رواية بين الفقر والطغيان الفصل الثالث وثلاثون 33 - بقلم رونق

مساء الخير ع اجمل متابعين اتمنى لكم قراءه ممتعه

🌹🦋 البارت 35 🦋🌹

🌹🦋 بين الفقر والطغيان 🦋🌹

🌹🦋 للكاتبه رونق 🦋🌹

عيدي الكلتي لان مسمعت زين

اذا وافقت ع طلبي زين ع زين

واذا لا اني اطلب الطلاك منك

اريد اشوف مستقب ......

بعدهي ممكمله ضربتها راجدي قوي

لان فقدت اعصابي

هاي الفكره لاغيها من بالي الطلاك

اسمعيني زينب هاي المره حجيتها

مره لخ اذا عدتيها والله اندمج وادفنج عدله

لاطلاك ولا دوام

سدي الموضوع نهائي

ليش عود اسده

اشو حنان اداوم واخواتك كلهن يداومن

نسوان اخوتك همين وحتى امك

ليش اني لا

لان انت غير تختلفين عنهن كلهن

اي هسه وضحت الصوره

بهاي انت حقك

اني اختلف عنهن

هنه بنات عوائل واني بنت شوارع

ظربتها راجدي اسكتي كافي لتخربطين بالحجي

لا ليش اسكت خل اكمل

هنه شريفات واتزوجن علني

اني ساقطه واتزوجت بالسر

ضربتها مره لخ

كافي اسكتي

هنه بنات ناس معروفين واني بنت الفكر

هنه يصلحن يكونن امهات وزوجات

واني لا مااصلح غير خدامه ومربيه

هنه تامنون بيهن من يطلعن

بس اني لا ميتامن بيه يجوز اخون

تحجي وتبجي

عافتني وراحت تركض  دخلت للبيت

اني تخبلت

هاي بالله شافهمها

شوف النظره الماخذتها عليه

عبالها هيج افكر بيها

ماتدري هي غير لان هي الوحيده الي اغار عليها

حبيتها وهاي اول مره احب بيها

اتخبل اذا احد شاف جمالها

حيل اغار عليها

مااكدر اخليها ادوام بالجامعه وي الشباب

يمكن اموت ولا اخليها تداوم

ولا اكدر اطلكها

نقطة ضعفي زينب

وبصفة عملي وي المجرمين

بس يعرفوها زوجتي اداوم بالجامعه وحلوه وزغيره

اكيد يستغلوها ويهددوني بيها

كمت اشرب جكاير

هسه عرفت سبب رفضها الي وهاي سبب الحواجز البيني وبينها

متاكد جانت مخططه لهذا الشي

وخافت يصير طفل وتنربط بيه

اكيد مفكره بالطلاك

اتندمت لان ضربتها

بقيت اشرب جكاير وحده وره الثانيه بدون مااطفيها

اذن صليت

وبدلت وطلعت جنطتي

صعدت لكيتها قافله الباب

مااكدر ادكه اخاف يكعدون الجهال

دزيتله رساله

كاعده

ماكو جواب ولا قرتها ابد

تعالي سويلي ريوك

هم ماكو جواب

هو اني اصلا مااشتهي

بس حبيت اعتذر منها قبل لا اروح

ادري بيج كاعده بس لحضه وحده تعاي خل اشوفج قبل لا اروح

هم ماكو جواب

صعدت

دكيت الباب ولاكانو

رمشولي وطلعت بس روحي طالعه من الدنيه

انعل يومها موقتتها توقيت وي روحتي

حتى ماعندي مجال اعتذر منها

كل مره بالطريق انام

هالمره عيني مااخذت نوم ابد

كل شويه واتصل بيها ماكو

دزيتلها رساله

اسف لان ضربتج

بس من صدك عصبتيني

اتخبل اذا جبتي طاري الطلاك

كلشي انفذه الج بس الدوام  اعذريني مااكدر

والنبي اخاف عليج من عيون العالم الي مترحم

ماكو اي جواب

وصلنه ورتبت ملابسي

هو دوامي بدون شي دمار

هسه اجتي هاي السالفه صفح

خلته مينطاق ابد

بده التعب والارهاق

ورغم كلشي كل شويه افكر بيها

نت ماعندي مااشترك اله بيوم استراحتي يوم 11

لان حتى اذا اشتركت مااكدر اتواصل وياهم

لان ماعندي وقت

دوامي دمار ومرهق بشكل

بس شنسوي

اذا خلصت هاي الفتره يبقالي 3 اشهر

احتمال يدوزنه لسامراء الشهر اليجي

احسب لحضه لحضه شوكت يجيني يوم الاستراحه

حتى اراسلها

دائما اخابر محمد بس اطمأن ع الكل

مااكدر احجي وي اي شخص

لان احنه مجموعه ضباط بنفس المكان

بس وي محمد او امير

ومن رجع ابويه من السفر همين خابرته وحجيت ويا واطمأنيت عليهم

وسلمت ع امي همين

طبعا حيل مشتاقلهم

اول مره ابتعد عنهم كل هاي المده

اجه موعد الاستراحه واخيرا

اشتركت نت

جنت متلهف بلكي دازه رساله

بس ابد

حتى ذيج حنان بنت اللذين ولاكانو صارلها شكد لامخابره ولا مراسلتني

نمت وكعدت

دزيتلها لزينب فيديو علي جاسم ومحمود التركي راحتي النفسيه👇

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

انفتح بس ماكو جواب

مرحبا

هم ماكو

جاوبي

هم ماكو

لتكفريني لخاطر ربج جاوبي

مرئي  وماكو جواب

مشكلتي مااكدر اتصل

حرت شاسوي كمت افور دم

بهالاثناء اجت ابالي حنان

كلت خل اراسلها

معقوله اكو وحده رجلها غايب عنها اكثر من شهر

مفكرت تخابر لو تراسل

دزيتلها

الوووو

جاوبت هلووو

هلوووو

همزين ذكرتني وراسلتني

اخاف تزعلين

لج هو اني المفروض اسال لو انت

لج صار شكد بالجذب مسالتي عدل ميت

شنو الي ملهيج

لاوالله مملهيني شي

بس اني اعتب عليك لا سالت عليه لا خابرتني

ليش هو منو الي بالظيم

وتعاي اكلج

شنو هالوسخ البيت كله مكلوب والمواعين وسخه

والقران هالمره اذا اجيت ولكيت البيت هم مثل ذاك اليوم

اله اكلبها الدنيه عليج

والثلاجه الخايسه نظفيها

رحتي سافرتي وشبعتي

لهنا وكافي

انتبهي للبيت زين

اشو متحامي عليه

نظفت البيت وخليته يخبل قبل لا اروح

يجوز اجه احد غيري شمدريك انت

اكلي تبن وانجبي

افتحي الثلاجه وشوفيها

خل اجي وااشوف شغلي وياج

شدعوه عليك يابه هاي هيج تحجي وياي

صارلك اكثر من شهر

يعني حرام اذا انت من ذاتج تخابريني

ها مو جنت تعبانه من السفر والله

وهسه ان شاء الله ارتاحيتي

اي الحمد لله

شلونها سفرتكم

حلوه حيل

الحمد لله

راح انام بعد لتراسليني

من صدك ابدي انام حيل نعسانه

رجعت ع هاي البلوه

شلون اقنعها مااعرف

ليش متجاوبين

بس خلي نتفاهم

اروحلج فدوه جاوبي

تقره ومتجاوب

ولج موتيني جاوبيني لخاطر ربج

والنبي راح اعوف الدوام واجي

حتى لو انفصل

بس متجاوبين باجر ارجع

وروحه لمروان اذا مجاوبتي باجر اني يمج

زينب : اجمل حياتي ذني ال 10 ايام

حسيت بنفسي طايره من الفرح

اخذني اشتريت حلقه ولبستها

حسيت بنفسي زوجته من صدك

اول مره البس الحلقه

واشترالي طقم كلش حلو ونازك

حسيت بي انسان ثاني

ولا عبالك نفسه المغرور والاناني

اتعودت ع وجوده يمنه

كمنه نطلع بالليل

رجعت فاطمه واتفقت وي ماما ورسل

رحنالها وحيل فرحت بيه

الكول اتعجب بيه اني وماما

عبالهم توم

وبقن صافنات ماما بدون عبايه واني عبايه وبوشيه

كلتلهن فاطمه اخويه يغار عليها لان جنها كمر اخاف تنحسد

غيرت جو وحسيت باحساس غريب

حسيت بنفسي انسانه حالي حال البنات

اتمنى يوافق حيدر ويخليني ادرس

لان بس يرفض اطلب الطلاك

جهزتله كلشي جنطته وملابسه والكليجه

كلت لازم احجي ويا

حتى يفكر لمن يرجع

بس فاجأني من رفض ورفضه مو مالت يفكر

ومستحيل يقتنع

قافل ابد ميقبل

الضوجني من يكلي انت غير

يعني بعده يفكرني مو زينه وميامن بيه

واني الغبيه عبالي حبني ونسه الماضي

بس مستحيل يتغير

يبقى ذاك هو الاناني

ضربني شكم كف بس مهمني

مثل ماجرحني بالحجي

يعني يريدني ابقى خدامه ومربيه

عفته وصعدت حيل مقهوره

وابجي

قفلته الباب وقررت لو شيصير ماافتحه

حيل ضجت منه

اني مردت يتقربلي حتى ميلزمني بالطفل

اله مهله بس يرجع القبل اداوم زين ع زين

واذا لا اروح لاهلي واطلك

ميهمني يحجي لاهلي لا

بس ابني مااله حق ياخذه

حاول افتح الباب ولا كانو

حاولت انام بس ماكدرت

اجني اشعارات

مافتحتهن ابد

كوه نمت وكوه كعدت

للعصر اجوني اهلي بقوا يمي

سويت عشه واجت رسل ومحمد ويانه

بقينه بالحديقه

شويه غيرت جو

بس جنت حيل ضايجه وكل شويه تسالنه وحده شبيج

عبالهم لان التحق حيدر

بالليل راحو وخلوا رقاوي يمي

انقطع عنه الاتصال

حالتي النفسيه زفت

مشت الايام واجوي خاله وعمو وحنان

فرحت بيهم وجنت حيل مشتاقتلهم

جايبين اشكال الحلويات الي وللجهال

وملابس كومه

جايبين الملاكمه لنظوري وطياره الي ع اللمس اطير كلش حلوه

وجان فرحان بيهن

ونور جايبيلها لعابه جبيره وبيت لعابه

حنان سلمت عليه من وره خشمها

من شافت وجهي والذهب

ولبسي الجديد

انتبهت ع الحلقه

عبالك بايكه بيتها

هملتها ولا عليه بيها

التهينه وياهم

ثاني يوم عزموا فاطمه هي وزوجها واهله

التهيت بالطبخ وللعصر راحوا

خاله انطتها طقم ذهب كلتلها مني ومن ابوج

بعدها راحو عمو وخاله لاهلي وماخذيلهم هديه

بقوا هناك اتعشوا

طلبو مني اروح واني رفضت

كلت خليني لمن يجي واخصمها ويا

اني اعرف موعد استراحته يوم 11 من التحاقه

فعلا بالليل بيومها راسلني

اقره ومااجاوبه

لان حيل ضايجه منه

بس من كلي اجي باجر لا وصلت حدها

لازم احجي لان ادري بي مخبل يسويها 😂😂🤣🤣

جاوبته

ها خيرك شتريد مني

لج شنو خيرك

زعطوط كدامج وتستهينين بيه

ليش متجاوبين مثل الاوادم

جنت مشغوله

وبيمن مشغوله

اسبح لنظوري ونور

يعني صارلج 11 يوم بالحمام

مجاوبته

اها وهسه فرغتي

اي ماعندي شي

ليش مجاوبتيني بيوم التحاقي

مجان الي خلك

زينب لتستغلين نقطة ضعفي

وتهددين بيه

صحيح اني حبيتج وعشقتج

بس مو معناها اطاوعج بكلشي

اسمعني زين حيدر

لتعب نفسك اني قافله

لو تخليني ادوم

لو اطلكني

حيل تعبت وياك

اريد اعيش ك انسانه حالي حال البقيه

غير ذني ماعندي

يعني لوتخليني اداوم لو اطلكني

هيج من ربج هم تكلي طلكني

اخذ ابني واطلكج

بس احنه اتفقنه اتفاق والكول شاهد

اذا تقربتلي بدون رضاتي

نطلك وابني من حقي

وانت خلفت الموعد

مو مهم اهم شي طلاك ماكو

فدوه حيدر لتصعبها عليه

والله هواي اذيتوني وهواي جرحتوني

خليني هسه اعيش حياتي مثل مااريد

دفعت عمري ثمن كله ع مود 15 مليون

انعل ابو الفلوس الي تذل الواحد

والله اذا تريدهن ال 15 فلوس تكاليف عملية اخوي

والنبي انطيهن بس اعتقني

تدرين لو هسه كبالي شاسوي بيج ع هذا حجيج

اله احير شاسوي بيج

شنو التريده مني بالضبط

مااريد لا اداومين ولا اطلكج

هاي انانيه يسموها

اي اني اناني مااحب احد يشوف طولج

وانت بطرانه تردين اداومين وي الشباب

بس اني ماعندي حل ثاني

لو تخليني اداوم لو اطلكني

راح اروح لاهلي وعود من تقرر تخليني اداوم تعال بلغني ورجعني

زينب لاتختبرين صبري

والخلقج اذا رحتي لاهلج ادفنج عدله

وهو منو كلك اني عايشه

اشو انت دافني واني عدله من زمان من يوم العقدت عليه

لا طلعه لا طبه لا لبس لامكياج

كولي هيج

يعني هذا الهمج

لبس ومكياج وطلعه

والله ابقه بالعبايه وماانزعها ولا لحضه حتى بالمحاضرات

ووجهي اخلي صافي اي مكياج مااخلي

واكعد بوحدي حتى بنات مااصادق ولا احجي وي اي بشر

وماالبس بس جوزي واختار مو حلوات

فدوه بس خليني اداوم

اهم شي اخذ شهادتي

حرامات

لو ع كص ركبتي مااخليج اداومين

لعد طلكني

اي عادي هسه انت فد قندره اطلكج هو اني الي مااريدج

ساعة السوده العرفتج بيها

بس اهم شي ابني

ليش تلزمني من الايد التوجعني

خل تخلص المهمه وارجع

ويصير خير

اخذه لنظوري

عادي ماعندي مشكله

اهم شي طلكني

هيج صار الحجي زينب

تتخلين عن ابنج ع مود دوامج

صار تدللين زنوبه يصير خير اجي والتردي يجرالج

الصراحه اني حجيت هيج ع نظوري

لان متاكده مايكدر يخلي

اشو خاله اداوم وحنان همين

يمن يخلي

اكيد يبقي يمي

قررت لازم اطلك بعد مااريده

لان الصراحه انسان همجي مو مالت تفاهم

عائلته كلها عدهم دوام وناس مثقفين بس اني لا

اناني يريدني مربيه وخدامه

وضحك عليه احبج احبج

همزين كشفته ع حقيقته

دزيتله مسج

اروح من باجر لاهلي

هيج متوازيه ع الروحه

لا بس حتى ارتب اموري واجيب اوراقي

ادفع عمري كله ثمن واعرف منو الضحك عليج

شنو اني طفله وينضحك عليه

لا يابه مو طفله

ثقي بالله والحسين اله اخليج تتندمين زينب

ع شنو اتندم

تريد تحجي لاهلي ع مروان

عادي احجي اني هم مليت من هذا الهم

ياريت تحجي بلكي انقتل وارتاح واريحكم مني

لان اني عار حرام اعيش

اتزوجت بالسر بدون علم احد

وهذا العار لازمني اريد ارتاح

لان اكو ناس ابالهم من اطلع اروح اصادق واخون

يابويه اتمنى هذا الحجي الكاعد تحجي كون كبالج اني

اله اشوه وجهج والله

تدرين راح اطلكج وبسهوله

لان اني مليت من عنادج

واني اتخبل من العناد تدرين بيه

بس راح ادفعج الثمن غالي والله

الج مهله منا لمن ارجع

اذا لكيتج بالبيت موجوده معناها وخرتي فكرة الطلاك والدراسه منج

راح اخليج ملكه واسعد وحده بالدنيه

ومراح اخليج تتندمين ع قرارج وعد مني اي شي تردين مني انفذه الج

الى الدوام ممنوع

بس اذا لكيتج يم اهلج معناها اختاريتي الدراسه وفضلتيها ع الجهال وعليه

وهذا الشي معناها طلاكج راح يوصلج

بس وروحه لاخويه اله اندمج واخليج تبجين دم

الصراحه خفت حيل من تهديده مااخفي عليكم

بقيت حايره مااعرف شاسوي

مااكدر اسولف لاحد

لان الصراحه مااحب اسولف اسراري لاحد

بقيت بصراع وي نفسي

الصراحه مااكدر اتنازل عن حقي بالدراسه

اريد احس نفسي انسانه

الي حق القرار والاختيار

هواي دفعت ثمن من حياتي

مااعرف عليمن اعتب

اعتب ع مروان الي دمر حياتي

لو منطيني سلفه جان مسدديها الها

لو اعتب ع بابا الي هو سبب دمارنا الحقيقي وخسرنه املاكنه

لو اعتب ع سيوفي الي خذلني ومات

لو اعتب ع الوكت الي وكف ضدي بكلشي

لو اعتب ع نفسي الي قبلت بالوضع

اكبر غلطه بحياتي زواجي بالسر

هم اني لو منزلته للطفل

وهسه اني عايشه طبيعي

لا ولو مااعيش طبيعي

وهسه اني كاتله نظوري بيدي

يمكن هو النفس الي اتنفسه

اموت بدونه

هو الوحيد الحلو بحياتي كلها

صحيح ضحيت هواي بس ربحت حبيبي نظوري

حتى نور حبيتها من كل كلبي

وحسيتها بمعزة نظوري

كلت خل افكر واخذ قرار نهائي

قبل لا يجي بيوم

اجوي امير وزهراء وجانوا حيل فرحانين

راوتني الصور وجايبين هدايه وياهم كومه

كلت خل اخذ رايي زهراء ورسل

احتاجيت احجي وي شخص

فعلا كعدنه بالحديقه وحجيتلهن كلشي

كالن اهم شي الشهاده وانت مو اي شهاده حرامات

رسل كالت انصحج نصيحه لتروحين طب

روحي صيدله افضل للبنيه

الطب للمتزوجه فاشل

دراسه صعبه ومسؤليه

زهراء هم ايدتها

كالت روحي صيدله افضل

الطب حيل صعب ومستحيل توفقين بين الدراسه والبيت

ويجوز ميطلكج

مااعتقد يستغني عنكم حيدر

بس انت صممي

ع قرارج مهما كانت العواقب

خلص قررت هاي هي

وين متوصل خل توصل

وبالنسبه للطب او الصيدله راح اشوف اهلي

اكو خوف بداخلي من تهديده

بس مراح يهمني لان تعبت من صدك

عفت كلشي مااريد اخذ شي من الغرفه

نزعت الحلقه وخليتها بالعلبه وي الذهب

خليتهن ع الميز

عفت كل غراضي مثل مااجيت راح اطلع

اخذت ملابس نظوري المهمه

وملاعيبه الي مستعز بيهن

طبعا ماحجيت كدام احد

محد يدري بس رسل وزهراء

كلت لعمو وخاله راح اروح لاهلي

بابا يمر عليه

للعصر اجاني بابا ورحت ويا

اخذت نور وكلت لمن يجي هو يمر عليها وياخذها

بالليل فتحت الموضوع وي اهلي

كتلهم اريد اكمل وحيدر معارض

اني طلبت منه الطلاك

اتخبلوا ماما وبابا

كالو مو عبالج هين الطلاك

بي دمار ومحد يتاذه بس الاطفال

كتلهم اني مصممه اله اكمل

وهو رافض رفض نهائي

احنه نتفاهم ويا ونقنعه

غلط تجين بهاي الصوره

المفروض لو احنه نجيج لو انتو تجون ونفتح الموضوع ويا

بابا حيدر اعرفه كلش زين قافل ميقبل ابد اداوم

واني حرامات تعبي هيج يروح

انت عندج علم متنقبلين بالحكومي

الى اهلي

لان صارلج 3 سنوات من تركتي الدراسه

ميهمني اهم شي اريد اكمل

حاولو يقنعوني ارجع مقبلت

بقيت كاعده للصبح مااكدر انام من التفكير

اخاف اكون استعجلت بقراري وصدك اتندم

مااعرف

اراقب الوقت ها هسه طلع

هسه وصل لهيج مكان

صارت ب 1 الى ربع هذا وقت وصوله

هسه عرفني عند اهلي

بقيت افكر لحد منمت

وره شويه كعدوا الجهال

كعدت كبل عيني ع الجهاز

خاف مراسلني مخابرني

بس ماكو هدوء

للعصر نفس الهدوء

لليل كذلك

اكيد هذا الهدوء الي يسبق العاصفه

ثاني يوم كذلك

ثالث يوم اجه عمو وخاله

وطلبوا مني اغير رايي مقبلت

كتلهم اني مصممه اريد اكمل دراستي

طلبوا من نور تروح وياهم حتى يشوفها ابوها

راحوا واخذوا نور

لليل اجتني رقيه كالت حيدر جوه ويريدج

لزمت كلبي

وحيل خفت ياربي ساعدني

خليني قويه ادري بشخصيتي ضعيفه امامه

بس لازم اصير قويه

نزلت وجان بابا وماما كاعدين

سلمت رد السلام من وره خشمه ولا باوع بوجهي ابد

كال بابا اتركم تاخذون راحتكم

لازم واحد منكم يقدم تضحيه للثاني

ميصير هيج تعاندون اثنينكم

ولتنسون الطلاك مو هين ابد

اكو اطفال راح تتاذه من قراركم

عافونه وطلعوا

مخلي نظوري بحضنه ابد ولا يباوع عليه

بعدين حجه وعينه ع نظوري

اي زينب قررتي وانته كلشي

بهالسهوله عفتي البيت

لا بالعكس مو بسهوله بس انت الي منطيتني خيار ثاني

التفت عليه راح انطيج فرصه اخيره

لخاطر نظوري ونور الي راح يتعذبون

ارجعي ويايه وانسي الدراسه

اعذرني مااكدر اتخلى عن دراستي

فدوه اروحلك وافق واي شرط تشرطه عليه راح اوافق علي

مستحيل اقبل

لعد اني هم مااغير رايي

هذا اخر قرار

اي اخر قرار

بعد ماعليه عتب

عافني وطلع

سالوني اهلي

كتلهم الصار

بقوا يحجون عليه

كتلهم هذا مصيري اني واني اتحمل العواقب

دراستي اكملها لو شيصير

ثاني يوم اتفاجأت بورقة طلاكي من السيد

متوقعته بهاي السهوله وبهاي السرعه راح يطلكني

اجذب عليكم اذا اكلكم فرحت

لا بالعكس حيل ضجت وبجيت من كل كلبي

يعني طلع حجه كله جذب ابد ميحبني

ولا يريدني

حاسبني خدامه ومربيه فقط

جنت اتمنى يخليني اكمل

جان عشت ويا اجمل ايام

لان ابني مااريده يعيش بدون اب

مااكدر اتنازل عنه ولا اكدر اربي بدون اب

بابا كلي انت تتحملين العواقب وحتى اذا اخذ ابنه متحجين

سكتت

اجوي بالليل خاله وعمو متخبلين

اكيد عرفوا بالطلاك

الكل لامني اني

اهلي واهله

محد فكر بيه وبلي عايشته

جايبين الذهب و10 ملايين الغايب الي مخليهن

هو دازهن

وكال باي وقت تجي تاخذ الغرفه وكلشي يخصها

ماقبلت اخذهن ابد

مااريد اي شي منه اني متنازله عن كلشي

ماقبلوا عمو وخاله

كتلهم والله وداعت ابني مااخذهن لو ع كص ركبتي

راحوا حالتي النفسيه زفت

جنت اتوقع من اطلك اخذ راحتي اطلع وامشي

بس صار العكس

عمامي الكل عرف بطلاكي بابا خبرهم

دزلي رساله ليش مااخذتي حقج

عبالج اكول خطيه مابحال الفلوس

غصبا ماعليج تاخذيهن وحتى الغرفه تجين تاخذيها

لا اكسرها واذبها بالشارع

مااريد يبقى بالبيت اي اثر منج

ميهمني تكسرها تذبها

مااريد اي شي منك

مثل مااجيت طلعت

ولتنسى اني حقي ماخذته من البدايه

ال 15 مليون

اها بهاي وياج حق اخذتي حقج لكدام بس من اخويه

وهذا حقج مني

بس مااريد اي شي منك

متهمني الفلوس ولاتهمني الغرفه

لعد شتهمج الدراسه

دراستي تهمني اكيد

تخليني احس بقيمتي

متخليني مجرد خدامه ومربيه

عوفيني من هذا الحجي التعبان

طلاك محكمه مراح اطلك

بيوم الي اطلكج اخذ نظوري وبعد متشوفينه الى حسب الوقت

الي يحكمه القانون

وهذا الشي راح يرجع الج باي يوم يعجبج اطلكج

بس خبريني قبل يوم

حتى تشوفين حياتج وتتزوجين الاحسن مني

اذا هيج الحجي

خليني مدى العمر زوجتك بالقانون

لان من سابع المستحيلات افكر بالزواج واتخلى عن ابني

عندي ابني يسوى الدنيا ومابيها

يازواج يابطريق

ولتنسى انت واخوك الله يرحمه خليتوني اكره الزواج كله

باي وقت الي حق اجي اشوف ابني

وباي وقت الي حق ابيته يمي

اوك اتفقنه

ونور

نور شدخلج بيها

نور هم بنتي ومااكدر استغني عنها ولا هي تستغني عني

نور معليج بيها وتنسينها نهائي

ويله نعسان مابيه حيل اكتب بعد

خل يكون بعلمج لو موافقه وراجعه ويايه جان خليتج ادرسين

بس احب اكلج انت الخسرانه

وحبيت اختبرج بس للاسف فشلتي بالاختبار

عبالي تفضلينه ع دراستج بس طلعت متوهم

حيدر : اتخبلت من حجت وياي بالرسائل

وكل حجايه وكالت طلكني

والله لو يمها اني جان ارتكبت بحقها جريمه

انطيتها مهله لحد ماارجع

وجان املي جبير راح ارجع والكيها كبالي

صحيح اني هددتها بس مااكدر ااذيها

ردت بس اخوفها

طبعا سرها طميته جوه التراب

مستحيل يطلع بيوم

جنت بين المتلهف ارجع وبين الخايف

وصلت للبيت ومن مالكيتها عرفتها رايحه

رحت كبل لامي حيل مشتاقلها

ذبيت نفسي عليها وبوستها من كل مكان

ورجعت لابويه همين

سالتهم زينب عند اهلها

كالو اي

اجه امير الثاني هم حيل مشتاقله

ومحمد كذلك

اليوم صادف جمعه

رحت للبيت وهاي نايمه ولاجنها

عفتها ماالي خلكها ابد

يمكن اقل شي انفجر بيها

دخلت سبحت

وطلعت

رغم ماحيل جوعان بس مااكلت

لان حيل ضايج

كعدت حنان واحنه نشرب جاي

حتى سلام مثل البشر مسلمت

بالجذب حمد لله ع السلامه ماكو

كبل هاي شوكت اجيت

من زمان

كملت ورحت اتمدد بالغرفه

اجتي شبكتني

هنياني عليج اي والله

حبيبي حيل مشتاقتلك

مبين مو لكيتج كاعده ومنتظرتني ومجهزه الحمام

هو اني جنت منتظره بس مدري شلون نمت

اي مبين عليج تعبانه خطيه

اي الله صارلي يومين ارتب البيت

باوعت بطرف عيني للبيت

اي واضح خطيه حيل تعبانه

ع مودك غير

اضحك عليها بداخلي

اكول زينب عفتها ساعه لكيت البيت يخبل

وهاي يومين واي تغير ماكو

كتلها ماتكعديني لو شيصير

بقيت نايم لثاني يوم

لان جنت حيل تعبان نفسيا وجسديا

ثاني يوم رحت للحلاق زينت

والعصر رحت يم جماعتي اتعشينه وشربت لمن سكرت

واتقربت لوحده بدون ماانتبه لان ضعفت

جنت محتاج انسى

بعدها رجعت سكران

دخلت وهاي الثوله فضحتني

كامت تصيح

شنو جاي سكران

ردت اسد حلكها وكامت تصيح

اجوي محمد وامير ع الصوت

شافوني سكران

اتخبلو

اني صحيح جنت اشرب بس مااسكر ابد

لهذا السبب محد حس بيه

بس اليوم اول مره يعرفون بيه اشرب

كامو يحجون عليه

ابويه ضربني راجدي

محمد لعب بيه طوبه

جروني للمغسله غسلو راسي

صحيت بس مو كلش

رحت سبحت وطلعت

لكيتهم كلهم منتظريني

بدوا يرزلوني

اني سكتت ابد مجاوبت احد

بعدها نمت

ثاني يوم دزيت هاي الثوله ع غده تجيبلي لهنا

الاكل مو طيب ابد 😔😔😔 الاكل مو حار

كوه كدرت اكل لان جوعان

بعدها رحت يم امي وكتلها راح اطلك زينب

بقت صافنه ممصدكه

ليش يوم شبيها البنيه

معانده تريد اداوم

اي وين المشكله

مااخليها لو تموت

مااريدها اداوم ابد

لك ماما انت ليش تصير همجي

شنو المانع البنيه تكمل دراستها

اشو ابنها كبر وتكدر تخلي يم امها او بحضانه

وخطيه معدلها عالي

مااخليها يعني مااخليها

واذا تريد طلاك يطبها مرض

بس روحوا العصر جيبولي نور

وشوفوها بلكي غيرت رايها

جنت اتمنى تغير رايها يجوز اني اخليها تكمل لا مو يجوز اكيد

من اشوفها ضحت ع مودي وع مود الجهال

رجعوا اهلي وجان الجواب واضح

بدون ميحجون

قررت اروح اخر مره احاول وياها

بس تتنازل وترجع اني من ذاتي راح اخليها ترجع للدوام

سلمت ع اهلها وفهمتهم بالسالفه

كتلهم اني اخاف عليها

واني مستهدف من هواي ناس

اني ضابط تحقيق

شغلي وي المجرمين

بس يعرفون زوجتي حلوه وتدرس

مستعدين كلشي يسوون

بالنسبه لنسوان اخوتي ماالي علاقه بيهن ولا اخواتي

كلمن ورجلها هو يتحكم بيها

وحنان من البدايه عند اهلها مكمله ومتعينه

بس زينب لا زينب تختلف

زينب حبيبتي وام اطفالي

وتعنيلي هواي

الياذيها ياذيني

واليجرحها يجرحني

امانه اهلها ويايه

حتى ابوها كال اني مريت بنفس موقفك

بس فرق اهلها شرطوا تكمل دراسه واني انطيت حجايه

مااكدر اخلف حجايتي

بس من كملت رفضت تتعين لان جنت حيل اخاف عليها

شنو خاله مكمله جامعه

ضحكت كالت مكمله قانون

لا ياالله واني جنت متوقعهم همج اهلها زينب

طلعوا واصلين ومثقفين

المهم كال ابوها اني وياك ياابني

بس هي مصره وهم حقها تحقق حلمها

لان تعبت ومعدلها مااجه بالهين

بس خلو ابالكم الطلاك مو لعبه ولا هين عليكم

الاطفال يدفعون الثمن

كتلهم اني لحد الان متمسك بيها ومااريد اخسرها

بابا احجي وياها واتفاهمو بلكي توصلون لحل

طبعا اخجل من اكلهم عمي لو خاله

لان عمرهم زغير ماكو فرق بيني وبينهم وخاصتا امها

دزوا عليها

نظوري بيدي ومجلب بيه

ولا اهتميت الها وحسستها اني مو بحالها

بس بالحقيقه لا اتكطع تكطع من داخلي

حاولت وياها بس قافله

اتمنيت توافق وترجع ويايه جان فكرت وخليتها اداوم

عفتها وطلعت حيل ضايج

روحي طالعه

رجعت للبيت

اهلي كلهم حجوا عليه

محمد كلي والله تتندم

ومن حقها اداوم خطيه

كتلهم مااريد احد يدخل بيناتنه

ولك والله انشلع كلبها خطيه

خلي اداوم ولتخليها تتعين بس تكمل 

لا مستحيل اخليها

والله اخاف عليها بس محد يفتهىمني لااهلي ولاهي

ثاني يوم رحت بدون تفكير طلكتها

لان حيل اذاني عنادها

وراح اشطب عليها للموت

بس اني متاكد راح تندم

مراح تتوقع شراح اسوي بيها

وعد مني اله اخليها تتوسل بيه حتى ترجعلي

اني مراح يكون اسمي حيدر

دزيتلها بالليل الغايب ووالذهب

بس رجعتهن بيد اهلي

اتخبلت يعني تريد تبين بان بان هي ممهتمتلي لا الي ولفا لفلوسي

حنان فرحانه حيل ويمكن اسعد وحده

اني اعلمها لزينب بس خلي يصبح الصبح

ثاني يوم كعدت من وكت سبحت وبدلت

رحت لبيتهم

دكيت الباب وجان .......

حبايبي والله كوه كدرت اكتبه واكمله لان بعدني حيل مريضه وراسي يوجعني بس منطاني كلبي اعوفكم بدون بارت

اذا اكو اخطاء غلسوا لان ملحكت اراجع البارت

تحياتي حبايبي 😘😘