رواية بين العقل و الطريق الفصل العاشر 10 - بقلم غزوان علي

بين العقل والطريق
للكاتب غزوان علي
البارت العاشر

سأكتفي بك حلماً جميلاً ..خالياً من الآآآه

حلماً رغم جماله و روعته الا انه حلم

حلماً اعشقه ...

حتى و ان كان واقعك ليس لي

ود.. لا ارفض
خالد .. وكفت على حيلي هاي شكعد تحجي من كل عقلها
ام زيد.. تخبلتي شنو لا ارفض خزيتينا ابوج واخوتج مراح يرحموج
ود.. اعتقد هاي حياتي موحياتكم واني مااريد خالد ومن حقي
السيد .. ماطول البنت مموافقه مااكدر اتمم الزواج
وسمعت بابا عاط بقوه
ام زيد.. صيحي ود خلي تجي ورايه
خالد .. عمي من رخصتك اني احجي وياها اذا مصارت زحمه وانت سيدنا ابقى كاعد دقايق ونحل الموضوع

ابو زيد.. شون تحجي وياها اني اريد اعرف شون تسوي هيج شنو هاي الجرئه وتكسرنا
زيد.. اليوم والي خلقها اله اذبحها

غيث .. سكتت هذا الموقف الوحيد الي عقد لساني بيه لان ود اقرب انسانه الي واحبها كولش وصعب تنجبر على شى مرايدته اني اعرف خالد اكثر انسان يستاهلها وتمنيت بيوم تكون اله بس موبهاي الطريقة مدخلت لان توقعت توافق ود وخاصه اني اعرف اكو مشاعر معينه من ود لخالد وحاس بيها اختي واعرفها يبين على وجهه من تسمع اسمه من تشوفه بس اعرف ود متسوي شى غلط لهذا ساكت
على كيفكم ياجماعه
ابو زيد.. انت شون هادئ بعد الي سوته اختك ونزلت راسنا كدام العالم
خالد .. العفو عمو راسكم دوم مرفوع لهذا اترجاك احجي وياها دقايق موهوايه
غيث .. بابا وانت زيد عوفوا خالد يحجي وياها هو الوحيد الي راح يحسم الموقف
زيد.. تقبل وغصب عنها وهسه اجيبها من شعرها وهنا كدام الكل وتكول موافقه
خالد .. موبهاي الطريقة ابو حسن على كيفك
بس انطوني فرصه
ابو زيد.. ماشي ابني تعاال
ود.. اخذتني امي من ايدي وترجف وخجلانه وام خالد واخته يباوعون ومصدومين والهدوء سيد الموقف اما شهد تلطم على خدها من الخوف والرجف لان تعرف محد راح يسامحني على الي سويته
أم زيد.. طبي الله لايوفقج خجلتينا
خالد .. شونج خاله
أم زيد.. الحمدلله ابني
من رخصتج عوفيني وياها
ود.. خير شرايد
خالد .. تعالي كعدي
ود.. مرتاحه هيج احجي بسرعه
خالد .. ليش رفضتيني
ود.. بكيفي
خالد .. احجي عدل ود اني جايج بكل احترام وهدوء وداافتهم منج
ود.. وليش مأجيت بنفس الهدوء وافتهمت مني موضوع هشام ليش اذيتني وغلطت عليه وردت حتى اموت بأيدك من خنكتني ليش موبوقتها تعاملت نفس هسه جان موصلنا لهاي المواصيل
خالد .. كل انسان يغلط
ود.. واني ممجبوره اتحمل غلطك انت غلطت بحقي شنو جاي تصحح الخطأ بأن تتزوجني تشفق عليه
خالد .. هذا زواج شنو اشفق افتهمي الموضوع يله تحكمين
ود.. شوف خالد انت سمعت من صديقك وصدگته وكتلك وتوسلت بيك خلي اواجهه وانت بكل لئم بقيت مصر بأن هو الصح واني الغلط وشفت الموضوع شون كبر وسمعتي صارت بالرجلين وهسه حضرتك جاي تصلح غلطك وتتزوجني مووو

خالد .. شوفي ود ماانكر اني احس بتأنيب الضمير وماانكر مغلطت غلط جبير بس هذا الشى ماله علاقه بزواجي منج اني اريدج على سنه الله ورسوله لان معجب بيج وحاب تكونين زوجتي .. كروب قصص غزوان علي
ود.. موبهاي السهوله خالد الي غلط يدفع ثمن الغلط مالته وانت راح ادفعه غالي وكتلك هذا الشى من جنا بالسياره واني كد كلمتي
خالد .. وهسه
ود.. زواج ماكو لو اهلي يذبحوني مااتزوجك الي صارلي بسببك تدري كم تلفون استقبلت من صديقاتي يبلغوني على الحجي الي صار عليه تعرف شكد حافظت على نفسي يااخي جنت مااضحك بقوه حتى لتنوخذ صوره محلوه ويكولون خفيفه وممتربايه يمكن اعذر هشام على تصرفه الحقير لان هو هيج واحد لاذمه ولا ضمير وكولشي الواحد يتوقع منه وميعرفني ولا يعرف اهلي زين

بس انت تعرفني وتربيت على ايدك وتعرف اهلي شون كدرت تصدكه وتتوقع اني هيج ساقطه
خالد .. كافي ود شغله وصارت شبيدي اغير بعد
ود.. شفت تتعامل مع الموضوع بتفاهه وعبالك من نتزوج الوضع يصير تمام وتكفر عن ذنبك اعذرني مااقبل لو روحي مرتبط بهذا الزواج واعرف اذا متزوجتك اموت افضل الموت على الزواج منك
خالد .. لهاي الدرجه
ود.. اي واكثر
خالد .. ماشي ود براحتج وطلعت وصاير نار اذا ابقى يمكن اضربها قافله وتحجي بعصبيه وبخشم مرفوع ومتتفاهم اريد افهمها ماكو

ابو زيد.. هااا ابني شصار
خالد .. شوف عمي الزواج قسمه ونصيب واعتقد اني وكريمتكم مابينا قسمه وتبقون اهلي وانت بمثابة ابويه والولد اخوتي لهذا انسو الموضوع ولا كأنه صار
زيد.. شنوو هو بكيفها ومشيت بعصبيه
خالد .. لزمت ابو حسن بداعت جهالك لتسوي شى الزواج بالاكراه ميراد ومصيره الفشل لهذا اذا عندي معزه عدكم لتسولها شى هذا حقها وهي موصغيره وتعرف مصلحتها ومن حقها ترفض او تقبل

غيث .. مشيت بالكرسي لغرفه ود وطبيت عليها وعطت انت مخبله شون تسوين هيج لهاي الدرجه ماعندج احترام النا
ود.. ابجي واحجي تعرف كلش زين شكد احترمك واعزكم ومقامكم على راسي بس انتم ظلمتوني وافقتوا على الزواج وقررتوا كولشي وحتى مأخذتوا رأي وهاي نتيجه تسرعكم

ومااشوف غير زيد دفر الباب وطب و لزمني من شعري
ولج انتي بكد القندره هيج تسوين بينا تخجلينا كدام العالم سويتينا مضحكه وماعدنا سلطه عليج
ود.. والله موقصدي بس اني مااريد اتزوج مااريد
وضربني بكل قوه طبعاً زيد. طبيعته حباب ومسالم بس هاي المره انگلب ولا عبالك هذا زيد شبعني ضرب يريد غيث يلزمه ميكدر
اليوم اموتج اله اربيج من جديد
كله من وراكم محد كلكم توافقون اني مااريد اتزوج مااريد
وبقى يضرب وكل ضربه تشيخ روحي اجتي شهد وامي يركضون وعاط ابويه بيهم
ابو زيد.. الي تدخل منكم اخلي شكوو ضربه بيها تصير بيكم
أم زيد.. على بختك بنتي راح تموت بيد اخوها
ابو زيد.. خلي يربيها الكلبه خلتني بموقف بحياتي ممتعرض اله اني الي كل الناس تحترمني وتحسبلي الف حساب تجي اصغر خلفتي والي مدلعها هيج تسوي
ود.. والله بابا موقصدي كتلكم مااريد مااريد انتم اصريتو احجي وابجي وزيد مستمر يضرب
شهد لازمه اطفالها وتبجي ويبجون وياها وامي لازمها ابويه من ايدها بقوه حتى لتدخل وهي تبجي وتعيط وغتوو يحاول يدفع زيد بس مديكدر اول مره اتعرض لهيج ضرب بحياتي بورده مضاربيني
كافي زيد فدوه ملختني
زيد.. اله اندمج على الي سويتيله
سحلني من شعري كطعه وضرب راشديات معافني لحد ما غيث عاط وكع من الكرسي المتحرك على ايده المألومه لان ديحاول يدافع عني وميكدر لحد مديدفع زيد وبالغلط وكع
اااااااخ ايدي
وركض ابويه وزيد عليه حتى يشيلوه وامي وشهد حضنوني واني ابجي واون من الالم

أم زيد.. كومي بنتي كومي ليش ولك زيد حرام عليك هاي اختك الصغيره هيج تسوي بيها وانت ابوها شنو من گلب گلبكم

ابو زيد.. صوتكم مااسمعه واخذيها جوه وطلعه ماكو وكليه ماكو وتنحبس مثل الچلب واياها تطلع من الغرفه واشوفها وجيبي التلفون

ود.. مرت الايام وزيد وبابا اذوني حيل لايباوعون بوجهي ولا يطيقون كلمه مني بس غتو حبيبي يطب ويطلع عليه ويحاول يخفف من عذابهم كمت اختنك من الكعده والحبسه لو الهوا بيدهم يمكن جان كطعوه عليه

غيث .. علاقتي بموج تتطور يوم بعد يوم وحبها يكبر بگلبي وضع البيت متوتر وخاصه بعد الي صار بود اما ندى تجي ساعات وترجع حتى متبات ومن اسألها عن وضعها ويه رجلها ماكو غير الحمدلله بخير وضعنه زين
كلنا حاسين بندى متغيره وتحجي بتعب وبقهر حتى بابا حاول يفهم منها كولشي مفتهم كلها انطيج فلوس كالت مااريد ومو من عوايدها ترفض
وشهد وزيد دوم مشاكل علمود دوام زيد
يعني البيت مگلوب واحس بتعب من المشاكل بس من احجي ويه موج انسى نفسي واهلي انفصل عن كل مشاكلي وحياتي
امواجي
موج .. هاا حبيبي
غيث .. اريد اشوفج
موج .. مااكدر موتعرف عمتي خانكتني وممنوع الطلعه والطبه
غيث .. بالسطح
موج .. لا عيني اخاف احد يشوفنه من الجيران شيخلصنا
غيث .. لتخافين دقايق ونزلي
موج .. الصراحه غيث مااريد التقي بيك
غيث .. صدوك تحجين وليش متريدين
موج .. اضعف وياك
غيث .. وكمت اغنيلها اضعف كدامك بس انت
موج .. هههههههه مدااشاقه غيث ومااريدك تلمسني بالحرام كافي ذيج المره
غيث .. ماالمسج ادللي
موج .. والله متكدر مجنون واعرفك
غيث .. مجنون بيج
الى متى موج تره والله تعبت
موج .. اااااه اني هم تعبت وعيونك ومابيدي شى
بيدج اشياء واشكاال لازم تطلكين
موج .. الله كريم اروح هسه انتبه لنفسك
غيث .. وانتي هم حب انتبهي لنفسج يانفسي  انتي

موج .. غلقت الخط واني بحيره الى متى هذا وضعي وحياتي ويه اكرم بجحيم
لااني مسلمه امري لضيم اكرم وتاركه غيث يعيش حياته ولا اني مطلقه من اكرم واعيش ويه غيث حياتي بمفترق طرق ومدااعرف اي طريق اختار
اليوم رايحه لبيت اهلي بعد اشهر من طلعت منهم مكسوره اول مدخلت سلمت على ابويه وعلى بشار ودعاء الحيه صار شكد مشايفتها واله تذبلي سم متكدر مرض بيها

دعاء ... هلا شذكرج بينا
موج .. ليش اني ناسيتكم
دعاء.. لا اكيد متنسين بس مرات العز ينسي الواحد اصله
موج .. لااله الا الله هسه اجيت دعاء صار اشهر مشايفتني متكدرين اله تغثيني
دعاء... شحجيت عيني بسرعه گبيتي
وسن .. هلوو ميمي شلونج
موج .. گلبي اشتاقيتلج وبوستها وكعدنا نسولف وامي واختي الجبيره بتول جايه خطار ومروه ونسولف ونضحك ودخل امير
تقرب مني باس راسي
امير .. شونج موج حبيبتي صحتج اشتاقيتلج هيج تنسين اخوج الجبير
موج .. لا مناسيتك

امير .. لعد ليش كطعتي
موج .. ظروف

دعاء.. هو الي يعيش بذاك البيت يتذكر هذا
موج .. وشبيه هذا البيت اصلاً عندي يسوه ذاك ويسوه الف بيت بس انتي محاسه بالنعيم الي عايشه بيه
دعاء.. يانعيم ڤًـدوه شو كاعده بغرفه عبالك سجن وبمنطقه شعبيه قابل سويت بيت جبير بمنطقه راقيه مثل غير ناس
موج .. والله يادعاء اكو ناس الله منطيها نعم متحمده عليها ولا حاسه بقيمتها ومو كل بيت واثاث وفلوس يجلبون السعاده
دعاء.. لعد فدووه شنو الي يجلب السعاده خاتون

موج .. رجال يخاف الله بيج ويراعي حرمته ويكون حنين ويخاف عليها ومن تتمرض يداريها متلعب نفسه منها ومن توكع يشيلها ويصبر عليها اذا قصرت ومن تخطأ يحاجيها بالحسنى مو بالضرب ومن يباوع بوجهه يحسسها هي احلى مره بالدنيا حتى وان كانت موجميله يعزز ثقتها بنفسها يبنيها ميهدمها ويكون ظهر وسند الها بكل وقت

دعاء.. هذا كلام الجرايد مااكل بيه متعلمه كم كلمه واطبقيها براسي مطبقيها بحياتج عايشه بعز ونعيم ومن يمي كامت ادور حب واحترام والفلوس مو مهمه
موج .. مراح تفهمين كلامي طول ماتفكيرج محصور بالفلوس
وسن .. تهدوا بالرحمن هذا نقاش لو عركه على كيفكم
موج .. خلي اكوم احسن اروح لغرفتي طبعاً بعد اذن ست دعاء لان هي ام البيت ارتاح شويه
امير .. كومي ميمي هذا بيت ابوج وبيتج محتاج تسأذنين من احد . بيج قصص غزوان علي
كومي وسن خلي نروح لبيتنا اختنكت
دعاء .. عشتوووو اختنك الله يساعد گلبي

موج .. دخلت الغرفه وتمددت ونمت بعمق وشفت غيث كاعد يمي ويسولف ويبتسم ويلزم خدي وكل ميريد يبوسني ادفعه واني داادفعه صارت دفعتي بقوه وكع على شوك وتجرحت ايده بس منظرها مرعب وطفرت
اسم الله ياربي واتصلت بيه حتى بدون ماادزله رساله
الوو حبيبي

غيث .. هله بالحب كله هله بالخير ياكل الخير
موج .. بيك شى
غيث .. اي بيه انتي
موج .. مدااشاقه بيك شى
غيث .. لاقلبي بالعكس وضعي زين وباجر راح ارجع للشغل ليش صار شى اهلج تعرضولج
وحجيت الغيث الحلم
حبيبتي لان تعبانه وقلقه هيج حلمتي هذا كابوس بس انت هم ظالمه
موج .. ليش
غيث .. غير تعوفيني ابوسج
موج .. هههههه اني وين وانت وين
غيث .. اني بداخلج وانتي بداخلي اووف شكد مشتاق لضحكتج شون راح اصبر كم يوم مااسولف وياج بليل
موج .. لازم حبيبي اخاف من دعاء تسمعني او مروه كولشي يصير  ويله قلبي اخذ راحتك لازم اروح ليجي احد

غيث .. تعاالي
موج .. وين
غيث .. شبيج اخترعتي قصدي تخيلي تجين وابوسج بس موو ادفعيني
موج .. ههههه لا ماادفع تقربت
غيث .. سحبتج عليه وبستج اوووف شوكت الزمج واكطعج بوس والله ماارحمج بس بوس ماابقي مسامه بيج ماابوسها
موج .. ههههههه لترحمني
غيث .. اووويلي الله
موج .. صوتك فضحتنا
غيث .. احبج
موج .. احبك
وبقيت بيت اهلي ودعاء طلعت الروحه كلها سم يوميه ملعوبه شكل اخر شى خابرت اكرم كتله تعال اخذني ورجعت للقفص مالتي بس الي مهون هذا القفص وجود غيث بحياتي
مرات اصفن واكول حرام عليه لازم اتركه واقرر ومن اوصل للتنفيذ اتراجع
ود.. عشت ايام مرعبه بابا وزيد اذوني والدوام بدا والعطله الربيعيه خلصت وبدا الكورس الثاني وخايفه السنه اتضيع عليه وماكو غير غتو يحل موضوع دوامي

وحجيت ويااه وقنعته وراح لبابا يقنعه
غيث .. حجي اني شنو عندك
ابو زيد.. ابني وحبيبي
غيث .. وشكد معزتي بگلبك
ابو زيد.. انت تعرف معزتك جبيره واذا اكولك يمكن اكثر ولدي احبك صح كلهم معزتهم وحده بس انت غير
غيث .. احلفك بمعزتي رجع ود للكليه

ابوزيد.. الا هذا الطلب شتريد الك بس هذا مستحيل البنيه الي تكسر راس ابوسها وتسوي مضحكه متستاهل الرحمه اصلاً موزين عايشه ماموتتها بأيدي الي سوته ياغيث جبير بحقي وبحقنا كلنا
غيث .. اعرف بابا بس مهما كان احنا هم غلطنا اول تالي تجبر واحد منا على شى ميريده ومو شى عادي زواج
ابو زيد.. لمصلحتها هيج سويت
غيث .. مهما كان هي ادرى بمصلحتها
وبقيت ساعتين اقنع بالوالد وساعه بزيد بالاخير وافقوا بشرط اني اوديها واجيبها واقتنعوا لان اخر سنه الها بالكليه وحرامات تروح عليها
دخلت على ود..
عذريني موافقوا
ود.. كمت ابجي عرفت والله
غيث .. ههههههه خبله صايره ام دميعه جذب وافقوا
ود.. شمرت نفسي بحضن غتوو تسلملي يااحن اخ بالدنيا

بس تعالي الورطه الجبيره لازم يوميه اوديح واجيبج شفتي الحظ المصخم
ود.. ههههههههه تحمل فدوه كلها ٣ اشهر واتخرج
غيث .. لعيونج تدللين
خالد .. بعد شغله الي صارت دخلت بحاله اكتئاب وندم الي صار موهين بحقي وخاصه امي اكلت راسي لازم تخطب اغاتها هي منو وترفضك وعمي كرمني بنته وحاولت ارفض بأدب حتى ليزعل بس كل هذا بكفه وجهه ود اخر مره من حجت بكفه ثانيه حجيها واعصابها ودمعتها الي بعينها مراحت من بالي ويوميه تهزني هز شكد تمنيت توافق واعوضها عن الخطأ الي صار مااتجرأ اسأل غيث عنها دكيت مره عليها ردت بس اطمن التلفون مغلق كمت اشتاق الها ولسوالفها ومن تكمز عبالك طفله احس روحي دااحبها وبقوه وعندي رغبه بيها موطبيعيه
وبيوم كاعدين بالكهوه اني وغيث ونسولف وكتله مر عليه باجر سيارتي بالتصليح
غيث .. تدلل بس بالاول نودي ود للدوام وراها اوديك لشغلك

خالد .. ليش رجعت للدوام
غيث .. اي قنعت الوالد وزيد بالكوه خطيه اخر سنه مومال تروح منها
خالد .. نبض گلبي بقوه واني اتخيل شون باجر اشوفها واصبح عليها
ود.. كعدت فرحانه واخيراً راح اداوم لبست وعدلت نفسي بس بشكل بسيط لان بأخر لحظات الخوف تملكني واني اتخيل الطلاب يحجون عليه بس لازم ارجع واثبت للكل اني شنو

ودااطلع وجان يصير خالد بوجهي
خالد .. صباح الخير شونج ود
ود.. نزلت عيوني مااريد اشوفه صباح النور الحمدلله
راح اجي وياكم اذا ميغثج الوضع
ود.. وليش يغثني سياره صديقك وانتم توصلوني وتروحون
خالد .. ود اشتاقيتلج
ود.. فتحت عيوني واني ممصدكه هذا خالد البارد هيج يحجي واجه غيث
تأخرت عليكم يله اصعدوا
وصعدت ليوره ومرفعت راسي ونبضات گلبي سريعه واني جنت حيل مشتاقتله جان امنيتي اكوله اني اكثر لوتعرف انت شنو بحياتي

خالد .. طول الطريق ساكته ومن نزلت عبالك اخذت روحي واني اباوع عليها حتى نسيت غيث وكاعد بصفي

ود.. نزلت والخوف سيطر عليه اجوني صديقاتي ويسلمون بس جذب نظري البسبسه الي كاعد تصير كل ماامشي من يم مجموعه احس الكل يحجي عليه
ودخلت للقاعه واشتغلت البسامير
احد الطلاب .. اكولك ابو الحب تتذكر من جنت اكولك ياما تحت السواهي دواهي تره الي بالك موفقير يمثل الفقاريه طلع داهيه يمكن احنا منعجب بس المعيدين يعجبون
ود.. اعرف يقصدني ومتت بدمي

والثاني يجاوبه .. اربع سنين بايع ثكل ومسوي روحه شريف واخلاق وهو طلع يحب الثگيل عمي والله عندي شقه واريح تره موبس غير ناس
ود.. هنا متت طلعت اركض ابجي للحمامات وصديقتي ريماس ويايه
ريماس.. يمعوده خلي يولون تعرفين بيهم ذوله من ازبل الطلاب
ود.. ريماس تعرفين اخلاقي اني مال هيج سوالف
ريماس.. كافي ليش تهتمين انت احسن واشرف وحده بالكليه والله موكدامج هواي طلاب مصدكوا بالكلام الي صار بس ياود لوموافقه على هشام جان كطعتي لساناتهم والكل خاصه يعرف هشام ميتزوج اله وحده شريفه وبنت ناس وخاضعه لألف اختبار من كثر علاقاته وانتي تتذكرين من سألوه الطلاب من جنا مسوين حفله مال العاام طلاب الرابع وسألووه كاال يوم مااتزوج لازم وحده ملكت قلبي واشرف من الشرف وماره بالف اختبار لان مااثق بأي بنت ولو متزوجج جان سكت الكل اضافه كل بنات الكليه يتمنون كلمه منه
ود.. انتي صدوك تحجين بعد كل الي سواه هو السبب واحد ساقط نزل سمعتي للحضيض وخلاني مضحكه واصلاً هو زير نساء شون اتزوجه

ريماس .. يجوز يحبج وعلى ايدج يتوب

كافي فدوه سدي الموضوع تعبت امشي للكافتريا اريد اشرب عصير احس ضغطي هبط
واحنا نمشي بالممرات اجاني استدعاء من معاون العميد ورحت واول مدخلت للغرفه وجان اشوف هشام كاعد ردت اطلع جان يجرني من ايدي

هشام.. اوكفي ود بس كم كلمه مااخرج والله
ود.. هم الك عين تحجي بعد
هشام .. اسمعيني واحكمي
ود.. ماكو كلام بينا اعتقد الي سويته بيه كولشي كافي يخليني العمر كله اكرهك وادعي عليك

هشام .. ميخالف شسوين سوي
بس اسمعيني والله مااتركج اله تسمعيني اكعدي ارجوج اكعدي
ود.. هاي موغرفه معاون العميد
هشام .. تقصدت اطلبج بغرفته حتى لااجيب الحجي الج
ود.. ههههههه بعد وكت ليش انت قصرت
هشام .. حقج والله تضحكين بأستهزاء وتحجين من وره خشمج حتى لو تغلطين هم عاذرج

ود.. موو اخلاقي اغلط اذا انت اخلاقك تسمح الك تتجاوز وتطعن بأعراض الناس اني الغلطه متطلع مني لساني اني متربايه وبنت اصول واهلي ناس مربيني
هشام .. والله اعرف والنعم منج ومن اصلج

شوفي ود اني ماانكر صاحب بنات وممبقي بنت ممصادقها ومااعرف الحب لعبت على هواي واشكال سويت
وجان برأي ماكو بنيه شريفه الكل تركض وره مصلحتها واكدر احصل اي وحده واسوي الي يعجبني وياها مقابل شى تريده هي سواء كانت طالبه او موً طالبه كل وحده اعرف طبعها واصيدها الا انت عجزت لا بقيت بنات مدزيتلج بالدرجات حاربتج وصلت مرحله اجيج بنفسي احجي وياج وطلبتج للزواج ورفضتي خبلتيني
ود.. لهذا كلت خلي اشوه سمعتها بله انت عندك ذره عقل

هشام .. صار عندي من حبيتج
ود.. لتضحكني انت هسه تكول اني مااحب والعب على البنات موجنت تحجي حلوو بدينا الكذب
هشام .. اسمعيني ياعيني والله حبيتج يجوز سمعتي محلووه بسبب البنات وعلاقاتي بس والله من يوم حبيتج مكامت اي بنيه تملي عيني وتكدرين تسألين صار اكثر من ٤ اشهر ولا متقرب من وحده اي وحده احاول اصادقها تجين بعيني وابطل انتي الوحيده الي دخلتي گلبي رغم خطبتج ورفضتي ومن رفضتي وعرفت السبب من گلتي ميشرفني اتزوج زير نساء كبرتي بعيني وتعلقت بيك اكثر حتى رغم كلمتج جبيره بحقي بس اتقبلتها وحتى فرحت وتأكدت كمت احبج

ود.. والي يحب يأذي
هشام .. اعتذر منج والي تريديه يجرالج بس وافقي على الزواج . كروب فصص غزوان علي
ود.. انت اخر انسان ممكن ارتبط بيه انت من سويت سوايتك مفكرت اخاف اهلي يذبحوني يعني  الْحٍمَدلله اهلي ناس مثقفين واعين ويعرفون بتهم لو من ذوله الناس الي ميتفاهمون جان متت ومن وره شنو حضرتك تحبني وجاي هسه تكولي اتزوجيني والله هم يضحك وهم يبجي
هشام .. والله ماالومج واعرف بيج كارهتني
كارهتك بس هسه لو تموت كدامي ميرفلي جفن يمكن حتى الله يرحمه مااكول

هشام .. ود فكري بكلامي مراح تلكين انسان يحبج مثلي ومستعد يضحي بروحه لخاطرج
غلطت ماانكر وسبحان الي ميغلط كولي اغلاط اصلحهم لعيونج

ومستعد شروطج كلها انفذها واترك كولشي وكلمه رجال ادللج واخليج تحبيني
ود.. الحب مو بالقوه هشام
هشام .. الله اسمي يخبل بحلكج
ود.. بسببك من الصبح لهسه الف انتقاد وكلام جارح سمعت
هشام .. اكص لسان الي يحجي عليج
ود.. ميفيد بعد واشكرك وسمعتي الي راحت ذمه برگبتك ليوم الدين
وطلعت وعفته ومر اليوم اتعس مايكون وبعد مااكدر اكمل المحاظرات لعبت روحي خابرت غتو كتله تعال اخذني بس تكمل المحاظره اطلع
غيث .. هاي وين صارت تأخرت
خالد .. خابرها
غيث .. التلفون والدي مقبل ارجعه الها خلي انزل اصيحها
خالد .. اكعد اني انزل اندل قاعتها
ونزلت اتمشى ردت احجي وياها تمنيت هاي الفرصه واجتني على طبق من ذهب وصلت لباب القاعه والباب مفتوح واسمع هشام يحجي

ود.. كاعدين بالمحاظره وانتظرها تخلص مليت ولعبت روحي

ومنحس غير باب القاعه تنفتح ويدخل هشام ورئيس القسم للقاعه
هشام ..السلام عليكم اسف قطعت محاضرتكم مااخذ من وقت الاستاذ وقتكم غير خمس دقايق
احب اوجه كلمه وحاب الكل يسمعها
قبل مده صار موضوع بخصوص الطالبه ود زميلتكم ذيج الي كاعده واشرت عليها

ود.. نزلت وجهي ورجفت لاياربي دخيلك هذا شيسوي
هشام .. هاي البنت مع احترامي لخواتي الكاعدات وكلكم على راسي اشرف بنت بالكليه وبنت ناس  اخلاق وكرم واني تقدمت الها ورفضتني ومااخجل اكول هذا الشى
وهسه كدام الطلاب هم اكولج ياست ود اتمنى تفكرين وتقبلين بعرضي وراح ارجع اخطبج مره ومرتين وعشره لحد متوافقين وتشرفيني وتشرفين اهلي تكونين زوجتي
ود.. شنوووو الطلاب بحاله من الصمت والذهول هذا هشام الي ميطخ خشمه الهوا شايف نفسه ويلعب لعب محد يحجي ويااه هيج يحجي باوعت بوجهه هشام

هشام .. ود اتمنى توافقين على الزواج فكري وانتظر قرارج حتى اخذ عشيرتي كلها خطابه لأشرف واحلى بنت
ود.. دااباوع على هشام ومكدرت احجي اي شى وعيوني تركز وشفت خالد واكف بالباب صاير نااار
يتبع ....