رواية بين الفقر والطغيان الفصل الثامن عشر 18 - بقلم رونق

مساء الخير ع اجمل متابعين اتمنى لكم قراءه ممتعه

🌹🦋 البارت 19 🦋🌹

🌹🦋 بين الفقر والطغيان 🦋🌹

🌹🦋 للكاتبه رونق 🦋🌹

جان يكول اخر شي تفكرين اطلعين من الباب

ممنوع تخطين خطوه وحده

ممكن اعرف السبب

بدون سبب وياريت تسدين الموضوع نهائي

واتمنى متخلين احد يحجي وياي

لان وروحه لمروان محد ياثر ع قراري ابد

احفضي كرامتج واكعدي واسكتي

احسه سجينه وذبحني بيها

حيل ضجت

اها وياريت هالمره هم تجذبين مثل كل مره وتكوليلهم اني مااريد اروح

لان ادري بيج بالجذب محد يلحكج

احس لساني نعقد مااعرف شاحجي وشاجاوبه

فضلت السكوت مثل كل مره

طلعت صحت عمو واخذت ابني وردت اصعد

دمعتي بطرف عيني مااحب تنزل كدامه

صاح جيبي نظوري خل اعشي وياي

نزلته وهو راح يركض اله

حسيت بنفسي مخنوكه وحتى الهوى مااكدر اتنفسه بسهوله

كلي عمو تعالي اتعشي ويانه

لا عمو مااشتهي

كتلهم  راح اكعد بالحديقه ومن تكملون اجي

فعلا كعدت بالحديقه اباوع ع السما

احجي بيني وبين نفسي

اكول ليش هيج ياربي سويت بيه

هاي اني لان شريفه وماسلمت نفسي بالحرام لمروان هيج اتعاقبني

يعني لو بايعه شرفي وماشيه بالحرام بدون زواج

هل ياترى هيج يصير بيه

لو اتقدس واتخلى ع الراس

ادري الشريف ينداس

ومحد يريده

بقيت كاعده وخانتني دمعتي

مسحتها ودخلت لكيتهم مكملين بس نظوري يوكل بي

طفيت الجاي وصبيت الهم

اخذت ابني وغسلتله

عمو شرب جاي وطلع بره

بقه حيدر

صبيتله وردت اصعد

كلي اسمعيني زين زينب

جري عدل وياي اجر عدل وياج

متجرين عدل وتعاندين ااذيج

مااريد تحبسين الاطفال فوك

ولا اريدج تبقين فوك

انزلي حالج حالهن

نضفي اطبخي

مو بحجة تتهربين مني

كاعده لاشغل ولا عمل وحابسه الاطفال وياج

كتله حاضر اكو شي ثاني

لا ماكو

طلع هو واخذ نظوري ويا

بقيت الهي بنفسي

اجني البنات وجانن فرحانات

جايبات ملابس لنظوري

حسني مو ع بعضي

سالني كتلهن راسي حيل يوجعني

مااعرف شبي

انطني حبايه

وفعلا احس راسي يريد ينفجر

اترخصت منهن وصعدت

نمت من وكت

كعدت الصبح سويت نفسي مريضه

حتى اتحجج ومااروح

وفعلا كتلهن مااروح

حيل ضاجن عليه

حاولن ويايه رادني بس اروح

بس مقبلت ابد

كالن اخاف حيدر مخلاج

كتلهن لا بس مريضه

صار الموعد والكل راح حتى عمو وحيدر ومحمد لان عقد

بقيت بوحدي واتعودت تقريبا ع الوحده

بس شنو حيل ضايجه

بعدها اجوي وجانت الفرحه واضحه ع الكل

ردت اجهز العشه

مقبل امير كال راح اجيبلكم جاهز

سالوني شلون صرت

كتلهم بعدني

طلبت من فاطمه تاخذ نظوري مني

وكتلها راح اصعد انام

صعدت وفعلا ردت انام حيل نعسانه وراسي يوجعني وجع مو طبيعي

جان تجيني رساله منه

تعرفين تمثيلج يخبل

تصلحين ممثله

وع فكره اكبر جذابه بالدنيه انت

مجاوبته ابد

وره شويه دزلي

مشتهي كيكه منج بس اريدها عاديه مو اسفنجيه

ياريت تسويلي باجر

دزيتله رساله

اريد عمو ياخذني باجر لاهلي

ممنوع

بس حرام عليك هيج تسوي بيه

الك حق متخليني اطلع لاي مكان

وتمنعي من اطلع

بس اهلي ميصير تمنعني منهم

اني ممانعج منهم

بس مااقبل تروحين وي اي احد اله ويايه وبالصدر

لعد بطلت انسى مااروح لاهلي

حيل ضجت منه واحتقرته حيل

حيدر : قررت اخذ زينب لاهلها

وهاي حنان مخبلتني اريد اسافر وي اهلي لايران

قبل لايبدي الدوام

اني معارض مااحب تروح وي اهلها

كتلها اذا راحت امي روحي وياها

شفته مثل المقابله يطبها مرض

كالت لا مااروح بطلت

بس يوم الخميس بالليل بقت تلح عليه هواي

حباب وفدوه خلي اروح

وكلهن معلمات وياي يرحن

حيل ضوجتني كتلها هذا الموضوع ينسد نهائي

ماترحين يعني ماترحين

اشو مدت لسانها شطوله

كدرتك بس عليه

ذيج زينب متنصر تتنفس نفس وياها

بس رادت لاهلها مصدكت انت كيفت وراح تاخذها

حاولت وياها تنصي صوتها ولا كانو

ضربتها زادت بالزايد

بديت اضربها واذيتها

كوه سكتت

كتلها اتخبل من وحده صوتها عالي

وبس الكح .....صوتها هيج

هي خنست بعد مفكت حلكها

عفت البيت وطلعت

رحت سهرت وي جماعتي وصار من زمان مساهر

شربت وياهم بس مكثرت مااكدر

رجعت يمكن ب3 نمت وكعدت من وكت همزين

سبحت وبدلت

جان تكعد حنان

هسه توديني لاهلي

انعلي الشيطان واكعدي

لا والله وديني

شنو جايبني بس تضرب بيه

حاولت وياها بس هي مصممه

عصبت حيل وكمت اكسر الغراض

كتلها اودي زينب واجي اوديج

وانعل غيرته اليرجعج بعد

طلعت حيل معصب وروحي طالعه

جان تجيني هاي الثانيه جنها بدويه مخليه الملابس بعلاكه

حيل ضجت منها

صدك انفعلت وغلطت عليها

مااعرف ليش كلمة فكر بنت الفكر دائما بلساني

مااعرف لان زواجها من مروان الله يرحمه زواج صفقه مقابل 15 مليون

مااعرف بالضبط

بعدين صعدت وره صدك عصبت

ذبيت حركتي بيها

احلى شي يعجبني بيها

من تجاوبني وعود تراددني

تحجي بهدوء وكوه تحجي الحجايه

بس عاندتني

اكثر شي اكرها العناد

اني هم عاندتها

ونزلتها من السياره

جنت اريدلي حجه ع ارجع لهاي الثوله

رجعت ولكيتها تتريك ولاكانو شي صاير

هي اتفاجأت من شافتني

كالت ها ليش رجعت

كتلها من وراج غير حتى اخذج لاهلج

بس قسما بالله ماارجعج لو تموتين

كالت لا مااروح وبطلت حتى لايران مراح اروح

لعد عليمن هالطلابه من الصبح

سكتت اني هم بدلت ورجعت ردت انام 

كلت هسه تخابرني لو ادزلي رساله زينب واخذهم

بس اشوهاي دزتلي اخاف ابوها يخابرني اكوله عندي شغل

حذرتها محد ياخذها اله اني ولا زم تصعد بالسياره

اشو ولا كانو ولا ناويه تروح لاهلها

فعلا من اتصل ابوها اعتذرت منه

كلي مو مشكله اهم شي انتو زينين

احسه انسان مثقف وواعي

مرت الايام ولا جابت طاري اهلها

وخبرت ابويه اهلها ماهمه

هواي تجذب والمشكله الكل يصدكها

اني مستحيل افكر اكلها تعاي اخذج لاهلج

اريدها هي تطلب مني

واهم شي تصعد بالصدر

حنان اتصالحنه اني وياها

كتلها اذا راحت امي روحي وياها

كالت ميخالف

مرت الايام وهاي ام خشم اليابس ولا اتنازلت وكلتلي وديني لاهلي

دائما يخابرني ابوها واعتذر مااكدر اجيبها عندي شغل

يكلي عمو اني اخابرك حتى اطمأن عليكم مو مهم تجون

اهم شي مرتاحين

حجيه يفتح النفس

عكس اهل حنان

امير طلب من امي تخطبله

سالنه ع اهل البنيه طلعوا خوش ناس وحبابين

رجعوا الموافقه

والكل بده بتحضيراته الخاصه

حنان خابصتني خبص اريد اشتري واريد اصبغ شعري واريد واريد

كتلها انت صارلج 6 اشهر من تزوجتي

يعني ملابسج نصهن ملابستهن

كالت لا الكل يلبس جديد واني لا

كالت اروح لاهلي ومناك اطلع وي امي للسوك

كتلها روحي

قرب موعد العقد

وقرر يسويها حفله بس بالبيت مو بالقاعه

اجني البنات والكل مخبوص

اني الصراحه مااريد زينب تروح

مااعرف سبب معارضتي

كل الي اعرفه مااحب احد يشوفها

وخاصه بحفله اكيد تلبس وتخلي مكياج وتطلع تجذب

اني توقعت ادز وحده من اخواتي

متوقعتها هي تطلب مني

راحوا كلهم للمولات حتى حنان

بقت بس هي وابويه

سوت العشه

اتفاجأت بيها من طلبت مني

طبعا رفضت ورفضي نهائي

هي سكتت منطقت ولا بحرف ولا اعترضت ع قراري

بس حسيت بيها حيل ضايجه

رادت تصعد واني مقبلت

خطيه نظوري شنو ذنبه

هم تصوم هي ومتاكل وهم هو متوكله

كعدت اوكله بايدي

هي طلعت للحديقه

وره شويه رجعت بس مبين عليها مخنوكه

ثاني يوم سوت نفسها مريضه وهي متكدر تروح

اموت عليها من تجذب وخاصه من جانبي

يعني لليوم ماانطت بيه كدام اهلي

مااعرف تخاف مني لو طبعها تحب الكذب

رحنه ثاني يوم وره الحفله رجعنه

لكيناها بالمطبخ رادت تسوي العشه

ماقبل امير

هي انطت ابنها لفاطمه وصعدت

دزيتلها رسائل سويلي كيكه باجر مشتهيها

الصراحه جماعتي اكلو كلبي ع كيكه مالت بيت

صديقي الاجاني هو وعائلته متعجبين بالكيكه

وكام يحجي بيها يكلهم تخبل

اكلو كلبي نريد نضوكها

وطلبت منها تسويلي

فاجأتني من طلبت ابويه ياخذها لاهلها

مبين عليها الكابه فول

رفضت ابويه ياخذها

اني ردت بيدي اخذها

حاب اتعرف ع اهلها

وع قصتها

بس من كتلها الى اني اخذج

كالت مااروح بطلت

اني هم راح اعاند وياها

حاب اشوف شكثر راح تقاوم

خطيبة امير السنه الاخيره الها

قرروا بعطلة نصف السنه الزواج

ثاني يوم رجعت من الدوام ونسيت الكيكه

اتغديت يم اهلي اني وحنان

شفتها دخلت للمطبخ

بس وجها اصفر مبين عليها بيها شي

سالتها بيج شي

كالت لا

بدت تجهز بالكيكه وخلتها بالفرن

اجتني فاطمه كالت عندك حبايه مالت وجع راس

المن ترديها

لزينب راسها حيل مأذيها

انطيتها حبايه

معقوله جذبتها اطول

خلصت الحفله ليش بعدهي تشكي من راسها

معقوله مريضه

رجعت للمطبخ شفتها مبين عليها صدك مريضه

شفتها طلعت الكيكه

كتلها شنو اليوجعج بيج شي

كالت لا اني كاعد امثل وجذابه

اها لعد عبالي صدك وفرحت

ادري بيها صدك مريضه مبين عليها

لحضات واجه محمد وبيده قياس الضغط

كللها انطيني ايدج خل اقيس ضغطج

كالت مبيه شي

كللها انطيني ايدج واسكتي

دخلوا للصاله

وقاس ضغطها

حسيت بغيره الصراحه

من شفت محمد اخويه قريب عليها مااعرف شصار بيه

يمكن اغار غيره عليها مو طبيعيه

كل لفاطمه روحي سويلها كلاص لبن مالح

عدها هبوط قوي بالضغط

بعدين قاس حرارتها لكاها مرتفعه

سالها شكم سؤال

وجاوبتها

كال اشك بيها تايفوئيد

التفت عليه وكلي هسه تاخذها تحلل الها

هي طفرت

لا مبيه شي مااروح ولا احلل

گلي معليك بيها اخذها حتى لو بالقوى

اذا تايفوئيد لازم دورة ابر وكبسول وعلاج

وراح يكون معدي حتى تكون حذره من ناحية نظوري

كالت لمحمد عفيه جيبلي علاج انت

مااكدر اطلع والله

ميجوز انطيج بكيفي

لازم نتاكد من التحليل

سكتت محجت شي

طلع محمد

محمد بعده طبيب مقيم يعني مفاتح عياده بعده

كتلها روحي جهزي نفسج وتعاي

كالت مااريد اروح

لتعاندين روحي جهزي نفسج لا والقران اسحلج سحل واخذج بالقوه

كالت خلي فاطمه تروح ويانه وتكعد بالصدر يله اروح

احتركت عشيرتج واحد واحد ع هالعناد

امري لاالله روحي كلي لفاطمه تجهز نفسها

خرب يومها عدها عزة نفس وكرامه بعمري وحياتي مشفت منها ابد

نظوري بقينا بالبيت يم امي

اباوع عليها رغم مالابسه عبايه وبوشيه نازكه بشكل

مستحيل هاي حالتهم تعبانه

واضح عليها العز

دخلنه للمختبر

وجان ولد شاب يسحب دم

طلب منها اطلع ايدها

شايل هم شلون راح ترفع ايدها

وخرت العبايه عن ايد وجان انصدم صدمة عمري ممتوقعه هيج تسوي

حاسبه حسابها ولابسه نص ردن ومعاصم

يعني مطلع منها شي بس ع كد السحب

الصراحه حيل اتفاجأت بيها وفرحت بنفس الوقت

طلعنه انتظرنه

لحضات وصاحوا باسمها

وجانت النتيجه نفس توقع محمد بيها تايفوئيد

وجانت نسبته عاليه 360

اتصلت بمحمد وكلي وديها لدكتور الفلاني ...... احسن واحد

انتظروني واني راح اجيكم

فعلا وره شويه اجه محمد

حاجه السكرتير وره لحضات كال تعال

كال محمد ابقوا هنا بس اني وياها ندخل

فعلا دخلو بس هواي اتاخروا

بعدها طلع بس محمد وجاب علاج رحت ورا وردت ادفع العلاج مقبل

الكشفه رجعوها الي

شويه وطلعوا

كتله ها بشر

كال شكللولها كانولا وانطوها علاج

رجعنه للبيت

محمد كال خل تصعد فوك حتى اشكللها المغذي والابره

صعدت وصعدت وياها

شكللها المغذي والابره بي

وطلب من فاطمه تراقبه

قبل ليطلع

كل لفاطمه ممنوع تاكل اجبان ولا دهن

كللها اكثر شي عصائر وبسكت

طلع محمد

كالت لفاطمه انطيني هاي جنطتي

جابتها وانطتها الها

فدوه جيبيلي ابني اخاف جوعان

طلعت فاطمه

كتلها اذا مريضه صدك ليش محجيتي

مو لان ممثله وماخذه جائزة الاوسكار بالجذب

محبيت احجي

سكتت محجيت شي

بعدها فتحت الجنطه وطلعت 25 منه وكلتلي هاك

هاي شنو

فلوس التحليل والكشفه مالت الدكتور

انجبي وواحترمي نفسج ورجعي فلوسج للجنطه

لاوالله مااقبل ابد اخذهن

ولتنسه انت مامسؤل عني ابد

اسكتي ولتكفريني بالدنيه

رجاءآ ابو نور اخذهن لا وحق الحق بعد مااطلع وياك ابد

وحتى علاج مااخذ

اول شي الكشفه رجعوها

وثاني شي بس التحليل ب5 ومتسوه اخذهن

لو يسوون جان اخذتهن بدون متكولين

ادري بنفسي مامسؤل عنج

بس هذا الشي سويته لخاطر ابني مو لخاطرج

طبعا ع اعصابي هيج حجيت

ادري بنفسي مذنب وياها وفعلا حقها من هيج تسوي

لليوم معتبرتها زوجه ولا عاملتها ك زوجه ولا احترمتها

ولا فكرت اصرف عليها

شفتها مصممه

الي لاحضته عليها عدهها عناد بالاشياء الي تمسها الها

اول شخص بحياتي اشوفه هيج

رجعت ال 25 وطلعت 5 كالت هاك

كتلها خلي مصرف لنظوري 

ممحتاج والله عدنه خير من الله

اللهم طولج ياروح جيبيها امري لاالله

اخذتها عفتها ونزلت

زينب : الم راسي حيل زاد عليه

واحس بنفسي صخنت

والمشكله ساعه زينه وساعه لا

جهزت الكيكه بس ع اعصابي

فاطمه دزت ع محمد وقاس ضغطي لكاه هابط

شربت اللبن اتخربطت اكثر

كال لازم احلل

الصراحه مااحب اصعد وي حيدر ابد

من شفته مصمم كلت فاطمه تروح ويانه

فعلا رحنه وطلع بيه تايفوئيد

رحنه للدكتور دخلت اني ومحمد

شاف النسبه عاليه

كال لازم علاج من 10 ايام الى 14 يوم

كال لازم تفطمي ابنج مو زين علي

سالني عن عمره كتله سنه و7 اشهر

كال افطمي ماعلي ابد

كتب الوصفه وطلبت من محمد هو يشتريلي العلاج

كتله مااريد حيدر يدفع

رجعنه للبيت وهذا لازكلي وين مااروح يروح ويايه

صعدت وهم صعد وياي

صممت اله ياخذ الفلوس

وفعلا اخذها ارتاحيت

مااحب يصرف عليه ولا ربع

اجتي فاطمه وجايبه ابني

لابسه كمامه حتى بلكي متنقل العدوه

دزيت رساله لمحمد كتله شكد فلوس العلاج

لعب بيه جوله گلي هاي المره عدتيها

مره لخ ازعل وياج

اجت خاله وكتلها شلون افطمه ابني

كالت نخلي قلم حمره حتى عباله دم

وشاف الكانولا بيده خطيه كام يبجي خاف

فعلا خلينه حمره وهو تخبل

مقبل ياخذه ابد

كالت خاله شدته 3 ايام

كمنه نطلعله حلويات

صارت الساعه ب12 وهو مراضع خطيه

بس ميبجي

بعدها نعس ونام فرحت

بس شويه وكعد وجان مخبل يبجي وميتفاهم يريد يرضع

كعدت فاطمه واجتي فتحت الضوه وراوينا كال كخ مااريده

سويناله كلاص حليب شربه وكوه نام خطيه

صارت ب3 هم كعد ويبجي

خطيه فاطمه بيومها نامت ويانه

هم راويناهيا وخاف

سويناله حليب شرب ورجع نام

ثاني يوم بقه نايم ل12 يله كعد بس مايبجي

يكلي كخ

فاطمه التزمت ويايه بالعلاج كل 12 ساعه

النهار ابد ماحسيت بنظوري عمو ماخذه وحيدر

لليل يله اجه جابته فاطمه

جايبيله حليب معقم باكيتات

وفاطمه كالت هاج هاي الج

كتلها منين منو جابها كالت بابا

اخذتها بيها عصائر وبسكت

لو من حيدر جان رجعتهن

شربته حليب ورجع نام

كعد بس مره بجه ونيمته فاطمه بدون حليب

ثالث يوم نساه نهائي

الحمد لله اتعدت ع سلامه

بقيت ع العلاج 4 ايام وكال محمد لازم تتبدل الكانولا

كلي تعاي اني اشدلج وحده

دزيت رساله لحيدر اخاف يسويلي سالفه

كتله محمد طلب مني يشدلي كانولا

اخلي يسويلي لو متقبل اخاف اغره حتى اطلعلي عذر

دزلي عادي ماعندي مانع

بس لو شادتها  بدون علمي جان شالعها الج

بس خبريني من تشكليها

هسه راح انزل

اوك

نزلت جوه ولكيته كبلي كاعد وي محمد

وريدي حيل ضعيف ونحس

دائما كوه يلكونه الوريد

محمد كل لحيدر الزمها وثبت ايدها حتى اسيطر

درت وجهي وغمضت عيوني

اول جكه حصلي الوريد الحمد لله

كل مره يدججوني كومه يله يحصلولي

ها بشري زنوبه خو ماوجعتج

لا الحمد لله ماوجعتني شكرا تعبتك ويايه

تعبج راحه ام نظوري تدللين

الكيكه اكلوها لان مكدرت اسوي شي الها

كلت اصير زينه واسوي غيرها

بدت حالتي تتحسن اهلي يوميه اخابرهم وافتح كاميرا وياهم

كلت لو اموت مااروح ويا

سويتله كيكه بالشكولاته وحشيتها توفي

ودزيتها بيد فاطمه

ثاني يوم وهو بالدوام دزلي

فيديو شلون يتعاركون ع اخر قطعه

ودزلي رساله

شكرا وعاشت ايدج كلش طيبه

دزيتله الف عافيه

قرب موعد زواج امير

الكل اتحضر واشترن ملابس

اني ماافكر اروح ابد

قررت حتى اذا هو يجيني بنفسه ويكلي روحي هم مااروح

طلبت من البنات ميضغطن عليه حتى اروح

حاولن يعرفن السبب ماحجيت

كالن احنه نحجي وي حيدر

كتلهن لا تحجن مااكدر اروح

اجتي خاله وبيدها علاكه كالت دزها الج حيدر ويكول خل تروح للحنه

ضحكت كتلها خاله خاف نفس ذيج المره

كالت لاوالله خاله هو دزها

اعتذرت منها كتلها مااكدر اروح ابد

راح ابقى اجهز غراض الحنه مالت الولد

واجهز العشه اكيد راح تجي ناس هواي

قرروا بالحديقه الخلفيه يسوون حفلة الولد

حديقتهم تخبل ومرتبه حيل وجابو كراسي

يمكن 200 متر او اكثر مااعرف

اخذت العلاكه وراحت

صارت ب12 ونص وراحن كل البنات للصالون

اغلبية الاقارب والمعارف منطيهم عنوان القاعه

اتصل بيه بابا وكال اعتذر مااكدر اجي

وره العرس ان شاء الله نجيكم

كتله هله بيكم باي وقت

بس بداخلي مااريدهم يجون

اخاف يشوفون زوجته لو يشوفوني شلون عايشه وياهم

مااعرف منو عازمه بالضبط

صارت ب3 اجني البنات

مااخفي عليكم جنت اتمنى عايشه حياتي مثلهن

ابدل اتمكيج اطلع اتونس

بس هيهات هذا الشي يصير بعد

مطولن لحضات واخذوهن الولد وراحوا

اخذوا نظوري وياهم

بقيت اني وعمو

رحت للحديقه لكيتهم جايبين كراسي

بس ممرتبيهن

نضفتها ورتبتها

رتبت الكراسي

سمعت حركه ورايه التفتت لكيت حيدر ورايه

حيدر : اتخبل من وحده تعاند

بس زينب لا

حبيت عنادها لان حسيته يختلف عن الكل

متعاند ع اشياء تافها لا

عنادها ع اشياء تستحق العناد

عجبتني شخصيتها حيل

فكرت اجيبلها عصائر وبسكت

بس كلت اكيد ترفض

انطيتهن لفاطمه وكتلها كولي من ابويه

فعلا اخذتهن

خابرت ابوها وخبرته اني متزوج عليها وهذا جان سبب زعلها

خبرته بدون ميطلب مني تفسير

لان ميجوز نخفي عليهم وليادوب

اخاف يجون مره وينصدمون

كلي بابا انت رجال ومن حقك تزوج اهم شي ممقصر وي بنتنا

ولا اجت اشتكت منك يوم

رجال مثقف حيل وجنت متوقع يعصب لو يطلب بنته تتطلك

همزين هم من كلبي وانزاح

كتله لتخبرها اني كتلك

كال ماشي

زينب فاجأتني من اخذت رايي ع الكانولا

حيل فرحت وحسيتها من صدك زوجتي

اول مره احس بهذا الشعور

نزلت وجانت هادئه

لزمت ايدها وياريت مالزمتها

حسيت بكلبي يدك وكانو اول مره

شعور غريب انتابني مااكدر اوصفه

كمت اتمنى اشوفها اتمنى بكل وقت كبالي

بس هي صدفه اشوفها

اتحسنت حالتها ونظوري فطمته

نسيت امر الكيكه

بس من صارت زينه مسويتها ودزتها بيد فاطمه

طعمها مينوصف ابد

تخبل مسويتها

الكل تعجب بيها وصاروا مذابح ع اخر قطعه

صورتهم ودزيتها الها

ودزيت رساله شكرتها بيها

حتى جوابها نازك جان

زفوني زفه من هاي الزينه

هنيالك عليها اذا كيكتها هيج لعد طبخها شلونه

واحد كال حباب اعزمنه خل نشوف طبخها

بقينه نسولف ونتشاقه

كلت عيب يجوز اعزمهم مره ع عشه

اتحدد موعد زواج امير

طلبوا مني ابويه ومحمد وامير اخليها تروح وياهم

كتلهم اني شعليه بيها تريد تروح خلي تروح

رحت للمولات واختاريت الها فستان عجبني حيل

دزيته بيد امي وكتلها خل تروح

اتوقعتها راح تفرح وتروح اكيد

بس فاجأتني امي من رجعت العلاكه وكالت ماتروح تكول ابد مااكدر

مكدرت احجي ولا الي جرأه اطلب منها تروح

ثاني يوم الكل راح للحنه بقت وحدها

وصلنه البنات ورجعنه

دورت عليها ملكيتها

بعدين رحت للحديقه الخلفيه لكيتها ترتب بيها

هاي شتسوين هنا

كاعد ارتب بالحديقه

ومنو كلج

محد كلي بس اعتقد هذا من ظمن شغلي

لتنسه اني هنا خدامه وبس

همزين ذكرتيني لان نسيت

اكول لويش رجعتي العلاكه ومارحتي

ااحسن اخاف هناك اتحرش باحد لو احاول اهرب وي واحد

ضربتها راجدي

هاي المره هيج حجيتي كدامي مره لخ ادفنج عدله والله

صدك عصبتني

سكتت منطقت ولا حرف

ادخلي جوه واذا لمحتج بره ادفنج عدله والله

دخلت لجوه

التهينا بالحنه وصارت حلوه وهادئه

ثاني يوم صارت الزفه مااخذنه ولا وحده من البنات

بس شباب

رجعنه وسوينه عشه

طباخ الي تكلف كلشي

كال مااطلع هسه للخارج

بالصيف يله نسافر

كملت الهوسه والناس راحت لاهلها

طبعا ابو زينب كال ابويه عيب خل نخابره ونعزمه

ابويه خابره واني همين خابرته

بس اعتذر كال مااكدر اجي بالهوسه وره الزواج اجي

جلبتله كتله جيب البنات وياكم حابين نتعرف عليهن

كال الله كريم

وره زواج امير بيومين صادف احد

خابرني ابوها وكال باجر نجيكم بس راح نخليها مفاجأه لزينب لتخبرها

فرحت حيل كتله هله بيكم

اني حاب اسويلها كرصة اذن

اله اخليها عايشه برعب مدام اهلها يمها

خبرت امي وابويه بس كتلهم لتكلولها

داومت وطلبت اجازه

كتله من توصلون للسيطره كلي

اني اجيكم

كلت لامي جهزوا غده زين خل تسوي هيه

واني راح اوصي ع سمك مسكوف

كالت ماشي

خابرني ورحت لمكان معين ولكيتهم

اتفاجأت باخواتها ادب وجمال وهدوء مو طبيعي

امها بدون عبايه سافره

بس شنو النزاكه والترتيب اتوقعها بعمري او اكبر بقليل

كلت بكلبي يمكن اصغر من حنان

يستحيل ذوله فكر

العز واضح عليهم

سلمت عليهم

البنات يادوب سمعت صوتهن مثل زينب

صعدتهم بسيارتي

متلهف اشوف شكل زينب من تشوفهم شراح تسوي

وصلنه وخابرت ابويه

وكف بالباب استقبلهم

دخلنه لجوه وصاحها ابويه

دخلت وجان تنصدم وجها صار مثل 👈😲😲

وجان ........ ينتهي البارت

توقاعتتكم حبايبي شراح تكون ردة فعل زينب

راح يخبث وياها حيدر لو لا

انتظروني بالبارت القادم

تحياتي للجميع 😘😘😘