رواية بين الفقر والطغيان الفصل التاسع عشر 19 - بقلم رونق

احلى بارت لاجمل متابعين  اتمنى لكم قراءه ممتعه

🌹🦋 البارت 20 🦋🌹

🌹🦋 بين الفقر والطغيان 🦋🌹

🌹🦋 للكاتبه رونق 🦋🌹

لخاطركم والله كتبت وضغطت ع نفسي لان حيل تعبانه وربي

جانت مصدومه سلمت عليهم وحاضنتهم

كالت ليش مخبرتوني تجون

كلولها حبينه نسويها مفاجأه الج

كالتلهم احلى مفاجأه والله

اجتي امي وسلمت عليهم

واجتي فاطمه تركض وتعرف البنات

اباوع ع اخواتها صدقه لاالله وحده تكول للثانيه اني احلى منج

وحده تكول للثانيه اني اهدئ منج

بس الصراحه احلاهن واهدأهن زينب

راحت جابتلهم مي

كتلها سويلهم ريوك

مقبلوا ابد

كالو نزلنه بالطريق واكلنه

راحت هي جابتلهم عصائر وكيك

راحت للمطبخ رحت وراها

اشو وجهج نخطف من شفتي اهلج

معقوله مفرحانه

اكو وحده تشوف اهلها ومتفرح وخاصه صارلها شكم شهر

لعد شبيج موع بعضج

ها مبيه شي

خل اروح اصيح حنان تسلم عليهم عيب منهم

فدوه اروحلك ابو نور لتسويلي مشاكل

عداوتك وياي اني لدخل اهلي بالنص

وشعندي وياج انت ومعاديج

سكتت

عفتها ورحت اريد اصيح حنان

اشو هاي سحبت ايدي جرتها

بس حست ع نفسها وسحبت ايدها

الله عليك لتحرجني كدام اهلي

بروح مروان لتاذيني لو تاذي اهلي

هاي شبيج تخبلتي

منو كلج ااذيج

اريد ابدل غير هاي ملابسي

ليش يابه

والله ماما تكلب الدنيه عليه شتكول

عادي كليلها حيدر ميقبل

هسه تسالني عن السبب

شاكول يخاف لااتحرش باخوته

شتكولين كولي

بس هم راح اجي وياج للدرب

واعديني تكعدين يمي بالصدر من نطلع

وشاكلج متعانديني

واني مراح احرجج والبسي الي يعجبج

شفتها مراضيه معناها مموافقه

خرب يومها شكد عنيده

كالت اعذرني مااكدر اسويها

ع راحتج لعد

ماكو خيار ثاني

امممم خل افكر

شنو رايج تنطيني بوسه وحده

اشو هاي عافتني ودخلت كبل

لا كلتلي اي ولا كالت لا

اكيد مموافقه مبين عليها

حبيت اضوجها شويه

رحت صحت حنان

دخلنه سويه وهي جانت كاعده يم امها

كتلهم هاي زوجتي حنان

حسيت بيها انتهت

يمكن الي يذبحها ميلكي قطرة دم بوجها

ماتعرف اهلها يدرون

بعدها سلمت ع امها وع اخواتها

بس حسيت بحنان تريد تموت من شافت امها واخواتها

ممتوقعتها هيج

اني بكلبي اضحك

اكول اليوم راح اتسلى هواي

هم حنان وهم زينب

امها مكعدتها يمها وشابكتها

بعدين اجتي العروسه وامير وسلمو عليهم

انطوا للعروس ظرف معرفنه شنو بي

كال ابوها مكدرنه نجيب شي ويانه مناك لان تعرفون طريق بعيد

ردنه نجيب براد لو ثلاجه بس صعب علينه نقلها

مقبلنه كناله جيتك النه كافي

امها لزينب طلبت تفتحها كدامنه وجانت مداليه ذهب وزنجيلها تخبل

المداليه محفور اسم امير واسم زوجته الي هي  زهراء

الصراحه اتفاجأنه ومحد قبل

البنيه تشكرت منهم

وصدك جانت احلى هديه

بكلبي كلت اذا فكر هيج هديتهم لعد اذا طاكين شيجيبون

الغسل الي ولتفكيري الوسخ

فاطمه اخذت البنات وصعدت

جايبين علاكه لنور ونظوري

ملابس وحلويات

وعلاكه انطوها لزينب

بدن يجهزن بالغده

رحت جبت السمج والخبز حار والطرشي واللبن وخضره

رجعت لكيت الاكل حاضر

صبوا وطلبت منهن يعزلن النه وحد وللبنات وحد حتى ياخذن راحتهن

امير اجه يشاور بيه

يكلي لك وين الام وين البنت

تاهت عليه الله وكيلك

والله لو ادري هيج جان مفوتت هالجمال

ضربته ع راسه لك ذني عرضي لتحجي هيج عليهن

افكس عيونك اذا باوعت عليهن

وهاي من شوكت هيج تفكر

من زمان بس غير اني مااحجي

وتعال اكولك هاي انت بعدك عريس وهيج تحجي

لعد اذا صارلك سنه شتسوي

كام يضحك

زوج الميتزوج بعد

ادري بامير يتشاقه بس من صدك مقبلت علي

جابو الغده مسويه اشكال واللوان

كملنه وطلبت منها ترتب الغرفه الي ابيتي حتى ينامون وياخذون حريتهم

فعلا راحت واجت صاحتهم

مقبلوا ابد

كالوا لازم نرجع من وكت

حاولنه وياهم بكل طريقه رفضوا

نظوري ونور ملمحناهم ابد

اكيد يم البنات

بعدين كتلهم خلو البنات ويوم الجمعه اني اجيبهم بيدي

شفتها فرحت زينب

راحت حاجتهن ورجعت

كالت مقبلن ابد يستحن

ياالله معقوله هذا الادب كله والاخلاق وهاي التربيه الحلوه

معقوله تطلع شاذه عدهم وتتزوج بدون علمهم وع مود شكم فلس

اكيد اكو غلط ب

حيل دخت والله بهاي العائله

اجه محمد وزوجته وسلمو عليهم وكعدوا شويه

بعدها اترخصوا من عدنه

واعدونه يجون خميس وجمعه

بغير وقت

عبالي يتعطلون حتى اتسله وي زينب

نزلن البنات وكوه سلمن ع محمد

الخجل واضح عليهن

رحت وصلتهم للكراج واجرت الهم سياره خاصه ودفعت الكروه

بس كوه يله قبل ابوها

ردت اوصلهم اني بنفسي بس رفضوا ومقبلو ابد

رجعت ولكيت امير ومحمد كاعدين ويصنفون ع نسابتهم

محمد يكله ولك كوه طلع منهم ال25 وهمه خير من الله

امير يكله لك اني اتوقعت سفرتنا عليهم لان نايمين ع الملايين

بالتالي جابولهم بلازما 32 ويضحكون

كتلهم انتوا زين احسن مني اني اهل حنان اجوي واتعشو وانطوا العشره ع اعصابهم

محمد يكلنه لك اذا ذوله نسابتك فكر وهيج لبسهم وهيج هداياهم

لعد اذا طاكين شيجيبون جكساره  لو شنو

امير يكله لك لو تشوفون زينب شنطت لزهراء يقصد زوجته

انطتها ورقه وتكلها اعذريني لان مااطلع للسوك جان جبتلكم هديه

اتعاركنه اني وزهراء ع الورقه

بكلبي اكلها ياهديه يابطريق

نريد ورق احسن

كاموا يضحكون

مااعرف منين تصرف ولا ادري بيها منو ينطيها فلوس

لازم ادور اخليلها مصرف شهري

محمد حجه والله الصراحه معرفت زينب من امها

والنزاكه خو لتسولف سالفتها

عبالك بنيه عمرها عشرين

والمشكله بتها جنها بيبيتي من وره هذا المسحتل يقصدني

اي والله صدك ضلمتها لهاي البنيه

گلي محمد لك حيدر ميصير يزوجوني الدكتوره

امير كله لك اني حجزتها من هسه

يتشاقون ويضحكون

كتلهم راح اكوم افرغ المسدس براسكم اثنينكم

محمد يكله لك وهذا الاثول الثاني المطنش الكمر ومكابل وحش الطاوه 🤣🤣🤣🤣😅😅😅😅😅🤣🤣🤣🤣🤣🤣😅😅😅😅

اسكتو ذكرتوني بوحش الطاوه  كتلهم اليوم  تنفجر اكيد من الغيره

ضحكنه شويه وبعدها كلمن راح لحال سبيله

بقيت افكر ياترى معقوله زينب تتزوج بدون علمهم

ومبين ابوهن مربيهن تربيه والنعم منها

بس الصراحه مااعرف عدها اخو لا

مااكدر اسالها

رجعت ولكيت حنان كالبه الخلقه

ها خيرج شكو شصاير

اكول عود ليش هيج استقبلتو اهل زينب

وهيج طبختو الهم

اشو اهلي من يجون محد يدخل ويسلم

اول شي اهل زينب هاي اول مره يزورونه

وثاني شي بالنسبه للاكل كل اليجينه هيج نسويله ماكو فرق عدنه

وتعاي اكلج همه اهلج شوكت جاين ع الغده

اشو كم كله ع العشه

اي حتلو عشه

متقدروهم ابد

بس ذوله لان اهلها لزينب

اكلج راسي يوجعني وماالي خلك ابد خليني انام وبلا لغوه زايده

سكتت

بعدين كالت عود ليش اول مره يزوروكم

ميحبون يزورون احد اله بمناسبه

هذا طبعهم

سكتت

نمت وكعدت خابروني جماعتي كالو سهره متتفوت ابد من العمر ولازم تحضر

كتلهم الله كريم

بس هاي وحش الطاوه ع كولت امير شلون اخلص منها

كتلها تروحين لاهلج تباتين

كالت ليش شكو وتريد تخلص مني

لج لتصيرين ثوله شلون يعني اخلص منج

اشو من تزوجتج لهسه خبلتيني خليتيني حتى زينب ماانام وياها

لان احبج واموت عليج ومااكدر افاركج

بداخلي ميت ضحك

فرحت هيه

كالت شلون اليوم راح تفاركني

مو خابروني هسه وعزموني ع حنه واخاف اتاخر عليج

اذا هيج وديني

بس من هسه اكلج مو تسبيني بالمخابره

تخلص الحنه وانام كبل

ماشي حبيبي

وديتها ورجعت للبيت

سبحت وبدلت وخليت عطر

عطري المفضل جان بلو شانيل 👇

ردت اطلع بس شميت ريحه طيبه مالت طبخ مااعرفها شنو

رحت للمطبخ لاهلي

لكيت زينب ع الطباخ

هاي شنو الريحه شمسويه

كالت اجنحه مالت دجاج وبتيته

معقوله هاي هيج ريحتهن بكلبي حجيت

مستوي الاكل لو بعده

اي كملت

حطيلي بس قليل

اجتي امي للمطبخ

ها يوم وين تريد

معزوم ع حنه ودزيت حنان لاهلها

اكعد اتعشى وروح

كاعد تصبلي زينب

اكلت وجانن حيل طيبات

ردت اطلب بعد

بس كلت خاف ممسويه هواي

كلتلي اصبلك بعد

كتله لا

غسلت وطلعت

رحنه اتعشينا بالمطعم وبعدها رحنه سهره للصبح

بعدها رجعت سبحت وصحصحت بس يادوب الساعه ب4

كلت بعد هواي وكت للدوام

قوقتت المنبه ونمت

كعدت ع صوت ناعم

مو صوت حنان

فتحت عيوني وجان اشوف زينب كبالي

سحبتها لحضني بس ماادري بنفسي

ياالله شنو من صباح هذا اليوم

يمكن احلى يوم بحياتي

عبالي حلم ورجعت نمت

حسيتها وخرت عني وكامت تصيح

ابو نور وكتتك راح الساعه ب7 ونص

طفرت من سمعت ب7 ونص

وكتي راح

بسرعه كعدت

هي بسرعه سحبت نفسها ورادت تطلع

سحبتها من ايدها

الحلو وين رايح

اريد ارجع لغرفتي

زين شعندج هنا اكيد جايه تتحارشين بيه

وفوكاها شابكتني

هاي انت شكاعد تحجي

شنو تخبلت واتحارش بيك لو اشبكك

ليش انت اكو واحد كلج صاحيه

لا محد كلي

رادت تطلع مره ثانيه

سحبتها الي وقربت وجها عليه

وين تردين تنهزمين

رجاءا ابتعد عني

واذا مبتعدت شراح تسوين

مو اجتي واتحارشتي وعفتيني ع النص وتردين تنهزمين

والله ماقصدي شي

بس وكتك راح وكلت خطيه

بس مابيك صوج

صوجي اني الكلت خطيه

ليش مخابرتيني جان كعدت

لو الى تجين وتتحرشين بيه

روح شوف جهازك يله تحجي

ردت ابوسها

بس باللحضه هدت نفسها وطلعت بره

اتذكرت الدوام

لكيتها مجهزه ملابسي العسكريه

بعد مااشوف دربي

بدلت ولكيت لفه بجيس وكلاص سفري وترمز جاي صغير

ياالله حتى ريوك مجهزه

اني من يوم التزوجت حنان لليوم نسيت الريوك

هناك اتريك يوميه

لبست وطلعت ع السريع

داومت بس اليوم اوزع ابتسامات

طلعت اللفه والجاي

مسويه كباب وفنكر وياها

اكل وضحك حيل فرحان اليوم ومااعرف السبب

اتذكرها من كعدتني واتذكر من شبكتها

وشلون تنهزم

جنت متوقع ادور فرصه حتى تتقرب عليه

بس طلعت متوهم

متهتم لقربي ابد

فجأه وجان يجون جماعتي ويباركولي

شكو ولكم شصاير

جان يكولون مبروك اترقيت وصرت رائد

معقوله حصلت ع النسر وصرت رائد

جان اسعد خبر بحياتي

اكيد اليوم صباحي مو عادي ابد

الكعدتني وصبحت بوجها اكيد وجها خير عليه

احس كلبي كام ينبض باسم زينب

دكاته تصيح زينب

ياالله اسعد واحد بالدنيا اني

طلعت الجهاز حتى اتصل باهلي

وجان الكي يمكن 20 مكالمه من زينب

شفت الوقت من ال7 لل 7ونص

طلع صامت مخلي من الليل خفت من حنان تزعجني

خابرت امي وبشرتها

وبعدها ابويه واخوتي

الكل فرح دزيت لزينب

راح اتاخر يوميه بالنومه حتى يوميه اكعد واول شخص اشوفه هو انت

واتريك اطيب ريوك

خو الحضنه لتسولفين سالفتها

بس هاي منو علمج هيج تتحارشين بالزلم ودزيتلها 👈😜

دزيتلها عاشت ايدج ع اللفه والجاي

زينب : دخلني حيدر للبيت بعد ماضربني وطلب مني مااطلع ابد

للمغرب اجني البنات وخاله

اني جهزت كلشي يخص الحنه

ببسي وكيك وكاسات مي

وجابو لفات كص بس مرتبيهن همه

اتعشينه من لفات الكص

وبعدها بدت الحنه مالت الولد

جنه نسمع الاصوات والاغاني

اشوف البنات يركصن وفرحانات

اني هم نسيت همي لحضات

اخذوا منتظر مني ومركصينه وياهم

اجاني فرحان حيل

خلصت الهوسه

ونمنه وثاني يوم طلبت من خاله راح اختفي

لان استحي من ملابسي المبهذله

وناس اغلبيتهم ميعرفوني

كالت روحي اصعدي ع راحتج

بيومها ابد منزلت

خلصت الهوسه وراحت الناس

نزلت تعشيت ورتبت البيت

لكيت البنات منضفات البيت

بس باقي اشياء بسيطه

بعدها نمت وكعدت من الصبح

اخاف احد يجي

كعدن البنات ويانه

التهينه بالغده

كعد امير

كتلهن خل وحده تصعد ويايه حتى اسلم ع البنيه عيب

راحت ويايه ساره

دخلت وسلمت عليها وطلعت نفسها البنيه الحجيت وياها مره

اتفاجأت بيه كالت متوقعتج هيج حلوه ابد

بس توقع اخويه بمحله

كتلها مفهمت قصدج

كالت لج من سمع اخويه صوتج راح بغير عالم

يكوم ويكعد يحلم بيج

ويوميه حاصرني صارحي صديقتج اريد احجي وياها

كتله متزوجه واحلفله يكلي مااصدك

واتوقعج جمال وفعلا

بس مخلصت منه اله بطلاع الروح

ساره بقت فاهيه شدتحجن انتن

كتلها بعدين افهمج

عفيه ديري بالج تفلتينها كدام حيدر والنبي يذبحني ع القبله

لا يمعوده شاحجي

اجه امير وباركتله

انطيتها للبنيه ورقه صرفها الي عمو

كلت عيب منها

واعتذرت منهم لان مااطلع للسوك جان جبتلهم هديه

طلعنه وسولفت كدام البنات وشسوه بيومها حيدر

كالن حقه هيج يسوي

كالت ساره اذا ماطلع حيدر يحبج ويغار عليج اني مااتسمه باسمي

بس هو عنده نوع من الكبرياء يمنعه يعترف

واكبر دليل يغار عليج حتى من اخوانه

وميخليج تلبسين اللوان زاهيه

يخاف تصيرين بعد احلى

كتلها مستحيل صدك اخوج يحب غير نفسه

غيرنه الموضوع

للعصر امير جوه استغليت فرصه ودزيتله مسج

امير اذا تعزني وتكول اختي وحاسبني حالي حال اخواتك

لا تحجي اي شي عني كدام زهراء  عيب منها واستحي واخاف يطور الموضوع من شخص لشخص

دزلي تحجين صدك ولج الله شاهد انت معزتج ازيد من اخواتي والله يشهد

واني مو ناقص غيره واحجي عن عرضي امني وميكون خاطرج اله طيب

امنت شويه لان مااحب انفضح كدام الناس

مشه اليوم عادي وثاني يوم كذلك ملتهين بالخطار

بالليل راحن البنات لبيوتهن

كالت خاله باجر يجون خطار غداهم يمنه

ولازم تكعدن من وكت تجهزن الغده

فاطمه كالتها منو كالت جماعة حيدر

كعدت من الصبح سويت مندي لحم

حيدر جايب مسواك مالت عشيره

سالت خاله شكم نفر كالت ماادري

كال عمو تقريبا 5اشخاص

كالت يجيب ويا سمك مسكوف

سويت المندي وسويت دجاج شويته اني

وسوينه تبسي ناشف وسويت سوب لحم

سوينه زلاطه انواع وجهزنه الفواكه انواع جايب

وحلويات

تقريبا ب10 ونص اندك الباب

اجه حيدر كال تعاي ادخلي جوه

اتفاجأت كتله مو زلم عيب ادخل

منو كلج زلم

دخلت وجان اشوف الصدمه اهلي جايين

فرحتي متنوصف حيل مشتاقتلهم

بس بنفس الوقت جنت حيل خايفه منه

ادري راح يحاول يغثني كدام اهلي

وخفت خاف يعرفون بي متزوج

واباوع ع لبسي محتاره شاكول

ياالله بقيت حايره

جبتلهم مي وكيك وببسي

اول مره يزوروني اهلي

شلت هم كلت مجايبين هديه وياهم وعيب منهم

وراح ياكل كلبي حيدر يااهلج الفكر ويافكر

بس اتفاجأت من طلعوا زنجيل وجان نازك بشكل

حيل فرحت لان رفعوا راسي

بس مااعرف منين جابو الفلوس لان خطيه حالتهم ع كدهم

رحت للمطبخ واجه ورايه حيدر

وحاول يستفزني بهواي شغلات

رادني بس اوافق اصعد ويا بالسياره

بس لو يموت مااصعد

بعدها طلب مني بوسه

اكيد بطران ويحلم 😏😏😏

عفته حتى مجاوبته

كلت خلي شيريد يسوي يسوي

اول وتالي يعرفون ماكو داعي للكذب بعد

بس مااخفي عليكم الخوف الي بداخلي والقلق موتني ودمرني دمار

اهلي حسوا بيه شبيج مو طبيعيه

كتلهم ماكو شي

ماما كلتلي شنو هاي اللابستها ماما

مو لان اطبخ وجنت متوقعه يجون خطار

ومن الصبح لهسه مشغوله

كلت اخلص وابدل

منو جايبها الج هاي الدشداشه

من زمان عندي

والله اذا بقيتها عندج

شككيها وذبيها

حاظر ماما

دخل حيدر ودخلت ويا حنان

اني هنا تذبحوني قطرة دم متلكون بيه

عرفهم عليها بس شفت اهلي ممتفاجأين ابد

استغربت الموقف

البنات اخذتهن فاطمه وصعدت

ملتهيات وي نور ونظوري حيل فرحانات

جهزنه الغده وعرفت ليش هيج مبالغ بالاكل

يريد يتباها اكيد كدام اهلي

وعباله مشايفين لو مماكلين

وراح يفرحون

احنه وحد والزلم وحد

اخذنه راحتنه وكعدت اكلت وياهم

اكلنه اكثر شي المندي

السمك محد ضاكه لان احنه منحبه ابد

والاكل تقريبا رجع

حاولنه نبقيهم بس مقبل بابا عنده دوام

حيدر كال بس البنات بقيهم واني اجيبهم

بس هنه مقبلن ويخجلن

راحوا واحس روحي راحت وياهم

حيل ضجت والله وحيل جنت مشتاقه الهم

الله ليوفقك حيدر لان حرمتني منهم

رحت نمت ومكعدت غير للمغرب

صليت وكملت

وطلعت اجنحه حمستهم وي بصل وبتيته وخليت كاري

طلعت الريحه تجنن

اجه حيدر وجان بكامل اناقته

الصراحه هو انيق بشكل

والعطر سابقه

كلي شمسويه كتله اجنحه

كلي خليلي بس قليل

صبيت وخليته كدامه

اكل الماعون كله

كتله اصبلك بعد كال لا

سالته خاله وكللها عندي حنه

اتعشينه وزهراء اجتي يمنه بالغرفه

سولفنه وضحكنه وشويه غيرت جو

ماكدرت انام بالليل ابد

بقيت اقره قصه ع الواتباد

اقره وابجي

وهانت عليه قصتي

بس بقيت للفجر كاعده

لاحضت سيارة حيدر لهسه ماكو

اني اكثر المرات الاحضه يجي وجه الصبح واعتقد سكران

اني غرفتي مقابيل الباب الخارجيه

شفته دخل للبيت وره الاذان

صليت ورجعت للقصه

صارت الساعه ب7 كلت خل اخابره لحيدر اخاف يتاخر

ادك ولا كانو ميجاوب  اكيد نايم

الكل نايم لان عطله وماكو دوام صادف عطلة نصف السنه

ردت احد يكعد حتى يصيحه بس ماكو

جهزتله لفه كلت وكته راح وسويتله جاي بترمز زغير

رحت لبيته دخلت هدوء

لكيته نايم

كعدت ولا كانو

رحت للكنتور وطلعت ملابسه وجهزتهن

اجيت بصفه وبديت اكعد بي حيل

اشو هذا كعد وفتح عيونه وشبكني حيل

جسمي مدري شصار بي من لمسني

بس مبين علي ميدري بنفسه

سحبت نفسي وكعدته

كعد واخيرا

ردت اطلع بس هذا سحبني

وعبالي اجيت اتحارش بي

ميدري اخر همي هو

كوه فلتت منه

كلت التوبه مااعيدها بعد لو مو يروح وكته

شعليه بي يطبه مرض

سهران لوجه الصبح اكيد شرب ونسوان

شعليه بي

هواي عدنه اكل من البارحه كلت احمي لليوم

صعدت نمت

كعدت لكيت الساعه ب3 عزه بعيني

هاي شكد نايمه

فتحت جهازي

عزه هذا شكاعد يحجي

دزيتله مسج

اكيد انت مصخن اليوم

خل يكون بعلمك اخر همي انت

لو اموت مااتحارش بيك

ولو تبقه بس انت بالدنيه

هم مااباوع بوجك ولا احاول اتقربلك

دزلي 🤫🤫🤫🤫🤫🤫🤫

ع كيفج يابه هاي شماكله اليوم وهيج هديتي عليه

راح اسامحج هالمره ع كلامج وياي

لان فرحان اليوم

بس غير مره لسانج اكصه اذا تجاوزتي

مجاوبته شي

نزلت لجوه ولكيت الكل كاعد

اعتذرت من خاله لان بقيت لهيج وقت

كالت خاله شوكت ميعجبج اكعدي

وشوكت ميعجبج نامي

مو مشكله

اكو 3 جناين غيرج وفاطمه وياهن

ضحك امير

كال الله ربج زينب

كاعده ب3 ونص والكل يدافع عنج

واني وزهراء  عرسان كعدونه ب10 يكولون الدنيه ظهر

ويضحك

كله ابو عمت عينك ع هالجذب

شحال لو ما بالوحده كعدت

كامو يضحكون

نظوري كاعد لكيته ونور همين

رحت سويت طماطه وكثرت دهن

وحميت ويا تمن ع مود الجهال

صحتهم نظوري ونور

اجوي يركضون

كعدنه بالمطبخ ناكل

اشو اجه حيدر وكعد ويانه

كال اني هم جوعان جيبيلي خبزه وياج

لو اموت مااكل ويا ابد

حيل اخجل منه

جبتله خبزه وكعد

اني بعد مااكل بقيت بس اوكل بنظوري

ليش متاكلين

مااشتهي لشوي بعد واكل

متاكده ماتشتهين لو لان اني كعدت

راح اكوم تعالي كملي

لاوالله مااشتهي اكل

بعدين اكل

صدك اكل الطماطا كلها

كلي اليوم اجتني عقوبه وشلون عقوبه

هاي كلها بسبج

اني باستغراب

ليش بسببي

ليش متكول بسببك انت

اني ماكايلتلك اطلع اسهر واتونس وي البنات واشرب وتعال سكران  وجه الفجر وتريد تذب الصوج بيه

هاي فوك مكعدتك

شكلتي ولج

منين تعرفين هاي السوالف لج شنو مراقبتني

ضربني راجدي دوخني بي

منو الي يوصلج المعلومات كولي

محد كلي والله

منو انت وشنو موقعج و جايه تحاسبيني

انت تكومين تكعدين خدامه ومربيه لجهالي بس

اعرفي حدودج زين ولتتجاوزين افتهمتي لو لا

منطقت ولا حرف

بسيطه الج الله كريم

عافني وطلع

هاي دائما الحقيقه تكون قاسيه

يريد يذب الصوج بيه

هاي بمكان ميشكرني

حيل ضجت

والله لو يموت صدك مااكعده بعد

هسه اني شحجاني لو ساكته احسن

الغسل الي لو عايفته نايم مو احسن الي

حسيت بنفسي مخنوكه

حتى عيب اصعد الغرفتي واني هستوني كاعده

بقيت الهي بنفسي بالشغل بس حيل ضايجه

وره فتره جاب حنان واجه

التمينه بالمطبخ

زهراء  ورسل وفاطمه واني

بس حنان لا

سوينه العشه حلوه اللمه البنات اثنينهن حبابات هم رسل وهم زهراء

كمل العشه واجوي حيدر وحنان صاحتهم فاطمه

فرشنه سفره بالصاله

الكل كعد باستثنائي

لليوم مكاعده وياهم

بس بيوم الاجوي اهلي اكلت وي البنات

كال عمو ليش متكعدين ويانه

بنفسي اشوفج كاعده بنصنه

ليش دائما تحسسينه بان انت غريبه

والله عمو مااشتهي مساع اكلت

حجه حيدر وجان اول مره هيج يحجي وياي كدام البنات

يابه اتركها مو هي بنت الوزير

واكيد منليق بمقامها

ميصير تكعد ويانه

الكل صفن علي

جان يكول المثلها فكر بنت فكر ميجوز تاكل اله بالمطبخ حالها حال الخدامه

مو مالت الواحد يحترمها ويكعدها بنصنه

ياالله اول مره انهان كدام حنان وزهراء

اتمنيت الكاع تنشك وتبلعني ولا اصير بهيج موقف

قسما بالله وروح مروان اذا شفتها تاكل وي شخص منكم اله نهايتها ع ايدي

الكل صافن ويردون يفتهمون شي ماكو

يله وهسه روحي ابقي بالمطبخ وانجبي

احس بحراره تجوي خدي

اكيد دموعي يجرن

عمو سمعته يغلط علي ومحمد كذلك لعبو بي جوله

اني سديت اذاني مااحب اسمع شي

بعد مااسمع ولا اشوف ولا اركز

فصلت عن العالم

كل الي اعرفه اريد اروح لغرفتي

بس شلون ياالله

بقيت منتظره

لمن خلصوا

رحت لميت المواعين

عمو كام يصيح عوفي كلشي واصعدي

مجايبينج خدامه هنا

كتله لا عمو هذا شغلي والي الشرف اخدمكم واخليكم ع راسي

لان عمر النظافه والترتيب والطبخ مكانت خدمه بالنسبه الي

الكل سكت

هو طلع

محمد حجه ويايه

كلي لتهتمين خل يولي مخبل والله مو صاحي

والله ميستاهل اظفر من اظافيرج

كتله عادي متعوده ع هالرزايل

سويت نفسي ممهتمه

بس الصراحه كلبي احسه ينزف دم

حاولن البنات يغسلن المواعين مقبلت

غسلتهن واخذت الجهال وصعدت

دموعي ينزلن غصبا عليه

خطيه نور ونظوري يمسحون بيهن

الباب قفلتها حتى اخذ راحتي

كلتلي نور افتحيلي الباب اريد انزل

فتحته الها وره شويه واجتي كالت ضربت بابا حتى بعد ميخليج تبجين

خطيه مقهوره عليه حيل

بوستها وكتلها صيح عليه من صالحي مو ضدي

حتلو مااقبل يصيح عليج

تقريبا صارت الساعه بالعشره

اجتي فاطمه دكت الباب

فتحتها

جان تكول يردونج بالاستقبال

منو الي يريدني

كالت بابا وحيدر ومحمد

وياهم رجال وشاب طلبوج بالاسم يردون يحجون وياج

منو ذوله وشيردون

والله مااعرف

اجه حيدر وعيونه تجدح نار

كال بسرعه صيحيها وخل تنزل

بقيت حايره منو ذوله وشيردون مني

ومعقوله حيدر يخليني ادخل يم الرياجيل

لبست صايه وحجابي عدلته ولبست عبايه

اخاف المغرور يسويلي سالفه

نزلت ودكيت الباب

وي كل دكه احس كلبي يريد يطلع من مكانه

كال عمو ادخلي بنيتي

دخلت وجان انصدم ........

توقعاتكم حبايب منو ذوله الجاين

شنو اليردونه من زينب

هل راح يسببولها مشكله ام لا

لتنسون التصويت حتى انسى التعب 😜😜

تحياتي حبايبي 😘😘😘