحد ما يطلعلهن قرون ..

عيل ايطردنج من اللعيه وانتي ساكته ..

وابويه عليج نشي جدامي يلااا ..

( كانت اتحاول اتخفف على عمرها )

وطلع طقم ضروسها اونها تضحك (جنها فـ اعلانات) : اخييييييج سكري حلجج زيغتيني تقولي ضريسات دينصور

خخخ ...

طلعت يزوي من الحمام (وانتو بكرامه) وطالعت روضه وحمدوه بعدهن يلعبن

حبت تغير من نفسيتها ..

واتغلــس عليهن .. << لعانه

.

دحت حمدوه بريولها : اييييييه نفر خال .. وتدحها مره ثانيه

حمدوه: خيبـــه من ريل تقول ريل بتاني ..

روضه وهي تضحك من قلب وتحاول تنسى اللي فـ داخلها لو دقايق ..

.

يزوي وردت تدح حمدوه : اندوووووووج عيل .. عسب اتوبين تغلطين ع ريلي ..

حمدوه : اااااااااي يالحماره ..

يزوي : انتي كاوه ..<< يعني كاو (بقره) بس مؤنث بالانجليزي خخخ قلتلكم كل شي بالمؤنث عندها ..

روضه وهي تضحك ع هبال يزوي وحمده : والله

انكن خبيلات عيل شي بنات عاقلات جيه يسون ..

يزوي وهي تدح حمدوه مره ثانيه : ايــــــــه نفره نفره ..

حمدوه وبعصبيه : نفر ريلج يالخااايسه .. بسج ضرب هريتيلي مالي من كثر ما تضربيني

يزوي وروضه هني انفجرن مره وحده : هههههههههههههههههههههههههه

حمدوه وبقهر : ضحكه بليا ضروس ..

روضه وترمس يزوي : شو تبين فيها حرام عليج .. خليها فحالها ..

يزوي : ابا العب وياكن ..

حمده وروضه ويا بعض ومره وحده : لاااااااااااااااااا

يزوي كانت تتريا هالجواب وبسرعه نطت وسطهن فوق اللعبه ويلست فوقها ..

حمدوه : خوزي يالخبيله

يزوي وماده بوزها : مـــــابــااا

رواضي : يزوي خوزي بالطيب

يزوي : مــابا

روضه وترفع ايدها : 1 ..

ومن قالت جيه بسرعه اتنش من فوق اللعبه وبخوف ..

حمدوه : ههههههههههههه الادب ولد العرب ..

روضه : اخر زمن عيال ما يون الا بالقوه ..

.

قعدت حذالهن وهي تتطالعهن يوم يلعبن واونها هي الامن مال اللعبه

اللي تفكر تغش تدح (تضرب) << مب جنها هي اكبر غشاشه ..

.

وهن يلعبن كانت تعلق على اللعبه جنها معلق كوره وحاشرتنهن ..

يزوي وهي تصارخ وتعلق .. : وهاااااااا هـــي حمدوه بنت صربوخ

تشووت على روضاه بنت خرشوف الكرت الملون بعده الوان ..

يااااااا الله ما الذي يحدث هنا بنت خرشوف تصعق بنت صربوخ وبقووه

ياااويلتـاااه ما امهركي يا روضاه انتي ماااهره انتي باهره انتي صااعقه

انتي كل شي غاوي ..

ان الكلمات ولسانتي تعجز عن التعبير عنكي انتي تستاهلين الفوز

وبدون جدااال ..

وهاي هي حمدووه تخسر وتذبل مثل الجزره المتروكه من دون ثلاجه

روضه وبعصبيــــه : لا الـــــــــــه الا اللـــــــــــــــه ..

بسير اعق عمريه من الدريشه ..

يزوي وهي تكمل تعليق : ماذا دهاكي يا رواضاه ؟

: روضاه فعيينج قولي امين ..

يزوي : اميــــــن

حمدوه : ههههههههههه .. والله انج خبله ، قاعده تسبج وانتي تقولي اميـن ..

(ردت تعلق على اللعبه وحاشرتنهن بصريخها )..

روضه : يزوي دخيل والديـــج اسكتي انطبي بس مانبا تعليق

بتفضحينا اذا حد سمعج احين بيقول هاي ايرانيه مجنسه ..

بســج كل رمستج تنقيع فـ تنقيع .. يعني بالعربي كلـــــها مخبقـــــه .."

.

يزوي : وهااااا نحن نعود اليكم اعزاءنا المستمعين الغاوين من عقب فاصل اعلاني جميل قدمته لكم الانسه

الكتكوته الحبوبه الجميله روضاه .. << مب جنها احين مسكته

حمده + روضه : ههههههههههههههههههههه

يزوي : وهنا تفر روضاه الكرت رقم 4 وكانت ستصيب الهدفه ولكنها انحرفت قليلا ..

حمدوه : عز الله انج مواطنه اصل 100%

يزوي مارامت تمسك عمرها : هههههههههههههههههه

حمدوه : الحمد لله والشكر

روضه وفـ خاطرها : ( فديكن ياربي .. الله لا يحرمني من هاللمه الحلوه ... وربي احبكن من كل قلبيه ياحمدوه ويزوي .. والله محد يخفف باللي فـ يوفي غيركن ، يعلني ماذوق طعم فرقا وحده منكن ، ويدومنا احلا 3 توائم ) ...

يزوي : هيا يا روضااه انه دوركي الان .. علمي هذه الحمقاء بنت صربوخ اللعب الغاوي ..

انها تسبني من ساعه وانا لم اطيع ان ارد عليها ..

حمدوه : ارمسي شرات الخلق اول انتي ..!

يزوي : انني لا احبكي يا بنت صربوخ ..

حمدوه : اف الحمد لله .. احســـن

يزوي : ولكن انا احبكي كثير يا روضاه عكس بنت صربوخ .. واندوج بوسـه

(وطيرت يزوي بوسه فاللهواء حق رواضي)

روضه وتسوي حركه جنها البوسه ردتها على ورا من قوتها : ااخ محلاها ..

يزوي : وااافديتكي يا روضاه انا سوف اخطبكي غدا ..

روضه : لا دخييييلج لااا .. انا مرتبطه خلاص ... دخيلج الا انتي يا الايرانيه ام رمسه مخبقه ..

هني البنات مره وحده ضحكن ع شكل روضه وهي متزيغه..

يزوي :معليه يا رويض احين انا ماتبيني وانا احبج من سنين وكنت العب وياج يوم كنا يهال ..

احين ترفضيني .. نسيتي ما كلينا نحن بينا ماي وملح ..

حمدوه : ههههههههه عااشو ماي وملح .. الناس تقول عيش وملح يا الايرانيه..

يزوي : هو اللي كنت ابا اقوله بس لسانتي غلطت ..

روضه : ههههههه انتي كل شي مؤنث عندج

( بليستي ، كاوه ، لسانتي ، هدفه ، ومادري شوو )

يزوي واونها معصبه : حلت عليكي الحرب يا روضاه انا لا احبكي

انا احب حمدوه ..

يزوي وهي تكمل : حمــــــــــــدوه انا وقعت في غرامكي ..

حمدوه : عز الله رحت فيها ..

يزوي : هههههههههه

.

وفجــأه صاح فون يزوي ..

يزوي وهي تتطالع ع الرقم الغريب اللي داق عليها ..

يزوي وهي تفـج عيونها ع الاخر .. وشوي الا تشهــــــق بقوووه

وقامت اتأتأ فـ رمستها مـ ..ـعـ.. ـقوو ووو وووولـ ـه

وشكلها جنها خيفانه من شئ ......
حمدوه ورواضي خافن من شهقتها ...
حمدوه : يزوي بلاااج ...؟؟؟
روضه : يزوي غلايه بلاج منو اللي داق .. ؟
(يزوي بعدها على حالتها متجمده مكانها موول ما تتحرك حتى رموشها مايتحركن
بس تتطالع على الفون ، واثار الصدمه واضحه على ويها .. وبدا جسمها كله يرتجف )
روضه وبخوف واضح وهي تهز يزوي : يزوووي انا ارمسج انتي تسمعيني يزوووي ..!!!
يزوي وهي ترد للواقع : هـ ــ ـا ه .. هـ ـي ا نـا هنــ..ـي ..
روضه : يزوي لا تجذبين عليه منو اللي داق عليج ..؟؟
(يزوي وهي تحس ان كل ذره فـ كيانها بدت تصرخ من الالم ...
وتحس ان قلبها بدا يتقطع لقطع ..)
يزوي وهي تحاول ترسم الابتسامه فـ شفايفها : هـ..ـذا .. هذا سيافي ..
روضه وبكل جديه : سيــــــف وكل هالخوف اللي ع ويهج ... شوفي حالج شو استوابه جسمج كل يرتجف ..
يزوي وهي شوي وبتنفجر من الالم اللي تحسه فـ قلبها : روووضه قلتلج هذا سيــف
بس انا زعلانه منه مابا ارد عليه ...
حمدوه وهي تجرب صوب يزوي : يزوي والله لو طالعتي شكلج كنتي
انتي لروحج بتخافي ع عمرج،
شقايل ماتبينا نحن نخاف عليج ..!
روضه وبكل حنيه الدنيا مسكت ايدين يزوي : وربي خوفتيني عليج تحريت فيج شي ..
(يزوي من حست بلمسه روضه وحنيتها وصوتها الرقيق اللي كان يدل ع خوفها الحقيقي عليها ..
كانت بتفجر انهار من عيون يزوي مب دموع .. وكان خاطرها ترتمي فـ حضن روضه وطلع كل اللي فـ داخلها بس قعدت اتصبر
عمرها عسب لا تخوفهن او تخليهن يحاتنها )
.
.
يزوي وبــأبتسامه صفرا : فديييتج يااربي الله لا يحرمني منج ولا من هـ القلب الابيض
وحظنتها ..
حمدوه وهي تتطالع ع روضه ويزوي : وانـــــــا ..
روضه ويزوي : ههه تعالي وفتحن ايدينهن حق حمدوه ... وكان شكلهن وهن متحاضنات بـ ثلاثهن
رمز ظاهر على انقى واطهر علاقه اخويه ممكن اتكون على وجه الارض .. شقايل يموتن فـ بعضهن ..
وخووووف كل وحده منهن على الثانيه اكثر من روحها ..
.
حمدوه : يعني لمتى بيتم هـ الفلم الهندي ..
روضه : هههههه مالت عليج مب ويه رومنسيه انتي
(يزوي كانت ساكته ولا ترمس بأي كلمه ...)
حمدوه : يلا عيل خلنا نكمل لعب ..
روضه : يلااا ..
(قعدن حمده وروضه يكملن لعب .. وطبعا يزوي مب فـ اللعبه لانها غشاشه )
حمده: يلا دورج رويض ..
روضه : رووويض فـ عييييينج قولي اميين ..
حمده : هههههه يلا العبي ..
روضه : ما رمت العب انا احسني مفتقده معلقنا الغاوي
( يزوي كانت سرحانه وموول مب ويا حمده وروضه بروحها فـ عالم )
روضه هي تصرخ حق يزوي : حووو انتبهي انا قاعده ارمس عنج
اسمعي مره ثانيه شو قلت عنج (وتعيد رمستها) انا احسني مفتقده معلقنا الغاوي << خبله هالبنت
يزوي والهم موول مب شايلنها : لا مافيه تعبت احس حلجي يعورني
حمدوه وهي ترفع حيانها وبأستغراب : اووونها .. !!!
( يزوي سكتت وردت حق ذكرياتها اللي ياما تألمت بسببها وصاحت بدال الدموع دم
واحين شكلها كلها بترد لج يا يزوي)
روضه : لا البنت شي فيها .. (روضه وتدح يزوي) اييه مانباج انتي
نبا يزوي الخبله احلا منج انتي يالنكديه ..
( يزوي موول ماتحركت وكانت على حركتها منزله راسها وهي سرحانه وعلامات الحزن واضحه على ويها وجنها شاله هم الدنيا كله على راسها )
روضه وهي تتطالع على حمدوه بنظره على انه طالعي
حمدوه ردت النظره وسوت حركه بأيدينها على انه مادري ..
(فهمن البنات على اساس انها مضايجه من سيف لانهن يدرن
شكثر يزوي متعلقه فـ سيف ، ومستعده اتضحي بحياتها عشان سيف )
وكملن لعب ...
شوي والا يرد يدق على يزوي شرات الرقم اللي قبل ،
على طول حطته سايلنت (صامت) ، وبدت دقات قلبها اتزيد ..
ومن قوتها حست ان قلبها بيظهر من مكانه ..
حمدوه : حراام عليج يزوي ردي عليه سيف مايهون اتسوين له طاف والله لو انا اخويه جيه يحبني شرات ما سيف يحبج بعبده ..
روضه : استغفــــــــــر الله ياليهوديه .. شو تعبدينه ..
حمدوه : يالخبله ها تعبير موجز بس ..>>ترا موجز من مخ حمدوه ..لاينتحروا الادبين
روضه : عفان الله ... قال موجز بنت الادبي ..
( يزوي غصب عنها نزلت دمعه حاااااره منها حست انها زلزلت كل كيانها ،
بس مسرع ما مسحتها قبل لا يطالعنها البنات ، بس هـ الدمعه اللي نزلت
من يزوي ما طافت روضه ، يعني طالعتها )
.
ثواني والا توصل لـ يزوي مسج ....
.
/
\
/
\
/
\
فـ صاله قوم بوسالم ..
شما وبهمس : امايه .. امايه
ام سالم : ها امايه ..؟
شما : احين بنتج موول ماوراها راد اربعه وعشرين ساعه هايته برع
ام سالم : وايديـــه ... شقايل برع .. هي مب فوق ويا البنات
شما : ههههه وحليلج يا امايه انتي اخر من يعلم.... تقص عليج هاي الفص
بنتج تشرد من ورا عسب ما تطالعينها يوم تظهر من البيت ...
ام سالم والصدمه فـ ويها : شووووو .. روضه تشرد .. وويا منوو .. ومتى .. وكيف ..؟؟
شما : والله يا امايه هاي بنتج محد يروم ايرد لها راس انا شما .. تخيلي انااا اختها اكبر منها وماتحترمني ..
والله اني خيفانه من قوايتها هاي ..
اخاف اتيبلج بلوه لا سمح الله .. وبنات هـ اليوم ينقص عليهن بكلمه حلوه
وروضه واايد متهوره ومتفتحه .. وفري .. واللي تبا تسويه ماترد عمرها موول ..
ام سالم : واااابوويه انتي شو قاعده اتقولين ..
شما : والله امايه انا خيفانه على بنتج .. وترا هاي اختي وانا احبها
لا تتحرين يوم اقولج جيه اكرها ... حشى عليه .. بس انا ابالها مصلحتها ..
وانتو لازم اتخفو هـ الدلع اللي مدلعينها اياه .. واقول لو تاخذون الفون
ولابها بعد احسن ..
ام سالم وهي متروس راسها على روضه للاخر : ووينها هاي مسوده الويه وينها اللي بتوطي راسي **
انا متأكده انها بتوطي راسي هـ البنت ..
شما : خليها احين من ترجع مسكيها وادبيها .. وعطيها جمن كف عسب تتأدب شوي ..
ام سالم والدنيا موول مب شالتنها من العصبيه : خليهـــــــــا ترجع هـ الحيوااانه انا براويها .. اناا براويها ..
\
/
\
/
\
فـ حجــــــره روضه ..
ثواني والا توصل لـ يزوي مسج ....
( يزوي كانت تتصارع ويا نفسها وفـ نفس الوقت كانت ترتجف من الخوف ،
تخاف تفج المسج وتقرا اللي ممكن ايرد لها كل الامها
اللي عانتهن قبل سنين ، بس مسرع ما مسكت الفون وفجت المسج ..)
.
نص المسـج : .................
(بدت تحس ان الدنيا بدت تستوي سوده ...خلاص مب مستحمله ...
مسكت عمرها وااااايد وفوق طاقتها .. وبدت تستوى حمره جنها بتنفجر ..
وبدت تتنفس بقووه وبصوت مسموع .. ورجفتها زادت كل جسمها يرتجف
والبنات ماااتن من الخوف من طالعن جيه حالتها )
.
(تأكدت احين منو صاحب الرقم الغريب اللي داق عليها ... تأكدت كل شكوكها .. هالمسج أكد لها كل شي..)
حمدوه بخوف : يزووي .. يزووي بلاااج ..؟!!
روضه : اليـــــــازيه بلاااج شو ستوابج ..؟
حمدوه ما رامت تستحمل اطالع يزوي حالتها جيه .. وبدت اتصيح :
اليـازيه بلااااج دخيلج ردي عليه
( يزوي وهي بين رجفتها اللي مب طبيعيه .. ودموعها اللي ينزلن اربع اربع بدوون توقف و ورا بعض ..
وموول ماترمس ولا اطلع صوت.. بس تتطالعهن ودموعها ينزلن .. وهي شبه منهاره ..)
حمدوه ومن بين دموعها لانها اول مره اطالع يزوي بـ هالحال منهاره للاخر : يزوووي
بلاااااج دخيلج ارمسي ..
.
(مول ما كانت تتحرك ) ..
.
روضه يوم اطالعت ان يزوي مووول مب فـ وعيها وماترد عليهن عطتها بطراااق ( كف ) بقووووه
خلى يزوي اطيح على الارض ..
حمدوه شقهت بقووه من قوه الطراق اللي يا يزوي ..
.
يزوي وهي غرقانه بين دموعها وشهقاتها اللي تقطع القلب : انـ ـا ابـ .. ـا امــ ـــ ــووووت
انــ ـا ابـــا امـــــوووت .. ( وهي تشهق.. وركضت تحت ريول روضه .. وهي تترجاهاا ) رووضه دخيلج اجتليني ..
اذبحيـــني سويبي اي شئ بس انا ابا امووت .. مابا اعيش دخييلج .. دخيييلج يا روضه ..
.
(كان شكلها وهي تترجا روضه يقطع القلب وشهقاتها اللي تخلي الشخص غصب عنه يتعاطف وياها ..)
.
روضه وهي ماسكه عمرها شوي وبتنفجر من الصياح مهما كان هاي جزء من روحها
وماتهون عليها اطالعها بـ هالضعف والحاله اللي وصلت لها وهي ما تسوي شي لها ...
بس كانت اقوى من هـ الشئ ومسكت يزوي من جتوفها ..عسب اتحاول
اتخفف عنها وقالت لها وهي تهزها :
اليـــازيه اليــــازيه .. مهما كان اللي استوالج اباج تتأكدين انه روضه وحمده وراج للنهايه
واللي بيصيبج بيصيبنا نحن ...
فعمرنا مابنتخلا عنج ..
يزوي نشت بسررعه وركضت برع حجره روضه .. ومانتبهت لعمرها ان شيلتها فـ جتفها
يعني مب معدلتنها على شعرها ..
وهي تركض كانت ما تطالع شئ جدامها موول ..
كانت تبا توصل بيتهم وبس تبا تكون لروحها وتطلع كل اللي فـ خاطرها ...
وهي نازله من الدري كانت تركض .. ومحمد كان توه يرقى الدري....
جـــان تنصدم فيه بقووووه ...
محمد وهو مبهت من اللي كانت شبه قاعده فـ حضنه ..
محمد : آليـــــــــــــــازيــه .. !!!
.
محمد ولاحظ ان يزوي موول مب على طبيعتها كانت وحده ثاانيه
غير عن يزوي القبليه .. غير عن يزوي اللي عرفها بحيويتها وابتسامتها ورقتها ..
واللي بين ايدينه وحده مافيها روح ولا حياه ...
يعني شكلها منتهيه .. وهو يحاول يفهم بلاها جيه ..
محمد زقرها : اليــازيـــه ..!!
بس يزوي موول ماحست فـ محمد ... ولا سوت له سالفه ولا جنها انصدمت فيه اصلا..
أو انها كانت بين ايدينه
كملت طريجها ...
وهي تربع على بيتهم..
كانت تصيح من كل خاااطرها ودموعها اللي كانت مغطيتنها
وكانت تركض فالشارع بدوون اي احساس باللي حواليها ..
ومحمد كان يربع ورا يزوي ويزقرها : اليــــــــــازيـه ،، اليــــــــــــــازيه
بس يزوي موول ماكانت تحس به ..
كل اللي تحس به آلم فجر كل ذره من كيانها ..
آلم سيطر على كل احساس تحس به اليازيه
كانت تحس ان قلبها خلاص توقف عن النبض
....
محمد ومن وراء يزوي : اليــــــــازيــه وقفي ..
بس يزوي مسرع ماحدرت بيتهم ..
لانها بـ الاصل موول ما كانت تسمع صرخات محمد لها
.
.
وبـ جـيه نكون خلـصنـا الجزئيه 2 من البارت ( 33 )
مع ابطـال روايتنـا في التطورات اليديده اللي راح تنكشف عن قريب ان شاء الله ..
.
واتمنـى ينـال على اعجابكم .. وقرائه ممتعه ..
نلتـقي فـ البارت اليـاي ان شـاء الله .."
.
.
.