رواية بين العقل و الطريق الفصل الخامس عشر 15 - بقلم غزوان علي

بين العقل والطريق
للكاتب غزوان علي
البارت الخامس عشر

بارت طويل لعيونكم

أنا الحريقُ فمن أيّ نار أخاف، وأنا الغريقُ فما خوفي من البللِ!

موج .. من شافني غيث خفت ونزلت اركض احنا دوم باب السطح انعوفه مفتوح وباب غرفتي قريب على السطح وطبيت للغرفه ابجي وارجف واندب حظي الي مشاف يوم حلوو ولا راح يشوف يوم حلوو وفوكاها خسرت حب عمري شراح اكوله شنو حجتي ومااشوف غير باب الغرفه  بقوه تنفتح ويطب غيث وكفت على حيلي ومرعوبه

غيث شجابك اطلع عفيه لتصير كارثه وارجف واحجي والدمعه بعيوني
غيث .. سؤال واحد ماكو غيره شسوين هنا

موج .. مووو مووو
غيث .. وجعوووو احجي
موج .. نصي صوتك دخيلك لحد يسمع
غيث .. اذا متحجين هسه اطلع اعيط واگلب الدنيا جاوبي شسوين هنا
موج .. دنجت راسي وبجيت اني رجعت لأكرم
غيث .. مستوعبت الي كاعد تكوله واني نار شابه بصدري شنوو رجعتي بهاي السهوله
موج .. والله مو سهوله بس صارت ظروف واضطريت ارجع
وهنا فقد كاام يعيط وشكوو شى كدامه يكسره فقد عقله واني بس ابجي حتى مااكدر اهدي
غيث .. شوووون ترجعين لتخبليني اعوفج كم شهر ترجع اله وحبنا وزواجنا ولج اني احسب يوم يوم حتى اجي واخطبج واتزوجج
موج .. بقيت بحيره وخوف اكوله الحقيقه اعرف بهاي اعصابه راح يفقد واكيد يكتل اكرم واضيعه من ايدي  شسوي ياربي اكتفيت بالصمت والبجي ماعندي غيرهم

غيث .. اعيط بقوه ومتهستر لتبجين احجي ليش رجعتي فهميني . كروب قصص غزوان علي
موج .. رجعت ماعندي غير حل صارت بعد صارت  هذا الموجود

غيث .. تقربت منها وهي ترجع ليوره وخايفه وترجف ولزمتها من جتفها واهز بيها شنوو صارت بعد بهاي السهوله انتي تعرفين شسويتي انتي دمرتيني دمرتي احلامي
موج .. غيث انساني وروح عيش حياتك اني ماافيدك لهنا وكافي

غيث .. بعديش بعد كل هذا الحب والالم الي عشته بعد القهر والسهر والليالي الي جنت اتعذب بيهم لان انتي بعيده عني وبعد كل الخوف والمجازفه الي عشتها وكسرت كل مبادئي حتى اخذج وحاربت الكل وكلت مستعد احارب الدنيا كلها واخذها وانتي هسه جايتني تكولين روح عيش حياتك بهاي السهوله ولج انتي شنوو من ياطينه مصنوعه

موج .. دفعته وكمت اعيط عليه اسمع مواني الي تحارشت بيك انت اتحارشت ودنت نفسك على مره متزوجه مواني الي بقيت اتوسل ايام وليالي على كلمه حلوه او نفس مني مو اني الي كتلك حبني انت حبيتني واذا صار شى بينا بسببك انت انت غويتني وتتحمل ذنبي وجنت بحاجه لأنسان اشكيله وانت مجرد ظهرت بوقت مناسب وهسه رجعت لحياتي واذا تكول حاربت الدنيا هاي مشكلتك مو مشكلتي

غيث .. انصدمت بكلامها وتحجي بقوه وگلب قاسي ولا عبالك مدمرتني وغدرتني
اتمنيت تكوليلي انجبرت ارجع تمنيت تكولين رادوا يذبحوني يموتوني علمود ارجع مو تكولين ماعندي غير حل وصارت بعد هذا الموجود وتكولين هاي مشكلتك انت احقر انسانه شفتها بحياتي مصدوم بيج ومااعرف شون ابرد نار گلبي منج

موج .. اي احقر وحده هسه شتريد يله اطلع بره وروح لأهلك ولحياتك الي عندي كلته
وعوفني بحالي كافي الي صار تره اني تعبت منك ومن دلالك ورجعت لحياتي
غيث .. ولج ياحياة تحجين عنها حياة المذله والاهانه الي معيشها الج اكرم لو حياة امه الي مسوتج خدامه الها

موج .. مالك علاقه بيه شتكون حياتي اني مسؤوله عنها مو انت رجاءاً اطلع من حياتي واطلع من البيت وروح لأهلك مااريد مشاكل كافي الي صار لحد الان

غيث .. فقدت مدااستوعب هاي موج حبيبتي وجان اكولها مواني الي ينلعب بيه واكون مجرد مضيعه وقت الج ومن حركت گلبي واني اشوفها تحجي بخشم وتحرك بگلبي هجمت عليها

موج .. لا غيث عفيه عوفني هجم عليه يبوس بيه ويحاول يغتصبني ويعيط ويكولي موو اني الي تلعبين بيه اليوم اله العب بيج والي اريده اخذه منج وفاقد شفت غيث غير انسان واني بس ابجي مااريد يصير بينه هيج غيث وحبه انقى من هيج شى وكمت ادفع بيه وهو يتلمس بقوه وقسوه كل معالم جسمي وكمت اعيط لان وصل حدها وكطع دشداشتي وطلع صدري وهو يتلمس ويبوس بقسوه وقوه وسد حلكي
غيث .. اليوم مااتركج الي اخذ الي اريده منج واكسرج واعوفج

موج .. من سد حلكي ونزعني جان اهدأ واباوع بعيونه ودموعي تنزل بهدوء وحتى وقفت المقاومه لان اني حجيت كل هذا الحجي حتى ليسوي شى ويضيع مستقبله بس ماطول يريد يغتصبني خلي يسويها اقلها اني هم اكرهه ومااعيش بحبه واعاقبه بأن اموت نفسي لان مااكدر اعيش واني زانيه

غيث .. فقدت عليها وحاولت امارس وياها بس موو بشهوه لا بعقوبه وحقاره بس من هدأت ومكامت تقاوم باوعت بعيونها وشفت امواجي العين الي اول مره من شفتها بالمطبخ البراءه والهدوء الي بيهم شفتهم بس هلمره بيهم الم وخوف مكدرت وخرت ايدي من حلكها ورفعت ايدي الثانيه من جسمها وشمرت وجهي بركبتها ابجي

موج .. من بجى اني انهاريت وابجي وياااه كوولشي محجينا بس جسمه فوك جسمي وجهه دافنه برگبتي بقينا بحدود دقايق اني ويااه نبجي

غيث .. حسيت روحي اليوم متت وداابجي على حبي وگلبي الي ضيعته دابجي لان انطيت گلب عذري لوحده مجرمه داسته برجلها ومشت دابجي لان جنت باني احلام برمال شواطئها اليوم دفعت موجه من امواجها وغركت كل احلامي اليوم موج گتلتني بدم بارد دابجي على نفسي الي ضاعت بحب وحده انانيه متهمها غير مصلحتها وبس
دابجي وشميت عطر جسمها بعمق وداودع انفاسها وعطر جسمها الي جنت ماانام اذا مااحلم واتخيل اشمه واحضنه بالحلال بيوم من الايام ودعت روحي الي موتتها قسوتها كمت منها وشمرت الشرشف على جسمها لان كطعت ملابسها

وباوعت عليها ومسحت دموعي وكتلها اني اكدر هسه اغتصبج وانام وياج واشكال اسوي بس مراح اوصخ روحي بوحده مثلج ولا اسوي حرام كافي سويت الحرام من حبيتج وكسرت مبادئي وتربيتي وكلت حبي نقي وطاهر ويجي يوم تصير زوجتي واعيشها احلى عيشه بس طلعتي وحده رخيصه متستاهلين حبي

موج .. غطيت نفسي وكمت ابجي كولشي مكدرت احجي لان اذا احجي راح اكوله الحقيقه وراح اضيع حياته هي حياتي ضايعه ضايعه شنوو ذنبه يضيع ويايه

غيث .. وهاي دموعج مال تماسيح خليهم الج ومن اليوم مااريد اشوفج ولا اسمع اسمج ولا تحاولين بيوم تتصلين بيه واله وربي الي خلقني وخلقج اموتج خلاص وبأيدي
موج .. عطت كااافي روح اني هم مااريد اشوفك اطلع بره روووح دمرتني اني اكرهك اكرهك
غيث .. طلعت ابجي من غرفتها واني بحياتي مجنت اعرف شنو البجي من يوم محبيتها ومشفت غير الدموع ااااااااه ياموج شسويتي بيه رجعت طفرت للبيت ودخلت لغرفتي وقفلت الباب والكل يدك الباب وظل بالهم يريدون يعرفون شبيه محد يعرف
زيد.. افتح الباب غتو العاالم كلها تنتظرك جوه
غيث .. عوفوني مااريد اشوف احد اريد ابقى وحدي
ابو زيد.. شبيك ياوليدي قبل شويه جنت مثل الورد وتضحك وتسلم على الناس شصار لتخبلني موو امك واني خايفين  عليك ميصير هيج اقلها فكر بأمك المسكينه شنو ذنبها كاعده تبجي بعد مجانت فرحانه بيك هسه رجعت تبجي وخايفه لابيك شى عوفنا كلنا طبنا مرض بس امك ياغتو هاي الحبيبة مالتك الي جنت مترتاح اله تحضنها وتتغزل بيها

غيث .. كاعد ابجي واسمع كلام ابويه شنو ذنبهم مكافي الايام الفاتت الي عاشوها بسببي من دخلت السجن ارجع اعيشهم عذاب فشلي مسحت دموعي وفتحت الباب شافني والدي باسني
هااا وليدي بشر شون صرت
غيث .. الحمدلله
زيد.. شبيك غتو احد ضوجك
غيث .. لحد يسألني ممكن
ابو زيد.. براحتك المهم لتحبس روحك واطلع للعالم تره كلها تنتظرك وعيب منهم واكثرهم عمامنا وزحمه بحقي وبحقك شتريد يكولون عليه معرف يربي ابنه وماعنده اصول عافنه ودخل ومهتم بجيتنه اكو بيهم حتى محافظات جايين
غيث .. لا بابا لتخاف ينكص لسان الي يحجي عليك بس اسبح سريع وانزل
زيد.. قبل ساعه هم كلت نفس الكلام
غيث .. كلت اسبح وانزل
زيد.. صوتك نصي منا الناس كلها جوه
غيث .. طبيت اسبح ويه كل قطره من الدوش تنزل تنزل دموعي وحصره بگلبي مدااتحملها سبحت على السريع ونزلت شفت امي كاعده بالكاع بالمطبخ وتبجي

هاا ياحبيبة شبيج تبجين
ام زيد.. شبيك ابني مو والله راح اموت مكافي خسرت اختك تريد اخسرك يعني اله تموتوني يله ترتاحون
غيث .. بست ايدها وراسها العمر كله حبيبة لتخافين مابيه شى
ام زيد.. شون مابيك وانت تعيط وقافل باب غرفتك عليك ومنعرف شبيك
غيث .. يووم كتلج مابيه شى لتخافين شده وتزول اروح للناس الجوه

شهد .. غتوو
غيث .. هااا شهد
شهد .. محد يستاهل تره
غيث .. باوعت عليها عرفت هي تعرف سبب ضيقي كتلها تهووون .. بيج قصص غزوان علي
شهد .. ياارب تهون
وطلعت للخطار وكلها كاعده تسلم وتتحمد بالسلامه ويضحكون واني بغير ملكوت

ود.. صار ايام واني عايشه ويه هشام يومنا كالتالي
يكعد الصبح يبوسني من راسي ابدل لان رجعت للدوام ننزل سوه   نتريك امه تسوي الريوك للكل متقبل احد يدخل بالمطبخ  وراها نطلع وطول الطريق ساكتين مرات نحجي على الدوام ومرات لا
هو لحد الان محاول يتقرب مني ونومته كلها بالصاله مرات انقهر عليه ومرات اكول خليه احسن بلكت يمل ويطلكني
طول فتره الدوام منتشاوف وبنهايه اليوم نرجع سوه يسألني عن يومي احجيله شى بسيط واسكت وهو هم ومن نرجع نتغدا العائله كلها تنجمع نظامهم ماكو واحد يتغدا وحده الكل سوه بس مرات عمي خفر ومرات ويانه وراها انام الظهر واكعد من النوم اكمل قرايتي وهو يطلع يم جماعته يغير جو ويرجع وقت العشا اني من اكمل قرايتي انزل  اساعد البنات بالعشا ونتعشى سوه واصعد احظر ملابسي وملابسه وانام روتين قاتل لمده اياام وبيوم مثل كل الايام وصلنا للكليه وداانتمشى ويه البنات ونسولف جان نسمع بنات واكفات قريبات منا يحجون

البنت الاولى .. انتي شفتي استاذ هشام شلابس اليوم  غير يخبل طالع شكد انيق ياربي اما عطره ياعيني يترس الكليه من يمشي موو استاذ نوتيلا ههههههه
البنت الثانيه ..  اااخ بس لو ينطي مجال شويه جان والله صادقته
الاولى .. عرفت بيه متزوج
الثانيه .. واذا الشرع حلل اربعه هههههه
ولج سمعت زوجته طالبه ويانه
اكيد تلكيها عوبه مو هو معروف حظ العوبات كاعد جان شحلاته يوميه مصادق وحده شجاه تزوج
هذا حظج المصخم هههههههه

ود.. ماادري ليش ضجت من كلامهم حسيت بشعور اول مره احسه حسيت بغيره عليه وارجع افكر واكول مستحيل غيره يجوز ضجت لان يحجون عليه بس ليش الوب

مريم صديقة ود.. سمعتي الي سمعته
نور صديقة ود.. متحجين ولج هذا لو زوجي جان سحلتها من شعرها
ود.. عادي من حقها تنعجب بلي تريده اني شنوو
نور .. احرك روحي شنو هذا البرود الي عليج بابا ديحجون على رجلج مو شخص عادي اني من يمي احترك گلبي وانتي هادئه
مريم .. كوليلي شونج هسه ويااه
ود..  الْحٍمَدلله ماكو شى جديد
نور.. شوكت تحبي وتجين تكولين اخبل وياه من فدوه لحبيبي ياود زوجج الف وحده تتمناه وتريد نظره منه وانتي ممقدره النعمه الي بين ايدج شوكت تحسين بيه وبحبه

ود.. شتريد يعني اسوي اعيط بنص الشارع احبه
مريم ..موهذا القصد بس احنا صديقاتج ونعرف كلش زين انتي متحبين هشام وبالج كله بعده يم خالد الى متى والله خالد ميستاهل حبج
ود.. هاي مشاعر مو دكمه ادوسها واغير كولشي
نور .. بس اقلها انطي فرصه يغير شى بداخلج ليش احسج حتى من تمشين وياه من وره خشمج مطايقته
ود.. مااحبه موبيدي والله يعني لوماانتم تعرفون مدى عمق مشاعري تجاه خالد توقع تعذروني والي سواه هشام والطريقة الي تزوجني بيها هي الي خلتني مااعيش حلم عمري واتزوج الي احبه شتريدون مني بعد كل الي شفته منه احبه بهاي السهوله
مريم .. يجي يوم وتتندمين على تصرفاتج وتكولين ياريت انطيت فرصه لهشام وعشت حبه لان الي شفناه بعد زواجكم صدم الكل
ود.. شسوه العينتين
نور..كام ميباوع على اي وحده ملكات جمال يفوتن من يمه وهو ولا يهتم بعد مجان معروف الاول بعلاقاته انتي من الناس جنتي اتصيحين اله زير نساء
مريم .. ابشرج سويتي دجاجه
ود.. هههههههه والله تشبيه
يله امشوا راح تبدي المحاظره
دخلنا للقاعه وطول مااني كاعده افكر بكلام البنات بس اكو شى رافض اتقرب منه شكد مااحاول اتقرب ابعد اكثر
وره مطلعنا توجهت لغرفته وهاي اول مره اروح الها بعد زواجنا دوم هو يجي للقاعات ويصيحني حتى نطلع
دكيت الباب

هشام ... تفضل
ود.. اكدر ادخل اذا عندك شغل اجي غير وقت
هشام ... هلا بنور العين احرك ابو الشغل ود منورتني حتى العميد احركه هو وشغله
ود.. ههههههه والله عليك سوالف
كملت لو بعدك
هشام ... كعدت يمها وبست راسها كولي حبيبي محتاجه شى
ود.. لا بس حبيت نطلع نتغدا بره اذا عندك شغل وتعبان غير مره
هشام ... تقربت منها يوم عيد اطلع ويه حبيبي ونتغدا سوه وفوكاها هي تطلع اعوف الدنيا ونطلع
ود.. كلامك حلو بس
هشام ... مطالب شى منج بس اريد تعيشين مرتاحه وشويه تحسين بيه وشويه تموعين ربع قالب ثلج
ود.. اموع ربع قالب ثلج شنوو
هشام ... اني حبيبي عباره عن جبل ثلج ومديحس بيه لهذا ممكن تموعين ولو ربع قالب حتى تحسين بحبي
ود.. الله كريم ودنجت راسي شكول اله
هشام ... حبيبي لتهتمين يجي يوم وتحبيني اكثر مما احبج
ود.. ياريت
هشام ... يله ياحلوو مجعتي
ود.. وصدك خاله شنكول الها منتغدا بالبيت اخاف متقبل
هشام ... احد كلج متزوجه رجل كرسي صح اني اسمع كلامها واريد رضاتها بس بأمور معينه وهذا واجبي لان امي لكن كولشي اله حد حبيبي واني حر بحياتي وحر بمرتي وين منطلع نطلع يله قلبي
ود.. وطلعنا نتمشى وبلصدفه شفت البنات الي حجو على هشام تقصدت احط ايدي بأيده حتى يعرفون اني زوجته وهنه تفاجأن حسيت رديت الاهانه
هشام ... لزمتها بقوه واضحك ويااها
شبيهم البنات ويااج
ود.. هاااا يابنات
هشام ... دودي حبيبي اعرف حركتج من لزمتي ايدي بيها قصد شبيهم احجيلي
ود.. استحيت وخدودي صارو دم
هشام ... من فدووه للي يخجل
ود.. كان يوم حلو تغدينا وهو مقبل نرجع من وكت بقينا نفتر ورحنا لمتنزه وراها رجعنا للبيت ومباشره نمنا من التعب كعدنا ساعه ١٠ البنات يدكون الباب علمود العشا نزلنا وجه عمتي مگلوب غلسنا لااني ولا هشام فتحنا الموضوع
وصعدنا بالغرفه هو سبح وطلع تمدد يتصفح بالنت واني دخلت للحمام وراها طلعت توقعت هو بالصاله بهيج وقت مثل كل يوم تالي طلع بغرفتنا طلعت بس بالبرنص مال الحمام صح ممبين شى مني بس تحته كولشي ملابسه كلت اطلع ملابسي وابدل بالحمام احسن لان مبين ميريد يطلع واستحي ابدل كدامه
هشام ... شفتها طلعت والشعر مينكط مي والريحه تموت انثاريت عليها كلت بس تطلع من الحمام اروح للصاله بس من شفت منظرها بقيت شفتها محتاره متعرف شسوي وراها كاعد اطلع ملابس وترجع تدخل كمزت بعد مااتحمل
وين رايحه
ود.. ابدل
هشام ... اخذت الملابس من ايدها
اذا تريدين بدلي هنا
ود.. لا استحي
هشام ... اني زوجج شون تستحين مني
ود.. عفيه عوفني ادخل للحمام ابدل لو انت تطلع للصاله
هشام ... سحبتها بهدوء وكعدتها على الجربايه وركضت جبت المشط
ود.. شدسوي
هشام ... مالج علاقه
وكعدت امشطلها خصله خصله واحسها ترجف جوه ايدي وتقربت بهدوء من اذنها وهمست شبي حبيبي يرجف
ود.. بقيت متفاجأه بتصرفه ولو هو اصلاً هشام متنحزر تصرفاته بس اخر شى اتوقع يمشطلي شعري وتوترت وجسمي يرجف
هااا مداارجف

هشام ... بقيت امشط بهدوء واصابيعي اطخ برگبتها وراها سحبت شعرها وشميته افيييش ياريحتج
وهي هادئه وبعدها خايفه تجرأت اكثر وياها بعد مدااتحمل انجنيت عليها وصبرت هوايه اريدها ارغبلها بجنون بست رگبتها بوس هادئ
ود.. احجي بهدوء لان حسيت روحي ذبت بأيده فدوه هشام خلي اكووم
هشام ... ليش حبيبي ونزعت البرنص عن جتفها الايمن وبقيت ابوس كل مسامه بجتفها ردت اشوف ردت فعلها اذا اتضايقت اخفف لكيتها ذابت سحبتها ونومتها على ظهرها وصرت فوكها خافت وتوترت
ود.. شدسوي عفيه
هشام ... اشششش لتخافين قلبي والله ماأذيج
ود.. عفيه عوفني
هشام ... بقيت العب بشعرها وابوس لحد مهدأت وفتحت البرنص وهي ذايبه بأيدي من شفت جسمها انجنيت عليه لوبيدي اكله بس سيطرت على نفسي مااريدها تنفر مني وتقرب منها واخذتها صح شوي اذيتها بس كوه جنت مسيطر على نفسي من رغبتي القويه بيها

ود.. تقرب مني وصرت زوجته حاولت اهدأ نفسي لازم انطي حقه حرام عليه مكافي تحملني هاي المده غمضت في سبيل مااتأذه ولا اتخيل واشوف شى يتعب نفسيتي ومن كمل باس راسي
مبرووك قلبي واخيراً صرتي زوجتي
ود.. بجيت اني ممتألمه بس بجيت لان حسيت صرت واقع زوجته وبعد مااكدر افك قيدي منه

هشام ... شبيك قلبي اذيتج
ود.. شوي
اوديج طبيب محتاجه مستشفى
ود.. لا ممحتاجه شى راح اسبح وانام واصير احسن ودخلت للحمام راد يدخل وياايه مقبلت وطول مااني اسبح ابجي صارت حياتي ويه هشام امر واقع ولازم ارضى بيه من طلعت حضني ونااام بقيت الليل كله افكر بيه وبحياتنا ودايخه وادعي رب العالمين يخليني على الاقل اتقبله كزوج وانسى كل الي مريت بيه

وثاني يوم كعدت على بوساته
صباح العسل يااحلى من العسل
ود.. صباح النور ساعه بيش هسه
هشام ... ٩ ونص
ود.. طفرت تأخرنا على الدوام
هشام ... جريتها وحضنتها ماكوو دوام اليوم خابرت على الكليه واخذت اجازه الي والج
ود.. بس اني عندي محاظرات مهمه
هشام ... بس مو اهم من صباحيتنا اليوم اول يوم زواجنا الفعلي شنو تريدين اقضي بالكليه
ود.. بس
هشام ... ماكو بس اليوم نطلع ونفتر ونغير جو
وطلعنا وشووي غيرت جو هشام مريح بالطلعه ويضحك نوعاً ما عجبتني الطلعه ويااه
بقت حياتي ويه هشام مد وجزر لحد مابيوم اجاني للقاعه مال الكليه جنت كاعده اضحك ويه البنات وننتظر المحاضره ومااحس اله يطب ويصير بوجه

تعاالي كوومي
ود.. خير اكوو شى
هشام ... دااكولج كومي بسرعه
ود.. ماشي
واخذت غراضي وركض ويااه واحسه نار ويريد يطك عليه بيك شى صاير شى احجي مو قلقتني
صعدنا بالسياره ويسوق سريع متت خوف واني اتوسل بيه ولا عبالك هذا هشام الهادئ الي يضحك من يشوفني
وصلنا للبيت جان بذاك اليوم البنات بالدوام وابوه خفر وامه طالعه للاسواق بس اني وهو وجرني من ايدي حييل ودفعني بالغرفه انصدمت هذا شبيه
ود.. اعيط واحجي متكولي شبيك تكول جار حيوانه وراه جبتني من الكليه لهنا تسحل بيه اريدك بس تنطق شكوو

هشام ... شعندج ويااه واكو علاقه بينكم  تحبي احجي
ود.. اباوع عليه يعيط ويريد يملخني حتى ايده مكورها مال واحد منتظر احجي وراها يضرب
منو الي احبه ومنو الي عندي علاقه ويااه

هشام ... اكو غيره خالد
ود.. خفت من سؤاله وكمت امتمت من الخووف منيلك هذا الكلام
هشام ... احجي ولتردين السؤال بسؤال شنو نوع العلاقه بينكم

غيث ...بقينا ايام نستقبل خطار وناس تهني وناس تحتفل واني بغير عاالم ومتضايق احس الدنيا ضاكت عليه والليل ماانامه لحد بعد ٣ ايام اجاني خالد وطلب نطلع

جان الوقت ساعه ١١ بليل والشوارع هدوء مبقى شى على ممنوع التجوال ونفتر بالسياره يريد خالد يغيرلي جو واني صافن وفاتح الجامه ومشغل اغاني خالد جان تطلع اغنيتنا اني وموج متحملت

غيث .. اطبك خالد
خالد.. شبيك غيوثي
اختنكت نزلت ركض من السياره اريد هوا هوا واريد اعيط ابجي مااعرف شسوي الي دااحسه ديكطعني
وكمت اصيح بعلو صوت يااااااااارب
خالد.. غيث لتخوفني شبيك
غيث .. تعبت يااااااارب هذا امتحان منك لو بلاء مداتحمل الي دامر بيه گلبي يكطعني
وانداريت على خالد وهنا انهاريت وبجيت

خالد... كول ياالله شجاك اول تالي تبجي
غيث .. محد يحس بيه وين انطي وجهي ياناس حسوو بيه احبها مدااكدر احس گلبي يتكطع هذا الصدر ملخته مرحمتني خالد موتتني بأيدها ليش صار كل هذا بيه ليش

خالد .. اني توقعت الموضوع يخصها لان محد يدمرك غيرها وعرفت بيومها حجيت ويااها لان وضعك منتهي اصلاً بغير عالم بس يصير الي كاعد تسوي انت رجال وسبع وقوي شون تكون هيج ضعيف ومهزوز من وره مره
غيث .. كتلك محد يحس بيه الحب اذا أذه واحد ميعرف شى اسمه مره او رجال هنا شايف هنا واضرب على گلبي ناااار

خالد .. على كيفك غيوثي ليصير بيك شى
غيث .. تعبت وبعد كل هذا الحب والتعب محصلت شى محصلت بس الاذيه منها جازت حبي ولهفتي وخوفي عليها بحقاره ورجعت بكل سهوله لرجلها
خالد .. الغلط غلطك شون تحب وحده متزوجه
غيث .. شسوي ليش الحب بيدينا ليش هو موو قدر مو امر الله الحب ينزل من عنده ويدخله  بگلبنه اني مجان نيتي سوء جنت حابها بنظافه وردتها مرتي
خالد .. اختيارك من الاول غلط
غيث .. كولي شسوي وانساها كولي تعبت
خالد .. متنساها بس عيش حياتك تره هي عايشه حياتها وضعها ماشي على شنو بعد تموت نفسك من وراها
وكفت على الحافه مال الجسر وعطت بكل صوووت
موووووووج ليش موو اني احبج ليش هيج تجازيني ليششششش . كروب قصص غزوان علي
مووووج الله لايوفقج دمرتيني وضيعتي احلامي وحبي اااااااااه ربي ساعدني دااموت من الكتم والالم داااموت ساعدني اني عبدك الفقير مسلوب الاراده ساعدني

خالد .. نزلته وهو يبجي وكوه سكته ردته يرتاح بالطلعه بس بالعكس انفجر بجي وتعب وكوه رجعته للبيت
غيث .. بقيت ايام معتكف بالغرفه ومااحجي ويه احد اريد افكر اريد ارمم حياتي بس شون واني كل الي بنيته الها

موج .. بعد مطلع غيث مني دخلت للحماام ابجي والطم على الي سويته بس من اصفن اكول هذا الصح مااريد اخسره كله ولا يخسر  مستقبله وبدلت وحاولت يكون الوضع طبيعي بس مااكدر بنفس اليوم صخنت وتعبت وعمي الله ينطي اخذي للمستشفى لان عمتي مقبلت وضربوني ابر وبقيت تعبانه ايااام تعبت جسدياً ونفسياً وبس افكر بغيث وابجي حتى مرات من اشتغل ابجي على حبي الي ضااع ورجع الغراب اكرم للبيت ونفس حالته اذا مو اسوأ يوميه شرب وبنات ليل وقمار وحياتي رجعت اتعس من قبل ضرب وخدمه واهانات واني ساكته جسد بلا روح وهذا الحاال ايااام ومر اكثر من شهر ونص واني ميته احس روحي كرهت الدنيا وكولشي وعمتي واذيتها لحد مابيوم اجه سكران اكرم وخسران واحد من محلات ابوه الي مسجلهم بأسمه علمود الضربه خسره بالقمار وصعد طافي ميتحجه اني مهتميت لوضعه لان اصلاً ميهمني عساه مات ولا يرفلي جفن عليه واجه ابوه يعيط
ابو أكرم .. لك سافل هاي تاليتها تضيع تعب ابوك السنين كله اشتغل واتعب وانت تضيعه بخمس دقايق لعب الله يقبلها ولك لو مشتغل صانع عندي وتعبان ويايه هم يحترك گلبه على المحل

ام اكرم .. على كيفك ياحجي صحتك ليصير بيك شى
ابو أكرم .. من وره ابنج راح اموت راح يدفني من القهر راح يضيع تعبي  الي بنيته بحلال الله راح يضيعه بالحرام لك لو ممخلفك لو ميت جان اهون عليه مما كاعد تسوي

أكرم .. مووو قصدي يابه كل اعتقادي راح افوز
ابو أكرم .. تفوز وتخسر بحلال ابوك تلعب بالمال الي فاتح كومه بيوت متخاف الله متخاف من حوبه العالم الي ضيعت باب رزقهم كولي شسويلك حتى اذا افرغ سلاحي براسك ميبرد نار گلبي
ام اكرم .. اسم الله يمه كله ولا وليدي علمود محل تكتل ابنك
ابو أكرم .. هو كله البله والطيحان حظ من وراك هذا دلالج الي فسده وحقج عيني قابل ابوج الي تعبان بيه اني الي تعبت وراحت صحتي واجيبها منا وحطها هنا في سبيل اشتري واحطلكم سند بعد ماموت بس طلعتوا متستاهلون

أكرم .. يابه والله متوقعت اخسر
ابو أكرم .. الله يشيلك ويخلصني من ولد عار مثلك
موج .. دااسمع الكلام وفرحانه لان ابوه ديرزله وضربه راشدي ااااخ كون حزام حزامين حتى يبرد گلبي خلي يحس بالضيم والالم الي معيشه اليه
وره العركه صعد فوك وهو نار ويعيط

موج .. لتعيط يمي ذاك ابوك وروح يمه عيط
أكرم ..اسكتي لتخليني اطلع قهري بيج
موج .. هو هذا الي كادر عليه ابويه ميكدر بس على امي
أكرم .. من انعل ابوج لابو امج
موج .. احترم نفسك ولتسب شنوو هاي اخلاقك اني شعليه واهلي شعليهم انت واهلك ومخسر ابوك محل يسوه ملايين وتتعاركون اهلي شجابهم بالنص
أكرم .. تعيطين عليه شوو تعالي

موج .. ركضت حتى ليضربني اعرفه حيوان ومراح يرحمني وراح يصير رجال براسي وشمر عليه الحزام اجه بظهري وفتحت الباب وطفرت واني اركض وكعت من الدرج وراها محسيت بشى
ابو زيد.. اهووو هم عياط بيت حجي ثابت ميملون
زيد.. طبهم مرض عوفهم شعلينا بيهم كل مره ندخل ونسمع اشكال الكلام
شهد .. ناس بس المصايب وراهم عمي لتروح ولا تطلع
غيث .. نزلت عطشان وروحي بخشمي
شبيكم على منو تحجون
ابو زيد.. على بًيـت ثابت هم عياط وصياح اكيد اكرم كاتل مرته اكو غيرها
غيث .. نغزني گلبي ااااخ من اشتعل الگلب الي يرجف عليج بعده كوون اطلعه من صدري وامرده

اندك الباب فتحنا طلع الحجي فدوه ابو زيد الحكلي هاي جنتي يمكن بين الحياه والموت وسيارتي مكعد تشتغل
غيث .. اني سمعت هيج من شوغه گلبي وخوفي عليها نسيت كولشي سوته وركضت ولزمني زيد
زيد.. يحجي بيني وبينه بدون محد يسمع اكعد مالك علاقه
غيث .. عوفني داروح الها . بيج قصص غزوان علي
زيد.. اكعد دااكولك لتسوينا مصيبه
غيث .. دفعت زيد وركضت للحجي يله امشينا
دخلت للبيت وشفتها مدده بالكاع والدم تارسها واكرم ديشيلها اني رجفت واصفريت من الخوف لتكون ماتت وكعد ليوره وهي بحضنه واني مااحس غير دموعي تنزل عليها وامسح بيهم حتى لحد يحس وركضنا بيها للطوارى ولو بيدي انزل اسحك راس اكرم بالتاير مال السياره واخلص منه وبقينا مده وطلع الطبيب
الْحٍمَد لله على سلامه المريضه منو مسويه بيها هيج
ابو أكرم .. وكعت من الدرج
الدكتور .. الحمدلله عدت سلامات والضربه بأيدها وجهه واجتي الطبيبه وفحصتها الاخت حاامل مبروك
غيث .. شننوو حامل
وافترت الدنيا بيه وگلبي انكسر مديت راسي وهي نايمه ااااه ياريتني ماعرفتج ياريتني ماحبيتج ياريت انكسرت رجلي ولا اروح بدربج
فتحت عيونها وشافتني وجان تصيحني

يتبع ....
مقطع الفيديو بيه كلام غيث لموج  اسمعوه

ممكن التصويت على القصه
اخوكم غزوان علي