رواية بين العقل و الطريق الفصل الثامن 8 - بقلم غزوان علي

بين العقل والطريق

البارت الثامن

للكاتب غزوان علي

أتدري معنى أن أكون نصف عاشقة؟!!!!
أن أحلم بك ليلاً...وتكون أول من أفكر به صباحاً...
أن يرافقني طيفك طول اليوم....
أن أحبك سراً....وأشتاقك سراً... وأعشقك خيالاً....
أن أرفض كل الرجال....وأقارنهم بك....
أن أحب كل رجل سمي ب اسمك ....
أن أقف على حافة الانتصاف....
لا أنا لك...ولاأنا لغيرك....
أن أسمى فقط عاشقة....
ولا أمارس أي حق من حقوق العشاق...
(فأنا المحرومة منك).

موج .. من سمعت الخبر حسيت رجلي انشلت مااكدر لا احجي وحتى عيوني مترمش ركض عمي وعمتي وطلعوا راحو لبيت غيث اني هنا من الصدمه كعدت بالكاع وفقدت لطم على وجهي على صدري احس هاي هيه راح مني بس شكد محبيته لغيث احس روحي بعدني قويه وحسيت على نفسي وكمت على كيفي لان رجلي بعد متحملني وصعدت ليفوك للسطح بس ردت اشوفه دموعي متوكف والالم بقلبي موطبيعي ومديت راسي اوويلي من سوده بوجهج موج ردت اعيط املخ روحي واني اشوفه مدد بالشارع واهله يعيطون وينتظرون الاسعاف اخوه مموجود وابوهم خطيه ميشوف بليل

ابو أكرم .. يااسعاف تنتظروه خلي اطلع السياره ونودي للمستشفى الولد اتصفى دمه
ابو زيد ... دخيلك ثابت ابني راح يروح من ايدي
واخذوه للمستشفى والدنيا مكلوبه المنطقه بيومها محد نام واني مثل المخبله بالسطح ساعه ادعي وساعه ابجي اصلاً محسيت بروحي من كثر متهسترت
ربي دخيلك كولشي ولا غيث اخذ عمري وعوفه اني مااكدر اعيش وهو بيه شى مااكدر

ارحم بحالي اني عبدتك الفقيره اتوسلك واستحلفك بنبيك نبي الرحمه ترحم بحالي وبحال غيث وتخلي يعيش كعدت بالكااع وبس صافنه على السما وابجي واحجي ويه رب العالمين واتذكر كل كلمه منه كل ضحكه كل غزل ودموعي تنزيد نسيت كولشي حتى اسمع صوت عمتي تصيحني واني حتى مااكدر ارد عليها

ام اكرم .. ولج ثوله وينج نمتي نامت عليج طابوكه الناس كلها مگلوبه وهاي العوبه نايمه
ها حبيب امك كرومي ولك غير الطلق الي سمعناه طلع ضاربين غيث
أكرم .. ومات
ام اكرم .. لا يمه عايش بسبع ارواح عوذه
أكرم .. وشصار هسه
ام اكرم .. نقلوه للمستشفى وابوك وياهم يمه الاحسن اليوم لترجع للبيت وروح لبيت عمتك بات وضع المنطقه موامان
أكرم .. اي هم صح يله يمه اروح اني مع السلامه
شفت موكتلك العار ميموت
عاصم .. اني ارجف من الخوف وانت تضحك ومكيف
أكرم .. شون مااكيف واخذ حيفي من هذا الخايس

عاصم .. واذا احد عرف شون
أكرم .. اهووو والله لعبتها لروحي من شتعلت روحك بله متولي من يمي خلي استمتع بهاي الصبايا الحلوات احسن من وجهك الي يبجي كلنالك محد يعرف اسكت كافي دوختني
عاصم .. غير هو زوج اختي واني اكثر واحد اليه بيه اتصال وشبه عداوه
أكرم .. اذا تبقى على خوفك هذا ابشرك انلزمنا كافي انسى هسه نشوف شراح يصير ويه غيوثي هههههه

عاصم .. يمكن استعجلت جان المفروض مااسمع كلامك اذا عرفوا اكيد راح يدمر بيتي
أكرم .. بعد وكت على الندم متسكت عاصم اصلاً انت اكثر واحد جنت متحمس على الفكره ومن نفذناها كمت تجر بظهرك

عاصم .. لا اجر ولا حتى افتح حلكي واحجي بس كون تعدي على خير

موج .. بقيت للصبح بالسطح ومااعرف شصرف واني النار الي بقلبي مدااتحملها وخابرت ود.. وتبجي مو اقل مني بقينا نبجي ونحجي وصاح الله اكبر باوعت رفعت راسي للسما وادعيله
ربي اني ادري بروحي خاطئه ومو من حقي الي سويته وحبيت واني على ذمه رجال ثاني بس رجلي مو ادمي لاهو مطلكني وعايفني اعيش حياتي ولا هو مراعيني وحابته وعايشه مستقره

دخيلك ربي رغم ذنوبي اتوسل بجاه حبيبك محمد شافي وعافي نزلت على كيف للغرفه اخذت السجاده ومددتها بالسطح ماكو احد وصليت وابجي عليه
حتى متصلت بيه ود
هابشري . كروب قصص غزوان علي
ود.. شبشر وغيث حالته صعبه ولج راح يموت اخويه راح يموت
موج .. عطت بيها اسكتي غيث ميموت ميعوفني هو كلي واكيد كد كلمته اسكتي لتفاولين عليه
شون ود اريد اشوفه
ود.. شبيدي عليج تعالي شوفي وضعنا وحال البيت المگلوب وامي كل شوي تتخربط ومنعرف شنسوي وهاي شهد اتهسترت متعرف تبجي على غيث لو تسكت جهالها الي بس يبجون لو امي الي كل شويه تتخربط وضعنا كولش تعبان موج واني منهاره ومااعرف شسوي لهذا اتصل بيج
موج .. ابجي واحجي هو عمره ماعنده عداوه وهادئ ويضحك للهوا منوو النذل الي سواها

ود.. منعرف شى اروح اني لان خطار وناس بدت تجي ولازم احير بيهم

موج .. صار الصبح ومتحملت واتصلت بعمي
الو شونك عمو بشر شونه غيث احجي بهدوء حتى مااثير الشك

ابو أكرم .. والله ياعمو  بالعنايه المركزه وضعه خطر وكاعد ننتظر رحمه ربج لهذا الولد المسكين الي لابيها ولا عليها ليش هو اكو مثل اخلاقه
كمت ابجي لا والله عمو خوش ولد حرامات ميستاهل
ابو أكرم .. حقج عمي تبجين هي الدنيا كلها تبجي عليه وخاصه هو ساعدج ادعيله بنتي
موج .. بقلبي اووف ياه
عمو لوتدري داموت ويايه وروحي تحوم داير مدايره

سديته منه دخل اكرم يترنح سكران وريحه الشرب تلعب الروح ويغني
أكرم .. تعاي لج
موج .. بداخلي احجي 
ليش ماانت بمكان غيث صدوك العار ميصير عليه شى ولايموت شتريد خير
أكرم .. تعاي فركيلي جسمي تعبان
موج .. مابيه حيل تعبانه
أكرم .. شجنتي تسوين خاتون هو بس اكل ونوم
موج .. يانوم هو اكد احد نام من البارحه لليوم بعد الكارثه الي صارت
أكرم .. ياكارثه
موج .. مال غيث جوارينا
أكرم .. وانتي شعليج انضرب مات مالج دخل انجبي وحيري بيتج ورجلج
موج .. اني ضايجه وروحي بخشمي عفته ومردت ادخل بمشكله
تعالي مواحجي وياج
موج .. شوف اكرم انت سكران ومبين عندك واهس تتعارك اني بالنسبه اليه كل واهس ماكو وتعبانه لهذا اتركني احسن مما تصير مشكله
أكرم .. تهدديني

موج .. ياربي اخذ عمري اريد اخلص هو اني هددتك داكولك اني تعبانه عوفني يااخي
أكرم .. زين تعالي
وجرني من ايدي وضل يبوس ويلمس دفعته
عوفني مااريد
أكرم .. هو شنو الي متريديه قابل بكيفج
موج ..احد كلك اني حيوانه وشوكت متريد اكولك يله تعال وخاصه بهذا وضعك وريحتك
أكرم .. انتي موادميه كولشي اله بلكتل تعلمتي عليه شوتعااي

وجرني وملخ الملابس الي عليه ومارس ويه بحقاره ويضربني عدمني العافيه احس من يضرب هلمره عادي مهتميت من كثر متعلمت على الاهانات والضرب وبس ابجي حتى معيطت ولا طلع صوتي ودوم ماهو يسوي هيج ابجي وادعي رب العالمين ياخذ امانته تعبت كولش اني متزوجه اقذر انسان ماعنده رحمه ولاذره اخلاق وكام مني واني حتى جسمي مااحس بيه من الضرب وكمت دخلت جوه الدوش وابجي ماعندي غير الدموع تواسي حالي المن اشكي حالي اذا اقرب الناس الي اهلي ميسألون عليه وكلمن حاير بروحه والانسان الوحيد الي حبني وخاف عليه متدد بالانعاش بين الحياة والموت احس انولدت بس للقهر والضيم

بعدها طلعت باوعت عليه نايم نامت عليك طابوكه وخلصتني منك
بدلت ونزلت واجه دور عمتي عبالك متفقين الرجال يغتصب ويضرب ويهين والام تكمل بعده الاهانات
ام اكرم .. هايثوله كل هذا نوم
موج .. منايمه خاله جنت كاعده
ام اكرم .. فوكاها يعني جنتي تسمعيني ومتجاوبين لعد شكد اخلاق سزز وممتربايه
موج .. شتريدين عمه احجي وياها وزهكانه روحي ومالي حيل حتى اتعارك

ام اكرم .. شريد من الله ياخذ روحج واخلص
موج .. امين
ام اكرم .. وجع اي والله المهم رايحه هسه لبيت ابوزيد عيب نسوان المنطقه كلها من البارحه بليل يمهم رايحه ادي الواجب واجي
ولو معاجبني اروح بس شسوي عمج ياكل راسي

موج .. اجي وياج فدوه عمه
ام اكرم .. وين تجين وهذا حالج شوفي وجهج
موج .. شبيه تقرب من المرايه الي بالمطبخ وشفت شفتي مشكوكه وجوه عيوني زراك خفيف ورگبتي بيه طبع من اكرم وحالي تعيس
ام اكرم .. شفتي هاي جهره اخذها ويايه
موج .. غير ابنج سوه هيج كام ميستمتع اله يضربني
ام اكرم .. طبج مرض رجلك وغصب عنج تحترميه

موج .. الله مصبرج ياروح ورجعت اتوسل بيها وهي قافله وطلعت وعافتني
بقيت اتواصل ويه ود بالتلفون لمده يومين واني ميته جسد بلاروح اشتغل واسمع كلام السم مال عمتي وضيم اكرم وساكته وبس ادعي لغيث ومن اختنك اطلع للسطح ابجي وادعي

ود.. ابشرج موج صحى
موج .. فدوه متأكده
ود.. والله وداعت ماما والحمدلله عدى مرحله الخطر
من الفرح ابجي وغلقت الخط ومباشره صليت صلاة الشكر وطايره لوبيدي اركض اله واحضنه واكوله الله رحم بحالي من رجعك للدنيا

عاصم .. شفت صحى والله اعلم من يعرف شراح يسوي
أكرم .. احنا مردنا نموته ردنا نسكطه بس هو عنده حظ موطبيعي الطلقه بعد الها ملم وتدخل الحبل الشوكي جان سوته عاجز طول عمره بس ااااااخ ذوله الاغبياء مدبروها
عاصم .. اني بعد معليه اخاف الك نيه تعيدها طلعني من هاي السالفه انت ويااه بعد
أكرم .. شكد جبان لخاطر ربك
عاصم .. موجبان بس بنفس الوقت مااريد اضيع  بيتي وزوجتي واخسر كولشي لهنا وكافي واذا تريد تسوي شى اله بعد وحدك
أكرم .. جبان موبيدك
عاصم .. شسميني سمي مومهم طلعني من راسك

غيث .. فتحت عيوني وجسمي من الالم مااحس بيه ولكيت خالد وزيد وابويه وابو اكرم فوك راسي
اني وين وشصار
ابو زيد.. الحمدلله على السلامه ابني موتتنا قلق عليك
زيد.. ولك يول ليش هيج موتتني خوف هاي تاليها طلقات وتوصل للموت تريد تعوف اخوك وحده بالدنيا وكمت ابجي
غيث .. لتبجي زيودي هاي انت السبع والاسد مالتنا هيج لعد اني شسوي
ابو أكرم .. الحمدلله على سلامتك ابني والله حقهم موتتنا خوف الله رحم بينا وعشت واله انت ميت مابيها مجال
غيث .. الحمدلله على كل حال هاا ولك خالد شو ساكت
خالد .. شأحجي واني اشوف اعز صديق واعز من اخويه ديموت شتتوقع حالي

غيث .. كوه احجي وياهم
كولوا ياالله والحمدلله عشت بس كولولي الخسائر شنو ايد رجل راس
ابو زيد.. وانت بهذا الوضع وتضحك
غيث .. شسوي بابا تريدني ابجي خوفكم ومحبتكم الي داشوفها بعيونكم هسه تسوه الدنيا يله كولولي شنو الخسائر بس اهم شى رجولتي تره ورايه زواج لتصدموني
زيد.. ههههههه يول متفكر بس برجولتك
غيث .. غير اصير ماسحه اذا راحت لانفع ولا دفع
خالد ... ههههههه لتخاف كامل الرجوله ومابيك خسائر
غيث .. خوش لعد يعني اتزوج ومااخاف
ابو زيد.. انت بس أشر اي بنيه باجر بيتك
غيث .. جريت ااااااه قويه وكلت الي اريدها دربها بعيد يابه
زيد.. ضربته على ايده ولك خبل شجاك
غيث .. ااااخ ايدي شبيك ويعض بشفته زيد ضحكت اعرف خاف لان عم موج موجود عبالي بعدني بتأثير البنج
لتخاف صااحي .. بيج قصص غزوان علي
وراها طلعوا يشربون جاي لان تعبوا بقى خالد يمي

تعال خالد انطيني التلفون مالتك
خالد.. انت وين بيك حيل تحجي كوه اتجر النفس وممنوع التعب عليك

انت شمدريك شريد اسوي
خالد .. هو اكو غير تحجي ويه ست موج
انت تدري طول ماانت تهذري بس تنطق اسمها وابوك سمعك بس تكول امواجي
غيث .. هههههههه صدوك وشكال الحجي
خالد .. باع الفطير يضحك احنا اني وزيد غير نشف دمنا بس ضيعها زيد وكله بابا تعرف بغيث يحب البحر والامواج وتلكاه يتخيلهم ويصيح امواجي وينج ابوك غلس بس مااعتقد عبرت عليه

غيث .. والله ياخالد لوبيدي اخلي الدنيا كلها تدري شكد احبها بس موبيدي يله انطيني تلفونك قبل ميجي احد
ودكيت رقمها يدك ومحد يشيله مره مرتين بالثالثه صاحت الووو مو كالت الو عبالك سحبت روحي

موج .. صافنه واتذكر غيث  ودموعي بعيوني جان يدك رقم غريب بالاول مجاوبت ورجع دك وهم مجاوبت اخر شى كلت خلي اجاوب واشوف جان اسمع صوت بهدوء ركزت غيث وكفت على حيلي
انت غيث صح
غيث .. اي ياعيون غيث وروحه وانفاسه
موج .. كمت ابجي فدوه طمني ميته خوف عليك
غيث .. اششش مااريد اشوف دموع حبيبي تدرين بيه اموت من اسمعهم مااتحمل
موج .. موبيدي الخوف والقلق الي عشتهم زين ً وبعدني مميته
غيث .. اسم الله حبيبه لتحجين هيج تعرفين اذا لمسج الهوا واذاك اتأذه هاي دموعج هسه حتى اقوى اذيتهم من الطلقات الي بجسمي اسكتي اريد اسمع انفاسج كولشي مدااسمع من البجي
موج .. موبيدي والله من الخوف عليك انت زين وبقيت احجي وياه شويه بس هو تعبان كوه يجر النفس
غيث .. اني اروح حبيبي لان تعبت
موج .. روح ياعيني الله يحميك
امواجي
هااعيني
احبج وامووت عليج

موج .. بدموع اني هم احـبك واموت عليك
غيث .. من اشتعلوو هسه نطقتيها واني تعبان
موج .. ابجي واضحك بنفس الوقت ليش اشتعلوا
غيث .. تمنيت تكوليها واني بصحتي جان عطت وگلبت الدنيا وحتى اركص بنص الشارع هسه حتى عيطه مابيه
موج .. ههههههه همزين لعد قبل مكلتها جان فضحتنا يله قلبي انتبه لنفسك
غيث .. اووويلي من فدوه لحلكج انتبهي لنفسج
وغلقت الخط ومسحت الرقم وانطيت التلفون لخالد
خالد .. ها ارتاحيت ابو المصايب
غيث .. ماارتاح اذا مااتزوجها
خالد .. والله موعاقل
بقينا اسبوع بالمستشفى لحد مستقر وضعي وطلعوني واني بس اريد اسمع صوتها صح وراها خابرتها هم مرتين بس خالد كاعد على گلبي مااكدر احجي براحتي

موج .. اتصلت بود حتى اطمن على غيث ودااسولف وياها تدرين شنو امنيتي هسه
ود.. اكيد تشوفين غتو
اي والله صدوك امنيتي بس شون وبيا طريقة وخاصه عمتي مسويه حرب وحصار عليه
ود.. والي تخليج تشوفيه وبراحتج
موج .. ياريت شتريدين انطيج
ود.. ههههههه كولشي مااريد واذا اريد استغل الموقف استغل غتو مو انتي بس موهسه
شراح تسوين وتخليتي اشوفه
مالج علاقه عوفيها عليه
موج .. بعدها بساعه اجتي عمتي
ام اكرم .. يله حضري نفسج تروحين لبيت ابوزيد تساعديهم
هااااا شساعد
ام اكرم .. وجعا هاي ام زيد طلبتج تساعدين لبنات وكالت لعمج ومردها واني سكتت
يله امشي ناس متستحي

اني من الفرحه ركض بدلت وعدلت نفسي ونزلت
ام اكرم .. الي يشوفج يكول عروس يله امشينا من مشت روحج مرجعت
ولا اهتميت بكلام عمتي وكولشي اتحمل المهم اشوفه دخلت للمطبخ بوستني ود وخاله بس شهد حسيتها متفاجأه
شاورت ود ولج شنو الي سويتيه وخليتيني اجي لهنا
ود.. طلبت من ماما تجين تساعدينا بالبدايه رفضت لان تعرف عمتج حقيره بس كتلها احرجيها كدام عموو ثابت وهو خوش رجال وسوت الي كتلها عليه لان خبصتها تعبنا وخطار وهوسه

شهد .. خير شو بس تتبسبسون اكو شى
ود.. لا سلامتج بس دنحجي على عمتها ماكو شى
شهد .. شعجب اجيتي موج
موج .. ليش زعجج وجودي
شهد .. لا بس تفاجأت
موج .. حسيت شهد ممرتاحه ومگلوبه خلقتها وحتى كلامها ويايه ثكيل اول مره اشوفها هيج

شهد .. ضجت من شفتها اجتي هاي شتريد متستحي جايه وخاصه تعرف بينا كلنا ندري بعلاقتها بغيث وبقيت ممتحمله وجودها وماطايقه كلمه منها
غيث .. تعبت خطار طاب والثاني طالع اريد بس اكعد وحدي حتى اتصل بموج ماكو مجال دزيت رساله الها

لا أعلم ڪيـف بدأت قصـتي معكِ
ولڪنني أدرك
جـيدآ أنك ٲصبحتِ ٲغلى من روحي

مجاوبتني قلقت مو من عوايدها من ارسل رساله الها متجاوب

ومر الوقت وهي ماكو دكيت عليها يدك محد يشيله هاي وينها

موج .. ولج غيث ديدك عليه
لتجاوبيه ميدري بيج هنا خليها مفاجأه بس والله اخويه موعاقل يمه ناس وخطار ويدك هسه راح يدخله زيد لغرفتي ياكل وياخذ علاج ويرجعه للصاله لان الناس كاعده مومال ياكل كدامهم
موج .. زين هو يكدر يمشي
ود.. على كرسي متحرك لمده ٤٠ يوم وبعدها حركات قليله وراها يرجع طبيعي
كل لحظه انتظر بيها غيث وكأنها ساعه اشتغل وياهم بالمطبخ وعقلي موبراسي لحد مصاح زيد على ود وكلها ودي الاكل لغتو وحاولي انتي وامي تكولوه اني جاييني جماعه من دوامي مااكدر اعوفهم
وركضت ود اخذت الاكل واخذتني وحتى لأمها مصاحت
شهد .. وين رايحات
ود.. لغيث ليش
شهد .. وشعدها موج وياج
موج .. ليش اكو شى
شهد .. اعتقد ميصير واخاف عمتج تجي متكول شعندج طابه لغيث
موج .. اني مطابه وحدي ود ويايه
ود.. يله امشي قبل ليجي احد

ضجت من كلام شهد هاي شجاها تخبلت موتعرف بعلاقتنا احسها تريد تاكلني
غيث .. طاكه روحي والوب عليها صار ساعتين اتصل وهي ماكو واني مدنج على التلفون دااكتب رساله وجان اسمع الكروان مالتي
الْحٍمدلله على سلامتك ياغالي
رفعت راسي واشوفها كدامي من الصدمه ردت اطفر من مكاني حتى نسيت اصابتي وركضت ود وهي عليه لان ردت اوكع
اسم الله على كيفك لتوكع
لزمت وجهه انتي يمي صح مدااتخيل
موج .. اي يمك
ود.. شفت اختك شون تحبك جبتها ليمك
غيث .. واذا تحبيني بعد اطلعي وعوفيني وياها

ود.. صعب والله لان تعرف الكل هنا وامي اخاف تجي عيب بحق موج
صحيح غيث كلام ود
غيث .. ابقي بس ديري وجهج
ود.. هههههههه راح التهي بالموبايل واحط هتفون هم واحط ظهري على الباب حتى اذا واحد راد يدخل نعرف
غيث .. تسوين فضل
كعدت مقابيله وعيني بعينه
غيث .. ولج متت خوف عليج ادك وماكو
ردت اسويها مفاجأه الك
غيث .. احلى مفاجأه وسحبتها وبستها من راسها
موج .. عيب ود هنا
غيث .. اشش لتخليني حتى ود اطردها
موج .. هههههه فوكاها متعرف خطيه شسوت حتى نلتقي
غيث .. عوفينا منها انت شونج طمنيني
موج .. اني زينه اذا انت زين
غيث .. هسه اني ملك زماني قريبه امواجي مني وبحضني واتنفس انفاسها اكيد زين
موج .. مشفت منو الي ضربك
غيث .. ماعرف ولا حتى شفت وجوههم بس اعرفهم اله اروح اشكرهم
موج .. شنوووو تشكرهم
غيث .. غير جابوج الي وفوكاها تكولي احبك الكلمه الي صار اشهر اتوسل بيج تكوليها
موج .. هي موكلمه غيث هي احساس ومن حسيتها كلتها الك
كوليها
بعدين غير مره
غيث .. لتشلعين گلبي تره تعبان اااخ ظهري
موج .. طفرت اسم الله الرحمن بيك شى
غيث .. اوف ربي خوفج عليه ودااشوفه بعيونج جنت مستعد اشتري بعمري
موج .. باوعت ود ديره ظهرها وتقربت من اذنه وهمست بهدوء
احبك مو بس احبك روحي بيك وصرت تمشي بدمي

غيث .. جسمي مدااحس بيه من كثر الرجفه الي صارت بيه وهي تهمس وانفاسها بأذني وكلامها بهدوء ورومانسيه وجان تبوسني من خدي انتهيت
ارحميني يعني يوم متتجرأين يكون هذا وضعي
موج .. هههههه لان ضامنه متسوي شى
غيث .. سويت نفسي انقهرت منها حتى اقشمرها اني گلبي من الفرح مااحس بيه
ليش هيج لان وضعي تعبان كلتي هذا مابيه خير خلي اضحك عليه بكلمه
موج .. هاي شبيك غيث انت موقصدي والله
غيث .. لاقصدج تهينيني يعني انت مابيك خير ومتكدر تسويلي شى
موج .. فدوه افهمني صح كنت اشاقه توقعت تحب تصرفي لدير وجهك وتزعل وتقربت حيل منه دااصالحه مردت اقهره جان يجرني حيل ويبوسني من شفايفي سحبت نفسي بسرعه وشكد خجلت همزين ود ظهرها علينا وجهي من المستحى صار طماطه
ليش هيج موعيب والبنيه هنا
غيث .. يمه من فدوه للخدود الحلوات تتذكرين من كتلج اذا اشوفج وحدج وتصيرلي فرصه وياج اتجرأ اكثر احمدي ربج تعبان ومقعد حالياً جان ماابقي مسامه بيج ماابوسها
موج .. خجلت من كلامه وجرئته وكفت يله اروح اني
غيث .. وين ابقى مشتاقلج كولش وفرحان بوجودج

موج .. لازم اروح تأخرت كولش انتبه لنفسك وبسته من راسه وقبل مااطلع كتله لتعوفني بيوم تره بدونك اضيع
غيث .. للموت مااعوفج ويجي يوم وتصيرين حلالي
ود.. فضونا عاد وانت غتو كولشي مأكلت
غيث .. اكلت اكل الجنه كله
ود.. ولكم انطيتكم ظهري شصار شفاتني
موج .. كلشي مفاتج يله خلي اطلع واروح للبيت
ود.. انتظري اوكل غتو واجيج
من طلعت صارت شهد بوجهي ومتعصبه حاسه بيها شى موطبيعي وممتقبله كلمه مني
انتظرت ود من كعد تطلع سلمت على خالد وصارت وجهه بوجهه ويااه
تعاالي لج شعندج ويه خالد
ود.. والله ماعندي شى
موج .. شفتي نفسج لوبيدج تاكليه عيونج فاضحتج احجي الصراحه اني مو كولشي احجيلج
ود.. شأحجي موج اني داعيش اتعس مشاعر بالكون كلها
ليش ياستار شكوو
دااعيش مشاعر الحب من طرف واحد اني كولش احب خالد من واني مراهقه فتحت عيني عليه بس هو ولا يمه اصلاً مابيوم حسسني هو مهتم بيه دوم يعاملني اخته اواخت صاحبه مشفت حتى ولو نظره منه

موج .. وشنو الي جبرج على هذا الاحساس تدرين ابشع شى الحب من طرف واحد
ود.. اي اعرف بس مابيدي شى حبيته بعد والمشكله خايفه بيوم يتزوج
موج .. هوهذا الي راح يصير لتنسين هو موصغير وبنفس الوقت الف بنيه تتمناه

ود.. شبيدي احبه ومااكدر اوصله حبي صعب اعترفله وحتى عيب بحقي وبحق اخويه
موج .. الله يعينج قلبي
غيث .. ولك خالد طاير من الفرح
خالد .. اعرف شفت المحروسه بره والله انتم اثنين مخابيل تلعبون بالنار
غيث .. هو الحب حلاته بناره
خالد .. اني هذا الكلام مااعترف بيه هي ميصير تتصرف هيج شنو نست نفسها
غيث .. مااريد كلمه موزينه عليها تره صح انت اعز اصدقائي وبعزيه اخويه بس مااحب تحجي عنها بالموزين
خالد .. اسكت احسن يله اجيت اشوفك عندي كم شغله وبليل اجيك

غيث .. صدوك خالد اريد باجر تودي ود للكليه مالتها عدها ملازم وشغلات بس تستلمهم من ابنيه وياها وترجعها شفت حالنا وزيد ميكدر يعوف البيت يوميه خطار جماعته وجماعه ابويه وجماعتي وخابرت الخط مالتها سيارته عطلانه وهو هذا اصلاً مااحبه لازم اشوفلها غير خط
خالد .. عادي اوديها المهم متتأخر
غيث .. لا متتأخر
ود.. سمعت خالد صاحني وگلبي رجف
كلي غيث عندج شغل بالجامعه باجر امر عليج الصبح اخذج ونروح بس موتأخريني عندي شغل مااكدر اتأخر
ود.. لا ماأخرك ساعه ٨ الصبح تلكاني بلباب
خالد .. جيد يله رايح اني
ود.. الله وياك
رجعت اركض لموج ولج يمه گلبي مدااتحمل
موج .. خبال شبيج
باجر اروح وياه للكليه هو يوصلني راح اصبح بوجهه موج انتي وجهه الخير عليه
موج .. ههههههه شعليه اني وكلج راح اوصلج للكليه مواتزوجج
ود.. اوف متعرفين الي يحب من طرف واحد لوكلمه شونك تهز كيانه وربج مو اوصلج
موج .. ليش متحاولين تنسيه اذا انتي تعرفين ماكو امل
ود.. وهذا شسويله گلبي متعلق بيه من اني وصغيره اني صار ٧ سنين احبه وتكوليلي انسي اسكتي موج فدوه
موج .. خلي اسكت انتي واكعه وكعه معدله يله اروح للمهجوم مالتي والجحيم مال عمتي اكيد راح تستلمني من الباب انتبهي على غيث
ود.. لتنسين هذا اخويه وحبيبي
موج .. لا حبيبج خالد .. كروب قصص غزوان علي
ود.. اويلي ربي گلبي ينبض حتى من اسمع اسمه
موج .. ههههههه الله يعينج باي گلبي
وطلعت مرتاحه وفرحانه واستقبلتني دنيا واني بالكراب اهوو شجابها هاي تكول مقيمه عدنا
بعد وكت جان بتي يمهم

موج .. وعليكم السلام اقلها سلمي
دنيا.. حلتلج الكعده هناك مووو
شنو قصدج تره مواني الي رحت امج هي الي طلبت مني هذا الشى وخري من دربي اريد اصعد ارتاح
دنيا.. ماكو راحه وراج شغل
موج .. احد كلج اني الخدامه مالتج
دنيا.. اي الخدامه وادوسج بالقندره على راسج
متحملت كلامها ضربتها راشدي ومااشوف غير عمتي ودنيا يهجمون عليه حتى جهال دنيا. بكل مكان يضربوني اريد ادافع عن نفسي مااكدر دنيا اضخم مني مثل اخوها ضخمه وايدها مال رجال كطعوني وعياطنا اخذ الدنيا
اجت جيرانه ام احمد وام خالد يركضون وعمي وابو زيد كوه كوموهن مني ودخلوني جوه واني حالتي حاله هنا اتهسترت وكمت الطم ولكم حرام عليكم اني بشر من لحم ودم ارحموني ممسويه شى الكم ليش هيج تأذوني
ابو أكرم .. بنيتي على كيفج لتموتين
عموو اني اًريد اموت والله تعبت حرام ارحمو بحالي لا الرجال زين ويوميه يكومني بكتله ويكعدني بكتله العمه تشوف دم سنونها ومتشوفني وبنتك مسويه تحالف وياها انكتل وساكته ومسويني خدامه وساكته ترزل وتهين وساكته الى متى عمو والله تعبت ارحموا بحالي
ام اكرم .. هاي يساقطه طلع صوتج
موج .. ابجي واعيط ليش ساقطه شفتي عليه جبتيني من بيت الكل تحلف بشرفه اني مسويت شى بنتج استلمتني من الباب ترزل وتغلط واني اكبر منها حتى محترمت فرق العمر وفوكاها من ضربتها لان تجاوزت عليه استلموتني فشار وضرب مكافي متعبتوا صار سنين شابعه ضيم وياكم وساكته الى متى مشتكيت بيوم وحتى من تغلطين عليه اكول بمقام امي واسكت وحتى اكثر مشاكلي ويه اكرم انتي تحركي عليه ارحميني كافي والله مالي ذنب شكد حاولت اتقرب منج وانتي يوم بعيد يوم تأذيني

ابو زيد.. من رخصتك حجي اكدر اخذ موج اليوم تبقى يم البنات
ام اكرم .. ماعدنا بنات يطلعن تنجب وتكعد بيت رجلها
ابو أكرم .. مشكور اخويه ابوزيد بس اذا طلعت عيب بحقي وبحق رجلها
ابوزيد .. بس انت كاعد تشوف حالها وضعها
ابو أكرم .. اني هسه اهدي النفوس لتقلق
ابو زيد.. الله يهديهم بنتي اني هم مثل ابوج شتحتاجين تعالي من رخصت الحجي طبعاً
موج .. نزلت وجهي مستحيه من العالم
بس طلعوا عمي باسني من راسي وتعذر مني صعدني فوك واسمع يعيط عليهم وحتى دنيا طردها من البيت ووشمرت نفسي على الجربايه واندب حظي وادعي حتى على اهلي الي شمروني

واتصل غيث الليل كله يدك مشلته مااكدر احجي بس ابجي مكافي الي هو بيه اجي ازيده
غيث .. سمعنا عياط وصياح ومن راح الوالد رجع وحجالنا تخبلت ردت اكوم من الكرسي لوما زيد لزمني وانتبه عليه ابويه وامي وتفاجأوا بردت فعلي بس سكتوا تقديراً لصحتي بس اعرف الوالد مستحيل يعبرها وراح ينتظر الوقت المناسب ويفتح الموضوع بقيت الليل كله ادك عليها ارجف اريدها بس تجاوب ودزيت اكثر من ١٠ رسائل بس اريدها تفتح الخط اخر شى وصلت رساله وحده منها

اني تمام ليضل بالك احبك
بسبب كلامها صرت نار اكثر وحتى منمت واني افكر شون اخلصها منهم واتزوجها وللصبح كاعد

ود.. كعدت الصبح وطايره من الفرح بدلت وكشخت على اخر حبه اني مااحط مكياج هوايه واني ممحجبه ولبسي حلو ومرتب لبست تنوره قصيره بس موحيل تحت الرگبه وقميص نص ردن وفتحت شعري نص ومكياج خفيف واكسوارات بأيدي زناجيل ناعمه وعطر حطيت ترست روحي تكول متواعده ونزلت انتظر خالد
دك هورن طلعت اركض وفرحانه
خالد .. نزلت ود وشفتها تفاجأت بنزاكتها واناقتها عجبتني وعطرها يجيب التايهه كعدت بصفي
صباح الخير
خالد .. صباح النور

اسوق واباوع مااعرف ليش اتجرأت اباوع عليها اني من الاول عيني عليها وخاصه من كبرت ودخلت الكليه احسها بأتجاها مشاعر حلوه وبيوم اذا افكر اتزوج ماالكه احسن منها اخلاق وادب وحلوه وشهاده والاهم اخت اعز صديق عندي بس مااتجرأ اظهر اعجابي احترام لغيث وبنفس الوقت لازم اكون نفسي اني بطبعي هادئ غير متسرع لهذا انظر للامور من غير منظار اكول اكمل اموري واخطبها ليش ابهذل بنت الناس ويايه واذا ارتبطت او حبت واحد براحتها كولشي قسمه بس ماانكر اليوم حركت احساس بداخلي وخاصه شفت ملابسها راقيه وبنفس الوقت تجذب النظر محبيت تلبس هيج ومن نزلت
لتتأخرين اني راح ادخل للكافتريا ومن تكملين تعالي عليه هناك ونطلع
ود.. مااشي
ودخلت وادور على صديقاتي والفرحه طالعه من عيوني وممصدكه خالد وصلني

خالد .. كعدت بالكافتريا ولكيت صديق عندي هناك وسلمت عليه
وبقينا نسولف واثناء الكلام

هشام .. امشي نطلع نتمشى بره ضجت
خالد .. موداانتظر جماعه
هشام.. حبيبتك
خالد .. لا اخت صاحبي عدها شغل بالكليه تكمله وارجعها للبيت لان اخوها تعبان وميكدر يوصلها
هشام .. زين بس خلي اروح لمجتبى اصيحه اكوله انت هنا لان حيل مشتاقلك
خالد .. يله كوم اروح اسلم عليه ونرجع بس منتأخر
وتمشينا ونسولف ونضحك وجان يكول هشام هله بالنور كله
خالد .. على منو تحجي
هشام .. على صاحبتي
خالد .. هههههه متجوز ولك بعدك مكبرت وعقلت
هشام .. هاي غير حتى انام وياها
خالد .. اتقى الله بنات الناس
هشام.. دشوفها بربك موجسم صاروخ
خالد .. وينها
انداريت ومن بعيد ويإشر على ود..
ذيج
شنوو ام التنوره النيلي
هشام.. اي صاحبتي واشكال مسوي وياها ومريحتني على الاخير وصار كم يوم مشتاق الها واكيد اليوم اجتي حتى تشوفني
خالد .. اريد احجي مااكدر بس عفته ومشيت

هشام ... خالد تعال وين رايح
طلعت للكراج اريد اخذ نفس مدااكدر يعني هيج ود.. وحده موزينه ومنطيه نفسها اريد اكطعها زين اكول لغيث شكوله اختك موزينه وسمعتها زباله ودك تلفوني
ود.. هاا خالد شفتك من بعيد طلعت ركض صار شى
خالد .. تعالي هسه وبسرعه
ود.. رحت ركض ومااعرف شبيه بس وصلت جان يسد الباب حييل ويمشي سريع يريد يگلبنا ومااشوف غير يوكف بمكان شبه خالي ويهجم عليه

يتبع .......