رواية بين العقل و الطريق الفصل السابع 7 - بقلم غزوان علي

بين العقل والطريق
للكاتب غزوان علي

البارت السابع
موج .. شنوو عزه الي عزاج موج هاي هيه رحت بالرجلين
غيث .. اشش صوتكم وبسرعه طفرت ودنجت
أكرم .. شكعد تسون هنا
موج .. هااااا مووو مووو
أكرم .. وجع احجي
ود.. على كيفك وياها ليش تعيط اني طلعتها بالسطح ردتها تشم هوا
أكرم .. وليش منزلت للحديقة
ود.. وشلون انزلها وامك جوه تستلمها هنا اقلها هوا احسن وماكو من يغثها
أكرم .. شنوو قصدج
ود.. موقصدي شى يله حبيبتي ميمي خلي ارجعج لغرفتج حتى ترتاحين اكيد تعبتي وسحبتها من ايدها وهاي الثوله موج من الخوف لاايد ولا رجل منتهيه كرصت ايدها حتى تحس ويبين الوضع طبيعي

موج .. اااخ
ود.. ركزي لتفضحينا
موج .. طبيت للغرفه واكرم نزل مكدر يجادل ود بس اني من الخوف ولا قطره دم بقت بيه بس هي تصرفت بسرعه وبشجاعه ومبينت اكو شى
مااعرف لوماانتي تحجين شجان صار
ود.. معكم الست ود لحل المصائب بأسرع الطرق واذكاها
موج .. ههههههههه والله ضحكتيني واني خايفه
على شنوو تخافين الموضوع عدا وراح المهم اني هسه اروح لان الصراحه مطايقه رجلج وهاج تلفوني احترك من وره غتوو ظل باله خطيه

موج.. تسلمين وده اليوم جيتج اليه فرحتني
ود.. جذابه والله فرحج شوفه غيث لا اني ولا بطيخ واكيد كلج شى خلاك تنسين نفسج والوقت اخويه واعرف لسانه اكيد نساج نفسج
موج .. دنجت خجلت من كلامها
لتخجلين مني اعرف اكو مشاعر بداخلج لغيث بس ديري بالج موكل مره تسلم الجره وزوجج ميرحمج ولتنسين نفسج ميمي حتى لو هو اخويه ديري بالج تغلطين الحب حلوو صح بس حبكم من نوع ثاني حب محرم وخطر لهذا حاولي تشوفين لنفسج حل
وتتخلصين من زواجج وبعدها محد يكدر يكولج ليش تحبين وتنحبين والله يبعد عنكم الشر ويحفظكم
باي قلبي

موج .. بقيت افكر بكلام ود صحيح اني لازم ماانجرف لعواطفي واحاول اتحكم بيها بس شوون وهو دووم يتقرب مني بحب وحنان وهاي اكثر شغلتين ناقصتني بحياتي
وراها صعد اكرم بدون اي كلام وناام وبقينا لمده يومين على هذا الوضع لااكلمه ولا يكلمني وراها اتصلت ود بيه ودااحجي وياها وجان يجر التلفون غيث ..

غيث .. من فدوه لصوتج ولج مشتااق
موج .. هلو غيث شونك يارب تمام
غيث .. اني موزين
اسم الله ليش بيك شى
اي بيه
موج .. شبيك
غيث .. بيه انتي امواجي بيه انتي
موج .. اووف وكعت قلبي عبالي بيك شى
غيث .. اووويلي الله خفتي عليه
موج .. اي شخبارك
غيث .. هههههههه اكيد متجاوبين على سؤالي
موج .. غيث شون كولي ميصير الي بينا غلط والله غلط
لتفكرين وعوفيها على الله صدكي ميتركنا لان اني نيتي صافيه وياج والله شاهد عليه
موج .. شمعنه اني متكولي خلصوا البنات تدري شكم بنيه تتمنى كلمه منك اصلاً بس بالمنطقه كم وحده تحبك وسامعه شون يحجون ويتغزلون بيك
غيث .. لو الدنيا كلها تحبني محد يهمني غيرج
وبقينا نسولف للساعه ٢ الصبح.. كروب غزوان علي

موج .. صار كم يوم احجي ويه غيث هذا الشخص اله تأثير عجيب عليه شكد عمتي تأذيني وشغلات تصير ويه اكرم واكيد اكرم رجع مثل قبل بتعامله ويايه ومأذيني ودوم الدمعه بعيني اذا مو منه من امه واخته

بس من احجي ويه غيث انسى كولشي حسيت روحي وكأني رجعت مراهقه ويااه هو ميعرف اصلاً اني بعمري محبيت ولا اعرف الحب لان اعرف تاليها اهلي يزوجوني على مزاجهم لهذا اتجنبته والحلو بيه ميضغط عليه اذا موضوع مااحب احجي بيه يسكت ميسألني وحتى هواي امور اني احجيها وبدون ميسأل وينصحني ويحاول يهدأني اذا عصبيه واذا ضايجه يضحكني

واكرم حاولت اتقرب منه مكان المره عشره ومفاد اصلاً مرات احسه يكرهني وهذا الشى ولد عندي حاله فراغ عاطفي واحساس بالظلم لان مدااحب ومن دخل غيث حياتي گلبها كلها من حب وغزل وضحك وحتى غزله دوم حلوو وميتخطى الخطوط الحمرا ويايه احياناً يأنبني ضميري لان متزوجه ومرات من اشوف الحياه الي عايشتها اكول ليش اموت نفسي واني اكدر احب بس لازم اسوي حل وخاصه غيث دوم يطلب مني اسوي مشكله حتى يطلكني اكرم

عاصم .. وتالي وياج كل مااكولج جيبيلي فلوس من اهلج اطلعين الف عذر واخر مره معجبني رد ابوج شنو الفلوس اخذهم هذا غيث على اي اساس
ندى .. شنوو على اي اساس غير ابنه لعد على اي اساس اني اجي اخذ فلوس ابويه وانطيهم الك
عاصم .. تعيريني
ندى .. مدااعير بس كلامك عجيب حتى لو بابا مراد ينطي يعني شأسوي اجبره ميصير عاصم لازم تسوي حل لنفسك الى متى نبقى معتمدين عليهم تره والله الوضع صار ماصخ وعيب منهم لوتعرف شكد انحرج من اطلب منهم وفوكاها ملايين
عاصم .. انتي غير بتهم وعدهم فلوس شكو بيها اذا ساعدوج
ندى .. يساعدوني بحاله اذا زوجي ماعنده او ميشتغل او ظروفه صعبه بس مو واحد عنده املاك وفندق والوارد مالته خير من الله بالشهر ومضيعهم سفرات ونسه كافي تره حتى لعبتها لروحي والله

عاصم .. ملاحظه روحج شكد صايره تتجاوزين وماعندج احترام
ندى .. يعني حجي الحق صار تجاوز من اكولك كافي خلي نرتب وضعنا ومنضيع حالنا ولا اولادنا صار تجاوز انت ليش هيج تغيرت مجنت هيج
عاصم .. اهووووو رجعنا للحجي الفارغ الي يدوخ
ندى .. اني تعبت وياك منين مااجيبك تجيني عكس
عاصم .. اني طالع خلي اخلص من دوختج
ندى .. وين رايح
عاصم .. لجهنم الحمره
ندى .. طلع وعافني بهذا النار ومااعرف شون اصلح هذا الرجال تعبني وراح يدمرني ويدمر نفسه شون ياربي اني احبه بس هو ميعرف يتصرف واني تعبت من كثر مااحجي
يارب اهدي يارب

ماالعب اليوم انتم لعبوا
أكرم .. ليش اليوم اصلاً كلت للولد السهره على شرفك وهاي تاليها متشارك
عاصم .. اكرم جوز مني تره الدنيا طالعه من عيني
أكرم .. احجي ولك هم مدبرت الفلوس
عاصم .. هاي الغبيه الي عندي بالبيت صايره ام كرامه براسي ومتقبل تروح تجيب فلوس من اهلها واني متأكد هذا الحقير غيث وره ابوه يحجي براسه وميخلي ينطيها

أكرم .. هم غيث يعني هذا شيريد شعليه تدري شكد اكرهه اشوف دم سنوني ومااشوفه وامنيتي بيوم اكسرله عظامه
عاصم .. شبيك وياه اني وبسبب اخته والفلوس انت شبيك

أكرم .. وحجيت كولشي لعاصم
عاصم .. هذا هيج سوه بيك والله ولا مبين عليه اصلاً اني اعرفه سكوتي وميدخل بمشاكل اصلاً مرات من اشوف هدوئه اكول هذا ميدخل بعركه لان جبان وحياته عباره عن طلعات ويه اصدقائه وشغل احسه دوم مابيه خير لشغله المشاكل بس استاذ بالخباثه من جوه ليجوه بس هيج وجهه بوجه وضرب صدمتني ولك اخاف سكران جنت ويطلع زيد مو غيث لان زيد ادري بيه سبع وشرس وكولشي يطلع منه بس غيث مستحيل

أكرم .. هاي شبيك غيث هيج سوه اصلاً حتى صار عندي انحراف بخشمي من الضرب صح جنت سكران بس اكدر اضربه بس هو هجم بقوه ومكدرت ادافع عن نفسي وكسرني خلاني كم يوم نايم بالفراش هلكد ماضرباته اذتني ومن يومها واني اريد اردها اله بس بأقوى ميت منه

عاصم .. ياريت اخلص منه هو ساس البله من هو ماكو اني او ندى نكدر كولشي ناخذ من ابوها بس من هو موجود يخرب الاول والتالي وزيد اصلاً ملتهي بدوامه ممركز ويانه
أكرم .. تدري يراد نصفي
عاصم .. شون يعني
أكرم .. طلقه تايهه او واحد سكران بسجينه بطنه وننهي كولشي
عاصم .. تخبلت تريد اكتل مولهاي الدرجه لا مااسويها
أكرم .. زين موقتل انسكطه يعني طلقتين برگبه ونخلي شلل او بظهره ونخلي حياته جحيم
عاصم .. لهاي الدرجه كارهه
أكرم .. فوك متتصور اصلاً من زمان اموت منه دوم ابويه من يشوفه يكولي لو الله منطيني ولد مثل غيث جان حياتي صارت جنه هيج يحبه واني يوم بعد يوم اكرهه

عاصم .. مااعرف احس الموضوع خطر وراه مصيبه
أكرم .. هاي شبيك هو البلد تايهه منو يعرف الضرب تعال شوف بالمئات يومياً ناس تموت ومحد يعرف منو الي كتلهم واحنا على حظنا راح يلزمونا هاي شبيك من كل عقلك واحنا اصلاً موبيدينا نشوف واحد مضبوط يكمل الشغله ونطي كم فلس وهذا هو
عاصم .. خليني افكر دوختني وامشي خلي العب شويه عيب من الولد جايين ومتعبين نفسهم
أكرم .. وياهم كم وحده اااوف مو نسوان كوارث تعاااال شوف هاي النسوان مو الي متزوجيهن عبالك شرطه
عاصم .. ههههههههه انت اصلاً لو تتزوج ملكه جمال تكول محلوه يله امشي

بيت ابو زيد..

زيد.. شهد شهوده وينج
شهد .. هاا عيني كول محتاج شى
زيد.. حضريلي جنطتي ورايه سفر باجر
مااشي هسه احضرها
بله تعالي اكعدي بصفي
كعدت محتاج شى غير احضر الجنطه
زيد.. شبيج وضعج معاجبني صار مده منتبه عليج وكلت يجوز بسبب مرض حسوني وهسه هو طاب والحمدلله كوليلي شنو الي شاغلج
شهد .. زيد عوف دوامك
زيد.. شنو شكاعد تحجين اعوف الدوام اي موو اني اشتغل بدائره الوالد وشوكت ميعجبني اترك اترك انتي من كل عقلج
شهد ..اي من كل عقلي ميصير هيج هاي مو عيشه زيد
زيد.. شبيها عيشتج مقصر وياج بشى
شهد .. ليش هي العيشه اكل وشرب الله شاهد ممقصر ويايه ولا ويه الجهال وخير من الله
لعد شبيج كوليلي شجاج
شهد .. محتاجتك كزوجه كحبيبه

وانتي حبيبتي وزوجتي

شهد .. فدوه خلي اكمل وافهمني اني قصدي اريد احس بوجودك بحبك برومانسيتك تعال كولي شوكت اخر مره طلعنا اني وياك وحدنا وتعشينا بره او سهرنا سهره حلوه شوكت اخر مره كعدنا كعده حب وعشق ونسولف عن حياتنا زيد اني عبالك ممتزوجه او متزوجه رجال عنده مره ثانيه مقسوم بيني وبينها
زيد..بابا يامره ثانيه هو اني ملحك عليج حتى الحك على الثانيه
شهد .. كتلك افهمني اني قصدي دوامك ماخذ كل حياتك مرات ايام تغيب وتوصل للاسبوع والاسبوعين وحتى شهر ومن ترجع تعبان وتقضيها بس نوم

زيد.. غير حتى أمن حياتكم انتي والجهال واعيشكم عيشه كريمه ودوامي خطر ومتعب ولازم اركز بيه واني ماانام بس هنا لان هنا راحتي شهوده وياج ويه اهلي وجهالي
شهد .. واني زيد اني مالي حقوق عليك تعوفني بالايام انام وحدي وفراشي بارد مالي حق اكعد بليل الكه رجلي بصفي احضنه وانام حتى صار عندي فراغ عاطفي تدري شنو شعوري من اروح لحفله او عزيمه لأحد من اقاربنا او اقاربكم الكل ازواجها وياها واني وحدي لو ويه اهلك لو ويه الجهال وجودك بحياتي يوم بعد يوم يختفي حتى الجهال ياسمين تصيح لغيث بابا لان متشوفك ومن تشوفك بعد مده طويله بالبدايه تستغرب يله بعدين ترجع تتذكر انت ابوها مليت والله اريدك زيد اريد تحتويني كمره اريد تمارس حقوقك الزوجيه ويايه وانت متفكر بالمهمه الفلانيه لو الضابط الفلاني لو المحافظه الفلانيه اريد زوجي حلالي لااريد فلوس ولا تأمين لحياتنا

زيد.. لهاي الدرجه مخنوكه مني وضايجه
شهد .. ممخنوكه منك بس ضايجه اي حاسه بفراغ اي محتاجتك اي اريدك تحسسني بالحب والرومانسيه الي الكل جان يحسدنا عليها وهذا كله ميصير طول ماانت بهذا الدوام الاكشر .. بيج قصص غزوان علي

زيد.. تعاالي شبيج صفنتي تعاالي وحضنتها وبست راسها والله حقج قلبي بس شسوي هاي طبيعة شغلي
شهد .. يعني متعوفه
زيد.. موسهل اكدر اعوفه اني مدااداوم بالمجلس البلدي حتى شوكت مااريد اعوف اعوف بس اكدر احاول مااتعبج واحسسج اقلها من انزل مجاز بوجودي وحبي
شهد .. باوعت بعيوني وحجيت بهدوء
زيد تره اني محتاجتك كولش كولش ودااضيع زيد

زيد.. رجعت حضنتها اشش گلبي اسكتي مااخليج لااتعبين ولاتضيعين
شهد .. واني بحضن زيد اذكرت غيث اني مااريد اخون زيد حتى بمشاعري بس هو دوم تاركني واني اريد ارجع لمشاعري حتى اله لان ميستاهل هيج خيانه هو يحبني وحباب لهذا راح احاول اعيش ويه زيد الحب الي اتمناه وارجع احس غيث اخويه لازم اني اخاف الله ومااريد اسوي شى يغضبه ويعاقبني بجهالي لهذا شكد مابيه لازم اوجه مشاعري كلها لزيد

زيد.. زين بما ان عجبج صدري الجهال وين
شهد .. هااااا
زيد.. ههههه شبيج فتحتي حلكج الجهال وين
شهد .. ياسمين يم ود وحسين ويه عمي وحسن نايم بالغرفه قبل شويه شفته
زيد.. كولش زين شويه من رخصتج
شهد .. كاام وقفل الباب واجه يمي
اهوو زيد موو وكتها لازم اكمل شغلي
تمددت بالجربايه وسحبتها بحضني وبديت ابوس بيها بهدوء لحد مذابت بأيدي وهمست بأذنها اني احبج شهد والله شاهد عليه كولش احبج واتمنى راحتج انتي والجهاال وخاصه انتي مااريد بيوم تمدين ايدج لأحد من اهلج او اخوتج او حتى اهلي وتكولين عافني زيد بعازه الفلس

شهد .. انقبض گلبي ياستار شجاك يعني هاي الرومانسيه الي طلبتها منك تقبض گلبي خلي اكوم اكمل شغلي آحسن ودااكوم وجان يجرني حيل ويبوس بيه بهدووء
زيد.. وين وين عبالج اعوفج تعالي اشوفج الرومانسيه على اصولها
شهد .. هههههههه وحياة عينك بعد اعرف بيك وووووووو
عاملني بكل حب وفعلاً شفت الرومانسيه على اصولها نسيت كولشي واني بحضنه وهو يدلع بيه وطلب من الدائره مالته يشوفون هاي المره بديل واخذ اجازه طويله لمده اسبوعين

زيد.. شفتي قلبي هااي الاسبوعين الج من ايدج اليمنى لليسره والي تريديه يجرالج وين متريدين نروح نروح واي اقارب رحتي الهم بيوم وحدج مستعد اروح الهم وياج وتكوليلهم هذا زوجي الحلوو
شهد .. ههههههههه لزمته من وجهه وبست خده قوي امووووواح من فدووه للحلو مالتي

وطول هااي الايام اني بالعسل ويه زيد وحسيت مشاعري هدأت من غيث ومن يتواجد اشوفه عادي صح مو مثل قبل كأخ لكن هم مااشوفه حبيب واحاول اوجه مشاعري للطريق الصح بس ويه زيد بديت ارجع احبه وبدلعه واهتمامه وحبه كدر يرجعني لطبعي وضحكتي
وكاعده اغسل بالمواعين وكمزت
زيد.. ههههههه اسم الله گلبي شبيج
شهد .. يعني انت متجوز من تجي بسكوت ومن وره تحضني واني اشتغل
زيد.. احلى شى اصلاً تكونين هادئه وممنتبهه ومن احضنج بالبدايه تعيطين وتهوسين وبعدين تذوبين هيج
وكمت امصص برقبتها
ههههههه شفتي انتهيتي ذبتي مثل الزبد
شهد .. انداريت عليه وحضنته الله يحفظك الي حبيبي وداابوسه بهدوءورومانسيه وجان يدخل غيث

غيث .. وتالي وياكم متحسون
زيد.. شبيك ياول تعيط
غيث .. يعني نسيتوا اكو ناس عدها حرمان عاطفي
زيد.. هههههههه قبل جنت تكول لو حديقة لو جفاف عاطفي شوو صارت حرمان تبدلت الكلمه
غيث .. لان الحب موجود بس مو بحضني اووووووويلي الله بس لوو تصير اله اكطعها من البوس وشرط بكل مكان لاابقي صاله لا غرفه لا مطبخ حتى بغرفه ابوك وامك

زيد.. ههههههههه هسه يسمعك ابوك ومكان متكطع حبيبتك من البوس يكطع الي لابسه على راسك
شهد .. ههههههههههه اتخيل عموو يركض وره غيث
غيث .. ضحكتي يلزريكه وفوكاها لازمها ويمصمص بيها المعصعصه
زيد.. هلوو هاي منو الزريكه دباوع عليها جماره لو ما حبٌيــبتي شهوده بيضه اويلي على غير ناس سمر وفوكاها سمينه

شهد .. هههههههه حيييييل فشلك تستاهل
ابد مضجت من حجايه غيث بالعكس ضحكت يعني هلكم يوم وجود زيد وحبه بجانبي كولش غير بنفسيتي

غيث .. يمه اروح فدوه للسمره مالتي هي غير تخبل غير دمها يلعب وشنو سمينه غير مدبدبه تموت ترفه عبالك طفل اووووويلي لو ضحكتها اشتعلوو تسوه العشيره

ابو زيد.. منوو هاي تسوه العشيره
واندار واشوف ابويه ورايه

هاااا لا حجي قصدي عليك انت تسوه العشيره
ابو زيد.. سمعت ترفه وضحكتها اني ترفه وضحكتها ولزمت اذنه
غيث .. ااااااااخ حجي دخيلك
زيد وشهد .. ههههههههههههه حيل تستاهل
ماما ماما
ام زيد.. شبيك غتو ماما تصيح بيك شى اجيت اركض
غيث .. تعاالي يلحبيبة ابويه يجر اذني ميريد اعترف عليه
ام زيد.. شمسوي ياستار
ابو زيد.. ولج كولشي ممسوي بس هذا الملعون جان يحجي على وحده ويتغزل بيها ومن سألته يكول انت
ام زيد.. ههههههههه دعوفه يوم عيد ويحب ويجي يكولي تعالي خطبيلي من باجر اروح

غيث .. يمه صدكتي ابويه مصادق عليج ويكول عليها ترفه وضحكتها تخبل
شهد .. ههههههههه جذب عمه والله هاي سوالف غتوو يريد يوكع بينكم حتى هو يطلع منها سالم
غيث .. اسكتي ام كفشه ولج دوده دوده وينج تعالي انقذي اخوج كلها صارت ضدي
ود.. اجيت اركض شوف بابا اريد موبس تكطع اذنه لغتو حتى شعره لان كل مره اكوله بطل تصيح دوده وهو مستمر

زيد.. ههههههههه حتى محاميات الدفاع امك واختك صاروا ضدك
ام زيد.. لاعيني هذا حبيب امه تعاال شوو عوفه اذنه صارت دم
غيث .. هههههههه حيييل موتوا غيره
ابو زيد.. شوكت تكبر مااعرف
شهد .. والله ولا يكبر
زيد.. خلي اخذ مرتي ابنج كطع علينا حديث مهم بخصوص الشؤون الدوليه

ود.. ولكم حسووو اكوو حديقه هنا
غيث .. راح ازرع بيج بصل وثوم ياحديقة
شهد .. اباوع الكل يضحك ومتونس عبالك اخر ضحكه هاااي من گلبنا والكل مرتاح واخذنا بالساعات اتغدينا وكاعدين سوه نضحك ونتشاقى صافنه وادعي بگلبي ياارب ديم هاي الضحكه علينا وصفنت على غتوو كلت ياريت دوم اشوف ضحكته واعرف هو هسه مرتاح لان موج بحياته صح مسائلته ولا مخابره موج بس اعرف كولشي وباوعت على زيد يارب احفظه اليه وخلي گلبي اله وبس يارب

موج .. صار اكثر من ٥ اشهر ويه غيث بديت مو احبه لا بديت اعشقه تعلقت بيه بطريقة جنونيه صح متحفظه بمشاعري ويااه وممحسسته بمدى حبي اله بس داخلي نار عليه بس الحلو بيه مسيطر على حالي وضعي ونفسيتي يعني شكد مرات اكون مضغوطه من عمتي او اكرم هو يهون عليه مرات ينزعج ويعيط ويكولي الى متى انتظر لازم تطلكين واني اكوله اصبر بس المشكله ليش مدااكدر اتركه وخاصه اعرف بروحي مو كدها واترك اكرم لان اكيد اهلي راح يرجعوني داحس بروحي انانيه لان متمسكه بيه وبنفس الوقت مااكدر اكون جريئه واسوي مشكله جبيره واطلك حايره بين عقلي وگلبي والطريق الي داامشي بيه مااعرف شنو نهايته

ام اكرم .. ولج موج وينج طرشه
موج .. هااا عمه
ام اكرم .. وعمه الي عماج
موج .. رحمه الله والديج كولي محتاجه شى
ام اكرم .. لتعوجين حلكج لااعوجه الج واخلي حلكج اعوج طول عمرج

موج .. فدوه عمه بروح ابوج جوزي مني شرايده من الصبح لهسه اكرب مثل المطي مبقيتي شغله مطلعتيها الي حتى الزوالي مال بيت دنيا جبتيهم وكلتي اغسليهم وغسلت حتى ظهر مظل بيه والله

ام اكرم .. غصباً عليج شتريدين يمه البرنسيسه اكعدج رجل على رجل واني اشتغل
موج .. لا ياعمه بس مومال اشتغل لدنيا والله حرام حتى صحه مبقت بيه ودوم تعبانه من الشغل وهي كاعده ومرتاحه

ام اكرم .. والله هذا الموجود ميعجبج ذاك بيت ابوج وعود لتشتغلين بيه هاي اذا لفوج اصلاً
موج .. دنجت حقها همه اهلي رخصوني لو مسوين اعتبار اليه مجان هذا حالي
هسه صحتيني شنو المطلوب
ام اكرم .. هاي ملابس جهال دنيا علاكتين غسليهم وشريهم يله بسرعه
موج .. عمه اذا ممستعجله فدوه خليها باجر والله تعبت من ساعه ٩ الصبح وهسه ساعه ٥ العصر واني مكعدت

ام اكرم .. يله لدوخيني بسرعه وراها عود انجبي وكعدي
موج .. اخذت الملابس الي غسلتهم بأيدي ومجموعه بالغساله كوه كملت لان ميته تعب صعدت للسطح اشر وهدومي كلها مي وميته تعب وحتى ملحكت امشط وكارهه روحي ودااشر واسمع صوت ورجف گلبي

غيث .. جان عندي غراض بالسطح مركزات اصباغ ضامهم
وسمعت طكطكه بسطح بيت الحب مالتي كلت وين الله وتطلع هيه وجان امد راسي على گيف اشوف منه

اوووويلي شفتها شكد مشتاق اشوفها صح يوميه نتخابر بليل بس صار مده مشايفها باوعت عليها جانت لابسه شاال والدشداشه لازكه على جسمها كلها مي وفتحت الصدر شوي طالع منها وطالع جسمها مغري بشكل اني شفت فتحت صدرها من دنجت لو انجنيت ومنا جسمها مغري معرفت شأسوي محسيت بروحي غير طافر من سطحناا على سطحهم

موج .. يمه اسم الله عزه غيث شجابك تخبلت
سحبتها من ايدها بهدوء تعاالي
موج .. وين اجي شبيك روح عفيه ليشوفنا احد
غيث .. دقيقه واروح مشتاقلج والله
موج .. روح فدوه وكمت ارجف من الخوف
غيث .. سحبتها بهدوء لزاويه السطح ميشوفنا اي احد
وبهدوء نزعت الشاال منها
موج .. شكعد تسوي غيث حرام والله
غيث .. حطيت اصابيعي على شفايفها اسكتي وغمضي

موج .. هاي موو سوالف التلفون والغزل هذا واقع غيث ميصير تلمسني .. كروب قصص غزوان علي
غيث .. انتي مالتي كولج الي
ونزعت الشال وطلع شعرها طويل وسرح وشايلته بأهمال ونزل على عيونها زادها جمال واثاره وقربت وجهي من رگبتها

موج .. جسمي كله يرجف خوف ويرجف اثاره من لمسات غيث حسيت روحي ضعفت كدامه مدااكدر اقاومه ومن حط وجهه برگبتي انتهيت انثاريت بجنون ولا ارادياً غمضت واندمجت ويااه

غيث .. افييييش ياريحتك وابوس بوسات ناعمه شكد احبج وابوس بهدوء كل مسامه برگبتها وناسي الدنيا وعطرها وانفاسها العاليه واباوع مغمضه عيونها خلتني اتخبل عليها وانثار حييل وشوي شوي نزل وجهي من رگبتها دينزل لصدرها احس روحي فقدت اريدها كولشي مستعد اسوي بس تصير الي

موج .. من كثر حبي اله نسيت نفسي ولمساته الي تثيرني وحراره انفاسه وهدوئه بالتعامل خلاني اضعف بس حسيت بدا يتجرأ وينزل لفتحت صدري جان ادفعه
كافي غيث روح
غيث .. مااكدر موبيدي اريدج وميت عليج ومجنون بيج وجريتها بقوه وبستها بحلكها وامصص بيها بجنون تخبلت عليها اريد اسيطر على غريزتي من كثر مااحبها ومشتاق الها مدااكدر اسيطر وهي تدفع بيه
عوفني غيث تخبلت

غيث .. اي تخبلت وامصص بشفايفها وبدت ايدي تتجرأ على مفاتنها جان تدفعني حيييل ونزلت كعدت بالكاااع تبجي من شفتها هيج وعيت على نفسي

موج .. كاافي كاافي وابجي بقووه
غيث .. باوعت عليها وشفت وضعها تعبت وتبجي اسف حبيبتي والله موبيدي من شفتج وحضنتج وشميت انفاسج وريحتج تخبلت لتبجين كاافي

موج .. نسيت اني شنو نسيت اني متزوجه ميصير غيث والله ميصير
غيث .. نزلت يمها بالكاااع وكعدت كبالها فدوه لتبجين كل دمعه منج تزرف گلبي متعرفين انتي شنو بالنسبه اليه انتي روحي وعمري وكله ولا زعلج

موج .. حسيت نفسي وحده رخيصه ساقطه ماافرق شى عن البنات الي يعاشرهم اكرم لان سمحت الك تلمسني جان لازم مااترك نفسي بحضنك

غيث .. لزمت ايدها بقوه ايااج اسمعج مره ثانيه تكولين هذا الحجي انتي تاج راس اكرم وتاج راسي وتشرفين اكبر واحد
موج .. شون واني سمحت الك تلمسني
غيث .. مسحت دموعها سمعيني امواجي بالحب تصير لحظات جنون واحتمال هاي اللحظات خطأ خاصه بوضعج لهذا دوم اكولج اطلكي تعالي نشوف حل حتى اطلعج من الضيم الي انتي بيه وانتي الله كريم وان شاء الله واشوف غير ذوله الكلمات مسمعت منج

افهميني يابنت الناس اني مجنون بيج واذا هسه كدرت اسيطر على نفسي وافعالي لان بجيتي باجر مااعرف شيصير اني تره مااريد المسج بالحرام والله شاهد عليه بس اني من اشوفج لو اتخبل عقل ميبقى بيه تره موهينه عليه انام بليل واني اتخيلج نايمه يمه ولج اني اغار حتى من تاكلين يمه لو تلبسين شى مدلع كدامه حسي بيه داموت غيره واذيه ومابيدي شى مقيد بالف قيد والمشكله مفاتيح هاي القيود يمج ساعديني حتى تكونين الي وبحضني وبحلال الله تعبت كل يوم يمر وانتي يمه اعتبره سنه تشوفيني اضحك واتشاقه والوضع كأنه عادي بس هذا واشر على صدري وربج بيه نار وهاي النار تاكل بيه وبصحتي واذا يطول هيج الوضع يمكن اموت مدااتحمل يلمسج مااتحمل يشتم عطرج وانفاسج داموت موج حسي كافي

موج .. مسحت دموعي لا عفيه لتكول هيج اسم الله عليك
غيث .. باوعت بعيونها تخافين عليه
موج .. دنجت وابتسمت اي اخاف عليك
غيث .. زين تحبيني تدري انتي ولا مره كلتيها الي دووم اني اكولها وانت تبتسمين كوليها اذا تحسيها كوليها

موج .. سكتت دااحجي وسمعت عمتي تصيح
ام اكرم .. ولج ثوله يلفاهيه وين صرتي كل هذا بالسطوح
موج .. عزه عمتي روح بسرعه غيث
غيث .. مااروح اله تكوليها
مخبل والله هو وكتها هسه
وكامت واخذت شال وتريد تركض وجان اجرها وابوسها حيييل وعفتها

موج .. والله موو عاقل هسه شكلنا صار ساعه شنحجي
غيث .. كتلج مااكدر مااسيطر حتى متتعرضين لهيج مواقف اطلكي وخلي ازوجج
موج .. ومن نتزوج
غيث .. ماابقي مكان ماابوسج بيه وهااا وماابقي مكان هم ماابوسج منه وغمزت الها
موج .. ايا متستحي وضحكت ونزلت اركض

غيث .. رجعت اغني ومرتاح صح دمعتها اذتني بس هاي اني بالحب اكون او لا اكون
ومااجوز اله تصير اليه

شهد .. كل هذا الوقت بالسطح شنو غراضك وين
غيث .. هااا نسيتهم والله خلي اصعد اجيبهم واجي
شهد .. الماخذ عقلك لعد هذا الوقت كله شنو جنت تسوي
غيث ..

امشي واغني
بيدي أمشط لك حبيبي
وأمسح دموعك بأيديا
آه منك من جمالك حتى دمعك جاذبيه
لك أدلل عليّا أدلل عليّا
يا هبة ربي من السما وأجمل هدية

شهد .. كاظم الساهر تره تأخرت على شغلك
الله يهديك
هذا الولد يلعب بروحه اوووف وحتى زيد كعد وسكت علمود موضوعه مااعرف شلون بيه

موج .. نزلت اضحك على سوالفه صح زعلت لان لمسني بس اني هم لحم ودم وعندي مشاعر والضغوط الي كاعد تصير بحياتي دمرتني ومنا عمتي بس تصيح اوووف هاي وحدها يرادلها گلب ممدشن

وصافنه وجان تجيني رساله منه

هاتي يدكِ ،
وتعالي نهرب من هذه الأجساد ،،
تعالي لنجد لنا لقاء ،
على شرفة حلم ، أو نافذة مستحيل ،،
أغمضي عينيكِ فقط وأعطني يدكِ ،
أصغي جيداً ،
أتسمعي همسي ؟
أتشمي عطري ؟
أتشعري بسخونة أنفاسي ؟
أبدأ صهيل قلبكِ يعلو ؟
ونبضكِ يتسارع ؟
هذا أنا ،
يدي تلامس وجهكِ ،
وصوتي يتسلل لحواسكِ ،
وعطري يطوقكِ ،،
أما قلتُ لكِ ،
دعينا نتحرر من هذه الأجساد ،
فالأرواح لا تقف بوجهها مستحيلات ،،
تعالي يا سيدتي للقائي ،
فقيد الجسد قد أدمانا

ااااااه ياغيث شسويت بحالي وشكد كمت احبك وشكد خايفه من هذا الحب ليدمرني تعلمت عليك وادمنتك
جاوبته برساله

ساقترب منك بهدوء ..واعشقك واهواك
ساجعلك معي في احلامي دائما وقت مااشاء
سنسافر سويا الى مملكة العشاق ..
وساجعلك دائما رفيقي وانسى وحدتي
وساجعل طيفك رفيق غربتي ..
ساكتب اسمك على ضوء شمعتي
ساحبك دائما في الصباح والمساء
ساعيش معك بين حرف الحاء والباء
ساخونك مع طيفك في الخفاء ..
فدعني احبك كيفما اشاء ....

غيث .. عطت بصوت عاالي ولج احبببببج
زيد.. وجع شبيك تخبلت همزين الحجي مو هنا جان خوش خلاك تكول احبج
غيث .. احبها والكعبه احبها
شهد .. نزلت اركض هااا شبيك يمعود من العيطه مالتك فزت ياسمين كوه نومتها
غيث .. يسووووو حبيبة عمج تعالي كعدي ذوله ابوج وامج سرسريه يريدون ينوموج حتى ياخذون راحتهم اكعدي

ود.. يابه والله اخويه تخبل رسمي اعقل غتوو شووف صوتك واصل للشارع
غيث .. اشششش مااريد اسمع صوتكم وبالاخص انتي دوده اريد اسمع صوت الحب بأذني وهي تكولي فدعني احبك كيفما اشااء

شهد .. يعني الى متى تبقى متسمع كلام احد وماشي بهذا الطريق
غيث .. اسمعوا كلكم اني احبها لموج لا موو احبها اتنفسها وهذا الموضوع منتهي عندي لو اتزوجها لو مااتزوج طول عمري غيرها متصيرلي مره وكافي من تشوفوني مرتاح ليش اطلعون الراحه من خشمي

زيد.. ياعيني غير نخاف عليك شكد حجيت وياك ميصير الي كاعد تسوي اقلها خاف على سمعتها احنا عدنا بنات باجر الله يطلعها بعرضنا
غيث .. وليش شنو الي سويته انسانه وحبيتها
ود.. والله راح اروح اتعلم هندي وروسي واحجيها الك لان مبين العربي مالتك خربان هاي متزوجه مو بنيه

غيث .. والله موتوني ادري طايح حظها ومتزوجه بس شفتوا حياتها والله وداعتكم وداعت ماما لو بحياتها سعيده وزوجها مراعي الله بيها لحظه ماابقى اعوفها بس كاعد تشوفًون حالها انتن احجن مو صديقتجن هيه چم مره مكتوله چم مره يهينها ويطيح حظها وصايره خدامه لأمه وفوكاها تمشي امه وتصيح عاقر وهي لازم تسكت لان توصيات العمه وتسمع الكلام من اليسوه والميسوه وساكته وفوكاها اخوتها السكط رجعوها واصلاً كل مره تنكتل وتنهان ويغلسون يعني بربكم هاي حياة عايشتها لو وحده منكم تتقبلها احجوا شوو اخرسيتوا

شهد .. لمصلحتك والله اذا عرف زوجها او اهلها مراح يرحموها ولا يرحموك
غيث .. اني اعرف بمصلحتي واعرف اتصرف اطلعوا منها انتم يله تأخرت ورايه شغل

زيد.. صارت ساعه ٨ ياشغل
غيث .. عندي اصباغ بلاستك وكم علبه من مركزات الاصباغ انطيهم لخالد رادهم وراها اروح وياهم للكوفي شوب وبليل ارجع

زيد.. ليش متترك هاي الطبيعه الي بيك اله ساعه ١٢ يله ترجع للبيت
غيث .. هسه بس اتزوج الحب مالتي اكعد واسكت ولا اطلع اگابلها واكعد يله رايح بااي

شهد .. شفته زيد يعني راح تسكتله
زيد.. شنوالي اسوي موو كدامج قابل طفل واجره من شعره واكوله اكعدواسكت ماكو موج
ود.. ميفيدالحجي اخويه وكع بحبها والموضوع انتهى بس ادعوله تعدي على خير . كروب قصص غزوان علي

زيد.. الي شايله هم ابويه اذا عرف شراح يسوي والمصيبه اذا عرف احنا نعرف بالموضوع وساكتين والله يگلبها للدنيا
ود.. وامي اذا عرفت ناكلها اني وشهد
شهد .. اي والله شسوي بينا
اوووف ياغتوو شراح تسوي بينا بعد

خالد صديق غيث.. اكولك غيوثي
كووول
خالد.. شوكت تفضك من المصيبه الي انت بيها
هااا بدينا قبل شويه استلموني زيد وشهد وود هسه اجه دورك
خالد.. اني من يوم ماشفت خوفك عليها بالمستشفى عرفت وراك مصيبه وفوكاها كمت تحبها اكثر واكثر ولو ما شفتك شون خايف عليها وترجف يمكن حتى متكولي اعرف بيك

غيث .. سد الموضوع مااريد احجي خلي اروح للبيت احسن
خالد.. تعال بعد وكت ساعه ١١
غيث .. لعبتها لروحي مناقصني انت
رجعت امشي وحدي احس الكل ضدي ماكو واحد يفهمني ولا يفهم نوع الحب الي احسه اتجاه موج حاولت افهمهم اكثر من مره ومحد يفهم وكلها تسمي حبي الها وعلاقتي بيها كارثه ومصيبه والعيشه الي هي بيها محد يكول عليها ذل واهانه اووف واني امشي وشارع هدوء ومابي احد دك تلفوني

موج .. كملت العشا لعمتي وعمي وصعدت سبحت ومشطت شعري مااعرف ليش نغزني گلبي على غيث رغم اليوم شفته بس ضاق نفسي واحس روحي ممرتاحه احنا دوم نتراسل بعد ١٢ وخاصه هذا وقت رجوعه وواصلاً اكرم هيج وقت مموجود حاير بالصياعه مالته يجي بعد ٣ ممنوع تجوال ويجي هيج وقت لان ينطي فلوس للدوريه القريبه بالمنطقه فيدخلوه عادي الكل تعرفه ابنً حجي ثابت
لزمت التلفون واتصلت

غيث .. من هَــلا بالصوت الكناري هلا بالحب كله
موج .. بيك شى
غيث .. شبيج حبيبي صوتج موطبيعي
موج .. لا مابيه بس مااعرف ليش نغزني گلبي عليك
غيث .. اروح فدوه لقلبج
موج .. شوكت ترجع
غيث .. راجع حبيبي دااتمشى ليضل بالج اكلتي
موج .. اي الحمدلله
غيث .. اووف شوكت اكل من ايدج وقبل من ايدج اكلج الج
موج .. هههههه اكعد راحه مكافي اليوم شسويت المفروض ازعل منك على جرأتك
غيث .. سمعي امواجي اني مجنون بيج واذا بيوم انعادت هاي الفرصه اتجرأ اكثر واكثر لان مااسيطر من اشوفج من كثر مااريدج واتمناج

موج .. لعد بعد مااخليك تشوفني
غيث .. موبكيفج راح يجي يوم انتي برجلج تجين عليه وانتي تبوسيني وهاا بحلكي
موج .. هههههههههههه تحلم
غيث .. من فدووه لضحكتج شكد احبها
موج .. يله عيني توصل بالسلامه وعلى موعدنا نتراسل
غيث .. صيري كريمه وقدمي الموعد
موج .. انت مو ترجع بعد ساعه ١٢
غيث .. انتي اي وقت تريديه حاظر ارجع بيه للبيت لعيونج كولشي يهون
موج .. تسلم عيونك ماشي نص ساعه واراسلك
غيث .. انتظرج گلبي
موج .. باي
غيث .. امواجي
موج .. هااا عيني
غيث .. اتنفسج
موج .. ابتسمت الله يحفظك
اااااه ياربي انت الك بيها اراده من حطيتها بطريقي وزرعت حبها بگلبي من دون كل بنات العالم امشي واباوع للسما وهدوء والجو طيب وليل ومااحس غير اثنين يمشون بماطور وبسرعه ضربوا طلقات وراها محسيت بشى

موج .. سديت التلفون وراها بكم دقيقه سمعنا طلقات لزمني گلبي دخيلك ربي منو ضرب بهذا الوقت ولبست فوك دشداشتي روب ونزلت اشوف عمي
ابو أكرم .. ياستار سمعتوا مو
موج .. اي عموو
ابو أكرم .. راح اطلع اشوف شكو وارجع لحد يطلع
ام اكرم .. خلي اخابر اكرم واطمن هاا حبيب امك انت زين
أكرم .. اي زين خير صايرشى
ام اكرم .. لاابني بس سمعنا طلقات وضل بالي وابوك طلع يشوف شصار
أكرم .. عود خابريني وطمنيني
ام اكرم .. الله وياك انتبه على نفسك
موج .. اباوع على عمتي وبگلبي اكول لتخافين العار ميموت
واجه عمي يركض ويلهث ويرجف لاياربي دخيلك
ام اكرم .. خيرك يارجال شصاير وشبيك وجهك اصفر على كيفك

ابو أكرم .. الحكو ضاربين غيث طلقات ويمكن مات

يتبع ........