رواية بين الفقر والطغيان الفصل الاول 1 - بقلم رونق

مساء الخير ع اجمل متابعين

طبعا مشتاقتلكم هواي ومشتاقه لتعليقاتكم الحلوه

اتمنى متنسون التصويت حتى مضيعون تعبي هيج

🌹🦋 البارت 1 🦋🌹

🌹🦋 مابين الفقر والطغيان🦋🌹

🌹🦋 للكاتبه رونق 🦋🌹

اعلم ان الزمان لايثبت ع حال

كما قال عز وجل (وتلك الايام نداولها بين  للناس )

فتارة فقير وتارة غني

وتارة عز وتارة ذل

وتارة يفرح الموالي وتارة يشمت الاعادي

والعاقل من لازم اصلا ع كل حال

ان وجود الغني الفاحش بجانب الفقير المدقع في مجتمع واحد

يؤدي الى الانفجار عاجلا او اجلا

لاغنى ك العقل

ولا فقر ك الجهل

ولا ميراث ك الادب

ليس الثراء والفقر هو مايجعلنا سعداء او تعساء

بل اننا كثيرا مانلاحظ العكس

الفقر لايسبب التعاسه في حد ذاته لكن المشاكل المترتبه عليه هي التي تجعل الانسان تعيسا

ان الفقير ليس خطيئه وانما الخطيئه ان يكون المرء غنيا فيهين الاخرين

يجب ان يعيش الاغنياء ببساطه اكثر حتى يستطيع الفقراء ان يعيشوا

عندما يصرخ شخص ما في وجهك

احتفظ بهدوئك فهذا سيزيد غضبه في البدايه

ثم يشعر بالخجل ثم يشعر بالاذى اكثر مما شعرت انت

بعض الناس كلما اشتريتهم باعوك

وكلما تقربت منهم ابعدوك

وكلما راعيت احساسهم جرحوك

وكلما اعليت شانهم احتقروك

هؤلاء الناس لن يعرفوا قيمتك الى اذا خسروك

هكذا سيحدث مع بطلتنا زينب

القصه لاتخلو من الحزن والذل والكراهيه والحقد

لكن ياترى هل يتحول كل شيءالى حب ام تبقى الكراهيه سائده

هذا ماسنعرفه في احداث قصتنا اتمنى ان تنال اعجابكم

احب انوه قبل لاابدي القصه

كمية الحزن كبيره والذل اكثر لحد يكلي شوكت يتحول الحزن لفرح

خلوا القصه ع مهلها وتمشي مثل ماهيه

والي ميحب يتابع قصص حزينه من هسه اكله ينسحب بهدوء

تحياتي للجميع

القصه حقيقيه 100‎%‎

اتمنى لكم قراءه ممتعه

البطله : اسمي زينب عمري 18 سنه مخلصه سادس اعدادي مواصفاتي بيضه وصاحبة عيون ملونه وشعر طويل وسرح وملون طولي حلو وجسمي رشيق نسخة ماما اني اعيش مع بابا مهندس وماما اصلها تركماني خريجة كلية القانون بس ممتعينه وعندي اخ واحد اسمه سيف كلية الصيدله مرحله ثانيه واخوات 3 رنا عمرها 16 وتبارك عمرها 14 ورقيه عمرها 10
طبعي هادئه بشكل وكتومه مااحب اسولف اسراري لاي شخص ومااحب المشاكل ولا احب العناد اكره الظلم ودائما احب اكون مظلومه ولا اكون ظالمه نقطة ضعفي اهلي

البطل : اسمي حيدر عمري 33 سنه خريج كليه عسكريه حاليه اني ضابط تحقيق بمركز متزوج وعندي طفله وحده اسمها نور
اعيش وي ابويه معلم والدتي مدرسه وعندي اخوان 3 واخوات 3
اخويه الجبير اسمه محمد دكتور متزوج واخ اصغر مني اسمه مروان مهندس متزوج ويملك شركه اهليه بغير محافظه واخوي الصغير اسمه امير طالب كلية الطب واخواتي وحده اسمها ساره دكتوره ومتزوجه دكتور والثانيه اسمها بنين صيدلانيه وزوجها كذلك واخر وحده فاطمه طالبة كليه طب اسنان اني الوحيد الي شاذ بعائلتي وطلعت ضابط لان احب هاي المهنه

زينب : احجيلكم قصتي من جنت خامس اعدادي

جنت عايشه عيشة الملوك وحالتنه توب يمكن اغلى ناس بمحافظتنه

بابا جان ماخذ اجازه بدون راتب لان يملك شركات

ومعرض سيارات وعدنه املاك هواي

ماما الوحيده لاهلها جانوا عايشين بكركوك وهي اصلها تركماني وجانت حلوه بشكل

شايفها بابا وهي بالمدرسه جانت رابع اعدادي

وعاشقها عشق عامل المستحيل حتى تكون اله

وفعلا متزوجين وهي بعدهي تدرس

من ماتو بيبي وجدوا ماما ورثت كلشي

جدوا هواي عنده املاك

بابا علاقته منتهيه وي بيت جدوا ومااعرف السبب

مااعرف لا عم ولا عمه ولا اي شخص من اقربائنه

تقريبا احنه عايشين هنا ومقطوعين من الاقارب

بابا هواي يخاف علينه

مايخلينه نطلع من الباب بس للمدرسه

ومخلينه سايق خاص النه

ماما ميخليها تطلع ولا تتعين لان جمالها مو طبيعي

ويخاف عليها

جنت حيل شاطره ونجحت من الخامس للسادس

بالعطله خلالي افضل مدرسين يجوني للبيت يدرسوني

جان حلمه بابا اكون دكتوره

طلب من سيف يعلمني للسياقه

وفعلا اتعلمتها وضبطتها

كلي اذا طلعتي معدل عالي

هديتج ارقى سياره

وجنه عايشين عيشه تخبل

كلب ع كلب مانعرف الحقد ولا نعرف الانانيه

بابا دفع فلوس المدرسين نقدا

وبدت المدرسه وجنت انزك طالبه واحلى طالبه واشطر طالبه

يصيحولي الكرديه

بابا كال راح ادخل بمشروع ضخم

وارباحه مضمونه بس لازم ابيع البيوت والعمارات

الكل عارض ماما وسيف وحتى اني

كناله مانحب المشاريع الضخمه لان اذا خسرت

ادمر اصحابها

بس هو اصر كال اني و3 ويايه ندخل شراكه

فعلا دخولو وجان بالبدايه مربح بشكل

وجنه فرحانين لان نجح المشروع

باخر يوم الي نصف السنه امتحنت ورجعت وجنت فرحانه مجاوبه مثل كل مره

دخلت لكيت ماما وجها مو طبيعي

سلمت عليها وبستها

ها ماما خيرج بيج شي

لا ماما ماكو شي

روحي بدلي وانزلي

مسالتني ع الامتحان مو من عوايدها

بدلت ونزلت لكيتها تحجي بالموبايل وتبجي

ها وهسه شراح تسوي بوحدك

بس يجن البنات اجيكم

ها ماما شكو والله كلبي حاس اكو شي

كامت تبجي

ماما المشروع خسر

ادري ماما مستحيل هيج تضوج ع المشروع

لازم اكو غير شي

ماما بابا وين هسه

ابوج صارت بي جلطه خفيفه واتعداها الحمد لله

دموعي جرت كلشي ولا بابا

هسه وينه ماما

الله عليج بي شي

لاوالله ماما اتعده مرحلة الخطر

وهسه زين

شويه واروح ادزلهم اكل

والعصر اندزه للدكتور ع حسابنه

اتصلت بسيف

واكدلي مابي شي

كامت تحجي ماما

خسرنه كلشي حتى البيت الكاعدين بي مرهون

راح نصفه ع الحصيره

شكد حجينه ويا وهو عاند

الطمع يكتل ابن ادم

ماما الفلوس مو مهمه تروح وتجي

اهم شي صحة بابا لان متتعوض باملاك الدنيه

اتصل بينه سيف واكد علينه منبين حزنه اله

مو زين علي وع صحته

ينسد الموضوع نهائي

للعصر دزوا للدكتور

طلب منه ابد منعرضه لصدمه لخ ميتحمل

لازم نبعده عن التوتر

رجع بالليل وجان حيل تعبان

كمنه نحجي ويا

وكناله الله راح يعوضنه

ولكم شيعوضنه واني دمرت نفسي ودمرتكم بيدي

تدرون مطلوب وحتى اذا بعت سيارتي وسيارة سيف والذهب

مراح اوفي الدين

انصدمنه كلنه بس ماحجينه شي

بقه نايم بالفراش 3 ايام

بعدها كام ع حيله

صفه الاملاك وباع السيارات والذهب

بقينه شي قليل من الذهب بس الخفايف

تقريبا فك الدين كله

بس بقه البيت مدة الرهان 6 اشهر ولازم لو ننتقل لغير مكان لو ندفع الفلوس

سوينه نفسنه مضايجين ابد ونضحك ونسولف

بده بابا يشتغل بالمعامله مالته حتى يرجع للوضيفه

بده الدوام وبده مستوايه ينزل

بس بابا كام يحجي عليه

كلي اريدج ترفعين راسي

مااقبل غير الطب

والاساتذه دائما يشجعوني

بس حالتي النفسيه متدهوره

بده اخويه سيف يشكي من الم بكليته

بدينه نبيع بالذهب قطعه وره قطعه

مصرف النه ولاخويه للطبيب

بقوا ينطوا علاج ومهدئات

ماكدر يداوم ترك السنه لان حيل مريض

اجتي الامتحانات

وقررت اخلي هدف كدامي

لازم احقق حلمي وحلم بابا

حلمي اصير دكتوره

بدت الامتحانات وجنت مشغوله ع اخويه هواي

بده يضعف ومياكل

ودائما يلزمه الم

بهاي الفتره كاموا يدخلو مستشفى ويغسلون كلياته

طلع عنده عجز كلوي

خلصت الامتحانات بالقدره

واكيد مخربطه لان جان بالي مشغول

الذهب تقريبا خلص

واخويه ينرادله علاجات ومصرف

والبيت كذلك

بابا همل حتى الوضيفه

لان محتار بسيوفي داخل ويا دائما

قررت لازم ادور ع شغل

وصيت شكم صديقه

اكو هواي متشمتات بيه

جنت بالنسبه الهن مغروره وخشمي يابس

بس الحقيقه لا جنت متواضعه حيل

مااحب التفرقه ابد

جنت وين اكو طالبه حالتها ضعيفه صديقتي

ودائما اساعد المحتاجات بدون علمهن

اخلي الفلوس بالجنطه

اكو بنيه صديقتي كالت اكو شركه اهليه يمكن مالت مقاوله

اخويه يشتغل بيها

ومحتاجين شكم موضفه

ياريت اشتغل مهما كان الشغل عادي

فعلا اتصلت باخوها وثاني يوم طلبو مني المقابله

فتحت الموضوع وي بابا

واتخبل كال ع كص ركبتي اخليج تشتغلين

بابا والله الشغل مو عيب

بس العيب اذا مدينه ادينه للناس

لج بابا اني رجال واني الي اشتغل

اي عادي ماكو مشكله

خل يطيب سيوفي وابطل

هي اهليه

وهو اصلا بالواسطه يله يقبلوني

لج بابا اني تاليتي بنتي تشتغل بشركه

بعد ماجنه احنه اصحاب الشركات

كوه قنعناه اني وماما

كتله بس ترجع للوضيفه اني ابطل

فعلا ثاني يوم سوو المقابله ويايه وقبلوني

وجان الراتب 500 حيل فرحت

الدوام من 8 لل 3

باشرت واشتغلت وجنت ملتزمه بلبسي وبحجابي

محد كدر يتعرضلي

اني متاكده البنيه الشريفه والنزيها

محد يتعرض الها ابد

اكو نضرات الاعجاب داير مدايري

بس اني ولاكانو احد كبالي

بابا تقريبا سكن المستشفى

صدفه يطلعون يوم يومين ويرجع

بالنسبه الي المدير مشايفته ولا سامعه عنه شي

اني اشتغل بغرفه اني وبنيه ولد مؤدب ومتزوج

استلمت اول راتب وفرحت بي

حسيت ملكت الدنيه

وزعوا النتائج وجان معدلي 98 ونص 😢😢😢

حرامات الكل انصدم لان جانو متوقعيني مينزل معدلي عن 99 ونص

جنت درجاتي كلها 100

اهلي جانو فرحانين خطيه

ثاني يوم احتاجيت توقيع المدير ظروري

رحت للمكتب لكيت السكرتيره مموجوده

دكيت الباب ودخلت

اني جنت متوقعته رجال جبير بالعمر

اتفاجأت بي شاب انيق ووسيم

هو ملتهي بالمخابره ويسولف ويضحك ممنتبه الي ابد

ووقع وانطاني الاوراق

شافني وجان يفتح عينه وحلكه 😲😲😲😲

شنو انت موضفه جديده

اني مدنكه واحجي بلي استاذ

شنو اسمج

زينب

عاشت الاسامي

تحصيلج الدراسي شنو

خريجة اعداديه

حلووو لعد لويش ممكمله

هستوني استلمت نتيجتي

شكد طلعتي معدل

98 ونص

حلوووو

شعجب تشتغلين

ظروف جبرتني اشتغل

حسيت بي مو راحه ابد

استاذنت وردت اطلع

هاي وين يابه خلي نضيفج شي

شكرا استاذ عندي شغل

ردت بس انهزم من نضراته الي اكلتني اكل

طلعت واخلصت

ثاني يوم اتفاجأت بي دز عليه

وكلي هذا مكانج راح يصير

تساعدين السكرتيره

هي تنظم الاجتماعات والمواعيد والمقابلات

وانت عليج

تقدمين العصائر والجاي

منريد نتعبج لان طلعتي بنت المقاول زميلي

ماارتاحيتله ابد

بس مجبوره اوافق

بده يضايقني

كل شويه ويدز عليه بحجه

مره حاول يلزم ايدي

اني هنا انفجرت متحملت

كتله لهنا والزم حدك

اني جايه هنا حتى اشتغل

مافارغه لهاي السوالف التعبانه

اني من هاي اللحضه استقيل

ردت اطلع

كال يابه مبروك فزتي بالاختبار

يااختيار هذا

ردت اجرب واشوف حتى اامن بيج لو لا

ونجحتي مااخليج تستقيلين

ابقي ووعد مني بعد ماازعجج ابد

الصراحه ممقتنعه بي ولا بحجيه بس مجبوره ابقى

رجعت لشغلي وفعلا متعرضلي بعد

بس من يشوفني يضحك بوجهي لو يسويلي هيج 😜

وره تقريبا اسبوعين رجعت للبيت لكيت الكل يبجي ومخبوص

احس روحي راحت ورجليه بعد ميشيلني

كوه وصلت

ها ماما شكو

لج ماما سيوفي راح يروح من ادينه

دموعي كامن يصبن

هاي شدتحجين ماما

لج ماما كالو ايامه معدوده

كال الدكتور اذا بقه هنا يموت

لو نودي لاربيل افضل ونسويله زرع كله

اي ماما ووين المشكله نودي لاربيل

لج ماما بس الكله المتبرع يبيعها ب12 مليون

غير تكاليف المستشفى والدكتور

يعني اقل شي ينرادلنه 15 مليون

واليوم حالته كلش مدهوره

والحل ماما

شلون نخلي هيج يموت ونبقى ساكتين

لج ماما الله كاعد يختبرنه اختبار صعب حيل

مو جنه نملك نص المحافظه ليش متمرض اخوج

ليش هسه يله

ماما باجر احجي وي مديري بلكي ينطيني سلفه

واسددها من الراتب

ياريت ياماما

ولج اموت اذا صار شي بسيوفي

رحت العصر وي ماما للمستشفى

اتخبلت من شفته كلبي طك من البجي

مخليله الاوكسجين وحيل تعبان

رجعنه وقررت ثاني يوم احجي وي المدير

فعلا رحت ثاني يوم وحجيت ويا

استاذ محتاجه سلفه 15 مليون

وتاخذ راتبي كل شهر وبابا اذا رجع الوضيفته هم ننطيك وياهن 500

يعني الشهر مليون

خلال سنه و3 اشهر افكك حتى اذا تريد اوقعلك ع صك

كام يضحك 😂😂😂😂😂

منو كلج انطي السلف

وخاصه لموضفه جديده صارلها شهر ونص

بس استاذ والله حاله انسانيه اخويه محتاج عمليه فوريه متتحمل التاجيل

خلي افكر 🤔🤔🤔🤔

عندي حل الج

اتكلف علاج اخوج من الالف للياء

عند افضل وامهر الدكاتره باربيل

مقابل تقضين ليله وحده وياي

وبعدها ينتهي كلشي

اني هنا فقدت

انت اكيد مو بشر انت حيوان

وهيج تفكر

لج حقيره انتبهي لالفاضج

لا اشايف بعد

اذا انت نذل لا عبالك الناس كلها مثلك

اطلعي بره لتخليني ارتكب جريمه بحقج

اصلا اني الي ماابقى ولا دقيقه هنا

ميشرفني اشتغل وي هيج نماذج تعبانه

واصلا مع الاسف حسبتك انسان وحجيت وياك

اطلعي بره لج ساقطه وجايه تستشرفين براسي

طلعت وحسيت الدنيا افترت بيه

مااعرف شاكول واحجي لماما خطيه

رجعت للبيت من وكت وجنت حايره شاحجي واكول

سالتني ماما

طبعا كذبت عليها وهاي اول كذبه اليه

من هنا تبدي حياتي كلها كذب بكذب

كتلها ماما لكيته مسافر المدير مدة اسبوع ويرجع

واخذت اجازه حتى اكعد ارتاح

للعصر رحنه للمستشفى

بابا خبرته كتله المدير مجاز

كال قررت قرار ولو يمكن اصعب قرار راح اتخذه

بس لخاطر سيوفي

ماما كلتله مستحيل اخليك تذل نفسك

لعد اخلي ابني يموت بين اديه

كلشي ماافتهمت منهم

سالتهم كالت ماما لتدخلين انت

دخت شنو من قرار

هل هو الي يتبرع بكليته

اخر شي كال اخذي بنتج وروحي

باجر من الصبح تعاي بمكاني

رجعنه للبيت

كتلها ماما فهميني شبي بابا وشنو القرار الصعب

كالت ماما احنه محابين نسولف بهذا الموضوع

ولا ردنه نكشف هذا السر الكم

بس راح اسولفلج

من جنت طالبه وابوج شافني وحبني وهذا الشي انت تعرفي

اني جنت سنيه وابوج شيعي

اني هم حبيته لابوج

وكلي راح ادز اهلي يخطبوج

بس راح وبعد مرجع مدة سنه

كلت اكيد اتندم وميحبني

بعدها اجه وجايب ويا ناس معروفين ويقدرهم ابويه الله يرحمه

كله واهلك

كله معارضين هذا الزواج

باللحضه ابويه رفضه

بعدين حجه كله اكدر اجيبلك ناس وهميين واكلك هذا ابوي وهذه امي

واحنه بمحافظه بعيده اكيد مراح تتحقق

بس اني نيتي صافيه وياكم

اعاهدك امام الله اصونها واحميها لاخر يوم بعمري

رفض ابويه

وابوج مستسلم بسهوله

كام يدز ناس اشكال واللوان

اخر شي

دخلت اني ع ابويه وكتله اني قابله بي

اني اتزوجه اله مو لاهله

واهم شي هو

ابويه يحبني وميرفضلي طلب

وافق بس بشروط تعجيزيه

مهر غالي ومؤخر غالي

وبقه يشتغل ليل نهار لمن لبه كل الطلبات

واخيرا اتزوجنه

وبعدها صرت شيعيه

وصار ابوج ذراعه اليمين لجدج

بس اهله اتبروا منه

هواي حاول وياهم واتوسل بيهم

بس همه طردوا ومعترفوا بي ابد

وهسه بعد كل هالسنين راح يرجع يتوسل بيهم

واكيد راح يطردونه مثل كل مره

حيل ضجت ع بابا خطيه وراح هسه يذل نفسه الهم

شكد كرهتهم لاهل بابا

يعني واذا حب جريمه من اتزوج

بالليل صعدت لغرفتي

فتحت جهازي وجان تجيني رسائل

فتحتهن الرقم غريب

هلو زوبه شلونج

بشريني اخوج شلونه

الصراحه اني ضايج علي حيل

خطيه بعده بعز شبابه حرامات هيج يموت

ومن وره انانية اخته الي هي انت

عرفته هذا الحقير مديري

جاوبته والله لو تموت لو تعادلني بالذهب مااوافق ع طلبك

انت الخسرانه لعد

جهزوا من هسه للفاتحه

حيل نرفزني

ان شاء الله يومك قبل يومه

انطيته حضر

ثاني يوم اجه بابا سبح وطلع

تقريبا ب 6 وجان يندك الباب

طلع ابويه

بس شفته بشوفه حيل منكسر

حتى من خسر الاملاك مامنكسر هيج

عرفت الجواب

ابد ماسالته

صبيتله غده مااكل ابد

بدل وراح للمستشفى

اجتي ماما

ها ماما بشري

شبشر منعته ولا فاد بي

يضحكون علينه

طاردينه مثل كل مره

لعد شلون ماما يموت سيوفي كبالنه

ماما فدوه اسكتي لتهيجين المواجع

اني اتبرعله بالكله مالتي

حتى لو اموت ميخالف اهم شي اخوج يعيش

اسكتي ماما لتحجين هيج

عمرج طويل ان شاء الله

اني اتبرع ماعندي شي

لليل بديت افكر ياربي اقبل بعرضه لهذا الساقط

لا مستحيل اخلاقي متسمحلي

اخر شي قررت كلت خل اطلب منه نعقد سيد مدة اسبوع ويطلكني

ياربي ساعدني شلون راح اطلب منه هذا الشي

اكيد راح يذلني

ويجوز يرفض

فتحت الحضر

دزيتله مسج

مرحبا استاذ

مراحب يحلوه

ان شاء الله وافقتي

ها لابس حابه اتفق وياك اتفاق

شنو هالاتفاق بله

خلي نعقد سيد مدة اسبوع

ايا بنت الفكر  طلعتي مو هينه ابد

لج اني مسودن وازوجج انت

لا يابه اصحي ع نفسج

انام وياج هيج اي

بدون لغوه زايده اذا تردين مبلغ اكثر كولي

بس عقد مستحيل

بس اني مااكدر بالحرام وانزل راس اهلي

وانت مراح تخسر شي

اعقد واخذني بالحلال افضل

ونخلي الموضوع سر بيني وبينك

مراح تخسر شي

روحي بابا روحي شوفيلج واحد غيري زوج

واضحكي علي

بعد مجاوبته ولا هو جاوبني

احس البيبان كلها نسددت بوجهي

للصبح ماكدرت انام

صار الصبح

وبابا اتصل بيه كلي فاقد الوعي وحالته حيل حرجه

وكالو الكم مهله يومين لازم تسوله العمليه

كمت ابجي

ياربي شلون يعني اوافق بالحرام

بس مااكدر

اني صحيح اذا عقدت هم راح اكون خنت اهلي

بس اهم شي ممسويه حرام

اني الصراحه حاليا عقلي واكف من التفكر بالمستقبل

ماافكر بعد العقد شراح يصير مثلا

شراح يكون مستقبلي

مو مهم اهم شي حياة اخويه

قررت اروح للشركه واتوسل بي اخر مره

صحيح ذليت نفسي هواي

وخليت الكرامه ع جها

بس لخاطر اخويه كلشي يهون

سالتني ماما وين تردين

كتلها للشركه يمكن جاي المدير

طبعا زمنه هذا زمن مصلحه

مابي لاصديق وفي ولا اخ اهم شي الجيب

بابا من جانت حالتها زينه ميت صديق عنده

بس وكع الكل اتخله عنه

شكد حاول يداين منهم بس رفضوا

ولا كانو يعرفونه

رحت وجنت حيل متردده بس مجبوره

دخلت ورحت كبل للاداره

راحت السكرتيره

طبعا مو راحه ابد واكيد عدها علاقه بالمدير

كالت ادخلي

سلمت

رد السلام من وره خشمه

ويباوعلي من فوك لجوه

خيرج اكيد وافقتي

الله يخليك استاذ انت وافق واي شي تريده اني حاضره

بعد ماعدنه وقت والله

راح يموت اخويه

عقد مااعقد لو شيصير

والله نبقى بالسر ومااريد كلشي منك

ووعد مني راح ارجعهن الك الفلوس كلهن

خل افكر

ماكو وقت والله

الحلال افضل الك من الحرام

زين عندي شروط

اعتبرهن منفذات كلهن

بس لازم تسمعيني

راح نبقى شهر متزوجين

يوميه تروحين وياي للبيت

وبيوم الي مترحين ويايه ينضاف فوك الشهر يوم

واريدج متخطين خطوه وحده بدون علمي

مااطلعين من الباب ابد

وشاطلب منج تنفذين بدون تردد

واذا احد عرف بالموضوع احسبي نهايتج ع ايدي

بس اني وانت وبس

موافقه بس اهم شي ارجع لاهلي ع الوقت ب3

مااتاخر ابد

لعد اتفقنه

راح اطلعه لاخوج لاربيل العصر واتكلف بجميع علاجه

وراح نعقد اليوم

لا عفيه خليها ع باجر الصبح

اوك وجيبي وياج المستمسكات

موافقه

هسه امشي وياي للمستشفى حتى اتفق وي ابوج

رحنه للمستشفى

وحجيتله بالطريق

كتله راح اكول انطاني سلفه

وكل شهر ياخذ راتبي كامل

وصلنه ولكيت بابا بره حاير

حيل فرح من سمع حجي المدير

عبالهم سلفه

خابر ماما وبشرها

مايدرون بنتهم قدمت تضحيه جبيره مقابل هذا المبلغ

للعصر سافروا بابا وسيف لاربيل

ودز وياهم كادر طبي وشخص يتكلف بكل المصاريف

االيل كله يراسلني رسائل خلني اكرها لنفسي

ابد ميستحي والرسائل استحي حتى احجيهن

الخوف اكلني اكل

مااعرف مصيري شراح يكون باجر

وماادري شراح يكون مستقبلي

شفت الفرح بعيون ماما الصبح

بدلت وقريت الفاتحه تسهيل امر وطلعت

اتصل بيه كلي لدخلين بالشركه

اوكفيلي بالفرع

فعلا وكفت بالفرع

كلبي يدك سريع وحيل خايفه

اجه هو وصعدت ويا كعدت بالوره

امتلكني الخوف وصارت بيه رجفه

احس ممسيطره ع نفسي

اصعب شعور مريت بي

بعدين فكرت كلت شنو الضمان هسه راح يعقد عليه

يجوز يجذب

كتله انت متاكد راح نعقد

بعدني ممكمله

اكلي تبن وانجبي

واني اعلمج ع هذا حجيج

ابد مااركز احنه وين

وصلنه يم بيت بناءه حديث وجبير

دخل وفتح الباب ودخل السياره

اترددت انزل

بعدين كام يصيح

نزلت واتصل بشخص

كله يله منتظركم

دخلنه لجوه

كلي جايبه وياج ملابس

هزيت راسي لا

هيج منج ومن ربج

اكو وحده بيوم عرسها تلبس نفس لبسج هذا

اتصل بوحده وطلب منها تجيب ملابس

لحضات واجتي البنيه

كلتلي بدلي ذني وخل اسويلج وجهج

عفيه مااريد خليني خليني هيج احسن

طلعت مدري شحاجته بعد مرجعت

اجه هو وكلي اجه السيد جهزي نفسج

وكف وره البابا السيد وجان هدوء

دموعي تجري انهار

اخر شي سمعته يصيح بنتي موافقه لو لا

اذا موافقه كولي نعم انت وكيلي

كتله نعم انت وكيلي

احس نفسي وقعت ع حكم اعدامي

نص ساعه وطلعوا

لكاني ع نفس ملابسي

ياريت تكونين مطيعه ومتشلعين كلبي

خمس دقايق والكيج مبدله افتهمتي لو لا

هزيت راسي اي

الفستان الي جايبته البنيه فضيحه ولون احمر

مااعرف شلون راح البسه

حيل خجلانه

بعدين بدلت وسلمت امري لربي

دخل هو وبقه فاك حلكه من شافني

بده يتقدم عليه واني  ارجع

لحد مطخيت بالحايط

وجان .......