رواية بين الفقر والطغيان الفصل الثاني 2 - بقلم رونق

مساء الخير ع اجمل متابعين اتمنى لكم قراءه ممتعه

🌹🦋 البارت 2 🦋🌹

🌹🦋 بين الفقر والطغيان 🦋🌹

🌹🦋 للكاتبه رونق 🦋🌹

بده يتقدم عليه اني خفت ورجعت للخلف

لمن وصلت للكنتور هجم عليه مثل متهجم المفترسات ع الفريسه

اول شي سوا بده يضربني ويغلط عليه

لج اعلمج من الحيوان لتصدكين وافقت ع طلبج حبا بيج لا

متوهمه اكيد

وافقت حتى اذلج واعلمج منو الحيوان

الصراحه جسمي يرجف واحس كلبي راح ينشلع من مكانه

كتله الله يخليك عوفني

والله اسفه مجان قصدي

شكك الملابس عليه اتحول لوحش

اني حيل خجلت رحت للجربايه ولفيت نفسي بالغطه

كام يصيح عليه كلي الج مهله دقيقه وحده الكيج كبالي

الله يخليك لتسوي هيج بيه

لج كلبه انت تجبريني اتزوجج

ليش انتي منو

انت كلج وحده ساقطه

قبلتي تتزوجيني بالسر بدون علم اهلج ع مود شكم فلس

شلون اامن بيج مراح تخونيني همين

دموعي تجري حرت شاسوي

والمشكله الفاس وكع بالراس مابيدي شي اسوي بعد

كتله عفيه اتحملني هو شهر وكلمن يروح لحال سبيله

والله للموت مااخون شلون اخون

والله مجبوره ع مود اخويه خطيه

اسمعيني لج

باي وقت اريدج الكيج كبالي

ايالج وابالج تلعبين بذيلج

من الباب متمدين راسج بس للدوام

وياويلج وسواد ليلج احد يعرف بالموضوع

والله ادمر عائلتج كلها

وهسه يله تعالي يمي

بده يتقربلي اتمنيت بهاي اللحضه كون اختفي من الوجود

اتمنى الله ياخذ امانته مني ولا يخليني امر بهيج ظروف

اني حتى اسمه مااعرفه

حيل كرهته وتصرفاته متنطاق

اني اخذت احتياطي وبلعت حبايه مال منع حمل

اخاف يصير شي

اخذ عذريتي هو ارتاح واني تحولت حياتي لكابوس من هاي الساعه

بس من تقربلي حسيته يعاملني مثل طفله وابد ماذاني

اتصل بشخص ع ريوك

دخل سبح وطلع

دخلت سبحت ورا ورجعت ع ملابسي

طلعت كام يباوعلي من فوك لجوه

كلي ذني ملابسج ممنوع تلبسيهن وانت يمي

كتله مو ماعندي غيرهن

اني راح اجيبلج الملابس الي يعجبني

كتله ع راحتك

جابوا الريوك وطلب مني اكل ويا

اني احساسي صعب اوصفه بهاي اللحضات

خوف ع قلق ع انكسار ع ذل

كتله مااشتهي

خزرني خزره خلاني انكث من فوك لجوه

اتقربت بديت اكل بس بالكوه ينبلع الاكل

كملنه

كتله يله توصلني للشركه

هاي ياشركه بابا اليوم اول يوم زواجنه وتردين تروحين للشركه

لعد شلون الله يخليك مااريد اتاخر ع اهلي

منو كلج تتاخرين

قبل الموعد اوصلج

نام ويايه مره ثانيه

بعدها نام

اتصلت بماما واطمانيت ع بابا

صارت ب 2 كعدته

كعد عيونه تلزك

نام ويايه

طبعا نفسي لعبت والالم قوي

كتله هاي اخر مره دتاذيني

ضربني راجدي

اسمعي لج انت ماالج دخل بيه ولاتمنعيني ولاالج حق تحجين ويايه افتهمتي

سكتت سبحت وبدلت

لكيته جاهز

اخذني وصلني قريب ع فرعنا ونزلني

رحت للبيت واحس بذنب جبير

مااكدر اخلي عيني بعين ماما ابد

رحت حتى مقبلت اتغده

كبل صعدت بغرفتي ونمت

واتمنى انام وبعد مااصحى ابد

شبعت حركه وقهر

كعدت وي الاذان

احس بنفسي متكسره

فتحت الموبايل لكيته محترك حرك عليه

هواي متصل بيه وداز رسائل

قفلت الباب واتصلت بي

كام يغلط ويسب وين جنتي

كتله والله جنت نايمه هستوني كعدت والموبايل خالته صامت

افتحي كام خل اتاكد

فتحت وشافني

كلي اسمعيني ممنوع تخلي صامت ابد

صار تدلل

كتله اهلي يصيحوني بالليل نتخابر

طبكه

طبعا عشت برعب مينوصف

نزلت لكيت ماما خطيه مسويه العشه

كعدت وياهم بس ماالي واهس ابد

كملنه وغسلت المواعين ونضفت البيت

بعدها اتصلنه ابابا وخبرنه باجر يسوون التحاليل

كال حالته مستقره شويه

اريد بس اصعد حتى اراسله ليسويلي مشكله

صعدت راسلته

باللحضه جاوبني

وين صرتي

مو اهلي يمي والله

اسمعيني اول شي تنطين علم لاهلج كليلهم راح اشتغل شغل اضافي

ع مود من تستلمين ال500 مالت راتبج بدون محد يشك بيج

وثاني شي مراح اداومين بالشركه لمن يرجع ابوج من السفر

بس التاخير مااكدر ميقبلون اكيد

لتصيرين حيوانه هو هذا صيف بمكان مطلعين ب3 كليلهم لل5 او ب6

لان مااكدر اكعد من الشركه ع مودج

انداوم ع حسب الاصول وره الدوام نروح للبيت

اوك راح احجي وي ماما

باجر من تجهزين اتصلي بيه حتى اخذج

اوك ان شاء الله

بس ممكن طلب

الله يخليك مااريد تشوه سمعتي ابد كدام الموظفين

لتخلي احد يشك بيه

انت صرتي زوجتي سمعتج اكيد تهمني

هو اني الي مااريدج تشوهين سمعتي

اني ماعليه بيك ابد

هو شهر وكلمن يروح لحال سبيله

اوك اتفقنه لعد

طبكته منه

حاولت انام بس مكدرت من التفكير من جها ومن جها ثانيه نمت هواي

بقيت اكلب بالموبايل

دخلت ع رقمه لكيت صفحته الي مسويها بهذا الرقم

اسمه مروان بس مو نفس محافظتنه

دخلت ع البروفايل مالته

متزوج عمره 28 سنه مهندس

اصدقاء هواي عنده

بقيت اكلب لحد مانمت

كعدت ع صوت المنبه جنت نعسانه حيل

بس كعدت سبحت وبدلت واتصلت بي

كلي من ارمشلج اطلعي نفس المكان

نزلت لكيت ماما خطيه مسويتلي ريوك

طبعا مااشتهي ابد

بس ماكدرت اخجلها لماما

اكلت لكمه وحده وبوستها كامت تحجي عليه

كتلها اكو بنيه عازمتني وعيب منها مااكل وياها

رمشلي طلعت

رحت نفس المكان صعدت ويا واكعد وره اخاف احد يشوفني

اخذني للبيت طبعا غامض بالنسبه الي كولشي مااعرف عنه ولا حابه اعرف عنه

دخلنه للبيت

طلب مني ابدل

اشرلي ع الكنتور

فتحته لكيت جايب ويا اشكال واللوان

كلي اريد اطلع الفلوس الي انطيتهن الكم

اريد تونسيني وتنسيني اسمي

كلما تسبحين تلبسين شكل

جايب انواع العطور همين

بدلت ونمنه

خلال 3 ايام الاولى جان زين وياي

صحيح يصيح ويغلط

بس مو مثل بعدين

خلال هاي الفتره اتصل ابابا وكال طلعت التحاليل وكلها زينه وتحاليل المتبرع هم زينه وماكو اي اشكال خلال يومين تصير العمليه

حيدر : طبعا اني الوحيد الي بعائلتي شاذ بعملي

حبيت مهنة الظابط هواي لان احس هاي المهنه الوحيده الي اتوالم شخصيتي

طبعا اني مواصفاتي ضخم طويل وجسمي رياضي وبشرتي بيضه وشخصيتي كلش حلوه صاحب عيونه ملونه

بس اني طبعي صعب حيل مااقتنع بسهوله ولا اجامل بسهوله

وعصبي مو طبيعي افقد من اعصب

مااحب الكذب ولا احب الي يكذب

وبقاموس حياتي ماعندي فرصه ثانيه ابد

والي اشطب علي اشطبه للموت

مااحب شخص يعاند ابد

من النوع الي يحقد يعني الي يجرحني احقد علي ومااسامحه للموت

اني مااحب ولا اعترف بالحب ابد

اهم شي عندي النظافه والترتيب

اتزوجت زواج تقليدي

عن طريق اهلي ومعارفهم

جنت رافض فكرة الزواج بس اهلي لحوا عليه

اتزوجت واني عمري 27سنه

زوجتي جانت خريجة تربيه

شكلها مقبول يعني مو جمال جمال ولا مو حلوه

حياتي عاديه وياها بس ماكو حب يجمعنه

مجرد واجب وبس

هي هم احسها بارده من ناحيتي ولا تحاول تتقرب عليه

عفتها ع هواها

راسا شكل حمل عدها

عرفت بيها بنيه وجنت فرحان بحملها

عدت الايام وجابت بنوته تخبل سميتها نور

امها عارضت ع الاسم رادت تسميها جلنار بس اني رفضت

اخويه محمد الي هو دكتور هادئ بشكل عكسي

متزوج دكتوره ويا اسمها رسل ماعدهم اطفال

بيت اهلي حيل جبير مساحته 1000م بمنطقه راقيه

اخويه الدكتور باني 200 م وبابه للشارع واكو داخلي من الحديقه

وعايشين بوحدهم

اخويه الثاني مروان الي هو مهندس ملعب ويدور بنات يوميه لازملي لزمه علي

زوجنا عبالنه نخلص منه بس مصار عنده جهال

السبب جان من عنده

الدكتور انطانه امل ضعيف يصير عنده طفل

وبقه نفس سوالفه

يكول مااحبها لزوجتي وموهي الي ابالي

هو مجان هيج بس حب ابنيه وياهِ

وفاتحنه. بالموضوع وكال اخطبوها الي

بس من خطبناها ابن عمها رادها واتزوجها

وكوه قنعناه ونساها

بس بقه يدور بنات

حجينه ويا ردنه منه مفاد بي

يكول كلهن ساقطات ويذبن نفسهن عليه

فتح شركه بغير محافضه يجينه الاربعاء العصرويبقه خميس وجمعه وسبت العصر يرجع ومرات الاحد الفجر يروح

شغله نجح وجان مشروعه حلو

شجعناه رغم بغير محافضه

كال بمرور الايام افتح شركه هنا وابقى

كاعد وي اهلي

اخويه الصغير امير بعد طالب

اني هم بنيت بيتي واستقريت بي هم 200 م

صار تصميمه بيت اهلي

من جها بيت اخويه ومن جها الثانيه بيتي

وبالنص حديقه وبيت اهلي بالاخير

اخواتي 2 متزوجات بس الصغيره بعدهي

اني اكلي وشربي كله يم اهلي بس من انام اروح لبيتي

بالنسبه لزوجتي اطباعها ابد متعجبني عكس الي اريده

اتعاند هواي وشابعه كتل مني

واذا لزمت الموبايل كوه اشلعها منه

داخله بكروبات هواي

ودائما مشاكل من ورا

اتعلق للولد هواي واني يوميه مانعها وماسح الفيس منها وترجعه

وتكول اخر مره

صار عمر نور بنتي 3 سنوات وصار حمل مره لخ عدها

بس بقت فتره وصار اسقاط

بدت تمللني اريد اسافر اريد اتونس

كتلها وين متردين تروحين وي اهلي روحي

اني مااكدر اطلع واجي تعبان

مرات اطلعها للمطعم وللمنتزهات وللمولات

للزياره ههمين نطلع

رغم كلشي حسيت بيها ادور زلات عليه

وادور المشاكل من جوه الكاع

اني مرات هم طفره ونص وياها

اجي من الدوام تعبان تخلي نور تبجي فوك راسي

ها طلعنه ها وديني للمول لازم يوميه تريد طلعه

مرات اتعارك وياها ومرات اكول خطيه

امي دائما تشكي منها تكول بالجذب متمر علينه متسالنه شبينه مابينه

اهواي اتحملت عليها بس ساكت لخاطر بنتي نور

والا من زمان جان طلكتها

طبعا اني نومي بالليل عميق اذا نمت ماادري شكو ماكو

لان حيل اتعب بالدوام

هي تعرفني وتدري بيه

لهذا السبب جانت مستغله نقطة ضعفي

تبقى بالليل ع الفيس وبالكروبات بنات وولد

واغلبهن مو راحه الكروبات

اني مانعها من الاختلاط وي الشباب

وهواي مرات كاسر جهازها من الكيها اتعلق لولد اكثر من تعليق

لحد مااجه يوم كالت اريد ابات يم اهلي

كتلها عادي باتي وباجر بالليل امر بيج

كالت اوك

باتت وثاني يوم رجعت من الدوام وجان البيت هدوء

استغليت غيابها هي ونور نمت نومه عجيبه غريبه

بقيت لل 9 بالليل يله كعدت

بعدها كعدت رحت يم اهلي اتعشيت

اتصلت بيها سالتها جاهزه كلتلي لا راح ابات

ماقبلت اني كتلها لا ارجعي

جهزي نفسج راح امر بيج

اصرت تبقى وكامت تتوسل

اني رفضت ومقبلت

رحت لبيت اهلها وجبتها وجانت كالبه الخلقه

مهتميت الها

بوست نور ومريت بسوبر ماركت اشتريتلها

حسيت بيها مو طبيعيه ومتوره

شكيت اكو شي بس ممتوقع شنو

ماكتلها جنت نايم كلت لازم اليوم اراقبها واشوفها

رجعت للبيت وسويت المساله طبيعيه

بس هي ممرتاحه احسها

والخلقه مكلوبه

اتقربت عليها وكتلها مشتاقلج هواي

ولا كانو احجي وياها

نامت نور

حاولت احجي وياها بس هي ساكته

نمت وياها بس احسها ع اعصابها

دخلت اسبح وراها هي دخلت

عفتها ورحت لفراشي

من دخلت ردت افتح جهازها لكيت بي رمز

سالتها علي كالت اصبر لمن اطلع

من طلعت فتحته الي كتلها روحي سويلي عشه وجاي

طبعا اني مااشتهي بس حبيت الهيها

فعلا راحت للمطبخ

دورت بالجهاز ماكو شي يثير الشك

دخلت تسجيل مكالمات

رجعته ع الميز

رحت للمطبخ لكيتها بعدها كلشي ممسويه

كتلها لتسوين مااريد راح اروح انام

لو الدنيه تنكلب مااريد احد يكعدني لان حيل نعسان

سويت نفسي نايم

اخذتلها ساعه وكامت تهمس

حبيبي حدوري

حيدر ...... حدوري ....... استغربت بالبدايه معرفت شنو قصدها

سويت نفسي ولا كانو

بعد متاكدت نايم سمعتها طلعت

وره شويه رجعت

اسمعها تكتب

وره شويه دك الجهاز

سمعتها تكوله اصبر خل اطلع من الغرفه

هم طلعت هالمره طلعت وراها

لكيتها بالمطبخ تحجي

والله حبيبي مكدرت ابقه حاولت ويا بس مقبل

اني فرت بدمي

صحت بيها وطفرت

اخذت الجهاز منها وجها كام ينطي اللوان

طلعت تسجيل مكالمه

حسيتها انتهت

سمعت حجيها كله حب وغرام

اني تخبلت بديت اظرب بيها

بس حاولت اتمالك اعصابي مااريد افقد وياها

كتلها لمي غراضج بسرعه

كامت تبجي وتتوسل

سحلتها من شعرها كتلها لو اطلعج هيج لو تاخذين غراضج

انت طالق طالق طالق

هي تخبلت

كامت تبجي وتتوسل

كتلها بعد ميفيد البجي

كالت وبنتي كتلها مستحيل انطيجياها واخليج تربيها بيدج

كامت تتوسل وتبجي

كتلها اكعد وي اهلج واتفاهم

دزيت ع فطومه اختي بقت يم نور

اخذتها يم اهلها وفهمتهم بلي صار

كامو يوتوتون وميعرفون شيحجون

كتلهم هاي بنتكم باجر ورقة طلاكها يمكم

ابوها كام يحجي ماعندك دليل وع اي اساس

سمعتها الحجي انلصم بعد محجه شي

كال بس بنتك لازم تاخذها منتحملها

كتله هو اني مستحيل اخليها تعيش وياكم

عفتها وطلعت

ثاني يوم من الدوام ورحت طلكتها واخلصت منها

اهلي تخبلو كتلهم مااريد اي اعتراض

فهمتهم بالسالفه كلها

سكتو كلولي لازم تنطيها فرصه ع حساب نور بنتك

اني رفضت وكلت مستحيل اوافق ارجعها

طلكت من السيد وسلمتها الحاضر والغايب

اكثر شي نرفزني

ابد مسالت ع بنتها ولا كالت اريدها

بالبدايه هواي عانينه بسبب نور وتبجي ع امها

بعدين اايست ونستها

هسه صار تقريبا سنه من طلكتها

بقت تقريبا 6 اشهر وبعدها اتزوجت جانت صدمه النه

من ذاك اليوم اني اتحولت لانسان ثاني

بعد ماعندي ثقه باي وحده كائن من تكون

صرت ادور بنات ليل وي جماعتي ولا اهتم

مرات اشرب بس قله

هواي كمت اسهر وي جماعتي

جنت اضحك ع مروان اخوي هسه اني صرت مثله

نور اتعلقت بعمتها فاطمه وبامي همين

بدوا اهلي يظغطون عليه حتى اتزوج مره لخ

بس اني رفضت رفض نهائي ارتبط باي وحده

كمت احقد ع النسوان اشوفهن بعيني كلهن مو شريفات

فضلت ابقى هيج يوميه وي وحده شكل افضل الي

زينب : بعد مرور 3 ايام من زواجنه اتحول مروان لشخص ثاني

كاني اول مره اشوفه

دائما عصبي وكول شويه يضربني

كام يجبرني ع اشياء اسويهن اله

دائما ارفض بس ياذيني بالضرب بس اني مااريد اي اثر

حتى محد يشك بيه

مجبوره انفذله كلشي يريده

كام يطلعلي افلام ويجبرني اسوي نفسهن

كرهني بحياتي كولها

يكولي اني مو لسواد عيونج دفعت 15 مليون

اريد اطلع حقي منج

ولا عبالج نسيت غلطج عليه

بس مخليلج مفاجئ بوقتها راح تعرفين شنو

حيل خفت منه

كام ياخرني للعصر حيل

الاكل كله جاهز يجيبه

وهو يداوم ويرجع ب11 لو ب12

اني ع اساس مجازه

ابقى بوحدي احير شاسوي

حتى اخاف بوحدي

مرات انام

ومرات انظف

بس البيت نظيف ومرتب حيل

الهي نفسي بغسل ملابسنه

ومن يداوم كل شويه يتصل بيه

بعد مرور يومين

اتصلنه ابابا وكال حاليا يجهزونه كاعد للعمليه

بقينه بقلق

اتصلت بمروان بس يخليني اليوم بالبيت لازم اكون جنب امي واخواتي

بس رفض رفض نهائي

رحت اله وجان يصادف يوم خميس

وصلني للبيت وهو راح للدوام قفل الباب عليه

كول شويه ويتصل بيه

اني هاي الفتره كول شويه اخابرهم واطمأن عليهم

صارت ب11 اجه مروان وجايب ويا اكل

اكلنه وخلصنه بعدها رحنه للغرفه

وجانت عقدتي من الدنيه دخلت الغرفه بس مابيدي شي

نمنه سويه بعدها دك جهازه اشرلي اسكت

طلعت وحده ويحجي وياها حبيبتي وعمري

كللها صار عندي شغل مفاجئ بلكي بالليل اجي

اشرلي اطلعي

طلعت وره شويه طلع ورايه

كلي سويلنه جاي

رحت للمطبخ اجهز بالجاي

وره شويه اجه ورايه

هم دك جهازه

طلع واحد هم كله نفس الحجي بالليل اجي وعندي شغل

اني مسالته ولا احب اتعرف علي ابد

طلبت الاذن منه اتصل ابابا

كال لهسه بالعمليه

كلبي نار واحس كلبي مقبوظ مااعرف شبيه

حيل ضايجه لان اني مو بالبيت حتى اكون بجانبهم

وراها اتصلت بامي وحاولت اهدئها

بعدها صبيتله جاي كام يشرب

اذن الاذان رحت صليت بعدها

هم طلب ينام ويايه

حيل كرهت نفسي وكرهته ويايه

كملنه وسبحت مره لخ

اتوسلت بي يخليني اروح من وكت

كلي جهزي نفسج

سبح وكمل ردنه نطلع

وجان يدك جهازي ابويه حيل افرحت

رفعت خط هلو بابا

بشر نجحت العمليه

جان يكول .......

للحكايه بقيه ..... توقعاتكم حبايب العمليه ناجحه لو لا