رواية بين العقل و الطريق الفصل السادس والعشرون 26 - بقلم غزوان علي

بين العقل والطريق
للكاتب غزوان علي
البارت الخامس والعشرون

موج .. غيث نفس غيث
مروه.. لا اخوه التوم
اي اكو غيره
موج .. شجابج عليه
مروه.. هاي الاشهركلها يجيني كل شهر مره يمريسأل عليج
موج .. وليش محجيتي صار ٥ اشهر نتواصل
وشون وصل الج
مروه..بيوم كاعده بالكافتريا واشوف ولد. يسلم
غيث .. شونج مروه
مروه .. غيث موو
غيث .. ماشاء الله ذاكرتج قويه
مروه .. شون انساك تفضل بشنو اخدمك
غيث .. معرفتو شى عن موج
مروه .. لا والله واهلي متخبلين ودوم يدورون عليها توقعت تنساها وتعيش حياتك تفاجأت من شفتك تسأل شون عرفت مكاني
غيث .. بعد ماحرت وين ادور عليها مبقيت مكان اتذكرت بالفتره الاخيره الي ارتبطت بيها بموج جانت دوم تحجيلي عليج وشون علاقتها طيبه بيج من دون خواتها وتخافين عليها وتسألين لهذا طلبت من صديق يتحرى عن عنوانج توقعت مبطله ومتزوجه لان هاي سوالف ابوج الحمدلله بعدج طالبه وكدرت اوصلج
مروه .. هههههه صاير محقق
غيث .. شسوي موبيدي
عوفها غيث وعيش حياتك وانسى اختي تره طريقك غير طريقها
غيث .. اعرف والله بس الخوف عليها مسيطر اكثر عليه من حبها اني اعرفها فقيره ومدبر شى ومطالعه وحدها بيوم شون تكدر ادبر امورها وهي بحضنها طفل شايفه الاوضاع هي الي بين اهلها وناسها مكعد تخلص من التحرشات والتعدي موعاد شابه وحدها وماكو رجال وياها تتوقعين يرحموها
مروه .. كمت ابجي الله شاهد لاليلي ليل ولا نهاري نهار اني وامي ميتين من وراها نتمنى بس على الاقل نطمأن عليها ميته عايشه

غيث .. هذا الي مخوفني لهذا دادور عليها ياريت بيوم اكدر اوصل الها
مروه .. ومن يومها كام كل شهر يمر يوم يسأل ويسلم ويروح بعد ملتقيت بغيث بشهر انتي اتصلتي ومكدرت اكولج كلت اخاف تحن وترجع
موج .. شحن يمخبله بله احد شافه وياج مو راح تخسرين مستقبلج
مروه .. شوفي موج اني حالياً مخطوبه
موج .. شنووو مخطوبه ومكلتيلي
مروه .. بس اسمعيني اني احب واحد ويايه بالكليه وهو هم يحبني بس جنا متفقين بس نتخرج نتزوج وجان اي واحد يحاول يتقدم يخربها تعرفين بس يتقدم واحد ثاني يوم يبطلوني ويزوجوني بس الي صار من صارت مشكلتج وهربتي قررو يبطولني وهنا دك ولطم حرت شسويت ومفاد هو من سمع هيج اجه تقدم بس كلهم اتخرج يله نتزوج هو اكبر مني بسنه واهلج وافقوا المهم انحط برگبه رجال وهو كلهم خلي تكمل دراستها
موج .. ليش مكتيلي

مروه .. مردت احملج حمل فوك حملج وراح تكولين انخطبتي بسببي وهواي شغلات
المهم اليوم اجه غيث مثل كل مره بس خطيبي حازم شافه وضل يسأل اكل راسي كتله هذا ابن عم زوجج يسأل عليج علمود بلكت نعرف شى عنج ويوصلون للطفل
موج .. ليش خطيبج يعرف عني
مروه .. كولشي يعرف مااكدر اضم عنه
موج .. والمطلوب مني
مروه .. خابري غيث وخلي ليجيني بعد
موج .. شون اخابره مستحيل

مروه .. اترجاج موج اذا اجه وشافه حازم هلمره والله يفصخ خطوبته ويايه فدوه انقذي اختج لان هو كلي گوليله ليجي واله اتصرف تصرف محلو وحتى ابلغ اهلج واستحيت اكول لغيث وماكو غيرج يقنعه ميجي مستقبلي بيدج فدوه
موج .. ماشي لتبجين كافي اني اتصل روحي هسه وبعدين نتخابر
طلعت من الغرفه وعقلي مو براسي حتى مهدي نسيته ونزلت لكيته يسولف ويه الحجيه من شافتني اخذت علاوي ودخلت للمطبخ ورجع مهدي يحجي بموضوع الزواج

مهدي .. هااا شگلتي
موج .. ابو رقيه انت غالي عليه وماانسى وكفاتك طول عمري والي سويته ويايه وخاصه طلعت تعرف قصتي ورغم هذا بقى تعاملك طيب ويايه ميسويها اله ابن اصول وانت والنعم منك اخلاق واصول بس اني اعتبرك اخويه ومااكدر اغير وضعك بداخلي انت اخ عزيز وسند اليه واني رافضه فّگره الزواج سواء منك او من غيرك

مهدي .. جاوبيني بصراحه
موج ..تفضل
مهدي .. انتي تحبين احد
موج .. ارتبكت من سؤاله شمعنه
مهدي .. لان الي عرفته من سألت عنج بأن زوجج جان مأذيج حيل ومراحمج ومااعتقد وحده مثل وضعج تخلص اله وترفض الزواج

موج .. لا مااحب
مهدي .. باوعت بعيونها وعرفتها كذبت لان هي بيها طبيعه ترمش وتحاول متباوع بالعيون من تكذب سكتت ومكدرت الح عليها
موج .. اعذرني واتمنى متزعل مني
مهدي .. لوكايله الصدك مجان زعلت
موج .. اترجاك ابو رقيه اريد علاقتنا تبقى اخوه وبس اني ماعندي احد بالدنيا غيركم انت وخالتي ولولاكم جان الله يعلم بحالي لهذا مااحب اخسرك كأخ اترجاك
مهدي .. هذا هو ام علي المهم راحتج وتبقين غاليه عندي والي تريديه تأمرين بيه
موج .. رحمه الله والديك متقصر

طلعوا مني وهمه مقهورين موبيدي مااكدراتزوج گلبي مقفول على غيث احبه حتى وان كان ماكو نصيب بينا بس احبه ومااكدر ارتبط بأنسان غيره واظلمه ابقى هيج ويه ابني افضل گلبي ملك غيث وبس ومااكدر احب غيره ولا اتقبل بشر يلمسني غيره بس شون ارجع اتصل بيه واني تركته ليش يادنيه كل ماابتعد عنه ترجعين تذبيني عليه مكافي والله تعبت

ليتك بقيت مجرد اقتراح..
مرّ مسافراً بين أوراقي..
ولم تصادقك حروفي...
ليتك بقيت توقيعاً على كلمات عابرة ..
ولم تحتضنك دفاتري..
وليتك بقيت لحظة شاااردة
لاتهتم بك ساعاتي..
فوجودك هاجساً يؤرقني
حجب عني السعادة..
وخطوات رحيلك حفرت
في نبضي الوجع..
ليتك ..وليتك ..وليتـك..
وياااااليتني حذفتُ
المقدمة....منذُ البداية...💔

بقيت حايره اتصل يومين والقلق ماكلني اخر شى قررت اتصل بس بليل مااكدر بالنهار وصارت ساعه ١١ والتلفون بيدي وارجف بس هو رقمه نفسه لو مغيره

غيث .. كاعد بالگهوه ويه الولد بس اني بعالم ثاني
...آآآآآه ياامواجي ااااه
أسأل منو بعد عليج اووووف
واني صافن وگلت عليك اسأل منو
تذكرت اغنية فاضل عواد عليك اسأل وبقيت ادندن بيها
عليك أسأل عليك أسأل
عليك أسأل من الرايح ومن الجاي
واحن ليك مثل الراعي ويحن للناي
وگول اصبر على غيابك وفي وماتنسى احبابك
لابد ماالشمس تكسر وراها فياي
,,,,,,,,,,,,,,,,
مدام الطير مهما يغيب بلهفه يرجع لعشه
مادام الليل مهما يطول لابد ماتجي الغبشه
واظل طول العمر اهواك
انسى روحي لو ردت انساك

واني دغني بشوق واحساس وبدمعة حارة حزينه
اجاني اتصال شفته بس مهتميت لان
دائما تتصل بي ارقام غريبة علمود الشغل ورقمي متوزع ومن واحد لواحد يوصلوني ونتفق عالشغل
وضليت افكر بموج وين صفه بيها الوكت وضل هالرقم يلح بالاتصال كلت خلي اجاوب كلت نعم تفضل
وجان اسمع صوت الوو اااه صوت موج بلحظة حسيت دبت الحياة بروحي وسرى الدم بالشرايين وكررت الوو غيث اني موج ردت فعلي كانت صامته بس داخلي الف كلمه بالثانيه احساسي احساس العطشان وبوسط صحراء بلحظة احد ينطي شربة مي احسااس اب يفقد طفلته وبلحظة يلكاها حسيت اريد احضن الالووو بس معرفت شون

موج .. الووو
غيث .. وكفت على حيلي موج هاي انتي عرفتها بس من كلمه الوو مالتها الكهوه هوسه مباشره اخذت سويج السياره وطلعت والولد يصيحون يمعود وين رايح حتى وجهي مدرته احجي دااسمعج لتسكتين وين انتي
موج .. تكدر تحجي
غيث .. انتي وين
موج .. مومهم
غيث .. صعدت بالسياره وكمت اعيط شنو مو مهم تعرفين شصار بيه من رحتي تعرفين حالي وضعي الخوف الي دااخافه عليج يعني هيج بسهوله درتي وجهج ورحتي زين مفكرتي بيه مكلتي شراح يصير بيه
موج .. اسمعه يعيط ومنهار كافي على كيفك ليصعد ضغطك
غيث .. طبني مرض ليش انتي خليتي صحه بيه مثل المخبل ادور عليج بكل مكان ليش هيج لييييش ولج سنتين صار سنتين وانتي ماكو حتى رقمي مغيرته كلت بلكت يجي يوم وتتصل يعني سنتين محنيتي مشتاقيتي لهاي الدرجه گلبج قاسي اني طول هاي المده ادور واسأل وانتي تكدرين بسهوله توصلين اليه هيج موج تأذيني انتي شنو گلبج هذا شون تحمل هاي المده كلها بدوني

موج .. خابرتك حتى بعد لتوصل لمروه اختي لتحرجها البنيه مخطوبه وخطيبها شافك ذاك اليوم وسوالها مشاكل رجاءاً لتوصل يمها بعد
غيث .. يعني جايه وره سنتين وتخابرين حتى لاوصل لأختج يعني مو مشتاقه اليه
موج .. رجاءاً غيث مو وقت هذا الحچي
غيث .. لعد شوگت وقته بعد ١٠!سنين
موج .. ابتعد عن مروه ولتروح بعد الها
غيث .. يعني هاي الفتره كلها مروه تندل مكانج
موج .. لامتندل بس اتصل بيها بين فتره وفتره وخابرتني وانحرجت تكولك
غيث .. وين رحتي شون كدرتي بهاي السهوله تروحين ويه منو انتي
موج .. ويه ناس طيبين وحافظوا عليه وعلى ابني الحمدلله وكفهم بطريقي
غيث .. ارجعي والله تعبان بدونج ارجعي كافي تره مثل المخبل اني ادور عليج بكل مكان
موج .. انساني غيث
غيث .. هههههه مو احنا جنا نلعب ونزوه وانساج ليش هو اني لو اكدر جان نسيت والله جان نسيت بس مااكدر عبالج الحال الي اني بيه عاجبني لواني راضي عن حالي كل مااريد انساج واكول راحت واعيش حياتي اشتاقلج اكثر

موج .. شسميت ابنك
غيث .. ايهم
موج .. الله يحفظه انتبه على نفسك وعليه وعلى اسيل تره مرتك حبابه وتحبك
غيث .. لتروحين ولج منتهي بلياج كافي ارجعي والله مااخلي بشر يلمسج بس ارجعي
موج .. صعب ومترهم كل واحد مشى بطريق غير الثاني ومستحيل بيوم نلتقي

غيث .. كافي اسكتي تعبت كافي حسي كافي
موج .. سكتت عرفت شيريد لان جان دوم من يتعب يكولي اسكتي واتنفسي يحب يسمع انفاسي يكول احسهم يدخلون الرئه مالتي من تتنفسين وبمرور الوقت اني هم تعلمت اكوله اسكت اريد اتنفس واسمع انفاسه لهذا بهاي اللحظه اثنينا سكتنا ونتنفس وعبالك الهوا اختفى من الموجود وبس انفاسنا نسمعهم

موج .. بجيت بهدوء بدون مااحسسه من اشتياقي وحبي اله جانت من اصعب اللحظات الي جمعتني بيه واني اسمع انفاسه الحزينه وبنفس الوقت بيهم خوف وحب واشتياق بس مابيدنا شى غير نتنفس سوه وساكتين وكأن بأنفاسنا نحضن بعض
غيث .. اشتاقيتلج كولش اااااااااه ياامواجي شسويتي بيه من رحتي
موج .. جان لازم اروح وبقائي راح يخرب الدنيا
غيث .. ليش هسه هي مخربانه
موج .. لا وحياتك ماشيه وهادئه لتخربها بوجودي
غيث .. والله متخرب لج انتي ليش متفتهمين سعادتي مرتبطه بوجودج بحياتي
موج .. هذا الحجي بعد ميفيد انت هسه متزوج واني ابتعدت حتى حياتك تكون نظاميه لتخربها غيث وتخسر كولشي محد بالدنيا ياخذ كولشي كلمن ونصيبه
غيث .. وانتي نصيبي
موج .. جنت نصيبك وراح ميفيد بعد
غيث .. كوليلي عنوانج
موج .. مااكدر ابتعد عن النار انت تقربت مره وشفت شحصلت بس الاذيه لترجع تتقرب منها لان هلمره راح تحرك الكل كافي ياابن الناس انساني وادعيلي ارتاح بحياتي وانساك
غيث .. تعرفين كلش زين لااني انساج ولا انتي لتقشمرين على روحج ويجي يوم انتي بنفسج تجيني
موج .. انتبه لنفسك غيث
غيث .. لترحين
موج .. انت احلى شى صار بحياتي مع السلامه حبيبي وسديت التلفون وغلقته حتى ليتصل وشمرت التلفون وبس ابجي
غيث .. الووو الووو كمت اعيط وادك على الستيرن تهسترت لج ارجعي معودت سمعت صوتج بيومها انهاريت وبقيت بالشارع افتر ومخنوك ودموع بعيني مااكدر اوصل الها الله بعدها عني بس اخذت گلبي وروحي شسوي شون اعيش وانساها وكأنها مصارت بحياتي لكن انسان طاقه واني هاي طاقتي هي اول حب بحياتي وتعلقت بيها وبكل مسامه بيها احبها اتصل على الرقم مغلق اعرف بعد متتصل هي عنيده والدليل صار سنتين مفكرت حتى تتصل ياترى كم سنه انتظر بعد حتى تفكر تتصل بيه وهنا فعلاً أيست منها ومااعتقد بيوم اشوفها

موج .. بقيت ايام متأذايه من وره الاتصال وكأن واحد وداس على الجرح طلبت من مهدي يشتري الي سيم كارت جديد وكتله القديم ضيعته هو حس بيه ممرتاحه بس مااكدر اكوله الحقيقه وهو احترم خصوصيتي

ومر الشهر وبعد شهر والايام تتشابهه بس مجرد ايام تمشي من عمرنا وجنت كل مااخابر مروه اسألها عن غيث تكول ماكو مااجه بعد
وبيوم دااقري الجهال وجان اسمع الباب يندك قوي يريد يتكسر وجان البس عبايه وطلعت شفت رجال غريب وياه طفل جان يدرس عندي بس طردته لان وكح ويأذي الجهال وميخليهم يقرون تفضل اخي

انتي ام علي
اي نعم تفضل
بله انتي متستحين بايكه فلوس الجاهل وتقشمرين عليه ومدرسيه وراها اطردي
موج .. اباوع عليه مبين رجال سوقي ماعندي اخلاق وصوته عالي رجاءاً عيب هذا الحچي شنو بايكته ابنك يسوي مشاكل للطلاب ومردت ادرسه واني بكيفي
اذا بكيفج وين ٥٠ الف الي دزيتها بيده رجعيهم
موج .. اني مماخذه منه ولا فلس شنو ٥٠ الف
سمعي لج لعبالج مره وتقشمريني واستخطيج اذا مرجعتي ال٥٠ هسه اسحلج بالشارع
موج .. اني متت خوف وارجف واعرف مهدي بهيج وقت بالمدرسه وماالحك اصلاً اتصل لان هذا مبين واحد شراني وكمت ارجف واحجي دااكولك والله وداعت ابني ولا فلس ماخذه منه ابنك جذاب شوف وين ضيع الفلوس وذبهن براسي
ابني ميجذب انتي جذابه وحراميه
موج .. ومااشوف غير رسول يجي من بعيد كلت هاي هيه كملت صار اكثر من سنه مشايفته والله مخلصني من شره على حظي اجه بهاي اللحظه اكيد راح يطبك ويه الرجال ويفضحوني واني بريئه
رسول .. خير ابوحسين بيك شى ليش تعيط وصوتك عالي
هله ابو احمد هاي قريبتك حراميه وباكت ابني واليوم اله اطلع فلوسي واله العب بيها طوبه
موج .. ومااشوف غير رسول يلزمه من الياخه مالته ويعيط عليه وهذا مباشره خاف
رسول .. انجب لك شنو حراميه شنو باكت ابني شو انت صاير متستحي
رسول اخويه على كيفك خلي نتفاهم
رسول .. اسمع لك تاخذ ابنك هذا الغبي والوكح وضربت ابنه جلاق تاخذه فدصونتين وكم عوده وكم حزام هسه يكولك الفلوس وين موج اشرف منك ومن اهلك تره اسويها عشاير واكولها تعدى على حرمه من اهلنا واجه لبيتها وراد يضربها
موج .. فدوه ابو احمد مستعده اقري بلاش بس بلا مشاكل
رسول .. اسكتي انتي وطبي جوه شعندج واكفه بالباب يله

موج .. طبيت اركض لان صوته عالي طلع المنطقه كلها والناس كلها تباوع وتهدي برسول واباوع من وره الباب واشوف ذاك يتعذر واحسبها عليه مو قصدي
اسمع ابو حسين وانتم كلكم تسمعون هاي المره كرايبي والي يمسها يمسنا اني واخويه مهدي والي يتعدى عليها احركه واحرك اهله يله اخذ ابنك ومااريد اشوفكم هنا ناس متستحي

اباوع الناس كلها تخاف منه لان هو ايده والضرب ابد ميتفاهم وابو مشاكل لهذا العالم تتجنبه بس بوقتها صفنت شون ساعدني وكف هذا الرجال عند حده الله اعلم شجان ناوي يسوي ليش ساعدني وديروح جان اصيحه ابو احمد
رسول .. خير محتاجه شى اكو احد مضايقجً
موج .. رحمه الله والديك شكراً على مساعدتك
رسول .. حاولي هيج نماذج لتستلمين جهالهم لان الجهال والاهل بس المشاكل وراهم
موج .. والله مااخذت فلوسه
رسول .. اعرف يله سدي بابج واكعدي وشتحتاجين كولي اخويه ابو احمد موجود
موج .. والنعم منك دااسد الباب جان يكول ام علي تفضل
رسول .. اعذريني جانت لحظه شيطان وياريت تبريني الذمه
موج .. حجاها وصدمني حسيته ندمان بس شون رسول مستحيل بقيت صافنه بس كتله مبري الذمه وراح بقيت ساعات اريد استوعب الي صار مدااكدر هذا شغيره

نوريه زوجة رسول ... اي عيني كالولي رجلج صاير شقاوه يدافع عن ام علي شنو صيده جديده
يامره استحي شويه تعرفين بيها كرايبي
نوريه .. بس بدون رجال وكاعده وحدها وهي ليش مبقت ويه امك هاي تريد تلعب براحتها بدون رجال والله اعلم بليل المن ادخل لبيتها
رسول .. جريت شعرها وكتلها اذا جبتي طاريها بكلمه اكتلج خلاص
نوريه .. هد شعري شجاك تخبلت موجنت تموت منها بس لاحبيتها من عزه الي عزاج نوريه
رسول .. هاي المره كالت الي حجايه خلتني اصحى على زماني كالت الحوبه تبطي ماتخطي وانت عندك بنيه خاف بيها لدور الدنيا ويصير بيها شغلات موزينه ومن عدها كمت افكر واخاف ولج يامره ربج منتقم جبار استري علينا كافي هتك بأعراض الناس واتهامهم بالباطل بعد مااريد ابد اسمع صوتج ولا تحجين على اي وحده وموج مره شريفه وراقبتها اشهر وماشفت شى عليها وهي اشرف من الشرف صيري عاقله واتذكري عندج جهال لارب العالمين يعاقبنا بيهم
نوريه .. اسم الله على جهالي شعندي غيرهم
رسول .. لعد جري عدل وضبي لسانج

موج .. دااحجي ويه مروه جان تكولي عندي خبر محلوو وراح يزعلج
خير ولج شكو ياستار
مروه .. ابو زوجج ابو اكرم انطاج عمره
موج .. لا عمي ثابت لااله الا الله وكمت ابجي جان خوش انسان
مروه .. اي والله واهلج راحو للفاتحه كولش مقهورين وتقصدت اروح للفاتحه وشفت عمتج خرب عرضها ولا يهزها موت شنو من جبروت عدها
موج .. ربج قوي يجي يوم ويكسرها بس والله موتيني قهر هسه من كتيلي اتمنيت اشوفه ويشوف علي بيومها سويت ثواب لعمي جان خوش انسان الله يرحمه عمره مأذاني وهو الي خلاني اكمل دراستي وياما وياما وكف ويايه ضد زوجته وابنه الي ميخافون الله لو ميته ام اكرم ولا هو
الله يرحمه

ود.. مرت اشهر واني يوم اضحك ويوم ابجي وقضت العده مالتي واني بين اربع حياطين وغير النت والفيس رفيقي سويت فيس وادخل كروبات ويه البنات اقضي وقت شو لاتعيين ولا طبه ولا طلعه وين اروح مرات صديقاتي بالجامعه يتراسلون جانت صديقتي مريم الي تخرجت ويايه شاطره وطلعت من الاوائل تعينت معيده تستاهل خوش بنيه ومره كعد نسولف وجان تكول

اليوم الاستاذ هشام تعب ونقلوه للمستشفى ضغطه صاعد ومتخربط حيل
ود.. لزمني گلبي رغم كل الي سواه بعدني احبه طفرت شبيه عفيه
مريم .. هاولج بعدج تحبيه
نور.. شفتيها شون كمزت عليه
ود.. مو وكت نصبتكم هسه كولي مريم بيه شى
موكتلج الضغط صاعد عنده واتخربط ولو تشوفين الطالبات ماتن عليه لوبيدهن هنه يشيلنه يبوو كلها تتراجف هلمره جعلته اخويه طالعله شيب صفح ومصابغه ومغير التسريحه صاير يجنن

ود.. انتي كعد تحركين اعصابي مووو
مريم .. وعلى شنو احرك اعصابج انتي موكلتي ميهمني وبعد مااحبه ونسيته ولتجيبين طاريه ومااريد اسمع شى عنه
ود.. اكولج هو تزوج خطب
مريم .. هاي البنيه موطبيعيه
نور دحجي مريم اتزوج
مريم .. لامتزوج ولا خاطب ولا مرتبط ابشرج وهذا الي مخبل البنات يروح بطريقة ويجي بطريقة واتصوري زير النساء هشام باشا ميباوع ولا يهتم لأكبر بنيه والله لوكالوها الي قبل كم سنه يمكن اموت ضحك جان ولاوحده تفلت منه
ود.. كافي سدو الموضوع اني رايحه
نور.. وين بعد وكت
ود.. تعبانه اريد انام باي
ليش طلك اذا بعده لحد الان متزوج صار اكثر من ٥ اشهر من انفصلنا وهو حتى مفكر يخطب وامه شون عايفته كل هاي المده بس هو شبيه گلبي نار عليه
هشام ... بعد ود وفراكها دخلت بحاله من الكآبه والعزله كمت مااهتم لأحد من الدوام للبيت ومن البيت للدوام واكثر الاوقات وحدي ومنعزل ومااحب حتى احد يحجي ويايه اهلي عجزوا مني من كثر ميطلبون ارجع مثل الاول بس بعد ميفيد وحتى صحتي كامت تتدهور وضغطي يصعد واتخربط لان تعبان نفسياً

وبيوم دااگلب بالفيس وشفت اشخاص قدتعرفهم طلعلي غيث اخو ود دخلت للصفحه الشخصيه وشفت ناشر صوره والكل معلق كلت اكيد ود وياهم مااعرف شون اجاني هذا الاحساس وبقيت ادور تعليق تعليق وجان الكف فيس اسمه الطائر الحزين وكاتبه منور غتو حبيب اختك كلت هي ماكو غيرها طبيت للفيس مالتها واشوف كله عباره عن اشعار عن الحب والخذلان والالم شفت التعليقات ويه صديقاتها صح مابيهم شى واضح بس اعرف حبيبي مقهور وتعبان متت شوق عليها اريد اسمع صوتها تعبان محتاجها رحت ركض لبلسم
هاا حبيبي هشوم رايد شى
صفا وامج وين
صفا جوه يمه ماما عدها شغل تساعدها
جيبي اللابتوب مالتج وراسلي هذا الفيس
مال منو هذا الفيس
هشام ... مال ود
بلسم ..شنوو ود وشمعرفك
مالج علاقه راسليها واحجي وياها كام
بلسم اشتاقيت الها مووو
هشام ... تراسليها لو اصيح صفا ادبرها احسن منج
بلسم .. لاعيني راح تشوف شون ابدع بس ايدك على حمره
هشام ... حمره شنو
بلسم .. شوف هشو عاجبني فستان ب١٠٠ الف امك انطتني ٧٥ وكالت انتي جملي ٢٥ وتعرف المصرف ميكفي ملازم ولبس
هشام ... بجت بوجهه الله هاج فضينا
بلسم .. هلا هسه تدلل
وراسلت ود

ود.. كاعده اتصفح وجان تدخل بلسم على الخاص مصدكت وبقت تسلم جنت حيل مشتاقه الها ولج بذاته هيج تنسيني
بلسم .. شون انساج والله گلبنا نار عليج ومتعرفين معزتج شكد افتحي كام خلي اشوفج حليانه سمنانه
ود.. يمعوده شحالني جني فزاعه
هشام ... اتذكرت من تكول فزاعه واشيلها وابوس بيها واكولها احلى فزاعه احس گلبي يدك سريع واريد اسمع صوتها كفخت بلسم ولج خلي تفتح كام
بلسم اوكف صفح لتشوفك اول شى سدي الشاشه وكوليلها بس اعدل نفسي واجيج وخليني شويه اركز بيها شأعدل غير فلم قديم راح اكولها حاطه لاصق اسود على الكام ومديفتح لازك حيل
هشام ... اي حجه المهم اشوفها

ود.. فتحت الكام وينج شو بس سواد
بلسم .. ثواني حبي بس اشيل هذا اللاصق على الكام لازك قوي
ود.. يله انتظر
هشام ... اباوع عليها واتلمس وجهه بالشاشه اوف ياعيون وروح هشام ضعفانه وذبلانه ليش يانظر عيني هيج تعبانه اتلمس الشاشه لكل وجهه ودمعت عيوني مكدرت وطلعت من الغرفه
بلسم ..شلت اللاصق هلوو قلبي
ود.. وين صرتي ردت اسده
بلسم .. شوفي ود تكدرين اطلعين ضروري
ود.. وشبيج تحجين على كيفج
بلسم .. باجر تعالي اكو كافتريا قريبه من الكليه مالتي تعالي انتظرج موضوع مهم هنا مااكدر اسولف
ود.. اشوف بلكت غتو يجيبني
بلسم .. ضروري ود موو تتأخرين
هشام ... بقيت الليل كله اتذكر شكلها واموت قهر
ود.. ثاني يوم اخذني غتو لبلسم وبوستها وبعد السلام جان تصدمني
بلسم .. هذا كل الموضوع
ود.. انتي شكعد تحجين
بلسم .. والله طلكج لخاطرج حتى لتنحرمين من الامومه وحلف اذا حجينا الج يموتنا وسكتنا بس من شفته البارحه شون ميت ومستقتل يشوفج ومن شافج حتى دمع وراد يبجي قررت احجي والي يصير يصير

ود.. وين شافني
بلسم .. حطينا اللاصق حتى يشوفج وضل يتلمس وجهج اخويه يموت عليج ود وتعبان ومريض بعدج كولش وكل الي سواه حتى ليأذيج
ود.. كمت ابجي ليش هيج سوه اني اله وكمت
بلسم يمعوده يم الغيره وين رايحه والعباس راح يموتني هشام هسه شجاني وحجيت بس لو ابطل هو هذا لساني الي عاام عليه

ود.. اخذت تكسي وگبل للكليه وامشي وارجف اريد بس اوصل دورت عليه ماكو كالو بغرفته ومتغير مكانها وصلت الها ومن اعصابي مدكيت الباب مباشره فتحته وبقوه

هشام ... ود وكفت على حيلي بيج شى
ود.. احجي بعياط ونسيت اصلاً احنا بالكليه
انت منو سمحلك تتخذ هيج قرار مصيري وحدك انت بكيفك تنهي زواجنا وحبنا
هشام ... ود صوتج يمعوده لتنسين احنا بالكليه
ود.. ميهمني لا الكليه ولا العميد ولا الدنيا كلها انت شنوو هاا واضرب على صدره متكولي هنا شنو حجار شون انطاك گلبك تعوفني والله شنو ميصير عدنا اطفال
هشام ... دمعت عيني منين عرفتي
ود.. مو مهم كولي شون سويتها منين اجتك الجرئه تروح للمحكه اطلك تعال اسألني استشيرني
هشام ... درت وجهي عنها مااريد اضعف كدامها داارجف عليها ميحتاج قرار واتخذته وانتهى الموضوع
ود...لزمته حيل اندار وباوع بوجهي
هشام ... صرنا واحد گبال الثاني وشفت دموعها لا ياربي كله ولا دموعها مااتحمل
ود.. شون تعوف حبيبتك ود شون كدرت تنام بلياها شون متكولي

هشام ... والله لخاطرج حتى لتنحرمين من اهم شى بحياه المره الامومه
ود.. انت اهم شى بحياتي هشام شنو فايده الطفل وانت مو ابوه انت لو تعرف شكد احبك متأذيني هيج
هشام ... يابنت الناس افهمي اني عقيم يعني بحياتج كلها مراح تصيرين ام
ود.. راضيه بقضاء الله وحكمه واحنا لااول اثنين ولا اخر اثنين ماعدهم اطفال
هشام ... انتي هسه ماخذتج الحنيه والشفقه ومكعد تفكرين بعواقب قرارج بابا تعرفين شنو متكونين ام تعرفين معنا ان تعيشين وحدج وتموتين وحدج
ود.. زين تعرف شنو معنى اعيش بدونك تعرف شنو معنى يلمسني غيرك
ترضى واحد ثاني ينام بحضني ويلعب بشعري ترضى واحد ثاني يتلمس بجسمي ترضى
هشام ... صرت عصبي اسكتي كافي
ود.. لعد شون يجي الطفل اذا ميلمسني ويتمتع بجسمي ويشوف كل مسامه بيه

هشام ... لزمتها وخنكتها دااكولج كافي كافي
ود.. لزمت ايده وكتلها شفت لعد لتخلي واحد ثاني يلزم مرتك
هشام ... هديت ايدي منها وكعدت منهار وايدي على راسي مدااعرف افكر وهاي تحجي هيج هسترتني مااكدر اغار عليها احسها مالتي رغم طلكتها مااتحمل اشوفها بحضن غيري بقيت مدنج وجان تكعد كدامي وترفع راسي بأيدها
ود.. حبيبي عوفها على ربك ساعه من ساعه فرج لتخرب حياتنا تره اني تعبانه بدونك داموت هشام
هشام ... الله يعلم بحالي وشون اتكطع عليج ومشتاق الج بس والله اخاف تتندمين مااحب اشوفج تستخطيني وبعدين تكولين ياريت مرجعت مااتحمل ولج اموت
ود.. شوف هشومي اني مو بنتك انت موتكول انتي بنتي
هشام ... اسكتي كافي مدااكدر افكر
ود.. لتفكر ياروح ود امشي انروح لأهلي ونفهمهم على كولشي اريد ابات بحضنك اليوم مشتاقه انام وارتاح متعرف شكد تعبانه بدونك
هشام ... حضنتها حييل اني الي داموت بدونج والله داموت ود كله ولا يلمسج غيري اذبحيني ولا يلمسج غيري
ود.. لعد يله امشي ويايه خلي نفهم الكل
هشام ... وكفت وبست ايدها يعني مراح تتندمين بيوم
ود.. بله بربك جايتك اركض ودااتوسل بيك واني الي خطبتك وتكول تتندمين
هشام ... هههههههه حضنتها حيل وشميتها اوف شكد مشتاق لريحتج
ود.. صدوك تره احنا بالكليه
هشام ... هههههههه بعد وكت هسه يله دريتي همزين هذا القاطع فارغ جان انفضحنا
ود.. هههههه يله حبيبي امشي
هشام ... واهلج شون استحي منهم اخر مقابله جانت ابد مولطيفه وحتى محترمت اهلج ردت بس ابتعد حتى متعرفين
ود.. والله حييل بيك كون يرزلوك حتى تبطل تتخذ قرار وحدك هشام انت مو وحدك انت واني سوه احنا واحد اياك بيوم تفصلني عنك اياك
هشام ... بست راسها شكد احبج والف الحمدلله والشكر الله رزقني بوحده مثلج
تدرين هسه مال شنو
ود.. بيتزا وكوكا كولا مجرشه مااوصيك هم عيط هلمره متمشي عليه
هشام ... هههههههههههه اموت عليج يله امشي
ود.. ورجعنا لبيت اهلي واعتذر من اهلي وابويه رزله رزاله معدله ههههههه حيل يستاهل حتى ميسويها بعد وبقى يتعذر ويبوس راس والدي واعتذر من غيث بس غيث لعب عليه وكله الخميس تجي تاخذها يعني بعد ٣ ايام واله عقد محكمه وهو كام يكمز بس سكت ميكدر يحجي ويركض بالمعامله واني بهاي ٣ ايام عدلت نفسي استأذنت من شهد لان السنه مال حسون مطالعه وهي خطيه حضنتني وكالت لازم تعيشين سعيده ونزعت الاسود واشتريت ملابس واسيل ويايه وعدلت نفسي طلعت صدوك عروس واجه الخميس ورحنا للمحكمه ويايه زيد وغيث فدوه لطولهم احسن اخوه بالدنيا ويمشون ويوصوه عليه اكلو راسه واني اضحك واخيراً رجعت لحبيبي وميهمني لا طفل ولا اي شى المهم هو عندي كلها متهمني

رجعنا وطول الطريق يبوس بيه ومن دخلنا تفاجأنا خواته وامه وابوه بأستقبالنا ومسوين ميز كيك وانواع المعجنات والعصاير مثل الحفله الصغيره بيناتنا جانت فرحتنا جبيره كولش ومن طبيت شفت عمتي اول مره اشوفها هيج استقبلتني بالاحضان والدموع يمكن مرات رب العالمين يسبب الاسباب حتى تكون لصالحنا رغم موضوع الاطفال موضوع جبير بس بسببه حياتي صارت اهدأ وعمتي صارت كلش زينه ويايه اما الحب مالتي اويلي عشق مكضيها غزل ودلع وبوس ويمشي ويبوس ويحضن ميستحي واني اخجل مرت ايام واني صدوك بالعسل لحد مسمعنا اخوه ومرته جايين للعراق اهوو اجتي الحيه شراح يخلصها وياها الله يستر منها

شهد .. حياتي سوده بعد موت ابني مااحب اشوف احد وخاصه زيد اعتبره هو المسؤول عن موتت حسن اشهر مشايفته ولا اريد اشوفه بس مرات المحه خطف وادير وجهي جهالي متكفلتهم اسيل وياها ود وهسه ود رجعت لزوجها رجعت شوي اهتم بجهالي ياسمين وحسين وبعد مرور ٨ اشهر على وفاة حسن اجه زيد ودخل وهاي اول مره بعد وفاة ابنا نكعد وحدنا بمكان واحد

زيد.. تقربت منها وكعدت كبالها الى متى تبقين هيج
شهد .. شتريد ليش جاي
زيد.. تره تعبت والله موبس هو ابنج تره هو ابني اني هم وخسرت قطعه من روحي مكافي تعاقبيني حتى للبيت مكعد اجي لخاطر مااضوجج
شهد .. تعال احد لازمك بيت ابوك واني اخذ جهالي واروح لبيت اهلي وكمت
زيد.. جريتها وكعدتها اكعدي دااحجي وياج اليوم لازم نلكه حل للوضع
شهد .. ياوضع ادورله حل انت تحسسني عبالك زعلانين على شغله تافهه وموضوع بيه نقاش ونحله الي مات ابني انگتل انذبح من الوريد للورد وكمت ابجي لك ابني لكيتوه بالزباله مذبوح والذبان عليه ابني الي جان اذا وكعت حاجه بالكاع ميحطها بحلكه لو شميصير لان تلعب نفسه من الوصاخه لكيتوه مليان حلكه حشرات ابني الي جان عباره عن جمال وطفوله وضحكه تسوه الدنيا لكيتوه مشوه من الدم وكله من وراك كله وكمت الطم ولزم ايدي
زيد.. والله مالي ذنب والله سامحيني موبيدي او اكدر اعوف الشغل جان عفته نهايتنا بهذا الشغل بس الموت بس ذوله الاوغاد كامو ميكتلونا يكتلون اطفالنا فدوه شهد حسي بيه وبعذابي كعد اتعب اضعاف تعبج مداتحمل محتاجج والله

نام بحضني ويبجي مثل الطفل زيد بطبعه ميبجي وگلبه قاسي مو بسهوله يتأثر لأول مره اشوفه هيج منهار ويبجي بصوت وبدون توقف مكدرت اسوي شى غير احضنه وابجي ويااه خسارتنا جبيره ومنكدر نجتاز الازمه اله نكون ايد بأيد
صح علاقتي مرجعت حيل ويه زيد بس اقلها كام يبات يمنا اني كمت اهتم بالجهال
زيد.. تريدين نشيل وحدنا بيت
شهد .. لا مااريد ياسمين وحسين متعلقين بجهال ندى وابن غيث وخاصه بعد وفاة اخوهم خليهم يتربون الاطفال سوه احسن وأمن بيت جدهم
زيد.. براحتج المهم ترتاحين
شهد .. وين رايح
زيد.. عندي مأموريه مهمه بالموصل ليضل بالج
شهد .. عفيه وداعش ومشاكله والمصايب الي هناك
زيد.. لتخافين ربج الحارس بس انتبهي على الجهال
شهد .. ارجعلي زيد لتعوفني وحدي
زيد.. ادعيلي
شهد .. تروح وترجع بألف سلامه

غيث .. اسيل وينج
اسيل .. هاا عيني
غيث .. شنوو هاي الفلوس
اسيل .. هايه هايه
غيث .. احجي شنوو هاي الفلوس جنت ادور على المستمسكات مالتي ولكيتهم
اسيل .. هذوله اني جامعتهم
غيث .. شسوين بيهم المن ومنين جامعتهم
اسيل .. انت موتنطيني مصرف اصرف الي اريد واجمع الباقي
غيث .. محتاجه شى مقصر بشى اني
اسيل .. لا حبيبي بس
غيث .. احجي الصراحه ممرتاح حاسج ضامه شى عليه
اسيل .. الصراحه خابرني امين اخويه ومحتاج فلوس
غيث .. وشون تضمين هيج شغله عليه
اسيل .. اعرف متقبل وهو محتاج ومكدرت ارده وهو بالغربه والوضع تعبان وعنده جهال وماعنده احد يطلب منه
غيث .. يصير المره تضم على رجلها وخاصه بهيج شغله
اسيل .. فدوه غيث لتزعل هذا هم اخويه وياما تعب وربى
غيث .. هاي اول واخر مره اسمحلج تضمين هيج شى عليه والا متعرفين شصرف اياج اسيل تريدين شى تجين تكوليلي ارفض ينتهي الموضوع
اسيل .. صار
غيث .. هااج اخذيهم ودوله ١٠ ورقات ضيفيهم ودزيهم لأخوج
اسيل .. حضنته الله يخليك اليه
غيث .. بس لتعيديها بعد
اسيل .. والله مااعيدها صدوك غيث شصار على موج
غيث .. وشجابها بالج
اسيل .. هيج سؤال
غيث .. مصار شى وانتبهي لنفسج وبيتج وابنج وعوفي هاي الامور
اسيل .. بداخلي احجي عساها لاردت ولا شفناها

موج .. دك التلفون ساعه ١١ بليل واني بسابع نومه اباوع مروه
اهوو هاي ماعدها شغل وعمل وتريد تسولف موتدري بيه نايمه مجاوبت رجعت دكت هاي شجاها شكد تلح
هاا يمعوده نايمه شكوو
تحجي وترجف وهوسه يمها مفهمت شى كمت من الفراش فهميني شكوو هسه غير تسكت وتحجي على كيف حتى افتهم بس ترجفين والحجي سريع يمعوده راح اموت على كيفج خلي افتهم شبيج احجي
مروه ..بشار رمى طلقات على دعاء وكتلها خلاص
موج .. شنووو
يتبع .....