رواية بين العقل و الطريق الفصل الأول 1 - بقلم غزوان علي

بين العقل والطريق
للكاتب غزوان علي
البارت الاول

لاشك أن الحب شعور إنساني جميل، يحرك دوافع الإنسان، ويمد النفس بالطاقة الإيجابية للشعور أكثر بالسعادة، والجمال من حوله في الكون.

بس اني تعذبت بسبب الحب حبيت المستحيل والممنوع وتجاوزت كل الخطوط الحمره
مرات البشر يسوي شغلات ميتوقع بيوم يسويها احياناً تكون خارج مبادئه وخارج معتقداته بس الحب ميعرف لا مبادئ ولا معتقدات ولا حتى ممنوع

الحب هو اعصار يدخل بالواحد يگلبه وميعرف بعد هو منو بس الي اعرفه  اني هاي  الانسانه حبيتها وهي الي ومتصير لغيري

احتمال غلطت واحتمال اتجاوزت كل الممنوع بس هذا ميهمني الي يهمني هي

هي وبس الي من يوم ماشفتها لعبت بحالي لعب
ومخلت بيه اي عقل وفقدت توازني وثگلي وشخصيتي وكل الي تربيت عليه
كأنها ليله قمر مكتمل تلعب بأمواج البحر
تغرق كل من يقترب منها وهي اغرقتني بحبها هي موج واسم على مسمى

كنت اقرأ عن الحب بس مااعرفه ولا اعرف شنوو الشعور وحتى من اقرأ اكول شنو الي يحب ماعنده عقل ليش يذل روحه لهاي الدرجه جنت اقرا لكل الفلاسفه والمفكرين

واحب كلامهم بس مااحسه واكثر الي كنت احبهم والي كانوا يمثلون الحب بأجمل صوره
وليم شكسبير: تكلم هامساً عندما تتكلم عن الحب

كامل الشناوي : الحب جحيم يُطاق . . والحياة بدون حب نعيم لا يطُاق

بيرون : قد تنمو الصداقة لتصبح حباً ، ولكن الحب لا يتراجع ليصبح صداقة

سيمون دى برافو: الحب تجربة حية لا يعانيها إلا من يعيشها

الحب سلطان ولذلك فهو فوق القانون

الحب كالحرب من السهل أن تشعلها . .لكن من الصعب أن تخمدها

بيرون : الرجل يحب ليسعد بالحياة ، والمرأة تحيا لتسعد بالحب

جيرالدي : مأساة الحب تتلخص في أن الرجل يريد أن يكون أول من يدخل قلب المرأة . .

والمرأة تريد أن تكون آخر من يدخل قلب الرجل

أفلاطون:  في الحب خطابات نبعث بها وأخرى نمزقها وأجمل الخطابات هي التي لا نكتبها
الحب أعمى

بالاول اعرفكم عن نفسي

اسمي غيث عمري 27 سنة طولي 182 وزني 77 اهتم بجسمي ورشاقتي ودائما اتواجد في صالات الجم  مهندس ديكور تخرجت وحالي حال شباب بلدي تعين ماكو رغم حالتي زينه اسكن في احد احياء بغداد الراقية والدي استاذ جامعي وكذلك والدتي عندي اخ اسمه زيد 30 سنة متزوج  واخت اسمها ندى  25 سنة متزوجة واخت اسمها ود 22 سنة طالبة جامعية وهي اخر العنقود والدلوعه مال البيت وباقي التفاصيل تعرفوها عني من خلال قصتي

غيث
غيث
غيث
ها زيد ليش تصيح
زيد . لك يااصيح صار ساعة اصيح وانت بس صافن خاف تحب يول وماادري
غيث. اولا ولواله لتكول يول وتدري اتخبل من هالكلمة
وثانيا هم تدري بي اني مو مال حب شفت واشوف اشكال والوان ومااهتم خليت الحب الك ولمرتك العوبة
زيد. . هههههه والله لو تسمعك تبسطك
غيث . اي والله صدگ الله يكفيني شرك وشرها
زيد .. ماعلينا اشو اليوم هنا مطالع للمكتب
غيث الي يسمعك يكول عندة مكتب رئيس الوزراء هو لوما محل ديكورات واصباغ ومستلزمات سقوف ثانوية وكذا .. كروب قصص غزوان علي
زيد   لك كل هذا وتكول محل

غيث . اعوذ بالله منك ومن عينك . تعال كولي انته هسة شرايد اخاف تريدني اطلع من البيت وتبقى وي مرتك غزل وبوس وحضن ولو انته ماعندك خجل حتى كدام الاهل حلگك يشتغل مص
زيد . لاوالله مو هذا قصدي بس ردت اخذ سيارتك اروح للحي الصناعي اجيب كهربائي لسيارتي متشتغل اشغل اريد حاولت بيها ومتصير

غيث .. ماشي اخذها وكايلك من تريد سيارتي لتطلب اخذ السويج وروح وحتى مااكولك وين رايح
زيد.. اعرف غتو انته متكول بس لازم استأذن
غيث .. اي وكتلك لاتخذها شسوي
زيد .. والله اشك حلگك واخذها
غيث .. هههههههه اعرفك دروح الله وياك وانتبه من الطريق

شهد.. اسمع صوت غيث جان يحجي وي زيد واتصنت على سوالفة حلوة وابتسم من يمي واعرف تفاصيل وجهة من يحجي وجه صبوح جميل ملتحي وابتسامته وضحكته تفتح نفسي ااااه يانفسي شبيج هيج وليش مو جنت كل هالسنوات اعتبر غيث اخوية ويعاملني گ اخت وصديقة ونضحك وحتى يدغدغ ويبوسني بس ماعنده شي بداخله اعرفه
ليش من ردت اوصل لعمر الثلاثين هاجت بي اشياء مكنت اتوقعها ليش كمت اشوف غيث ينبض قلبي ومن احجي وياه انفاسي تصير سريعة ليش اهتم بيه اكثرمن زوجي زيد صح تزوجت زيد تقليدي  عشت ثمان سنوات ويا ومن خلال العشرة حبيته وصار عدنه توم حسن و حسين وبعدها بسنتين اجت ياسمين

اعرفكم بنفسي اني شهد يصيحولي شهوده  عمري قارب للثلاثين الكل يكول عني حلوة طول وشكل وعيون وساع صيدلانية عندي صيدلية بأسمي  وبمكان حلو بشارع كله اطباء ومشغلة عندي صيادله يديروها ومرات اني اروح بيها اخلص وقت واستلم طلبيات تزوجت زيد عن طريق والدته صديقة والدتي وتقريبا اني و زيد نفس العمر

شهد.. صباح الخير غيث
غيث . هلو حب صبااحوو
شهد.. شكو اليوم بالبيت
غيث . ههههههه هاي شنو اشو انتي ورجلج نفس السؤال
شهد.. اي متعودين منشوفك غير تالي الليل ومن تجي هم گبل لغرفتك وتفتح اغاني بصوت ناصي وتطربنا
غيث . قصدج ازعجكم مو
شهد.. لاوالله بالعكس اصلا انتظر جيتك حتى اسمع شنوتخلي من اغنية حتى البارحة مخلي 

نار....حبك نار بعدك نار قربك نار واكتر من نار
نار يا حبيبي نار حبك نار
حبك نار مش عايز اطفيها ولااخليها دقيقة تفوتني مااحسش بيها

والمقطع الاخير اوووف دماار  ضليت اغني بي لحد مانمت

غيث . كافي كافي شكو بگة وكعت هسة من صوتك
شهد.. ههههههههه لابالله
غيث .. يله سوينا ريوك تره كولش جوعان
شهد .. ماشي شتحب اسوي
غيث . الي تحبي انتي قلب

شهد.. صفنت ااخ لوبس يجوز من هالمفردات صح هو يحجيها بأخوية بس اني اااه ياالله بشنو بليتني ياالله ابعد عني شر الشيطان ياالله اني مؤمنة بيك ابعد هالتفكير مني .

غيث . شهوده شبيج صفنتي ووجهج احمر . يله عالريوك لتنبسطين ..

ابو زيد .. السلام عليكم
غيث وعليكم السلام بابا الله يساعدك
ام زيد .. هلو غتو شلونك ماما
غيث . الحمد لله ماما انتي شلونج
ود.. هلو غتوو اكول البيت منور بالظهر لان غتو هنا شعجب
غيث . ههههههه ايا خبله هذا نور الشمس مو ليل وانور

ود.. لاصدوگ شعجب اليوم هنا شنو متزاعل وي الشغل
غيث .. كعدت من النوم متأخر  بس شفت نفسي مالي واهس لكولشي وضليت كاعد
ابو زيد وهو طالع من الحمام والمنشفة على راسة اكول شبي زيد شو فاتح سيارته وديصلح بيها وويا واحد

غيث . ماادري يكول اشغل ومتشتغل وجاب فيتر من الحي الصناعي
ابو زيد هذا اخوك كلاوجي من ايام كال اريد اغير سيارتي لان تعبت وكام يعطل بيها
غيث . هو صحيح سيارته تعبانه ولازم يغيرها وحتى يروح بيها مكانات بعيدة من يصير عندة واجب
ابو زيد .. اي صحيح وحتى ميكول وين يروح ويخلي امك دك وتلطم بالليل
غيث . بابا شفتلك ضابط بالمخابرات يكول اني وين اروح ووين اطلع
ابو زيد . بعصبيه اي مو هو على اساس رأفت الهجان
غيث . حصرتني الضحكة بس اتورط اضحك كدامه
ابو زيد . وانته اشو اليوم هنا شعجب
غيث شلون مشكله هسة لو رايح للشغل ولا كل شوي وكالوا شو هنا والله مصيبة
ابو زيد . مودحجي وياك

غيث . بابا ماكو شي بس حسيت بتعب وكلت ارتاح اليوم بالبيت
غيث . طلعت الوالدة من الحمام واجت كعدت عالقنفة يمي تبوس بي  اني ابوس بيها واشم برقبتها واكول اوووف شكد طيبة ريحتج ماما
ابو زيد . هااا غيث واني ريحتي نفط مو
غيث .. ههههههه لاوالله بس ماما ريحتها تخبل
ابو زيد . ديله صيحوا زيد خل نتغدا سوة

غيث هاي حياتي وحياة اهلي عايشين بحب وراحة متصافين والحمد لله ماكو مشاكل ومرات حتى نغلق البيت لان كلنا نروح للعمل ودائماً ود مع الوالدة تروح لكليتها ماعدنا تفرقة وحتى الامور المادية منهتم الهه والعندة يساعد الاخر تمر شهور السنه واحنا على وضعنا وطبيعتنا

ود.. ماما ماما بابا
ام زيد ها ماما اسم الله شبيج
ابو زيد . شبيج بابا بهذا الليل
بابا تعال اسمع هاي جوارينا مدري شبيهم صوت وعياط وناس تروح وتجي

ابو زيد . اطيني دشداشتي خلي اروح اشوف شكو

ود. ها بابا شكو
ابو زيد شكو هو نفس كل مرة بس هالمره اقوى هذا اكرم متعارك وي ابوه ومدخله مرته وضاربهه وفاقدة الوعي ومديها للمستشفى واخوتها واصل الخبر الهم وجاين هادين عليه وهو منهزم
ابو زيد . يله نرجع ننام وبابا ود نامي و لتخافين

امين .. استاذ غيث قبل ساعة اجه رجال جبير بالعمر سأل عليك وكال غيث وين كتله طالع بشركة يسويلهم ديكور كال من يجي كوله الحجي ابو اكرم جيرانكم مر عليك بشغلة
غيث . بسيطة اني امر عليه واشوف .. اكول امين هم بايع من مواد السقف الثانوي والاصباغ
امين . اي دنبيع والوارد يمك وسجل الدين هم

غيث .. هذا امين صح اسمه امين بس مو امين دشك بيه ومو شك ومتيقن هم شون افوتله بدرب ماادري
امين
نعم .استاذ .. بيج قصص غزوان علي
غيث. كم مرة اكولك عوف كلمة استاذ
امين.  نعم غيث
احنا هنا مشغلين هواي وماكو احد مخصص عالدخل اريد منك شغلة بسيطة حتى نضمن الشي الي ينباع
اني رح اجيب سجل وادون بي الوارد والصادر
واجيك كل الموجودات والي نسحبة للشغل مالتنه تكتبه وفهم ربعك والمسؤل عالسجل انت واني ادقق

امين . شبي استاذ غيث هيج اليوم ويحاسب بس ليش ازعل هذا حقة واني مصختها اخذ من الدخل بدون وجع گلب خلي التزم هالايام
غيث . فهمتني شكول
امين . صار فهمت وراح اسوي التريدة
غيث . طيب جهزلي هاي القائمة وخلوها بسيارة الحمل ..

غيث. رجعت للبيت مثل كل مرة متاخر وقبل مااصعد لغرفتي بالطابق الثاني صاحني الوالد وكال بابا هذا ابو اكرم مرتين اجه عليك ويكول شغلتي مستعجله ورحتله للمكتب وهم ملكيته ووصيت العامل يكوله خلي يمر بي كتله صار بابا باجر من اريد اطلع للشغل امر بيه واشوف شيريد

. ثاني يوم هم كعدت متأخر وهو شغلي وقته هيج يعني بعدالساعة التاسعة صباحاا . اخذت حمام وتريكت بدلت وطلعت مشيت مسافة بالسيارة وتذكرت ابو اكرم ورجعت حتى اشوف شنو رايد دكيت الجرس اكثر من مره محد طلع ودكيت الباب هم اكثر من مرة وهم ماكو احد وقبل مااروح سمعت صوت العجوز الشمطاء ام اكرم شكد اكرهه لهاي المره هو اليوم مبين من اوله ماطول سمعت صوت الفگر
بقيت انتظر هسه يطلعون ماكو تعبت من الوكفه كلت خلي اكعد بالحديقة مالتنا انتظر اكيد بس يطلع الحجي وميلكاني يجي للبيت وبقيت الباب مفتوح
ماكو دقايق كعدت واجه حجي ثابت
صباح الخير ابني
صباح العافيه عموو شلونك كالو رايدني أمرني محتاج شى
ابو أكرم .. والله ياغيوثي عندي شغل بالبيت تصليح ومحتاج انت تسويهم الي اعرفك فنان وشغلك نظيف لهذا مااخلي غيرك يسويلي البيت
غيث .. شنوو الي تريد اسوي بالضبط
ابو أكرم .. تعال ويايه

سحبني ابو أكرم من ايدي حتى مخلاني اكمل حچي وصلنا للبيت دخلنا للمطبخ وكفته
عمي شوف خاف احد بالبيت الاهل

ابو أكرم .. عموو تعال هو انت غريب
غيث .. ميخالف كولشي يصير لتنسى صبح وخاف الاهل ماخذين راحتهم

مااشي ابني انتظرني هنا بالمطبخ انطي خبر لخالتك
غيث .. شوكت تموت هاي المره مااعرف شكد اكرهه
واني صافن عجبني المطبخ نظيف ومرتب وسمعت صوت بلبل اني احب الطيور جذبني تمشيت على القفص مالته وكفت كباله واباوع عليه وهو يغرد وصوته يجنن ومااشوف غير حوريه من الجنه تدخل للمطبخ

بنيه طول بجسم ومبينه كاعده من النوم تفرك بعيونها وتشيل بشعرها باوعت جمدت لابسه دشداشه خفيفه قصيره للركبه وربع ردن والصدر طالع وهي حنطاويه ومربربه طالعه تموت اباوع من فوك ليجوه هو لو هيج المصباح لو مينراد مغريه بشكل هي ممنتبه مبين النوم بعده بعينها واني واكف بزاويه المطبخ يم البلبل ومنتبهت على وجودي وهي تندار جان تعيط
حرامي وجيتت عليها ولزمت حلكها
اششش شبيج مو حرامي والله
وتحرك براسها وايدها وتريد تضربني
اني جيرانكم غيث واجيت ويه عموو ثابت وطب جوه وهسه يجي واسألي
راح افك حلكج ولتعيطين اباوع على صدرها يصعد وينزل من الخوف وخرت ايدي واستلمتني

موج .. انت متستحي شلون تدخل على بيوت الناس بدون استأذان متكول البيوت الها حرمه
على عياطي اجه عمي وعمتي يركضون
خير شكوو شصار
عموو شوف هذا الولد ميستحى داخل البيت حتى  بدون استأذان موعيب
ابو أكرم .. لابنتي جان ويايه واصلاً مقبل يشوف داخل البيت اله اشوف انتم كاعدين لو نايمين
أم اكرم .. خاتون شوفي نفسج ياشريفة شلابسه وشلون واكفه هيج
موج .. انتبهت على نفسي عزه الي عزاني وركض للغرفه

ابو أكرم .. عمي احسبها عليه متعرفك
غيث .. متجرأت اسأله هاي منو لان يمه العجوز الشمطاء ام اكرم تباوع صفح وكتله لاعموو مصار شى بس عفيه استعجل ورايه شغل

غيث . مدري شنو صار بي من شفت هالشكول الحلوة من الصبح حسيت بيها شي جذبني من اول نظرة وبقت بالي شكلها من تشيل بشعرها لو صدرها الي النفس يصعد وينزل عبالك يعزف لحن بقلبي
حتى عيونها رغم بوقتها جانت خايفه مني بس حبيت نظرتها

وابو اكرم يشرح واني افكر اني اعرف  ابو اكرم عنده اثنين بنات ومتزوجات هااي  منوو اخاف اقاربهم حتى مسامع صوت بنيه عدهم هاي الفتره كلها زين اني ليش انتبهت للبنت وهواي اصادف ولااهتم اصلا مااباوع لشكولهم

ابو اكرم . ها عمو غيث هسة افتهمت شردت كتله اي كال شنو ردت كتله تغليف الجدران والدرج
اشو هذا بس يضحك ويكول يادرج ياتغليف كتلك هذا الصبغ غامق وعيني تعبت منه اريد اصباغ فاتحة مثل بلاستك وستوك وفابيونه هالنوعيات نازله جديدة وشفت بمكتبكم بالمعرض مثلها
وردت البيت كوله تسوي سقف ثاني جبس بورك ونقوش مغربية بطريقة عراقية وهم شفتهن عدكم بالمعرض بالاضافة ديكور للاثاث وشنو احتاج

غيث . صار عمو اني راح اخذ القياسات واجيب المواد وهالفترة نشتغل بيتكم

ابو اكرم ماكو هالفترة اريدك هاليومين تباشر
غيث والله ياعمو مستلم شغل شركات ومنطي موعد اقل شي فد شهر يله اكدر اطلعلك
ابو اكرم يعني لعمك ومربيك اني متكدر هالايام
غيث .. اني عصرت نفسي وفضلتك على هواي شغل عندي ولوماهاي الشركات موقع عقد وياهم بموعد التسليم والله كان تركتهم واشتغلك لحد مااكملك بيتك
ابو اكرم . لا عمو اني هم مااريدك تتورط كمل وتعال براحتك وهاي ثلاثة مليون تحت الحساب مشي امور المواد وبعدين نتحاسب واذا تريد اكثر كول لتخجل

غيث . خليها عمو بعد من اكمل اخذ كال ماكو فرق ..
طلعت من البيت وملكيت البنت بالمطبخ بس ام اكرم وگلت مع السلامه خاله كالت هلا . واني شكد اتخبل من هاي المرأة احس بداخلهه سم حتى واحنا صغار اني وزيد كانت تضربنا وتشجع اكرم هم يتعارك ويانا بس اني وزيد دوم مشبعيه كتل ..
كروب قصص غزوان علي
غيث . ماما
ام زيد . ها غتو حبيبي
غيث . ابو اكرم مو عنده بنات اثنين ومتزوجات شو شفت وحده بس متأكد مو بنته لان اعرفهن هاي مشايفها  . تعرفيها هاي منو

أم زيد.. وليش تسأل
هيج بس اخذني ابو اكرم لبيتهم وشفت شيحتاج شغل  وصار موقف وياها شكد استحيت وحجيت لامي الموقف
ام زيد . هههههههههههههه والله موقف يضحك خطيه هبطت البنيه من الصبح غير من دخلت اطلع صوت شى حتى تنتبه على وجودك

غيث .. هي انطتني مجال مباشره عاطت حرامي

أم زيد.. حقها ماما كاعده من النوم وشافت ولد غريب بالمطبخ شتريدها تصبلك جاي وتكولك تعاال تريك
غيث .. هااا ام زيد ناصبه عليه
أم زيد.. ههههه لا بس عندك سوالف صدوك تضحك هسه كولي اوصفها اليه
شلون اوصفك وانت كهرب واني گمرة عيني دمعة ليل ليل  ظلمه
شلون اوصفك وانت دفتر انت دفتر واني كلمه

اني اعرف شكولهن شبيك صافن  اوصفلي الشفتهه
غيث . شنو من وصف اوصفة والله يايوم احتار شوصفلج من جسم وعيون وشعر شفت عدهم بنت شي عجيب .

هاي من شوكت وغتو يباوع للبنات والله ماادري ماما مااعرف ليش باوعت

ماادري بس هي شكلها تفاحه

ام زيد . بنيه شوي طويلة ومدبدبة وشعرها شوي طويل ولونه جوزي  . اي هيج شكل . عرفتهه هاي موج زوجة اكرم

موج الي الله ظلمها وبلاها بأكرم الي ماعندة مخافة الله ومتحملته على كولشي تدري حتى هو عقيم ميصير عنده اطفال وفوك كل هذا متحملته ومتحمله امه الي هم ماعدها مخافة الله ومشوفه موج الويل يوميه تحيل اكرم عليها وتخلق المشاكل من جوة الكاع ..

بقيت ايام افكر بيها عيونها متفارك عقلي اما شكلها وهي نعسانه اوووف ياالله واما صدرها هاي قضيه ثانيه دمار وربي  صدوك هزتني  واني الي جنت مانهز

ومن اصفن على وضعها متزوجه واحد جلب مثل اكرم شلون متحملته كلنا نعرف شنو اكرم واحد سكير ابو بنات جان ابوه يصيح الويل منه ومن المصايب الي يسويها

وكم فصل ابوه دخل خطيه بسببه ابوه خوش انسان بس مثل مكالوا يخلق من ظهر العالم فاسد وهذا اكرم الفساد والفسوق نفسه بس هاي التفاحه شلون راضيه بيه صدوك ينطي الجوز للي ماعنده سنون

وصار موعد شغلي بيت ابو أكرم واني الوب عليها مرات اكول مو من حقي هيج اتصرف هاي مره متزوجه وعيب احنا جيران ودا أخون العشره بس من اتذكر شكلها لو اصفن على وضعها والي عايشته اكول صدوك هاي مظلومه هذا موو طبعي ولا اخلاقي اتعدى على حرمه بيت وخاصه هذوله جيرانه بس هاي المخلوقه الله حرك بقلبي شى الها ورجفني من دون بنات الدنيا كلهم

وبديت الشغل اول يوم مشفتها احس روحي مضيع شى
ولك غيث شجاك هو يوم واحد شفتها كمت ترجف عليها شنو الي اريده من وحده متزوجه
وثاني يوم طلعت صدفه من غرفتها واني واكف على الدرج مقابيل الباب مباشره بينا نص متر وجان انصير واحد گبال الثاني احس من الصدمه والقرب الي بينا قلبي يريد يوكف حتى عطرها شميته وهي ارتبكت ومعرفت شسوي بس صفنت بعيوني
اني شنوو انتهيت قربها وترني ورجف كلشي بيه  احس روحي هاي هيه وكعت بعد اخذتني لأمواجها وفقدت السيطره على البحر وراح اغوص لعمق ظلامه ولو اطلع عايش لو ياخذني غدر البحر ..
يتبع ..
القصه قيد الكتابه انتظروني بالبارت القادم واحداث مشوقه اكثر..
تحيات اخوكم  غزوان علي