رواية بين العقل و الطريق الفصل الرابع عشر 14 - بقلم غزوان علي

بين العقل والطريق
للكاتب غزوان علي
البارت الرابع عشر

هناك شعور...*
*لايكتب ولايحكي ولا يبكي*
*ولكن...*
يــؤلــم فــقــط والمه قاسي جداً

لك وخر حقير سافل واضرب بكل قوه
ومااشوف غير بشار اخويه فوك راسي وسلاح بيده

بشار .. ولكم سفله ساقطين هاي تاليتها
موج .. وخر مني اكرم واني من حلات روحي شمرت نفسي بحضن اخويه وجان يدفعني
بشار .. وخري حقيره هاي تربيتنا الج
موج .. احجي وابجي والهث من التعب والخوف بشار والله هو تعدى عليه
أكرم .. ليش تنكرين موج احنا مو اتفقنا نلتقي من يطلعون اهلج . كروب قصص غزوان علي
موج .. ايا حقير والله كذب فدوه بشار صدكني هذا جذاب اصلاً من يوم الطلاك وبعد مشفته ولا اعرف عنه اي شى والله وداعت ماما وبابا
بشار ..شون انطاج گلبج توصخين بيت ابوج شنو الي سويناه الج شو نحبج وشايليج على راسنا كلتي طلكوني منه مااريده وطلكناج شون ترجعين  اتجبين اكرم للبيت واحنا ماكو اذا انتي تريديه ليش اطلكتي منه لو تحبين الحرام
أكرم .. هي زوجتي
بشار .. اعيط واحجي جانت زوجتك هسه انت رجال غريب عنها وما من حقك تدخل هذا البيت واحنا مو بيه
موج .. والله والنبي ماعندي شى ويااه هو اتهجم عليه وحاول يأذيني ولو ماانت هسه اجيت جان اغتصبني
شون دخل لتخبليني
أكرم .. اسمع بشار انت نزل السلاح والي تريده يجرالك
بشار.. انت من كل عقلك اعبر الي سويتوه اليوم

أكرم .. اني احبها لموج واريد ارجعها زوجتي وجنت مشتاق الها ومرجعتها لان اعرف بيكم رافضين رجوعنا وراح تصير مشاكل كلت مده وافتح الموضوع وياكم بس حبيت اشوفها واتفقت ويااها اشوفها واطلع بس مكدرت اشتياقي الها خلاني المسها
موج .. جذاب والله جذاب والكعبه الشريفه جذاب لك حرام عليك تتبلى عليه اني من يوم الطلاك مااعرف شى عنك واصلاً كارهتك ومااعرف شون دخلت للبيت وتهجمت عليه لك سافل لتكذب اتقي الله

بشار ... كاافي اليوم اكتلكم واخلص من عاركم سحبت طلقات

أكرم .. اوكف بشار انت شتحصل بموتتنا عبالك عشيرتي تعوفكم وعوف العشائر والفضيحه راح تبقى طول العمر ملازمتكم حتى ابنك يعيروه بعمته وخاصه الناس شغله الشرف متنساها
لهذا منعاً  للمصايب والتشهير ارجع موج لذمتي وانتهى كولشي وحتى ميحتاج احد يعرف بلي صار اليوم
موج .. ولك احرك روحي وماارجع لحيوان مثلك معودت خلصت من ضيمك ارجع لو تموتوني
أكرم .. حبيبتي كاافي موو جنتي كاتله روحج على رجوعنا
بشار .. ترجعين وغصب عنج لا والعباس هسه افرغ السلاح بصدرج وصدره
موج .. شسوي سوي ماارجع ماارجع
وجان يلزمني بشار من شعري كطعني تكطع بوكسات وراشديات دماني حتى مكان بجسمي مبقى واكرم واكف يباوع وعبالك مرتاح ومتونس لان كاعد يضربني بشار واصلا. حتى مفكر يدخل اخر شى من وكعت بالكاع والدم ترس وجهي يله دفعه
أكرم .. عوفها كافي

بشار .. وانت حسابك بعدين ويايه
أكرم .. اسمع اخويه لاحساب ولا كتاب هاي اختك يمك تريد فضيحه براحتك انتم الي تتأذون  وحتى اذا تأمر اروح ابلغ اهلي بلي سويته ويااها ويصير الموضوع علني واغسل عارك مثل متسمي متريد احد يعرف ننهي  الي صار وترجع موج على ذمتي يعني اني وياك بالحالتين
بس اني تعرف بيه احبك ونصيحه مني اتجنب العار لان مراح تتحمله يبقى طول العمر يركض وراك

موج .. الدم تارس وجهي حتى الطعم بحلكي واني كوه احجي
مااريدك حقير اكرهك ماارجع لو تموت ومو بكيفكم ترجعوني

بشار .. يعني متوبين اله اذبحج يله
أكرم .. اسكتي انتي اصلاً زين مني راح ارجعج المفروض بعد مدنستي بيت اهلج وطببتيني بيه واني محرم عليج مااخليج بذمتي لو تموتين لان شون أمن على سمعتي وبيتي بس لخاطر بشار واهلج الي احبهم وحق العشره الي بينا راح انسى كولشي وترجعين زوجتي

موج .. كمت اعيط واضرب على وجهي ولج يمه يوووم تعالي شوفي حالي شوفي الحقير شسوه بيه وابن بطنج ممصدك بأخته ومصدك بلغريب

بشار.. لزمتها من شعرها اشش صوتج مااسمعه لا وداعت امج الي كاعد تعيطين بأسمها ادفنج هنا
موج .. ادفني موتني بس لترجعني لأكرم وشمرت نفسي ابوس برجل بشار ابوس رجلك لترجعني مااريده هذا واحد حقير راح يدمرني

أكرم .. هاي تاليتها موج واذا انتي مرايدتني ليش اتفقتي ويايه اجي واشوفج والغزل والحب واشكال السوالف ولج حتى كلتي تعال مشتهيتك تعال خلي اتمتع ويااك

موج .. احترم نفسك ياحقير مو اني الي اعرض روحي لواحد رخيص مثلك اني اشرف من امك واختك ومو اني الي ادخل رجال غريب على بيت ابويه
أكرم .. اشرف من امي واختي موو خوش لعد ابقي حتى زواج مااتزوجج واله افضحج هسه واكولهم غوتني وجابتني لبيت ابوها ورطتني ويه اخوها وراها صارت شريفة براسي
بشار ...اوكف اوكف اكرم يمعود مالك علاقه بيها
مكعد تشوف اختك شسوي لو انت بمكاني تقبلها صار ايام تراسلني وتتوسل بيه ويوم مااجيها تورطني ويمكن انت متفق وياها
بشار.. كاافي حجي زايد ولعبالك بهاي سوالفك راح تخليني اتوسل بيك واكولك لازم تتزوج اختي غصب عنك وعن اهلك تجي باجر وتعقد عليها وتاخذها

موج .. مااارجعله
وبهاي الاثناء دخل ابويه وامير وتفاجأوا بوجود اكرم وبشار مصدك وحجه كولشي وهنا امير لأول مره اشوفه هيج وجان يجي بكل قوته ويسحلني من شعري سحل عدنا غرفه جوه الدرج مخزن مال غراض وشمرني بيها واني اعيط
حرام عليكم والله ممسويه شى والله جذاب الله لاينطيك ولايوفقك اكرم لك خاف الله يامجرم بابا ماما والله ممسويه شى والله مدخلته هو تهجم عليه

امير .. اسمع اكرم من باجر اتجيب ابوك وتاخذ موج تعقد عليها ومااريد بعد لا انت ولا هي ادخلون هذا البيت يحرم عليكم
موج .. ادك الباب افتحوا الباب حرام عليكم والله ممسويه شى ماما مروه تعالو اخاف من الظلمه تعالو افتحولي الباب دااختنك

ام امير .. فدوه حجي بنتي راح تموت ابوس ايدك احبسها بغرفتها لا جوه الدرج تخاف من الظلمه
ابو امير .. طبها مرض بلكت تموت واخلص منها
دخيلك حجي بس الليله هي يمنا خلي تبات بغرفتها والله تصبح ميته من الخوف فدووه احلفك بروح اهلك بروح امك الغاليه
ولج هاي بنتج وحده قذره خانت ثقتي وثقت اخوتها ودخلت رجال غريب على بيتي واحنا ماكو
مروه .. والله بابا متسويها موج ماكو اعقل منها
ابو امير .. اسكتي انتي لااطيح حظج مثل اختج شفتي تلوميني من جنت ازوج البنات وهنه صغار وتكوليلي خلي يكملن دراستهن هاي تاليتها هذا الي حصلته من خلفت البنات العار الي جنت طول عمري اخاف منه
ام امير .. ووالله اني مصدكه بنتي واعرف تربيتي متسويها بس انتم مباشره صدكتوا الله يجازي الي كان السبب حسبي الله عليه
وحوبت بنتي اان شاء الله تطلع بيه الطايح الحظ

ابو امير .. باجر من الصبح تعقد وانتهى الموضوع وتنسون وحده اسمها موج بنتي اليوم ماتت وصيتي متوكف على جنازتي وكدام الكل احجيها واكيد كاعد تسمعيني
موج .. اني حاطه اذني على الباب واسمع كولشي
والله بابا بريئه
ابو امير .. هذا الي عندي وكلته مااريد اعرف اي شى عنج وگلبي مراضي عليج ليوم الدين

موج .. كعدت بالكاع وحطيت راسي بين رجلي وابجي وگلبي يصرخ بألم تعاال غيث شوف حبيبتك شصار بيها شوف حالي وشراح اكولك اذا  طلعت من السجن ولكيتني راجعه لأكرم شراح ابرر الك شنو عذري وراح تصدكني لو مثل اهلي متصدك كلامي

غيث .. اليوم گلبي يوجعني ومخنوك احس صار شى والوب روحي دااحسها متأذيه وليش ماادري اني كدرت احصل تلفون بالسجن يجيبوه الي يومياً لمده ساعه وياخذوه واكيد بفلوس مو مهم المهم اسمع صوتها
واتصل وماكو مغلق ظل بالي عليها وگلبي نار  وينج امواجي

ود.. اليوم موعد رجوعي ويه هشام ومااعرف شون راح تكون حياتي ويااه اجه اخذني وطول الطريق ساكتين لاهو حجه شى ولا اني وصلنا لبيتهم اول مدخلت لكيت امه وخواته كاعدات بالصاله
السلام عليكم
ام هشام .. وعليكم السلام واخيرا نورتي جان بعد وكت جان خليتيها سنه يله اجيتي
ود.. دنجت مكدرت كولشي ارد
هشام ... شنو هذا الحجي يوم هي بكيفها لو حابه هذا الشى غير ظروف وصارت
صفا اخت هشام .. هلوو قلبي ود احنا متعرفنا زين اني صفاا اخت هشام الوسط تعااي لج وهذيج الي فاتحه عيونها على الكارتون أختي الصغيره بلسم وهي مووصغيره تره اول كليه بس عقلها صغير

ود.. ابتسمت على كلام اخت هشام وحسيتها حبابه
بلسم .. هلوو اني بلسم اول كليه قانون والصغيره مال البيت احب الاكل والاغاني واعشق شى اسمه كارتون وشكراً من رخصتج طالع كارتوني المفضل

ود.. هههههههه اتشرفت حبيبتي حسيت خواته حبابات واما بلسم هاي وحدها فلم تموت ضحك بس امه ابد محابتني ولا تباوع بوجهي اصلاً وبس اتذبلي كلام يجرحني بس لازم اسكت مااكدر احجي او اعلق اخاف ينفهم كلامي غلط
صعدت لغرفتي
هي موو غرفه سويت كامل غرفه نوم جبيره وصاله بيها تخم وتلفزيون وثلاجه وحمام ومرتب بطريقة كلش راقيه
هشام ... نورتي بيتج گلبي
ود.. شكراً بقيت ارتب بغراضي والقلق موتني اكيد اليوم ماكو مفر من هشام صار حدود شهر ونص من اتزوجنا ومااعتقد اليوم يصبر وميتقرب مني بس اني مالي واهس بيه اصلاً مااريده رافضته ومااتقبل يتقرب مني واني اشتغل وصافنه فزيت باسني من رگبتي
هشام ... اسم الله شبيج فزيتي
ود.. كم مره كتلك لتتقرب مني بهاي الطريقة وتفززني
هشام ... تره مسويت شى يستاهل تتعصبين هيج مجرد بستج من رگبتج وانتي كاعده يعني موو نايمه حتى تفزين
ود.. اكو شى اسمه واحد صافن واحد يفكر لو هاي هم متعرفها
هشام ... نصي صوتج ود تره احنا مو وحدنا بالبيت ورجاءاً انتبهي على اسلوبج
ود.. درت وجهي عنه واني مااطيق اباوع بوجهه رغم اعرف مسوه شى يستاهل كل الي سويته بس مااعرف شنو الي اريد اوصله بهاي تصرفاتي
وعافني وطلع
وره شويه اندكت الباب
تفضل
صفا .. اكدر ادخل
تفضلي حبيبتي
اني حابه اتقرب منج اذا تسمحيلي طبعاً واريد تعتبريني اختج .. كروب قصص غزوان علي
ود.. دمعت عيني من كالت اختج وتذكرت ندى
صفا.. اسفه موقصدي اذكرج بأختج والله موقصدي
ود.. مسحت دموعي ليضل بالج بس هاي الكلمه ادك بگلبي وخاصه تعرفين بلي صار بأختي
صفا .. اي اعرف واني اصلاً اعرف كولشي عنج جان يحجيلي هشام كل التفاصيل الي تجمعه بيج
ود.. شون كل التفاصيل
صفا .. اني اعرف شون جان يحاول يتقرب منج ماانكر تصرفات اخويه جانت موطبيعيه ولا بيها عقل بس هو يحبج وحسيته يحبج بطريقة موطبيعيه اني علاقتي بهشام مواخ واخته لا اصدقاء كولشي يحجيلي ويوم مأجه وحجالي عنج عرفت بيه يحبج من نبره صوته وعيونه الي تلمع من يحجي وكان يشوفج ويوصف كل تفصيله بيج وكتله هاي البنيه راح تحبها مو مثل الباقيات اكيد انتي تعرفين بيه عنده تجارب قبلج
ود.. اخوج اصلاً زير نساء
صفا ... ههههههه صح بس والله مو ذنبه كل ميتقرب لوحده ويحاول يلكه بنت الحلال الي يحبها ويتزوجها يلكاها عكس وينصدم اله انتي لهذا تمسك بيج
ود.. وهسه اني زوجته والي راده صار
صفا.. لا هو ميريدج بس زوجته يريدج تحبيه مثل ميحبج
ود.. صعب احبه وهو سبب اذيتي
انطي لنفسج فرصه وحاول تكتشفين هشام على حقيقته وتقربي منه وانسي السلبيات الي شفتيهم بشخصيته صدكيني راح تحبيه من كل گلبج
ود.. الله كريم
بلسم .. ياقووم صار العشا يله العمده تريدكم
صفا .. بعد لدخلين بدون مدكين الباب
ود.. لا شكوو بيها خليها براحتها
صفا.. انتم زوج وزوجته وتاخذون راحتكم ميصير تدخل بأي وقت يعجبها لازم تفتهم بان اخوها تزوج واله خصوصيته
بلسم .. هسه يله داخله البيت الابيض مره ثانيه اقدم عريضه قبل ماادخل وتتوقع يله
ود.. هههههه والله انتي دمج عسل
بلسم .. ولكم يله العمده راح تشنقنه
ود.. العمده منوو
صفا .. هههههه هاي ماما مسميتها العمده لان شخصيتها قويه
ود.. اي والله امكم قويه واخاف منها
بس والله گلبها طيب من تتعرفين عليها راح تحبيها
بلسم .. اني نازله قبلكم هسه تعيط وشيسكتها بعد
ونزلنا وفعلا انتبهت الام قويه والكل هادئ بحضورها واجه عمي ابو هشام
وباس راسي وتحمدلي بالسلامه رجال كولش طيب واخلاق وهادئ ويبتسم يعني البيت مرتب هو والاشخاص الي بيه
ام هشام .. شبيك ماما شو مكعد تاكل بيك شى
هشام ... لا سلامتج ياغاليه بس مجوعان
ام هشام .. اول تالي متجوع هيج وقت لو اكو ناس سدوا نفسك من الاكل
ابو هشام ... خوله بدون تدخل الولد ومجوعان ليش بعد هذا الحجي الزايد
ام هشام ... خوله .. مو دااشوف ابني وضعه مو طبيعي كلت يجوز انغث وخاصه هو سوده عليه المفروض عريس ومتهنى شحجي شكول الله يجازي الي سلب راحه ابني وفرحته

ود.. عفت الاكل الحمدلله سفره دايمه من رخصتكم
ابو هشام ... شبيج عمو معجبج الاكل نسويلج غير شى اخاف حابه اكله معينه
ود.. لا عمو تسلم بس مااكثر بليل احب اكل قليل من رخصتكم والف عافيه
وصعدت فوك والدمعه بعيوني اني طبعي حساسه ومااتحمل كلام قوي
هشام ... يعني ياامي اول يوم الها هنا وتبات بيتها تسمعيها حجي محلوو والله شنو لان مأكلت
ام هشام ... لتاكلني بلسانك اني اعرف ضايج من وراها والله لو اعرف ليش تحبها وشنو الي شفته بيها وكتلت روحك عليها والف وحده احلى واحسن منها يتمنون كلمه منك
جان برد گلبي
هشام ... بردي گلبج مشفت شى بيها بس لان احبها احسها احسن واحلى وحده بالدنيا لهذا لتعبيني ولاتعبين نفسج اني مرتاح ومتهني بس فدوه ياامي على كيفج وياها
ام هشام ... عشتوو شسويت وياها شوف العمات شيسون ويه الجناين شو حتى كتل يكتلن وساكتات اني بس حجيت كلمه صرت انت وابوك محامي دفاع الها واكيد خواتك هم لان ساكتات
صفا .. شنو الي نحجي يوم اذا نحجي راح ترزلينا نسكت احسن
هشام ... بست راس امي وكتلها هدي اللعب حجيه اترجاج البنيه تعبانه وانتي ماكو احن منج وهاي مرت الغالي مو تكولين زوجتك احطها بگلبي يله هاي زوجتي جبتها وخلي نشوف
ام هشام ... روح يله اركض لمرتك صرت ابن مرتك بعد
هشام ... اوويلي الله شيخلصها بعد بدينا الحرب موو
ابو هشام ... روح ابني لمرتك وامك طيبه ليضل بالك
هشام ... صعدت. ودخلت للغرفه وشفت ود تمسح بدموعها
شبيج گلبي صار شى
ود.. لا
هشام ... شو باوعي بوجهي لتنزلين وجهج
ود.. عوفني عفيه
هشام ... رفعت وجهه وعيونها اووف يموتون حتى وهمه بيهم دموع شبي حبيبي
ود.. مابيه
هشام ... اعرف من وره امي بس والله هي حبابه وطيبه وبمرور الوقت راح تتعلمين عليها بس تحمليها اعتبريها امج
ود.. بس هي حيل تجرح بالكلام والله ممسويه شى الها بالعكس احب اتقرب منها بس هي تخوف
هشام ... ههههههه من فدووه للي تخاف
حبي لتخافين راح تشوفين بمرور الوقت والعشره راح تحبيها وتعرفيها زين
ود.. ان شاء الله
هشام ... بقيت اباوع بوجهه والدموع بعيونها حسيت برجفه واني قريب منها وانفاسنا وحده ونزلت عيوني على شفايفها وتقربت وبستها بكل هدوء
ود.. باسني واني جمدت خفت ابعده ويتعصب بقيت جامده وخايفه
هشام ... وخرت منها ليش هيج ود ليش احسج مطايقتني
ود.. لا ليش
هشام ... من ابوسج عبالك دابوس خشبه ومحطوطه
ود.. شوف هشام اني بحياتي محد متقرب مني ولا بايسني ولا اعرف البوس شون يجوز تتفاجأ بكلامي بس هذا الصحيح لهذا هاي ردت فعلي اذا بستني
هشام ... ماانكر كلامج اسعدني لان اني اول واحد المسج بس بنفس الوقت انطيني فرصه اخليج تحسين بمشاعري اعلمج حتى تعيشين الحب والحياه الزوجيه الصحيحه
ود.. ليش هي الحياه الزوجيه بس بوس وحضن
هشام ... شوفي اني ادري بيج متحبيني وماعندج مشاعر اتجاهي يجوز صعب عليه اتقبل هذا الموضوع وصعب حتى على كرامتي بس لأجلج حتى كرامتي كاعد ادوسها واتحمل كولشي واهم شى اتحمل رفضج راح اسألج ود تريدين اتقرب منج لو لا
ود.. لا
هشام ... شنوو هاي السرعه بالجواب حتى مفكرتي
ود.. انت سألت واني جاوبت
هشام ... والى متى مااتقرب
ود.. ماادري بس هسه مااكدر واذا تريد غصب هياتني كدامك اخذ الي تريده
هشام ... احد كلج اني حيوان واريد بس امارس واتركج
ود.. لا حشاك مو قصدي بس
هشام ... لا بس ولا شى راح اتركج ترتاحين اليوم راح انام بالصاله
واخذت المخده والفراش وطلعت بالصاله احس يوم بعد يوم تجرحني بكلامها وصدها اتقرب وهي تبعد
ود.. يجوز ضجت عليه لان كسرت بيه بس موبيدي مكعد اتقبله ونمت وحدي ونومه بعمق ومحسيت غير. الصبح وهو يلعب بشعري
يله حبيبي اكعدي
ود.. صباح الخير ساعه بيش
هشام ... ساعه ٧ ونص اني راح اطلع محتاجه شى
ود.. والدوام مالتي شون
هشام ... اليوم ارتاحي حبيبي واخذلج اجازه ومن باجر نطلع سوه
ود.. اكوم اسويلك ريوك
هشام ... لا ارتاحي امي سوت وراح اتريك واطلع بس حبيت اصبح عليج واشوف عيونج الحلوات وابدي يومي بيهم واروح
ود.. باوعت وصفنت على حنيته وحبه اليه
باس راسي وطلع
مكدرت انام بعد كمت اتگلب للساعه ٨ كمت غسلت ونزلت شفت امه تنظف بالمطبخ
صباح الخير عمه
هله اذا كاعده ليش منزلتي ويه رجلج
ود.. هو مقبل وعبالي ارجع انام مكدرت
ام هشام ... هذا الريوك يمج
لعد البنات وين
طلعوا للكليه دوام
ود.. اساعدج بشى
ام هشام ... لا ممحتاجه احد بعدني بحيلي
ود.. اووف الله مطولج ياروح تريكت وكمت غسلت المواعين بقيت افتر بالبيت بيتهم حلوو ونظيف وجبير شون تنظفه امه وحدها
عمه شون تكدرين تنظفين البيت وحدج

ام هشام ... تجي مره تنظفه الي وتروح بعد عندج سؤال
ود.. حسيتها مطايقتني استأذنت منها وصعدت للغرفه كملت تعديل غراضي وفتحت كنتور هشام ليش صار عندي فضول اشوف كنتوره شفته يخبل ارقى الملابس بيه وخزانات للساعات الماركات بقيت اكلب واكو خانه مقفوله حاولت افتحها وفشلت بس فضولي صار موطبيعي شكوو بيها هاي الخانه شميت العطور مالته كولش طيبات عطرهم وهادئات اليوم ممل وماعندي شى اسوي واني كاعده ضايجه جان يدك التلفون خالد وكف گلبي ورجفت ليش اتصل بيه مجاوبته بس الخوف والرهبه موطبيعيه
رجع مره ثانيه اتصل جاوبت الوو
خالد .. شونج ود
ود.. خير خالد شتريد
خالد .. اشتاقيت
ود.. لتنسى اني هسه متزوجه
خالد .. وشكوو بيها بس حاب اسمع صوتج
ود.. رجاءاً خالد احترم وضعي الحالي وبعد لتتصل
خالد .. شوفي ود انتي مراح تعيشين سعيده ويه هشام لان تحبيني ومتحبيه ولا راح ترتاحين ومتأكد راح تطلكين منه
ود.. وليش اطلك
خالد .. زوجج ابو نسوان لعبالج يبقى عليج هاي اذا يحبج اصلاً ولو متأكد اخذج بس يكسر خشمج وراها يعوفج
ود.. هاي حياتي واني حره بيها وهذا زوجي واني اعرف شون اخلي ميخوني
خالد .. شون وهو الخيانه بدمه
ود.. بالحب والموده واحطه بعيوني ومااقصر ويااه مراح يخوني
خالد .. متكدرين لان متحبيه وراح تكرهين الساعه الي تزوجتي بيها والساعه الي رفضتيني بيها يجي يوم واشوفج نتيجه افعالج وشون فضلتي عليه
ود.. مااريد اتناقش ويااك وادوخ روحي رجاءا ً بعد لتتصل وسديت التلفون بوجهه وطفيته مااريد اسمع صوته

موج .. قضيت ليله من ابشع الليالي بحياتي واني بالمخزن وضلمه وارجف وابجي وانفتحت الباب وجرني بشار من شعري
اااخ اااخ عوفني كافي شعري كطعته وجسمي مرحمته اني اختك لو نسيت
بشار .. ماعندي اخت عار مثلج
وشمرني على مروه
هاج اخذيها غسليلها وبدلي ملابسها راح يجون ياخذوها ونخلص منها

موج .. مااروح عوفوني
مروه .. فدوه اسكتي بس تحجين يضربوج
موج .. مروه خلي يضربوني يموتوني حتى لويدفنوني واني عايشه موو مهم المهم ماارجع لأكرم
مروه .. بعد صارت مابيدينا شى
تعالي اغسلج واخذتها للحمام واغسل وابجي هاي الجماره والي تضحك للهوا يصير بيها هيج جسمها بكل منطقه كدمات والشعر ملخ والوجهه ازرك والشفه كلها دم حالها يصعب على الكافر وهي بس تبجي
يله گلبي كومي ابدلج
موج .. راح انتحر .. بيج قصص غزوان علي
مروه .. عزه الي عزاج شون هيج تفكرين تخبلتي
موج .. الحياه هاي كرهتها اموت احسن محد نصفني محد رحمني ولا اهلي صدكوني شتريدين اسوي
مروه .. وربج شتكولين اله شون تقابليه وانتي ضيعتي حياتج وانتحرتي انتي انسانه مؤمنه والمؤمن مبتلى ميصير بأول اختبار تكولين انتحر
موج .. هذا مو اختبار هذا عقاب والعقاب قاسي تعرفين شنو معنى تنحرمين من حب حياتج من انسان طول عمرج تتمنين تعيشين ويااه تعرفين شنوو معنى اعيش ويه واحد الحيوان احسن منه

مروه .. تحملي يجي يوم وتفرج
موج .. كاعد تضيق ومتفرج وشون اتحمل وشتحمل وحده اثنين اتحمل اكرم وقضارته وريحه الشرب لو من اشمر عطر النسوان الساقطات بيه لو اتحمل الضرب والاهانات مالته لو من يتقرب مني يكطعني كتل يله يرتاح لو اتحمل امه واخته وحقارتهن ويايه ااااااااااه لو اصرخ لسابع سماا من الالم والمعاناه الي جنت عايشتهم وياهم مراح اكدر اوصلج الي كاعد احسه ولا الي راح اعيشه
مروه ... ولج كطعتي گلبي كافي فدووه

موج .. دانزل وجان اسمع دعاء تكول
دعاء.. خلصنا روحه بلا رده همزين بعد منشوف شكولج التعبانه
موج .. باوعت عليها وكلت حسبي الله ونعم الوكيل
دعاء.. تحسبين عليه يامنحطه لو بيج خير مجان جبتي رجال لبيت ابوج ودنستي راسه وراس اخوتج
ام امير ... احترمي نفسج بنتي اشرف منج ومن اهلج وادخلي جوه لااصيح للشفيه رجلج اخلي ياخذج للمحكمه وياهم يزوجون موج وانتي يطلكج
دعاء.. يمه خوفتيني اذا هو ابن ابوه يسويها ميكدر عيني وانتن حيرن بمصيبتجن لو منجن اطم روحي موو اطلع لساني مترين
ام امير .. اذا مدخلتي لغرفتج هسه اجي بلي لابسته اكطعه عليج
دعاء.. والله زين خلي انجيب رجوله للبيت بلكت يكعد حظنا
موج .. الله لايوفقج وطبت تعوج بحلكها ومتشمته بيه وامي وكعت وصعد سكرها المسكينه وكوه صحيناها وضلت تبجي وتبوس بيه
ام امير .. روحي بنيتي ربي وگلبي راضين عليج واني ادري بيج انتي ماكو اشرف منج بنت بطني واعرفها بس مابيدي شى واساعدج
موج .. بس ادعيلي يمه اخلص من الجحيم الي عايشته
ام امير .. الله يخلصج بنيتي وترتاحين واشوفج اسعد الناس
بست امي ومروه ودعتهم وابويه وامير مشفتهم
واجه اكرم  وابوه والكل ساكت راح ويايه بشار للمحكمه وعقدنا وعافني بشار باب المحكمه وياهم
اسمعي لج انتي من اليوم ميته ماعدنا وحده اسمها موج يكطعج يذبحج طبج مرض لتفكرين بيوم ادكين بابنه
موج .. حرام عليكم والله ظلمتوني
بشار .. انجبي واسكتي وابوج كال حتى على اجنازتي متوكف واحنا هم بعد منريدج واياج بيوم اسمع جايتنا او واصله عتبت الباب ادفنج بيه افتهمتي ودفعني وراح

أكرم .. يله امشينا
ورجعت للسجن مالتي واول مطبيت
لا هله بجيتج وجه البومه معودت خلصت منج ترجعين شسوي واهجج بعد كوليلي
ابو أكرم .. اهووو بدينا حسج مااسمعه
ام اكرم .. خليني احجي الضيم الي بگلبي هاي شوكت نخلص منها متكولولي شوكت
أكرم .. لتخافين مراح تسمعين حس الها واريدج تعامليها خدامه الج وحتى او ادوسيها برجليج يطبها مرض
ابو أكرم .. ولكم تخبلتوا هي تايهه
أكرم .. اي تايهه اهلها وشمروها وبعد ميردوها وتبقى هنا خدامه الي ولأهلي واذا فتحت حلكها اكطعها

موج .. صفنت عليهم وهمه يبعون ويشترون بيه سكتت وبس دموعي تنزل وصعدت واول مطب اكرم قفل الباب
ونزع الحزام
عفيه لتضربني والله جسمي يوجعني والله ماكو مكان صاحي بيه ارحمني
أكرم .. بنت الگلب انتي الي بكد الفصمه تلعبين عليه اغاتج وناس كبار العب عليهم لعب
موج .. شلعبت
أكرم .. تهدديني وتلزميني من ايدي التوجعني وتخليني اطلكج
موج .. فوكاها تحجي انت الي غلطان شتتوقع من مره تشوف رجلها جايب وحده موزينه ومنومها بفراشها اني صوجي مفضحتك بوقتها صوجي والله
أكرم .. مو اني الي اتهدد من مره ومنج انتي بالذات رجعتج حتى ارد الي سويتي الي خليتيني صغير كدام صاحبتي وفوكاها شهرتني كدام اصدقائي
موج .. تستاهل هي وحده موزينه شتترجى من هيج نماذج وتعال كولي شون كدرت تدخل لبيت اهلي لحد هسه عقلي ميشيلها منو ساعدك اكو شى مداافهمه

أكرم .. اني الي اريده اسوي وجان لازم اردلج الي سويتيه بيه واليوم اطلع حليب امج من خشمج ورجفت ذيج الايام وضيمها اله اردها الج خليتي الكل تضحك عليه وتكول عليه مخنث مكدر على زوجته وهددته وطلكها
موج .. لك انت واحد مريض والله مريض غلطان بحقي شتريد اصفكلك لو اكولك عااشت ايدك ابقى ويااها

بعدني ممكمله الكلام واشتغل الحزام وهو جلد طبيعي كطعني

أصبحت والله في مضيق
هل من دليل إلى الطّريق
أُفٍّ لدنيا تلاعبت بي
تلاعب الموج بالغريق

انضربت وانهانيت بانواع الاهانات وختمها
تعاالي اليوم العب بيج لعب وكطع ملابسي ومثل كل مره بس هلمره ابشع اغتصبني بحقاره وكل ميتقرب مني يضربني وكان يتلذذ ويشوف الدم بجسمي وصلت مرحله من يضرب مااحس لحمي مكطع ومااحس بضربته ولا بحركاته وانفاسي ضعفت من التعب والالم واني احجي بصعوبه كافي عوفني راح اموت مدااتحمل وكل مااحجي يزيد ويأذيني اكثر لحد ما شافني بديت افقد ومااحس بلي يسويه من اذيه وحقاره وبشاعه  كام مني لبس هدومه وعافني وطلع

بقيت على نومتي بالكاع مصلخه وكلي دم وهدومي مكطعه مااعرف كم ساعه لحد مكدرت افتح عيوني وازحف للحمام مكدرت امشي ازحف ومعطت ولا طلبت النجده من احد لان وصلت مرحله اتمنى اموت بأيد اكرم واخلص من هاي العيشه الحقيره
بقيت ايام تعبانه ونايمه بالفراش وهو اجه ثاني يوم اخذ ملابسه وطلع سفره لتركيا ويه جماعته اجتي امه حتى تشغلني من شافت وضعي سكتت لان حست واصله مرحله يمكن ضربه بعد واموت وتطلع روحي وتمنيت يسوها واخلص

عشت اسبوع بجحيم بين الالام جسمي وبين االجوع لان عمتي تطبخ وتصب لعمي وتاكل والباقي تذبه بالزبل والثلاجه تقفلها واني كوه امشي ويرادلي اكل حتى اتقوى وعمي كل ميسأل عني تكوله اكلت ونامت واخاف اكله الحقيقه لان بس يطلع تأذيني وصلت بيه المرحله ادور بالزبل على اكل واكل صمون يابس لو بقايه الاكل
ااااااه ياغيث تعال شوف حبيبتك شصار بيها شسوه بيها الزمن وانت بعيد

وصار ١٥ يوم من رجعت وبيوم اندكت الباب وجان تطلع اختي مروه من كثر ممتعذبه حضنتها وبس ابجي بهستريا

مروه .. اسم الله گلبي على كيفج فدووه راح تموتين
موج .. اني ميته مراوي ميته والله تعالي شوفي حال اختج انذليت والله
مروه ..ياعيني عليج والله امي واني گلبنا نار عليج وعرفنا متأذايه
كوليلي شون كدرتي تجين
مروه .. امي وصتني وبحجه الدرس الخصوصي اخذت الخط مال صديقتي وجابني هنا وهمه ينتظروني جوه مااكدر اتأخر بس ردت اشوفج وارجع حتى اطمن امي بس وضعج مأساه شننو هذا الزراك وهذا الضعف عبالك ميته وتمشين
شراح اكول لأمي اذا اني مدااصدك الي شفته

موج .. كوليلها بخير لتخوفيها فدووه ليصعد سكرها وتتأذى
مروه .. اليوم ارجع لأخوتج واكولهم روحوا شوفوا اختكم شمسوين بيها ذوله ناس الله ميعرفوه شنو حيوان عدهم ويعذبوه

موج .. ايااج تره والله يمنعوج من المدرسه ومراح يهتمون بيه لو اموت وكالها الي بشار حتى لو يموتج لتفكرين تتصلين بينا اهلج تبروا مني وانتهيت بالنسبه الهم

الوحيده الي راح تتأذه انتي وامي اسكتي اقلها اكدر اشوفج بين مده والثانيه
مروه .. حضنتها وابجي ااخ شنو الظلم الي صارلج
موج .. هاي قسمتي والي الله
مروه .. هاج گلبي
شنوو هذا
فلوس امي دزتهم كالت اخاف تحتاج شى تعرف راح تتأذين وضعج يتأزم
موج .. مااريد كولشي مااريد بس تدعيلي
مروه .. هاج فدووه ولتعاندين
موج .. اخذتهم لان صدك محتاجتهم
مروه .. شخبار غيث معرفتي شى عنه
موج .. ااااه لجمتي گلبي بسؤالج عنه
مروه ... طلع لو بعده
موج .. اذا على حسابي بعد شهر ويطلع
مروه .. واذا طلع شراح تكوليله وخاصه اذا شافج هنا بيت اكرم
موج .. حايره وبين نارين نار حبه واريده يخلصني من الجحيم الي اني بيه ونار خوفي عليه لان بعد موقفه الاخير من زوج اخته شفت وجهه جديد عمري مشايفته شفت واحد عصبي ميتحكم بتصرفاته ويكدر يقتل بسهوله اذا تعصب وموبعيد اذا عرف بلي سواه اكرم يكتله وراح اخسره للابد وحرامات واحد مثل غيث يخسر عمره لخاطر واحد تافهه مثل اكرم
مروه .. حددي وضعج تره الجاي اصعب من الراح والله يعينج على مابلاج .. كروب قصص غزوان علي
طلعت اختي واخذت الفلوس وبس نامت عمتي وعمي عدهم طبع لازم ينامو الظهر اقل شى ساعه لبست عبايه اسلاميه ورحت للاسواق اتسوكت كيك وعصاير ونساتل وحتى صمون ورحت لصيدليه قريبه حجيت للصيدلانيه بس كتلها وكعت هي عرفت دااكذب وانطتني علاجات وعصارات وحبوب مسكنه ورجعت ركض وضميتهم الفلوس الي اجتني من امي انقاذ اليه واله جان متت من الالم والجوع وبديت اكل بالغرفه واحاول اقتصد حتى ليخلصون واستخدم العلاج وقت بوقته لحد مبديت اتحسن وصحتي صارت افضل وطول هاي المده اكرم ماكو بس سمعت امه تحجي ويه عمي تكوله عوفه شرايد منه خلي مرتاح من وجه الفگر الي يمه والله ياريت ميرجع والله رحمني وشهر مبين اكرم واستعاديت عافيتي بس الي متخاف من ربها متركتني وشغل وكراب ورزايل بس اقلها كمت اكعد اكل وياهم غصب عنها لان عمي مياكل اله اني كاعده

واحنا كاعدين ونسمع مزيقة والدنيا ظهر كلت منو هذا الي يتزوج الظهر وابتسمت وجان تصير طلق وهوسه عمي طلع واحنا بقينا ننتظره ورجع يركض
هاا عمو منوو اتزوج
ابو أكرم .. هذا غيوثي طلع من السجن
موج .. نبض گلبي بقوه وحسيت هوا ماكوو ومااعرف شصرف افرح احزن مااعرف شصرف بس صعدت ركض للسطح اريد اشوفه اريد املي عيوني منه مدااصدك واخيراً طلع حبيب روحي شكد مشتاقه لشوفته

ام اكرم ..  لا هله جنه خلصانين منه
ابو أكرم .. ام لسان روحي بدلي وامششي نتحمد للناس بسلامة ولدهم
ام اكرم .. عوووع اني اروح لذوله خلي يولون هو شنو جاي من الحج واروحله لو ما سجن وجان مسجون وقاتل وتعال كولي موو اختهم هسه ميته على شنو هاي المزيقه والطلقات ناس حتى للحزن ماعدها احترام

ابو أكرم .. هذوله اصدقائه همه حبوا يحتفلون برجوعه وهو مقبل وشويه وسكتوا من فرحتهم وحبهم اله نسوا وفاة اخته لهذا دكو شويه وراها راحوا واتعذروا من اابو زيد وهو هم كلهم حقكم صديقكم وفرحانين برجوعه هسه يله امشينا انروح كافي لغوه الجيران كلهم يمهم

ام اكرم .. مااروح روح وحدك
ابو أكرم .. امشي يامره مو طكت مرارتي منج ومن لسانج امشي لو متمشين اله بالاهانات والعياط
ام اكرم .. لتعيط اجيت وهاي البومه شون بيها
ابو أكرم .. شكوو عليها قابل اول مره تعوفيها وحدها يله استعجلي

موج .. صعدت بالسطح واني اشوف غيث بالباب والناس تحضن وتبوس بيه واحس روحي طايره عليه وابجي من الفرح لوبيدي اركض بنص الناس واحضنه واشمه واكوله يارويحتي ياانفاسي تعال شوف حال حبيبتك شصار بيها بدونك واني ابجي وجان يرفع راسه غيث لمحني من بعيد وتفاجأ بوجودي وبقى مصدوم واني نزلت راسي بسرعه

غيث .. اليوم طلعت من السجن قبل متنتهي المده ب٢٠ يوم بالفلوس طلعوني واجوي اصدقائي فرحانين بطلعتي بست اهلي وابويه واخويه بس روحي تلوب على انفاسي جان امنيتي تعرف بطلعتي طول هاي الايام نوم ماانام لان اتصل بيها ومغلق تعبت واني انتظر ولو رساله منها والقلق عليها سيطر على ايامي واليوم صار بسنه عليه

ومن طلعت لو بيدي اركض لبيتهم واكولها طلعت امواجي  وكلها ايام وتصيرين الي واني باب بيت اهلي بيه سوله اارفع راسي على سطحهم لان جنت دوم من افوت لازم اباوع وباوعت واشوفها واكفه احس دم براسي ماكو والدنيا افترت بيه هاي شسوي هنا شجابها كمت ارجف شرجعها الناس تهني برجوعي وخطار والعشيره واصدقاء ابويه وزيد والدنيا مگلوبه واني مو يمهم يم المصيبه الي شفتها

سويت نفسي اريد اروح للحمام لان ماكو غير طريقة انهزم منهم واتصلت بخالد لازم يعرف شى لان هو واكف بالباب ويه جماعتي بس مااكدر احجي ويااه وحدنا
الوو خالد
خالد .. هاا ولك شبيك موجنت يمي شجاك تعال اطلع
غيث .. ابتعد من الكل وجاوبني
خالد .. بعدت خير ولك موو طبيت تسبح وتطلع
غيث .. موج شسوي يم اكرم تعرف شى عن هذا الموضوع
خالد .. هاااا مااعرف
غيث .. كمت اعيط لك احجي الصدوك لا وروح اختي هسه اخذ سلاح واخرط بيتهم وبيت الخلفها
خالد .. اعصابك ولك تعلمت على السجون والقتل
غيث .. احجي

خالد .. اي رجعت لكرم صار شهر وسمعت الخبر من امي من شافت ام اكرم بلسوك وكالت رجعها على ذمته هي على اساس مخابرته وكايلتله رجعني مااكدر اعيش بلياك وهو مستخطيها ومرجعها اني مااصدك بحجي هاي السعلوه بس مره شفتها طالعه الظهر تتسوك وعرفت صدوك راجعه

غيث .. وكع التلفون من ايدي بالحماام واحس روحي طلعت وگلبي كام ينبض الف بالدقيقه والنار شبت بصدري اليوم لازم افتهم شرجعها  وركضت للسطح وسويت الدرج خطوه وحده من الاعصاب وطفرت على سطحهم اعرف عمها وعمتها يمنا شفتهم وتحمدولي بالسلامه وامي سألت عن اكرم وكال ابوه مسافر يعني متأكد هي وحدها بالبيت دورت عليها بالسطح ماكو

موج .. من شافني غيث خفت ونزلت اركض احنا دوم باب السطح انعوفه مفتوح وباب غرفتي قريب على السطح وطبيت للغرفه ابجي وارجف واندب حظي الي مشاف يوم حلوو ولا راح يشوف يوم حلوو وفوكاها خسرت حب عمري شراح اكوله شنو حجتي ومااشوف غير باب الغرفه  بقوه تنفتح ويطب غيث وكفت على حيلي ومرعوبه

يتبع .....