رواية بين العقل و الطريق الفصل الحادي عشر 11 - بقلم غزوان علي

بين العقل والطريق
للكاتب غزوان علي
البارت الحادي عشر

مندفعه هي أمواجُ روحي اليك
كموجة تسرعُ نحو ذلك الشاطئ
كلما احتضنتهُ
كسر اضلعها ، وتركها رماداً
أيتها الموجه
لاتسألي نفسك ِ
متى الوصول ؟وأين الميناء؟
استمتعي برحلتكِ
مابين الانطلاق والاحتراق
فالمصير مجهول

خالد .. من سمعت كلام هشام حسيت بلحظه خسرت كولشي خفت لتوافق لان حرجها وبنفس الوقت مااعرف شون اتصرف ادخل اجرها من ايدها كدام الكل واخذها ااسكت وابقى بوضع المتفرج زين وهاي الغصه والنار الي بقلبي شون بيها وحتى كمت ارجف اني بطبعي هادئ ومااتصرف بأستعجال احتمال الحب يرادله جرأه واحياناً تهور بس اني مااكدر موبيدي كلمن وطبعه
ردت ادخل شفت ود وكفت

ود.. كل الي كدرت اسوي اعوف هشام الي متأمل كلمه مني والطلاب الي بحاله ذهول وصدمه من الموقف مااكدر اسوي شى والموقف الي حطني بيه هشام اسميه رد اعتبار الي او حب او تأنيب ضمير بس دااحس لو شميسوي مراح يمحي الخطأ الي سواه بحقي
وكفت مقابيلهم استاذ من رخصتك اريد اطلع
باوع الاستاذ على هشام وهو اشر براسه بما معناه خليها براحتها
تفضلي اخذي راحتج
وعفتهم وطلعت وتوجهت على خالد يله امشي نروح
خالد .. ساكت وامشي بصفها راح توافقين عليه
ود.. امشي بصف خالد واحجي وياه بس وجهي للامام مااباوع بوجهه وجاوبته
انت شنو رأيك بلي صار
خالد .. ماعندي رأي
ود.. زين شتتوقع اوافق لو ارفض
خالد .. مااعرف
ود.. وانت شتريد اوافق لو ارفض
خالد .. الي تشوفي صح سوي

مردت اضغط عليها اني بقلبي نار لوبيدي اكولها اياج توافقين اني احبج اني اريدج واتمناج بس مكعد تطلع من حلكي كلامها اليه اخر مره يرن بأذني من كالت اكرهك يجوز فعلاً تكرهني واذا اكولها لتوافقين عليه تسويها عناد وتوافق ردت تتخذ القرار الصح وبنفس الوقت احس روحي بركان من الاعصاب ومااكدر اظهر مشاعر والحب والغضب بداخلي

ود.. وكفت وانداريت عليه يعني الي اشوفه صح اسوي موو
خالد .. شتريدين ود بس فهميني
ود.. بعصبيه انت مقتنع بكلامك
خالد .. اترجاج لتزيديها عليه
ود.. هااااا ازيدها
لتخاف ماازيدها عليك استاذ خالد وراح اخففها كولش
خالد .. شنو قصدج
ود.. راح اسمع كلامك والي اشوفه صح اسوي ورجعت امشي وهو يمشي بصفي واني دمعتي بعيوني تمنيت تكول انت الي انتي مالتي اني احبج اياج تقبلين يعني هيج هذا الانسان بارد لو يمكن تفكيري بالاول كان صح هو ميحبني ويوم مخطبني بس حتى يصحح صورته كدام اهلي وحتى يهدأ تأنيب الضميير الي صارله بسبب موضوعي
وصلنا لغتوا

غيث .. وين صرتوا تأخرتوا
شبيج ود وجهجً ميتفسر
ود.. مومهم حبيبي بس رجعني للبيت
خالد .. الحيره والخوف سيطروا عليه اخاف تقبل زين ارجع اتقدم الها احجي وياها ليش هذا التردد الي عندي لازم اسوي حل ماابقى اتفرج عليها وهي تضيع مني .. كروب قصص غزوان علي

اول موصلناها
غيوثي اريدك بأستشاره
غيث .. هذا منو اليحجي خالد وفوكاها يريد استشاره مني مدااصدك
خالد .. مو وكت سوالفك بما ان انت واحد متهور ومجنون بالحب ومرات متعرف تتصرف ومرات تجفص هوايه
غيث .. هاي شنوو يمعود اوكف شنو هاي الصفات الطايح حظها
خالد .. خلي اكمل وتصل بيك مرات حتى عقلك يختفي تكول قطار مال اليابان محد يكدر يوكفه بس رغم هذا اريد استشيرك
غيث .. والقطار بخدمتك خير اكيد سالفه بالحب
خالد .. وشمدريك
غيث .. لان اني مااسمع هاي المقدمه العظيمه اله اكو شغله تخص الحب غرد
خالد .. اني احب وحده
غيث .. لا بربك مدااصدك خالد المعقد يحب
خالد .. لعد اني الي صدكت غيث افندي الي ضارب الدنيا جلاق يحب بله متسكت الحال من بعضه
غيث .. منو هي اعرفها
خالد .. لا
غيث .. متأكد
خالد .. داكولك متعرفها
غيث .. والمطلوب
خالد .. ساعدني اريد اعترف الها بحبي مااريدها تضيع مني
غيث .. بداخلي كنت متوقع خالد يحب ود وكنت اتمنى تصير اله بس كولشي قسمه ونصيب بس هو ليش خطبها اذا يحب وحده والله هذا خالد راح يخبلني

شوف اخويه الغالي ماعندك حل غير تكولها بوجهه احبج واريدج شغله ميرادلها روحه للقاضي
خالد .. ليش مااعرف اكول بوجهه عود هو جاب التايهه شبيك غيث اريد الطريقة الي اتجرأ بيها اكول الها وبوجهه احبج
غيث .. ياطريقة خالد بابا هذا حب لابيه طرق ولا جسور حلاته بجرأته وبالاندفاع انسى كولشي والغي المستحى والتردد الي عندك استعجل قبل فوات الاوان

خالد .. تعرف طبعي مااحب الاستعجال
غيث .. كولشي بالحياه ممكن تاخذه بالهدوء والتروي اله الحب اذا ميكون بركان من المشاعر والاحاسيس والجنون والاندفاع مراح يتسمى حب
خالد .. قصدك مثل كارثتك انت وموج
وليش تسميها كارثه سميه عشق هيام التقاء ارواح الف اسم واسم لعلاقتنا

خالد .. اصلاً علاقتكم مالها مسمى بس مسمى واحد عشق ممنوع ومحرم غيره ماعندي
غيث .. شوف شيكون اسم علاقتي بموج خلي يكون ميهمني الاسم يهمني المضمون وهاي الانسانه من الله انزرع حبها بقلبي ومااكدر اتركها واعرف بروحي اذا تركتها اموت مااتحمل علاقتي بموج علاقه روحيه احس روحي يمها وتلوب عليها يجوز انت او زيد تشوفون حبي غلط

خالد .. اي واحد بمكانه يشوف حبكم غلط
غيث .. صحيح كلامك بس اني وهي نشوفه صح لان انولد بظروف لابيدي ولا بيدها القدر جمعنا ومثل مجمع حبنا راح يجمعنا بالحلال بس كول يارب
خالد .. يارب يهديك ويهديها
غيث .. هسه احنا وين جنا نحجي وانت وين فريتها
خالد .. اي صدوك نرجع لموضوعنا احسن
شسوي هسه
غيث .. شوف خالد اذا تبقى بهذا برودك اضمن الك البنيه تروح منك لازم تتحرك وتعوف البرود والهدوء الي انت بيه كون جرئ واذا تحبها لهاي البنيه حارب واخذها الي ميتزوج عن حب عمره خساره

خالد .. احاول بس ادعيلي
غيث .. الله يخليك مخبل وتروح للبنيه وتعترف الها وتصير الك دعوه مطلقه تريد ترجع لزوجها وهو اتزوج عليها وراد يرجعها وزوجها مات
خالد .. ههههههههه شون رهمتها والله مودعوه هاي حزوره
غيث .. ترهم كولشي يرهم هههههه

أكرم .. موج وينج
موج .. نعم
روحي ويه اهلي راح يرحون للزياره موعاجبج تزورين
موج .. اااي واخيراً ياريت بس خاله تقبل
أكرم .. اني قنعتها ليضل بالج
موج .. تسلم مقصرت
أكرم .. تعالي موبفضلي راح تروحين وياهم تعاي اريدج
موج .. ليش تحسسني اني وحده رخيصه تسوي الشى مقابيله
أكرم .. وجع شكلت قابل بكولشي لازم ادخلين انه بيها انتي صايره حيوانه اله بالكتل يله تجرين عدل

موج .. تعال اكرم اكعد جريته من ايده وكعدته على الجربايه وكعدت يم رجله
أكرم .. شكوو احجي بسرعه شتريدين
موج .. انت ليش هيج
أكرم .. شون يعني
موج .. ليش تشرب وتزني وتلعب قمار انت بعدك شاب ليش تضيع نفسك بالمحرمات
أكرم .. شوفي انتي كتيها بعدك شاب شتريدين اكعد كبالج بالبيت اساعدج بغسل المواعين وامسح الكاع

موج .. اني كتلك تكعد بالبيت ليش كل الشباب الي بعمرك شون يقضون يومهم عايشين احسن عيشه ويطلعون ويفترون ويه اصدقائهم بالكوفيهات والمتنزهات والمحلات وميسون شى حرام ومن يرجعون حتى لو متأخرين يراعون الله بعوائلهم يعني الى متى هاي عيشتنا

أكرم .. كلتيها عوائلهم اني منو عندي
موج ..ليش اكرم اني موجوده وامك وابوك
أكرم .. بس ماعندي اطفال ماعندي الي اكسر ظهري عليهم
موج .. يعني انت همك الاطفال الي كاعد تسوي كله لان ماعندك اطفال
أكرم .. سدي الموضوع وكومي مني انتي متقصده تغثيني
فدووه اوكف خلي نوصل لحل اريد اعيش مثل النسوان عندي رجال اطب واطلع وياه اريد احس بيك اريدك تحبني حتى مرات احسك تكرهني شنو الي بدر مني وضوجك مني بشنو قصرت كولي حتى احاول انقذ بيتي ورجلي
أكرم .. اسمعي موج من الاخير اني مااحبج وانجبرت على الزواج منج حتى اسكت ابويه مني ويوم معرفت مراح اخلف وعندي عقم كرهتج بالزايد انتي وجهه الفگر عليه انتي سبب ضياع حياتي وسبب ضياع حبي

موج .. حبك ياحب
أكرم .. بسببج جنت احب وحده وابويه مقبل اتزوجها توسلت بيه ردت عالجت وهو قافل ولما عرف عند ابوج بنيه للزواج خطبج الي حتى بدون ميستشارني وفوكاها جبرني اقبل اخذ كولشي مني وكلت خلي ياخذ المهم مااتزوجج وبيوم اتصلت حبيبتي تبجي تكولي ابوك هددني اذا مااتركك يموتني وصرت نار وتعاركت وياه وعفت البيت وطلعت

موج .. وليش عمي جان رافضها
أكرم .. لان مومن مستواه اعرف ابويه محبها لنوره بس اني جنت احبها وضيعها مني من عرفت اتزوجت عافتني ومااعرف بيها وين صارت بقيت اشهر ادور عليها فص ملح وذاب لهذا كولشي صار بيه بسببج

موج .. اني شنو ذنبي اني هم محد اخذ رأي واتزوجتك حتى واني ممنتبه على شكلك بس رغم كولشي كلت صار زوجي ولازم اراعي الله بيه وحاولت اتقرب منك وكل مااتقرب تبعدني ليش تاخذني بذنب ابوك والله اني يمكن حالتي حتى اتعس منك لان لاحول ولا قوه اليه وردتك عون بحياتي صار سنين بكل الطرق احجي وياك ومتقبلتني وفوكاها محملني ذنب ابوك ليش موحرام عليك

أكرم .. اسمعي شيليني من بالج مال اتغير مااتغير هيج حالي مريحني ومقتنع بيه وعايش ملك زماني
موج .. ملك زمانك بالمحرمات
أكرم .. بالمحرمات بالمصخمات اني مرتاح هيج
موج .. زين ابقى ميخالف بس حسسني اني زوجتك ليش حتى من تتقربلي تاخذني وعبالك تغتصب عبالك وحده من الموزينات الي تعاشرهن يعني حتى اللحظات الحميميه الي المفروض اعيشها وياك بحب تعيشها الي بجحيم . بيج قصص غزوان علي
اكرم مكافي ادمرني وادمر نفسك مكافي معيشني بذل ومهانه اريدك تحسس بيه ولو مره

أكرم .. انتي شناقصج متكوليلي شو بًيــت تحلمين انتي واهلج تعيشون بيه وماكله وشاربه واحسن لبس تلبسين وذهب وكولشي متوفر  بعد شنو هذا النك
موج .. شنو فايده البيت وابو البيت ماكو شنو فايده اكل واشرب وانت مو ويايه اني كولشي مااريد اخذهم كولهم بس خليني اعيش وياك عيشه طبيعيه مره ورجال على حب الله تره والله فاض بيه ودااشكيلك ساعدني مااريد اخسرك واخسر بيتي
انطي لنفسك فرصه تحبني وقربني منك

أكرم .. انتي مبين ماعندج شغل وعمل وجايه تتفلسفين براسي اني عندي طلعه ومبين اذا ابقى راح تعصبيني شوو كومي من يمي
موج .. يعني مراح تتغير
أكرم .. لا لا لا افتهمتي وهاي عيشتي وغصب عنج تقبليها واذا ميعجبج ذاك الحايط اركعي راسج بيه او الباب يفوت جمااال مو جمل واحد روحي لبيت اهلج خلي يلفوج من لفج الگبر ان شاء الله

موج .. حاولت انقذ نفسي وبيتي بس اكرم ميطيقني واعرف بيه مبقيني بسبب ابوه ميريده يغضب عليه
اتصلت بغيث بعد مطلع اكرم

هلا بالحب والعشق كله
موج .. كمت ابجي
غيث .. شبيج موج احجي
موج .. مخنوكه
غيث .. سوالج شى هذا الحقير
موج .. مكدرت اكول الي صار بيني وبين اكرم وكتله ضايجه من وره عمتي
وبقى يهدأ بيه
غيث ممكن سؤال
غيث .. جواب گلبي
موج .. اذا عفتك راح تكرهني
غيث .. مااخليج تعوفيني اني امشي بدمج
موج .. بس وضعنا غلط الى متى نبقى هيج واني كعد تشوفني مااكدر اسوي حل اجبن مني مااكو
غيث .. يجي يوم وتصيرين جريئه الحب يدفع العاشق للجنون
موج .. ليش متتركني وتعيش حياتي
وجان يغنيلي

إشتقتُ إليكَ فعلِّمني أن لا أشتاق
علِّمني كيفَ أقُصُّ جذورَ هواكَ من الأعماق
علِّمني كيف تموتُ الدمعةُ في الأحداق
علِّمني كيفَ يموتُ القلبُ وتنتحرُ الأشواق
إن كنتَ قويَّاً
أخرجني من هذا اليَمّ
فأنا لا أعرفُ فنَّ العوم
الموجُ الأزرقُ في عينيك يناديني نحوَ الأعمق
وأنا ما عندي تجربةٌ في الحُبِّ ولا عندي زَورَق
إن كُنتُ أعزُّ عليكَ فَخُذ بيديّ
فأنا مفتون من رأسي حتَّى قَدَمَيّ
إني أتنفَّسُ تحتَ الماء..
إنّي أغرق .. أغرق .. أغرق

موج .. اووويلي اعشقها لهاي الاغنيه مال عبد الحليم
غيث .. اني غارق بحبج امواجي لهذا شيلي فكرة ان نترك بعض
ايااج بيوم اتركيني اياااج
موج .. لا مااتركك 😔
غيث .. خفت من كلام موج حاسها كاعد تفكر تتركني ومااعرف شون اتصرف وياها واخليها تصير سباعيه وتترك الحياة المأساويه الي عايشتها.

موج .. رحنا ثاني يوم لكربلاء وعمتي وعمي وصابرين همزين دنيا.. ماكوو زعلانه من ابوها لان طردها بأخر مشكله بسببي
وطبيت لكربلاء وبين الحرمين وكفت ادعي
وبحركه گلب وقهر من العيشه الي داعيشها

اللهم بحق حبيبك المصطفى واهل بيته وبحق من اقف بجوار حضرتهم الشريفه ربي لا تكلني إلى أحد , ولا تحوجني إلا أحد , وأغنني عن كل أحد , يا من إليه المستند , وعليه المعتمد , وهو الواحد الفرد الصمد , لا شريك له ولا ولد ,خذ بيدي من الضلال إلا الرشد , ونجني من كل ضيق ونكد وابعد عني الحرام وابن الحرام يـارب دااخطأ واعرف الي كاعد اسوي ويه غيث حرام عليه بس انت ادرى بحالي غيري حالي من حال الى حال ربي هذا الولد دخل گلبي وموقصدي احبه ولا قصدي اخطأ واخون زوجي اني تعبانه والفرج والراحه منك يارب ارحم بحالي وبحال غيث لان يريدني بالحلال يارب سهل الصعب وابعد عنا الحرام ياارحم الراحمين
صليت وقريت قران وبقيت ابجي بألم واني اشوف نفسي ضايعه ومااعرف اتصرف

واتصل عمي بأكرم كله رايحين للنجف وانبات هناك ليضل بالك ونرجع العصر باجر
صابرين .. تدرين بروحج شكد بجيتي
موج .. شعندي غير الدموع اواسي روحي بيهم
صابرين .. اعرف العيشه ويه امي واكرم صعبه بس هذا قدرج
موج ..ممكن سوال صابرين وتجاوبين بكل صراحه
اي ادللي
موج .. ليش عمي مقبل على زواج اكرم من حبيبته نوره
صابرين .. منو كلج على هذا الموضوع
موج .. هو بس منطاني السبب
صابرين .. لان البنيه سمعتها موزينه وسمعت اهلها بعد اتعس وابويه مستحيل يقبل يدخل هيج وحده لعائلتنا وحقه واي اب يسوي هيجً هذا اخويه خبل حب وحده موزينه والله تايبه وماعدها شى زين واهلها ومنو يكول تابت وشحالها لاشكل ولا اخلاق ولا مستوى بنت شارع من الاخير

موج .. يعني يوم بعد يوم اكرهه روحي واحقد على اهلي لان زوجني اكرم محملني ذنب متزوج الي يحبها وياريت بنت تسوه
وفوكاها بعده يحبها ويكرهني شدعي على اخوجً اوووف ربي ارحمني موو مليت
صابرين .. حاسه بيج والله حقج وماالومج بس على كيفج ويه نفسج لتتأذين
موج .. ليش اني ممتأذايه  الْحٍمَدلله على كل حال
ابو أكرم .. عمي امشوا نرجع
موج .. ليش عمو صار شى . بيج قصص غزوان علي
ابو أكرم .. والله يابنتي هسه خابروني ابن عم ابويه توفى وعيب مااحظر وياهم كل اهلنا راح يحضرون
صابرين .. قصدك عمو ناصر مات الى رحمه الله لازم نروح وياك بابا
ابو أكرم .. لابنتي الطريق تعب عليكم اوصلكم واروح
ام اكرم .. اني مابيه حيل رجعني
ابو أكرم .. اعرف يله امشوو
موج .. حتى الزياره ملحكت اتهنى بيها
ورجعنا وعمي وصلنا للباب ومدخل لان مستعجل
ام اكرم .. روحي نزعي وتعالي نظفي
موج .. عمه والله البيت يلمع
صابرين .. اي والله ياماما صدوك يلمع
ام اكرم .. انتي مالج علاقه وخابري رجلج خلي يجي ياخذج
موج .. امري لله اروح ابدل وصعدت على الدرج وكل مااتقرب من الغرفه اسمع صوت اااهات ودلع وممارسه گلبي وكف خفت الي بالي صاير وفتحت الباب بهدوء وشفت ابشع منظر ممكن المره تشوف رجلها بيه  بحياتها كلها اكرم ويه بنيه وعلى فراشي

أكرم .. طفرت موج شرجعج
موج .. بقيت واكفه بمكاني واحس روحي شلليت
أكرم .. موج لتعيطين ولا تسوين شى مااريد احد يعرف
موج .. باوعت عليه انت اقذر انسان عرفته بحياتي والوصخ دوم يضل وصخ ويدور على الي مثله شوف مراح احجي كولشي بس اطلكني وهسه
أكرم .. اششش صوتج ليسمعون تعالي ادخلي
موج .. اياك تلمسني تريد تجمعني بهاي القذره بغرفه وحده اياك طلكني
أكرم .. اطلكج بس صوتج فدوه
موج .. رغم الصدمه الي جنت بيها بس ولا دمعه نزلت مني جريت التلفون وطكيت صوره للبنت وهي على فراشي صح متغطايه بس الصوره اكبر دليل على خيانته
أكرم .. جيبي الموبايل لااكسره على راسج
موج .. اياك تحاول تاخذه امك وابوك وحتى اختك جوه وعيطه وحده مني اكلب البيت كله
اني تقصدت اكوله ابوك هنا حتى يخاف
شكد اني جبانه بس بذيج اللحظه صرت سباعيه وكلت لازم استغل الفرصه حتى يطلكني
يله امشي وديني لأهلي
أكرم .. خلي اطلعها من البيت واوديج
موج .. لا خليها هنا واله والمقدسات الي زرتهم وهسه رجعت منهم اعيط عيطه اخلي حتى الجيران تسمع لم قذارتك وامشي وديني لأهلي وكول الهم مااريد بتكم بعد بدون اي سبب واطلكني كدامهم
أكرم .. وشأكول لأهلي وخاصه ابويه
موج .. هاي مشكلتك موو مشكلتي واذا تحب اكول لأبوك على السبب الحقيقي
البنت .. فدووه ستريني الله يسترج وطلعيني منا واني والنبي بعد مااتقرب من زوجج
موج .. اشش صوتج مااسمعه تبقين مثل الجلب هنا والسبع مالتج يوصلني لبيت اهلي وبعدين يجي يحير بيج
أكرم .. يله امشي
وبسرعه اخذت كم قطعة ملابس وذهبي وطلعنا بدون محد يشوفنا وهو من غبائه وخوفه منتبه على سيارة ابوه ماكو كل اعتقاده ابوه وامه بالغرفه من التعب مال الزياره نايمين
أكرم .. اسمعي موج الي شفتي قبل شويه اذا حجيتي لواحد والي خلقج ادفنج وانتي عايشه
موج .. ليش الي شفته ينحجي مخازي وعار موبس عليك حتى على اهلك جايب وحده ساقطه بيت اهلك وعلى فراش زوجتك شكد قذر
أكرم .. لتغلطين لاافرك حلكج
موج .. هم الك عين وتحجي انت شنو من بشر شكد حاولت اصلح بيك ميفيد الاعوج اعوج
أكرم .. كافي واله اخنكج بأيدي
موج .. سكتت من كام يعيط خفت ليسويلي شى بالطريق هذا مخبل وبقينا الطريق كله ساكتين
وصلت لبيت اهلي ساعه ٥ العصر واول ماوصلنا فتح الباب بشار
بشار .. خير شصار
أكرم .. هاي اختكم والي بينا انتهى
بشار .. اوكف يمعود وصحت امير
تعاال ادخل جوه وفهمنا
موج .. شيفهمكم ديكول انتهى الي بينا متريدوني كولو واني اشوفلي مكان عند احد من اهلنا
امير .. شبيج تخبلتي هذا بيت ابوج تبقين هنا وتكعدين وتسكتين وانت تعال شبيك وياها
أكرم .. مابيه بس اختكم طالق
موج .. اااااااااه واخيراً تحرررت من قيدك ومن ظلمك
بشار .. يمعود فهمنا
أكرم .. لاافهمكم ولا تفهموني كولشي انتهى واني بعد مااريدها وشوفوا الوقت المناسب حتى نروح للمحكمه وننهي الاجرائات
موج .. لوبيدي اهلهل يعني واخيراً حياتي راح تتغير واخلص من اكرم وامه
ورجعت لبيت اهلي وابويه واخوته داخلين انذار وخابروا عمي وانصدم وحاول بالتلفون يهدأ اخوتي الكل متعصب ويريد يفهم السبب ومحجيت شى بس كلت هو كال كولشي انتهى بينا وجابني الكم محجيت على السبب الرئيسي لان هو حذرني

وبليل اتصلت بغيث وفهمته كولشي طار من الفرح وبوقتها لأول مره احجي ويه غيث بدون تأنيب ضمير
وبدينا نخطط لأحلامنا احس روحي بديت اتقرب من السعاده الي دوم اتمناها

ود.. بقيت افكر بكلام هشام وخالد واقارن بينهم وداومت ثاني يوم وصرت حديث الساعه تكول العراق خلصت مشاكله وبقت بس مشكله ود حاولت اتصرف طبيعي بس مدااكدر تعليقات الطلاب وكلامهم يغث وهشام متقرب مني بس من بعيد دوم يراقبني ويوم يجر يوم لحد ماصارت الجمعه واخيراً راح استراح يومين ماكو كليه صارت سم عليه هاي السنه وهي المفروض تكون احلى سنه لان بيها سنه تخرج وصوره وحفله بس من وره الي صارلي والمشاكل اريدها بس تخلص
وبعد متغدينا ساعه 4 العصر اندكت الباب طلع غيث وبابا. مديت راسي اني وشهد ونشوف شارعنا مليان سيارات شكوو منعرف

حضرنا عصير وجان يجي غيث ياخذه
شهد .. غتوو شكوو ذوله منو
غيث .. هشام واهله
ود.. شنوو هشام وشرايد
غيث .. رايد امي غير رايدج انتي وممبقي واحدمن العشيره مجايبه وحتى جماعه من عشيرتنا خلي اخذ العصير واروح
شهد .. عزه الي عزاك هشام غير مستقتل عليج
شو ساكته
ود.. شحجي
شهد .. انتي اكيد موصاحيه واحد جاي يخطبج وانتي هادئه
ود.. عادي موخطبني ذيج المره

خالد .. فاتحت اهلي بموضوع ود وامي واخويه تخبلو
ام خالد .. انت شنو ماعندك كرامه وحده رفضتك وكدام اهلها واهلك ومحسبت احساب لا لأخ ولا اب ولا اهل وناس غربه وبكل عين صلفه كالت مااريده شون تتقبلها نفسيتك ترجع تخطبها مره ثانيه

خالد .. ياامي انسي الي صار واني السبب لان سويت شى غلط بحقها وهي رفضتني بسبب غلطي
ام خالد .. باوع يمه اني مره ممتعلمه وجاهله ومااعرف ارتب الكلام مثلك ومثل اخوك الحجي الي كاعد تحجي مصرفلي ولا يعجبني عدنا الاصول اصول وهاي البنيه ماعدها اصول ولو بذاك زمنا من جانت البت ماتفتح حلكها شورها بيد ابوها واخوتها ورفضت والحمزه يكصوها نصين عمي بنات هذا الوكت عوذه منهن ماينجرعن اني لان احب ام زيد والبنات كلت اخذلك وحده منهن بس متوقعت هيج صلافه عدها وتهين اهلها واتهينا وتريد بعد كل الي سوته اخذك خوالك وعمامك واخطبها لا يابزر بطني ماحزرت تريد اللهً ومحمد وعلي وياك روح اخطبها بطرك روحك ماعندك اهل يحبون ينهانون مره ثانيه تريد روح اجرلك ناس تخطب

خالد .. يمه هو هذا حجي بربج بروح ابويه تهدي وكولي ياالله وبس هاي المره وتعرفين اذا عرفوا عمامي وخوالي انتي مراضيه محد راح يجي يخطب ويايه . كروب قصص غزوان علي
ام خالد .. والله يايمه احنا عدنا كرامه بس مع الاسف بزرتنا ماعدهم
خالد .. فدوه اروحلج يوم افهمي الموقف وبعدين احكمي
اسمع خالد لهنا وبس لاافهمك ولا تفهمني هاي البت ماتصير جنتي لو على كص رگبتي واذا رحت وخطبتها لاانت ابني ولا اعرفك
خالد .. ليش يايمه موحرام تكسرين گلبي والله احبها
ام خالد .. حبتك ًحٌٓـيه ام راسين شاب شطولك وشعرضك تتوسل علمود مره يمكن انه ماعرفت اربي
اسعد اخو خالد... شوف اخويه تره الوالده ماتتحمل كلامك صارلك يومين تحجي وتعيد بنفس الكلام ومنريدها تتعب عدها سكر ومااريد تتخربط ويصير بيها شى عوف الموضوع هسه خلي تهدا ويحلها الحلال

خالد .. شعوف اسعد البنيه راح تروح من ايدي
اسعد.. البنيه لو امك واذا هي من قسمتك متصير لغيرك
خالد .. اووف ياالله افهموني لازم اخطبها هسه
ام خالد .. مو اجيت قبل مده وكلت نفس الحجي وركضنا وياك وخطبناها وتالي ام الوصخ ماتريدك اااخ لوما اهلها موجودين اله اسحلها من شعرها مو ابني ينرفض
خالد .. يمه دخيلج بروح ابويه وجدي
ام خالد .. الله يرحمهم شوف اني خطبتلك بنت عمك زهره خوش بت وبنت عمك موغريبه ونظيفه ومعدله وام بيت وراح تشيلك على راسها
خالد .. لا والعباس كاعد تموتيني انتي
ام خالد .. دخيله لأبو فاضل والعباس الحلفت بيه ياخالد اذا مااخذت بنت عمك لااعرفك ولا عندي ولد وماراضيه عليك ليوم القيامه
خالد .. طلعت والدمعه بعيني حسيت كل البيبان انسدت بوجهي وضليت يومين بره البيت ابات عسى تغير امي رايها
وره اليومين كلت خلي اروح لغيث وبلكت اشوف ود واحجي وياها وصلت للفرع شفت بالباب سيارات والدنيا مكلوبه طبيت لبيتهم من جهه المطبخ شفت ود كاعده وحاطه ايدها على خدها وشهد يمها وخاله تخابر
السلام عليكم
ود.. رفعت راسي والدمعه بعيني وكأني اطلب منه يحس بيه
خالد .. خير شصاير
شهد .. هذا هشام رجع خطبها لود وجاي رسمي ومنعرف شراح يصير
خالد .. باوعت عليها والدمع بعيونها
شهد .. حسيت خالد يريد يحجي ويه ود
عمه فدوه تعالي يردوج
وطلعت عمتي
كعدت مقابيلها
شونج
ود.. شتتوقع
خالد .. دااسألج
ود.. انت شتريد خالد
خالد .. سلامتج
ود.. صرت عصبيه يحجي برود واني نار وشابه بقلبي
يعني انت ماعندك احساس تبقى هيج بارد
خالد .. دنجت
ود.. لدنج ارفع راسك وحاجيني
وتجرأت وحجيت انت تريدني
خالد .. شنو
ود.. سمعتني زين انت تريدني
خالد .. اريدج بس
ود.. بس بسس شنوو
خالد .. حالياً ظرفي ميسمح اتقدم وانتي السبب
ود.. اني
خالد .. اي تقدمتلج وجان هسه انتي زوجتي وبسبب تصرفج ورفضج الي خربتي كولشي
ود.. مواني الي خربت كولشي انت خالد تهمتني ومسمعتني وصدكت واحد مجرد كال هاي صاحبتي ودكيت رجل اله اهلي يعرفون وعرفوا والنتيجه فصول وشرطه وضرب لو مصدكني من الاول مجان صار كل هذا وفوكاها اتقدمت الي حتى بدون متاخذ رأي
وحتى مفكرت تبلغني وتكولي اني اريدج شتكولين وكانك ماخذني غصب والي عرفته بعدين انت تعرف اني رفضت الزواج وبقيت مصر تتزوجني حتى لو غصب
خالد .. مردت اخسرج
ود.. لا ردت متخسر كبريائك وتحاول تبين للكل انت المضحي الحنون الي تزوج اخت صاحبه انقاذ لسمعتها الي انت واحد اسباب خرابها لهذا لتكول اني السبب واذا اني خطأت من رفضتك عندي عذري بس انت من خطأت بحقي شنو عذرك
وتعال كولي عوف الي راح شنو الظروف الي تمنعك ان تخطبني هسه
خالد .. اهلي ميقبلون
ود.. اهلك وليش شبيه وميقبلون بيه
خالد .. بسبب الي صار ولان رفضتي كدام الكل
زين والحل كاعد تشوف اهل هشام جوه شأكول لأهلي اذا سألوني

خالد .. حرت ودخت وصرت اعصاب والتوتر سيطر عليه وكتلها بغلط مني وراح ادفع ثمنه طول عمري
شسوين سوي والي تشوفي صح سوي حالياً وضعي موتمام ومدااكدر افكر
ود.. باوعت عليه ودموعي نزلت
مااشي وطلعت اركض لغرفتي
خالد .. اني شبيه ليش مكتلها انتظريني اصبريلي اني احبج ولازم تصبريلي موقفها وكلامها اليوم دلاله بأن هي شاريتني
بقيت بالمطبخ واجه غيث .. هاولك جنك هر المطابخ شسوي هنا
تعاال يمنا جوه
خالد .. مااريد اشوف هشام واهله تعرف المشاكل الي صارت دنحجي وجان نسمع هلاهل
خالد .. وكفت على حيلي شنوو هاي
غيث .. هاي لعد ود وافقت على هشام لان زيد صعد يسألها
خالد .. لابربك وطلعت صاير نار
غيث .. شبيك خالد تعاال خالد شجاااه

ود.. وافقت على هشام وكان بطلب منه الخطوبه والمهر والزواج خلال شهر واحد ميريد اطول اني ميفرق عندي لان الالم الي دااحس بيه فاصلني عن العالم تمنيت خالد يكولي ابقي بجانبي لتعوفيني بس خذلني الجبان
خالد .. طول هاي الفتره اتعارك ويه اهلي وامي طبيعتها مره قويه وجبيره اهلنا وتحكم والكل يتمنى رضاتها لهذا من كالت لا على ود الكل صاح لا وبقيت متلطم بالايام وتمر عليه عبالك نار وتسري بدمي

موج .. ولج مبروك شايفه كل الخير
ود.. ابجي شون بيه موج يمكن راح اصير نسخه ثانيه منج
موج .. لا موو شرط احتمال يتغير هشام بعد الزواج ليش تحكمين قبل متعاشريه وخالد طلع جبان ومكدر يفوز بيج انسي ود
ود.. شنسه سنه سنتين صار ٦ سنوات احبه واتمناه
موج .. ليش لعد رفضتيه بالاول ياعيني
ود.. لوما كولشي على ايدج شون اقبل وهو خاطبني بطريقة عبالك ماخذني يكسب اجر بيه حتى مفكر ياخذ رأي او على الاكل يحسسني يريدني بقى جاف بتعامله وعبالك محملني منيه من جاي يخطب

موج .. ميفيد هذا الحجي بعد
ود.. تجين بالخطوبه مووو
موج .. موتعرفين لازمه عده مااطلع
ود.. اووو يعني ابقى وحدي
موج .. ليش وحدج قلبي ندى موجوده وشهد
ود.. هي وينها ندى شوحالها حال الغريب حتى التلفون بلكوه تشيله مااعرف شبيها تخبلت
موج .. لتضوجين ان شاء الله على العرس اكون موجوده
ود.. الله كريم

ندى .. عصام لازم اروح لعرس ود مكافي محضرت خطوبتها يعني يصير الي كاعد تسوي
عاصم .. دااكولج متروحين واهلج تنسيهم
ندى .. اكيد تخبلت مستحيل ذوله اهلي واليوم عرس ود واني اختها الوحيده خليني اروح احظر العرس وارجع ماابات
عاصم .. متروحين وانجبي واكعدي لاعرس ود ولا فاتحه ولا اي مناسبه رجلج اكسرها اذا عبرت عتبت الباب .. كروب قصص غزوان علي
ندى .. بس كولي شغيرك ليش صرت تكرهم
عاصم .. ومنًو كلج اني اصلاً احبهم شنو هذوله الحثاله الي شايلين خشمهم على الناس عبالك همه احسن من عدنا

ندى .. احترم نفسك منوو الحثاله
هسه صاروا موزينين سنين تاخذ فلوس منهم وتسحب بالملايين هسه صاروا ميعجبوك والله ماكو غيرك حثاله

عاصم .. بنت الگلب تعيريني وتغلطين عليه وكمشتها كطعتها من الكتل
ندى .. دااحاول ادافع عن نفسي ضربني وبدت ايده تأذيني
عاصم .. من اعصابي ومن اضربها ترد الضربه محسيت روحي غير لازمها من شعرها وركعت راسها بالطبله الجاام انكسرت براسها وكعت جثه لا حس ولا نفس
ندى ندى اصحي ابااوع على الكااع انترست دم ونبض ماكوو
وكمت اعيط ندى

وصار موعد الزواج واكفه كدام المرايه وهمه يحضروني ويحطون اللمسات الاخيره حتى انزل وانتظر الزفه وكاعد ابويه هم ينتظر ندى
واندكت الباب وشهد يمي ودخل خالد انصدمت بشكله وبنفس الوقت شون كدر يجي ويشوفني واني عروس
خالد .. مبرووك
يتبع ....