تحميل رواية «بيان وكرم» PDF

بيان

Part 11...

Hassnaa Ramadan.. 🖤

حرم المنياوي: ها يعمر، هتختار مين

بيان: مش محتاج يختار حد، ولا احنا عايزين حد يختارنا على اهله، احنا عايزينكوا تتقوا الله وتسيبونا في حالنا

مامتها: ايوا، خلي ابنك المصون يبعد عننا وخلاص، مش عايزين حاجه تاني، وادي ابنكوا في حضنكوا اهو، بس احنا نضمن منين ان ابنك ميتعرضلناش تاني

حرم المنياوي: زي ماقولت، ابني هيسافر بره، ومش هيرجع البلد دي تاني، وصدقيني يا انسه بيان انتي اخر واحده ممكن ابني يحطها في دماغه او تعجبه، فمتقلقيش قوي يعني

المنياوي: ها يعمر، كلنا متفقين اهو

عمر: يعني دلوقتي بتخيروني بين شغلي ومستقبلي واهلي وبين الحق، وانا دلوقتي هختار الحق، هختار بيان، ليه، لان لو انتوا هتعرفوا تموتوا ضميركوا فانا مش هعرف، وانا عارف ومتأكد ان كرم بيه مش هيسكت، وهيحاول يإذيهم، حتى لو سافر زي مابتقولوا، سهل جدا يطلب من حد هنا انه يقوم بالواجب

المنياوي: انا وعدتك يعمر، وانت عارفني لما بوعد

عمر: لا للاسف معرفش حد فيكوا، كل اللي اعرفه اني مش هسيبهم، مش يمكن ربنا بعتني وخلاني جيت هنا عشان اكتشف الجريمه اللي عايزين ترتكبوها في حق الناس دي!

حرم المنياوي: يعني انت بتختار البت دي عليا يعمر؟

عمر: بختار اللي يريح ضميري يامي، مقدرش اطيعكوا في حاجه غلط

المنياوي: هتخسر كل حاجه يعمر

عمر: انا اصلا خسران كل حاجه

حرم المنياوي: عمر، من النهارده تنسى ان ليك ام، تنساني خالص، معنديش ابن غير كرم، مش عايزه اشوف وشك تاني

كانت بصاله بعيون كلها دموع وهو ملامحه كلها جامده

سابته ومشت والمنياوي بص لعمر بصه اخيره ومشي وراها

مامتها: ليه كدا يابني، يبني اللي ملوش خير في اهله ملوش خير في حد

عمر: خير!، في دول!

مامتها: هيفضلوا اهلك برضو مهما عملوا، هما اللي دايمينلك يابني

عمر: متشغليش بالك، المهم انا ماشي، عايزين حاجه!

مامتها: طيب هو انت عندك بيت تاني غير دا؟

عمر: لا، ليه

مامتها: امال هتبات فين

عمر: لا اي حته عادي

مامتها: اي حته ازاي يابني، هتنام في الشارع؟

عمر: اكيد لا، ممكن اروح فندق

مامتها: لا يابني، طب اسمع، اخرج براحتك ولما ترجع ابقى تعالى على هنا، دا بيتك وكتر خيرك انك مخلينا عندك، احنا التلاته هننام في اوضه، وانت نام في اوضتك براحتك

عمر: عشان تاخدوا راحتكوا، وبعدين عشان لو بيان محتاجه تقعد تذاكر

مامتها: لا يبني ميرضنيش تنام بره وتسيب بيتك، وبعدين انت طول النهار بره، دا وقت النوم بس يعني

بيان: ااه، مش محتاج تقعد في الشارع

مامتها: وكمان عشان تبقى تاكل من الاكل اللي بعمله

عمر: طيب، زي ماتحبوا، في اكتر من اوضه، يعني لو بيان حابه تنام في اوضه لوحدها عشان تذاكر، وانا هفضل في اوضتي مش هخرج

مامتها: اللي يريحك يابني، المهم تنام في بيتك

تقى: عمو عمر، مش قولت هتخرجني على البحر؟

عمر: اولا، مش عايز اسمع عمو دي تاني، ثانيا لو جاهزه ممكن اخدك دلوقتي وننزل، ايه رأيك

تقى بفرحه: ينفع يماما؟

مامتها: لا بلاش تعطليه

تقى: يماما عايزه اروح

عمر: مفيش مشكله خليها تيجي معايا

مامتها: طيب هتاخد بالك منها صح!

عمر: متقلقيش، يلا يتوتو

مشت معاه وهي ماشيه لفت وشها وطلعت لسانها لبيان

ـــــــــــــــــــــــــــــــــــــــــــــــــــــــــــــــ

حرم المنياوي: انا مش مصدقه، بقى ابني انا، يختار ناس غريبه عليا!، انا مش قادره اصدق

المنياوي: سيبيه، مصيره هيتعلم الادب ويتعلم ازاي يعني يحترم اهله ويحافظ عليهم

حرم المنياوي: انت هتاخد منه كل حاجه فعلا؟

المنياوي: طبعا، لحد مايرجع ويبقى تحت ايدي تاني

حرم المنياوي: طب وكرم، انا قلبي واجعني عليه قوي، مش عارفه ليه عمل في نفسه كدا

المنياوي: متقلقيش، مينفعش يتسجن، كفايه الفضيحه

ـــــــــــــــــــــــــــــــــــــــــــــــــــــــــــــــ

مامتها: ربنا يرزقه ويعوضه خير يارب، ربنا يبعد عنه ولاد الحرام كلهم يارب

بيان: لسه مش مصدقه انه ابنهم، ازاي دا من العيله دي، ازاي بس

مامتها: عنده اصل وضمير، ربنا يحفظه لشبابه يارب

بيان: ماما انا حاسه اننا متقلين عليه قوي، مشوفتيش نعس ازاي ع الكنبه ياعيني ومحسش بحاجه!

مامتها: شوفت يابنتي، بس اعمل ايه، مفيش ف ايدينا حاجه نعملها، هنروح فين، ماحنا مش عارفين كرم دا ممكن يعمل ايه

بيان: ربنا ياخده، انسان حقير

مامتها: قوليلي يبيان بجد، عملك حاجه!

بيان: يماما سألتيني السؤال دا مليون مره، قولتلك معملش حاجه

مامتها: بتطمن عليكي، في كل الاحوال دي حاجه متعيبكيش ابدا

بيان: عارفه يماما، بش اتطمني، والله بجد ملمسنيش

ــــــــــــــــــــــــــــــــــــــــــــــــــــــــــ

عمر: هاا ياستي، ايه كمان

تقى: خلاص كفاية دي حاجات كتيره قوي

عمر: لا مش كفاية قولي بس عايزه ايه كمان

تقى: امم، عايزه دبدوب

عمر: دبدوب؟

تقى: ااه، عشان الدبدوب بتاعي بيان خدته مني

عمر: خدته ليه بيان هانم

تقى: عشان هي رخمه، بتحضنه وهي نايمه

عمر: اممم، طب تعالي

خدها واشتروا حاجات كتير وراح معاها اشتروا لبس

وهما خارجين عمر وقف مكانه وتنح

شاف رولا بتركب مع واحد العربيه

ركب عربيته وطلع وراها

لحد مانزلوا عند البيت، شافه وهو حاضنها وطالعين البيت وهما بيضحكوا

فضل باصص وهو مش مستوعب، كان عايز يطلع وراهم بس مقدرش، حس انه مش قد المواجهه دي

فضل مع تقى ف العربيه نص ساعه وبرضو منزلوش، مقدرش يصبر اكتر من كدا وطلع وراهم وقفل على تقى العربيه

خبط ع الباب

فتح الشاب دا وهو قالع، عمر شافه اتجن، زقه ودخل جوا وفتح الباب بقوه، وشاف رولا في الوضع اللي كان بيتمنى ميكونش صح...

رولا: عمر!؟؟

فضل باصصلها وهو مش مستوعب حاجه، قوته مأسعفتوش انه يعملها حاجه، اكتفى ب انه يخرج من الشقه بسرعه وراح للعربيه

رجع البيت

مامتها: حمدلله على السلامه، ايه كل دا

تقى: شوفتي يماما عمر جابلي ايه، جابلي حاجات كتير قوي

مامتها: ليه يابني بس التعب دا

عمر بشرود: لا ولا تعب ولا حاجه

مامتها: انت كويس يابني

عمر: ها، ااه كويس، انا هستأذن وادخل اوضتي عشان تعبان

مامتها: اتفضل يابني

سابهم ودخل الاوضه وقفل على نفسه ومسك دماغه

بيان؛ تعالي يابت وريني جابلك ايه

تقى: بصي بصراحه هو جابلك الدبدوب دا، قولتله انك بتحبي باندا راح جابلك منه، وقالي اديكي من الحاجات دي بس انا مش هديكي

بيان: ليه ياختي، هو مش قالك اديها، وبعدين يحيوانه انتي مين قالك تقوليله يجيبلي حاجه!، انتي مجنونه؟

تقى: انا مالي، هو وداني هناك وانا جبت دا ليا، بعدين قالي هاتي واحد لبيان عشان متاخدوش منك، قولتله انك بتحبي باندا راح جابه

مامتها: عيب يابنتي كدا، مكنتش اشتريتي حاجه

تقى: والله ياماما ماقولتله عايزه حاجه، احنا لفينا شويه ع البحر، بعدين قالي تعالي نشتري حاجات، وانا روحت معاه

الباب خبط

قامت بيان فتحت

بيان: نعم؟

رولا: عمر فين

بيان: استني انده عليه

رولا: اوعي كدا

زقتها ودخلت وهي بتنده عليه

فتح الباب وخرج لما سمع صوتها

رولا: عمر، عمر صدقني انت فاهم غلط، عمر ارجوك اسمعني

عمر:.....

رولا: عمر، ارجوك، صدقني انت فهمت غلط، ارجوك رد عليا

عمر: غلط!، في سريره!

رولا بعياط: عمر، ارجوك افهمني، انا هقولك ليه عملت كدا، صدقني هقولك الحقيقه، بس ممكن تسمعني، تعالى ندخل جوا ونتكلم، لو سمحت

عمر: مفيش حاجه هنتكلم فيها، لو سمحتي اطلعي بره، مش عايز اشوفك تاني

رولا: عمر، لو سمحت

عمر بعصبيه: قولت اطلعي بره، مش عايز اشوف خلقتك قدامي، واعتبري كل اللي بينا انتهى، وعشان اخفف عليكي الموضوع، انا دلوقتي عمر بس، مش عمر رجل الاعمال اللي حبيتيه، يعني دلوقتي خسرت كل حاجه

رولا: ايه، يعني ايه

عمر: دا اللي هامك طبعا

رولا: لا طبعا يعمر، انا بحبك، ارجوك اسمعني بس، هقولك انا ليه عملت كدا

عمر: شايفه ان دا ليه مبرر يعني!

رولا: لا، بس، بس

عمر: اطلعي بره، سمعتي؟

لما متحركتش مت قدامه وواقفه تعيط راخ مسكها من ايدها وخرجها بره وقفل الباب

دخل اوضته تاني من غير مايتكلم مع حد

فضل طول الليل في الاوضه مخرجش، فونه عمال يرن بس مبيردش، مش مستوعب انه خسر كل حاجه في نفس الوقت

دخل خد دش وصلى وطلع يعمل قهوه

اتعمد انه يكح عشان لو في حد بره

دخل المطبخ لقى بيان

عمر: كنت، كنت هعمل قهوه

بيان لاحظت عينيه الحمرا فخمنت انه كان بيعيط، بس معقول!، معقول واحد زي دا ممكن يعيط!

بيان: طيب هو انا كنت بعمل ليا، ممكن اعملك معايا، لو حابب يعني

عمر: ماشي

سابها ودخل البلكونه وهي عملت القهوه ودخلت وراه

بيان: اتفضل

عمر: شكرا

بيان: احم، انت كويس!

عمر بصلها لثواني ورجع بص للبحر تاني

عمر: لا

بيان بهدوء: امم، هو انا مقدره ان اللي انت فيه مش سهل، بس اعتقد انت قوي

عمر: وعرفتي منين اللي انا فيه

بيان: موضوع اهلك، واخوك مسجون، وانت وخطيبتك سيبتوا بعض، يعني كل دا مش سهل اكي، بس يعني انت قوي

عمر: ليه

بيان: ليه ايه

عمر: قوي ليه، بناءا على ايه بتقولي كدا

بيان: يعني بصراحه لو هنتكلم ع المظهر فواضح جدا انك قوي، ولما قضيت معاك شوية وقت حسيت انك قوي نفسيا كمان مش جسديا بس

عمر: قضيتي معايا شوية وقت؟

بيان: ااه، هو مش كتير، بس يعتبر خدت عنك فكره

عمر: يمكن

سادت بينهم لحظة صمت وهو باصص للبحر بنظرات جامده وهي نظراتها بتروح للبحر وترجع تبص عليه تاني

بيان: احم، هو، هو انا هفضل محبوسه هنا؟

عمر: محبوسه!

بيان: ماهو انا مش بخرج، ابقى محبوسه

عمر: عايزه تروحي فين

بيان: الجامعه

عمر: قولتلك ع الحل

بيان؛ طيب شغلي

عمر: قولتلك ع الحل

بيان: طيب عندي مشاوير تانيه لازم اعملها، وبعدين بقالي كتير مبعملهاش وبصراحه مش هقدر استنى اكتر من كدا

عمر: مش فاهم، مشاوير ايه

بيان: مشاوير بقى وخلاص

مراوغة بيان خلته افتكر منظر رولا، بس استغرب وحس ان لا، هي مش زي رولا اكيد

بيان: بتبصلي كدا ليه؟

عمر: ولا حاجه، بس مش فاهم، اصل يعني انتي كنتي مخطوفه، وفي حد بيهددك، المفروض والطبيعي تكوني خايفه تخرجي، وايه المهم اللي خليكي تخاطري وتخرجي

بيان: هو مهم بجد، مهم جدا كمان، ولازم اعمله فعلا

عمر: لما الدنيا تهدى ابقي اعملي اللي انتي عايزاه

بيان؛ هنزل بكرا

عمر: دا عِند!

بيان؛ ااه، لا، قصدي يعني انا لازم انزل، معنديش حل تاني

عمر: مش خايفه!

بيان: لا، ااه، قصدي يعني ماهو انا لازم اخرج يعمر بجد

عمر: طيب مشوارك دا هياخد قد ايه

بيان: يعني بص يمكن كام ساعه كدا

عمر: طب بكرا في الوقت الفاضي عندي هاخدك اوديكي مكان مانتي عايزه

بيان: بس انا مش عايزه حد يشوفني وانا رايحه

عمر: ازاي

بيان: عايزه اروح لوحدي

عمر: امم، طيب بيان انا قولتلك على الحل الوحيد، انا هوديكي، معنديش فكره انتي عايزه تروحي فين ولا هتعملي ايه بس مينفعش تخرجي لوحدك، الا لو عايزه يحصلك حاجه

بيان: طيب ماشي، بس انت هتقف بعيد، و دا مش هيبقى بكرا بس، دا، كل يوم

عمر بصلها بعدم فهم، مفيش في دماغه غير فكره واحده مش عارف يفكر في غيرها

هز راسه على كلامها

بيان: ممكن طلب كمان؟

عمر: همم

بيان: ينفع متقولش لماما؟

عمر: ليه يبيان

بيان: صدقني مش هتوافق، هتخاف عليا، يعني انت قولها انك هتخرجني، او هتوديني اي مشوار تبعك، متقولهاش اني مصممه اخرج، والله مش هترضى، لو سمحت

عمر: وايه اللي يخليني اوافق على كلامك!

بيان: اممم، اعملك بشاميل؟

ابتسم على عفويتها وبص بعيد

‏بيان: ايه مش بتحبها؟

‏عمر: بحبها، بحبها يبيان

‏بيان: طب ايه رأيك، حاجه مقابل حاجه

‏عمر: ولو انه مش كفايه، بس ماشي

‏بيان: شكرا

‏عمر: على ايه

‏بيان: على كل حاجه، وقفتك معايا في كل حاجه، بصراحه مش عارفه من غيرك كنا هنعمل ايه، حقيقي شكرا

بصلها وهو ساكت بس قطع نظراته صوت صريخ واحده ست...

يُتبَع... 🕊

Gy...

ن

Part 12..

Hassnaa Ramadan.. 🖤

بصلها وهو ساكت بس قطع نظراته صوت صريخ واحده ست

الاتنين طلعوا يجروا ناحية الباب ومامتها وتقى اللي كانوا نايمين صحوا وطلعوا يجروا وراهم

صوت الصريخ كان جاي من ناحية البيت اللي جنبهم

اول ماوقفوا قدام البيت لقوا دخان كتير طالع من جوا وفي نار

كسر الباب ولسه هيدخل

عمر: بيان خليكي بره

بيان: لا يعمر في نار متدخلش

سابها ودخل وسط النار وهي واقفه بره والناس ابتدت تتلم ع الصوت

غاب شويه و طلع وهو شايلها ومغمى عليها

الناس اتدخلت وطفوا النار وعمر فضل يحاول يصحيها لحد مافاقت والنار طفت

عمر خدها بيته

عمر: انتي كويسه!، تحبي نروح المستشفى!

ـ لا انا كويسه

مامتها: اتفضلي يابنتي اشربي مايه

عمر: الحمدلله النار طفت، بس تاخدي بالك بعد كدا

ـ مش عارفه ايه اللي حصل، كنت نايمه وسمعت صوت حاجه فرقعت، صحيت لقيت الاوضه بتولع

عمر: طيب مفيش حد عايش معاكي؟

ـ لا مفيش، عايشه لوحدي

مامتها: ومامتك فين يابنتي؟

ـ اهلي كلهم مسافرين ياطنط

عمر: في حاجه غير ايدك اتحرقت؟

ـ لا لا مفيش

عمر: طيب بيان لو سمحتي هاتي علبة الاسعافات من اوضتي

بيان: ماشي

دخلت اوضته وهي متكدره

بيان في نفسها: بيان لو سمحتي هاتي علبة الاسعافات من اوضتي، جاتك نيله انت وهي وانتوا شبه بعض اصلا، نينينني، دي حته مش مكسوفه من نفسها وهي قاعده بهدوم النوم قدامه، طبعا، مانت راجل وغد حقير زي الباقيين، اكيد الموضوع على هواك، مفيش فيكوا حد يتقي الله، ياخي كلكوا كدا، طيب حتى ياخي دي مفهاش حاجه يتبصلها، كفايه انها شبه علبة التونه، وقال ايه، طالع شايلها، ياخي يشيلوك من وراكك ياخي، وبعدين هو دا حرق دا، ولا هي مرقعه وخلاص عشان تمسك ايديها، ااه منكوا يرجاله، اعععععع، انت، انت جيت امتى

بصت وراها لقته واقف وحاطط ايده في وسطه راحت صوتت

بيان: احم، اانت، انت هنا من امتى

عمر بضحكه بيحاول يداريها: من ساعة وراكي اللي هيشيلوني منها

ميل فتح الدرج وخد علبة الاسعافات وطلع

بيان في نفسها: يافضيحتي هيقول ايه دلوقتي اووووف

خرجت وراه لقته قعد جنبها وبيحطلها مرهم على ايديها

ربعت ايديها ووقف تتفرج عليهم، حاولت تعمل نفسها طبيعيه عشان كفايه اللي سمعه منها، بس مقدرتش، ملامحها قالت اكتر من اللي هي قالته جوا، مركزه على ايديه وهو بيلمسها، بدأت تهز رجلها في الارض وهو خد باله وابتسم بخفه بس مبصلهاش

مامتها دخلت تعملها حاجه تشربها

عمر: الف سلامه عليكي

ـ الله يسلمك

عمر: اسمك ايه

ـ اسمي فريده

عمر: طبيعي تكوني فريده والله

بيان برقتله من رده عليها قدامهم وابتدت تفرك في ايديها جامد

بيان: ااه، اسمك حلو يفريده، حلو قوي

فريده: وانت اسمك ايه

بيان اتغاظت اكتر لما سألت عن اسمه

عمر: اسمي عمر

فريده: حلو

عمر: والله؟، محدش قالي قبل كدا ان اسمي حلو

فريده: ازاي، اسمك حلو قوي، وكمان مش اسمك بس

بيان؛ احم احم، حمدلله ع السلامه يامدام فريده

فريده: انسه

بيان: ايه دا فعلا؟، مش باين عليكي خالص

فريده: قصدك ايه

بيان: فكرتك متجوزه ومخلفه كمان

فريده: هو في واحده في جسمي تبقى مخلفه؟، تيجي ازاي دي!

بيان: لا فعلا مش باين عليكي

عمر: لا بالعكس، شكلك حلو جدا، حتى يمكن اصغر من سنك، ولو انها غريبه انك تكوني مش متجوزه، الرجاله عمت ولا ايه

بيان بدون وعي: عمررر

الاتنين بصولها باستغراب من نبرة صوتها وملامحها

بيان: احم، اا، الوقت اتأخر، هدخل انام

فريده: طيب هستأذن انا، ومتشكره جدا على اللي عملته معايا، مش عارفه لو مكنتش موجود كنت هعمل ايه

عمر: لا دا واجبي، بس خلي بالك بعد كدا

فريده: حاضر، عن اذنك

خرج معاها وصلها بيتها وبعدين رجع البيت

مامتها: دانا صحيت قلبي مخلوع من صوت صويتها

عمر: ااه، الحمدلله ربنا ستر

مامتها: هدخل انام يابني محتاج حاجه!

عمر: لا متشكر تصبحي على خير

مامتها: وانت من اهله

دخلت نامت وهو دخل بلكونة اوضته، بص جنبه لمح بيان اللي قاعده وسانده دماغها

فضل باصصلها وهي سرحانه مش واخده بالها منه

عمر: القمر غايب النهارده

بيان: هاا، ااه

عمر: ااه ايه

بيان: كان هنا من شويه

عمر: وراح فين

بيان: راح بيته، كنت عايزه يبات معاك؟

عمر: والله اتمنى، معنديش مانع

بيان: اماال، هتفرق ايه عن غيرك، كلكوا صنف واحد

عمر: كلنا مين

بيان: الرجاله

عمر: طب وانا عملت ايه، انا بتكلم ع القمر

بيان: ااه مانا كمان ع القمر

ابتسم وبص قدامه

عمر: بتعرفي تعومي؟

بيان: ليه

عمر: بسأل

بيان: معرفش ايه المغزى من السؤال الثعباني دا، بس ااه، بعرف اعوم

عمر: ثعباني!

بيان: ااه

عمر: ليه هستغل الموضوع في ايه، هغرقك مثلا؟

بيان: ممكن، ليه لا، اضمنك منين انا

عمر: لا متقلقيش، كنت هقولك نتسابق مثلا

بيان: في العوم؟

عمر: ااه

بيان: بتعرف!

عمر: نجرب!

بيان: بس ازاي، وفين

عمر: البحر كله قدامك

بيان: والناس اللي رايحه جايه دي

عمر: اامم، دي مشكلتك يعني، طيب ايه رأيك هلاقيلك مكان كويس

بيان: والله كدا كدا معروف مين هيكسب، بس للاسف عندي مذاكره

عمر: قولي كدا بقى

بيان: كدا ازاي، انت بتشكك في قدراتي؟

عمر: لا طبعا

جتلها مسدج ع الفون، بصت فيها وركزت كام ثانيه وعمر باصصلها

فونها رن وهي فضلت باصه وهي ساكته وعمر فضوله زاد

عمر: في حاجه؟

بيان: لا خالص، انا هدخل انام، تصبح على خير

عمر: وانتي من اهله

تاني يوم صحت بدري على صوت كحة عمر

طلعت بره لقته لسه ف اوضته وعمال يكح، دخلت المطبخ تعمل حاجه تشربها وهو دخل عليها وهو بيقفل زراير القميص، اول ماشافته لفت وشها

عمر: انا اسف، مكنتش اعرف انك صحيتي دلوقتي

بيان: صحيت على صوتك

عمر: صوتي!

بيان: بتكح كتير

عمر: مش بإيدي والله

بيان: اكيد برد، بتلبس خفيف والجو برد

عمر: مفرقتش

بيان: تشرب شاي معايا؟

عمر: لا متشكر انا خارج

بيان: خارج رايح فين، قصدي يعني لسه بدري قوي و..

عمر: عندي مشوار

بيان: طيب ينفع تاخدني معاك، يعني محتاجه اروح مشواري ضروري، بعدها روح انت مشوارك وابقى تعالى خدني، لو سمحت

عمر: قصدك اسيبك هناك وامشي!

بيان: ااه

عمر: لا صعب

بيان: صدقني مش هيحصل حاجه، طب بص، وديني مشواري وهي كلها ساعه ورجعني وانت روح مشوارك، عشان خاطري

عمر: امم، ماشي بس بشرط

بيان: ايه هو

عمر: مش هسيبك ثانيه واحده، هفضل معاكي لحد ماتخلصي، بعدها هجيبك هنا وانا امشي

بيان: طيب امري لله

عمر: يلا ادخلي بلغي مامتك والبسي

ـــــــــــــــــــــــــــــــــــــــــــــــــــــــــــــــ

حرم المنياوي: متقلقش ياحبيبي هتخرج من هنا

كرم: ماما لو سمحتي انا مش عايز اتسجن، اتصرفي ارجوكي

حرم المنياوي: متقلقش يعمري محدش هيقدر يعملك حاجه، لو رست اني اهربك هعمل كدا

المنياوي: ولما انت خايف كدا بتعمل كدا ليه، كل ماجي الم الموضوع من ناحيه الاقيك بوظته من الناحيه التانيه

كرم: اعمل ايه يعني، كنت عايزني اعدي اللي عمر عمله دا بالساهل!، دا مسح بكرامتي الارض قدام الجامعه كلها، متخيل شكلي كان عامل ازاي

المنياوي: عشان انت قليل الادب، انا حذرتك كتير ياكرم، مش كفايه الانتخابات اللي ضيعتها مني انت واخوك؟

كرم: وانا مالي، روح قول الكلام دا لعمر، مش هو اللي كل همه ينصر البت دي عليا؟، معرفش انا عملتله ايه عشان يكرهني كدا

حرم المنياوي: لا مش بيكرهك ياحبيبي، هو صحيح غلطان لانه لازم يقف معاك في كل الاوقات، بس مش بيكرهك دا اخوك

كرم: ااه، اخويا يضربني ويهيني كدا قدام الناس، ويخليني اعتذر لواحده متسواش

المنياوي: خلاص خلاص، المهم دلوقتي تهدى شويه لحد ماتصرف

ـــــــــــــــــــــــــــــــــــــــــــــــــــــــــــــــ

عمر: لمين الحاجات دي

بيان: لو سمحت، انا شرطت عليك لو هتيجي معايا يبقى متتدخلش في اي حاجه، ماشي!

عمر: امم، ماشي ياست

ركبوا العربيه وهي قعدت توصفله الطريق

بيان: بس اقف هنا

عمر: هتعملي ايه هنا

بيان: وبعدين!

عمر: المكان غريب، بتيجي هنا تعملي ايه، وايه الحاجات دي انا عايز افهم

بيان: استاذ عمر، عمر بيه، عمر باشا، ينفع تخليك في نفسك؟

عمر: لا

بيان: ماهو انا مينفعش اقولك، مش كفايه جبتك معايا!

عمر: جبتيني معاكي فين، انا اللي جايبك

بيان: مفرقتش

عمر: لا فرقت، وبعدين المكان غريب وهادي، مش هقدر اسيبك تدخلي هنا لوحدك

بيان: مفيش حاجه هتحصل، الناس اللي هنا طيبه جدا، مش زي اخوك

عمر: بيان لو سمحتي قوليلي في ايه، انا عاطي مامتك وعد اني هحافظ عليكي

بيان: وانا مش هقدر اقولك، اعذرني لو سمحت

عمر: طيب، اتفضلي بسرعه

نزلت وخدت الحاجه معاها ودخلت الشارع وخبطت ع الباب

عمر بيحاول يطولها بنظره ويعرف مين اللي جوا

فتحت الباب طفله صغيره، اول ماشافت بيان اترسم على وشها علامات الفرحه وطلعت تجري عليها حضنتها

البنت: بيان؟؟، وحشتيني قوي

بيان: وانتي كمان، مارو فين

مروان: انا اهو

حضنته وسلمت عليهم وعمر واقف متابعهم وساند ع العربيه بتاعته

لقى واحده ست خرجتلها وسلموا ع بعض

بيان: اتفضلي، معلش سامحيني اتأخرت عليكي، بس والله عندي ظروف

ـ حبيبتي ولا يهمك كتر خيرك

بيان: يلا محتاجين حاجه؟

ـ الهي يرزقك ويفتحها في وشك قادر ياكريم، ربنا يحرسك يابنتي ويحفظك، اقعدي اشربي حاجه

بيان: لا معلش عشان معايا حد، مره تانيه

ـ والله ابدا، لازم تدخلي، نادي عليه ييجي

بيان: لا طب عشان الحلفاه هاتي مايه عشان مستعجله والله

دخلت جوا تجيبلها المايه وعمر واقف مش فاهم حاجه

مروان: بيبو بيبو

بيان: ايه ياحبيبي

مروان: في لحمه صح؟

ميلت قعدته قدامه ع الارض

بيان: طبعا، في لحمه وفراخ وكل حاجه قولتلي عليها المره اللي فاتت جبتها

مروان: الله، انا بستناكي مخصوص عشان عارف المره اللي هتيجي فيها يبقى هناكل لحمه

بيان: يلا فين البوسه بتاعتي

خلصت معاهم ورجعت لعمر اللي متابعهم من بدري، لقته باصصلها من تحت النضاره بطريقه غريبه

بيان؛ في ايه

عمر: مفيش

بيان: طب يلا

عمر: يلا

ركبوا العربيه ونزلوا المكان التاني

عمر: برضو مينفعش انزل!

بيان: بالظبط

خدت باقي الحاجه ونزلت خبطت ع الباب وطلعلها الشيخ عثمان

الشيخ عثمان: نور

بيان: ايه دا ايه دا، بتشم ريحتي ولا ايه

الشيخ عثمان: لا بحس بيكي، كنتي فين يابنتي ايه الغيبه الطويله دي

بيان: سامحني ياعمي والله غصب عني، كان عندي بلاوي متلتله والله

الشيخ عثمان: طب ادخلي، ادخلي يابنتي نتكلم جوا

دخلت قعدت وطلعت الاكل وبدأت تحكيله وهي بتأكله

ــــــــــــــــــــــــــــــــــــــــــــــــــــــــــــــ

في المطبخ

تقى: مصحتنيش ليه يماما اروح معاها

مامتها: تروحي معاها فين انتي كمان

تقى: مش راحت مع عمر!، كنت هروح معاهم

مامتها: مش رايحين يتفسحوا ياتقى، رايحين مشوار تبع الجامعه وراجعين

تقى: ماما ماما

مامتها وهي بتعمل الاكل: ايه

تقى: كنت عايزه اسأل على حاجه

مامتها: اسألي يا اخرة صبري

تقى: هو ينفع عمر يتجوز بيان؟

ـــــــــــــــــــــــــــــــــــــــــــــــــــــــــ

عدى وقت وعمر قلق عليها، او الاصح مقدرش يقاوم فضوله عايز يعرف هي بتعمل ايه جوا كل دا

مشي بخطوات بطيئه ناحية البيت لقى الباب موارب

حاول يبص جوا البيت عشان يشوفها، لقاها قاعده ع الارض وقدامهم اكل وبتأكل راجل كبير في السن بدقن بيضا، وبتتكلم وهو بيسمعلها بإنصات

حاول يسمع هي بتقوله ايه بس غصب عنه كح وهي بصت وراها لقته واقف

ادته نظره بعينيها ورجعت كلمت الشيخ عثمان

بيان: اعذرني ياعمي لازم امشي عشان معايا حد

الشيخ عثمان: مين دا، خليه ييجي

بيان: لا لا معلش، مره تانيه بس هو عشان مستعجل، الاكل الباقي اهو جنبك وكل حاجه متوضبه

الشيخ عثمان: ماشي يابنتي ربنا يحفظك، وزي ماقولتلك تخلي بالك كويس

بيان: حاضر يعمو، ادعيلي بالله

الشيخ عثمان: هو انا عندي غيرك عشان ادعيله، ربنا يابنتي يحفظك وينورلك طريقك ويبعتلك اللي يصونك ويحافظ عليكي

ـــــــــــــــــــــــــــــــــــــــــــــــــــــــــــــــ

في العربيه

بيان: انا قولت ايه؟

عمر: انتي اللي طولتي اعمل ايه!

بيان: بس انا قولتلك اني هطول

عمر: انا مش عارف انتي متضايقه ليه، هو انا دخلت كلت معاكوا!

بيان: يخفه، وبعدين مكملتش نص ساعه

عمر: بقولك ايه، هو مين دا

بيان: ليه

عمر: بسأل

بيان: متسألش، ويلا عشان متتأخرش على مشوارك

عمر: ماشي، ماشي يبيان

ساد بينهم الصمت اللي قطعه صوت عمر

عمر: تحبي تروحي ولا تيجي معايا؟

بيان: اروح معاك فين

عمر: يعني رايح اصيع

بيان: تصيع!

عمر: اه

بيان: ودا ازاي بقى، اي نوع من انواع الصياعه

عمر: لا صياعتي مختلفه شويه

بيان: مختلفه ازاي يعني

عمر: تحبي تشوفي؟

بيان: اشوف ايه

عمر: الصياعه

بيان: ازاي

عمر: اقولك

بعد نص ساعه وصلوا المكان، عمر نزل من العربيه وطلع شنطة الضهر بتاعته لبسها وقفل العربيه

عمر: يلا

بيان: ايه دا

عمر: ايه

بيان: ايه المكان دا

عمر: مش بتحبي تغامري!

بيان: بحب ااه

عمر: طب يلا، اتمنى يكون قلبك جامد

بيان: جامد، بس هي دي غابه؟

عمر: شايفه ايه

بيان بصوت واطي: فيها حيوانات؟

عمر: كل حاجه

بيان: تعابين!

عمر: كل حاجه

بيان: عقارب!

عمر: كل حاجه

بيان: ايه اصله دا، جايبني هنا ليه، انت مجنون!

عمر: لا اله الا الله، مش قولتي اجي معاك!، ومش قولتي قلبك جامد!، ومش قولتي بتحبي المغامرات!

بيان: ااه قولت، بس كدا انت عايز تموتني

عمر: اموتك ليه

بيان: امال جايبني هنا ليه، وبعدين ايه المغامره في مكان زي دا

عمر: والله ي انسه بيان هي دي مغامراتي، وقولتلك تحبي تجربي قولتي ااه

بيان: طيب روحني

عمر: يفتح الله

بيان: نعم

عمر: انا بقول الحاجه مره واحده، وسألتك تروحي ولا تيجي معايا قولتي تيجي معايا، يبقى زي الشاطره كدا تيجي معايا وانتي ساكته، او تركبي العربيه وتستني فيها

بيان: بتحطني قدام الامر الواقع يعني

عمر: مظبوط

بيان: طيب بص، روحني عشان اعملك البشاميل

عمر: مامتك بتعملها

بيان: اووف، طب انت ترضهالي اني اقعد في العربيه في المكان المقطوع دا لوحدي؟

عمر: ااه عادي

بيان: يبايخ انا مش بهزر

حط شنطته ع جنب وبدأ يغيره هدومه

بيان لفت وشها وهي بتصوت

بيان: بتعمل ايه يامنحط انت

عمر: بغير

بيان: انت مجنون والله

عمر: لفي خلصت

بيان: على فكره انت انسان غير آدمي

عمر: وااو، آدمي مره واحده

بيان: اجل

عمر: وعارفه معناها؟

بيان: مش بقولك بايخ، عمر لو سمحت روحني

عمر: بصي، لو خدتك عشان اروحك يعني هضيع وقت كتير لحد مارجع هنا تاني، مش كفايه انك اخرتيني اصلا بحاجاتك دي، ودلوقتي مش عايز صداع، هتيجي معايا ولا تقعدي جوا العربيه واقفل عليكي لحد ماطلع!

بيان: لا هقعد ياخويا، وبعدين صحيح، افرض مخرجتش من جوا، هعمل ايه انا، هروح ازاي

عمر: ايه دا ثانيه واحده، انتي هامك هتروحي ازاي ومش هامك اني مخرجتش اصلا!

بيان: وانا مالي، انا قولتلك متدخلش وانت اللي عايز، اتحمل المسؤولية بقى

عمر: دي نداله؟

بيان: ايوون

عمر: طيب بصي انا احتمال اطول، لو زهقتي وحبيتي تروحي معاكي العربيه، ومتقلقيش، سواء بتعرفي تسوقي او لا مش هتعرفي تطلعي من هنا لاننا تقريبا في الغابه ومفيش حاجه مضمونه

بيان: انت اهبل!

عمر: ايه!

بيان: ماهو دا ميطلعش من حد عاقل، انت مجنون بجد

عمر: بقولك ايه، انتي كلتي دماغي انا ماشي

بيان: طب استنى استنى، طب ماهو يعمر مش هعرف اقعد هنا لوحدي

عمر: خلاص ادخلي معايا

بيان: لا العمر مش بعزقه

عمر: خلاص خليكي هنا

بيان: ماهو هنا العمر مش بعزقه برضو

عمر: خلاص تعالي معايا

بيان: مش بقولك خفه، ينفع تاخد كلامي جد شويه؟

عمر: هما دول الحلين، اختاري منهم وانجزي عشان ضيعتي وقتي

بيان: هقعد في العربيه وامري لله

قعدت جوا العربيه وقفلتعلى نفسها وهو بصلها وابتسم ابتسامه جانبيه قلقتها اكتر، كان لابس شورت لحد الركبه وتيشرت كت وفي ودنه السماعه

دخل جوا وهي فضلت مراقباه لحد ماختفى من قدامها

طلعت فونها لعبت فيه شويه عشان تضيع وقت

حاجه خربشت بره العربيه بس هي طنشت

شويه وحاجه خبطت جامد

بلعت ريقها وكملت تقليب في الفون

شويه وسمعت صوت غريب

بيان: لا بقى، لا بجد كدا كتير

كل شويه الصوت بيزيد وهي بتخاف اكتر

فضلت لحد ماحاجه خبطت في العربيه جامد وهي صوتت

فضلت تقرا قران وتقول اذكار

بيان: هو عفريت؟، لا برضو الاذكار حلوه، لا ماهو مش هينصرف، طب اعمل ايه دلوقتي، انزل!، وتعرضي نفسك للخطر ياغبيه؟، طب اعمل دلوقتي، ياريتني روحت معاه، ع الاقل لو حصل حاجه كان هيتصرف، وهي يعني رجوله يسيبك كدا لوحدك!، صح، عندك حق، دي مش رجوله خالص، دي نداله، طب، ايه دا، انا بكلم نفسي!

عمر كان ماشي بيدندن، وهو بيتفرج ع الاشجار

بص جنبه لقى بيان جنبه وبتنهج

ابتسم وبص قدامه تاني

بيان: اقف ياعم انت شويه

وقف وبصلها من غير مايرد عليها

بيان: انت شايف ان دي رجوله؟

عمر: ااه

بيان: جاتك هوا

عمر: بت، انا سايبك تغطلي فيا من بدري، صدقيني لو غلطتي فيا تاني هسيبك هنا

بيان: ماهو انت مش عارف اللي حصل، سمعت اصوات غريبه، جيت جري الحمدلله اني لحقتك، بس انت مبعدتش يعني

جتلها لحظة ادراك

بيان: عمر

عمر: ايه

بيان: انت اللي كنت بتعمل الاصوات دي، صح!

عمر: لا

بيان: عمر

عمر: انتي عبيطه!، مانا ماشي قدامك، لحقت ارجع امتى، وليه هعمل كدا

بيان: معرفش، امال ايه الاصوات دي

عمر: بصي حواليكي كدا!، انتي في غابه

بيان: ااه مانا خدت بالي

عمر: مدخلتيش غابه قبل كدا؟

بيان: لا، عمري

عمر: ولا كان نفسك تجربي؟

بيان: يعني، كنت عايزه اعرف في ايه جواها وكدا، بس مجربتش

عمر: ودلوقتي؟

بيان: دلوقتي ايه

عمر: واثقه فيا ؟

يُتبَع.. 🕊

Gy...

ن

Part 13...

Hassnaa Ramadan 🖤

بيان: هاهووووو

ماسكه في حبل متدلي من اعلى جرف وبتصرخ

وعمر واقف فوق وحاطط ايده في وسطه وبيضحك

نزلت تحت وهو مسك الحبل بعدها ونزل

عمر: صدقتي!

بيان: بصراحه!، التجربه حلوه، بس برضو لسه مش متطمنه

عمر: العمر لحظه

بيان: اعيشها في بيتنا ياخويا

بصلها بطرف عينيه وكمل بخطوات لقدام

بيان: بس انا هدومي كدا هتتبهدل

عمر: هديكي هدومي حاضر

بيان: الله، انا مش بهزر

عمر: ايوه اعملك ايه يعني، اقلعلك الشورت؟

بيان: ماتحترم نفسك

عمر: بقولك ايه يبيبو، بصي حواليكي كدا

بيان: بيبو؟، اسمي بيان، متدلعنيش

عمر: وانا مش عايز ادلعك ياوجه البومه انتي، المهم بصي حواليكي

بيان: بصيت

عمر: احنا في غابه، يعني اشجار ومناظر طبيعيه وحاجات كدا، يعني نتأمل، يعني نسكت، يعني نقفل الراديو دا، وصلت؟

بيان: هي ايه

اتنهد وهز دماغه يمين وشمال بفقدان امل وسابها ومشي

بيان: انت بتيجي هنا على طول؟

عمر:......

بيان: ازاي وانت مسافر اصلا

عمر:......

بيان: وازاي واثق ان مفيش حاجه هنا، ماهي دي غابه، يعني لو مثلا مثلا فيها حيوانات مفترسه، اسد مثلا، وهجم عليك هتعمل ايه

عمر:......

بيان: هو انت جسمك حلو اكيد وهتعرف تدافع عن نفسك، بس مش لدرجة اسد يعني، ولا تعبان، ولا اي حاجه، هتتعامل ازاي

عمر:.......

بيان: هي الشنطه اللي معاك دي فيها ايه

عمر وقف: بسسسسس. اسكتي شويه، ايييييه ياشيخه، افصلي لله

بيان: الله

عمر: الله ياخدك

بيان: على فكره دي مش طريقه تعامل بيها بنت دي

عمر: بنت ايه، بنت ايه يبيان، لو البنات كدا ربنا ياخدهم ياشيخه

بصتله بزعل وسابته ومشت

عمر: اووف، طب استني بس، خلاص ياستي انا اسف، بس بجد افصلي شويه، اتفرجي يماما، شوفي الحاجات اللي حواليكي دي والحشرات دي، ولا القرود دي، ولو ان مفيش فرق بينكوا يعني

بيان: اتلم

عمر: ماشي هتلم، المهم دلوقتي شايفه البحيره دي!

بيان: ااه مالها

عمر: هنعديها

بيان: ازاي ومفيش قارب

عمر: لا ماهو في حبلين فوق اهو

بيان؛ ايوا ازاي بقى

عمر: شايفه المساكتين اللي في الحبلين دول!

بيان: ااه

عمر: هنمسك فيهم ونعدي

بيان: لا والله

عمر: ااه والله

بيان: يعني هنتزحلق بالحبلين دول لحد الناحيه التانيه

عمر: الحمدلله وصلت

بيان: وافرض وقعت

عمر: انا عن نفسي مش هقع، شوفي انتي

بيان: هو ايه اللي شوفي ايه، افرض وقعت، هغرق، اععععع

عمر بخضه: ايه

بيان: تمساح، تمساح هناك اهو، اهو يعمر بسرعه

عمر: بسرعه اعمل ايه

بيان: اضربه ولا، اقولك يلا نمشي قبل ماييجي

عمر: انتي عبيطه يابت انتي

بيان: بقولك تمساح

عمر: ايوا فيها ايه

بيان: فيها ايه ازاي، هييجي يعمر يلا، اي دا ثانيه، التمساح في المايه، انت عايز تقول اننا هنعدي فوق المايه دي والتمساح دا موجود؟

عمر: احم، ااه

ـــــــــــــــــــــــــــــــــــــــــــــــــــــــــــــــ

هند: تفتكري نقلت؟، ولا طلعت خالص

مهى: غريبه، هتنقل ازاي واحنا داخلين على امتحانات

هند: ماهي مش بتيجي، اكيد طلعوها

مهى: ممكن

سما صاحبتهم جايه تجري

سما: بنات بنات، الحقوا

هند: في ايه

سما: متعرفوش اللي شوفته

مهى: شوفتي ايه قولي

سما: استني بس اخد نفسي

مهى: ياست انجزي

سما: بيان

هند: قطيعه، مالها

سما: مش هتصدقوا شوفتها مع مين

هند: مع مين

سما: عمر

مهى: عمر مين

سما: اخو كرم، عمر المنياوي

هند: بتعمل ايه معاه

سما: معرفش، شوفتها الصبح كانت راكبه معاه العربيه

مهى: العربيه كمان

سما: ااه والله زي مابقولكوا كدا، انا مصدقتش عينيا لما شوفتهم

هند: يابنت ال، شايفين اللئيمه، لعبت ولفت عالواد لحد ماوقعته

مهى: ازاي وهو اصلا بيحب واحده تاني، اللي اسمها رولا دي

سما: ااه يابنتي صورهم في كل حته مع بعض

هند: وهي دي هيفرق معاها اذا كان عنده حبيبه ولا لا، لعبت عليه لحد ماجابته في حجرها، ااه منها بيان، يعني الظيطه دي كلها طلعت بفايده ليها

سما: حظوظ

هند: لا حظوظ ايه، دي مخططه كويس، بس على مين، مش هخليها تتهنى بيه ولا توصل للي في دماغها

ـــــــــــــــــــــــــــــــــــــــــــــــــــــــــــــــ

تقى بملل: يماما هتيجي امتى انا زهقت من القعده لوحدي

مامتها: معرفش يابنتي مقالتش راجعه امتى، وبعدين مانتي قاعده بتلعبي اهو

تقى: قولتلك كنت عايزه اروح معاهم

مامتها: استني بس لما نشوف اخروا ليه

تقى: طب رني عليهم

مامتها: ادخلي هاتي التليفون من جوا

تقى: ماشي

ـــــــــــــــــــــــــــــــــــــــــــــــــــ

امجد: مش لاقيلهم اثر، معرفش راحوا فين

مامته: ماتشوف عمر دا مش هما راحوا معاه؟

ابو امجد: مش معانا رقمه، رقمه كان مع الست هانم، هي اكيد معاه

امجد: انا مش مصدق بجد، يروحوا معاه كدا من غير مايبلغوا حد؟

مامته: ااه امال ايه، قلة حيا، انتوا متعرفوش الناس بتقول ايه في البلد، يالهوي ع اللي بيتقال يالهوي، ليه يجيبوا لنفسهم الكلام كدا، نسوان مش لاقيه حد يلمها صحيح

ابو امجد: قابلت عم محمد وانا طالع من الجامع، عمال يسألني وانا مش عارف ارد اقوله ايه، الناس كلت وشي

امجد: امال انا اعمل ايه، بس وديني ل اكسر عضمها لما اشوفها

مامته: وانت هتشوفها فين بقى، ماخلاص

امجد: خلاص ايه، هجيبها

مامته: وبعد ماتجيبها، هتقدر عليها يعني؟

امجد: ااه هقدر، هتجوزها واكسر رقبتها وتبقى توريني هتمشي ازاي

مامته: يالهوي، تتجوزها؟، تتجوز مين ياخويا؟

امجد: بيان

مامته: لا طبعا، انت اتجنيت ولا ايه، بعد دا كله ولسه عايز تتجوزها؟

امجد: ايوا، في الاول كنت هتجوزها عشان بحبها، دلوقتي هتجوزها عشان المها، عشان اعرف امشي وست الناس

مامته: وانت مالك ياخويا، انت كنت ولي امرها؟

امجد: انا مش عارف انتي بتفكري ازاي، عايزاني اسيبها كدا؟، وبعدين لسه بحبها

مامته: يامري يانا يامري، عوض عليا يارب

ــــــــــــــــــــــــــــــــــــــــ

بيان وهي متشعلقه في الحبل: اععععع، اشوف فيك يوم على اللي عامله فيا

عمر قاعد يضحك على منظرها وهو متشعلق قدامها

بيان بصريخ: بتضحك على ايييييييه

عمر بضحك: هموت يخربيتك اسكتي

بيان: منك لله، روحنيييي

عمر بضحك: التماسيح بتضحك عليكي

بصت تحت لقت تماسيح كتير متجمعه وفاتحين بوقهم

بيان بصريخ: اعععععع، قسما بالله مجنون، وانا غبيه عشان طاوعتك، يبني انت اهبل هنموت

عمر: طول مانتي بتعملي كدا مش هتعرفي تتحركي، سيبي نفسك وانزلي

بيان: يعمر لو وقعت هياكلوني

عمر وصل اخر الحبل ونزل

عمر: شوفتي!، انا نزلت اهو، يلا بقى

بيان: اعملها ازاي دي

عمر: سيبي نفسك وغمضي عينيكي وانتي هتتزحلقي متقلقيش

غمضت عينيها وسابت نفسها وهي بتصرخ لحد ماوصلت عنده ووقعت ع الارض

بيان: كلوني، كلوني صح

عمر: لا، بس لو مجريتيش دلوقتي حالا هيعملوا كدا

خلص جملته وطلع يجري، بصت ناحية البحيره لقت التماسيح جايه ناحيتها، قامت طلعت تجري وراه وهو بيضحك

بيان: اعععع، يابن الغداره، انت مجنون يعمر؟

عمر: انا عملت حاجه

بيان: انت بتستهبل اكيد، دا مش منطقي فعلا، دا موت يعمر موت

عمر: اعوذ بالله، مالك يابنتي مانتي كويسه اهو

بيان: انت يبني اهبل؟، دانت كنت خايف تخليني ادخل الشارع لوحدي وتقولي عاطي مامتك وعد اني احافظ عليكي، ودلوقتي جاي تموتني!

عمر: لا اله الا الله، مانتي سليمه اهو ياست حد جه جنبك

بيان: هو انت ليه محسسني ان المشكله من عندي

عمر: عشان هي من عندك

بيان: ليه هي التماسيح دي بلاستيك ولا ايه

عمر: لا يخفه، بس الانسان عنده عقل يفكر بيه

بيان؛ انت اخر واحد يتكلم عن العقل، وانا اللي كنت بقول ازاي دا مختلف عنهم كدا، طلعت اسوء

عمر: لا لو سمحتي، اسوء في الجنون ماشي، انما في قلة الادب لا، او ااه عادي لا ليه

بيان: طيب واستاذ عمر ناوي يروحني ولا لا؟

عمر: البحيره عندك اهي والحبل اهو، عايزه تروحي اتفضلي

بيان: احنا هنعدي دا تاني؟

عمر: تؤتؤ، هتعدي لوحدك، انا مكمل

بيان: اوووف

كملوا مشي وهي لازقه فيه وكل ماحاجه تلمسها تصرخ

بيان: استنى ماما بترن، اقولها ايه

عمر: وقليلها انك معايا

بيان: ماهو اكيد معاك، بس معاك فين

عمر: قوليلها انك معايا في الجامعه وخلاص

بيان: لا مبكدبش انا

عمر: يابت

بيان: ايه هو دا، مبكدبش والله

عمر: خلاص براحتك قوليلها في الغابه ولسه معديين من فوق بحيرة تماسيح

بيان: قولتلك قبل كدا ان دمك خفيف

عمر: قولتي خفه بس مقولتيش ان دمي خفيف مباشرة كدا، بس يعني انا عارف مدى خفة دمي وظلي اللي بيضيف بعض من اللطافه على الجو

بيان: بس بس، ايه هو دا، اخلص اقولها ايه

خد منها الفون

عمر: ايوا ياطنط

بيان: طنط

عمر: اشش اسكتي، ايوا هي معايا متقلقيش خالص، ارتاحوا ومتفكروش في حاجه، احنا بنلف شويه عشان قولت يعني اعمل فيها خير ونغير جو عشان انا محتاج اكسب ثواب شويه الفتره دي

بيان: يالهوي ع السكر

مامتها: ماشي ياحبيبي هي لسانها طويل حبتين بس انت قدها

عمر: لا متقلقيش هنقصه

بيان: هو ايه دا اللي هنقصه

عمر: اسكتي بقى، خلاص ياطنط اكلمك لما نرجع، واتمنى تعمليلي بشاميل عشان هاجي جعان، دا بعد اذنك طبعا

مامتها: بعملها ياحبيبي اهو تعالوا انتوا بس بالسلامه

عمر: ماشي، مع السلامه

بيان: ايه اللي هنقصه يابني

عمر: لما تروحي ابقي اسأليها

بيان: اسألها على ايه

عمر: ع اللي هنقصه

بيان: طب قولي ايه هو

عمر: يلا

مشي وهي مشت وراه

بيان: عمر، عمر، عمر

عمر: ايييه

بيان: عايزه اكل

عمر: انتي عبيطه يابت

بيان: مانا مكلتش الصبح، الله

عمر: اعملك ايه انا يعني

بيان: اكلني

عمر: ياكلك قطر ياشيخه

بيان: بعد الشر عليا، اهو انت

عمر: مش معايا اكل

بيان: امال الشنطه دي فيها ايه

عمر: ااه قولي كدا بقى، عينك ع الشنطه بتاعتي

بيان: يعم اتنيل، اخلص شوفلي حاجه اكلها

عمر: طب اسمعي كلامي وامشي معايا للاخر، يلا

ـــــــــــــــــــــــــــــــــــــــــــــــــ

ام امجد: رايح فين

امجد: عرفت مكانهم

ام امجد: فين

امجد: في شقة عمر

ام امجد: يالهوي

امجد: شوفتي قلة الادب

ام امجد: قاعدين في شقة راجل غريب يامري، دا ايه دا، امتى بقوا بالوقاحه دي

امجد: هجيبهم واحاسبهم هنا

ام امجد: وعرفت مكانهم ازاي

امجد: عرفت بطريقتي، وكمان حطيتلها حد يراقبها لحد ماوصلها

ام امجد: طب خد ابوك معاك

امجد: لا، هيقعد يقولي عيب ومش عيب، وانا ناوي اجيبها من شعرها من هناك لحد هنا

ـــــــــــــــــــــــــــــــــــــــــــــــــــــــــــــــ

تقى: ايه يماما كل دا، مين هياكل كل الاكل دا

مامتها: اسكتي يابت الواد مش شايفه عمر هفتان ازاي

تقى: هفتان ايه يماما انتي مش شايفه عضلاته عامله ازاي، مش زي امجد دا

مامتها: يابنتي شكله مش بياكل اكل بيتي، مش شوفتي امه عامله ازاي، معتقدش انها بتطبخ وتقف في المطبخ زينا كدا

تقى: دي هانم ياختي

مامتها: وامك مش هانم ولا ايه ياختي

تقى: لا مش قصدي، بس دول ناس اغنياء وبيبقى عندهم شغالين

مامتها: اسمهم مساعدين

تقى: فرقت ايه

مامتها: نقي كلامك، مش هتخسري حاجه

تقى: حاضر، المهم انا عايزه اخرج دلوقتي

مامتها: بت، غوري من وشي

ـــــــــــــــــــــــــــــــــــــــــــــــــــــــــــــــ

عمر: جاهزه؟

بيان: ااه يلا

مد ايده وشال ستار من الحشائش المتداخله

بيان: وااااو، ايه دا

عمر: ايه رأيك

بيان: عمر ايه دا

عمر: لسه عايزه تروحي؟

بيان: لا طبعا اروح ايه، يلا ننزل بسرعه

شاورلها على طريق النزول، نزل قدامها وهي مشت وراه وهي مبهوره بشكل المكان

بيان: هو ازاي المكان دا منعرفوش

عمر: ازاي

بيان: يعني ليه محدش ساكن هنا

عمر: يسكنوا في غابه؟

بيان: المكان تحفه ياعمر، طيب مكان للسياحه مثلا

عمر: ايه في بلدك عدل يابيان، مكان زي دا كفيل يخلي بلدنا فوق، بس محدش فاضي يستغل الحاجات الحلوه الموجوده، كلهم مشغولين في النهب بس

بصتله بصه غريبه

عمر: بتبصيلي كدا ليه

بيان: مستغرباك

عمر: ليه

بيان: يعني، واحد زيك يقول كلام زي دا، غريبه

عمر: مش فاهم

بيان: اصل لو هكلمك بصراحه فانت ابن حد من الناس اللي بتنهب

عمر: ااه

بيان: ااه؟، معترف يعني

عمر: انا امتى انكرت دا

بيان: لا بس ف العاده محدش بيقول كدا

عمر: ابويا بينهب وبيعمل حاجات وحشه دي حاجه ترجعله، انا مسؤول عن نفسي، هل انا بنهب ولا لا

بيان: انت مش رجل اعمال؟

عمر: ااه

بيان: ليه بتقول انك مش بتنهب

عمر: هما كل رجال الاعمال بينهبوا؟

بيان: تقريبا

عمر: محتاجه تعيدي حساباتك تاني، انا عايش بره، وبره مش زي هنا، صحيح في كل مكان في حاجات وحشه، لكن بره افضل بكتير، وغير كل دا الموضوع موضوع مبادئ

بيان: مين حطلك المبادئ دي

عمر: ايه السؤال دا

بيان: ماله

عمر: سوري بس سؤال غبي، مين اللي المفروض يحط للانسان مبادئه

بيان: الانسان بيحط لنفسه، بس في ناس بتحط لولادها وبتزرع فيهم مبادئ معينه

عمر: غلط، الدين هو اللي من خلاله تحط مبادئك، مينفعش انت تمشي وتقول انا هتعامل على هذا الاساس وهذا الاساس لا من نفسي، لازم حاجه تحطلي ضوابط وتوضحلي الصح من الغلط، انما لو هعتمد على حد غيري يحطلي مبادئي ف دا غلط، ولو هعتمد على نفسي ف دا غلط اكبر، لان النفس البشريه امّاره بالسوء، شوف دينك بيقول ايه، وتمشي عليه حتى لو مش على هواك

بيان: واو، متفلسف قد الدنيا

عمر: بعيدا عن انك بتتريقي، بس انا مقتنع بكلامي جدا، ديننا مسبش حاجه غير واتكلم عنها وقالنا نتصرف ازاي ونعمل ايه، من هنا ناخد مبادئنا، انا عارف انك مستغربه اني ازاي ابقى ابن واحد زي المنياوي واخو واحد زي كرم وابقى مختلف عنهم، بس شكلك ناسيه ان عندنا عقل بنفكر بيه، عايزاني ابقى نسخه مقلده منهم؟

بيان؛ اكيد لا، بس استغربت، في العادي ولاد الناس الاكابر بيكونوا مش كويسين خالص

عمر: الغالب منهم كدا، لكن دا لا يعنيني بالمره، انا عايش بمزاجي، وبصراحه مش في كل الاوقات ببقى مبسوط اني ابن المنياوي

بيان: ليه

عمر: كنت اتمنى ابقى ابن حد فقيه دين مثلا، امام مسجد مثلا، راجل بسيط زي اي راجل من عامة الناس بس عنده اخلاق ومبادئ، انما ابويا نفسه لو الموضوع بإيدي مكنتش هختاره

بيان: دا بجد؟

عمر: انا بحبه اكيد، لانه ابويا ودا طبيعي، بس مكنتش اتمنى ابقى ضده في كل حاجه، كل حاجه بيعملها غلط، عايز يملك الدنيا، وكان عايزني ابقى زيه، بس للاسف، مش كل حاجه عايزه هيعرف يعملها

بيان: اممم، انت اتربيت لوحدك صح

عمر: مش بالظبط، عشت معاهم بس كنت منطوي شويه، ربيت نفسي بنفسي

بيان: وكرم

عمر: كرم دا مصيبه، عيل طايش شايف اهله بيدافعوا عنه في كل حاجه غلط بيعملها، بالتالي شايف انه يقدر يعمل اي حاجه من غير حساب

بيان: وانت مكنتش طايش وانت في سنه

عمر: مش عارف ايه وانت في سنه دي، انا اكبر منه ب ٤ سنين مش اكتر، بس لو قصدك على فترة مراهقتي او بداية الشباب يعني، فَ لا مكنتش زيه، كنت طايش جدا ومتهور وعايز اجرب كل حاجه واعمل كل حاجه بس مع نفسي، يعني متخطاش حريات وحدود الاخرين، يعني مثلا عايز اسوق عربيه بأقصى سرعه واعمل شبح، اعمل كدا في مكان فاضي، مش اختار مكان موجود فيه ناس واعمل كدا، كدا انا مش شبح، كدا انا قليل الادب

بيان: يعني معندكش مشكله تضر نفسك، انما الاخرين لا

عمر: وقتها ااه، عشان كدا انطويت اكتر وبقيت بعمل كل حاجه في الاماكن المنعزله بحيث لو اتهورت وعملت حاجه مأذيش حد، عشان كدا حبيت الغابات والحاجات دي

بيان: ودلوقتي

عمر: دلوقتي ايه

بيان: لسه طايش؟

عمر: شايفه ايه

بيان: شايفه ان.... اعععععع

يُتبَع...🕊

Gy..

Part 14..

Hassnaa Ramadan.. 🖤

عمر: في ايه

بيان بصريخ: تعبان، تعبان ع الشجره يعمر

عمر بص وراه لقى تعبان كبير بيطلع ع الشجره

عمر: طب وهو جه جنبك دلوقتي!

بيان: على فكره انت مش طبيعي

عمر: امشي معايا بس

بيان: انا بس نفسي افهم انت متطمن بناءا على ايه

عمر كمل ومردش عليها، وقف قلع الشنطه بتاعته وطلع منها زلاجه

ركب عليها وقعد يلعب قدام بيان

بيان: اي دا وانا؟

عمر: انتي ايه

بيان: عايزه اركب ع البتاع دا

عمر: لا

بيان: اشمعنى انا

عمر: معاكي واحده؟

بيان: لا

عمر: امال عايزه ازاي بقى

بيان: مانا عايزه منك انت

عمر: مش معايا غير دي والله

بيان؛ ايوا هتقعد تتنطط بيها كدا وانا اتفرج عليك!

عمر: احمدي ربنا انه ببلاش

بيان: هو ايه

عمر: الفرجه عليا

بيان: يراجل

عمر: انتي عارفه يعني ايه تيجي مكان زي دا مع عمر!

بيان: وسي عمر وارث الغرور من عيلة المنياوي ولا ايه

عمر: الله، حلوه سي عمر دي

بيان: يراجل

عمر: بقولك ايه حلي عني

بيان: طب اديني اخد لفه

عمر: لفه!

بيان: ااه لفه

عمر: ماهو طبيعي تبقى لفه بالنسبالك، امسكي، بتعرفي اصلا؟

بيان: هو علميا المفروض انها سهله، عمليا هنشوف دلوقتي

ــــــــــــــــــــــــــــــــــــــــــــــــــــ

تقى: الحقي يماما امجد

امجد: اوعي كدا

زقها ودخل جوا ومامتها طلعت ع الصوت

امجد: هي فين الست هانم

مامتها: عايز ايه يازفت انت

امجد: ي اهلا بالغاليه، اذا كنتي انتي مطاوعاها على الغلط طبيعي تطلع محدش كاسرها كدا

مامتها: اخرس يلاا، اياك تجيب سيرة بنتي

امجد: لا متقلقيش مش انا بس اللي بجيب سيرة بنتك، البلد كلها ملهاش سيره غيركوا

مامتها: ولا يفرق معايا لا انت ولا بلدك، ويلا اتفضل بره

امجد: انتي بتطرديني؟

مامتها: البعيد شايف ايه

امجد: انتي فاكره اني هسيبكوا تمشوا اللي ف دماغكوا؟، تبقوا بتحلموا صدقيني دانا هعمل واسوي فيكوا، هي فين الفاج*ره التانيه دي

مامتها: اخرس قطع لسانك، ورحمة الغالي لو مخرجتش بره دلوقتي ل اكون مبلغه عنك

سابها ودخل البيت بيدور على بيان في كل حته

امجد: الله الله، قاعدين في شقة راجل غريب ومرتاحين قوي ماشاء الله، هي فين الست هانم

مامتها: تعالى هنا بقولك، مفيش غيرنا هنا

امجد: وبيان فين

مامتها: مش هنا، خرجت، واتفضل امشي بقى

امجد: امشي فين، انا مش هرجع من هنا غير وانتوا معايا

مامتها: واحنا مش هنرجع دلوقتي، انت مالك انت

امجد: والناس اللي كلت وشي دي؟

مامتها: تتحرق انت والناس، ماتسيبونا في حالنا بقى

امجد: تبقى راحت معاه، اكيد

مامتها: ايوا معاه، وهو هيقفلك، ومش هتقدر تعمل حاجه طول ماهو موجود، ولا هتقدر تاخدنا بالعافيه

امجد: حيث كدا اخليه يجيبهالي لحد عندي

ـــــــــــــــــــــــــــــــــــــــــــــــــــــــــــــــ

المنياوي: مش عارف اعمل حاجه

حرم المنياوي: يعني ايه مش عارف

المنياوي: ابنك متورط في كذا حاجه، دا غير الناس بتاع المصنع اللي رفعوا قواضي بعد ماعرفوا ان ابنك اللي عمل كدا

حرم المنياوي: يعني ايه، يعني ابني كدا خلاص؟، هيتسجن؟

المنياوي: ااه

حرم المنياوي: ااه ايه، انت اتجننت، ابني ميتسجنش، مينفعش

المنياوي: اعمل ايه يعني، دي قضية رأي عام، افتحي شوفي الناس عامله ازاي، مابيصدقوا حد مننا يقع عشان يثوروا ضده، دا غير قضية القتل اللي ابنك هيتورط فيها، ومش هعرف اخرجه منها

حرم المنياوي: لا، خلاص نهربه، نخليه يهرب وميرجعش البلد دي تاني

المنياوي: معنديش حل تاني

ــــــــــــــــــــــــــــــــــــــــــــــــــــــــــــ

عمر: يلا

بيان: يلا ايه

عمر: هنمشي

بيان: لا مش ماشيه

عمر: ايه اصله دا

بيان: هو كدا، انا قاعده

عمر: مش كنتي بتصوتي دلوقتي؟

بيان: خليني قاعده هنا ملكش دعوه انت

عمر: ايوا بس احنا لسه طريق رجوعنا طويل، ومش عايز مامتك تقلق عليكي

بيان: مليش دعوه

عمر: مليش دعوه!، بنت اختي؟

بيان: مكملناش ساعه

عمر: ماهو للاسف مضطر امشي عشان انتي معايا، غير كدا بقعد لحد الغروب، بس اقول ايه، امشي ياختي

بيان: محدش قالك هاتني معاك، وبعدين المكان تحفه، استنى اتصور

اي دا، فين موبايلي

عمر: ضيعتيه؟، جدعه

فضلت تدور في هدومها وملقيتهوش

بيان: موبايلي ضاع، امي هتعمل مني كنافه

عمر: احسن

بيان: دور معايا الله يسترك

عمر: الله يسترك!

بيان: يلهوي دا ضاع بجد، دا عليه كل حاجه تخصني، تبا لذلك

عمر: تبا لذلك ااه، طب انا همشي وانتي معاكي ربنا بقى

بيان: عمر بطل نداله يعمر

عمر: الله، عايز اكل ياست

بيان: طب فين موبايلي

عمر: وانا اشعرفني

بيان: اكيد سرقته مني

عمر: ماهو دا اللي ناقص فعلاً، يلا طيب ونبقى نجيب غيره

بيان: غيره ايه يعم مش بالساهل كدا، ااه صحيح، رجال الاعمال حياتهم سهله

عمر وهو بيتنهد: اللهم اني لا اسألك رد القضاء ولكني اسألك اللطف فيه

بيان: عمر موبايلي لو معاك ياريت تقولي

عمر: مش معايا يبيان، هعمل بيه ايه يماما، معايا واحد والله، ياست هجيبلك واحد انا عشان انا رجل اعمال وحياتي سهله، يلا بقى

بيان: كنت عايزه اتصور بيه هنا، مش هاجي هنا تاني

عمر: اوووف، انا اللي جبته لنفسي، اتفضلي ياست

بيان: ايه دا

عمر: موبايلي، اتنيلي اتصوري خلينا نمشي

بيان: وانا اتصور بموبايلك ليه يابتاع انت

عمر: بت، قسما بالله هخبطك بحاجه ف دماغك، انجزي

بيان: على فكره دي مش معامله دي، خليك جان كدا

عمر: هتاخدي ولا امشي؟

بيان؛ هات، امري لله

خدت منه الفون وقعدت تتصور في المكان وهو بيلم حاجته في الشنطه

قام وقف وراها وخدتلهم صوره سوا

عمر: مين سمحلك تاخدي صوره معايا؟

بيان: انت اللي واقف ورايا

عمر: واقف مستني جنابك تخلصي

بيان: طب اضحك بقى

خدتلهم صوره اخيره وقفلت الفون ومشوا

بيان: احنا ليه ماشيين كدا، مش المفروض نرجع؟

عمر: هتعدي من فوق البحيره تاني؟

بيان: اكيد مش عايزه كدا

عمر: طيب في طريق تاني

بيان: ولما هو في طريق تاني، بتبهدلني معاك ليه

عمر: بصي ي انسه بيان، الحبل اللي اتزحلقتي عليه دا مايل للناحيه اللي احنا فيها دي، يعني تعرفي تتزحلقي وتيجي هنا، اما بالعقل بقى لو عايزه تروحي الناحيه التانيه، هتتزحلقي ازاي وهو مايل هنا!

بيان: هو ايه

سادت لحظة صمت بينهم، عمر بيحاول يستوعب هي بتفكر ازاي بس مفهمش ازاي حد بالغباء دا، سابها ومشي بفقدان امل فيها

فضلوا ماشيين وكل مايعدوا من حته بيان تفتح الفون وتتصور، اتصورت كتير وخدت صور ليهم سوا وهو قرفان منها ودا باين في الصور، بتقلب في الصور وهي ماشيه جنبه، فجأه اتكدرت وملامحها اتغيرت

بيان: اتفضل

عمر: ايه

بيان: موبايلك

حطت الفون في ايده ومشت هي قدامه، مفهمش هي ليه اتصرفت كدا، فتح الموبايل تاني لقى اخر حاجه كانت صورته مع رولا فعرف سبب قلبتها، بس استغرب ليه دا ممكن يضايقها

وصلوا العربيه

بيان: يلهوي اخيرا

عمر: رني ع مامتك قوليلها

بيان: الموبايل معاك

عمر طلع الموبايل ورن بس مبتردش

طلع ع البيت وخبطوا ع الباب بس محدش فتح

بيان بقلق: لا كدا في حاجه

فضلوا يخبطوا وينادوا بس بلا جدوى، عمر اضطر يكسر الباب

دخلوا جوا ملقوش حد

بيان: يعني ايه!، راحوا فين

عمر: معرفش

بيان: وفين الحرس اللي كانوا بره

عمر: برضو معرفش، استنى ارن تاني

فضل وراهم لحد مافتحوا

عمر: انتوا فين!

امجد: لا معاك امجد يعمر بيه

عمر: امجد!

بيان: عمل فيهم ايه

امجد: ااه مستغرب ليه، المفروض انا اللي استغرب بنت عمتي بتعمل ايه معاك، انما انا راجلهم، طبيعي يبقوا معايا

عمر: عرفت البيت ازاي

امجد: لا دا كان سهل بعد ما الست الوالده كانت عندك، انت فاكر هسيب لحمي وشرفي مع راجل غريب عادي كدا!

عمر: اسمع يلا، قولي انتوا فين

امجد: احنا في البلد، في بلدنا، ودلوقتي هتجيب بيان عشان تبقى وسط اهلها، وكتر خيرك على وقفتك معاهم

عمر قفل في وشه وراح للعربيه وبيان وراه

بيان: ماترد عليا في اي

عمر: خدهم البلد

بيان: البلد!، ليه

عمر: شايف ان وجودكوا معايا غلط

بيان: وانت هتعمل ايه

عمر: هنروح البلد

بيان ابتدت تتوتر وتخاف

بيان بخوف: يعني انت هترجعني!

عمر: انتي عايزه ايه!

ـــــــــــــــــــــــــــــــــــــ

ام امجد: وانت مالك انت محموق عليهم كدا ليه

امجد: انتي بتقولي ايه، هي مش بنت عمتي

ام امجد: هما مش عايزينك تتدخلهم في حاجه، انت مالك، وبعدين ماهما راحوا من ورانا مع واحد غريب وخلوا سيرتنا على كل لسان

امجد: وعايزاني اسيب الناس تتكلم وتقول امجد معرفش يكسر حرمتين، ليه مش راجل انا!

مامتها: لا مش راجل، لا انت ولا ابوك دا راجل، انا بقولهالكوا اهوا ابعدوا عننا، انتوا مالكوا انتوا، ثم ان الراجل الغريب دا هو اللي وقف معانا وساعدنا، دا مصدقش اخوه اللي من لحمه وصدق بنتي، وانت اللي المفروض تقف معاها صدقت الكلام دا عليها، تبقى راجل ازاي

امجد: هتعرفي ازاي لما البيه يجيبها وييجي

مامتها: لا مش هيجيبها، وانا اللي هقفلك، عايز ايه يعني هتعمل ايه

يلا يبت ياتقى

خدت تقى من ايديها وخرجوا من البيت وامجد وراهم

امجد: تعالي هنا رايحه فين

مامتها: وانت مالك، ماتحل عننا بقى

ابو امجد: اللي بتعمليه دا غلط، لمي الدور وادخلي جوا

مامتها: مش داخله بيتكوا، انا عايزه امشي

ام امجد: سيبوها تغور، كفايه فضايح لحد كدا

مامتها: اغور احسن ماقعد في وشك ياناكرة الجميل

ام امجد: جميل ايه ياختي، انتي ليكي عليا جمايل!

مامتها: اخص، اقول ايه، الخسيس مهما تعمله مش هيطمر فيه

امجد: احترمي نفسك، انتي بتكلمي امي

مامتها: اخرس قليل الادب انا محترمه غصب عنك، ولا عايز قلم تاني يربيك

امجد: لا المرادي مش هسمحلك، سكتلك ساعتها عشان انتي قد امي

مامتها: لا متربي يواد، متربي قوي ياحيلة امك

ابو امجد: كفاياكي فضايح، ادخلي جوا بقى كفايه الناس بتتفرج علينا

مامتها: خليهم يتفرجوا، خليهم يشوفوا بتعملوا فينا ايه، خليهم يعرفوا ويشوفوا بنفسهم بتستقووا علينا ازاي بعد مالراجل مات

امجد: ياعمتي اسمعي الكلام وادخلي جوا، عايزه تروحي فين يعني، ليكوا مكان فين غير هنا

مامتها: لا ملناش مكان معاكوا، احنا هنمشي وملكوش صالح بينا

شويه ووصل عمر وبيان بالعربيه، الناس كلها كانت واقفه تتفرج والكل بلا استثناء باصص عليهم

نزلت بيان وراحت لمامتها

بيان: ماما، في ايه

امجد: شرفتي يهانم، يلا اتفضلوا ادخلوا جوا

ابو امجد: يلا بقى كفايه فضايح

بيان؛ فضايح ايه، في ايه يماما

ام امجد: فضايح ايه!، دانتي جايه معاه بالعربيه لحد هنا، صحيح اللي اختشوا ماتوا

مامتها: بقولك ايه، احفظي ادبك والا قسما بالله اخلي اللي مايشتري يتفرج عليكي، هو انا عشان سكتلك هتسوقي فيها

ام امجد: وانا مالي ياختي، هو انا بتبلى عليها!، دي جايه معاه في العربيه قدام الناس كلها، ولا انا لوحدي اللي شوفت!

بيان: وايه المشكله اني جايه معاه في العربيه، ولا هو سوء ظن وخلاص

ام امجد: طبيعي ياهتي، اذا كانت امك عامله مش شايفه وسايباكي مع واحد غريب في شقته لوحدكوا، هتقولي ايه يعني

وسط الاجواء المشدوده بينهم والناس اللي بتتفرج عليهم، ام بيان ضربتها بالقلم على وشها

امجد وهو بيمسك دراعها: انتي مجنونه، بتعملي ايه

عمر: ايدك

امجد: مالها

عمر: شيلها بدل ماكسرها

ام امجد: تكسر ايه ياجدع انت، هي سايبه ولا ايه

عمر زقه بعيد عن ام بيان

عمر: لا مش سايبه، بس لو فكر يتطاول او يمد ايده، وقتها هكسرها فعلا

امجد وهو بيقرب منه: وياترى هتعرف تعملها لوحدك!

عمر: تحب تشوف!

ابو امجد: لا مش عايزين نشوف حاجه، ويلا اتفضل لو سمحت، بنتنا معانا وحضرتك اتفضل امشي

عمر بص لبيان ومامتها

عمر: بس تقريبا هما ليهم رأي تاني

ابو امجد: راي ايه، معندناش حريم ليها رأي

امجد: زي ماسمعت ياحلو كدا، الحريم عندنا لو فكرت تتكلم بنقص لسانها قص

خلص جملته وبص لبيان، عمر مسك وشه ورجعه ناحيته تانيه

عمر: بصلي انا مش هي

امجد: وانت مالك، دي بنت عمتي انا حر

عمر: لا مش حر، ولو هما مش عايزين يقعدوا هنا محدش هيقدر يجبرهم، والحقيقه انا مش عارف ليه كل دا، كرم كان هيتحكم عليه وهما هيرجعوا يعيشوا عادي زي الاول بدون مشاكل، ليه اللي بتعملوه دا، وليه واقفين تتخانقوا في الشارع؟

امجد: اصل زي ماتقول كدا، احنا ناس عندها اصول، وانت ابن مدينه بقى نقول ايه، شايف ان حرمتين يناموا معاك في بيت واحد دا عادي، لكن تخيل بقى انه عندنا مش عادي!، عندنا دي تبقى مصيبه يطير فيها رقاب، واحنا هنعرف نربي حريمنا كويس، اطلع انت منها

عمر: متأكد ان عندكوا اصول؟

ابو امجد: احترم نفسك يجدع انت

عمر: اصل بصراحه الاصول متقولش اقفوا اتخانقوا مع حريمكوا في الشارع قدام الناس، ومتقولش انك يكرم بيه تمد ايدك على ست حتى لو غلطت، اللي اعرفه ان لو بنتنا عملت حاجه غلط، نداري عليها من عيون الناس، منسمحش لحد يقول عليها كلمه واحده، وجوا بيتنا نعرفها الصح من الغلط، مش دي الاصول ولا ايه، دا اصلا لو هي غلطانه

ام امجد: وهي كل دا مش غلطانه!، بعد ماجابت العار ل اهلها وابوها مات بحسرته تبقى كش غلطانه!، هي الدنيا جرا فيها ايه

عمر: عندك بنات ياست انتي!

ام امجد: ايوا ليه

عمر: عندها كام سنه

ام امجد: اهي ساره، عندها 20 بس ليه

عمر: تخيلي بنتك مكان بيان

ام امجد: الشر بره وبعيد، انا بنتي ست البنات كلهم، عندها 20 سنه ومحدش سمعلها صوت لحد دلوقتي، مش رايحه جايه للجامعات والزفت وخلت اللي مايشتري يتفرج علينا

عمر: انا متأسف جدا ليكي ي انسه ساره على امتلاكك ام زي دي

امجد: لا انت كدا قليت ادبك، انا محترم انك ضيف في بلدنا

ام امجد: انا بنتي ربيتها كويس الحمدلله، عارفه الصح من الغلط، لا عمرها سافرت لوحدها ولا حتى ركبت مواصله لوحدها، مخاغظه على نفسها عشان تفضل رافعه راس ابوها، مش زي ناس، جايبين العار لاهاليهم، ودايرين من واحد لاخوه، وفضايحهم في الاخبار، وريحتهم فاحت

عمر لقى الكل بيتكلموا مع بعض وهما باصين على بيان ومامتها اللي واقفين في صمت وقلة حيله

عمر: طيب، اسمعوني كلكوا، اعتقد اغلبكم يعرفني، انا عمر المنياوي، اخو كرم المنياوي، كرم اللى عمل المشكله من الاول خالص، هو اساس كل اللي حصل، في الحقيقه انا ميفرقش معايا تفكيركوا ولا رأيكوا، بس هقول حاجه للمره الاخيره عشان يكون انذار اخير للجميع

بيان معملتش حاجه، اخويا اللي عمل كل حاجه، يعني عايز بس اعرف، واحد حاول يعتدي على واحده بالقوه في وسط الشارع، وربنا نجاها والعربيه خبط*ته، وعشان ابوه داخل على انتخابات ولازم شكله يبقى كويس قدام الناس، اتبلوا عليها وقالوا عليها كلام مش حقيقي عشان يلبسوها القضيه، انا عايز اعرف حاجه واحده بس، عايز راجل فيكوا ييجي يقف قدامي دلوقتي ويقولي هي ذنبها ايه في اللي حصل؟، ليه بتعملوا فيهم كدا!، دي بنت بلدكوا، يعني عرضكوا زي مابتقولوا، يعني لو هي اصلا غبطت المفروض تداروا عليها بسرعه وتصلحوا الغلط بينكوا عشان تحافظوا عليها لانها زي بناتكوا، هل انتوا عملتوا كدا؟،

بتعاقبوهم على ايه انا عايز افهم، اخويا اللي عمل كل حاجه، واعترف بنفسه ان بيان بريئه من كل حاجه اتقالت عليها، ليه بتحبوا تاكلوا في لحم بعض!، ها؟، مفيش راجل هييجي يرد عليا؟، ساكتين يعني!

كلهم بصوا لبعض وهما ساكتين ومحدش نطق

عمر: وعشان ربنا مبيرضاش بالظلم، كرم اتحبس، بس للاسف هرب، وكان جاي ينتقم من بيان ومامتها، وانا عشان احاول احميهم خدتهم عندي، وقبل ماتبصوا لبعض وتفكروا في حاجه، انا سبتلهم الشقه كلها طول اليوم كانوا لوحدهم، حاولت احميهم من اخويا، انا الغريب وحاولت احميهم، انتوا عملتوا ايه؟، واحده ابوها مات بسبب ظلم حد، وقفتوا معاها؟، ساعدتوها؟

ـ ايوا بس دا مش مبرر انها تقعد في شقتك، دي امها جت هي والبت الصغيره وبيان لسه معاك، ودا ميصحش عيب

ـ ايوا فعلا، وبعدين بدل مانت محموق عليها كدا، كان ممكن تجيبهم عن امجد ومحدش هيقدر يقربلهم هنا، البلد كلها رجاله، وخالها وابن خالها معاها، مين والنبي كان هيقدر يقربلهم

ـ بالظبط، ايه لزوم انهم يباتوا في شقتك، وكمان من غير مايقولوا لحد

امجد: شوفت يعمر بيه احنا معترضين على ايه؟، وبعدين ماعليك من كل دا، كلنا عرفنا ان بيان معملتش حاجه وان اخوك السبب، بس احنا هنعالج الحاجات اللي اتسببت في الفضايح دي، بنتنا هتفضل في حضننا وقدام عنينا، عشان محدش زي كرم بيه اخو حضرتك يحاول يضايقها تاني، ولا ايه!

ابو امجد: ايوه، ومفيش جامعه تاني، اصلا معرفش دخلك جامعه ليه، ماهي كلها بنات اهي وبيكتفوا بالدبلوم وخلاص، اخرتها ايه يعني، ودول دلوقتي معهمش راجل، ابوها مات، يعني غصب عنهم هيسمعوا كلمتنا، احنا المسؤولين عنهم، ولو مش بمزاجهم هيبقى غصب، لان ملهمش غيرنا

امجد: حاجه تاني يعمر بيه؟

مامتها بعياط: حسبي الله ونعم الوكيل، حسبي الله

ام امجد: بتحسبني على اخوكي عشان عايز يحميكي انتي وبناتك!، ياشيخه خير تعمل شر تلقى فعلا

مامتها: وانتوا كدا بتحموها؟، انتوا عايزين تذلوها

امجد: لا ياعمتي، هنحميها، انتي عارفه اني بحبها، انا هتجوزها، وهتبقى في حمايتي وتحت طوعي، وتحت رعايتي، ومفيش حد هيقدر يقولها كلمه

مامتها: ايه؟، تتجوزها؟

امجد: ااه، انا اولى بيها من الغريب، هلم الباقي عشان احافظ عليه

مامتها: لا طبعا، باقي ايه وبتاع ايه، استحاله اسلمك بنتي

امجد: مش بمزاجك، انا بعمل كده لمصلحتها، وبعدين انا فيا ايه وحش، ولا تكونيش فاكره ان حد هيقبل يبصلها بعد كل الكلام اللي اتقال عليها دا، حتى لو مش صح، طلاما البنت طلع عليها كلام بتبقى صورتها وحشه

بيان: بس انا مش موافقه عليك

امجد: عايزه تعيشي من غير راجل؟

بيان: اكيد مش انت الراجل دا

امجد: ليه

بيان: مش عايزاك

امجد: لسه شايفه ان ليكي حق الاختيار

بيان: طبعا، اشتريتوني!

امجد: لا، بس انتي عارفه عاداتنا، انتوا ملكوش رأي يبيان، وربنا اداكي فرصه تتجوزي اهو بعد كل اللي حصل، دا غير ان كدا كدا ملكوش مكان غير هنا، خلاص المشكله اتحلت، ارجعوا عيشوا في بيتكوا تاني، والاستاذ عمر يشوف حياته، ع العموم نتكلم في الحاجات دي بعدين، بينا وبين بعض، عمر بيه يتفضل بس الاول ويشوف وراه ايه، واحنا هنحل مشاكلنا دي سوا

بيان بصت لعمر بخوف، بصلها بنظرات طويله مفهمتش منها حاجه

عمر: بيان هترجع معايا

امجد: الظاهر انك مفهمتش، بيان هتبقى مراتي، يعني هتعيش معايا انا، هكتب عليها النهارده

عمر: لا، مش هتبقى مراتك

امجد: البيه مش موافق ولا ايه

عمر: ااه

امجد: هه وحد قالك اننا مستنيين رأيك؟

عمر: لان في الواقع هي مينفعش تتجوزك

ام امجد: ليه، هي تطول تتجوزه اصلا!

عمر: لا يجوز

ابو امجد: هو ايه اللي لا يجوز

عمر: انها تتجوزه

امجد بعدم فهم: ازاي

عمر: لانها مراتي

يُتبَع... 🕊

Gy...

ن

Part 15..

Hassnaa Ramadan.. 🖤

عمر: لانها مراتي

الكل بصوا لبعض بدهشه

امجد: انت بتقول ايه، مراتك ازاي

ابو امجد: لا دتنت اتجنيت خالص

عمر: لا متجنتش ولا حاجه، كتبت كتابي عليها النهارده، واعتقد دا شئ كفيل انه يثبت للكل انها احسن واشرف واحده هنا، لو مكانتش كويسه مكنتش فكرت اتجوزها، يعني وجودهم معايا في البيت كان عادي لانها مراتي، في حاجه تاني!

امجد: اللي بيقوله دا صح؟، ردي

بيان بصت لمامتها وهما الاتنين مستغربين من تصرف عمر ومش عارفه ترد تقول ايه

عمر لما شاف ترددها اتكلم هو

عمر: بقولك مراتي، يعني تكلمني انا مش هي

امجد: انت بتقول ايه، دا مستحيل يحصل، على جث*تي ان دا حصل

عمر: ماهو حصل

امجد: بيان ردي عليا، انتي اتجوزتيه فعلا؟

ابو امجد: ماتتكلمي يابنتي، اتجوزتيه امتى وليه

بيان بتردد: ااه، اتجوزته

امجد: ليه

بيان: ملكش دعوه، انا مش عايزاك، سواء كنت اتجوزته او لا مكنتش هوافق عليك

ابو امجد: شوفتي ليه عملنا معاكي كدا؟، عشان قلة الاد*ب دي، روحتي اتجوزتي من غير ماتعرفي حد، ايه، ملكيش كبير!

مامتها: لا ليها كبير، انا كبيرتها، وانا وافقت على جوازها، عايز ايه بقى، عشان تحلوا عننا بقى

ابو امجد: ولما هو عايز يتجوزها مجاش يتقدم هنا ليه؟، انت مش جيت عزيت في ابوها واحنا اللي اخدنا العزا؟

عمر: حصل، والصراحه لقيت ان ناس زيكوا مينفعش يكونوا كبار عيله، ليه، لانكوا مبتفهموش في الاصول، ودلوقتي اتأكدت بنفسي، لما جيت وشوفتكوا بتعاملوهم ازاي وفي الشارع قدام الناس

ام امجد: بنعاملهم ازاي، هو عشان عايزين يحافظوا عليها ويستروها بعد الفضيحه دي

عمر: انتي لسه مصممه انها فضيحه؟

ام امجد: طبعا، سواء ليها ذنب او لا الفضيحه حصلت وخلاص والناس كلها بتتكلم عليها، وبعدين هو صح انها تروح تتجوز من ورا اهلها؟

عمر: لا مش من ورا اهلها، مامتها واختها معاها، هما دول اهلها، بعد اللي عملتوه دا اتمنى متقولوش على نفسكوا اهلها

امجد: بيان، بيان قولي الحقيقه، انتي بتقولي كدا عشان ترجعي معاه صح!، اكيد متجوزتوش

بيان:......

امجد: بيان ردي عليا، قولي انك بتقولي كدا عشان ترجعي معاه، وصدقيني مش هعمل حاجه، ومش هجبرك على حاجه، طيب مستعد اتجوزك بره، مش هنقعد هنا

ام امجد: انت بتقول ايه

امجد: بيان انتي عارفه اني بحبك من واحنا عيال، دانا جهزت كل حاجه على اساس اني هتجوزك، خلاص شوفي عايزه تقعدي فين وهنقعد، ومامتك واختك يقعدوا معانا، انا موافق، مش هخليكي تيجي هنا تاني ولا حد هيقدر يقولك كلمه، بس قولي ان دا كدب

بيان: بتحبني!، متأكد!

امجد: طبعا

بيان: امال ليه مصدقتنيش، ليه مع اول مشكله تقابلني وقفت ضدي، طيب مامتك وعارفين انها مش بتحبني لا انا ولا ماما، وابوك ماشي وراها، طيب انت؟، موقفتش معايا ليه؟، ها، ليه جيت القسم وكنت هتضربني من غير حتى ماتسمع مني، مديتنيش فرصه اشرحلك او اقولك اني معملتش حاجه، وليه لومتني في موت ابويا!، انت حتى كلامك كله سم، بتحبني من انهي ناحيه

امجد: ماشي انا غلطت، بس كل دا كان من خوفي عليكي، من حبي فيكي اتجننت لما سمعت اللي اتقال عنك، كنت بفضي غضبي فيكي عشان خليتيني احس بالاحساس دا بسبب اللي عملتيه، لكن انا بحبك، وقولتلك كدا من زمان

بيان: وانا مش عايزه كلام، انت عارف دا مين؟، دا اخو كرم، كرم اللي اتسبب في كل دا، شايفه واقف فين وبيعمل ايه، واقف بيدافع عني وبيرد على كل اللي اتقال في حقي، الاولى انه كان يقف مع اخوه، مش معايا، لكن هو اللي وقفلك ي امجد، وهو اللي موقفك عند حدك، عشان كدا هتجوزه اهو مش انت

امجد: هتتجوزيه!

بيان: اتجوزته قصدي، في كل الاحوال ملكش دعوه، سيبونا في حالنا بقى، ودي اول واخر مره تقرب لامي واختي، خلاص انا دلوقتي متجوزه وامي عايشه معايا، مفيش بينا وبينكوا غير صلة الرحم وبس

مامتها: سمعتوا!، قدام البلد كلها اهو بقولكوا ملكوش دعوه بينا تاني، ولا تتدخلوا في حاجه تخصنا، احنا هنعيش حياتنا وانتوا عيشوا حياتكوا بعيد عننا ربنا يسهلكوا

ابو امجد: ودا ينفع برضو!، عايزين تعيشوا من غير راجل؟

مامتها: اسم الله عليك وهو عمر مش مالي عينك؟

ابو امجد: لا مقصدش، بس اللي بتعملوه دا غلط

مامتها: احنا راضيين بيه المهم نعيش في حالنا كفايه مصايب

امجد: مستحيل، بيان اللي بتقوليه دا مستحيل

عمر: هو ايه اللي مستحيل

امجد: انكوا اتجوزتوا، دا مستحيل يحصل، دا غير اني عرفت اصلا انك خاطب واحده، او بمعنى اصح ماشي معاها وبتحبها، يعني هتخطبها

عمر: دا حقيقي، وسيبنا بعض، صحيح كنت بحب واحده وسيبتها، واتجوزت بيان، ايه الغريب في كدا

امجد: وايه اللي خلاك تتجوزها!

عمر: عادي، مش هلاقي احسن منها

امجد: بل هتلاقي، اشمعنى دي اللي قولت تتجوزها وانت اصلا بتحب واحده تانيه وصوركوا في كل حته مع بعض

عمر: مش شغلك، دا شغلي انا، وبيان دلوقتي مراتي، وانا بقولها بصوت عالي قدام الكل، بيان مراتي، وعايشه معايا في بيتي هي ووالدتها واختها، وبما انها بقت مراتي احب اقول اني لو سمعت ان كلمه اتقالت في حقها او حد بصلها بصه متعجبهاش، وقتها هستخدم اسمي، عمر المنياوي، قسما بالله اخليكوا تمشوا في الشوارع مش لاقيين مكان يأويكوا، اللي هيتجرأ ويتطاول عليها ميلومش غير نفسه، ولو واحده حبت تشوف نفسها عليها او تلقح عليها ب اي كلمه، صدقوني هنسى انكوا ستات، اللهم بلغت، اتمنى يكون الكل سمع، ودلوقتي هاا، حد عنده اعتراض؟

بص حواليه بس الكل كانوا ساكتين

عمر: كويس، كويس جدا، اتمنى تعرفوا مصلحتكوا فين

ابو امجد: واحنا نضمن منين انكوا متجوزين فعلا، مش ممكن تكونوا بتقولوا كدا عشان تاخدها معاك؟

عمر: والله حضرتك لو حابب تيجي معايا اتفضل، القسيمه هناك للاسف مجبتهاش معايا، اتفضل معانا وشوفها وتاخد واجبك ونرجعك بيتك تاني

ام امجد: لا ملناش صالح بيكوا، روحوا الله يسهلكوا

امجد: لا لينا، هاجي معاك واشوف القسيمه بنفسي

ـــــــــــــــــــــــــــــــــــــــــــــــــــــــ

ـ يافندم دي قضية رأي عام، مقدرش اخدك فيها

المنياوي: يعني ايه، انا قولت مفيش غيرك هيساعدني

ـ يامنياوي بيه ابنك مش متهم في قضيه واحده، دا غير ان عمر بيه متابع القضيه بنفسه، وبصراحه بيعمل كل جهده عشان كرم يتحاسب

المنياوي: انا مليش دعوه بعمر، انت لازم تتصرف وتلاقيلي حل، نهربه بره، ونجيب حد مكانه يشيل الليله

ـ مش بالسهوله دي

المنياوي: لا بالسهوله دي، وكدا هيكون اسهل

طلعله شيك وحطه قدامه

ـــــــــــــــــــــــــــــــــــــــــــــــــــــــــــــــ

ـ بس تعرفي ياهانم، انا مكنتش اتخيل ان عمر يعمل كدا، متأخذينيش يعني بس هو ليه ممكن يقف ضد اخوه واهله بالشكل دا

حرم المنياوي: عمر طول عمره كدا، حابب يعيش بضميره وباخلاقه، ميعرفش ان طلاما ربنا اداك منصب او حاجه عاليه في بلد زي دي، يبقى تستغلها كويس قوي، ولكن المرادي بالذات انا مش مرتاحه اصلا للبت دي

ـ ليه ياهانم

حرم المنياوي: ساب خطيبته، ومقعد البت دي في بيته، وسايب شغله وسفره واهله وكل حاجه عشان خاطرها، انا هتجنن، ازاي الانسان يضحي بكل حاجه كدا عشان واحده ميعرفهاش

الفون رن

بصت للفون بتوتر ورجعت بصت للشغاله

حرم المنياوي: طيب روحي انتي دلوقتي

استنت لحد مامشت وبعدين فتحت

حرم المنياوي بصوت واطي: اييه، مش قولتلك مترنش دلوقتي؟

من ورا العامود واقفه الشغاله بتسمعها

ـــــــــــــــــــــــــــــــــــــــــــــــــــــــــــــ

‏في شقة عمر

‏امجد: فين القسيمه

‏عمر: في الطريق

‏امجد: ازاي

‏عمر: استنى وهي شويه وهتوصل، مستعجل ليه

‏ابو امجد: مش مستعجلين ولا حاجه، نستنى وماله

‏عمر: ادخلي يابيان لو سمحتي اعملي حاجه يشربوها

‏ابو امجد: لا مش عايزين حاجه

‏عمر: بيان

‏بيان: حاضر

دخلت المطبخ تعملهم حاجه، شويه والباب خبط، قام عمر فتح

عمر: اتفضل

دخل راجل ومعاه الدفتر ومعاه شابين

بيان خرجت حطتلهم الحاجه

امجد: ايه دا

عمر: ايه، مش عايز قسيمه! هوريهالك دلوقتي

المأذون: فين العروسه

عمر: اهي

امجد: ايه التهريج دا، انت مش قولت اتجوزتها

عمر: ايه دا انا قولت اني اتجوزتها؟، يقطعني، كان قصدي اقول اني هتجوزها بس نسيت، معلش

ابو امجد: انت بتستهبل ياجدع انت!

عمر بحده: احترم نفسك، انا دلوقتي هتجوزها، وهتشوفوا القسيمه، عايزين ايه تاني

امجد: لا مش هتتجوزها

عمر: مين هيمنعني

امجد: انا

عمر: بصفتك ايه، انا موافق والعروسه موافقه ومامتها موافقه، انت مالك

امجد: بيان انا مش هسمح بدا انه يحصل

عمر: لا هتسمح، ودلوقتي الحمدلله البلد كلها عرفت ان بنت عمتك محترمه وكويسه ومتجوزه، يعني لو حصل واتقال في البلد انها مكانتش متجوزاني، يبقى حد منكوا انتوا الاتنين اللي راح قال، ووقتها يبقى المشكله من عندكوا انتوا وانتوا اللي غاويين فضايح وكتر كلام، هكتب الكتاب قدامكوا وخلص الموضوع

ابو امجد: خلاص خلاص، سيبهم يا امجد

امجد: اسيبهم ازاي

عمر: يلا يحضرة المأذون لو سمحت بسرعه

المأذون: بارك الله لكما وبارك عليكما وجمع بينكما في خير

عمر: ادي القسيمه اهي، حاجه تاني؟

امجد وابوه بصوا لبعض وهما ساكتين

عمر: اعتقد الليل مينفعش يحل عليكوا وانتوا هنا عشان وراكوا سفر صح؟

ابو امجد: يلا يابني

امجد: ماشي، ماشي يبيان

عمر مسكه من رقبته: دي اول واخره مره توجه فيها كلام تهديد لمراتي، والا قسما بالله اخلي ابوك دا يتحسر عليك، مفهوم؟

ابو امجد: بس خلاص انت وهو، يلا ي امجد امشي

شده من ايده ومشوا وهو بيبص بحقد لعمر

الكل مشوا وقفلوا الباب

مامتها: انا مش عارفه اقولك ايه يابني، كتر خيرك

عمر: متقوليش حاجه، كل دا كرم السبب فيه، وانا بحاول اصلحه

مامتها: وانا ذنبك ايه بس، طب كدا هنفضل قايلين للناس انكوا متجوزين صح!

عمر: اعتقد اهل البلد لازم يبقوا فاهمين كدا، يعني مش هيفرق معاكوا لان المفروض انتوا مش هترجعوا، ولا ايه؟

بيان: لا مش هنرجع البلد تاني، هنبيع البيت وهجيب شقه هنا ونعيش هنا، دا، دا بعد مانطلق يعني

عمر: ااه، طيب مفيش مشكله، المهم دلوقتي انا مضطر امشي عشان عندي حاجات مهمه قوي لازم اعملها

مامتها: كل الاول يابني، انت على لحم بطنك من الصبح

عمر: لا متتعبيش نفسك مش مهم

مامتها: الاكل جاهز يابني جهزته قبل مامشي، هحطه كل لقمه وبعدين روح

عمر: طيب ماشي

دخلت حطت الاكل بسرعه وقعدوا ياكلوا

عمر: كدا محدش له عندكوا حاجه، وكل حاجه بقت واضحة للناس، وشقتي تحت امركوا طول الوقت، وانا هفضل معاكوا لحد مانخلص من موضوع كرم

مامتها: ربنا يخليك يابني ويكرمك يارب، دانت ربنا بعتك لينا من السما والله

بص على بيان لقاها باصه في الارض وزعلانه

عمر: بس بيان شكلها مش مبسوطه

بيان: لا عادي

مامتها: في ايه

بيان: مفيش حاجه بجد، انا بس متضايقه عشان مش عارفه ازور ابويا

عمر: نخلص من الموضوع دا وبعدين هتقدري تروحي براحتك

مامتها: طب كل يابني كل، دانا عاملالك كل دا عشان تاكل وتتغذى شويه

عمر: تسلم ايدك ياحماتي والله الاكل تحفه

بيان: حماتك!

ـــــــــــــــــــــــــــــــــــــــــــــــــــــــــــــــ

حرم المنياوي: يخربيتك طلعت هنا ازاي

ـ زي الناس هيكون ازاي يعني، اكيد مش هدخل من الباب يعني

حرم المنياوي: مخوفتش حد يشوفك

ـ مش قولتي جوزك مش جاي النهارده عشان عنده شغل!

حرم المنياوي: ااه، بس مودي مش تمام

ـ ليه

حرم المنياوي: ليه ايه، على اساس انك معرفتش اللي حصل

ـ لا عرفت، بس الصباح رباح، خلينا في دلوقتي

حرم المنياوي بضحك: على فكره في شغالين هنا، خلي بالك

ـ هنعملهم ايه، واحده وقاعده في اوضتها وقافله على نفسها، حصل ايه يعني، المهم جوزك ميرجعش

حرم المنياوي: لا متقلقش تعالى

ـــــــــــــــــــــــــــــــــــــــــــــــــ

في الفون

عمر: الورق مش معايا هنا

ـ......

عمر: طيب هطلع ع الڤيلا اجيبه واجي بسرعه، المهم خلص اللي قولتلك عليه

ــــــــــــــــــــــــــــــــــــــــــــ

المنياوي: لا هروح

السكرتيره: مش قولت هتقضي النهارده معايا!

المنياوي: طلعلي شغل للاسف، محتاج اروح عشان محتاج ورق من هناك

السكرتيره: يعني مش جاي خالص؟

المنياوي: بكره بقى، بس متشوفي حاجه كدا نستنى عليها لحد بكره

يُتبَع... 🕊

gy...

كل سنه وانتوا طيبين للي بيدخلوا يشخلعوا الاكونت عندي، اما اللي مبيدخلوش فلا صباح ولا مسا ولا كلمه كويسه..

ن

البواب: اهلا اهلا عمر بيه، اتفضل يفندم

عمر: ازيك يعم مصطفى، بقولك ايه هو بابا موجود؟

البواب: لا يافندم مرجعش

عمر: طيب متشكر جدا

ركن العربيه ودخل

ـــــــــــــــــــــــــــــــــــــــــــــــــــــــــــــــ

مامتها: مالك يابت قاعده كدا ليه

بيان: انا مش مصدقه يماما

مامتها: مش مصدقه ايه

بيان: يماما انا مكنتش اتخيل اني ممكن اتجوز بالطريقه دي

مامتها: وانتي معتبراها جوازه بجد؟

بيان: لا، بس

مامتها: مبسش، كل دا كلام على ورق، كتب كتابه عليكي عشان يقدر يقف قدام امجد وابوه بصفته جوزك، عشان دي الطريقه الوحيده اللي تخليهم يبعدوا عننا، لكن في الحقيقه مفيش حاجه يبيان، انتي فاكره انتوا متجوزين بجد ولا ايه يابنتي

بيان:....

مامتها: بيان، لو في حاجه جواكي قولي

بيان: حاجة ايه يماما بس

مامتها: اي حاجه يابنتي، حاساكي مش على بعضك، في حاجه غلط، وخليكي عارفه انها غلط، يعني متنفعش، ومش هتحصل

بيان: ليه

مامتها: ليه!، يبقى احساسي صح يابنت بطني، بس في كل الاحوال مينفعش، متعشميش نفسك بحاجه مستحيل تحصل

بيان: انا داخله اوضتي

ـــــــــــــــــــــــــــــــــــــــــــــــــــــــــــــــ

عمر داخل الفيلا ومستغرب ان مفيش حد، الشغاله اول ماشافته برقت واتوترت مما اثار استغرابه

عمر: ماما فين

الشغاله: ها، اا

عمر: ها ايه

الشغاله: في اوضتها يعمر بيه، بترتاح شويه، تحب اعملك حاجه تشربها!

توترها خلاه شك ان في حاجه غلط

عمر: لا متشكر، هطلع اوضتي

سابها وطلع السلم وعدى من قدام اوضة مامته بس كان الباب والنور مقفولين

هيكمل بخطوات بسيطه توديه اوضته بس الباب فتح

طلعت وهي شبه مش لابسه وباصه وراها بتكلم حد في الاوضه وبتضحك

اول ماشافت عمر برقت ووشها اتخطف

مامته: عمر!

عمر مخدش وقت كتير عشان يستوعب المنظر، الدم كان بيغلي في عروقه وهو باصص في عينيها

مامته بتوتر: عمر انت، انت رجعت امتى

عمر:....

مامته: عمر، في حاجه

عمر: كنتي بتعملي ايه

مامته: كنت نايمه، بس ا..

قطع كلامها صوت حاجه خبطت جوا

ـ يلا بتعملي ايه كل دا

غمضت عينيها جامد ورجعت بصت لعمر

مامته: عمر، عمر اسمعني، انا هقولك

لسه هيرد بس وقفه صوت المنياوي

المنياوي: في ايه

برقت اكتر من الصدمه ولسانها اتعقد مبقتش عارفه تتكلم

المنياوي: اي دا، انت بتعمل ايه هنا

عمر مردش عليه وفضل باصص عليها

المنياوي: بكلمك بصلي، بيعمل ايه هنا دا

مامته: اا، احم، ا هو

المنياوي: ماتنطقي، وايه اللي انتي لابساه دا

مامته:....

عمر: كانت نايمه، كانت نايمه وصحت على صوتي

المنياوي: وانت ايه اللي جابك هنا، انا مش قولتلك متعرفناش تاني!

عمر: مش جاي عشانكوا، جاي اخد حاجه وماشي، وغالبا هاخد كل حاجه، مش ناوي ادخل هنا تاني

المنياوي: يكون احسن، احنا اتبرينا منك اصلا، معنديش ابن اسمه عمر

عمر: كان نفسي

بص لمامته بصه اخيره وراح اوضته

حرم المنياوي: انت، انت ايه اللي جابك، مش قولت عندك شغل!

المنياوي: هكمل هنا، انا في مكتبي عشان عندي شغل كتير، ولما عمر يخرج عرفيني

حرم المنياوي: حاضر، اجيبلك حاجه تاكلها؟

المنياوي: مالك في ايه، عرقانه كدا ليه

حرم المنياوي: ايه، لا بقولك كنت نايمه وقلقت لما سمعت صوت عمر

المنياوي: وازاي تقفي قدامه بالمنظر دا، ماتلبسي حاجه

حرم المنياوي: حاضر ملحقتش البس بس

سابها وراح المكتب وهي دخلت بسرعه وقفلت الباب من جوا

حرم المنياوي: قوم، قوم اقف بسرعه بتعمل ايه عندك

ـ لما سمعت صوت جوزك استخبيت

حرم المنياوي: طب يلا بسرعه هتودينا في داهيه، يلا قبل ماييجي

ـ طيب حس بحاجه؟

حرم المنياوي: لا، بس عمر، عمر سمع صوتك

ـ وعمل ايه؟

حرم المنياوي: معملش حاجه، سكت، ربنا يستر، يلا انت دلوقتي

ــــــــــــــــــــــــــــــــــــــــــــــــــــــــ

ام امجد: انا عايزه اعرف انت زعلان ليه دلوقتي

امجد: سيبيني في حالي يامي والنبي

ام امجد: اسيبك دا ايه، عامل في نفسك كدا ليه، وعشان مين

امجد: اسكتي يامي ابوس ايدك انا مش ناقص

ام امجد: ياعبيط، دا بدل ماتحمد ربنا انه نجاك منها، بت سايبه ومفيش حد كاسرها، واهي راحت اتجوزت ولا عرفت حد، تستأمنها على بيتك وعيالك ازاي بس

امجد: بتقولي ايه يامي، مانتي عارفه اني بتنيل بحبها من زمان، انا اللي ضيعتها من ايدي

ام امجد: وانت مالك بقى، ثم اصلا دانت خساره فيها

امجد: لا مش خساره، هي معملتش حاجه غلط، انا اللي قسيت عليها بسبب كلام الناس، لو كنت وقفت معاها وساعدتها، كانت اكيد نظرتها ليا هتختلف، خاصة بعد وفاة ابوها، اكيد كانت محتاجاني، لو كنت قولتلها انا مصدقك متأكد كانت هتحبني، بس انا اللي اديت فرصه للجدع دا

ابو امجد وهو داخل: الحميه كانت واخداك قوي ياخويا، وعمال تشخط وتنطر فيها، كنت مستني ايه يعني

امجد: معرفش، بس انا مش هسكت، والله ماهسكت، بيان ليا انا

ام امجد: ليك ازاي، البنت اتجوزت خلاص ربنا يسهلها بعيد عننا

امجد: لا، لا مينفعش، استحاله اسيبها لحد غيري، استحاله

ـــــــــــــــــــــــــــــــــــــــــــــــــــــــــــــ

في الفون

عمر: ايوا نعم

الظابط: تقدر حضرتك تيجي يفندم دلوقتي

عمر: ليه وصلتوا لحاجه؟

الظابط: لقينا ج*ثة معتصم

عمر: ايه

الظابط: للاسف يفندم طلع مقتو*ل فعلا، يعني الدم دا مكنش مجرد اصابه

عمر سمع الكلام ومكنش قادر ينطق، كان عنده امل بسيط ان صاحب عمره يطلع عايش، كمان عشان هو اللي بعته ورا كرم، يعني هو السبب في مو*ت صاحبه

قفل الفون ومسك دماغه، مش مستوعب كم المصايب اللي جايه ورا بعض، خيانة مامته، ولا مصايب كرم، ولا مو*ت صاحبه بسببه وهو ملوش ذنب، ولا شغله اللي شبه خسره، ولا خطيبته اللي خانته ولا ايييييييي

بس ردد بلسان صادق وقلب مطمئن

عمر: الله فعل هذا، والله كفيل به... اللهم اني لا اسألك رد القضاء ولكني اسألك اللطف فيه

مشي بعربيته ووقف قدام مسجد، دخل اتوضى وصلى، لاول مره يكون تايه بالشكل دا، خسر كل حاجه بيملكها، مشاعره مشتته بين زعله وقهره من اهله وبين خوفه على اخوه اللي من دمه وبين ضميره اللي بيحتم عليه يقف مع الحق ولو ع حساب نفسه، وذكرياته مع صاحب عمره اللي ابتدت تتدفق في دماغه بشكل لا ارادي، افتكر كل كبيره وصغيره معاه، مغامراتهم سوا وضحكهم وحزنهم، ليه حد برئ يروح ضحية حد تاني، والادهي ان التاني دا اخوه، يعني مهما حصل في مشاعر من الخوف والحب والعتاب ليه...

حاجات كتير اثقلت كتفه وحنت ضهره

بس كل دا وقع لما سجد لله بكل جوارحه، سجده اطمئن بها فؤاده وسلم بها امره لله، سجد وقلبه بيقول حاشاه الله ان يشقي عبده الا واراد به خيرا، الله احن علينا من انفسنا، واقرب لنا من حبل وريدنا، واعلم مِنا بما هو خيرٌ وانفع واصلح لنا، سبحانه رحيم بنا لا يرُدنا خائبين إن لجأنا له، يفرح بعودتنا بعد غياب ويسوقنا للخير ويسوق الخير الينا...

انهى صلاته بعد مده لا يعلمها، وقف بين ايدين ربنا ومحسش بحاجه حواليه غير رحمه ومغفره من رب الكون محاوطينه، انا عاصي ولكني عبدك، عبد لرب غفور رحيم قادر على كل شئ، سيقبلُني، حتما سيقبلُني....

الحمل خف من عليه وحس براحه نفسيه عظيمه وطاقه روحانيه جليله من مكان جليل آمِن، وكلٌ في حضرة الله آمِن..

قعد مكانه وهو مستقبل القِبله وساكت، بس قلبه قال كل حاجه، قلبه حكى لربنا كل حاجه، حكاله قد ايه هو ضعيف وتايه ومش لاقي حل لأي حاجه، قد ايه الدنيا اثقلت قلبه، وهل هو صح ولا لا، هل عمل حاجه فيها عقوق ولا لا، بس عقوق ازاي، لا طاعة لمخلوق في معصية الله، وهما كل اللي عملوه لا يُرضي الله، حبيبته اللي حبها حب كبير واداها كل مشاعره وكان ناوي وكله ايمان بإنه هيعرف يغيرها ويتغيروا سوا للاحسن وتكون انسانه كويسه صالحه، خانته، ملحقش يعلمها ويقنعها ان الاحتشام والاخلاف والخوف من ربنا اهم من الدنيا بحذافيرها، كل مشاعره راحت سُدى، اضحى بلا اهل او حبيب او صديق..

عمر: معي الله، وهذا كل شئ

طلع من المسجد بعد وقت طويل كان قادر انه يرمم فيه ماكُسر في قلبه ويبرد قهرته

ركب عربيه ومشي

راح شاف جث*ة صاحبه وبلغ اهله

مكنش قادر يتحمل قهرة اهله وصويتهم في جنازته، تظاهر بالثبات وهو من جواه بيرجف

خد عزاه وانتهى من كل شئ وكان ماشي، بس زلزلة قلبه نظرة ام معتصم، قاعده ساكته مش بتعيط حتى، بصاله بنظره خلته حس بقهر المظلوم، مقدرش يروحلها، ركب عربيته ومشي

فضل ماشي في الشوارع مش عارف يروح فين ولا يعمل ايه

ـــــــــــــــــــــــــــــــــــــــــــــــــــــــــــــــ

حرم المنياوي: ازاي، لقوها ازاي مش قولت خبيتها؟

المنياوي: معرفش، رجالتي الاغبيا قالولي ان كل حاجه تمام

حرم المنياوي: يعني كدا كل القواضي لابسه كرم، صح؟

المنياوي: انا هتجنن، ازاي بت مفعوصه زي دي، تدخلنا في كل المصايب دي، معقول كل دا يحصل عشان بس كان عايز يتعرف عليها!

حرم المنياوي: حقها، حقها تعمل اكتر من كدا، اذا كان ابنك المصون بيشجعها وبيعادي اهله عشانها، حقها تركب وتدلدل

المنياوي: المهم كرم دلوقتي، لازم الحقه

حرم المنياوي: هربه، هربه ارجوك، وكدا كدا مش هيحتاج انه يرجع البلد دي تاني، انقذ ابني ارجوك

قطع كلامهم صوت رنة موبايلها

بصت في الموبايل وبلعت ريقها ورجعت بصت لجوزها

المنياوي: مين

حرم المنياوي: لا، دا رقم، رقم غريب مش مهم، المهم كلم اي حد، اعمل اي حاجه، انا مش هسمح ل دا انه يحصل انت فاهم؟، امال انت لازمتك ايه!

الفون رن تاني

المنياوي: شوفي مين

حرم المنياوي بتوتر: لا تلاقيها واحده صاحبتي ابقى...

المنياوي: بقولك شوفي مين

نظرته قلقتها وحست ان امرها كُشِف

ـــــــــــــــــــــــــــــــــــــــــــــــــــــــــــــــ

ام بيان: الباب بيخبط ياتقى قومي افتحي

تقى: مليش دعوه انا بلعب خلي بيان

بيان: ياساتر عليكي، حتى الباب مش عايزه تفتحيه

طلعت فتحت لقته عمر، كان ساند راسه على ايده اللي محطوطه على الحيطه مستنيهم يفتحوا

بيان: عمر

رفع وشه ولما شافت الارهاق اللي كاسي وشه وعينيه الحمرا قلقت

بيان بخوف: انت كويس!

عمر: كويس

بيان: في حاجه حصلت

عمر: لا مفيش حاجه

دخل وسلم على مامتها وتقى

مامتها: احضرلك الاكل بقى

عمر: لا متشكر، كلوا انتوا انا هدخل انام

مامتها: مالك يابني خير، في حاجه!

عمر:.....

مامتها: شكلك تعبان قوي ياحبيبي، اسم الله عليك ايه اللي حصل، اتخانقت مع اهلك تاني!

نبرتها وحنيتها في الكلام وجعوا قلبوا اكتر، حسسوه بحاجات مفتقدها من سنين

عمر: لا بس محتاج انام شويه عشان مصدع

مامتها: طب ايه رأيك بقى انك مش هتتحرك من هنا غير لما تاكل؟، دانا عامله شوية اكل انما ايه، هتاكل صوابعك وراهم، وبعدين بقالك كتير بره، وقلبي بيقولي انك مكلتش حاجه، تعالى بقى اقعد كدا واستهدى بالله وانا هدخل اجيبلك الاكل انا وبيان وتاكل كويس وتشرب شاي يعدلك دماغك وتقعد تقولي مالك هه

ابتسم بتعب

عمر: مصممه يعني!

مامتها: ايواا

عمر: ولو اني مليش نفس للاكل بس ماشي

مامتها: نفس ايه ومش نفس ايه، هو الواحد لو هيطاوع نفسه هيعمل حاجه!، هي لو بالنفس مكنتش كلت حاجه ولا وعملت حاجة بعد المرحوم، دا كان جنتي ع الارض، بس يابني هي الدنيا هنعمل ايه

بيان: ايه ايه هي محاضره!، بيقولك تعبان يوليه ادخلي هاتي الاكل

مامتها: ماتتلمي يابت بدل ماجيبك من شعرك

بيان: ايه دا ايه العنف دا، مش قدامه حتى

مامتها: لا هو اتعود على سماجتك انتي واختك

بيان: انا سمجه!، ربنا يسامحك هو انا في ف طعامتي ولا حلاوتي ولا لذاذتي!

عينها جت ع عمر اللي كان باصصلها ومبتسم ابتسامه خفيفه

بيان: احم، اقصد يعني مش سمجه خالص

مامتها: طب يلا، يلا ياختي تعالي معايا

دخلت معاها حضروا الاكل وهو قعد مع تقى لحد مايطلعوا

مناقرة بيان ومامتها، وتقى اللي قاعده تلعب وهي مش شايله هم حاجه، والروح الاسريه اللي بينهم صحت عنده حنين قديم، وحسسته بالنقص اللي كان عامل نفسه مش واخد باله منه، بس ادرك ان ربنا مبيديش كل حاجه، مينفعش حد ياخد كل حاجه، مينفعش حد ياخد غير الحاجات اللي تناسبه

طلعوا بالاكل وقعدوا ياكلوا

ام بيان لاحظت انه بيقلب في الاكل ومش بياكل

مسكت المعلقه من ايده وهو استغرب

مدت المعلقه ناحية بوقه وهو وبيان باصين لبعض

ام بيان: يلا يابني كل

عمر: طيب هاتي انا هاكل

ام بيان: لا والله لاكلك انا، يلا

قعدت تأكله وهي مش عاطياله فرصه حتى يبلع

عمر: بالراحه، هموت

ام بيان: بعد الشر عليك، هو دا الاكل مش قاعد تلعب بالمعلقه، يلا كل

عماله تزقله الاكل في بوقه وبيان وتقى قاعدين يضحكوا عليه

عمر: ميهيعتيتي

مامتها بضحك: بتقول ايه، ابلع الاول

بيان: حرام عليكي يماما اهدي عليه شويه

عمر: قوليلها

بيان: مانا بقولها اهو

مامتها: ماهو انت لازم تاكل وتتغذى يابني، هتعيش على ايه

عمر وهو بيمسح بوقه: انتي صدقتي اني عريس جديد ولا ايه

مامتها: وهو لازم تكون عريس جديد عشان تاكل

عمر: لا بس محدش بياكل كل دا

مامتها: كل دا ايه افتح بوقك بس

عمر: الفورمه هتبوظ

مامتها: فورمة ايه وبتاع ايه، ماتبوظ

عمر: مينفعش

مامتها: ليه

عمر: عشان اعجب البنات

مامتها: وهي الفورمه دي اللي بتعجب البنات!

عمر: تخيلي

مامتها: بنات خايبه، وبعدين هو انت محتاج فورمه!، دانت بسم الله ماشاء الله تحل من على حبل المشنقه، دانت ولا البدر في تمامه

بيان: ايه دا في ايه، مالك يماما ماتهدي شويه بدر ايه وبتاع ايه

عمر: ليه مش بدر ولا حاجه يبيان برشامه انتي؟

مامتها: بدر وستين بدر كمان، دانت قمر ماشاء الله، كفايه وشك السمح دا وملامحك المسكره دي، هات بوسه

عمر بضحك وهي بتبوسه: ايه في ايه يطنط مش كدا

بيان: ياختي، سويت توكر قد الدنيا

مامتها: ايه هو دا يعني ايه ياختي

عمر: يعني لسانك حلو يطنط

مامتها: والنبي مافي حد حلو غيرك، خد حتة الفرخه دي

عمر: كفايه والله مش قادر

بيان: الا عمرك ماعملتيها معايا واكلتيني في بوقي، والا احنا زي القرع!

مامتها: بس يابت انتي، واكلك ليه انتي اتكسرتي، ماتأكلي نفسك

بيان: مانتي بتأكليه اهو

مامتها: دانا أاكله برموش عينيا القمر دا

بيان وتقى بصوا لبعض

بيان: ماما في ايه على فكره هو اتجوزني انا

كلهم بصولها وهي استدركت اللي قالته

كانت هتصلح كلامها بس ملقتش حاجه تقولها فسكتت واتكسفت لما لقت عمر باصص في طبقه ومبتسم

خلصوا اكل وعمر دخل اوضته

مامتها: ادخلي هاتي هدومه حطيها في الغساله

بيان: هدوم مين

مامتها: عمر

بيان: ازاي، وبعدين يماما مالك واخده راحتك قوي كدا، هو كان بيتنا!

مامتها: لا إله إلا الله، هو وحش لو غسلناله هدومه؟، وبعدين انا سامعه صوت الدش يعني في هدوم هتتحط في الغساله، ادخلي هاتيها منه لحد ماعمله الشاي

بيان: مليش دعوه روحي انتي

مامتها: قسما بالله يابيان انا مافيا حيل ليكي، هخبطك بالكوبايه دي في دماغك

بيان: يووو، هو مفيش غيري نازله فيه تهزيق

مامتها: امشي مشش في ركبك

راحت الاوضه خبطت بس محدش فتح، خبطت تاني وسمعت صوته هو بيقول ادخل

فتحت الباب ودخلت ملقتهوش في الاوضه

بصت حواليها لقت هدومه مرميه ع الارض، ميلت لمتها وهي بترفع نفسها خبطت فيه

كان طالع وبيلف نفسه بالفوطه، بيان شهقت بصوت ولفت نفسها بسرعه وهو ابتسم وحط ايده في وسطه

بيان: ماتكح ياعم انت

عمر: اكح لما اجي اوضتك، انما دلوقتي انتي ف اوضتي

بيان: مانت عارف اني دخلت بتطلع ليه انت

عمر: براحتي

بيان: طيب جيت خدت الهدوم عشان ماما هتغسلها

عمر: ماما!

بيان: ااه

عمر: والحلوه مبتعرفش!

بيان: مبعرفش ايه!

عمر: تغسلي

بيان: لا وانت عايزني اغسلك هدومك!

عمر: ااه ايه المشكله

بيان: مش المهم انها تتغسل!

عمر: لا انا عايز مراتي تغسلها

بيان وهي بتلف وشها: مراتك!

في نفسها: ايه دا يخربيت حلاوة امك

عمر: ااه، مش كتبنا الكتاب!

بيان في نفسها: كنت بترضع ايه يابن الناس، عندها حق امي تتغزل فيك لييييه تاخد الجمال دا لوحدك لييييه، سيبلي حاجه، حاجه واحده بس توحد ربنا

عمر: يااااه، ياااااه

بيان: هاا

عمر: هوا، سرحانه في ايه

بيان: في جمال... احم، قصدي كنا بنقول ايه

عمر:....

بصلها وهو مبتسم ابتسامه خفيفه وحاطط ايده في وسطه، شعره نازل على عينيه وبينقط مايه

حاصرها بعينه خلاها اتوترت

بيان: ها

عمر: ها ايه

بيان: ايه

عمر: ايه

بيان: اا، ا، ماما

عمر وهو بيقرب منها: مالها ماما

بيان: همم

عمر: مالها

بيان؛ مين

عمر: ماما

بيان: مالها

ضحك ضحكه خفيفه على توترها وهو باصص في عينيها

بيان: انا ماشيه

طلعت تجري من الاوضه وقفلت الباب وراها ودخلت اوضتها

بيان وهي بتتنهد: اووف، ايه دا، ايه اللي حصل، في ايه

هييييح، هو في كدا؟، معقول!

ايه في ايه، هو ااه حلو، بس عادي يعني، ماهو،

ماهو ايه، يخربيتك سيبت اعصابي، بس ايه الحلاوه والجمال دا، ايه السكر دا، هي الناس بعد الشاور بتحلو كدا!،

سرحت في شكله وهي مبتسه وابتدت تفتكره وهو لافف الفوطه على وسطه وتفتكر شكل جسمه وملامحه

بيان: ايه دا، بيان مينفعش، بتعاكسي راجل غريب؟، استغفر اللله العظيم يارب والله نسيت والله المفروض اغض بصري بس نسيت والله اص... ايه دا، هو اصلا جوزي

ـــــــــــــــــــــــــــــــــــــــــــــــــــــــــــــــ

عمر: ادخل

دحلت ام بيان ومعاها كوباية الشاي وهو كان قاعد ع الكرسي وماسك دماغه

عمر: متشكر جدا تسلم ايدك، في وقتها

مامتها: قولي بقى

عمر: اقول ايه

مامتها: قولي ايه مزعلك قوي كدا

عمر: لا، مش زعلان

مامتها: بص انا مش هقولك اعتبرني زي مامتك، بس اعتبرني صاحبتك ياسيدي، اعتبرني حد غريب هتفضفضله، قولي ايه ضايقك كدا، احنا السبب في المشاكل دي صح!

عمر: لا ابدا، بس صاحبي ما"ت

مامتها: لا حول ولاقوة الابالله، ربنا يرحمه يابني مكنتش اعرف سامحني

عمر: كرم اللي قت*له

مامتها؛ ايه، يالهوي!

عمر: ااه، وصل بيه الحال انه يقت"ل كمان

مامتها: طب ليه عمل كدا

عمر: معرفش، بكرا هروحله زياره، واعرف منه ليه عمل كدا

مامتها: لا حول ولاقوة إلا بالله، ليه كدا بس، اخوك دا ايه، مش بيخاف خالص

عمر: مغرور، واللي حواليه بينافقوه، واحد عمره ما سجد لله، طبيعي يكون الشيطان اللي سايق حياته، ميهمنيش في كل دا غير صاحبي

مامتها: ربنا يرحمه يارب، عشان كدا انت متضايق بالشكل دا

عمر: مش قادر انسى نظرة مامته ليا وانا في العزا، كإنها بتقولي انت السبب

مامتها: وانت السبب ليه

عمر: ماهو انا اللي بعته يدور على كرم لما كان هربان، وغالبا عشان يهرب منه ملقاش حل غير انه يقت.له

مامتها: يحبيبي يابني، يعني هو كان بيساعدك

عمر: ااه، للاسف كان بيساعدني

مامتها: متحملش على نفسك ياعمر، انت ملكش ذنب في حاجه، دا نصيب وقدر، احنا مجرد اسباب، لو في حد مذنب فهو كرم، انما انت لا

عمر: مش فارقه كتير

مامتها: لا فارقه، متشلش ذنب مش ذنبك، بس لو عايز نصيحتي يابني، دا حق ولازم يرجع لاصحابه، يعني لو في ايديك ترجع حق صاحبك اعمل كدا، هو صحيح اخوك وعمر الدم مايبقى مايه، بس ربنا هيحاسبنا يابني

عمر: طبعا، استحاله اخليه يفلت بعملته، لازم يتسجن، يمكن السجن يربيه طلاما اهلي معرفوش

مامتها: متزعلش نفسك انت بس، روق كدا وكل حاجه هتبقى فل ان شاء الله

عمر: ان شاء الله

مامتها: اشرب الشاي ونام وارتاح يابني وانت متطمن، انت مفيش زيك، كتر خيرك انك قادر تحافظ على نفسك وانت عايش وسط الناس دي

سابته وخرجت وهو خلص ويادوب حط راسه ع المخده وراح في النوم

تاني يوم

في الفون

المنياوي: عرفت تدخل؟

ـ ايوا يافندم، اول ماهخرجه هبلغك

المنياوي: طب يلا وخلي بالك كويس

ـــــــــــــــــــــــــــــــــــــــــــــــ

عمر: صباح الخير

بيان: صباح النور، هحضر الفطار استنى افطر معايا

عمر: لا انا نازل

بيان: مش عارفه ليه الانسان العاقل ممكن ينزل من غير فطار

عمر: العاقل بقى

بيان: وانت مش عاقل!

عمر: تؤ

بيان:، اامم، براحتك بس كنت هعمل فطار حلو، انت الخسران

عمر: غسلتي الهدوم؟

بيان: نعم!

عمر: غسلتي الهدوم اللي اخدتيها امبارح!

بيان: لا

عمر: متأكده!

بيان: ااه

عمر: يعني متسحبتيش ودخلتي اوضتي وحطيتيها في الدولاب؟

بيان وهي مبرقه: هاا، انت كنت صاحي!

عمر: تخيلي

افتكرت لما لقته نايم وفضلت واقفه تتفرج عليه وهي مبتسمه، وافتكرت الكلام اللي قالته والغزل الصريح الغير عفيف اللي اتقال

بيان: احيه

ـــــــــــــــــــــــــــــــــــــــــــــــــــــــــ

ـ خرجنا يفندم اهو وفي الطريق

المنياوي: اطلع ع البحر بسرعه، وانا هقابلكوا هناك

ـ ماشي يفندم

ـــــــــــــــــــــــــــــــــــــــــــــ

عمر خرج من البيت بعد مافطر وكان طالع ع القسم عشان يشوف قضية كرم هيحصل فيها ايه

بس وهو في الطريق جاله خبر ان كرم هرب وهيسافر....

ن

Part 17..

Hassnaa Ramadan.. 🖤

في البحر..

كرم: واخيرا، الواحد كان قرب يموت في السجن

المنياوي: عشان تتعلم الادب، واعمل حسابك انا لسه هحاسبك على كل المصايب دي، معندكش فكره انت عملت ايه

كرم: قول لعمر، انا مالي

المنياوي: عمر خلاص، معنديش ابن اسمه عمر، وانت غلطه كمان وهرميك في الشارع زي مارميته

كرم: رميته؟، ازاي

المنياوي: بيتي مش هيدخله تاني، حتى شركاته كان عاملي توكيل بسبب الموضوع اياه، هستغله واخد الشركات منه لحد مايتعلم الادب ويرجعلي تاني

كرم: انت بتقول ايه، شركات ايه اللي تاخدها منه، عمر عمل كل حاجه بنفسه، انت ليك شركتك هنا وحاجاتك هنا، انما عمر مخدش منك حاجه

المنياوي: انت غبي يلا!، مانا لسه بقول كان عاملي توكيل قبل كدا وملغاهوش

كرم: وانت فاكر عمر هيسيبلك شقى عمره؟، تبقى بتحلم

المنياوي؛ هيعمل ايه يعني، مانا قولتله كدا في وشه ومنطقش

كرم: يبابا دا عمر، واستحاله يسيبلك حاجه، اكيد مسحول في موضوع معتصم والبت اللي معاه دي، يعني مش فايقلك، استنى شويه لما يفوق من صدمة مو'ت صاحبه وبعدين هتشوف هيعمل ايه

المنياوي حس بمنطقية كلام كرم فسكت

ـــــــــــــــــــــــــــــــــــــــــــــــــــــــــــــــ

‏الظابط: بلغنا كل المطارات، يعني استحاله يعرف يطلع من هنا عن طريق الجو

‏عمر: ومين قالك انه لازم يروح بطياره، ممكن بر او بحر عادي

‏الظابط: عطينا اوامر يفندن بتأمين كل المخارج على كلٍ هو

‏عمر: هو ايه، كرم مينفعش يمشي، استحاله، دا قا'تل، اقولك، انا عرفت ممكن يكون خرج ازاي

‏ـــــــــــــــــــــــــــــــــــــــــــــــ

‏بيان: يماما انا زهقت بجد، هفضل قاعده كدا؟

‏مامتها: عايزه تعملي ايه

‏بيان: عايزه اخرج، مينفعش كدا بجد

‏مامتها: انتي جايه بعد ماكرم هرب تاني وتقولي اخرج!، انتي مجنونه

‏بيان: يادي كرم اللي طالعلي في البخت دا

‏مامتها: قدرنا ياختي

‏بيان: يعني هو كان لازم وقتها يسيب بنات الجامعه كلهم ويجيلي انا؟، دا ايه الحظ دا بس

‏مامتها: ربنا اختار ان دا يحصلك يبقى دا احسن حاجه ممكن تحصلك، ثقي في ربنا بس وهو هينصرك، وبعدين لو مكنش دا حصل مكنتيش شوفتي عمر

‏بيان: يعني ايه مكنتش شوفت عمر

‏مامتها: يابت

‏بيان: بت ايه وبتاع ايه يماما، الله

‏مامتها: شوفي اما اقولك، تحاولي تكدبي تحاولي تتهربي مفيش فايده، اياك انا عبيطه، دانا امك ياهبله، يعني لو ضحكتي على الدنيا كلها انا لا

‏بيان: وانا هضحك عليكي ليه

‏مامتها: عشان مش عايزه تقولي الحقيقه، مش عايزه تقوليلي اللي في قلبك

‏بيان: مفيش حاجه ف قلبي

‏مامتها: يابت، يعني مش مبسوطه انه بقى جوزك!

‏بيان: يعني هو جوزي بجد، ماهو على ورق اهو

‏مامتها: وانتي عايزاه بجد

‏بيان: ماما، اكيد لا يعني

‏مامتها: اللي يسمعك دلوقتي ميسمعكيش امبارح

‏بيان: امبارح ايه

‏مامتها: وانتي بتهلوسي وانتي نايمه

‏بيان: نعم؟

‏مامتها: تحبي اقولك كنتي بتقولي ايه!

‏تقى بضحك: وانا كمان سمعتك

‏بيان: سمعتوا ايه، ماما قوليلي انا قولت ايه

‏تقى: قولتي كتير قوي يبيبو والله

‏بيان: اخرسي يابت، ماما قولي

‏مامتها: قولتي اللي ف قلبك، دا مفيش جمله خرجت غير وفيها اسم عمر

‏بيان: لا مش حقيقي، اكيد كنت بحلم، او حاجه، يعني مش عارفه، بس ههلوس بيه ليه

‏مامتها: ربنا بقى اللي يعلم

‏بيان: ماما دا صعب يحصل، حتى لو انا حاسه بحاجه تجاهه، مينفعش، طيب انتي، هتوافقي على حاجه زي دي!

‏مامتها: ان جيتي للحق عمر ميترفضش، بس انا ام، مصلحة بنتي اهم من اي حاجه، ودا اهله ناس وحشين قوي، اكيد مش هفرط فيكي

‏تقى: ماهو عمر هيحميها، هو اصلا بيح...

‏بيان: ايه!، كملي

‏تقى: احم، لا مفيش حاجه

‏بيان: اخلصي ياتقى وقولي كنتي هتقولي ايه دلوقتي

‏تقى: كنت بقول انه بيحميكي من كرم دا، يعني فيها ايه لو اتجوزتيه

‏بيان: كنتي هتقولي كدا متاكده؟

‏مامتها: امال فاكراها هتقول ايه

‏بيان بتوتر: مش هتقول حاجه عادي، ياست ماعلينا سيبوني في حالي انا عندي مذاكره

‏تقى: مذاكره برضو!

‏بيان: ماما اقسم بالله هجيبها من شعرها وماحد هيعرف يحوشها مني

‏مامتها: بس ياتقى متبقيش رخمه، قالتلك هتذاكر، هتعمل ايه يعني

‏بيان: ماما بجد عيب، بجد يعني مينفعش بت زي دي تقولي كدا، وبعدين انتي اشفهمك اصلا في الحاجات دي

‏تقى: وانا قولت حاجه!، انا بس شوفت صوره لحد كدا تحت المخده بتاعتك، فكرتك هتذاكريها ولا حاجه

‏بيان بصت لمامتها اللي لقتها بتضحك

‏ــــــــــــــــــــــــــــــــــــــــــــــــــــــــــــ

‏عمر كان في وسط البحر ومعاه قوات بيدوروا

‏لحد ماشافوا يخت بعيد عنهم

‏عمر: هما دول

‏الظابط: ومتأكد ليه

‏عمر: انا عارف، يلا بسرعه

راحوا نحيتهم وهجموا ع اليخت

طلعلهم اتنين شباب

ـ خير في ايه

الظابط: بتاع مين اليخت دا

ـ بتاعي يفندم

الظابط: فتشوا كل حته هنا

دخلوا فتشوا في كل حته وكل مكان بس ملقوش حد

ـ ملقيناش حد يفندم

عمر: استحاله، انا متأكده انه هنا

ـ هو مين يفندم

عمر: كرم

ـ كرم مين، زي ماقولت لحضرتك اليخت دا بتاعي

عمر: طب اديني فرصتي انا وهنشوف بتاع مين

قعد يلف في المكان ويدور كويس على اي باب مخفي او حاجه، عنده احساس قوي انهم هنا

بس للاسف ملقاش حد

ـ اتأكدت بنفسك؟

الظابط: ها يعمر بيه

عمر كان نفسه احساسه يطلع صح بس مكنش في حد

فقد الامل وقالهم يمشوا

لسه هينزل من اليخت وسمع صوت حاجه خبطت

بص وراه لقى الشابين بيبصوا لبعض

عمر: قولتلي مفيش غيركوا هنا؟

ـ ااه، ااه يفندم مفيش غيرنا

عمر: امال دا صوت ايه

ـ اكيد حاجه وقعت جوا يفندم، وحضرتك دخلت وملقتش حاجه

الصوت كان جاي من تحت مش من جوا، عمر فضل باصص ع الارض بس مكنش فيه اي حاجه تدل على وجود باب او فتحه

بس كان في ترابيزه متغطيه

عمر زقها بعيد وشال الغطا اللي كان تحتها، وهنا لقى فتحه مقفوله بغطا

عمر: ودا ايه؟

ــــــــــــــــــــــــــــــــــــــــــــــــــــــــــــ

حرم المنياوي: استر يارب، يارب يعرفوا بخرجوا، يارب عديها على خير

موبايلها رن

حرم المنياوي: ايه ايه عايز ايه

ـ الله، ايه المعامله دي

حرم المنياوي: انت عارف المصيبه اللي انا واقعه فيها، بترن ليه انا ناقصه

ـ مانا عارف ان جوزك مش معاكي

حرم المنياوي: طيب يسيدي بترن ليه

ـ وحشتيني

حرم المنياوي: يابجاحتك يا اخي، انت معندكش دم

ـ لا عندي، وبعدين في ايه مالك متعصبه عليا، وانا مالي، الحق عليا اني بسأل واتطمن عليكي عشان اخفف الضغط عنك شويه!

حرم المنياوي: يا رأفت افهمني، جوزي شك فيا، ولو حصل حاجه وقفشنا صدقني دا يقتل'ني فيها، عشان كدا قولتلك انا هرن عليك وقت مايكون الجو امان، غير كدا مترنش انت

رأفت: ماشي ياست، حقك عليا، مش هرن عليكي تاني، انا هجيلك

حرم المنياوي: تجيلي فين

رأفت: البيت

حرم المنياوي: انت اتجننت؟

رأفت: ماهو يا اما اجي انا، ياتيجي انتي، وبعدين من الاخر كدا عندي حاجه عايز اوريهالك

حرم المنياوي: حاجة ايه

رأفت: مانا بقولك لازم اجي

ـــــــــــــــــــــــــــــــــــــــــــــــــــــــــــــــ

عمر واقف بره وكرم والمنياوي بيتحقق معاهم عشان هيتعرض ع النيابه تاني يوم

خلصوا وطلعوا وهما مكلبشين كرم، اول ماشاف عمر فضل باصصله بغل

عمر: اتمنى تكون مبسوط

كرم: مبسوط، مبسوط جدا

عمر: عقلك فين

كرم: موجود، هو مكنش موجوك لما كنت فاكر انك اخويا، بس طلعت غلطان، مكنش عندي عقل وقتها

عمر: صح، على كل حال ميفرقش معايا هيحصل فيك ايه قد مايفرق معايا اني احقق العداله

كرم: حتى لو على حسابي؟

عمر: لا، على حسابي انا

سابه ومشي رجع عربيته

ركن دماغه ع الكرسي بتعب، طلع موبايله ورن على بيان

عمر: عامله ايه

بيان: كويسه

عمر: الموبايل شغال معاكي تمام!

بيان: ااه كويس متشكره جدا

عمر: محتاجه حاجه اجيبها قبل مارجع!

بيان: لا سلامتك

عمر: لا شوفي محتاجه ايه، كتب او حاجه اجيبهم في طريقي

بيان: لا متتعبش نفسك، انا هبقى اجيب اللي انا عايزاه

عمر: هو انتي مبتسمعيش الكلام ليه، قولتلك انا راجع، هجيبهم معايا

بيان: متزعقش يعم الله، مش عايزه حاجه انا

عمر: تصدقي انا الغلطان اني بفكر فيكي اساسا

بيان: متفكرش ياخويا

عمر: انا مش اخوكي انا جوزك

بيان: جوزي على ورق

عمر: ومكتفيه بكدا؟

بيان: ها؟

عمر: هوا، طيب بصي لو محتاجه حاجه ومش هتعرفي تقوليلي انا هعدي عليكي دلوقتي، اجهزي عشان تجيبي اللي انتي عايزاه، وشوفي مامتك وتقى بالمره

بيان: احلف!، يعني هخرج!

عمر: ااه، بس بسرعه عشان تعبان

بيان: حالا اهو يلا باي

طلعت لبست وجهزت نفسها وشافت هما محتاجين ايه

بيان: طب مانا عايزه فلوس

مامتها: خدي دول اللي معايا

بيان: دول مش هيكفوا يماما

مامتها: هو كدا كدا مش هيرضى يخليكي تدفعي

بيان: لا يماما عيب مينفعش

مامتها: طب هعمل ايه، ماحنا محبوسين ومحدش فينا بيشتغل، اجيب منين

بيان: خلاص بصي هجيب حاجات ع قد الفلوس دي ومش لازم الباقي

سمعت صوت كلاكس العربيه

مامتها: طب يلا بس ومتأخروش

بيان: ماشي باي

نزلتله وركبت العربيه

عمر؛ ايه، ساعه

بيان: ع فكره مكملتش ربع ساعه

عمر: اللبس بيتلبس ف خمس دقايق

بيان: لبس ايه دا اللي ف خمس دقايق

عمر: انا بلبس القميص والبنطلون والكوتش في خمس دقايق، في ٣ كمان

بيان: انت راجل

عمر: ايه العلاقه

بيان: تيشرت وبنطلون اكيد هيتلبسوا بسرعه يعني، انما احنا بنات اكيد هناخد وقت، بنلبس حاجات كتير

عمر: فين الحاجات الكتير دي

بيان: ماهو بنلبسه من تح.... ايه دا، انت مالك اصلا بتتدخل ليه في لبس البنات، خليك في سواقتك لو سمحت

عمر: اخر همي اعرف انتي لابسه ايه تحت

غمضت عينيها لثواني ورجعت بصتله

بيان: انا قولتلك قبل كدا انك منحط صح!

عمر: مش فاكر بصراحه، مش بركز معاكي

بيان: طب بص قدامك ومتتكلمش معايا

عمر: مش عايز اتكلم معاكي

بيان: متتكلمش، ولا انا عايزه اصلا، ماهو انا لو زي الاستاذه فريده كنت اتكلمت، انما انا مش زيها، انت عايز اللي بتلبس محظق وملزق وعريان عشان تتكلم معاها، ماهو انتوا كلكوا واحد في الاخر

عمر بهدوء: فريده مين

بيان: ياشيخ!، ع اساس مش بتنام وتقوم تحلم بيها

عمر: هي مين

بيان: فريده

عمر: فريده مين

بيان: يعني مش عارف!

عمر: لا صدقيني مش عارف

بيان: بتاع الحر'يق

عمر: حر'يق؟، اااه افتكرت

بيان: شوفت

عمر: هي كانت حر'يق فعلا

بيان: وحياة امك!

ضحك وبص من الشباك

عمر: وحياة امي ااه، وبعدين انتي اخدتي عليا قوي

بيان: براحتي، وبعدين انت اللي مستفز

عمر: وايه المستفز في كونها حر'يق!

بيان: ااستغفر الله العظيم

عمر: اايه اللي مزعلك في كدا، ماهي البت كانت حريق فعلا، اكدب يعني

بيان: انا نظرتي من الاول كانت صح، كلكوا طينه واحده، شغل المبادئ والقيم اللي رسمته عليا دا شكيت فيه، وطلع كان عندي حق، معقول يارب كلهم نفس الشئ كدا، مفيش فيهم حد عدل!، ربنا يتولانا والله

عمر بصوت واطي: بس كانت ايه، حريق

سمعته بس مردتش عليه

وصلوا السوبر ماركت ونزلوا اشتروا الحاجات

عمر: كله كدا تمام!

بيان: ااه

فتحت شنطتها عشان تطلع الفلوس

عمر: بتعملي ايه

بيان: هدفع

عمر: تدفعي ااه، طب يلا ياختي اطلعي بره

بيان؛ ايه اصله دا

عمر؛ اخلصي خليني احسابه

شالت الحاجه وهو حاسب وخرجوا حطوا الحاجات في شنطة العربيه ووقفوا اتكلموا بره

عمر: في ايه تاني

بيان: بس هو كدا

عمر: دي حاجات مطبخ، انتي مش عايه حاجه ليكي!

بيان: لا

عمر: بقالك شويه معايا، ومخرجتيش ولا مره لوحدك عشان تجيبي حاجه، وانا عايش في البيت لوحدي يعني مكنش في حاجات بنات، يعني ازاي مصرفه نفسك انا عايزه افهم

بيان: مصرفه نفسي!

عمر: ااه

بيان: طيب انا راضيه ذمتك، ينفع تقول لبنت مصرفه نفسك ازاي!

عمر: ااه عادي، مانتي مراتي

بيان: بطل تقول كدا

عمر: الله، مش كتبنا الكتال يابنت الناس!، ولا حد غصبك ع الجوازه

بيان: انت صدقت ولا ايه

عمر: صدقت ايه، انتي مش قولتي لما كنا في البلد، انا اخترته هو، عشان هو اللي وقف معايا، وبتطمن معاه وهو اللي بيحميني، وانا اتجوزته عشان بحبه

بيان: مقولتش عشان بحبه

عمر: طب ماتقوليها

ـــــــــــــــــــــــــــــــــــــــــــــــــــــــــــــــ

‏حرم المنياوي: خير، عايز ايه

‏رأفت: تعالي بس اقعدي، عشان تشوفي بمزاج

‏حرم المنياوي: خلصني ممكن جوزي ييجي ف اي وقت

طلعلها اللابتوب وفتحه وشاورلها

رأفت: تعالي شوفي

قعدت جنبه وابتدت تشوف ووقتها برقت

ــــــــــــــــــــــــــــــــــــــــــــــــــــ

وقف بالعربيه قدام مكان كبير فيه ميكب واكسسوارات وكل حاجه ممكن بيان تحتاجها..

عمر: يلا

بيان: يلا ايه

عمر: اعتقد هنا هتلاقي اي حاجه انتي عايزاها، انا معرفش المفروض بتروحوا فين بس دا غالبا بتاع بنات يعني، ولا ايه

بيان: ااه بتاع بنات بس انا قولتلك مش عايزه حاجه

عمر: برضو!

بيان: انت ليه مش مصدق

عمر: انتي مش بنت!، مش المفروض تكوني محتاجه حاجات وبتاع

بيان: بتاع ايه، عندي كل حاجه

عمر: لا معلش انا احب مراتي يكون عندها زياده، يلا انزلي

نزلوا من العربيه وهي معترضه ومشت جنبه

عمر: افردي وشك دا انا مش خاطف'ك

بيان: اسكت

عمر: ممكن على فكره مدخلش معاكي واستناكي بره عشان تاخدي راحتك

بيان: طب ماتعمل كدا

عمر: لا

بيان بابتسامه: انت ليه بايخ كدا

عمر: شايفه البنت اللي جوا دي

بيان: ااه مالها

عمر: حريقه، وانا في الحريق متوصاش، هدخل اطفيها معاكي يلا

مشي قدامها وهي دخلت وراه

عمر: لو سمحتي يا انسه

ـ اتفضل يفندم

عمر: بسم الله ماشاء الله، حضرتك حريقه؟

ـ افندم!

عمر: لا اصل هقولك حاجه، البنات نوعين، نوع حريقه ونوع زي الانسه بيان

بابتسامه: ازاي

عمر: مش مهم ازاي، المهم شوفي الانسه محتاجه ايه وظبطيها، من الاخر خليها حريقه زيك كدا

بيان: مدام، مدام مش انسه

ـ هي مراتك!

عمر: لا

بيان: لا في عينك، ايوا مراته، اوعى انت كدا اقف بعيد وانتي تعالي معايا

عمر: تعالي معايا فين هتعملي فيها ايه

بيان: ملكش دعوه يحنين، خليك في نفسك انت لما اجيلك

خدتها وراحوا بعيد وهو قعد يلف ويتفرج ع الحاجات

شايفهم مشغولين مع بعض والبنت بتوريها حاجات وبتشرحلها وهو بيحاول يسمع اي حاجه، بيان بصتله لقته مميل ناحيتهم او ماشافاها ودى وشه بعيد راحت رفعتله حاجبها

عدى شوية وقت

عمر: مش يلا ولا اي انا تعبت

بيان: تعبت من ايه

عمر: الحريق

بيان: عمر قسما بالله هنسى اننا في الشارع وهخلي اللي مايشتري يتفرج عليك

عمر بصدمه: ايه؟ انا اسف، انا كنت جاي اوريكي دي

بيان: لو راجل انطق كلمة حريق دي هنا تاني

عمر: لو بقى

سابهم وراح يكمل لعب في الحاجات

بيان لفت لقت البنت بتضحك

بيان: بس كفايه كدا تعالي شوفي الحساب

ـ حاضر يفندم

البنت بتشوفلها الحساب وهي راحت وقفت جنب عمر

بيان: بتتفرج على ايه

عمر: انا عارف ايه دا!

بيان: ماهي حاجات بنات هتفهم فيها ازاي

عمر: ايوا مانا عايز افهم، امال انا جاي معاكي ليه

بيان: ووتفهم ليه

عمر: مانا لازم ابقى عارف ايه هي متطلبات مراتي، عشان بعد كدا اجيبهالها بنفسي، من الاخر عايز ابقى خبره

ضحكت بصوت عالي

عمر: اللهم صلِّ على النبي

بيان: عليه الصلاة والسلام، هو انت ليه بقيت كدا

عمر: كدا ازاي لمؤاخذه

بيان: بقيت منحط امتى، يابني انت مش كنت محترم

عمر: هو ايه البتاع دا

بيان: سيب يخربيتك هتفضحنا انت مالك انت بالحاجات دي

عمر: بيعمل ايه مانا عايز افهم

بيان: يعمر بس يعمر عيب، استحي على وجهك

عمر: استحي على وجهي ليه الله، الحق عليا عايز ادلع مراتي!، لو سمحتي يانسه هو دا بتاع ايه

بيان: لا لا خلاص احسبي انتي بس، يابني انت مجنون

عمر: عايز اعرف

بيان: اقرا اللي عليه وانت تعرف

عمر: ماهو مش مكتوب عليه حا.. احم.. ااه.. طيب احنا كنا بنقول ايه

بيان؛ حطه مكانه بقى واتلم

عمر: اهو ياست، مش عارف انا ايه دا، استني شوفي البيرفيوم دا، الله

بيان: لمين دا

عمر: مش لحد، بقولك شمي وخلاص

بيان: فكرتك هتجيبهولي ولا حاجه

عمر: لا متتأمليش، معندناش حريم تحط بيرفيوم

بيان: حريم!، وليه بقى

عمر: ليه!، بتسألي ليه بجد!

بيان: لا بهزر، عارفه انه حرام

عمر: ايوا جدعه خليكي عارفه بقى انه مينفعش

بيان: اكيد مش انت اللي هتعملني، بعد اللي حصل من شويه دا مسمعش منك حاجه عن الصح والغلط

عمر: وانا كنت عملت ايه انا

بيان: تعالى نحاسب بس وبعدين نشوف

ـ الحساب ***** يفندم

عمر: اتفضلي، بس هو دا بتاع ايه

بيان: عمر!!

عمر بخوف: طب انا مستنيكي في العربيه

ـــــــــــــــــــــــــــــــــــــــــــــــــــــ

المنياوي في الفون: ايوا مين

ـ حد عزيز عليك

المنياوي: حد مين وعايز ايه

ـ انا اللي هنورلك طريقك، واوريك اللي انت مش عارف تشوفه

المنياوي: ماتخلص ياجدع انت انا ناقصك؟

ـ مراتك، حرمك المصون

االمنياوي: مراتي!، مالها مراتي، وتعرف مراتي منين

ـ لا ماهو مش انا بس اللي اعرف مراتك يباشا

المنياوي: قصدك ايه

ـ قصدي في البيت عندك، هتروح هناك وهتعرف قصدي ايه، وااه، اعتبرها جميله هتردهالي بعدين

ــــــــــــــــــــــــــــــــــــــــــــــــــــــــــــــ

طلعت ركبت جنبه العربيه

بيان: اانا عايزه افهم حاجه واحده

عمر: يعمهم انت تفهم اللي انت عايزه

بيان: هو انت قلبت كدا امتى، ايه اللي حصلك

عمر: قلبت ازاي مش فاهم

بيان: كنت محترم ومؤدب يعمر

عمر: اانا؟

بيان: اااه انت

عمر: هل انا عمري قولتلك في مره اني محترم!

بيان: لا

عمر: امال بتقولي كدا بناءا ع ايه، ليه بتتبلي ع الناس، ياحول الله يارب

بيان: عمر كان باين عليك انك محترم وبتخجل فعلا

عمر: بخجل من ايه يوحش

بيان: اايه دا في ايه

عمر: نروح بس وبعدين نشوف هنخجل من ايه

بيان: منحط فعلا

عمر: كنت شايل هم الموضوع دا، مكنتش اعرف هفهمك ازاي اني منحط ومش محترم، بس الحمدلله عرفتيها بنفسك

بيان: اانت مبسوط عشان مش محترم

عمر: ااه

بيان؛ اااه؟

عمر: هو انا منحط مع حد غريب؟، مراتي ياخي، هفضل طول عمري مؤدب ليه؟؟؟

بيان: ماهو انا مش مراتك

عمر: مراتي وعهد الله والقسيمه معايا

ضحكت ع طريقته

حطت ايديها ع دماغه

بيان: اانت عيان؟

عمر: قوي

بيان: ططب اطلع يمنحط ع البيت وانا هخلي امي تعالجك

عمر: لا اعمل ايه بامك، انا عايز مراتي اللي تعالجني

بيان: الابتسامه السمجه اللي ع وشك دي مضايقاني وعاملالي قلق، فلو سمحت بصلي كويس بلاش النظرات دي وياريت تبص قدامك وتبعد شويه

عمر: وابعد ليه، ربنا يقرب المسافات يوحش

بيان: عمر ماااالك!

عمر: خلاص، دانتي فقر، عرفتي ليه ببص بره!، عشان البوز دا، مشوفتيش البت كانت عامله ازاي، حريقه

بيان: تاني؟

عمر: يعني هو لا هيبقى جوا ولا بره؟ اعمل ايه انا

بيان: متعملش حاجه، اصلا مش مطلوب منك حاجه

عمر: ليه وانا متجوز عشان معملش حاجه!

بيان: استغفر الله العظيم، عيب، عيب بجد

عمر: اانا مش عارف ايه العيب، امال لما نروح

بيان: انا نازله انت مش طبيعي

فتحت الباب ولسه هتنزل راح مسكها

عمر: خلاص والله هحترم نفسي، استني بس

بيان: هتتلم!

عمر: هحاول

قفلت الباب وكملوا الطريق

عمر: جبتي كل حاجه!

بيان؛ اااه

عمر بخبث: يعني هتبقي حريقه لما نروح؟

ـــــــــــــــــــــــــــــــــــــــــــــــــــــــــ

المنياوي نزل من عربيته اللي كان سايقها بسرعه

داخل البيت زي المجنون ورزع الباب وهو بينده بأعلى صوته...

Part 18..

Hassnaa Ramadan.. 🖤

دخل المنياوي وهو متعصب وبيرزع في الباب

فتح باب الاوضه لقى مراته قاعده ع الكنبه مستنياه

المنياوي: هو فين

حرم المنياوي: هو مين

المنياوي: اللي كان معاكي هنا

حرم المنياوي: انت اتجننت!

المنياوي: لا متجننتش، لسه مشوفتيش جنان، هو فين عديم الشر'ف اللي هنا

حرم المنياوي: يابجاحتك ي اخي، انت كمان ليك عين تتكلم وتتهمني!

المنياوي: وميكونش ليا عين ليه، انا مش جوزك يهانم ولا ايه!

حرم المنياوي: جوزي ااه، بس خاين وعينك زايغه، ميملاش عينك غير التراب، بتخوني انا؟، بتخوني انا بعد كل اللي عملته عشانك؟

المنياوي: بخونك!، انتي هتعمليهم عليا؟، بقولك هو فين انطقي

حرم المنياوي: مين هو، ومين قالك اني معايا حد هنا

المنياوي: مش مهم مين قالي

حرم المنياوي: غبي، لو معايا حد هجيبه هنا ليه؟، هجيبه بيتك ليه!، ماكنت روحت معاه في اي حته بعيده

المنياوي: امال ليه اللي اتقال ان معاكي حد هنا

حرم المنياوي: مانت دورت اهو، لقيت حد؟، ثم هو اي حد يقولك حاجه على مراتك تبقى صح!، تطلع تجري وتتهمها في شرفها!

المنياوي: عايزاني اعمل ايه لما حد يرن عليا ويقولي مراتك معاها واحد في البيت!

حرم المنياوي: ولقيت حد!

المنياوي:.....

حرم المنياوي: قولي انت بقى، خونتني كام مره، مع كام واحده، وياترى جبتها بيتي ولا لا، ها، جاوبني

المنياوي: ايه الكلام الفارغ دا، جبتي منين الكلام دا

حرم المنياوي: يعني مخونتنيش؟

المنياوي: اخونك ايه، هو انا ملاحق ع المصايب اللي نازله ع دماغي!

حرم المنياوي: امال دا ايه

طلعت موبايلها وفرجته ع الفيديو اللي فيه مع السكرتيره

ـــــــــــــــــــــــــــــــــــــــــــــــــــــــــــــــ

مامتها: ايه يابني كل دا

بيان: صمم يماما، قولتله كتير مسمعش الكلام

مامتها: دا كتير قوي ياعمر

عمر: لا كتير ولا حاجه، المهم كرم هيتحكم عليه بكرا، يعني عشان تكونوا مستعدين

مامتها: هو هيتحبس كدا خلاص!

عمر: طبعا، دا متهم في اكتر من جريمه، الا بقى لو ابويا عمل حاجه عشان يطلعه، بس انا مش هسمحله يعمل كدا

بيان: طيب كدا يادوب نجهز نفسنا

عمر: تجهزوا نفسكوا ل ايه

بيان: عشان نمشي من هنا

مامتها: ايوا يابني، هنشوفلنا شقه نأجرها عشان نبقى جنب بيان هنا، كتر خيرك مش عارفه اقولك ايه على وقفتك معانا

عمر: أيه اللي بتقولوه دا، استنوا بس لحد مانشوف الامور هترسى ع ايه، وبعدين الشقه موجوده اهي، تشوفوا شقه تانيه ليه

بيان: دي شقتك

عمر: ايوا مالها

بيان: ملهاش بس، مينفعش

عمر: لا ينفع، على كلٍ انا هسافر تاني، كل حاجتي بره، والشقه هتتقفل، يعني مش محتاجين تشوفوا مكان تاني

خبر سفره مكنش احسن حاجه بيان ممكن تسمعها

بيان: هتسافر!

عمر: ااه

بيان: امم

مامتها: ربنا يسترها عليك يابني ويوقفلك ولاد الحلال، بس معلش الافضل اننا نشوف مكان تاني، دا غير ان اهلك عرفوا طريق شقتك وممكن يضايقونا بعد ماتمشي، احنا نشوف شقه في مكان تاني محدش يعرف مكانها

عمر: طيب اللي تشوفوه، بس دلوقتي استنوا لحد مانشوف هيحصل ايه

بيان: هو، هو انت هتسافر انت ورولا!

مامتها: بيان، متتدخليش

بيان: مقصدش انا ب..

مامتها: بيان

بيان: انا داخله اوضتي

سابتهم ودخلت اوضتها والكل مستغرب من حالها المتبدل وعدم قدرتها ع السيطره ع نفسها حتى قدامه

عمر: طيب انا هدخل اخد دش

مامتها: اتفضل يابني على ماجبلك الاكل

دخل اوضته وقلع هدومه وفي دماغه مليون حاجه، مش عارف ياخد القرار الصح او المناسب

اخد دش وطلع لقى ام بيان مدخله الاكل

مامتها: جبتلك الاكل هنا عشان بيان مش راضيه تاكل وانا وتقى اكلنا قبل ماتيجوا

عمر: بيان مش راضيه تاكل ليه

مامتها: بتقول انها ملهاش نفس

عمر: امم، بس هي مأكلتش معايا بره، ملهاش نفس ليه

مامتها: مش مشكله شويه وتاكل

عمر: طيب ممكن تنادي عليها تاكل معايا، انا هقنعها تاكل

مامتها: مش مهم تبقى تاكل بعدين

عمر: بس انا حاسسها متضايقه عشان كدا مش عايزه تاكل

مامتها: لا هتتضايق من ايه

عمر: طب خلاص بالمره تاكل معايا بدل ماكل لوحدي

مامتها: ماشي هناديها وانت قولها تقعد تاكل

طلعت بره وقالتلها ان عمر عايزها

جت خبطت ع الباب اللي كان مفتوح ودخلت

بيان: نعم!

عمر: ايه

بيان: ماما قالت انك عايزني

عمر: ماما قالت!، ولا مقدرتيش تقعدي شويه من غيري

بيان: نيني، ايه السكر دا، مفكرتش تقدم قبل كدا في مسرح وتستغل حسك الفكاهي دا

عمر: طب تعالي اقعدي يالمضه وهنشوف المسرح دا سوا

بيان: خير، عايز ايه

عمر: كلي

بيان: مش جعانه

عمر: كلي يبيان مأكلتيش حاجة

بيان: مليش نفس كل انت

كانت سايباه وطالعه بس كلامه وقفها

عمر: بتحبيني؟

ـــــــــــــــــــــــــــــــــــــــــــــــــــــــــ

المنياوي: اسمعيني بس

حرم المنياوي: اسمع ايه وزفت ايه، بتخوني!، بتخوني انا؟، بعد كل اللي ضحيت بيه عشانك؟

المنياوي: انتي فاهمه غلط، نزوه، صدقيني نزوه وعدت

حرم المنياوي: نزوه!، انت كنت جاي تشوف في حد معايا ولا لا ولو لقيت حد كنت هتقول نزوه برضو!

المنياوي: اسمعيني، انتي جبتي الفيديو دا منين

حرم المنياوي: مش مهم جبته منين، المهم اني كشفتك ياحقي'ر وكشفت عملتك، ليه كدا حرام عليك، دانا عملت كل حاجه عشان ارضيك

المنياوي: انا غلطت، بس لو سمحتي مش وقته، كرم هيتحكم عليه بكره، ومش عارف اعمله اي حاجه، مش وقت اللي انتي بتقوليه دا خالص

حرم المنياوي: يلهوي، انت معرفتش تهربه؟

المنياوي: لا، للاسف لا، عمر طب علينا ومسكنا قبل مايهرب

حرم المنياوي: عمر؟، ليه بيعمل كدا المجنون دا

المنياوي: معرفش، معرفش اصبري عليا لحد ماشوف هعمل ايه، اصبري عليا عشان دماغي خلاص وقفت

حرم المنياوي: لا انت مش هتعرف تعمل حاجه، انت خلاص مبقتش فاضي غير للحاجات دي، روح شوف السنيوره بتاعتك، وانا هتصرف واخرج ابني

المنياوي: انتي رايحه فين

حرم المنياوي: رايحه اخرج ابني، مش هضحي بولادي انا محيلتيش غيرهم

ـــــــــــــــــــــــــــــــــــــــــــــــــــــــــــــــ

بيان: ايه!

بصت وراها لقته قاعد ومستني ردها

بيان: انت بتقول ايه

عمر: هو سؤالي صعب كدا!

بيان: هو دا سؤال!

عمر؛ ااه، بتحبيني!

بيان: وايه مناسبة السؤال دا

عمر: تصرفاتك بتقول كدا

بيان: اازاي بقى

عمر: تعالي اقعدي الاول وانا اقولك

راحت عشان تقعد بس ملحقتش لانه شدها وقعدها ع رجله ومسكها جامد

بيان: انت مجنون!، بتعمل ايه سيبي

عمر: اششش، اهدي

بيان: سيبني بقولك، غلط اللي بتعمله دا

عمر: مش هسيبك طول مانتي كدا، اهدي وانا هسيبك

بيان: يعمر اوعى يعمر ماما هتدخل

عمر: لو مسكتيش مش هسيبك ووقتها هتدخل وانا مش مسؤول عن اللي هتشوفه

بيان: يعمر عيب هتقول ايه

عمر: اهمدي شويه

بيان؛ اووف، هاا، عايز ايه

عمر: جاوبيني

بيان: مينفعش اجاوبك وانا قاعده جنبك!

عمر: لا، جاوبيني وانتي قاعده كدا عادي

بيان: عمر انت مجنون

عمر: براحتك، انتي اللي بتضيعي الوقت

بيان: طيب، ليه بتسأل سؤال زي دا، تصرفاتي مالها

عمر: يعني انتي مش زعلانه عشان انا ورولا هنسافر سوا

بيان: هي هتسافر معاك!!!

عمر: شوفتي!

بيان؛ احم، لا قصدي، اقصد يعني انكوا المفروض سيبتوا بعض، هترجعوا ازاي

عمر: رجوعنا دا امر مختلف، انا بسألك انتي، زعلانه عشان كدا!

بيان: لا هزعل ليه، انا مالي

عمر: طب عيني في عينك كدا

بصتله لقته باصصلها بنظرات متقدرش تقاومها فبصت بعيد

بيان: عمر بطل لو سمحت، سيبني بقى خليني اقوم

عمر: غيرتي لما شوفتي رولا هنا اول مره، وغيرتي لما ساعدت فريده، وغيرتي واحنا بنشتري الحاجات دي، ودلوقتي غيرتي لما عرفتي اني ممكن اسافر معاها

بيان: وهغير ليه، انا مالي، دي حياتك وانت حر

عمر: بيان

بيان: امم

عمر: بصيلي

بيان: لا

عمر: لا ليه

بيان: كدا

عمر: بصيلي عشان اسيبك تقومي

بيان: مش هبصلك يعمر، مش هينفع

عمر: هينفع

بيان وهي باصه في عينيه: هيفرق في ايه

عمر:....

بيان: حتى لو طلعت بغير فعلا، هيفرق ف ايه يعمر!

عمر: هيفرق، انا عايز اعرف

بيان: طيب انا بغير عليك، ارتحت! هيحصل ايه بقى

عمر: ومنبع الغيره دي ايه

بيان: عادي

عمر: هو في واحده تغير ع واحد غريب ويبقى عادي!

بيان: انت جوزي

عمر: مش قولتي قبل كدا، اني جوزك ع ورق بس!

بيان: معرفش، يمكن دا منبع الغيره، لكن مفيش حاجه تانيه

عمر: متأكده!

بياه: اه

عمر: يعني مفيش اي مشاعر ناحيتي!

بيان: احم، لا

عمر: امال مش قادره تبصيلي ليه

بيان: عشان مش كل يوم بقعد القعده دي

عمر: طب مانقعدها

بيان: عمر سيبني اقوم

عمر: طب انا عايز اتأكد

بيان: من ايه

عمر: ان مفيش مشاعر

بيان: امم.. وهتتأكد ازاي

عمر وهو بيبوسها: كدا

مرت لحظات طويله قطعها خبط الباب بقوه، الاتنين قاموا بسرعه يجروا ل بره ومعاهم ام بيان

مامتها: استر يارب، في ايه

عمر فتح الباب لقاها مامته، اول ماشافته حضنته وفضلت تعيط

عمر: في ايه، اهدي بتعيطي ليه

مكانتش بتعمل حاجه غير انها بتعيط وهي حاضناه، قلبه رق واتكلم معاها بهدوء ينافي قهره منها

عمر: اهدي لو سمحتي، قوليلي بس في ايه

مامته: اخوك، اخوك يعمر، ارجوك ساعدني، عمر انا مليش غيركوا، ارجوك ساعده

عمر: ااه، انا فكرت في حاجه

مامته: وهو في حاجه اكتر من كدا!، جبت الجحود دا منين، عمر انت مكنتش كدا

عمر: جحود!، متأكده ان انا اللي جاحد؟، ثم عايزاني اعمل ايه، كرم غلط وبيتحاسب، المفروض نعمله ايه

مامته: اخوك مستقبله هيضيع كدا، لو سمحت ياحبيبي، عشان خاطري، ساعده المرادي وصدقني هعملك كل اللي انت عايزه، ابوك مش عارف يعمل حاجه، ارجوك يعمر مفيش غيرك هيساعدنا

عمر: اعمل ايه

مامته: طلعه

عمر: اطلعه!، ازاي

مامته: معارفك كتير يعمر، مش هتغلب، انت تقدر تعمل اكتر من ابوك بكتير، استغل اي علاقه من علاقاتك، ارجوك يعمر، عشان خاطري، لو ليا خاطر عندك، واوعدك انا هربيه كويس، هاخده ونسافر كلنا وانت معانا، ونعيش مع بعض هناك بعيد عن كل المشاكل والهم دا، لو سمحت

عمر: ابنك قت'ل صاحبي

مامته: هيبقى مو'ت وخراب ديار، صاحبك ما'ت خلاص، عوض اهله ب اي مبلغ وخلصنا، يعني هو لما اخوك يتحبس كدا صاحبك هيرجع يعيش تاني!

عمر: انتي بتقولي ايه، دا مجرم، لازم يتحاسب

مامته: دا اخوك

عمر: مش مبرر يخليني اكون ظالم

مامته: وانا يعمر؟، يرضيك تقهر قلبي على ابني!

عمر: وام معتصم، مش ام برضو!، مش عندها قلب اتقهر على ابنها اللي راح من غير ذنب!، حطي نفسك مكانها دقيقه واحده، وتخيلي كان حد قتل'ني من غير ماعمله حاجه، كنتي هتعملي ايه!، كنتي هتفرطي في حقي!

مامته: يعمر بس، بس كرم ميستحملش الحبس

عمر: وليه قولتي حبس، ليه مقولتيش اعدا'م، دي مش جريمه واحده

مامته: حرام عليك ايه اللي بتقوله دا، انت ازاي اصلا يجيلك قلب تقول كدا على اخوك، مفيش تجاهه اي مشاعر خالص!، صاحبك اغلى منه!

عمر: لا عندي مشاعر لاخويا، بس متقلقيش معتقدش انها توصل لاكتر من الحبس، علاقاتكوا هتقوم بالواجب

مامته: ولا دقيقه واحده، قولتلك هتتصرف وتخرجه

عمر: متأسف

سكتت وبصت حواليها لقت بيان واقفه جنبه، في الوقت دا دخلت رولا

اتكلمت وشاورت عليها

مامته بعصبيه: كل دا عشان دي!، دي واحده من الشارع، غسلت مخك وخلتك تعادي اهلك وخطيبتك! دي!

عمر: دي مش من الشارع ولا حاجه، دي من بنات وبنت ناس كويسين قوي، ناس كنت اتمنى ان اهلي يبقوا ربعهم

مامته: ربع مين، دي ناس جرابي'ع، شبه مشردين، ضحكوا عليك ازاي وغسلوا مخك كدا؟، انت ازاي مش شايف، دول طمعانين فيك، ازاي مش قادر تفهم!، دي ناس جعانه، ماصدقوا لقوك وقفت معاهم، مسكوا فيك ب ايديهم واسنانهم، من اول يوم شافوك فيه وهما لازقين فيك، طمعانين في فلوسك ياغبي

عمر: والله يماما هو لو في حد جعان فهو احنا، احنا اللي مش عارفين نشبع، ربنا ادانا كل حاجه، ومع ذلك مش مكفينا، عايزين تاني، عاطينا فلوس ومكانه اجتماعيه كويسه، بس دا مش كفايه، احنا جعانين اخلاق، جعانين مشاعر، معندناش غير الغل والكبر وظلم الناس، ع الاقل الجعان فلوس يقدر يشتغل ويجيبها، بس احنا اللي جعانين تربيه، تفتكري نقدر نجيبها!، على كلٍ انا فاقد الامل فيكوا من زمان، انا مبعدتش عنكوا من فراغ، هتفضلوا متعاليين ع الناس وشايفين اننا احسن منهم مع اننا اسوء من اي حد، اقل من اي حد، بس انتي مش شايفه دا، استني شويه دي هي الدنيا دواره، يوم فوق ويوم تحت، ووقتها هتعرفي معنى كلامي كويس، ووقتها لاهيبقى في فلوس ولا اي حاجه خالص، هنبقى فاضيين تماما

مامته بدموع: طيب انا اسفه، هعمل كل اللي انت عايزه، بس ساعدني، صدقني دي اخر مره هطلب منك حاجه

عمر: سامحيني، مش هقدر اعمل اللي انتي عايزاه

رولا: عمر ان..

عمر: خليكي عندك، انا مسمحتلكيش تتكلمي معايا

مامته: عمر فوق، وبعدين، هي البنت دي مش كانت محجبه!، ازاي قاعده معاك بشعرها

رولا: هه، طبيعي، اذا كانت اصلا واحده طمعانه فيه اكيد يعني هتعمل كل حاجه عشان تغريه وتاكل دماغه

عمر: ليه، فاكراها زيك؟

رولا: زيي!، هي متعرفش اصلا تبقى زيي، انت بتقارن دي بيا!، فرق المستوى كبير يعمر

عمر: صح، فرق المستوى كبير قوي، صعب قوي تبقي زيها، دي حاجه مينفعش تتقارني بيها نهائي

رولا: ليه، بنت مين دي

عمر: بنت راجل طيب محترم، رباها كويس وعلمها الاخلاق والحشمه والحياء، تعرفي الحياء؟، سمعتي عنه؟، سوري هو سؤال غبي مني، واحده قافشها مع واحد في الشقه، اكيد متعرفش الحياء، واحده بتلبس زيك، اكيد متعرفش الحياء

رولا: قولتلك انت فاهم غلط، ثم دلوقتي لبسي مش عاجبك!

عمر: من زمان مش عاجبني، من زمان وانا بقولك اني مش هقدر اتجوزك غير لما تتغيري، مينفعش تبقي ام لاولادي وانتي كدا، واديك بدل الفرصه كتير، بس انتي نهيتي اي امل فيكي بعد اللي عملتيه، بعد ماخونتيني

مامته: ايه؟، خانتك!، انت بتقول ايه

عمر: امال هي قالتلك ايه

رولا: عمر، كانت غلطه، غلطه واوعدك مش هتتكرر تاني، انا بحبك وانت عارف قد ايه متعلقه بيك ومليش غيرك، اوعدك هبقى زي مانت عايز

ابتدت تقرب منه تدريجيا وتحط ايديها عليه عشان تستعطفه ويحن

رولا: افتكر السنين اللي بينا ياعمر، افتكر كل اللحظات الحلوه اللي جمعتنا سوا

قربها منه وطريقة كلامها معاه مكنش على هوى بيان، اللي ابتدت تتضايق ويبان عليها، واتضايقت اكتر لما لقت عمر ساكت

رولا: عمر انت مش فاكر كنت بتقولي ايه!، مش فاكر المشاريع والحاجات اللي عايز تقدمها للناس، وقولتلي نعملها سوا؟، فاكر خططنا نعمل ايه مع بعض!، ادينا فرصه تانيه، فرصه واحده بس اثبتلك فيها اني بحبك بجد، واني ندمت

مامته: ايوا يعمر، اسمع كلامها، فرصه واحده وكل حاجه هتتحل، ونرجع نعيش طبيعي، ارجوك

عمر بص للاتنين وهما بيستعطفوه ورجع بص لبيان

عمر: طيب، بالنسبه لموضوع كرم فانا مش هعمل حاجه، اما بالنسبه ل رولا

كمل وهو بيبعدها عنه

عمر: مبقتيش تلزميني، معرفش اقبل بواحده كانت في حضن واحد تاني، والله اعلم عملتي ايه قبل كدا، غير كل دا، اكتشفت انك مش مناسبه بالمره لاي حاجه خططنا ليها، ولا ينفع تبقي ام لاولادي، هيبقى اثم وذنب كبير عليا قوي لو خليت ولادي عنهم ام زيك

دا غير ان فات الاوان ع الكلام دا خلاص، دلوقتي معايا مراتي

مد ايده ومسك ايد بيان وحاوطها ف حضنه قدامهم وهي مستغربه

عمر: مراتي

رولا: ايه!

مامته؛ نعم؟؟

عمر: مفاجأه

مامته: انت بتقول ايه، دي اخر واحده في الدنيا انا ممكن اقبل بيها

عمر: ومي قال اني محتاجك تقبلي او ترفضي، انا اتجوزتها خلاص

رولا: عمر، وانا!

عمر: انتي ايه، قولتلك متلزمنيش

رولا: دي مش من مستواك

عمر: مستوى ايه اللي بتتكلموا عنه، مستوى مستوى، تقدري تقوليلي انتي بنت مين!، بس الحقيقه، مش الحوار اللي قولتيه وفكرتي انه دخل عليا، وانا اتغاضيت عنه لاني حبيتك، او كنت موهوم اني حبيتك

اما بالنسبه ليكي يماما، انا اسف يعني بس انا مفتكرش ان عيلة حضرتك معروفه او حاجه، افتكر ان بابا اتعرف عليكي وانتي بتشتغلي جرسونه في مطعم طبيعي زي اي بنت طبيعيه جميله بتشتغل وتصرف على نفسها، شافك واعجب بيكي واتجوزك، يعني لو هندور ع الاصل، فهو اصل جميل وكل حاجه، بس مش زي مانتوا متخيلين، فانا مش فاهم انتوا شايفين نفسكوا عليها على ايه، اسمعوا، دي مراتي، يعني الموضوع بقى شخصي قوي، يعني لو حد فكر يقربلها او يوجهلها كلمه تانيه انا هنسى اي علاقه بينا

مامته: عمر، انت فعلا اتجوزتها!

عمر: صراحة احنا اتجوزنا ع ورق، وكنا هنتجوز في الحقيقه بس جيتوا في وقت مش مناسب خالص، بوظتوا اللحظه

بيان برقتله وبصت لمامتها اللي كانت مصدومه هي كمان

عمر وهو بيبوسها من خدها: صح يبيبي

بصت في الارض وهي وشها هينفجر من الكسوف، ودا اكد كلامه قدامهم وضايقهم اكتر

مامته: انا مش مصدقه، ولادي الاتنين ضاعوا مني، مش قادره استوعب

عمر: متأسف لسه معملناش فرح، بعد مايتحكم ع كرم هنعمل فرح كويس وهعزمكوا متقلقوش

مامته سابتهم وخرجت ورولا خرجت وراها

ام بيان: لا حول ولاقوة إلا بالله العلي العظيم، ايه ياربي المصايب دي

عمر: انا متأسف ع اللي اتقال في حقكوا، اتمنى اكون قدرت ارد عليهم

ام بيان: كتر خيرك يابني، بس

عمر: عارف هتقولي ايه، وهقولك للمره الاخيره انتي مش السبب في اي حاجه، بس، بعد حكم بكرا، محتاج اتكلم معاكي في موضوع مهم

ام بيان: خير

عمر: لا خير متقلقيش، بس بكرا احسن، دلوقتي انا هدخل اوضتي

سابهم ودخل بصت لمامتها وكانت متوقعه اللي هتشوفه

بيان: لو حلفتلك انه قال كدا عشان يسكتهم مش هتصدقيني صح!

ــــــــــــــــــــــــــــــــــــــــــــــــــــــــــــــــ

عدى اليوم وجه اليوم الموعود

الكل اتجمعوا في المحكمه مستنيين الحكم النهائي لكرم

بيان ومامتها موجودين ومعاهم عمر، والناحيه التانيه المنياوي ومراته، وكرم اللي واقف يبص للكل وهو مش قادر يستوعب اللي حط نفسه فيه

دخل القاضي عشان يقول الحكم النهائي والكل مترقب اللي هيتقال..

Part 19..

قبل الاخير

Hassnaa Ramadan.. 🖤

صوت زغاريط من اهل معتصم في المحكمه بعد صدور الحكم ب ١٥ سنه على كرم

عمر اتنهد بارتياح ع الرغم من عدم شعوره بالرضا ع حكم زي دا ولكن كان متأكد من تأثير علاقات والده ع الامر، ولكن ارتاح شويه انه في كل الاحوال هيتحبس، وفكرة الحبس في حد ذاتها لكرم صعبه

خرجوا من المحكمه ومعاه بيان جنبه ومامتها وتقى ورا

وقبل ماعمر يطلع بالعربيه كان والده ومامته ورولا واقفين جنب بعض بيبصوله، بصلهم بصه اخيره وسابهم وطلع بالعربيه

المنياوي؛ شايفه ابنك؟، شايفه مبقاش فارقله حاجه ازاي!

حرم المنياوي: الحكم صدر، دلوقتي تتصرف، اعمل اي نيله، كرم لازم يخرج

المنياوي: رأفت بيحاول معايا

حرم المنياوي بتوتر: رأفت!، هيعمل ايه

المنياوي: بيحاول يتواصل مع اي حد عشان نعرف نتصرف

ــــــــــــــــــــــــــــــــــــــــــ

عمر: تحبوا تروحوا فين

مامتها: نروح فين ازاي

عمر: اكيد زهقتوا من البيت، غيروا جو شويه

تقى: ايوا خلينا نتفسح انا مش عايزه اروح

عمر: عايزه تروحي فين

تقى: الملاهي

بيان: ملاهي ايه دلوقتي، الملاهي تتراح بالليل

تقى: ماحنا العصر اهو

بيان: انتي غبيه يابت؟

عمر: خلاص ايه رأيك نروح ناكل دلوقتي، وبعدها نلف شويه نشتري اي حاجه، وبعدين نروح الملاهي!

تقى: ايوا موافقه طبعا

عمر: حرمي المصون ايه رأيها

بصتله باستغراب وبصت لمامتها ورا

بيان: ايه

عمر: ايه رأيك، ولا عندك اقتراح تاني

بيان: لا، عادي اي حاجه

عمر: طيب تحبوا تاكلوا ايه

تقى: انا عايزة بيتزا

مامتها: ماتقعدي بقى

عمر: سيبيها براحتها، عايزه بيتزا!

تقى: اااه

عمر: وبيان هانم عايزه ايه!

بيان: اي حاجه

عمر: وحماتي!

مامتها: اي حاجه وخلاص يقلب حماتك

بيان؛ جرا ايه يماما

مامتها: ايه يابت

بيان: مش للدرجادي انتوا الاتنين

عمر: هي مش حماتي ولا ايه

بيان؛ لا، انتوا بتهزروا اكيد

عمر: انا مقدر انك لسه مش مستوعبه ان عمر بيه يبقى جوزك، معلوم معلوم ولكن مع الوقت هتتعودي متقلقيش

بيان: لا ياشيخ، دا ايه الثقه المفرطه دي

عمر: تنكري انك مبسوطه اني جوزك!

بيان: وهتبسط ليه

عمر: بس امبارح مكنش دا كلامك

بيان وهي بتبص لمامتها بتوتر: امبارح ايه، انا مقولتش حاجه امبارح

عمر: الله، لحقتي تنسي!

بيان: ماما والله بيكدب

عمر: وهكدب ليه، انتي مراتي وعادي يعني طبيعي

مامتها: هو ايه اللي طبيعي

عمر: اللي عملته امبارح

مامتها: عملتي ايه امبارح

بيان؛ معملتش حاجه والله

عمر: لا حول ولا قوة الا بالله، الناس بقت بتكدب عادي كدا، مفيش خوف من ربنا خالص

بيان: عمر بطل رخامه انا معملتش حاجه هتفهم غلط

عمر: تفهم غلط ليه، مانتي مراتي

بيان: ياعم مراتك على ورق

عمر: ايوا دا لحد امبارح بس

بيان: ينهار نيله والله يماما بستهبل محصلش حاجه

عمر: الانكار مش هيفيدك، اعترفي

بيان: ماما متصدقيهوش والله، هو بس عرق الرخامه بيطق معايا انا

عمر: انا مالي ياست، مش انتي اللي جيتي امبارح و..

بيان: عمر

عمر: سيبيني اقول بتعملي فيا ايه

مامتها: بتعمل فيك ايه

عمر بضحك: ايه يحماتي اللي بتقوليه دا عيب

بيان: يلهوي عليا يماما انا معملتش حاجه والله، انتي اللي قولتي عمر عايزك

عمر: انا كنت قاعد اكل في حالي والله ياحماتي لقيتها داخله عليا و

بيان: ماتتلم يعمر

مامتها: طب بس خلاص بطلوا هزار، المهم يابني هنعمل ايه في موضوع الشقه

عمر: شقة ايه

مامتها: ماقولتلك هنمشي

عمر: قولت شقتي موجوده

مامتها: اهلك مش هيسيبونا في حالنا، احنا نلم الدور وناخد مكان بعيد احسن

عمر: امم، طيب انا هدور ع شقه كويسه وبعدين اقولكوا، المهم يلا وصلنا

نزلوا ودخلوا المطعم وطلبوا الاكل وقعدوا ياكلوا

عدى الوقت وهما بيلفوا وبيتفسحوا

تقى: يلا بقى وديني الملاهي

عمر: يلا ياست

ـــــــــــــــــــــــــــــــــــــــــــــــــــــــــــــــ

حرم المنياوي: ايوا عايزني اعمل ايه

رأفت: تعملي ايه ازاي، انتي هتفضلي معاه بعد اللي عرفتيه!

حرم المنياوي: وتفتكر عندي حل تاني!

رأفت: انتي بتهزري اكيد، فين كرامتك

حرم المنياوي: انت الظاهر مش شايف المصيبه اللي انا فيها، انا خسرت ولادي الاتنين، ومقدرش اخسر حاجه تاني

رافت؛ مكنتش متخيل ان دا هيكون رد فعلك

حرم المنياوي: معنديش حل تاني، افرض اتطلقت منه، هروح فين ولا لمين، كرم اتسجن وعمر قطع علاقته بينا، وانت عارف حتى ان حسابي في البنك مشترك مع المنياوي، يعني لو اتطلقنا ممكن جدا يمنعني اني اخد اي حاجه، تقدر تقولي هعمل ايه وقتها!

رأفت: وهتقدري تقبيله بعد ماخانك!

حرم المنياوي: احنا هنعملهم على بعض، مانت بتخون مراتك انت كمان معايا، وانا بخون جوزي معاك، يعني كلنا في الهوا سوا، يبقى الاحسن اننا نحافظ ع بيتنا من الخراب

رأفت: للاسف، كنت مخطط لحاجه تاني

حرم المنياوي: حاجة ايه

رأفت: كنت بفكر اني هطلق مراتي، مبقتش تلزمني، وكنت هتجوزك، ونعيش انا وانتي سوا، ع اساس انك هتتطلقي منه، ودا طبعا كان غباء مني، اول ماعرفت جيت جري اقولك، بس للاسف دا رد فعلك

حرم المنياوي: بتتكلم جد!، يعني هتطلق مراتك!، طب ليه

رافت: عشان بحبك، عشان انتي غيرها، انتي حاجه تانيه خالص، وبصراحه كان ممكن اقولك نتجوز في السر وهي تفضل ع ذمتي، بس انا مش عايز سر، انا عايز اقول للدنيا انك بقيتي مراتي

حرم المنياوي: بجد!، يعني لو اتطلقت منه هتتجوزني؟

رأفت: لو بقى، لكن انتي

حرم المنياوي: انا ايه، انا موافقه، انا بحبك وانت عارف دا، كل مافي الامر اني فكرت بمنطق، مكنتش اعرف انك هتطلق مراتك

رأفت: ودلوقتي عرفتي، هاا، هتعمل ايه

اترددت وحست بقلق ومعرفتش تعمل ايه

ـــــــــــــــــــــــــــــــــــــــــــــــــــــــ

بيان: هااااهوووو

تقى: اعاااا

مامتها: منكواااا لله، ياريتني ماطاوعتكووا، نزلوووووني

عمر ميت ضحك عليهم وهما عمالين يصوتوا وخايفين

مامتها: نزلني ياعم الحج الهي تنستر

بيان بضحك: يماما فضحتينا

مامتها: منه لله اللي كان السبب، نزلووووني

اللعبه وقفت وعمر نزل وسندهم عشان ينزلوا وهو مش قادر يقف من الضحك

مامتها: بتضحك ع ايه مانت السبب

عمر: اانا مضحكتش كدا في حياتي، ايه دي لعبه بسيطه جدا، ليه كل دا

بيان: كل دي بسيطه!، طبعا مانت واحد لما بتحب تغير جو بتروح غابه، طبيعي دا يكون بسيط بالنسبالك

مامتها: غابه!، غابة ايه؟

بيان بتوتر: اايه، انا قولت غابه!

مامتها: ااه

عمر: ااه مانا نسيت اقولك ياحماتي اننا روحنا الغابه سوا

بيان: عمر

عمر: ايه، اكدب؟

مامتها بقلق: غابة ايه يابني اللي تروحوها!، امتى دا

عمر: لا بهزر يحماتي متقلقيش كدا، انا قولتلها قبل كدا اني بحب اروح الغابات اشم هوا

تقى: عمر عمر، هي الغابه دي اللي فيها حيوانات!

عمر؛ ااه ياقلب عمر

تقى: فيها اسد!

عمر: ايوا

تقى: ازاي دا، الاسد بياكل البني ادمين

عمر: ااه مانا عارف

تقى: مش بتخاف ياكلك!

عمر: انتي شايفه اني بني ادم عادي!

تقى: بصراحه! لا، انت بطل خارق زي سوبر مان

عمر: سوبر مان مره واحده!

تقى: ااه واحسن منه كمان

عمر: طب هاتي بوسه

باسها ورفع وشه لقى بيان بصالهم بقرف

عمر: مش وقت غيره يحلو

بيان: وانا هغير من ايه

عمر: متأكده!

بيان وهي بتزغرله: عمر يلا نشتري ايس كريم

عمر: لا مش شاري

بيان؛ ايه هو دا

عمر: هتدفعي انتي!

بيان: ااه ياخويا هدفع اناا، يلا بس تعالى معايا، اقعدي يماما انتي وتقى هنا لحد مانيجي

مسكته من ايده ومشت

عمر: بالراحه ياوليه مش كدا

بيان: انت بتستهبل صح!

عمر: معملتش حاجه

بيان: لا عملت، انت عارف ماما بتقلق ازاي، ليه بتقولها ع موضوع الغابه، وبعدين ايه اللي عمال تقوله دا، محصلش حاجه امبارح يعمر اتلم

عمر: هو انا قولت انه حصل حاجه امبارح!

بيان؛ عمر

عمر؛ لو انتي شايفه انه محصلش، فانا شايف انه حصل

بيان: وايه اللي حصل!

عمر: افكرك!

بيان وهي بتبعد: لو قربت يعمر هصوت

عمر: بس انا مقربتش

بيان؛ هتقرب

عمر؛ مين قالك

بيان: زي امبارح

عمر: امبارح ايه

بيان: زي اللي حصل امبارح

عمر؛ يعني حصل اهو!

بيان: لا، ااه، المهم متقربش

عمر: ماشي مش هقرب، قربي انتي

بيان: دا لما تشوف حلمة ودنك

عمر: لا متثقيش قوي كدا عشان لو عايزك تقربي هخليكي تقربي

بيان: ودا من ايه ان شاء الله

عمر: تحبي تشوفي؟

بيان: لا مش عايزه شكرا، المهم بطل بواخه ومتقولش كدا قدام ماما عشان بتصدق

عمر: طب ماتصدق

بيان: مينفعش يعمر

عمر: ليه

بيان: استغفر الله العظيم، يابني افهم بقى، احنا اتجوزنا ع ورق بس عشان امجد يبعد عني، لكن مش جواز حقيقي

عمر: طب مانخليه حقيقي

بيان وهي بتتنهد: اللهم اني لا اسألك رد القضاء ولكني اسألك اللطف فيه، امشي يعمر، امشي نجيب ايس كريم يطري القعده احسن من الكلام معاك

عمر: والله لو عايزه رأيي ممكن نطري القعده بطريقه تانيه، يعني في حلول غير الايس كريم وبتدي نفس المفعول

بيان: زي اي يعمر بيه

عمر: مينفعش اقولك هنا

بيان؛ امال تقولي فين

عمر: لما نروح

بيان؛ تصدق انا الغلطانه اصلا، اوعى مش عايزة ايس كريم ولا نيله

عمر: خلاص خلاص استني بس، هحترم نفسي والله، يلا نشتري

راحوا سوا اشتروا للكل ورجعوا

ـــــــــــــــــــــــــــــــــــــــــــــــــــــ

حرم المنياوي؛ انا عايزه اتطلق

المنياوي: ايه؟

حرم المنياوي: زي ماسمعت

المنياوي: انتي بتقولي ايه، انتي اتجنتيني؟

حرم المنياوي: مقدرش اعيش معاك بعد اللي عملته

المنياوي؛ قولتلك غلطه، وبعدين انتي شايفه ان دا وقته!، بتفكري ف ايه ولا ف ايه؟

حرم المنياوي: ااه وقته، كفايه عليا هم ابني، مش هجبر نفسي اني اعيش مع واحد زيك، خا'ين وحقير وعينه زايغه، مقدرتنيش وانا معاك، عايزني اتمسك بيك ليه!

المنياوي: كل الرجاله بيعملوا كدا، كلهم بيغلطوا ويرجعوا ف الاخر، الفرق الوحيد ان الست الشاطره اللي تحافظ ع بيتها

حرم المنياوي: لا ياشيخ؟، لو انا اللي عملت كدا، كنت هتقول الكلمتين دول!

المنياوي: انا عايز افهم ايه اللي غيرك كدا، انتي مش كنتي هديتي ونسيتي الموضوع دا

حرم المنياوي: لا منستش حاجه، وبقولك دلوقتي طلقني

المنياوي: لاخر مره بقولك اهدي وفكري كويس

حرم المنياوي: فكرت، انت اخر راجل في الدنيا ممكن افضل ع ذمته، دا لو كنت راجل اصلا

سكتها لانه يديها قلم ع وشها، حطت ايديها ع وشها وهي مصدومه

حرم المنياوي: انت بتمد ايدك عليا؟، انت مجنون!، تصدق صحيح انك واطي وحقير، طبعا، هستنى منك ايه، واحد زيك يطلع منه ايه، انا الغلطانه ع عمري اللي ضيعته عشانك وعليك، كان المفروض اسيبك من اول مره غلط معايا فيها ماهو ديل الكلب عمره مايتعدل

المنياوي وهو بيمسكها من شعرها: كلب!، دانتي سوقتي فيها قوي، نسيتي نفسك يابتاعه انتي!، نسيتي انتي كنتي فين وبقيتي فين، دانتي كنتي حتة عيله لا روحتي ولا جيتي، متسويش ف سوق النسوان حاجه، خدتك ونضفتك وخليتك هانم، عندك خدم حواليكي، من كتر مانتي مش مستوعبه العز اللي بقيتي فيه، بقيتي تشوفي نفسك ع خلق الله، نسيتي اصلك ياهانم!

حرم المنياوي: ابعد عني، انت حقير انا بكرهك، ابعد عني بقولك

المنياوي: ومين قالك اني ميت عليكي، انا بس كنت بحاول احافظ ع البيت عشان خاطر ولادي، لكن خلاص، خسرت ولادي الاتنين عشان الهانم مش فاضيه تربي، مش فاضيه من الشوبيج والكوافير والفسح، خسرت ولادي بسببك، وفعلا عندك حق، انتي متستاهليش تكملي معايا اساسا، هطلقك وارميكي ف الشارع

حرم المنياوي: ايوا طلقني، طلقني وارحمني من قرفك

المنياوي؛ انتي طالق، مشوفش وشك تاني

رماها بعيد وقعت ع الارض

حرم المنياوي: هلم حاجتي وامشي، بس صدقني هعرفك ازاي تمد ايدك عليا

المنياوي: حاجة مين يام حاجه، انا جايبك بالهدمه اللي عليكي، وهتمشي بيها، كل دا انا اللي جايبه، هتمشي من غير اي حاجه، مش هتطولي مني جنيه واحد، يلا بره

مسكها من ايديها ورماها بره البيت وهي بتعيط

مشت في الشارع وهي منهاره ومش عارفه تعمل ايه، ومش معاها موبايل ترن ع حد

دخل المنياوي تاني الاوضه وهو متعصب، الفون رن

طنشه بس فضل يرن كتير، دور ع مصدر الصوت لقى الفون واقع، خده لقاه بتاع مراته

لقى الرقم مش متسجل، فتح

المنياوي: الو

ـ....

المنياوي؛ الو

محدش رد وشك اكتر لما قفل

دور ف سجل المكالمات لقى مكالمات تانيه للرقم دا معديه الساعات

دخل الرقم ع موبايله...

ـــــــــــــــــــــــــــــــــــــــــــــــــــــــــــــــ

عمر: ها تحبوا نجرب ايه تاني

بيان: لا مش قادره، انا فرهدت

عمر؛ ايه اصله دا، احنا لسه عملنا حاجه!

تقى: ايوا انا عايزة اركب العربيات

عمر: ماشي يلا

بيان: طب نرتاح شويه بالله عليك

عمر: العربيات مش متعبه انتي هتقعدي فيها بس واخنا هنخبط فيكوا براحتنا يلا

خدهم معاه وقعدوا يلعبوا وهما بيضحكوا ويهزروا

خلصوا وطلعوا، كان الوقت اتأخر

مامتها: حرام عليكوا كسرتوني

عمر: ايه يحماتي انتي بتغزي العين ولا ايه، مشوفتيش جوا كنتي بتعملي ايه

مامتها: حرام عليك والله فرهدتني، انا بتاع الكلام دا برضو؟، انتوا شباب فيكوا حيل للفرهده دي، انما انا خلاص العضمه كبرت

عمر: كبرت ايه بس انا مش عايز احسدك بس، دانتي ولا اللي عندها ٢٠ سنه يحماتي انتي كنتي بتدخلي فيا بالعربيه بترجي دماغي

مامتها بضحك: وانا مالي ماهي اللي بتخبط لوحدها

عمر: وحدها ايه بس والله كسرتيني، كل ماروح في حته الاقيكي جايه ورايا، ياست في ناس غيري تدخلي فيهم اشمعنى انا

بيان بضحك: ايوا فعلا يماما كل مايهرب منك تروحي وراه، كسرتيه

مامتها: والله العربيه اللي كانت بتمشي لوحدها، انا مالي وبعدين كل شويه الاقيه طلع قدامي

عمر: يلا ياست مسامحك، المهم اتبسطوا

تقى: ايوا قوي، هنخرج تاني امتى

بيان: ماتتهدي بقى

مامتها: احنا لسه راجعين اهدي شويه

عمر: مالكوا بيها يجماعه ماتصلوا ع النبي كدا، تقى تؤمر بس، شوفي عايزه تروحي تاني امتى وانا معاكي

تقى: في اي وقت، انا فاضيه ع طول

بيان: ماهو المشكله انك فاضيه ع طول

تقى: انتي مالك عمر هيوديني، هو انا كنت طلبت منك!

بيان: اشبعي بيه ياختي

تقى: ايونن هشبع بيه خليكي انتي في نفسك

عمر: فين البوسه بتاعتي

تقى: اهي

وصلوا البيت ودخلوا قعدوا

مامتها: هعملكوا شاي

عمر: متتعبيش نفسك

مامتها: لا صدعت من البتاع دا، هعملكوا معايا

عمر: ماشي

مامتها: تعالي ياتقى غيري هدومك

دخلت هي وتقى وقعدت بيان وعمر كل واحد في ناحيه

سادت لحظات صمت بينهم وهي باصه ف الارض، رفعت وشها بصتله لقته عمال يبص عليها من فوق لتحت بطريقه غريبه

بيان: بتبص ع ايه

عمر:....

بيان: عمر

عمر: ها، ايه

بيان: بتبص ع ايه

عمر: هكون ببص ع ايه

بيان: معرفش انا اللي بسأل

عمر: عليكي

بيان: وبتبص عليا ليه

عمر: مراتي

بيان: يادي مراتك

عمر: اسكتي عشان انا مهدود

بيان: طيب بقولك ايه، شوف موضوع الشقه دا بسرعه

عمر؛ ليه

بيان: كدا

عمر: مش مرتاحه هنا!

بيان؛ لا مش كدا، اي دا استنى، ايه اللي انت عملته امبارح دا

عمر: عملت ايه

بيان؛ مش فاكر!، وقتها مامتك دخلت وانا معرفتش اتكلم من ماما، والنهارده نسيت، انت ازاي تتجرأ ت..

وقفت كلامها لما لقته قام وقعد جنبها

عمر: ايه

بيان: تبوسني

عمر: وايه اللي فيها

بيان: يعني ايه، ازاي بتتكلم ع انه عادي

عمر: ماهو عادي فعلا

بيان: والله

عمر: والله، مراتي وبوستك

بيان: طب لو هنتكلم جد، انت عارف اننا مش متجوزين بجد، ليه عملت كدا

عمر: ممنعتنيش ليه؟

بيان: ملحقتش

عمر: ع اساس انها كانت لمجرد ثانيه يعني

بيان؛ عمر اتلم

عمر؛ اي دا احنا بنحمر اهو

بيان: اتلم يعمر

عمر: حاضر ياستي هتلم، بالنسبه لموضوع الشقه فهي جاهزة، جهزتها من ساعة ماسبتوا البلد بس قولت لو حبيتوا تكملوا هنا ولا حاجه

بيان: بجد

عمر: ااه، بس، محتاج اتأكد من حاجه، بعدها كل شئ هيترتب عليها

بيان: حاجه ايه

مامتها دخلت

عمر: كنت عايز اتكلم معاكي شويه

مامتها؛ خير في اي

عمر: ممكن تسيبينا شويه يابيان

بيان؛ ايه دا انا عايزه اعرف

مامتها؛ بيان

بيان: يووه، خلاص داخله

سابتهم ودخلت وقفت ورا الستاره عشان تسمع..

مامتها: خير يابني في ايه

عمر: بصي هو الشقه جاهزه وكل حاجه، وانا كنت مسافر بكرا

مامتها: مسافر

عمر؛ ااه، يعني قولت اشوف الدنيا هترسى ع ايه واحدد، مليش حاجه اقعد عشانها هنا، حياتي كلها بره

مامتها: ربنا يسهلك يابني

عمر: بس سفري دا متوقف ع حاجه

مامتها: ايه هي

عمر: بيان

مامتها: ازاي

عمر: بيان مراتي ع ورق، وبصراحه انا يشرفني انها تكون مراتي في الحقيقه

مامتها:....

عمر: بصي انا عارف انك خايفه عليها، بس..

مامتها: شوف يابني، اللي انت عملته معانا محدش عمله، وجميلك فوق راسنا، ووقفتك معانا دي هتفضل دين في رقبتنا، لكن انا ام، وبيان حته مني، مقدرش اضحي بيها، عارفه انك هتحميها كويس، بس احنا ليه نعمل مشاكل اصلا من الاول، اهلك مصيرك هتتصالح معاهم وترجعوا، عمر الدم مايبقى مايه، هترجعوا تاني تتصالحوا، واهلك ناس قادره يابني سامحني، احنا مش قدهم، وهما مش طايقينا اساسا، مابالك بقى لما تتجوز بنتي رسمي قدامهم، الله اعلم ممكن يفكروا يعملوا فيها ايه، وانا معنديش استعداد بنتي يحصل فيها حاجه

عمر: بس انا هحميها، اللي خلاني احميها وهي بنت غريبه يخليني احميها وهي مراتي، ع ذمتي، محدش هيقدر يكلمها

مامتها: لا يابني، لو بطولك كنت اقولك ماشي، انما وراك عيله، واخوك مصيره هيطلع، ومعتقدش انه هيطلع هادي خالص، يمكن يطلع عايز ينتقم ولا حاجه، انا مقدرش استحمل دا

عمر: طيب ممكن تديني فرص..

مامتها: لو سمحت ياعمر، افهم انت كلامي ومتتعبنيش، جميلك فوق راسي، لكن بنتي لا، ارجوك اعذرني، انا قلبي بيتقطع لو جرالها حاجه، عشان خاطري شيل الموضوع دا من دماغك، حقيقي مش هينفع

عمر فقد الامل واستسلم قدام اصرارها خاصة انه عارف انها عندها حق، واهله هيضروها طول ماهي معاه

بيان اتضايقت جدا لسبب لا تعلمه، دخلت اوضتها تجري وتعيط

عمر: طيب، عندك حق، تمام بكرا الصبح هوديكوا الشقه التانيه، ودي تحت امركوا في اي وقت، وكمان هناك حراسه وحارس خاص لبيان عشان لو خرجت ولا حاجه عشان تكونوا متطمنين اكتر

مامتها: ايوا بس الشقه احنا منعرفش عنها حاجه، بكام ولا فين

عمر: لا هي جاهزه مش مطلوب منكوا غير تروحوا تقعدوا فيها بس، كل حاجه تمام، وبكام دي مسمعهاش تاني

مامتها: لا لا يابني مينفعش

عمر: لو سمحتي اسمعي، اعتبريه تعويض بسيط عن اللي اخويا اتسبب فيه، او اعتبريها هديه مني، المهم مش هقبل نقاش في الموضوع دا، بكرا هاخدكوا تشوفوها وانا متأكد انها هتعجبكوا

ـــــــــــــــــــــــــــــــــــــــــــــــــــــــــــــــ

تاني يوم

الباب خبط، طلع فتح لقاها مامته بتعيط ومتبهدله

عمر: في ايه

مامته: ابوك طلقني ياعمر

عمر: ايه، ليه

مامته: طلقني ورماني في الشارع، رماني بهدومي يعمر

عمر: اهدي بس اهدي، تعالي اقعدي

مامته: متخيل ابوك عمل ايه!

عمر: عمل كدا ليه

مامته: خاني يعمر، ابوك كان بيخوني، ولما واجهته عشان يطلقني رماني ف الشارع

عمر: ااه، طلبتي الطلاق عشان هو خانك يعني

مامته: ودا مش سبب كافي يخليني اتطلق؟

عمر: لا سبب كافي طبعا، بس

مامته: انا عارفه انت شايفني ازاي، بس انت مش فاهم حاجه ومش عارف انا ليه عملت كدا

عمر: ومش عايز اعرف، مبقتش عايز اعرف حاجه عنكوا، مشاكلكوا بتتعبني، على كلٍ اهدي

طلعت بيان ومامتها ومعاهم حاجتهم

مامته: دول بيعملوا ايه هنا، ليه لسه قاعدين عندك

عمر: ماما، في ايه، قولتلك ان بيان مراتي

مامته؛ عمر فوق لنفسك، مين دي اللي مراتك

عمر: مش فاضي، لو سمحتي اقعدي وارتاحي واحنا هنمشي وبعدها هرجعلك، بس ادخلي انتي ارتاحي

خدهم ومشي وسابلها الشقه

وصلهم شقتهم وقعدوا اتفرجوا عليها، اتأكد انها عجبتهم وكل حاجه تمام

عمر: ورقتك هتوصلك النهارده

الجمله وجعت بيان ع الرغم انها طول الوقت بتقول ان جوازهم ع ورق، وانه كدا كدا مش جوزها حقيقي

تقى: انت مش هتيجي تاني!

عمر: للاسف مسافر النهارده، بس اوعدك لو رجعت اول حاجه هاجي عشان اسلم عليكي

تقى: طب انا عايزه اتكلم معاك

عمر؛ بيان معاها رقمي، لما تحبي تكلميني رني عليا ف اي وقت، اتفقنا!

تقى: اتفقنا

سابهم ونزل بعد ماشكروه وسلموا عليه

بيان بصت عليه من البلكونة وهو باصصلها

ركب عربيته ومشي

مامتها: يلا يبيان عشان ترتبي حاجتك، يلا عشان تشوفي مذاكرتك ومصلحتك

بيان؛ ليه يماما

مامتها: ليه ايه

بيان: ليه رفضتي

مامتها: عشان مينفعش

بيان: بس انتي عارفه ان محدش هيعرف يحميني قده

مامتها: واهله!

بيان؛ هو عايش بعيد عنهم

مامتها: لا، ودي كلمتي الاخيره، معنديش استعداد اخاطر ولو واحد في الميه، يلا

ــــــــــــــــــــــــــــــــــــــــــــــــــــــــــــ

رجع شقته ولم حاجته

مامته: انت رايح فين

عمر؛ مسافر

مامته: ليه، وانا!

عمر: مش عارف، بس اعتقد ابويا طلقك يعني مفيش ف ايدي حاجه اعملها، والشقه اهي تحت امرك اقعدي فيها براحتك، بتاعتك، وانا همشي

مامته: طيب خدني معاك

عمر: لا يماما، لو سمحتي، خليكي هنا، كرم مصيره هيطلع، وابويا مش هيقعد غير لما يخرجه، خليكي هنا عشان يلاقيكي، اوعديني انك هتخليه يبعد عن بيان

مامته: انت مش واخدها معاك!

عمر؛ واخدها معايا، بس برضو اوعديني تعقليه

مامته: طيب

عمر: محتاجه حاجه!

مامته: لا

عمر: ااه، خدي الفلوس دي خليها معاكي، وهبعتلك تاني لما اوصل، ولو حصل حاجه بلغيني

سلم عليها وفتح الباب عشان يمشي

لقى رولا في وشه

مداهاش فرصه تتكلم ع الرغم من محاولاتها معاه الا انه مشي ع طول ومردش عليها

ركب عربيته ومشي، فضل ماشي سرحان وحاسس بوجع ونقص كبير جواه

وصل المطار، حس بوغزه في قلبه اول مره تجيله، ع طول بيسافر، بس دي اول مره يتضايق ويحس بالوحده بالشكل دا

خد شنطته ودخل، فضل باصص وراه ع امل انه يلاقي حد مستنيه

بس ملقاش حد، دار بعينيه في كل الزوايا بس امله ضاع سُدى

سمع النداء الاخير للطياره، خد شنطته ومشي..

يُتبَع... 🕊

Hassnaa Ramadan..

ن

Part 20 والاخير...

Hassnaa Ramadan.. 🖤

حرم المنياوي: ٣ شهور ونتجوز، اخلص عدتي وبعدها نتجوز ع طول

رافت: هو طلقك بجد!

حرم المنياوي: ااه، بقولك رماني في الشارع، رماني بهدوم البيت

رأفت: ااه

حرم المنياوي: ااه ايه

رأفت: كويس انه طلقك

حرم المنياوي: بس انا مش هسكت ع كدا، هاخد منه حقوقي كامله، وانت هتساعدني في دا

رافت: طبعا، امال انتي فاكره ايه

حرم المنياوي: مالك في ايه

رأفت: في ايه

حرم المنياوي: حاساك بتتريق

رافت: حاسه يعني مش متأكده؟

حرم المنياوي: في اي يارأفت، ماتتكلم كويس، هو انت شايف ان دا وقت غموض

رأفت: ماهو لو اتكلمت جد هتزعلي

حرم المنياوي: ليه

رافت: هو انتي بجد فاكره اني هتجوزك؟

ـــــــــــــــــــــــــــــــــــــــــــــــــــــــــــــــ

ـ عمر

وقف مكانه ع صوت حد بينادي عليه، غمض عينه لثواني بيدعي من جواه انه ميكونش بيتهيقله وان الصوت يكون حقيقي

ـ عمر

بص وراه لقاها بيان، ابتسم ولف جسمه كله وفضل واقف مكانه

طلعت تجري عليه وحضنته

استمر حضنهم لثواني جرت دقايق

بيان: متسافرش

عمر: كنت خايف متجيش

بيان: مقدرتش

عمر: ليه

بيان: امال مين هيرخم عليا!

عمر: والسبب الحقيقي؟

بيان: امم، لو هنقول الحقيقه، فهو انا مبعرفش اسيب اي حاجه تخصني

عمر: وانا حاجه تخصك!

بيان: انت جوزي

ــــــــــــــــــــــــــــــــــــــــــــــــ

احمد: دي غلطتي من الاول، انا ايه اللي يمشيني وراك

كرم: مش ابويا قالك هيخرجك، انت حكمك قليل وهيعرف يتصرف فيه، اهدى بقى

احمد: وانا مالي اصلا بكل دا، مانت اللي اتنيلت عملت كل حاجه، اتسجن ليه

كرم: محدش ضربك ع ايدك، انت اللي كنت دلدول، طنت كل'ب الحراسه بتاعي، ولا نسيت!، انت عملت كل دا بمزاجك، وابويا قالك الدنيا تهدى وهيخرجك

احمد: عندك حق، كانت غلطتي انا فعلا

كرم: اسمع، انت عارف انك كنت زي اخويا واكتر، لكن هتبيع هبيع، وعلى فكره بقى انا اللي قولت لابويا يحاول يخرجك، عشان يبقى ليا عين بره، عشان في حاجات كتير في دماغي محتاجك تعملها، وهتكون في حماية ابويا لحد مايتصرف ويخرجني من هنا

احمد بتريقه: انت بتتكلم بجد!، انت فعلا مصدق نفسك!، انت فاكر انك هتخرج من هنا!، حبيبي انت محكوم عليك ب ١٥ سنه

كرم: اكيد ابويا مش هيسيبني اتسجن كل دا، استحاله، اكيد هيعمل حاجه، الفكره اني فاهم ان دلوقتي مينفعش يعمل حاجه عشان الجو لسه متوتر، انما الدنيا هتهدى شويه وهيتصرف اكيد

احمد: ولو معرفش يخرجك!

كرم: هيحصل ايه يعني، هتعدي السنين دي، وبعدين!، هخرج برضو، بس الغل اللي جوايا لما اخرج دلوقتي، مش هيبقى قد اللي جوايا لما اخرج بعد ماضيعت من عمري ١٥ سنه

احمد: متهدتش؟، ضيعت نفسك ومستقبلك، عايز ايه تاني

كرم: ملكش دعوه انا عايز ايه، الصبر بس

ــــــــــــــــــــــــــــــــــــــــــــ

ماشيين في الشارع

عمر: ومامتك!

بيان: هقنعها

عمر: عرفت انك جايه!

بيان: مش عارفه، هي كانت في المطبخ وانا محستش بنفسي غير وانا بجري ناحية الباب عشان الحقك قبل ماتمشي

عمر: بس مامتك رفضتني

بيان: مامتي خايفه عليا

عمر: مني!

بيان: من اهلك

عمر: وانتي

بيان: انا ايه

عمر: مش خايفه!

بيان: لو ع الخوف ياعمر فانا طول الوقت خايفه، خاصة بعد مو'ت ابويا، معندكش فكره يعني ايه تكون من غير اب، خاصة لو بنت كمان، بس خوفت اكتر لما قولت انك هتمشي

عمر: وجودي هيفرق ف ايه!، مش انتي قولتي اننا اتجوزنا ع ورق!، يعني مش معتبراني جوزك اصلا

بيان: لا، مانت مش فاهم

عمر؛ ااه، طب فهميني

بيان: افهمك ايه

عمر: اللي جوا

بيان: جوا ايه

بصلها بخبث

بيان: عمر قسما بالله لو..

عمر: خلاص خلاص اهدي، اهدي، هتلم، بس انا عايز افهم، انتي ضيعتي عليا الطياره ع الفاضي

بيان: ع الفاضي!

عمر: مانا مش فاهم، انتي دلوقتي جيتي ولحقتيني ع اخر لحظه قبل ماسافر، وفضلتي حاضناني وقربتي تعيطي وتقولي متسيبنيش يعمر

بيان: بس انا مقولتش كدا

عمر: ياعم تخيل، يعني هو لا حقيقه ولا خيال

بيان: امم، وايه كمان

عمر: انتي اللي ايه، انطقي، اتلحلحي، اعملي اي حاجه تدل ع اي حاجه، مانا عايز افهم، جايه ورايا ليه ومنعتيني اني اسافر، ع الرغم ان مامتك رفضتني، وانتي نفسك رافضاني

بيان: انا مش رافضاك

عمر: يعني!

بيان: انا زهقت منك، انت ازاي كدا بجد

عمر: انا عملت ايه

بيان: ماهي المشكله انك مبتعملش، مبتقولش حتى، ياعم اعمل حاجه ولا اتنيل قول حاجه، يعني ارحم امي العيانه، هو البعيد لوح؟

عمر: اعوذ بالله، ايه كل دا، مانا برضو مش فاهم

بيان: لا فاهم وبتستهبل، يبني مينفعش انا اللي اعمل كدا، انت اللي المفروض تعمل وتقول، مش انت الراجل!

عمر: ااه

بيان: جاتك هوا

عمر: بعد الشر

بيان: اععع، انت ليه بارد كدا، ليه مستفز بالشكل دا

عمر: ماهو انا معملتش حاجه

بيان: يابني اعمل، اعمل ابوس ايدك

ضحك ع نرفزتها وهو بيلعب ف شعره

عمر: طب خلاص خلاص، نتكلم جد، بس عندي سؤال

بيان: اتفضل

عمر؛ مامتك، هتعرفي تقنعيها!، اصل يعني انا حاولت، هي مقفله الموضوع من كل الجهات، رأيها يُحترم طبعا خاصة انها ام وبتفكر بقلبها تجاه بنتها وبتحاول تحميها فانا مقدرش الومها، وموضوع اهلي دا انا مضمنوش فعلاً، من ناحية هيعملوا ف هما هيعملوا لان دا في دمهم، كل اللي اقدر اعمله اني احميكي من اي حاجه، بس تخيلي حصل حاجه وانا مكنتش موجود، تخيلي كرم مثلا لما يخرج من السجن ويعرف اني اتجوزت البنت اللي هي اصلا في نظره السبب في كل اللي حصله، تفتكري مش هيعمل حاجه!، افرضي حاولوا يإذوكي وانا مش موجود،

مامتك خايفه من كدا وبصراحه حقها

بيان: وتفتكر حتى لو خرج واحنا مش متجوزين مش هيحاول ينتقم مني!، يعني في كل الاحوال هيضرني

عمر: طيب نقنع مامتك ازاي

بيان: انت مبذلتش مجهود يعمر، انت يادوب فتحت معاها الموضوع مره وهي رفضت، وانت استسلمت ومشيت، مش المفروض تكون كدا، المفروض تصمم عليا، عمر، انت ليه طلبت من ماما نتجوز انا وانت بجد!، يعني المفروض كان جواز ع ورق وهننفصل عادي، ليه قولت انك عايز تكمل معايا انا مفهمتش

عمر:......

بيان: قولت اهي واحده والسلام!، يعني عشان انفصلت عن رولا وانا ظهرت في حياتك فقولت اهي تعويض وخلاص مثلا!، ولا قولت تعطف عليا وتتجوزني كدا كدا لا حول ليها ولا قوه وطول الوقت هتكون شايفه جميلي دا عليها، مش لاقيه سبب بصراحه غير الاسباب دي، خاصة انك محاولتش حتى، انت ك..

عمر: بيان انا بحبك، عارف اني مقضيتش وقت كافي معاكي عشان الحق احبك، بس...

بيان: بس ايه

عمر: انا حبيتك من قبل مانفصل عن رولا، حبيتك لما شوفتك في القسم اول مره، مكنتش اعرفك وكنتي موضع اتهام ضد اخويا ومع ذلك انجذبت ليكي بشكل مبالغ فيه حتى اني استغربت ليه قلبي دق بالشكل دا لما عينك جت في عيني، بس مفهمتش دا لاني المفروض بحب رولا

بيان مكامتش مصدقه اللي بتسمعه، حاولت تبان طبيعيه قدامه ومتبينش دهشتها من اعترافه ليها اللي كانت بتتمناه من مده

بيان: ودا معناه ايه، بتحبنا احنا الاتنين!

عمر: لا، اكتشفت اني مكنتش بحب رولا، احساسي معاها مكنش نفس احساسي معاكي، هي رسمت عليا دور الحب زمان، ويمكن عشان عندي نقص في نقطه معينه هي قدرت تتمكن منها، افتكرت اني بحبها، بس مكنش حب، كان احتياج يمكن، كنت بعوض نقص المشاعر اللي عندي في مشاعري تجاهها، طول الوقت كنت بحاول اديها كل مشاعري وطاقتي وكنت بتغاضى عن كل حاجه عشان كنت فاكر اني بحبها، بس لا، طلعت كنت محتاجها، مكنش في غيرها في حياتي، كلهم هنا وانا عايش بره لوحدي طول الوقت، اوهمت نفسي اني بحبها يابيان، بس صدقيني دلوقتي مفيش جوايا اي مشاعر تجاهها، ولا حتى محتاجها، بس لما شوفتك اول مره اللي حصلي كان غريب، ومكنش منطفي عشان كدا طنشت الموضوع، بس تقولي ايه في القدر اللي خلاكي معايا طول الوقت وكمان في نفس البيت، وكمان ع ذمتي،

انا بحبك فعلا، الوقت اللي قضيناه سوا كان كفيل يبرد حاجات كتير، وبصراحه دا اكتر وقت انا كنت مرتاح فيه نفسيا بغض النظر عن كل المصايب دي، بس لما كنت ببصلك كنت برتاح بطريقه غريبه، ملامحك مريحه، ماشي انا معاكي ف اني كنت بارد ومش ببين حاجه بس ف الحقيقه كنت براقبك طول الوقت من غير ماتاخدي بالك، ضوافرك اللي بتاكليها بسنانك طول الوقت زي الفار، وطريقة اكلك وازاي بتوسخي هدومك زي العيال، وصوت صريخك واحنا في الملاهي وصوت ضحكتك، طريقة رغيك، صورك اللي اتصورتيها ع موبايلي ولسه معايا، طب تعرفي ياحرمي المصون، اني بقعد اتفرج كل ليله ع صورك!، وع الفيديو اللي صورتيه واحنا ف الغابه، مش كل ليله بس كمان للاسف، كل مابقى متضايق، بطلع صورة مراتي اتفرج عليها، عايزه حاجه تاني!

كلامه كان كفيل يرضي انوثتها وفطرتها في انها تسمع كلام زي دا منه، حاولت تداري احساسها ومتبقاش مدلوقه قدامه بس ابتسمت لا اراديا قدلم ابتسامته ونظرته ليها

بيان: امم، ماشي

عمر: بس!

بيان: عايز ايه

عمر: انا لسه قايل خطاب، خلي في دم

بيان: طيب برضو موصلناش لحل

عمر: انتي عايزاني!

بيان؛ ها

عمر: لا مش وقت هطل، عايزاني ولا لا عشان بناءا عليه اعرف اقف قدلم الحجه

بيان: لو كنت عايز تعمل حاجه كنت عملت من الاول يعمر

عمر: انتي عبيطه!، انا فاهمك كويس ع فكره، فاهم قصدك وفاهم كنتي مستنيه مني ايه، بس انا مش مراهق يبيان، مانا قادر اعمل فيها جامد وهقف قدام الدنيا عشانك واتحدى البحار والقارات واحارب اسماك القرش مش الحجه بس، بس نفكر بالعقل، انتي فعلا معايا معرضه لحاجات كتير قوي وحشه، عشان كدا محبتش اكون اناني، يعني قولت هستحمل فكرة اني خسرتك بعد ماحسيت اني اخيرا في بيتي بس في سبيل انك تكوني بخير

بيان: يعم وانا مش هكون بخير غير معاك، ماتفهم بقى الله يخربيت البرشام اللي ضيع عقول الناس

عمر: انا برضو!

بيان: ااه والله

عمر: يعني موافقه تستحملي اي حاجه معايا!

بيان: تؤتؤ، انت اللي هتستحمل كل حاجه

عمر: اي دا ليه

بيان؛ انت الراجل

عمر: ايه اصله دا

بيان؛ انا مالي يعم

عمر: طيب ماهو انا عايز اعتراف واضح وصريح

بيان: اكتر من كدا؟

عمر: ااه

بيان؛ هيييح، عمر، انا بحبك، للاسف الشديد بحبك، بكل مافي الدنيا من اسف بحبك، وللاسف اكتر عايزه اكمل معاك، ياخي تخيل اني جايه من البيت عشان الحقك قبل ماتمشي عشان بحبك، تخيل كدا كم الهطل اللي وقعت فيه بسببك، وبعدين ماكل حاجه واضحه وضوح الشمس، بس هو البعيد لوح، البعيد مبيحسش معندوش دم، عامل فيها كاريزما وهو اصلا واقع

عمر: هو من ناحية واقع فانا واقع، ماهو مش منطقي حاجه بالحلاوه دي ومقعش فيها

ـــــــــــــــــــــــــــــــــــــــــــــــــــــــــــــــ

حرم المنياوي: انا فعلا مش مصدقاك!، انت سامع نفسك بتقول ايه!

رأفت: هو احنا اللي هنقوله هنعيده!، ماتفهميها بقى ياحلوه، انتي كنتي وسيله مش اكتر، وبعدين مراتي مين دي اللي اطلقها عشانك، عايزاني اخرب بيتي عشانك انتي!

حرم المنياوي: بس انا خربت بيتي عشانك

رافت: والله انتي واحده مكنش عندك مشكله تخربي بيتك وتخوني جوزك وتسيبي ولادك عشان راجل متجوز، ودا لان انتي معندكيش اصل، انتي عارفه انتي بقالك كام سنه معاه!، كل السنين دي مكانتش كفايه عشان تصونيه وتحافظي على بيتك، اضمنك منين انا!، ثم اصلا انتي كلك على بعضك لا تعنيني في شئ، كنت بضيع معاكي وقت بس عشان اقهر صاحب الجلاله جوزك، انتي فاكره هو مش هيعرف ولا ايه

حرم المنياوي: يعني ايه

رأفت: يعني هقوله ياحلوه، هقوله واوريله كمان كل حاجه، صوت، وصوره

حرم المنياوي: رأفت، رافت انت بتقول ايه، هتعمل فيا انا كدا؟، دا، دايقتل'ني فيها، انا عملتلك ايه

رافت: واضح ان استيعابك بطئ، كل دي كانت لعبه من البدايه عشان اخرب بيته، وانتي زي الهبله صدقتيني ومشيتي ورايا، كنتي سهله، متعبتش في الوصول ليكي، والحاجات اللي بتيجي بالساهل، بتروح بالساهل، سلام يا، يامدام

ــــــــــــــــــــــــــــــــــــــــــــــــــــــــ

عمر: خبطي

بيان: خبط انت

عمر: ياست خبطي ياست

بيان: مليش دعوه انا مالي يعم خبط انت

عمر: استغفر الله العظيم

خبط ع الباب ورجع لورا وهي رجعت وراه

عمر: انتي بتستخبي فيا!

بيان: مانا مش ضامنه رد فعلها بصراحه

عمر: ولا انا، طب ماهو انتي السبب

بيان: انا السبب ليه ان شاء الله هو انا اللي كنت قولتلك امشي!

عمر: لا انتي اللي روحتي جبتيني، اتكلمي انتي معاها بقى

بيان: لا انا مليش دعوه ياخويا اتصرف انت

عمر: ياب... احم، ازيك ياحماتي

الاتنين وقفوا ساكتين منتظرين رد فعلها، بصتلهم شويه ودخلت من غير ماتتكلم، بصوا لبعض ودخلوا وراها

مامتها: مش عندك طياره!

عمر: ماهو، ماهو اصل

مامتها: اصل ايه

عمر: بصراحه بقى كدا من الاخر مقدرتش اسافر من غير مراتي

بصت لبيان اللي كانت لازقه فيه ورجعت بصتله تاني

مامتها: بس انت عارف رأيي في الموضوع دا يعمر

عمر: عارف، بس، خلينا نتكلم تاني، هنوصل لحل

مامتها: حل ايه، انت عارف سبب رفضي

عمر: خايفه عليها من اهلي، بس في حاجه، تفتكري كرم لما يخرج لو حابب ينتقم في حاجه هتوقفه؟، ع الاقل وقتها هتكون ع ذمتي وانا هحميها احسن ماتكون لوحدها

مامتها: اخوك قدامه سنين على مايطلع، ابوك وامك يابني، تفتكر مش هيإذوها!

عمر: هنبعد، اخدوا ونسافر، نسافر اي حته من غير ماحد يعرف

مكانتش عارفه تقوله ايه، هي عارفه ان بنتها اتعلقت بيه من اول ماظهر في حياتهم، وانها ماصدقت لقت حاجه تتطمن بوجودها بعد ابوها

عمر: انا مقدر خوفك، ودا حقك، بس انا بحبها، انا فعلا بحبها، واوعدك هحافظ عليها، دي من غير ماتبقى في حياتي ووقفت معاها ضد اهلي واخويا، سجنت اخويا عشانها ع الرغم انها واحده غريبه، مابالك بقى لما تبقى مراتي قدام الناس، صدقيني هحميها

عمر لقاها متردده وعينيها مليانه قلق وخوف من اللي جاي

عمر: انا ماصدقت لقيت بيتي، كنت ضايع كل دا لوحدي، وانا عارف اني مش هلاقي زي بيان، ولا هحب غيرها، اديني فرصه واحده

مامتها: وانتي رأيك ايه

بيان: اللي تشوفيه يماما

مامتها: اللي اشوفه!، ع اساس انك مطلعتيش تجري وراه زي المجنونه

بيان: انا!

عمر: ايوا حصل وانا شاهد، جت وفضلت تتحايل عليا وقالتلي انها متقدرش تعيش من غيري

بيان: والله ابدا يماما مقولتش كدا

عمر: بطلوا كدب بقى

بيان: اتلم هتصدقك

عمر: بصراحه يحماتي انا وبنتك بنحب بعض

مامتها: عايزه اسمعها منك انتي

بيان: ماما، انا بحبه، بس في نفس الوقت مقدرش اعمل حاجه انتي مش عايزاها، يعني انا مش هكمل معاه الا لما تكوني موافقه، ادينا بس فرصه واحده، مش يمكن فعلا يكون دا الحل الانسب!، حتى لو كرم خرج وقتها هنكون متطمنين ان عمر معانا، احسن مانكون لوحدنا

مامتها: موافقه، بس عارفه ليه، عشان انا مضمنش اني اعيشلك لحد ماكرم يخرج، مضمنش عمري فاضل فيه قد ايه، ومش هرتاح لو سيبتك انتي واختك لوحدكوا، بس اسمع، المشكله مش في كرم بس، المشكله في اهلك كلهم، صدقني لو حد فيهم قرب لبنتي بأي شكل، وقتها مش هبقى على حاجه

عمر: متقلقيش، بنتك في عينيا، ربنا يديكي الصحه ويخليكي ليهم، اتطمني انا هعمل كل حاجه اقدر عليها عشان احافظ عليكوا

مامتها: ماشي، امري لله

عمر بص لبيان وابتسموا لبعض

عمر: بس هنسافر، مش هنقعد هنا، هنسافر ونكمل حياتنا سوا بره

مامتها: بس انا مقدرش ابعد عن بنتي

عمر: ومين قال انك هتبعدي، هتيجي معانا، هنسافر كلنا

مامتها: لا يابني انا معرفش اسافر، اعيش ازاي بره انا متعوده ع هنا

عمر: هتتعودي، وبعدين صدقيني العيشه هناك احسن من هنا بكتير قوي

بيان: متمسكه بالبلد ع اساس ايه، هو انتي بتطلعي من البيت اصلا، يلا يماما بالله عليكي متقفليش الموضوع

مامتها: طيب وجامعتك

عمر: ولو اننا مش هنحتاج جامعه ولا حاجه، بس تمام، تكمل بره، سهله يعني

مامتها: ومش هتحتاج جامعه ليه

عمر: اصل زي ماتقولي كدا مش هخرجها بره البيت

بيان: ايه هو د، ليه بقى

عمر: عايزه تشتغلي اشتغلي معايا، وكل حاجه هوفرهالك في البيت

بيان: ودا ليه يعني

عمر: بغير ياست

بيان بضحك: بتغير من ايه

عمر؛ من ايه!، حماتي، بضاعتك مضروبه

مامتها: انت اللي اخترت

عمر: مفيس تبديل!

مامتها: لا

عمر: ماصدقتي دبستيني فيها

بيان؛ ماصدقت ايه انت بقالك ساعه بتتحايل عليها

عمر: محصلش

مامتها: طب بس انتوا الاتنين، المفروض هنسافر امتى

عمر: بكرا، هجهز كل حاجه النهارده وانتوا اجهزوا عشان بكرا نسافر ع طول، وياريت متعرفوش حد حاجه، نسافر من غير ماحد يعرف احنا فين ولا بنعمل ايه

ـــــــــــــــــــــــــــــــــــــــــــــــــــــــــــــــ

رأفت: ودلوقتي!، تفتكر مين فينا كسب الحرب اللي بينا

المنياوي واقف مصدوم بعد اللي شافه ع اللاب

رافت: سوري، نسيت ابكسل وش مراتك في الصور، اصل بصراحه حلاوه زي دي مينفعش تتبكسل، ااه سوري، نسيت انها دلوقتي مش مراتك

المنياوي بغضب: متفقناش نلعب بوسا'خه

رافت: انت عملت كل حاجه وس'خه في الدنيا، ايه هتحلل لنفسك وليا لا ولا ايه، وبعدين انا مالي، مش ذنبي انك مكنتش كفايه في عين مراتك

المنياوي: صدقني هشرب من د'مك

رافت: لا العب غيرها، اعترف اني هزمتك شر هزيمه، ولادك الاتنين بعيد عنك، واحد في السجن وواحد قاطع علاقته بيكوا، ومراتك، هه، بقالها سنين في حضني وهي ع ذمتك، حتى مكنش عندها وقت تربي ولادها، ودلوقتي بيتك اتخرب، ولسه، اللي جاي خراب ع دماغك، انت لسه مشوفتش حاجه، هخليك تمشي تشحت في الشارع، صدقني هنت'قم من كل حاجه عملتها فيا، دا دوري، وقعت في شر اعمالك

كان سايبه وماشي

رافت: ااه صحيح، مراتك طلبت مني اتجوزها، بس احتراما ليك وللعشره اللي بينا انا رفضت، ااه انا مش خسيس كدا، بس بصراحه، مش متأكد هل الموضوع هيفرق معاها ولا هتشوف واحد تاني، هسيبلك انت الموضوع دا يصحبي، سلام

اداله ضهره عشان يخرج بس غضب المنياوي والدم اللي بيغلي في عروقه مسمحلوش يقف مكتوف الايدي

مسك حاجه قزاز من ع المكتب وخب'طه في دماغه، مدالوش فرصه يستوعب اللي حصل وفضل يض'رب فيه ع دماغه لحد ماوقع قدامه ع الارض والد'م نازل منه

ـــــــــــــــــــــــــــــــــــــــــــــــــــــــــ

حرم المنياوي قاعده مع رولا بيفكروا ازاي يتصرفوت ويرجعوا عمر، هو الوسيله الوحيده المتبقيه معاهم بعد ماالاتنين خسروا كل حاجه

المنياوي هرب بعد اللي حصل مع رافت

وكرم في السجن بيعد الايام عشان يخرج ومستني اي امل من بره

ـــــــــــــــــــــــــــــــــــــــــــــــــــــــــــــــ

صباح جديد في مكان

بيان: الله يعمر، ايه الحلاوه دي، الشقه تحفه

عمر: لا هو مش الشقه اللي تحفه

بصتله لقته بيقرب

بيان: ايه!

عمر: ايه

بيان: ماما بره

عمر: وايه يعني

بيان: عمر، اتلم وابعد واحترم نفسك

عمر: كل دا

بيان؛ ااه، عيب

عمر: عيب ايه

بيان: اتلم بجد ماما هتدخل دلوقتي

عمر: طب ما ده كويس عشان تعرف علاقتنا وطيده ازاي

بيان: لاااا انا فهمت انت عايز ايه، ابعد يلا بدل ماصوت والم عليك الناس

عمر: بقولك ايه بقى، بلا ناس بلا بتاع، انا صبرت عليكي كتير

مامتها دخلت

بيان: الحمدلله ربنا كريم والله

مامتها: في اي

عمر: مفيش حاجه يحماتي، مفيش حاجه

مامتها: طب بقولك ايه انا مش هينفع اقعد معاكوا هنا

عمر: ليه

مامتها: ليه ايه، دش شقتكوا انتوا، نقعد معاكوا ازاي، وانتوا اصلا لسه عرسان جداد والمفروض تاخدوا راحتكوا

عمر: والله ياحماتي كلك نظر، مش زي ناس، على كلٍ دي حاجه متفوتنيش برضو، الشقه اللي قدامنا دي بتاعتكوا

مامتها: يابني كل دي تكاليف ليه، كنا قعدنا في البلد وخلاص

عمر: تكاليف اي يحماتي متقوليش كدا، وبعدين عشان تاخدوا راحتكوا وتكونوا جنب بعض، واحنا كمان ناخد راحتنا، مش كدا يبيان

بيان: هاا لا، انا مرتاحه مع امي

راحت مسكت في ايد مامتها

عمر وهو بيشدها: لا هترتاحي معايا اكتر

بيان: لا والله مع امي اكتر

عمر: تعالي يوليه هنا امك ايه هو دا وقت امك، سوري يحماتي

مامتها بضحك: لا سوري ايه بقى ماخلاص، روحي ياست جنب جوزك، وبعدين لازقه فيا ليه مش دا اللي طلعتي تجري وراه!

بيان: انتي هتذليني ولا ايه يامي

عمر: ايوا حصل، دي حاجه متتنسيش

بيان: ع فكره روحت وراك عشان صعبت عليا بس

عمر: وكل كلام الحب اللي قولتليه هناك دا كان ايه!، بتعطفي عليا!

بيان: مقولتش كلام حب، انت اللي اهم نفسك

عمر: هنقول كل حاجه دلوقتي بس لما امك تمشي

بيان: ماما متمشيش

عمر: لا متمشيش ايه، يلا يحماتي بقى عشان وهقت منك انتي وتقى بصراحه ومش هصبر عليكوا اكتر من كدا

تقى: الله، وانا مالي

عمر: خدي مامتك وروحوا شقتكوا واحلفلك اني هجيبلك حاجات كتير حلوه

تقى: يلا ماما بسرعه

مامتها: ماشيه ياخويا مستعجل ع ايه

عمر وهو بيفتحلها الباب: ع اقل من مهلك يحماتي، ع اقل من مهلك

مامتها بضحك: بكرا تزهق منها وتجيبها تبات عندي

عمر: احنا ف دلوقتي، لما ييجي بكرا هنشوف هيحصل ايه، يلا الله يسترك خليني استغل الموقف

مامتها خرجت وراحت شقتهم وهو قفل الباب لقى بيان طلعت تجري ع الاوضه وقفلت ع نفسها

عمر: لا بقولك ايه، شغل مراهقين بقى ونجري ورا بعض وتستخبي وادور عليكي دا مش عندي، معنديش حيل للفرهده دي، افتحي الباب

بيان: لما تعض قفاك

عمر: اعض قفايا ااه، يعني مش عايزه تفتحي الباب

بيان: يعمر حرام عليك يعمر، طب بص، استنى شويه

عمر: خير البر عاجله

بيان: بر اييييه، يعم انت مجنون سيبني في حالي

عمر: طب خلاص افتحي الباب عشان اغير هدومي، مش هعمل حاجه

بيان؛ لا ياشيخ، عيله صغيره هتضحك عليا صح

الصوت اختفى شويه وبعدين بدا يكح

بيان: عمر

مردش عليها وعمال يكح جامد

بيان؛ عمر متهزرش

قلقت لما حست انه بيكح بجد وراحت فتحت الباب بسرعه

بيان: في ايه

زقها ومسك الباب

بيان: اععع، كنت عارفه والله يوغد يحقير يمنحط

عمر: هنشوف كل دا دلوقتي جوا

دخل ولف وشه عشان يقفل الباب

عمر: كفايه عليكوا لحد هنا يجماعه الباقي يخصني انا، الى اللقاء وكل سنه وانتوا طيبين