رواية بتندمين يا بنت والسبب نظرتك هذى الفصل التاسع والثلاثون

شوفوا قبل كل شئ انا مرررره مررره اسفه 🙏🙏 داريه انتي تاخرت بس مو بيدي انا خلصت امتحانات وبدات اجهز شنطي عشان مسافره واي الف الف مبروووك الكم جميعا علي الاجازة والشهادات واتمني تسمحوني ورمضان كريم عليكم طولت خلينا نبدأ
___________________

مآحشمت ..,‘ ..[ فلآن ] ..!
{ لآجـل أرضـى فـلآنـ ومـآحترمــت آلآ آلذي كفـو آحترآمـي . } ..!
انرسمت على شفاهه روضـه الابتسامه اول ماخطرت على بالها فكره

ان يزوي نشت ..

وبكل لهفه فجت المسج ..

( حســت بـ الصدمه من اللي مكتوب فـ المسـج ..

كانت الدهشه والصدمه واضحه على ملامح ويها ، ..

ولانها تحس بـ الصدمه وعدم تصديق قرتها مره وثنتين وثلاث

وهي بعدها مب مصدقه اللي تقراه ..)

مارامت حمدوه تستحمل زياده كانت تحس ان الفضول ينهش فيها نهش

وبـ سرعه وخوف .. قالت : رووضه منووو طمنيني دخيلج .. يزوي فيها شي ..!!؟؟

همسـت روضـه بـ عدم تصديق : هـ ـذا فـ ـ ـ فـ ..

حست حمده الصبر اللي تسلحت فيه الدقايق الفايته نفذ ..

وبـ سرعه سحبت الفون من ايدين روضه وقرت المسج ..

(وبدت توضـح علامـات الصدمه اول ماترجمت اللي فالمسـج ..

ولا أراديــا ً حطت أيـدها على فمها بـ دهشـه وأستغراب .. ) !!

التفت حمده ع روضـه اللي لاتقل ابد عنها صدمـه ..

وأبتسمـن اوول ما التقن عيونهن ..

وصرخــن بكل مافيهن من قوه ويا بعض وقعدن يتنقزن من الوناسه

وهن حاضنات بعض ..

قالت حمدوه وبـ فرحه عارمـه : واخيرااا رواضي بيتركج وررربي مب مصدقه ..

قالت روضـه بوناسه مع بعض الاضطراب : انا بروحيه مب مصدقه ..

صرخت حمدوه بـ خوف : انزين يالخبله بسرعه سيري لا يغير رايه ..

حركت عيونها ع الفله وهي تقول : وامايه والشله اذا سألو عليه ..!

حمده: لا تخافيـن انا بغطي عليج .. اهم شي اتسيري وتخلصي السالفه

أبتسمت روضه وهي تقول بـ حب صادق : فدييتج انااا ..

( ومسرع ماجربت منها وهي تحضنها ..

وبعد ثوانـي معدوده توجهن لـ جناح روضـه وهن يربعن عسب يلحقـن عليـه ) ..

( وكانت روضه رغم المشـاعر المختلطه اللي تحس فيـها ..

مره مستانسـه .. ومره تحس نفسها مضطربـه شقايل بتتعود على بعده ..

ومع ذلك كلــه .. كان أحسـاسها بـ سالفته المفأجه اللي صعب تتصدق ..

مول مب مرتاحه لــه ..

شو سبب تغيره المفـأجـى ..!!

وقـالت بـ خووف و حيـره : حمدوه ..

جاوبتها حمده : هـا ..!

كملــت من سمعت رد حمده : مادري ليش قلبيه مب مطمن لـ هالسالفه ..

حاسه ان هاي وحده من خطط الفيصل ..

حمدوه بـ خوف : جب جب فال الله ولا فالج ..

ان شاء الله لا خطط ولا هم يحزنون

( وهي تأشـر عليـها ) : الريال تعب من كثر مايطفربج ..

وطالع بـ انج مستحيل تنذلين جدامه او انج

فـ بكل سهوله .. قرر الانسحاب ..

( وبـ نبره حازمه ) : وبعديـن ليش تفسرين كل شي على هواج هااا ...

تنهدت روضـه وأحسـاسها بـ الحيره يكبر : ان شاء الله يارب ..

وتكون رمستج فـ محلها ..

أبتسمت حمدوه .. وهي تقول : يلا بسرعه لا تتأخرين ..

تحركت روضـه اتجاه .. حمده : انا خلصت يلا الدور عليج شردينيه ..

حمدوه : خخخ حسستينيه جمس بوند ..

صرخت روضـه لا اراديــا ً : وعععع لا تيبين طاريه ..

اكرهه هاالادمي من كل قلبيه ..

حمدوه : تصدقين حتى انا مادانيه مادري شقايل ظهرت منيه هالرمسه ..

ضحكت روضه .. وقالت : اقول انا ظاهره .. باااي ..

حمدوه: بااي ..

وأشـرت بصبوعها على حمدوه : لا تنسين اللي اتفقنا عليه ..

صرخت حمدوه بنفاذ صبر : انجلعـــي ..

تفطست روضه ضحك على حمدوه .. وقالت : ياويلج لو حسو هليه انيه مب موجوده

نشت حمدوه من الغنفه بكل عصبيه وهي متوجهه حق روضه اللي ماتخلص هذربه

وناويه على نيه شينه ..

( و اول ماطالعت حمدوه يايه على صوبها وهي زاخه الشمعدان فـ ايدينها

رفعت عبايتها وطيران على تحت .. واختفت مره وحده ) ..

و اول ماطالعت حمدوه حركه روضه ..

تسدحت فـ الارض من الضحك على

شكل روضه المتزيغه .. ونزلت تحت عسب تغطي على وجود روضه ..

بس مهمتها كانت سهله وايد لان محد كان فالبيت مول ..

كان الفيصـل بهـ اللحظات يتريا روضه بكل لهفه ..

وتحديداً فـ المكان اللي حدده لـها !!

وكان ظنـه فـ محله ..

روضه ما اصدرت أي حركه تدل على عدم موافقتها لمقابلته

وهـ الشي اللي كان محسسنه بالانتصار ولاول مره من قابل روضه ..

كانت روضـه تسوق وهي تتطالع على الفون وتتأكد من المسج

يمكن هي وحمدوه مغلطات ولا شي ..

كانت تقراه عسب تتأكد هل هو صج من الفيصـل ..

حاولت تقراه بصوت مسموع عسب تحاول تصدق ..

لانها لحد احين مب مصدقه ..

( وكان نص المسج واللي واضح فـيه الجديه والصدق ..

ولاول مره يطرش لها بـ هالاسلوب اللي فيه نوع من الاحترام ..

لان اسلوبه كان كله تهديد وفرض رأي ويخلو نهائيا من مبادئ الاحترام ..

وهي تقرا المسـج كلمه كلمه ...

( السلام والرحمه .. روضه أنـا قررت الأنسـحاب من حيـاتج ..

لانه وبـ كل سهوله فكرت فـ الموضوع ..

وطالعت بـ انه اللي قاعد يستوي بينا ماله اي مبرر

وعسب جيه ابـأج تيين المكـان الـ ,,,,

وهناك بتتأكديـن بـ انه حتى صورج أنمسـحت ..

وأنتي أنمسحتي من بـالي ..!!

ولو سمحتي بدون تأخير لاني مشغول شوي .. الفيصــل )

تنهدت بقوه وكانت حاسه بشي غريب ماتدري ليش

تحس انه راح يستوي شي ماتتمناه .. ،

مستحيل الفيصـل يودرها بـ هالسهوله

وبدون سابق انذار ..

بس مسرع مابعدت هـ الفكره لان مجرد التفكير فيها تخوفها ..

وفــجأأه ردت بـها الذاكره لوراء وهي تتذكر رمسـه حمده ..

وبـ الفعل رمسـه حمده كان فيـها شوي من الصحــه !!

قالت حمدوه وبـ فرحه عارمـه : واخيرااا رواضي بيتركج وررربي مب مصدقه ..

ابتسمت روضـه بوناسه مع بعض الاضطراب : انا بروحيه مب مصدقه ..

( ركزت حمده ع ملامـح روضـه ..

عسب تحاول تفهمـها ) .. وقالت : بس أحسـاسيه يقول بـ انج مب مستانسـه لدرجه لاتصدق ..!

( وبـ خوف واضـح ) : لاتكونيـن ياروضـه حبيـتيـه .. وماتتمنين فرقـاه ..!!

أبتسمت روضـه عسب تريـح حمده وقـالت بـ ثقه : أدري بـ انج مابتصدقيـن ..

بس يـا حمدووه .. (سكتت .. ومسرع ماكملـت ) : ماادري شو أقولـج ..

لو بنت ثانيـه غيريه كانت حبته من أول نظره ..

لانه وبكل سهوله ..

جمـاله .. مكانته .. هيبته ..

( وهي تركز ع عيون حمده ) : كل ذره فيه تجبرج تحبيـنه ..!!

بس ومع ذلك ..

( وهي تبتسم ) : كل موقف يجمعني فيه القـدر ..

كرهي لـه يكبر ياحمده ..

( وهي تتذكر الموقف الاخيـر لما صرخت فـ حجرتها وقـالت " أكرهك .. "

كانت صــج ظاهره من قلبــها ..!

ومب بس أخر مره .. ياما ويامــا قالتها ..

وكانت تعنيـها مب شرات غيرها من الكلمـات .. مجرد كلمــه وخلاص )

وهي تكمل بـ صوت مسموع : أنتي أكثر وحده تدرين بـ انه فـ عمريه ماحقدت ع شخـص ..

بـس ... ( سكتت .. وهي تطالعها عسب تحاول تفهم ردت فعلها ) ..

: مواقفه تجبرنيه أكرهه .. طريقه تعاملـه البذيئه ..

كل شيء فيــه حلو أكرهه ..

( وهي تبتسم) : بـ امانه بكون جذابه اذا ماقلتلج جذبني جماله وبـ قووه ..

يعني مجرد اعجاب بـ جماله وغروره وهيبته .. لاغيــر !!

وهي تبتسـم : فهمتـــي ..

أبتسمت حمده .. وقالت : كنت متأكده بـ أنج مستحيل تخضعيـن لـ شاب ,,!

زادت أبتسامه روضـه وقالت : تفكيـرج بـ محله ياحمده ..!

( ردت للواقــع وهي تتطالع بـ انها خلاص وصـلت للمكان المفروض عليـها ..

وهي تحس بـ خوف وحيـره وحزن وألـم وضيـجه وفرحـه ..

امـا عن الفيصـل فـ كان يطالع على ساعته بين كل حين وأخـر ..

مايدري شو سر وناسته اللي يحس فيها ..

اللي كانت تظهر من اول ماتوافق روضه على مقابلته

كان يترياها بكل لهفه كان وده يشوفها بسرعه مايبا يتريا اكثر ..

بس بسرعه نفض هـ الافكار من راسه وقال : انا اصلا مخلنها اتيي عسب

أأدبها مب لشي ثاني ..
ولا انا مابا اطالع على شيفتها مول هـ الصايعه

راعيـه الشباب ..

مب الفيصــل اللي يتريا بنت عسب سواد ويها ..

وفــجأه قطع على الفيصـل ضوء سياره روضه اللي توها وصلت ..

واول ما طالع السياره عرف ان هاي روضه ..

وكانت الابتسامه واضحه على ويهه ..

بس مسرع ما انتبه على عمره ولبس قناع الجديه ..

نزلت روضـه من سيارتها بكل هدوء وهي تدور بعيونها على الفيصـل

ولمحت من بعيد طول الفيصـل وهيبتـه ..

اللي تخلي الواحد غصب عنه يطالعه ..

وبدت تقترب منه بكل هدوء وكل ما تقترب تبدي ملامح الفيصل توضح اكثـر

قالت وهي تمشي بأتجاه الفيصـل: عنلات هـ الشكل عليك

يالغبي الطمطمه مسود الويه محلاااتك ..

( وبـ أسـى وحزن ) : وهاي اخر مره بـطالع ع هـ الشكل الحلـوه ..

( تنهدت وهي تبعد هـ الاحاسيـس الساذجه عنها ) ..

لانها متأكده مليون بـ المئه بـ انها فـ عمرها ماحبت الفيصـــل ...

ومتأكده بـ انها تكرهه ..

لانه فـ عمره ما عاملها شرات ما عاملها غيره .. " هـــزاع الحنون الطيب "

ولا " مـتعب اللي كان شرات ظلها قبل 4 سنوات .. "

اما عن الفيصـل فـ كان بـ هاللحظات يتفحص روضه وجنه يشبع ناظره ، ..

وهو يطالعها تتجه صوبه بكل ثقه وشموخ ، ..

كان يحس بكل خطوه تخطيها قلبه يخفق بقوه .. عكس روضــه تمامـا ً ..

بس كان يقاوم ويحاول يتصنع البرود ..

كانت حاسه بنظرات الفيصل لها بس ما عارته أي اهتمام

شرات غيــره من الشبــاب ..!

ومن حست ان المسافه اللي بينهم بدت تقصر وقفت ..

فهم الفيصـل بـ انه روضه ماتبا تقترب منه أكثـر ..

واكبر دليل المسافه اللي كانت بينهم "كانت تقريبا 3 امتار"..
وبـ الفعل .. الصمت كان سيد الحضور ..

كان كل واحد منهم يتريا الثاني يرمس ..

بدا بخطواته يجرب صوب روضه عسب يحاول يكسر حاجز الصمت اللي

بينهم ..

ومن حست بخطوات الفيصـل اللي كل مالها وتزيد خافت لا يسويبها شرات

المره اللي طافت ..

وبدت ترد على ورا .. والفيصـل يتجدم ..

ضحك الفيصـل بغرور .. وهو يقول : هههه واايد خيفانه !!!

رفعت راسها بشموخها المعتــاد .. وقالت بـ ثقه عميـا : مانولد اللي يخوفنيه ..

( وثبتت فـ مكانها.. وهي تبتسم أبتسامه سخريه ساحره ) ..

خفق قلبه من ابتسامتها .. وحتى لو كانت سخريه ..

وحاول يتماسك بـ كل مايملك ..

وقـال بـ عدم أستقرار فـ حالته من لحظت ما طالعها : انتي بعدج روضه المغروره اللي عرفتها ماتغيرتي ..

أبتسمت بثقه وقالت بـ شموخ : ولا بتغيــــــر ..

(سحبت هواء وقالت ,, بـ سخريه ) : ماتبا تبتدي فـ مراسيم فكاكي منك ..!

بادلها شرات نبره السخريه وقـال بـ ضحكه : هه ماتوقعتج ياروضه بـ هالغباء كنت اتوقعج اذكى من جيه ...

( وهو يأشـر على نفسـه بـ غرور ) : احين انا الفيصـل بخليج تنجين بفعلتج ..

ولا .. وبكل هـ السهوله ..

(أطلق ضحكه طويلـه ) : والله ضحكتيني ..

ياااا.... ( وبـ سخريه ) : روضه .. هههههه ...

( أبتسمت بـ ألم .. عمره أحسـاسها ما خاب ..
و كان شكها فـ محله .. كانت متوقعه ان هاي خطه من خطط الفيصل
عسب يذلها ) ..
قالت بـ كره وأشمئزاز وهي فـ قمه الكره للانسان اللي جدامها : تصدق
كنت متوقعه حركتك هاي ..
( وبدت تعلى نبره البـحه فـ صوتها ) : بس قلت لا تظلمينه ياروضه يمكن استوى
ادمي لو لمره وحده ع الاقل واستحى على دمه ..
( وبـ أشمئزاز واضــح ) : بس للاسف انت لا زلت الفيصــل اللي ماعنده ذره انسانيه
ولا بتتغير فـ يوم من الايام .. لان وبـ سهوله اللي شراتك ( وهي تتطالعه بـ كره وأشمئزاز ) : مايتغيرون ..
.
كان يحس بكلمات روضه له جنهن سجاجين مسمومه انغرست
بيوفه ..
وكان يدوور فـ خاطره : لهدرجه تكرهنيني ياروضه ..
لهدرجه انا ماسوى شي بعيونج..
ليش كل هـ الحقد ياروضه ..
.
وفجـــآه حس بنفس الالم اللي ياه فـ البيت بس هـ المره اقوى
بـ واايد من قبل .. حاول يتماسك جدام روضه ويظهر بعكس
الالم والصراع اللي بداخله بس الالم كان اقوى منه هـ المره بـ واايد
.
عقدت حيانها وهي تلاحظ تغير الفيصـل المفاجىء من عقب رمستها
بس فسرتها على انه قاعد يستعطفها لا اكثر ..
بس مسرع ما شالت الفكره من راسها لانه مستحيل ينحني جدامها ..
وكانت مستغربه وبـ القو من تغيره المفـاجئ ..
وكانت نظراتها تدل ع الاستغراب من حركاته ..
.
كان الفيصل بهـ اللحظات يحاول يقاوم الألـم بكل قوته ..
عسـب لا ينهار جدام روضه ويظهر ضعفه جدامها ..
بس كانت محاولاته كلها تبدي بالفشل لحد ما سلم نفسه للامر الواقع
.
حسـت بـ الخوف ينهش لها جسدها ..
وهي تطالع ان الفيصــل بكل هـ الهيبه ينهار جدامها
مارامت تتطالع اكثر عن جيه وتظل سـاكته ..
كانت بتربع صوبه وبتسنده ..
بس أحساس الكره وكونـه شــاب يخليـها تلتفت على الصوب
الثاني وتتوجــه لسيـارتها ..
بس كانت بـ هاللحظات تتصارع فداخلها ملايين الافكار : مستحيل ياروضه يكون طبعج بهالقساوه ..
مستحيل تودرين انسان محتاي وانتي قادره
و حتى لو كان الفيصل اكبر اعدائج ..
مستحيل اتودرينه بهالحال وتنسحبين ..
( وهي تصحي ضميرها ) : وين مبادئج ياروضه .. ووين طيبه قلبج ..
(وبـ قوه أكبــر ) : اذا هو ماعنده ذره انسانيه
انتي بتستوين شراته ..
لا ياروضه مهماً كانت افعاله لا تجازين السيئه بالسيئه
( مارامت تودر هـ الافكـار تتصـارع بـ داخلها ..
وتوجهت نـاحيه الفيصـل وهي تربع صوبه وتحاول تسنده .. )
.
بس كان الفيصــل اثقل من ان روضه تسنده بأيدينها ..
وارتخى كل جسمه من قبضه روضه ..
و كانت روضـه تحس بـ اللحظات بـ انها بتمووت من الخووف ..
ماتدري شو تسوي للفيصــل..
وماكانت تروم تسنده بقوه جسدها ..
مستحيــل .... يكفي انها لمسته بأيدينها وحاولت تسنده ..
.
فــجأأه وبدون سابق أنذار حست ان جسمه ارتخى من قبضتـها ..
صرخت بكل خووف : الفيصــــــــــــــل
.
وبسرعه البرق سندته على جسمها الضعيف ..
( وكان كل جسمها يرتجف رجفه مب طبيعيه ..
خوفها من حاله الفيصل اللي مب طبيعيه ولا لمسها له ) ..
.
غمضت عيونها وهي تحاول ترفع الفيصل من الارض ..
وكانت اثار التعب واضحه بشكل كبير على الفيصــل ..
وكانت ساندتنه وهي تحاول توصل بخطوات ثجيله لسيارتها ..
.
قالت وهي الخوف متملكها : الفيـ ـصــ ـل دخيلـ ـــ ـك لا تمـ ـوت هنـ ـي
حـ ـاول تتـ ـماسك ..
.
من عقب محاولات عده و نجحت فـ سحب الفيصـل على وصلته لـ سيارتها ..
بدون تفكير تحركت لـ أقرب مستشفـى ..
وبـ سرعه من وصلت نزلت وهي تربع نـاحيه الطوارئ
وهي تزقـر الطاقم الطبي بسرعه عسب يلحقون ع الفيصل ..
.
أختفـى الفيصل بـ لحظات من جدام ناظرها ..
و كانت تحس بـ خوف وربكه ..
ماتدري شو تسوي فـ هـالمصيبه
اكيد انهم بـ يسألونها شو ستوابه .. ومنو هو .. وغيرها من الاسئله
فـ قررت انها تنسحب من هـ المكان فأسرع وقت ..
وضروري يكون أحيـــن .. وبدون تردد ..!!
المهم انها وصلته للمستشفى
وسوت اللي عليها ..
بسرعه نشت من مكانها وبدون تردد ..
وكانت متوجهه على البوابه ..
بس وقفها صوت من وراها ..
.... : لو سمحتـــي لـو سمحتــي يا انسه ..
.
(تصنمت فـ مكانها عرفت ان اللي كانت خيفانه منه استوى)
.
التفتت لـ مصدر الصوت ..
وهي تحاول تخفي الارتباك الواضح بـ ملامح ويـها : هلا خويه ..؟
الدكتور : ممكن لحظات من وقتج ..
همسـت بخوف مشكوك فيـه : وين ؟
الدكتور : لا لاتخافين بس بعض الاجراءات اللازمه للمريض..
بلعت ريجها بخوف وقالت : ان شاء الله خويه ..
.
( سارت ورا الدكتور وهي تندب حظها ع هـ المصيبه اللي طاحت فيها ..)..
.
الكتور : ممكن نعرف اسم المريض لو سمحتي .. وصله قرابته بج ؟!
بلعت ريجها من الخوف اللي ياكلها ..
تورطت شو تقولهم ..
انها ماتعرفه ولا حتى يقربلها
بس يبا ينتقم منها .. اكيد بيورطوها ..
(قالت بخاطرها : استغفر الله ياربيه دخيلك سامحنيه مظطره اجذب)
.
حاولت تتصنع الهدوء : اسمه الفيصــل .. وانـ ـا .. انـ ـا .. اختـ ـ ـ ـه
الدكتور : الفيصل منو لو سمحتي ؟
.
صج هـ المره تورطت ..
وانحطت فـ موقف لاتحسـد عليـه ..
شقايل ماتعرف اسم ابوه وهي قالتلهم انه اخوها ..
قالت بـ عدم تصديق : هـ ـاه
الدكتور : اسمه الكامل لو سمحتي ..!!
بدون تفكير مسبق .. قالت : هـ ـاه ، هيه اسمه الفيصـل بن احمد بن كعب الـ ...
الدكتور : ممكن هويتج لو سمحتي ..!
روضه : هـاه .. ليش !!
.
رفع الدكتور عيونه وهو يطالعها بـ شك ..
حست روضـه انها قاعده تفضح عمرها بهالحركات وبسرعه ..
ظهرت هويتها وعطتها حق الدكتور : تفضـل ..
.
سجل الدكتور المعلومات المطلوبه وردها حق روضه ..
وهو لا زال يطالعها بشك ..
قالت بخاطرها : عنلات هـ الويه لاتقعد تتطالعنيه جيه حسستني مجرمه
ترا هي الا جذبه .. وانا استغفرت ربيه .. زين منيه اني يبته هني ..
.
.
توجهت ع بوابـ هالمستشفـى ..
وهي حاطه فـ بالها انها خلاص تظهر من هـ المكان ..
بس حسـت بـ شئ قووي يمنعها من انها تظهر ..
كان يدور فـ خاطرها : ليش مااطمن عليـه اذا بعده حي او لا ..
كملـت بـ صدمه : استغفري ربج شو حي ولا لا ..
وبعدين انا بسأل من باب الذوق والاحترام مب حباُ فـيه ..
قطـع عليها تفكيرها الدكتور وهو يظهر من حجره الفيصـل ..
ومن لاحظت انه اللي ظهر هو الدكتور بسرعه سارت له ..
وقالت بأهتمام : ها دكتور بشر الفيصل بلاه ..؟
أبتسم الدكتور .. وقال : مبرووك دا الاستاز الفيصل حامل ..( هههههه اسولف وياكم .. دعابه دعابه ) ..
أبتسم الدكتور وقال : اكيد انتي مدام الاستاز الفيصل .. ؟؟
فجت عيونها للأخر من رمسه الدكتور : هـ ـاه .. لالالا .. لاحرمته ولا هم يحزنون
بسم الله عليه .. الله لا قال ..
مافهم الدكتور رمسه روضه .. وكمل بدون تفكير برمستها السابقه : المهم يا مدام .. الاستاز الفيصل الحمد لله
مافيهوش حاقه ماطمنش .. بس شويه تعب وارهاق وشكل الافندي
بزل جهد كبير فالفتره ديه .. عشان كده لازم تخليه يرتاح فتره لان المجهود
الكبير مش كويس للاستاز ..
وسلامتوه مايشوفش شر ..
قالت وهي كارهه هـ الدكتور من قلب : الله يسلمك ..
( وسار عنها الدكتور )
تمتمت بـ داخلها: يعلك النفاد يالغبي عيل انا حرمه هـ الغبي
اللي داخل يخسسسي والله مب روضه بنت احمد اللي تاخذ واحد شرات هذا
وععع احسنيه برجع من اتيي الفكره فـ باليه بس ..
ولا بعد باذل جهد ..
( وبـ قهر ) : مب من شيء .. من الخطط واللعانه اللي يفكر فيها ..
خله يستاهل اللي يااه ..
عيل يجذب عليه وانا صدقته ..!
(وتوجهت للبوابه من عقب ما تطمنت ان الفيصل بين ايدي امينه
ووجودها استوى ماله داعي ) ..
.
.
اول ما ركبت سيارتها حست بـ انه الاحداث اللي استوت لها كلها بدت ترد لها ، ..

الفيصـل وهو ينهار جدامها ، ومساعدتها له

واول ما خطرت فـ بالها فكرت انها سانده الفيصل على جسمها ..

حست بقشعريه تسري فـ جسمها

وبسرعه قالت : وععععععع يااربيه انا شو سويت .. لا مستحيييل

وبسرعه تدعس على البترول وتتوجه على بيتهـم ..

( كل اللي فـ البيت فـ ذيج الساعه كانو سايرين المستشفى

يعني يات من نصيب روضه )

بركنت سيارتها وبسرعه نزلت من السياره وعلى جناحها

طيرااان ..

واول ماحدرت الجناح تتطالع حمدوه تترياها ..

بس بدون تفكير بسرعه فصخت عبايتها بدون لا ترمس حمدوه وتحدر الحمام

( وانتو بكرامه) وبسرعه تاخذ لها شور ..

وهي تغسل كل جزء من جسمها بقووه

جنها متقززه من شي لازق على جسمها وتبا تخوزه

قالت بـ خووف : يااربيه سامحنيه وربيه غصب عليه ..

فجت حمدوه حلجها وهي تطالع روضـه شقايل محتشره

و ترجمتها على انها من الوناسه اتسوي جيه ..

وظلت تتريـاها عسب تاخذ العلوم منها

والفضول كان يلعب فيها تبا تعرف شو تسوى ويا الفيصـل وهل

افتكت من تهديداته ...

بس روضه ماظهرت ..

خافت حمدوه على روضه لانها تأخرت واايد احين بيكمل لها

اكثر من ساعتين وهي داخل لا يكون استوى فيها شي ..

دقت عليـها الباب وبـ قووه : روااضي عنبوه كل ها تتسبحين

خلصتي المااي بسج اظهري ..

( مـاسمعت رد ) ..

حسـت بـ الخوف عليـها ,, وقالت بـ سرعه : رووضه انتي تسمعينيه ؟؟

( ومع ذلك ماسمعت رد ) ..

دقت الباب بقوه اكبر : رووضه دخيلج ردي عليه ...

فــجأأه فجت الباب وهي تظهر بالروب مالها وتتطالع على حمدوه بأبتسامه

عسب تطمنها ..

من القهر اللي تحس فيه حمده ضربت روضـه .. وقالت : يالغبيـــــــــــه

ضحكت روضـه .. وقالت : خوزي عنيه احسنيه نجسه لا تجربين صوبيه سنتين

طالعتها بـ صدمه .. وقالت : والخيبه .. ليش ..!!؟؟

قالت وهي تقعد على الغنفه وتمد ريولها : لو تعرفين شو ستوابي بتكرهين حياتج

حمدوه وبفضول : قوولي كلي اذان صاغيه ..

( وبدت تسرد لـ حمده من اول ما سارت للفيصل ولـحد ما وصـلت للفله ,,)

كانت حمدوه تتطالع على روضه بدهشه : انـ ـتـي ساعدتي الفيصل !!

حركت رأسـها بـ الايجاب وقالت : هيه يا حمدوه قلبيه يعورنيه احسنيه غضبت ربيه وخنت ثقه هليه ..

حمدوه : غضبتي ربج ..؟؟؟؟

روضه : هيه ..

صرخت حمده بـ عدم تصديق : أيــــــــه انتي فـ وعيج .. شقايل غضبتي ربج

وانتي ساعدتي ادمي .. هذا مسلم والمفروض انج تساعدينه غصب عنج

ولا كنتي صج بتغضبين ربج اذا ما ساعدتينه ..

واحين انتي مضايجه ومتلومه لانج ساعدتيه ؟؟

نزلت راسـها وهي تقول : لا مب جيه قصدي بس انا حمدوه سندته عليه

تخيلي يعني .. وهو ريال غريب ..

قالت حمدوه بـ قهر : تصدقين احين تأكدت انج خبله ..

( رفعت عيونها وهي تطالع على حمدوه

وكان قصدها من هـ النظرات " انتي شو قاعده تقولين " )

كملت حمده وهي تصرخ : هيـــــــه خبله وستين خبله بعد ..

ربج مسامحنج اذا كان قصدج شريف ..

وانتي ساعدتينه لوجه الله مب عسب سواد ويهه ..

( وجنها تذكرت شيء ) : ولا انا اقولج هو مايستاهل ..

بس لو ماساعدتينه انا اللي بلومج ليوم الدين ..

لانج تركتي انسان محتاي لمساعدتج

وانتي قاادره وما ساعدتينه ..

حست بـ انها اقتنعت بـ رمسه حمده : يعني اللي سويته صح .. !!!

حمدوه : هيــه صح وعين الصح بعد .. وصدقيني شكله مابينساها لج ..

تنهدت روضـه وهي تقول : مابا منه شي اباه يتركنيه فـ حاليه ..

قالت وهي تحاول تغير الجو : ويعني انتي تسبحتي ساعتين

لانج سندتينه عليج ( وفـجأه أنفجرت من الضحك ) ..!

قالت روضــه وبقهر واضـح : جـــــــــب انتي ..

( ما اعارتها اي اهتمام .. كانت تضحك بهستيريه ) ..

طالعتها بـ حقد ..

مارامت تمسك عمرها لان حركتها صج غبيه وضحكت على عمرها :

ههههههه حمدوه يالغبيه جـــب وربي حرجتيني ..(وتلعب بصبوعها شرات اليهال)

حمدوه وهي لا زالت تضحك : هههههههه دخيلج ياللي تنحرجين مارووم

ههههههههههه ..

فـ بوظبـي الساعه 12 فليل ..

ميثه كانت متسدحه فـ شبريتها وقاعده ع النت ..

وفجــأه انتبهت لصـوت فونها اللي يدق ..

نشت اترد على الفون وستغربت من الرقم اللي داق عليها ..

ميثه فخاطرها وهي تتطالع على الفون : هههه هذا بعده حي

شو يبا احين داق ..

ميثه وهي تصنع الدلع : آلـــوو .."

نهيان : السلام عليكم ..

ميثه : وعليك السلام .. هلا يالقاطع عاش من سمع هـ الصوت ..

نهيان : شحالج ميثه ..!

ميثه : ممـ تمام انت شحالك ..

نهيان : الحمد لله ..

ميثه وتحاول تتصنع الدلع والرقه : نهيااااني بلاك شكلك زعلان عليه ..

نهيان : لا مب زعلان وليش ازعل ع الحلوين ..

ميثه : ههههه فديتك والله ..

نهيان : ميثه ابا اتخبرج ..

ميثه وبتمثيل تسوي عمرها حزينه : والله كنت شاكه انك مابتدق عسب خاطري

طلعت تبا تتخبرني عن شي بس ..

نهيان : ههههه فديتج اناا .. ولا تزعلين بدق عليج كل يوم شو رايج

ميثه واونها ماده بوزها : لا ماباا شي بالغصب ..

نهيان : ميثوووه بس دلع عاااد يلا ..

ميثه : لالا انا زعلانه عليك ..

نهيان : انزين الحلو شو يرضيه ..!!؟

ميثه : لانك انت مب جريب منيه .. بطلب طلب صغير

نهيان : امري ..

ميثه : طرشلي رصيد بس مابا قوم 50 درهم ..

نهيان : ههههه حاظرين للطيبين ..

ميثه : فديييييتك والله ..

نهيان : تفدتج العافيه ..

ميثه وتسوي عمرها معصبه : العافيه بس ...!!

نهيان : هههه فديتج اناا انزين ..

ميثه : ههههه تسلملي حبيبي ..

نهيان : ميثووه شحال الاجواء عندكم فـ العيله ..!!

( ميثه فهمت ان نهيان يلمح لها عسب تقوله عن يزوي ، بس خلت عمرها

مب فاهمه شي ..)

ميثه : الحمد لله عسل على عسل ..

نهيان : محد تعبان ولا شي ..

ميثه حست بالغيره والحقد انولدو فـ قلبها وهي تكن لـ يزوي الكره : لا بسم الله علينا لا تتفاول محد فيه شي ..

نهيان : اهاا الحمد لله ..

نهيان : اقول ميثه انا احين بتركج ويايه ربعي برمسج عقب ..

ميثه : اوكيك حبيبي باااي ولا تقطع ..

نهيان : ان شاء الله .. بااي ..

( نهيان اول ما بند عن ميثه كان سرحان فـ الرمسه اللي سمعها من ميثه)

نهيان : يعني صج اللي كنت افكر فيه روضه تبا تلين قلبي ع يزوي لا اكثر

ويزوي مافيها شي من اللي كنت افكر فيه .. الله واكبر عليج ياروضه

فـ المستشفــى الساعه 8 الصبح ...

الفيصــل وهو يفتح عيونه بكسل ويطالع ع الحجره الغريبه اللي هو قاعد فيها

وحاول ينش من مكانه ..

الفيصـل وهو يتذكـر اخر شي استوى ...

يوم روضه تسنده على جسدها الضعيف بتثاقل ..

الفيصـل وفـ خاطره : اكيد انتي اللي يبتيني هنـي ياروضه ..

ليش ياربي خليتني اضعف جدامها .. ليش جدام روضه من بد الناس ..

الفيصل وهو يتحسس ايده وانتبه ع اللفه الموجود على رصغ ايده

الفيصـل اول ماقرى اللي مكتوب على الستكر ضحك من خاطره

الفيصـل : هههههه وكتبتيني ياروضه بأسم ابوج بعد ..

سرح الفيصل فـ الاسم وهو يتذكـر حركه روضه يوم طالعته

وهو ينهار جدامها .. ربعت صوبه بكل خووف وسندته عليها رغم ضعف قوتها الجسديه

الا انها ماتركتني ، ويابتني لـحد هني وكتبتني بأسم ابوها ..

ليش ياروضه تسوين جيه انا ما ستاهل اللي قاعده تسوينه لي ..

قطع على الفيصل صوت الدكتور وهو يحدر حجره الفيصـل ..

الدكتور بأبتسامه : ياصباح الفل ، لا شكل الافندي ميه ميه

الفيصـل بأبتسامه جافه : هلا صباح النور ..

الدكتور : كده يافندم اتخوف الاهل عليك ..

الفيصـل وهو مستغرب : الاهل ...!!! هم درو عنيه ..؟

الدكتور : آآه .. المدام كانت هنا بطول الليل ولما تتطمنت على حالتك

توكلت .. كانت خيفانه عليك اوي ..

الفيصــل وهو مستغرب : المدااااام ..!!!! ها شو قاعد يخربط ..

الدكتور : هيا المدام كان شكلها خيفانه عليك كتير ، وأعدت هنا

لحد ما تتطمنت على حالتك يا فندم ..

الفيصل وهو جنه بدا يستوعب واول ما فهم الفيصـل ان الدكتور يقصد

روضه هي المدام حس بقشعريره تسري فـ كل جسمه ..

الفيصـل وفـ خاطره : وخيفانه عليه يا روضه ...

الدكتور كان يرمس والفيصل مول مب وياه ويوم حس الدكتور بشرود

الفيصـل ..

الدكتور : استاز فيصـل ..!!!

الفيصــل : هـ ــاه .. وياك ..

الدكتور وبأبتسامه : انتا بتأدر تروح للعيال دلوقتي ..

الفيصـل وهو يطالع على الدكتور اللي فاهم السالفه غلط : متى اقدر اظهر ..!!

الدكتور : دلوقتي بعمل لك ازن خروج وتأدر تروح للعيال ..

الفيصــل وبأبتسامه جنه عايبنه تفكير الدكتور : تسلم دكتور ..

ظهر الدكتور من الحجره وترك الفيصـل يبحر فـ عالمـه ..

احمد وهو يصرخ بكل مافيــه : نهيــــــــــــــــــــان ، حمد ، الحقوو عليـه .

نهيان وبخوف الدنيا : بلاك شو مستوي ...!!

احمد الصغير وهو يصيح : مادري ابويه شو ستوابه كنت ارمسه وفجأه طاح عليه ..

سار يربع صوب حجره ابوه ..

وطالع ابوه فـ حاله ما يعلمها الا الله ..

نهيان وبخوف : احمد سير زقر حمد اييب السياره بسرررعه ..

فـ دقايق نقولو بوحمد للمستشفى ..

ام حمد كانت قاعده ع الكرسي وهي تصيح وحاشره الدنيا ..

نهيان وبضيجه : امايه خلاص هدي ..

ام حمد وبين دموعها : شقايل تباني اهدي وبو عيالي بين الحيا والموت ..

حمد: امايه لا تقولين جيه ان شاء الله ابويه مافيه شي ادعي ربج

بدال لا تصيحين ..

الكل فـ ذيج الساعه كان قاعد على اعصابه ، نهيان وحمد وام حمد واحمد

وشيخه والريم والكل ..

وبعد انتظار طال 3 ساعات ظهر الدكتور من غرفه العمليات ..

حمد وبسرعه : دكتور دخيلك بشر .. الوالد بلاه ..؟؟؟

الدكتور : الوالد كانت عنده جلطه مفاجأه فالدماغ ..

بس الحمد لله نحن سيطرنا ع الوضع .. ومايشوف شر ..

حمد : الشر ماييك ..
نهيان وبراحه : الحمد لله رب العالمين
أم حمد كانت اتصيح وجالبه الدنيا ..
نهيان وبضيجه : امايه لا تصيحين مب زين لج .. خليني اوديج البيت
ام حمد: انا مابتحرك من هني ..
نهيان : امايه لا تقعدين اتعاندي انتي مب زين لصحتج تقعدين
هني تبين تتعبين شرات ابويه ..
حمد : امايه اسمعي رمسه نهيان وسيري ريحي البيت وابويه
مابلاه الا كل خير نشي يلا انتي والبنات ..
( بحكم ان حمد هو العود كانت ام حمد تسمع الرمسه منه واايد ،
واقتنعت برمسته وسارت هي والبنات ويا نهيان البيت )
.
.
.
.
.
سعيد وهو معصب : ايييييه تغشي انتي ماتستحين طالعي كل بنات
الخلق متغشيات الا انتي ..
ميثه وهي ترد بنفس خايسه : مابتغشى انت مالك خص ..
سعيد : شو مالي خص احيدني اخوج ..
ميثه : اخويه واصغر عني يعني انجب مافيه حق رمستك الزايده ..
سعيد : مادري انتي متى بتستوين شرات البنات ..
ميثه : نعم نعم .. ماسمعت ..!!
سعيد سار عنها جنه مايعرفها ..
.
.
نهيان وخواته وامه كانو توهم بيظهرون من المستشفى ..
نهيان شدته البنت اللي كانت توها تحدر من بوابه المستشفى
جنه يعرفها مب غريبه عنه ..
ميثه اول ما طالعت نهيان يتها صدمه وارتبكت : شــت هذا شو يسوي
هني لا يكون عرف وانا جاذبه عليه .. لالا مستحيل شكله حد من هله مريض
.
نهيان كان شاك فالبنت بس استغرب من حركتها
ليش اول ما طالعته ارتبكت ..
نهيان وهو يحاول يتذكرها لان ملامحها كانت مب واضحه لانها معطيتنه
ظهرها ..
.
نهيان : فطوم هاج السويج وسيرن السياره انا احين بيي نسيت شي
فاطمه : تمام ..
نهيان جرب من ميثه اكثر لانه كان متأكد انه يعرفها ..
لانها كانت تظهر وياه اكثر من مره ..
ميثه كانت تبا تتأكد اذا نهيان سار ولا بعده .. فـ كان الفضول ينهش فيها
واستغلت الفرصه اللي اخوها سار عنها وقعد يسأل عن غرفه يزوي ..
والتفتت بسرعه على وراء ..
واول ما التفتت التقت عيونها فـ عيون نهيان بحكم انها مب متغشيه ..
نهيان فـ ذيج الساعه كان يجرب صوب الرسبشن جنه يبا يسأل عن شي ..
واول ما طالع ميثه فـ ويها عرفها بسرعه .. بس صعقه لما سمع اخو
ميثه قاعد يسأل عن شخص هو يعرفه ومتأكد من هـ الاسم مستحيل
ينساه .. بس قعد يقنع عمره انه اكيد يتهاياله ..
.
ميثه بسرعه رفعت شيلتها وتغشت .. اما نهيان فـ كان فـ شبه

حيره هي شو تسوي هني .. وتوجه للبوابه الخارجيه صوب موتره ..

ركب موتره وتوجه للبيت وكان ما يرمس مول ..

بيت بـو سالم ..

روضه فـ ذيج الساعه كانت متسدحه على شبريتها وهي سارحه بفكرها

روضه وبخاطرها : يعني اللي انا قاعده اسويه مب حرام حتى لو كان

غلطان المفروض اني ما اسوي هالشي انا مب الرب عسب اعاقبه

حتى لو كانت يزوي قطعه منيه .. فيه اللي اقوى منيه ومنه

وفـ عمره مابيظلم عبد من عبيده .. ولو انتقمت انا احين لـ يزوي

اكيد ان الله بيردها لي فـ يوم من الايام فـ واحد من هليه ..

المفروض اوكل امري لله وهو يحاسبه عن كل اللي سواه

واكيد الله سبحانه مب غافل عن اللي سواه هـ الحقيره هو وهـ الخياس

اللي ما تتسمى ..

انا بشو كنت افكر ليش نسيت ان لـ يزوي رب وهو اللي بينتقم لها

اذا مب اليوم باجر واذا مب باجر يوم الحساب ..

( مسكت راسها بأيدينها وهي تحاول ترتب افكارها اللي توديها وتيبها

لحد ما قررت انها تريح ضميرها وتوكل امرها لله ، وتترك كل شي

كانت اتخطط لـه ) ..

بسرعه نشت من الشبريه وخذت فونها ودقت على لوسي ...

لوسي : مرحبااا انسه روضه ..

روضه : مرحبابج زوود .. شحالج لوسي ..؟

لوسي : بخير تأبريني .. انتي كيفيك وشو عامله ..؟!

روضه : بخير الله يسلمج ..

لوسي : كأنوه الحلو فبـئؤه حكي بدوه يحكيه مو هيك ..؟!

روضه وبأبتسامه : هههه هيه عندي شي ابا اقوله لج ..

لوسي : ايه احكي اللي بدك ياه تأبريني .. فضفضي ..!

روضه : لوسي انتي تتذكرين الموضوع اللي خبرتج عنه ..!!

لوسي وهي تتذكر : ايه بتزكروه بس انا ألتلك بدي اسبوعين

على ما اجمع اللي بدك اياه ..

روضه : يعني انتي ما بديتي فـ الموضوع ..!!

لوسي : انا لهلاء عم بجمع المعلومات والسبوتات اللي بحتاجهم

والتنفيز راح يكون تحت علمك لا تاكلي هم ..

روضه : الحمد لله .. يعني انتي بعدج ما ضريتينه بشي لحد احين ..؟؟!

لوسي وبأستغراب : لا تأبريني ما ازيتوه لهلاء ..!! انتي غيرتي رايك ولا شو ؟!!

روضه وهي تتنهد : هيه لوسي .. انا غيرت راي ، واباج تنسين هـ السالفه

خير شر ولا تجربين حتى صوبه ، هو له رب وبيحاسبه على اللي سواه

لوسي : ولك يأبرني هـ الالب الابيض شو محلاه .. وربي مافي متلك يا روضه

روضه : تسلميلي فديتج ..

لوسي : يعني الحين بلغي كل شي كنا مخططيلوه ..؟!

روضه : هيه الغيه ودفنيه بعد ولا تيبين طاريه حق احد ..

لوسي : وليك مو على هـ العين ..

روضه : تسلميلي فديتج .. يلا اشوفج على خير غلايه ..

لوسي : الله يسلمك حبيبت البي .. مع السلامه ..

سكت روضه عن لوسي وحطت راسها على الوساده وكانت تحس ببعض

الراحه ماتدري شو سببها ..

رغم انها كان ودها تنتقم لـ توؤم روحها واختها يزوي ..

روضه : انا اللي عليه سويته والباجي على الله ..

نهيان اول ما وصل على بيتهم سار حجرته بدون لا يرمس مول

كان يفكر باللي سمعه .. معقوله اللي سمعه صح ولا ..

بس قطع على تفكيره صوت فونه ..

نهيان : هلا والله ..

سلطان : هلا بك زوود وينك يالقاطع ، مب جنه عندك ربع مول ..

نهيان : ادري والله مقصر واايد فحقكم بس تدري هـ الايام واايد

مضغوط ومن غير المشاكل اللي طاحت على راسي ..

سلطان : افاا يانهيان مشاكل وانا اخوك .. انت وينك احين ..

نهيان : انا فالبيت والله ..

سلطان : انا احين بمر عليك وبنسير البر جمن يوم نغير جو ويا الربع

ومنها تنسى مشاكلك ..

نهيان : لا يا ريال وين مافيه ع البر ابويه فالمستشفى تعبان ..

سلطان : ياريال ترا هي كلها جمن يوم وبنرد واخوك حمد

بيغطي ع وجودك ، ترا الربع كلهم موجودين لا تفوتها

نهيان واللي جنه اقتنع : بس انا عليه دوام ..!!

سلطان : ياريااال طااف ترا انت وايد مسولهم سالفه خلهم بالطقاق

اهم شي تغير جو وتستانس ويا الربع ..

نهيان : خلاص تم مسافه الطريج وبكون وياك ..

سلطان : نترياك ..

ظهر نيهان من البيت ولا قال حق احد انه بيظهر البر وبيقعد

هناك جمن يوم ..

مر على حجره خواته وقال حق ريم : ريموه انا ظاهر ويا الربع

لا تحاتوني ..

ريم : الله وياك ..

ظهر نهيان من البيت واتفق ويا ربعه وين يلتقون عسب يسيرو

البر ويا بعض ..

فـ المستشفى ..

الكل كان متيمع فـ ذيج الساعه بس سيف كان قاعد بروحه فـ صوب بعيد عن

الكل واول ما اطالع اللي ياي حس بكره مب طبيعي للشخص اللي

جدامه ..

سيف كان يكره ميثه من ايام هم يهال مايدري ليش يحس

بهالشعور من اول ما يطالعها وهالكره يحس انه زاد .

عشان جيه اول ما طالع ميثه يايه سلم على اخوها سعيد وامها

ومر من حذالها من دون لا يسلم حتى ..

ميثه كانت بتموت قهر من حركه سيف ليش مايعبرها

لان ميثه كانت منجذبه لـ سيف واايد ، ووسامته كانت تسحرها

بشكل مب طبيعي وكانت تحاول تتجرب منه بشكل مب طبيعي

بس سيف ما كان يسويلها سالفه موول عسب جي تنقهر بقووه ..

ظهر سيف من المستشفى بكبرها تارك وراه الف هم وهم ..

حمدوه كانت موجوده فـ المستشفى ويا امها واول ما طالعت ميثه حست

انها بترتكب جريمه فـ ميثه ، كانت تحقد عليها وتكرها من كل

قلبها هي السبب اللي وصل يزوي للحاله اللي وصلتها ..

ميثه كانت واقفه برع الجناح وماطاعت تجرب صوب يزوي خير شر ..

ام ناصر وهي متفشله من حركه بنتها : ميثه غلايه تعالي

ماتبين اتشوفين بنت عمتج ..

ميثه وبدون نفس : يعني ليش احدر حجره الانعاش ترا وحده

متسدحه ع الشبريه ومافيها حياه ليش بعد اتعب عمري واسير

اشوفها ..

ام ناصر صج احين استحت من الخاطر وتفشلت جدام الكل

اكيد بيقولون ماعرفت تربيها .. ونزلت راسها من الحيا ..

الكل كان منصدم ماتوقعو ان ميثه بهالحقاره كلها ..

محمد ما رام يقعد زياده حس انه بيجتل ميثه وقرر انه يظهر ويا سيف

وهو ظاهر مر من حذال ميثه وعطاها نظره كانت كافيه لـ ارعاب ميثه ..

نهيان كان مول مب فـ الدنيا كانو يغنون ويرقصون هو وربعه جنهم

سكارا وحاشرين الدنيا ..

نهيان وهو شاق الحلج : اقوول ترا 3 ايام مايسدن

سلطان : ههههه اشوف القعده عيبنك احين

نهيان : هههههه عيبتني وبس افاا عليك يالصاحب ..

كملو الشباب غنى ورقص وصريخ وهم ولا داريين بالدنيا ..

وبعد مرور 3 ايام فـ شركه الـ ..

المدير التنفيذي : كيييف الاوراق مالقيتيهم مستحيل ماتكون

فيه نسخه ثانيه لهم ..

السكرتيره : والله يا استاز ما لئيتهم الاستاز نهيان بيملك كل الاوراق

الرسميه والنسخ ..

المدير وبعصبيه الدنيا : ونهيان ووووينه ازقريه بسرعه ..

السكرتيره بخوف : استاز نهيان صارلوه 3 ايام مابيداومي ..

المدير : شوووو .. انتي شو قاعده اتقولين .. وليش متغيب عن عمله

حاولي اتدقين على فونه بسرعه نحن لساعتج خسرنا 4 صفقات

بسبب هالزفت اللي مايتسمى ..

السكرتيره : حاظر استاز هلا راح اتصل عليه ..

( نهيان كان غالق فونه وهو مول مب فالدنيا كان ساهي ويا ربعه

ومسوي طاف لكل شي ، حتى ابوه ماكان يسير له ويسأل عنه )

السكرتيره وهي ترمس المدير : استاز دقيت على استاز نهيان اكثر

من عشرين مره بس جهازوه مغلق ماعم بيوصل ..

المدير وهو وااصله حده : شووفلي ارقام حد من هله وبسسسرعه ..

السكرتيره وبخوف : حاظر استاز ...

(السكرتيره دقت على حمد اخو نهيان بس قالها ان نهيان مختفي

عاد له اكثر من اربع ايام طالع رحله ويا ربعه ومايدرون عنه شي

موول )

خبرت السكرتيره المدير التنفيذي وكان يتوعد ويتحلف لـ نهيان

لان نهيان يملك كل الاوراق الرسميه والنسخ لـ صفقات الشركه

وبسببه خسرت الشركه هـ الجمن يوم الملايين ..

وبعد مرور اسبوع على اختفا نهيان ..

نهيان : السلام والرحمه ..

السكرتيره وبدهشه : استاااااز نهيان انت وووينك متخبيئ نحن عم

بندور عليك من اسبووع ..

نهيان : خير ان شاء الله وليش اتدوروني ..

السكرتيره : انا ما بأدر احكي الاستاز خلفان عم بينتظزرك ..

نهيان : ممم انزين اقدر احدر احين ولا ..!!

السكرتيره : سواني استاز نهيان راح اشوف الاستاز خلفان ..

نهيان : خذري راحتج ..

السكرتيره وهي تدق على المدير : استاز خلفان الاستاز نهيان برا

المدير : خليه يدخل ..

السكرتيره : حاظر ..

السكرتيره : الاستاز خلفان عم بينتظزرك اتفضل ادخول ..

( حدر علي مكتب المدير واول ما طالع المدير نيهان وقف من شده

الغضب )

المدير : انت وووينك من اسبوع ...!!!!

نهيان : طال عمرك انا كانت عندي ظروف عائليه عس بجي ماقدرت

ايي الدوام ..

المدير : ظرووووف عائليه ..!!

نهيان وهو يبلع ريجه : هيه طال عمرك الوالد تعبان علينا شوي ..

المدير : وانت اصلا سائل عن ابوك .. على منو تجذب انت

نحن دقينا على اخوك مليونين مره وكل ماندق يقولنا ساير

رحله ويا ربعه وماندري عنه موول ...

هذي هي ظروفك يا استاذ نهـــــــيان ..

نهيان وهو صج حاس بكبر الغلطه اللي سواها : بس يا ..

المدير وهو يقطع عليه : لا تبسبس ولا شي .. انت تعرف حجم الخساير

اللي سببتها للشركه يا نهيان ..

انت خسرت الشركه اكثر من 250 مليون درهم يانهيان ...

نهيان والخوف واضح عليه : دخيلك ياطويل العمر سامحني ..

المدير : اسامحـــــــــك ..!

نهيان : وربي اوعدك اني ماراح اكررها ..

المدير وهو واصله حده : انا اسف يا نهيان بس ما اقدر

اخليك دقيقه وحده فالشركه انت مب قد المسؤوليه اللي عطيتك اياها ..

تقدر تتفضل احين للماليه وتاخذ حقك منها والله وياك ..

نهيان وهو الدنيا مب شالتنه : دخييييل وااالديك لاااا وربي ما راح تتكرر اوعدك ..

المدير : استاذ نهيان لو سمحت تفضل احين ..

نهيان كان يحس ان الضيجه بجتله من عقب دراسه وغربه طالت

سنين وسنين تهدم كل هـ الشي اللي بناه فـ اقل من أسبوع

كان يمشي بخطوات ثجيله وهو يحس عمره منتهي وللابد ..

ظهر من الشركه بكبرها وهو يطالع عليها بنظره اخيره

لانه كان متأكد انه ماراح يرجع لها مووول ..

الفيصـــل اول ماظهر من المستشفى توجهه لبيتهم وكانت بطول

الطريج وهو سرحان فـ عالمه ..

الفيصل وفـ خاطره : اااه ياروضه رغم اللي سويته لج الا ان طيبه قلبج

طغت على كل شي ..

ليش ياروضه ساعدتيني .. ليش نقذتيني من الموت ..

لو دروا اخوانج ولا واحد من هلج عن اللي سويتينه لي ..

ليش تورطين عمرج فـ مشاكل انتي فـ غني عنهم ..

اااااه ياروضه ورربي حيرتيني وياج ..

روضه كانت متسدحه على شبريتها وهي سارحهه بعالمها

روضه وبخاطرها : احين شحاله فصول ليش انقطعت اخباره طول هـ الفتره

معقوله يكون بعده مريض .. لالا مستحيل .. اوووووه واناشو ابا فيه

انتي شو ياج ياروضه .. شو هـ التفكير اللي طرى على بالج ..

المفروض انج ماتفكرين بهالسوالف .. خليهم حق غيرج .. الله يبعدني ..

.
اول ما وصلت البيت كان متحطم للاخر ..

تعب كل هاك السنين والغربه اللي عاشها طارت فـ لحظه طيش منه

شقايل بيجابل هله وهل خطيبته ويقولهم انه انطر من شغله

وماعاد يقدر يأمن مستقبله ومستقبل عياله ..

كانت ملايين الافكار تدور فـ راس نهيان .. لو ماقطع عليه صوت اخته

من وراه وهي مقطعه عمرها من الصياح ويايبه عيالها وراها ..

نهيان وهو يطالع عليها : امــــل بلاج شو مستوي وليش تصيحين

حد من عيالج فيه شي ...؟؟؟!

امل وهي مقطعه عمرها من الصياح : انـــا تتطلقت يا نهـــــــيان تتطلقت وبالثلاث ..

نهيان وهو فاج عيونه ومب مصدق رمسه اخته : شووووووووو ...!!!

كيف تتطلقتي ومتى وليش ..؟

امل : تزوج عليه يا نهيان وقالي اني ماعدت انفع له ..

نهيان وبقهر الدنيا : شوووو منو يتحرى عمره هـ الحقييير ..

انتشر خبر طلاق امل وطرد نهيان من الشغل فـ العيله كلها

كان الكل منصدم واول ما سمعت نجوى بالخبر على طول طلبت

من نهيان انه يفصخ خطوبته منها ..

نهيان وبصدمه : نجوووى انتي بعقلج مستحيل اودرج ما اقدر ..

نجوى : اسمع يا نهيان علم يوصلك ويتعداك ان ما اعلنت

خبر فصخه خطوبتي منك فأسرع وقت لا ييك اللي مايسرك ..

نهيان : نجوى بس انا احبج ..

نجوى : وانا ما حبك ... ومابا اشوف رقعه ويهك عقب اليوووم

حتى لا توطى عتبه بيتنا يكون احسن ...

كانت الصدمه قووويه عليه وماعرف شو يسوي الا انه

ينسحب من هاك المكان بأسرع وقت ...

كان نهيان يسوق بسرعه جنونيه وهو ظاهر من بيت خطيبته

كان يبا يبتعد بس مايدري وين يسير يحس ان الدنيا سكرت كل ابوابها

فـ ويهه ..

كان يسوق والدموع تذرف من عيونه خسر حبه الاولي وخسر وظيفته

وخسر خطيبته وخسر كل شي ..

كان يسوق ودموعه مغطيتنه وهو يسوق بتهور شديد ..

ما انتبهه لـ عمره الا وسياره جدامه كانت توها تطلع على الشارع

ومن زود السرعه ماقدر يسيطر على موتره وصدم فـ السياره اللي جدامه

بكل قووه ..

تجمعت الناس كلها حول الحادث فـ ثواني كان الريال اللي فـ السياره الثانيه

حالته يرثى لها ..

ونهيان مول ماتعور الا بعض الخدوش كانت فـ ويهه وجتوفه

واول ماظهر من موتره توجهه للسياره اللي صادم فيها

انصعق وهو يطالع الريال اللي كان داخل السياره وهو عاجز عن الحركه

والناس تحاول تظهره من موتره ..

كان شرات المينون يصارخ على الكل : وخروووووو وخرووو عنه

لااااااااا حمد دخيلك لاااااا حمد لا تموووت

كان يصيح من كل خاطره وهو يطالع اخووه اللي من لحمه ودمه

قاعد يصارع الموت بين الحياه والموت والسبب الاول والاخير

من تهوره هو ..

حس ان الدنيا كلها توقفت وانتهت خلاص ..

كان يصيح من كل قلبه وهو حاضن اخوه ..

وبسرعه البرق وصلت سياره الاسعاف واسعفت حمد ..

كان نهيان قاعد على الممر وهو يصيح بصمت ..

وامه وخواته يصيحن وجالبات الدنيا على روسهن ..

و نهيان كان ماسك راسه وهو يصيح على عمره هو اللي دمر كل شي

بأيدينه ، هو اللي دمر حياته وحياه خواته واخوه والكل ..

كان يصيح بكل عبره وندم ..

كان كاره كل شي فـ الدنيا حتى نفسه ..

ونش وهو يمشي فـ المرر بدون احساس كان يمشي ودموعه اربع اربع

على خده ، الكل كان يطالع عليه وهو شبه منهار ..

لحد ما لفت انتباهه صوت دكتور وهو قاعد يوصي المررضات على

مريض داخل وحده من غرف الانعاش ..

بسرعه البرق توجهه من وين الدكتور وهو مول مب فـ وعيه

نهيان : دكتور دخيلك قولي اسم المريضه اللي داخل غرفه الانعاش

الدكتور وبأستغراب : نعم اخويه ..؟؟!

نهيان : منو اسم البنت اللي كنت قبل شوي قاعد توصى الممرضات عليها

الدكتور : ليش انت تعرفها ..؟!

نهيان : هيه انا خطيبها دخيلك دكتور قولي اسمها منو ..!

الدكتور وهو مول مب فاهم شئ : اسمها اليازيه سلطان الـ ..

تشلل نهيان كل جسمه من سمع الاسم .. وقعد يتأتأ فـ الرمسه

نهيان : مـ مـ مـ ـنـ ـو ...!

الدكتور : اليازيه سلطان الـ ...

طاح من طوله على ركبه وهو حاس انه خلاص ما عاد يستحمل زياده

الصدمات اللي تييه قويه واايد عليه وماعاد يتحمل زياده ..

الدكتور : انت بخير ..!!

حرك راسه بالايجاب ..

سار الدكتور وترك نهيان مكانه مصدوم ..

معقوله رمستج ياروضه اتكون فـ محلها معقوله انا السبب

توجهه نهيان للمكان اللي كان الدكتور يأشر عليه ..

بس اللي وقفه السكيورتي اللي على الباب ..

السكيورتي : السموحه اخويه بس وقت الزيارد انتهى تقدر اتيا باجر

نهيان : بس انا ما اقدر ايي باجر دخيلك خلني احدر احين ..

السكيورتي : اسف اخويه ماقدر اخليك تحدر هاي الاوامر ..

(قعد نهيان يحاول على السكيورتي اكثر من نص ساعه بس

كانت كل محاولاته تبدي بالفشل لحد مافقد الامل وابتعد عن الحجره)

وهو يمشي فـ الممر شده شي فـ واحد من المكاتب تبع واحد من الدكاتره

وقعد يتريا السكيورتي لحد مايخلص الشفت ماله وييي واحد ثاني غيره

لانه لو نفذ اللي فـ باله والسكيورتي نفسه راح تنكشف خطته ..

قعد يتريا السكيورتي لحد ما خلصت الشفت ماله ويا واحد مكانه ..

اول ما طالع نهيان ان السكيورتي اللي اول سار بسرعه البرق

توجه للمكتب اللي كان واقف حذاله وصرخ للدكتوره اللي قاعده داخل ..

صرخ نهيان بقووه : دكتورررررره بسرعه فـ قسم الحوادث يبووونج بسررعه

الدكتوره يحليلها من الزيغه ما انتبهت ان نهيان قاعد يقص عليها

وبسرعه البرق ظهرت من المكاتب وتوجهت لقسم الحوادث ..

نهيان استغل الفرصه واول ما طالع ان الدكتوره ظهرت من المكتب

توجهه للشماعه وخذ البالطو الابيض منها وسار لغرفه الانعاش ..

السكيورتي اول ما طالع علي بالبالطو تحراه واحد من الدكاتره وعلى

طول سمح له بالدخول ..

( فـ ذيج الساعه كان كل اهل يزوي فـ بيوتهم لان وقت الزياره كان ممنوع

مما ساعد نهيان انه يحدر بسهوله بدون لا احد يشك فيه )

نهيان اول ماحدر الغرفه حس بقشعريره تسري فـ كل جسمه

وكان يدور بعيونه على يزوي ..

واول ما طالع على اللي راقده على السرير الابيض بكل ضعف

والاجهزه كانت موصله لها فـ كل جزء من جسمها ، هزه هالمنظر وبقوه

كان لاول مره يطالع اليازيه على الطبيعه .. كان كل مره يطالعها بالصور

فـ عمرها ما ظهرت وياه او انهم تواعدو فـ مكان ..

هزه المنظر وبقوه وهو يطالع على الملاك اللي كان شبه ميت

جدامه ...

جرب منها وهو كل ذره من كيانه كانت تصرخ الم وحسره على اللي سواه

حس انه ضيع من ايدينه ملاك ماتنشرى بفلوس الدنيا كلها

كانت تحبه بصدق واخلاص .. وكانت وفيه فـ حبها بس انا خربت كل شئ بأيديني

انا دمرت وجرحت الانسانه الوحيده اللي حبتني من كل قلبها

ولحد احين هي قاعده تعاني بسببي ...

جرب منها اكثر وهو ينحني عليها ويقعد على ركبه ..

كانت دموعه تنزل بدون توقف ما كان يقدر يسيطر عليها

كانت تنزل غصب عنه ، مسك ايدها وركز نظره عليها وهو يصيح من الخاطر:

( اول ما مسك نهيان ايد يزوي جنه الروح دبت فـ يزوي وبدت

دقات قلبها تزيد بشكل ملحوظ )

كان مركز نظره عليها وهو ماسك ايدها ويصيح من كل خاطره :

يزووي دخييلج سامحيني .. يزوووي واللي يرحم والديج سامحيني

وربي ادري اني جرحتج وحطمت فيج اشياء واايد بس صدقيني

الله انتقم لج ..

وربي يا يزوي ان الله انتقم لج ، انا تدمرت يا يزوي تدمرت ودمرت

هلي ويايه .. انا انطردت من الشغل يايزوي ، واختي تطلقت

وابويه يته جلطه ومحد يعلم بحالته الا الله ،

وانفصخت خطوبتي من اللي كنت خاطبها ، واخوويه (وزادت شهقاته

وهو يقول اخوويه) : اخوويه يايزوي انا تسببت فـ عجزه وجسرته يا يزوي

جسرت اخويه يا يزوي والمسؤوليه طاحت على راسي اناا ..

ضغط زياده على ايدها وهو يجربها منه زياده وحطها على خده ..

يزووي دخيلج سامحيني انا قاعد اتدمر والسبب اني ظلمتج

وربي يا يزوي مستعد اصلح كل اغلاطي بس سامحيني وردي لي

وربي يا يزوي اني ندماان .. ندمااان

(يزوي ولاول مره من عقب شهر وشي على حالتها ، تصدر حركه

كان كل جسمها يرتجف رجفه مب طبيعيه ،

وكانت دموعها تنزل من على خدها بدون توقف ودقات قلبها

كانت كل مالها وتزيد لحد ما اصدر الجهاز بحد ذاته انذار على

ان دقات قلبها استوت موول مب طبيعيه )

بسرعه البرق تجمعو الدكاتره فـ غرفه الانعاش اللي يزوي فيها

لان الجهاز كان يصدر صوت قوي جدا مما ارعب الدكاتره ..

وكان الكل محتشر ، لان حالتها ساءت واااايد ..

نهيان اول ما طالع على حاله يزوي ارتعب وبقوه واللي ارعبه زياده

الدكاتره وهم يحاولون يردون نبض اليازيه لـ طبيعته بس كانو عاجزين

ومن الخوف اللي كان يحس فيه وهو يطالع حاله اليازيه

تسوء بسرعه البرق ظهر من الغرفه وهو يربع لـ برع المستشفى

كان يبا يشرد من الواقع لانه كان متأكد ان هاي اول واخر مره يطالع فيها

اليازيه .. اليازيه اللي ضحت بكل ماتملك لـ نهيان .. واختفى مره وحده ....

الدكتور الاول : انا متفائل خير من رده الفعل هذي ..
الدكتور الثاني : ان شاء الله تكون بشاير خير واكيد اهلها راح يفرحون
من يسمعون بالخبر ..
الدكتور الاول : هيه بس اليوم تكون تحت المراقبه ابا 3 ممرضات يباتن
عندها ويراقبن اذا اصدرت أي حركه ..
الدكتور الثاني : ان شاء الله انا احين بعطي الاوامر للممرضات ..
الدكتور الاول : على خير ان شاء الله ..
الدكتور الثاني : انا اتوقع فيه ذكرى مرت على اليازيه مما ساعدها
على الافاقه وهالذكرى كانت قويه بما فيه الكفايه انها تصحي انسان
كان ميت سريريا ..
الدكتور الاول : انا شاك بالدكتور اللي كان عندها فالغرفه ..
الدكتور الثاني : وانا بعد واللي متأكد منه زياده انه مب دكتور
لاني اول مره اطالعه هني فالمستشفى ..
الدكتور الاول : الحمد لله على كل حال اهم شئ البنت فاقت من الغيبوبه ..
وياليته كان ياي من زمان هههه ..
الدكتور الثاني : هيه والله هههههه ..
.
.
.
.
.
وفـ الصباح البـــاكر ...
كالعاده كانً حمدوه وروضه اول الواصلين دائما على امل ان يزوي
تفيق من الغيبوبه اللي فيها ...
واول ما توجهن لـ غرفه الانعاش طالعن من الجامه ان الغرفه فاضيه
ومحد فيها ..
انصعقن وبقوووه وهن يطالعن ان الغرفه محد فيها ..
روضه وهي تربع صوب الممرضات والخوف واضح على ويها : يزووووووي ويين ..!!
ليش مب فـ غرفتها ..
حمدوه ما رامت تستحمل وقعدت فـ الارض وهي تصيح من الخاطر
كانت تتحرى ان يزوي ماتت وتركتهن ..
الممرضه وبأبتسامه : هدي اعصابك يا انسه اليازيه مافيها الا كل خير
نحن نألناها لغرفه تانيه من بعد الحاله اللي وصلت لها ..
روضه ودقات قلبها بدت تزيد وكانت محطيه ايدها على قلبها : ليش يزوي بلاااه دخيلج ارمسي ..!
الممرضه : مابها شي .. تعالي ازا بدك من هوون ..
سارت روضه ورا الممرضه هي وحمدوه وهن محطيات ايديهن على قلوبهن
مب مصدقات اللي قاعد يصير اكيد قاعدين يجذبون عليهن ..
واول ماحدرن الحجره وطالعن يزوي كانً يحس براحه ماتنوصف
وبسرعه البرق توجهن من وين يزوي راقده ..
حمدوه : يااقلبي انتي وربي كنت بموت من الخوف عليج ..
مسكت روضـه ايد يزوي : يزوي دخيلج نشي وكملي فرحتنا
وربي تولهنا عليج ..
يزوي كانت تسمعهن بس تحس ان عيونها ثجيله وايد وماتروم تفجهن
وعلى اثر النور اللي تسلل من الدريشه وانعكس على ويها
حاولت تفتح عيونها الوساع ...لكن النور ساطع .. وبين محاولاتها ..
سمعت اصوات تهمسبالقرب منها .. تزقرها عسب تصحى .. وتفيق من الاغماءة اللي تعيشه..

فتحت عيونها السود الوساع شوي .. وتتطالع اللون الابيض اللي يغطي السقف
والجدران اللي حولها .. حاولت فتحتعيونها اكثر وبتعب واضح ،
وتتطالع ايدها اللي موصله بابرة مغذي ..
وميزت السرير اللي ترقد عليه .. رفعت عيونها للاشخاص اللي تتطالعهم من جريب ..
حمدوه بعدم تصديق والدهشه على ويها ودموعها بدت تنزل لا ارادي من الوناسه : يزوووووووي ..يزووووي ..
ياعمريتسمعيني..!!

روضه والدنيا مول مب شايلتنها تحس انها بيغمي عليها من الوناسه
اكيد انها فـ حلم : يزوووي يااقلبي ..ردي علينا.. دخيلج ردي ..!!

حمدوه بصياح : دخيلج يزووي نشي بس عااد وربي ماعدت استحمل زياده ..
.
الدكتور : الحمد لله على كل حال ان شاء الله ..انها بخير

الممرضه : من امسونحن نراقبها .. بعد اول حركة منها امس ما تحركت

الدكتور : حنا متأملين خير ..واهمشي ..انها نجت

يزوي فتحت عيونها على الاخر من الكلمة اللي سمعهتا اخر شي... نجت!!؟؟

ومن غير شعور صرخت بصوت عالي خوف اللي حولها ..
وصوت جهاز قياس نبضاتالقلب يتغير نغمته..

يزوي بصرخة مبحوحة.. ميته... نابعة من صميم قلبها ..

يزوي : لاااااااااااا ..... لاااااااااا .... ليش ماخليتوني اموووت

حمدوه وروضه ارتعبن بقووه من رده فعل يزوي ..
وعلى اثر صوتالجهاز دخل الاطباء والممرضات وطلعوهم من الغرفه

الدكتور الاول يكشف على يزوياللي تصرخ بقوة ويحاول ان يهديها مع الممرضات

الدكتور الثاني : من فضلكم ممكنتتريو برع واحنا بنتعامل مع حاله الانسه ..

حمدوه بصياح: لا انا مابظهرمن هني بقعد وياها.. مستحيل اودرها مره ثانيه ..

روضه وبأصرار : وانا بعد بقعد وياها ومابودرها شرات اخر مره..

الدكتور : بس هذا مب منصالحكم ولا صالحها ..ممكن انسه روضه ..تتريو برع

صوت الدكتور الثاني : دكتور وليد بسرعه .. نعطيها ابرة مهدئه ...

يزوي تصرخ بقوة وتصيح وتتحرك وتبعدبـ يدينها الممرضات والدكتور : وخروووو ... مابااا ... مااااابا شي دخيلكم مابااا شي .. خلوني امووت ..

الممرضة خرجتهم برع الغرفه وحمدوه اتصيح على يزوي وروضه تحاول تهديها ...
وهيبتموت من الخوف على يزوي.. اللي يشوف شقايل حالتها ...
وكيف صار لونها شاحب .. من غير السواد الليتحت عيونها ....

وقفن في الممر الخارجي ..وقلوبهن تدعى لـ يزوي ... ان اللهيقومها بالسلامه

حمدوه وهي تصيح : رووضه انا خيفانه عليها واايد..

روضه وبضيجه الدنيا : وانا بعد بس ما باليد حيله .. وربي ماصدقت انها نشت
وننصدم فـ شي يديد ..
حمدوه وهي تحضن روضه : روضه دخيلج قوليلي ان يزوي بترد شرات اول
وربي مابا شي يصيبها ... دخيييلج ..
روضه كانت بروحها محتاجه احد يطبطب عليها ويهديها بس كانت تحاول
تظهر قوتها جدام حمدوه وتهدي فيها ماتبا تضعف جدامها ..
.
.
فجاه سمعن صوت سيف اللي ياهن اول ما بلغته المستشفىانه يزوي صحت ...
سيف والدنيا مووول كانت مب شايلتنه من الوناسه اللي كان يحس فيها
سيف وبسرعه : ووينها .. وين يزوي ..؟
(بس انصدم لما طالع ان حمدوه تصيح ورضه حاضنتنها وقاعد تهدي
فيها ، خاف لا يكون استوى فـ يزوي شئ )
سيف وبخوف الدنيا كله : بلاكن شو مستوي ...
دخيلكن لا تخوفني زياده ارمسن ..؟
روضه ماحبت تخوف سيف وهو ياي ميت من الوناسه : ماشي بس انت تعرف حمدوه وايد حساسه ..
سيف جن الروح ردت له من عقب رمسه روضه : الله يسامحج يا حمده وربي
طاح قلبيه ..
الدكتور اول ما طالع سيف على طول زقره ..
الدكتور : اخ سيف ...
سيف : هلا دكتور .. اليازيه وينها طمني عليها ..
الدكتور : اليازيه مافيها الا كل خير .. بس اباك تحاول تهداها شوي
لان الانفعال الزايد مب زين لها ويمكن يدخلها فـ غيوبه ثانيه
عشان جيه حاولت تهداها .. نحن عطيناها مهدئات بس انا اثق
فـ قدراتك اكثر من المهدئات ..
سيف كان يسمع الدكتور بس كل تفكيره كان ويا يزوي
يحس انه بيموت من الشوق توله عليها وااايد ..
يحس ان قلبه بيظهر من مكانه من زود الوناسه اللي يحس فيها ..
وبخطوات ثجيله كان يخطو لـ غرفه اليازيه ..
واول ما فج الباب ، طالع اليازيه وهي متسدحه على السرير
الابيض وتتطالع على الصوب الثاني وهي غرقانه من الدموع ..
حس ان دقات قلبه بدت اتزيد وريوله مب شايلتنه معقوله اللي
جدامي هي يزوي ..
يزوي اللي كانت شبه ميته الحين هي جدامي ..
كان ميت من الشوق اشتاق لكل شي فيها ، اشتاق يطالع على عيونها
وهي مفتحه اشتاق لابتسامتها الرقيقه واشتاق لـ صووتها ..
كان بس يطالع عليها جنه قاعد يتأكد ان اللي جدامي هاي صدق يزوي ..
سيف وبنبره كلها حب صااادق : يزويتـي ...
( اليازيه فز قلبها فز من سمعت الحس على طول عرفته .. )
اليازيه قعدت تتطالع على سيف بنظرات كلها شوق وحب للانسان اللي
جدامها تحس انه مرت عليها سنين من اخر مره اطالعت فيها سيف مب شهر
كانت مشتاقه له بشكل مب طبيعي ..
اليازيه كانت الدموع تنزل على خدها بدون احساس من اول ما طالعت على
سيف ..
سيف ما قدر يطالع على اليازيه اكثر من جيه ولا يجرب صوبها ..
يبا يطفي الشوق اللي فـ قلبه .. وسار بخطوات سريعه جدا
صوب اليازيه ..
اليازيه اول ماجرب سيف منها ارتمت بكبرها فـ حضنه ..
وكانت اتصيح من كل قلبها وماسكه فـ سيف بكل قوتها
جنه خيفانه انه يبعد عنها ..
سيف من ارتمت اليازيه فـ حضنه جن الروح ردت له
حس انه ملك الدنيا كلها بما فيها وهو يطالع اليازيه بين احضانه
وهي بكل عافيتها ..
كان يحضنها بكل قوته ويجربها صوب صدره ودموعه تنزل منه من شده
الوناسه اللي كان يحس فيها ..
الدكتور اول ما طالع الحركه وكيف ان اليازيه كانت فـ قمه الوناسه
والهدوء فـ وسط احضان سيف تطمن وظهر برع الحجره ..
كان متأكد ان اليازيه ما راح تهداء الا من تتطالع سيف
عشان جيه دقو عليه اول مانشت ..
سيف وهي يلم اليازيه بين احضانه وهو مول مب مصدق
اللي قاعد يستوي : الف الحمد لله ع سلامتج ياعيوني
وربي عفت الدنيا كلها من عقبج يالغاليه ..
دخيلج لا تسوينها فيني مره ثانيه ترا والله ماعدت اقوى زياده ..
اليازيه كانت تحاول تكتم شهقاتها المتواصله وهي بين احضان سيف
اليازيه وهي تصيح من قلب : سيف دخيلك قوله مابا اسير وياه ..
قوله ماعدت ابا اشوف رقعه ويهه .. دخيلك سيف لا تخلاه ياخذني
وربي مابا اسير وياه دخيلك سيف قووله ..
سيف كان يتحرى ان اليازيه كانت شايفه حلم وخيفانه منه
عشان جيه كانت تقول هـ الرمسه .. سيف : لا تخافين يا عيون سيف
ورب الكوون محد يروم يمس شعره منج ولا ياخذج مني دام راسي
يشم الهواء ..
وربي لقطع راس اللي يفكر يجرب صوبج .. لاتخافين ياقلبي
انا وياج وفـ عمري مابتركج والله مابتركج .. (وزاد من قبضته وجربها اكثر
من صدره) ..
يزوي من عقب رمسه سيف حست براحه ماتنوصف كانت خيفانه من نهيان
لان هي حست فـ نهيان من اول ما لمس ايدها ..
وماتدري شقايل ظهرت هـ الرمسه منها جدام سيف ..
.
.
.
حمدوه وروضه كانً قاعدات على اعصابهن .. مب مستحملات زياده
يحسن انهن بيموتن من الشوق ..
وسيف بيكمل له ساعتين وهو ويا يزوي ولا ظهر ..
.
.
يزوي ماطاعت اتودر سيف ولا تخوز من حضنه كانت شرات الياهل
اللي يحس انه فاقد شئ عود ويبا يعوضه ..
وسيف مول ما مانع هـ الشي كان فقمه وناسته وهو يطالع
روحه وحياته ودلوعته بين احضانه مره ثانيه ..
بويها الطفولي وملامحها اللي تخلي الواحد غصب عنه يتعلق فيها
وابتسامتها الرقيقه اللي على محياها ..
كان ضامنها بكل حنان وشوق بين احضانه واول ماح سان جسمها
بدا يرتخي من بين ايدينه عرف انها رقدت ..
ماكان وده يودرها مول كان يبا يشبع عيونه منها ويعوض عن كل
الايام اللي انحرم منها ..
بس قطعت عليه الممرضه وهي تقوله انه لازم يظهر
عسب يزوي تريح ..
واول ماظهر سيف كانً حمدوه وروضه فـ ويهه ..
روضه : سيف بشر شو ستوى ,,؟؟
سيف واللي ابتسامته منرسمه على ويهه : الحمد لله هي اوكي
واحين رقدت ..
روضه وحمدوه حسن براحه ماتنوصف لانهن كانً يدرن ان يزوي
مابتهدى الا على ايدين سيف ..
روضه : سيف ترا محد من هليه يدري ان يزوي ناشه ..
مب زين على الاقل نقول حق امها ..
سيف واللي توه يتذكر امه : اوووه والله نسيت خليني ابشرهم
.
ام راشد كانت الدنيا موول مب شايلتنها واول ما دق عليها سيف وخبرها
ان يزوي نشت اغمي عليها ..
.
( وانتشر الخبر فـ كل العيله ان يزوي نشت من الغيبوبه
وخلال دقايق محسوبه الكل كان متيمع فـ المستشفى )
.
محمد اول ماسمع ان يزوي نشت حس ان قلبه بيظهر من مكانه
وريوله تشللت من الحركه ..
كان خاطره يصيح ويصارخ من الوناسه اللي كان يحس فيها
وقعد يحمد ربه الف مره على سلامه يزوي ..
.
.
روضه وحمدوه مول مافارجن يزوي وكانً يترينها اتنش بفارغ الصبر
وكل وحده منهن تلعب بشئ عسب يوعنها ..
روضه كانت تلعب بخصل من شعر اليازيه وتمسح عليها
وحمدوه كانت تلعب بأصابعها وتحاول توعيها ..
كانً يحسن بشوق مب طبيعي للـيازيه ماعادن يستحملن
يترين اكثر من جيه ..
يزوي من حست بلمسات روضه وحمدوه لها بدت تفج عيونها
واول ما فجت عيونها كانت روضه فـ ويها ..
روضه والدنيا مول مب شايلتنها من الوناسه وقالت بنبره صوت كلها صدق
: يعلــــــــــــــــــي فداااا هـ العيووون ياربي ... فديتهن وفديت راعيتهن اناا ..
وباستها بكل قوتها على خدها .. ومن قو البوسه سوت صوت قووي ..
حمدوه ماستحملت تتطالع على يزوي وبسرعه زختها العبره
وقعدت اتصيح وارتمت عليها : يااااعمري انتي وررب الكوون اشتقتلج
وررربي اشتقتلج موووت يا يزوي ..
يزوي كانت تحس بشوق كبير لـ روضه وحمدوه وبنبره واضح
فيها التعب قالت : فديييت روحكن اناا (ومدت ايدينها لـ حمدوه وروضه)
(روضه وحمدوه ماصدقن وعلى طول ارتمن فـ حضن يزوي ..
كان شكلهن وهن متحاضنات رمز ظاهر لاطهر واعظم علاقه
اخويه انودلت فـ الكون ..)
حدرو الشباب حجره يزوي واول ما طالعو البنات هزهم المنظر
وبقوووه وهن متحاضنات ..
عبدالله وهو يحاول يغير الجو : احم .. احم .. ونحن متى بيي دورنا
(البنات التفتن بسرعه اول ماسمعن عبدالله )
روضه : شو هـ اللقافه وربي ما مداني اشبع منها ..
عبدالله : والله احيدها اختي مب اختج وانا متوله عليها اكثر
منج انتي ..
( روضه سوتله خمس بأيدينها على انه مالت عليك )..
عبدالله وهو يطالع على يزوي : فدييييييييت انا الحلو اللي متسدح
على الشبريه مابغى ينش ذبحنا من الشووق ، كل ها تغلي
يزوي والعبره زاختنها من الوناسه اللي تحس فيها ، كانت تحس بشوق
كبير لـ عبدالله وقالت : فديت روح عبوودي اناا ,,
عبدالله كان بيموت من الشوق وبلمح البصر سار حذال يزوي
واول ماجرب صوبها يزوي ارتمت فـ حضن عبدالله ..
عبدالله كان يحمد ربه الف مره انه قدر يضم اخته بين احضانه
مره ثانيه وان الله ماحرمهم منها ..
عبدالله وهو يمسح دموع يزوي : دخيلج الا دموعج يا يزوي وربي
مستعد اضحي بكل شئ بس ماشوف دموعج مره ثانيه ..
يزوي ردت وضمت عبدالله بكل قوتها وهي كانت تذرف دموع
الفرح انه الله عوضها بأخوان ماينشرون بكنوز الدنيا كلها ..
حمد وهو يخوز عبدالله : اقول ترا حتى نحن اخوانها يعني نبا نسلم
خوز يلا ..
عبدالله : ههههه سلم بس من بعيد اخاف يكون فيك مرض وتنقله
حق اختيه ..
حمد : معليه احين استوى فيه مرض معدي هاا ..
البنات ضحكن على حمد وعبدالله اللي مايخلصون مناقر ..
حمد: اليازيه ترضينها عليه ..!!
اليازيه وبخجل : هههه حرام عليك عبود حمد مايهون ..
حمد وهو ينفخ عمره : كح كح شفت الناس اللي عندهم ذوق مب انت
ليش مب طالع على اختك انت ..
الكل ضحك على حركه حمد وهو مستانس ..
.
ام راشد وام سالم والشيوبه كانو توهم واصلين لجناح يزوي
لانهم كانو سايرين يصلو لحد ماتنش يزوي ..
واول ماسمعو الحشره واصله لـ برع الجناح عرفو ان يزوي نشت ..
ام راشد كانت تمشى بخطوات سريعه وهي موول مب مصدقه
تبا توصل بسرعه وتتأكد بنفسها من اللي سمعته .. تبا تجحل عيونها
بشوفه بنتها الوحيده ودلوعتها ..
الكل كان عاذر ام راشد لانهم يدرون هي شكثر عانت ..
واول ماحدرت الكل وخر من حذال يزوي ..
يزوي اول ما طالعت امها كانً دموعها هن اللي يرمسن عن اللي فـ خاطرها
كانت تتطالع على امها بكل حنيه وشووق ..
ام راشد ما رامت تستحمل زياده وكانت تصيح من كل قلبها
من زود الوناسه ..
سارت وحضنت يزوي بكل قوتها كانت تجربها من صدرها تبا
تطفي نار الشوق اللي فـ يوفها ..
يزوي كانت تصيح وهي بين احضان امها
الكل تأثر من الموقف وخانتهم دموعهم ..
.
محمد كان قاعد برع ع الباب يطالع على يزوي وهي بين احضان امها
كان خاطره يسير ويحضنها بس مايقدر ..
عبدالله انتبه لـ محمد اللي قاعد برع وزقره : محمد تعال محد غريب هني ..
محمد كان يتريا احد يزقره واول ما زقره عبدالله حدر وبدون تردد
كانً عيونه مركزه على يزوي كان يطالعها وعيونه ترجم
كل اللي فـ خاطره .. يزوي لاول مره كانت تركز عيونها على محمد
بدون لا تخوزهم وكان كل واحد منهم يرمس بعيونه ..
محمد : الف الحمد لله على سلامتج يا الغاليه ..
يزوي وبخجل : الله يسلمك ياربي ..
محمد : مابغيتي تنشين يابنت الناس زيغتينا عليج ..
ابتسمت بخجل وهي تتطالع على محمد ..
عبدالله : اييييييه انت شو تبا فـ ختيه برايها خلها تتغلى براحتها ..
حمد : جنه محد عنده اخت غيرك انت .. كل مانرمس قالنا ختيه وختيه ..
الكل ضحك على حمد اللي شكله مقهور من عبدالله ..
.
قراءه ممــتعه