رواية بين الفقر والطغيان الفصل الرابع وثلاثون 34 - بقلم رونق

مساء الخير ع اجمل متابعين اتمنى لكم قراءه ممتعه

🌹🦋 البارت 36 🦋🌹

🌹🦋 بين الفقر والطغيان 🦋🌹

🌹🦋 للكاتبه رونق 🦋🌹

وجان تطلع امها سلمت عليها

وانطيتها الفلوس والذهب

كتلها ممنوع ترجعهن ذني حقها

كالت تعال ادخل

لاشكرا مستعجل عندي شغل

وخبري عمي العصر راح ادز الغرفه

عفتها ورحت

اتغديت بالمطعم ادري الطبخ مراح يعجبني

رجعت وهاي بعدهي نايمه

لكيت نور تبجي

اريد اروح يم ماما

كمت اصيح عليها

بعد ماكو ماما

انسيها راحت وبعد مترجع

كامت تبجي عافتني وراحت

حيل ضجت عليها

رحت ادور عليها

لكيتها بغرفتهم

تبجي وتكول بعد مااحب اي واحد

يوميه احب ماما شكل وتعوفني وتروح

حضنتها وبوستها

كتلها حبيبتي ميصير تروحين هناك عيب

ماما زينب راحت لاهلها

وانت احنه اهلج

مو اخذت نظوري وحد

نظوري زغير مايفتهم شي

بس انت جبيره وتفتهمين

زين من تروح اروح ابقى يمهم والله اشتاقلهم حيل

الله كريم هسه خليني اشبع منج

وادور تنزلين تنامين يمي

اجاني اشعار فتحته

جان من زينب

اني مو كتلك كلشي مااريد منك

هذا حقج وغصبا ماعليج تاخذينه

بس مااريد اي شي منك

مو بكيفج

والنبي احركهن الفلوس اذا مااخذتهن

كلشي منك مااريد

حتى احركج واحرك عشيرتج وياج

الغرفه لتجيبها مااريدها

والنبي اكسرها واذبها بالزبل

ميهمني لتجيبها مااريدها

يابه استحي ع نفسج وبعد لتراسليني ولتخابريني

اني هسه رجال غريب عنج

اذا انت متستحين اني استحي من ابوج

بعد ماالي كلمه وياج

عود اتفاهم وي ابوج

راح انطيج بلوك

انطيتها بلوك من كل البرامج

حتى ابين الها اني مو بحالج

مخليتها تجاوبني

للعصر اتصلت بابوها وخبرته ع الغرفه

كال عمي احنه متنازلين عنها وين متوديها وديها

اتبرع بيها لفقير خليها بمكانها

لان شوفت عينك ماعدنه مكان الها

خجلت من ابوها مااعرف شاجاوبه

كلت خل ابقيها ع حطتها حتى الملابس راح ابقيهن

قررت اقفلها الغرفه

نور نزلتها يمي

حياتي صارت باهته

اي معنى مابيها

احسب لحضه لحضه شوكت التحق

تذكرت اخر مره من تمنيت ماتخلص اجازتي

اجني البنات حتى يروحن لفاطمه

الكل اتفاجئ بقرارنه

اتخبلن

طلبن من ابويه يروحن للبيت الهم

كتلهن اني اخذجن حتى تنطني نظوري ومن تخلصن خابرني

حتى ارجعه

نور كالت حباب خل اروح وابقه يمهم

مو راح تلتحق باجر

كتلها روحي بس لتسوين اذيه

انطيت للبنات 250 كتلهن مصرف لنور ولنظوري

اني باجر التحق

كالت امي خطيه خل تروح

اخذتهن وبقيت بالباب

طلع ابوها جلب بيه كتله اريد اخذ نظوري ويايه

ماقبلت ادخل

بقه يمي وجابولي نظوري

ونور هم اجت

اخذتهم للالعاب بعدنه مدخلنه

دكت بنين عليه استغربت

رفعت خط ها بنونه

شبسرعه ترجعن

جان يجيني صوتها الوووو

غيرت نبرتي خيرج

انطيتج حضر ومخلصت منج

لويش دازلي فلوس

لويش دائما تحسسني بالذل

هاي الفلوس مو الج لجهالي

واذا معاجبج تاخذيهن كولي عادي

حتى جهالي اخذهم واخليهم يمي واني اصرف عليهم

حبيت استتفزها

وخلي ابالج كل شهر ادز 250 لنظوري مصرفه

هاي هي ع راحتك

يله باي مفارغلج طبكته بوجها

بديت العبهم

بعدها رحت للسوبر ماركت

اخذتلهم اشكال واللوان حلويات وكورن فلكس

بعدها رحنه ناكل موطه

بعدها رحت لمحل موبايلات

اشتريت جهاز وخليت بي سيم كارت

كلت اخابر نور واطمأن عليها

مااريد اخابرها من زينب

طولن بالساعتين

بعدها اتصلت بيه بنين

كالت يله تعال

من ارمش اطلعن

اوك

رجعت ورمشت وطلعن

وطلعت امها وابوها

حجه ابوها

يابه تره تبقى انت ابنه

لتعاملنه مثل الغربه

هذا بيتك باي وقت تعال بدون مدك الباب

خجلني بكلامه

والله مو قصدي ماادخل

بس حبيت اطلعهم واغير جو خطيه

انطيت الجهاز لنور كتلها خل رقيه ادخلج فايبر

حتى اتصل بيج

خل تعلمج شلون تراسليني بي

اوك بابا

بوستهم وودعتهم ورجعنه للبيت

اتظاهر ممهتم بس بالحقيقه

كلبي يريد ينفجر

اني ادري بنفسي كاعد اكابر

لان بعدها ياذيني

واني كوه كدرت اخليها تستجاب وياي

وصلنه وانطني علاكه بيها كليجه وكروسان

اني بقيت صافن

يعني حتى بعد طلاكنه منست

مااعرف فرحت لان بعدني ابالها

لو احزنت لان حرمتني منها

مااعرف اخذهن لو اخليهن بعنادها

بعدين كلت مو وكت عناد اخذهن لان حيل يفيدني

ماكو لامحل قريب علينه واكلهم نمله مو حيل طيب

جهزت جنطتي وحاولت انام مااكدر اسهر

وقتت المنبه

نمت وكعدت سبحت وصليت ورحت

بالطريق خليت السماعات باذني

وشغلت نغمة ياسر عبد الوهاب وحيدر نبيل يدكلك كلبي 👇

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

غمضت عيوني كل ماتخلص اعيدها لحد مانمت

وصلت ونفس روتين كل مره

ارهاق وتعب

خلصن ال10 ايام وثاني يوم الاوف

هم نمت ومن كعدت اتصلت بنور

مرفعت خط

تقريبا 3 مرات وماكو جواب

عفتها وراسلت حنان شويه مطولت

بعدها اتصلت بامي وابوي

وبعدها محمد وامير

طبكته وجان لكيتها نور داكه هواي عليه

خابرتها رفعت خط

الووو ها بابا شلونك

هلو حبيبتي شلونج انت

اني زينه وانت

اني هم زين

نظوري شلونه

زين تريد تحجي ويا

هسه اصبري

ليش مرفعتي خط مساع

مو جنت بالحديقه وماادري بي

هم سويتي اذيه

لاوالله حتى اسال ماما زينب

بابا

ها حبيبتي

اني مشتاقتلك

واني همين

بس اجي تبقين يمي

اي ان شاء الله

انطيني نظوري

اسمعها تكله هذا بابا يريدك

الووو بابا

شلونك حبيبي نظوري

زين اني مينفهم حجيه كلش

شويه وطبكته

كملت ال 10 الايام ونزلت للبيت

اول يوم نمت وارتاحيت

بالليل رحت للحلاق وخلصت

حتى باجر اجيبهم نور ونظوري

اخليهم يمي

خابرت نور

كتلها جهزي نفسج باجر اجيكم اخذج انت ونظوري

حيل فرحت

بعدها اتصلت بابو زينب

انطيته خبر

كتله من يكعدون خبروني حتى اجيهم حتى لو الظهر

ميخالف بابا تدلل

فعلا ثاني يوم ب2 اتصلت بيه نور

كالت جاهزين

رحت عليهم ادري بابو زينب عنده دوام

خابرت نور كتلها اطلعوا

اني واكف بالباب

طلعوا اثنينهم

نور شايله جنطه وبيدها علاكه

شفت خيال بس

اكيد هي واكفه بالباب

اجوي بوستهم واخذتهم كبل لابو الموطه

حيل يفرحون

بعدها اشتريتلهم

كتلها شنو هاي العلاكه والجنطه

ماما زينب جابتهن الي من سافرت

وين سافرت

مااعرف راحت هي وجدوا من الصبح واجوي العصر

جابت اوراق

عرفتها جايبه اوراقها وشهادتها

كالت جابتلي بيبي همين

ملابس للمدرسه وقراصات وجواريب

وحتى حذاء

لان راح اداوم

رحت للبيت واهلي حيل فرحانين

وراوتنه شجايبتلها

ملابس يخبلن والجنطه همين

سالت امي ع المدرسه شوكت تبدي

كالت بعد اسبوع

نظوري راح لعمه امير وراها لعمه محمد

وحيل فرحان وهمه همين

كلي محمد مناوي تعقل وترجعها لمرتك

شكلولك عليه مخبل واعقل

والله من يوم يومك وانت مو صاحي

رحم الله والديك بس ماارجعها

لك لتصير اثول والله تتندم

مستحيل اندم

بداخلي اكول هو هسه اني ندمان

سالتني امي بنور شلون بيها بالدوام

شنو شلون

تبقى هنا يم حنان وهي تاخذها وتجيبها

بس اذا تريد تروح خميس وجمعه وترجع السبت عادي

يوم ام زينب كالت خلوها يمنه من انت بالدوام

حيل متعلقين بيها

وهمه يدرسوها هناك احسن الها

وهي زينب هم فرحانه

ونخلي السايق ياخذها ويجيبها

يوم هذا الموضوع ينسد نهائي

نور تبقى هنا وتسكت

شيكولون علينه منتحمل بنتنه

هو هذا حجي يوم

لك ابني البنيه متعلقه بنور وتبجي بواجي عليها

واحنه كاعد ندز مصرف

يعني ممانين علينه

وانت عاشرتهم وعرفت نفسيتهم

يوم لخاطر الله سدي الموضوع

نور تبقى هنا وخلاص

تاخذها حنان بيدها وترجعها بيدها

سكتت بعد محجت شي

زينب : ضجت من حيدر من يعاملني ابرود

ومان عليه بكلشي

اكثر شي نرفزني من انطاني حضر

ويكلي عيب عليج تخابريني لو تراسليني

عباله ميته علي

خل يولي لو يموت مااراسله

اجن البنات لان نتراسل اني وياهن

كالن باجر نمر بيج

كلت خل اسوي كليجه وكروسان

كلت خطيه لان يفرح بيهن

كلبي مابي حظ يفكر بي وهو فرحان خلص مني

ماما تكلي

اذا تحبينه هيج لويش ماضحيتي

منو كلج احبه

واضح من الكليجه الي دسويها اله

لا والله ماما بس كلت خطيه

هناك يجوعون

ومو لخاطره بس لخاطر الي ويا هم خطيه

اجني بالليل وكالن بدلي لنظوري يريد ياخذه ويا

بدلتله واخذهم هو ونور

وقدمت الهن كليجه وببسي

حيل فرحت من كالن نور تبقى هنا

رقيه تموت عليها

كل شويه تعاي خابري خل يجيبوها

بقينه نسولف وغيرنه جو

انطتني ساره فلوس كالت مصرف للجهال دزهن حيدر

حيل ضجت مارريد اي شي منه

اخذت جهاز بنين وكتلها راح اخابر منه

اتصلت بي وجان متفاجئ

بس يجاوبني من وره خشمه

حيل ضجت وقررت مااتصل بي بعد لو شيصير

هددني لو اخذ الفلوس لو ياخذ الجهال

انجبرت اخذهن

اخر شي رجع وجاب الاطفال وراحوا

انتبهت لنور بيدها جهاز جديد

سالتها شنو هذا

كالت بابا جابه اليه حتى اخابره بي

عرفت قصده

دخلتلها بس الفايبر وكتلها ممنوع تلمسينه بس اذا خابر ابوج

اي تغير بحياتي ماكو

فقدت رغبتي لكلشي

لااحب اطلع من يطلعون اهلي

ولا احب من يجينه احد ادخل يمهم

اهلي كامو يروحون بيت عمامي وعماتي

محد من عدنه تمشي

محبينه قربهم

بس وحده من عماتي احبها

وحسيتها من صدك حنينه علينه

رنا العطله كلها تقره تكول حيل صعب الطب

وتبارك السنه سادس

رفضت تدخل خصوصي

بس جبرها بابا تدخل دورات

تطلع ب8 وترجع ب1 بايام العطله

خطيه تروح وترجع احنه نايمين

وهي وره ماتجي تسبح وتنام

اجه بالليل عمو وابنه الدكتور مصطفى

انفتح موضوعي

سالني مصطفى شراح تقدمين

كتلها ماادري حايره

طب لو صيدله لو طب اسنان مااعرف

اخذت رايي ماما وبابا

كلولي مندخل بيج

شنو الي تردينه منجبرج

كلي مصطفى والله اذا تردين نصيحتي روحي لو طب اسنان لو صيدله

الطب حيل صعب وينرادلج قراءه ليل نهار وسهر

وخفارت بالليل

وانت عندج نظوري ونور

ينرادلهم هم تعب

وبالنسبه الي الصيدله تلوك للبنيه اكثر

انت ميهمج السمعه والفلوس

لا اكيد ميهمني

واصلا منو يكول اتعين

اهم شي شهادتي

لعد لويش اتعبين نفسج

اريد اخذ الشهاده وبس

واني هواي نصحوني بالصيدله

وحتى رنا

صدك هي وينها رنا اشو متبين

تقره خطيه

غير عطله لويش مترتاح

هم احجي عليها ولا كانو

صيحيها خل احجي وياها

رحت صحتها كالت اخجل منه والله مااريد ادخل

كتلها عيب من الولد شوفي شيريد

كوه قنعتها

رنا هم حلوه بس مو مثلي

اني وسيوفي نسخة ماما

بس البنات لا حلوات همين بس مو نفسنه

سلمت عليهم وكعدت يمي

كللها شلونج بالتشريح

كلش زينه مااعاني منه

اهم شي واصعب شي هو التشريح

اذا زينه بي مينخاف عليج

احبه كلش وتوب بي اني

اخذي رقمي وانطيني رقمج

اي صعوبه تواجهج بس راسليني

اني ادرسج وافهمج

اتبادلو الارقام

بعدها كتله هم تعرف كلية الصيدله الاهلي شكد ياخذون بالسنه

9 ملايين السنه

اخر شي قررت اروح صيدله

الصيدله مابي تعب بالمستقبل

مو مثل الطب

عمليات ودوخه

صحيح جان حلمي الطب

بس هسه لا

اهلي شجعوني بالصيدله

اتفقت وي بابا يروح يحجزلي حتى نسافر انقل اوراقي

وحتى رنا لازم نقدملها نقل

مصطفى كال رنا عليه اني اخذلها  استضافه من الكليه وبعدين ننقلها

بعدها راح بابا للجامعه وسال

وحجزلي مقعد

جبنه ورقه قبول من اعداديه لتبارك ورقه قبول من المتوسطه لرقاوي

بعدها رحنه اني وبابا سافرنا

بقيت بالعبايه والبوشيه

مااعرف لويش

مااعرف بعدني اخاف من حيدر اخاف ميقبل

لو اني تعودت مااعرف

بقت ماما تحجي عليه انزعي العبايه والبوشيه

بابا كال لا اني اشجعها ع العبايه بس البوشيه لا لازم تنزعيها

حتى انت ياام سيف لازم تلبسين عبايه

لان ستر وحلوه بعمرج

وتعرفين انت الوحيده بلا عبايه

كلتله اني مااعرف البسها

وزينب ع راحتها ماعليه بيها

كتلهم من اداوم انزع بس البوشيه

بس العبايه اتعودت عليها

رحنه كملنه كلشي النقل مالت البنات واني سحبت الوثيقه

كملنه كلشي ورحنه للجامعه كملنه اوراق رنا

بابا جان عنده هواي عرف وسهلونه كلشي

من طلعنه من الجامعه

لكيت مولات كلت لبابا خل نمر نشوف

لكيت جنط يخبلن

اخذت وحده لرقاوي ووحده لنور

وجبتلها ملابس للدوام

رجعنه

لليل نمت جنت تعبانه

سمعت جهاز نور يدك

بس مابيه حيل اصيحها لان بالحديقه

عفته يدك لمن سكت

اكيد ابوها

لمن صعدت علمتها ادك

خابرته كله مشغول

اكيد وي حنان

مثل مجان يسهر ويايه

اخر شي اتصل وحجه وياها

وي نظوري

حافضه كل مواعيده شوكت ينزل وشوكت يخابر

رحت للجامعه وكملت الاوراق كلهن وهم رحت بالبوشيه 🙈🙈

كلت من اداوم يله انزعها

قرب موعد الدوام للمدارس

بس الجامعه بعد

اجه موعد نزوله

بالليل اتصل بنور وكللها جهزي نفسج انت ونظوري

ثاني يوم من كعدوا سبحتهم وبدلتلهم وغديتهم

وكلت لبابا يخابره

انطيت الجنطه والملابس لنور

اخاف هناك اداوم

احس كلبي راح وياهم

بس مترهم هم خطيه اهلهم

كضيت اليوم كله نوم

حيل ضايجه ماارهم بدون نظوري

لليل وماكو

كتله بابا حباب اتصل بي

كال بابا عيب اتصل بي

هم خطيه من زمان مشايفهم

خليهم حتى يباتون

لا بابا والله ماارهم بدون ابني

لعد وهو هم خطيه

لتصيرين انانيه

ياالله القلق كتلني اخاف بعد ميرجعهم

هسه منطيني حضر جان راسلته

وجهاز نور انطيتهيا

بقيت حايره

شويه واجتي رقيه كالت بابا يصيحج

نزلت اركض حتى وكعت من السرعه 😔😔

كال شبيج بابا بعد متشوفين دربج

ها بابا خابرك حيدر

اي كال راح ابيت نظوري راح يبقي يمه

هذا الجنت خايفه منه

لا بابا فدوه خابره

والله مااعرف انام بدونه

لج بابا هذا ابو قابل غريب

وهذا حقه

عيب اخابره

كمت 👈😢😢😢😭😭😭

لج بابا مخبله انت

غير يم اهله راح ينام

ماعليه اريد ابني

باجر بس يكعد اخلي يجيبه

بقوا يحجون عليه

صعدت وروحي طالعه

ابجي ياربي مااتحمل ياخذ ابني

صارت ب1 موعد نومته

مااعرف راح يسكت لو يبجي

صارت ب2 بعد متحملت

جبت موبايل رقاوي

راسلته

الووو

يقره وماكو جواب

الله يخليك بس طمني ع نظوري

هم ماكو جواب

لويش هيج تسوي بيه

يطلع مرئي

كام دمي يفور

من يوم العرفتك بي لليوم انت اناني

ميهمك شعور الاخرين

اهم شي مصلحتك فوك كلشي

دزلي

هاي شلون ورطه وياج يابنت العالم

مو عيب عليج تراسلين نص الليل

شلون اجي لابوج احجي ويا

انطيتج حضر ومفاد بيج

الظاهر انت متعوده ع هذا الشي

مترهمين بدوني اكيد متندمه ع فراكي

دزيتله 😲😲😡😡😤😤😠😠

اكيد انت دتحلم لو مرتفعه حرارتك وكاعد تهذي

روحي بابا روحي مفارغلج

حنان منتظرتني نريد 💏

لعد اني شعليه بيك لازمتك متروح يمها

يله لتزعجيني بعد

اوكف لحضه وحده

كاعد مابيه حيل اوكف

عفيه بس طمني ع نظوري

الله يخليك والله كلبي نار

اليسمعج يكول مخليته بيد الدواعش

بابا احنه اهله واحق بي منج

مو تردي بس الج

احسبي حسابج

الايام ال10 يبقه يمي

وعود من التحق ادزه الج

لا عفيه لتسوي هيج بيه

مااتحمل والله

لعد احنه وحد نتحمل

هم خطيه جده وبيبته وعمامه

واني همين حيل اشتاقله مفاركه 20 يوم

عفيه ادري بيك ع عنادي تريد تاذيني

بس والله مااتحمل فراكه

مو مشكلتي

ويله بعد لتزعجيني

لا والنبي اجي لابوج واخلي يربيج من جديد

استحي ع روحج بعد لتزعجيني بالليل

حيل ضوجني بالحجي

اني مربايه احسن تربيه وتدري بيه لو ما ابني

جان تحلم تسمع صوتي لو تشوف رساله مني

دزلي اي واضح كلش 😏😏😏

دزيتله 😔😔😔 والله ع مود ابني

دزلي راح اضطر احضر اهلج كلهم بس من وراج

ماكو داعي وعد مني تحلم بعد اراسلك لو شيصير

خل نشوف شكد تصبرين بدوني 😜

يله اهم شي اخلص منج لان حبيبتي منتظرتني

من صدك حيل جرحني

دزيتله فيديو نور الزين صوتي بعد متسمعه 👇

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

خل يولي بعد لو شيصير اله مااراسله

دزلي خل نشوف يابه تصبرين لو لا

بقيت ع نار لثاني يوم

هم ماجابهم

كلت لبابا خابره

مقبل لج بابا خطيه خلي يم ابو

بس يبجي عليج اكيد راح يجيبه الج

بقاه يمه 5 ايام

كوه صبرت والله ع اعصابي

لا اكلي مثل العالم ولا نومي مثلهم

عشت بغير عالم

دموعي تجري ليل نهار

ظغطت ع نفسي ومراسلته ولا سالت عنه

جابلي بابا نظوري وشبكته وكمت ابجي

شلون انطاك كلبك تعوفني هاكد

معقوله مبجيت عليه مكتله لابوك وديني لماما

اني اشتاقيتلج

باسني خطيه

اني ادري بقراري جان صعب

واكيد راح ادمر ابني

حيل متعلق بحيدر

وحيدر همين يحبه حيل وحاسبه ابنه

بس شاسوي لازم اشوف مستقبلي

انطيت لبابا 9 ملايين الي انطانياهن حيدر

كتله هذني قصد الجامعه

والسنه التجي يحلها الحلال

لج بابا اني بعدني بالوجود لتشيلين هم ابد

فلوسج ذني الج من حقج

واني ادفع القصد

لان الورث الي اجاني رحمه

عود من احتاج اكلج

بسته براسه الله يخليك النه بابا

بس والله مااحتاجهن

بابا راح اخذلج سياره بيهن

انت تعرفين تسوقين

وراح تاخذين اخواتج الصبح بطريقج

والرجعه اشوف شلون

ورنا ترجع وياج

كلتله حبيت فكره

خابر مصطفى ابن عمو وكلفه ع السياره

وره فتره كال حصلت وحده النترا حديثه

كال صحيح مو نسائيه بس حلوه وقويه

ومضمونه من اخو صديقي

ابد ممصلحه ونظيفه

كله بابا هاي هي اذا عجبتك

كتله بابا والسعر

كال ماعليج انت

انطينه العشره وبعد معليج

ادري غاليه بس مااعرف شكد راح ينطي فوكاهن

ثاني يوم رحنه اتكاتبنه

بابا مقبل اله تسجل باسمي

رادوا يدخلوني دوره

كتلهم ميحتاج اني ظابطتها للسياقه

وهم راح ادخل ع النت واتعلم

السياره رقمها اربيل

انطينه لمعقب فلوس والمستمسكات وكمل الوكاله

خلال يومين ضبطتها للسياقه

علمنه رنا ويانه حتى تستعملها ويايه

هي دوامها قبلي

فعلا علمها مصطفى وضبطتها

داومت بيها وجانت فرحانه

كال بابا هم اخذلها وحده

نور دائما اخابرها ع رقمها

ودومها تبجي خطيه

مابيدي شي عليها

يجيبوها اليه خميس وجمعه وسبت

اسبحها وامشط الها

واقريها واكتبها

نزل حيدر ومثل كل مره ثاني يوم اخذ نظوري

ابد بعد لا اخابره ولا اراسله

هالمره 3 ايام ورجعه

بده دوامي وداومت وجان اذب البوشيه اول مره

احس العالم كلها تباوع عليه

مااعرف لان من زمان مطالعه هيج ويتوهملي

مااعرف صدك كلها تباوعلي

اول يوم جان صعب عليه

اجه علينه مصطفى

هو يمشي واني ورا لان مااندل

وصلت رنا للكليه ورجعت اني

ابد محجيت ولا واي وحده

لا بنيه ولا ولد

قررت ماالي علاقه باي بشر

نظوري بقيته يم ماما

وكل شويه اتصل بيها

وره 3 ايام هم اجه ع نظوري

اخذه ورجعه قبل يوم

داز ويا 250 واشكال حلويات

لكيت كاتب بالفلوس

الف مبروك الدوام

بديت اتعود ع حياتي الجديده

وع دوامي

لبست الحلقه بايدي

حتى ابين اني متزوجه

الكل عرفني اني متزوجه

وجانوا يسموني المعقده

الصراحه مذبيت عباتي بالجامعه ولا بالمحاضره ابد

احس بنفسي عبالك ملابسه شي من انزعها

اتعودت عليها

هواي لحوا عليه اهلي ومصطفى

كتلهم عوفوني ع راحتي

كمت اروح بطريقي وارجع بطريقي

اندليت الطريق وضبطت السياقه

رنا كلتلي مصطفى فاتحني بالموضوع ويريد يخطبني

كتلها مصطفى حباب ومؤدب وخلوق

كالت اني متردده لاسباب هواي

اني بعدني لازم اكمل دراستي

ومااحب اكعد وي بيت عمو

شنو السبب

مااحب المشاكل

اريد اعيش بوحدي

اي عادي اشرطي علي هاي الشروط

وشوفي شيكلج

كالت اخجل منه

زين انت موافقه علي

لو لا

مااعرف شعوري اتجاها ابد

يعني شلون

يعني افرح من اشوفه كبالي

واغار اذا حجت ويا وحده

لعد حبيبتي انت حابته لمصطفى

وهو همين فاضحته عيونه

صارحي من البدايه ع شروطج احسن

كالت اشوف اريد افكر قبل لا انطي حجايه

حيدر : احس البيت فارغ بدونها

بس الهون عليه وجود نظوري

حيل اتعلقت بي وحبيته اكثر من نور

هالمره قررت ابقي يمي خل اشبع منه

وهم اهلي خطيه حيل يحبونه لان من ريحة المرحوم

وكلت خل ينشلع كلبها

بلكي تحس بذنب ع السوته

ادري بيها متعلقه بي كلش

نور مدمرتهم دمار

تبجي ع زينب ونظوري

اني كتلهم خلي تروح كل خميس وجمعه وسبت

بس من اجيت مخليتها

طلعتهم واشتريتلهم ويردون موطه اخذتلهم

سالوني اهلي شوكت ترجعه

كتلهم راح يبقى

وامه

عدها علم

بعدها كالت امي خليهم ينامون يمي

وانت اخذ راحتك

كتلها لا يوم اريد اشبع منهم

حيل مشتاقلهم

كلت لحنان افرشينا بالغرفه الثانيه

نريد انام بالكاع

خليتهم واحد منا وواحد منا

افكر واكول هسه شصار لو ممعانده

جان اسعد عائله احنه

والله جان خليتها تكمل

بس دمرتنه دمار بعنادها

نظوري ماذكرها ابد

حيل متعلق بيه

نيمتهم واباوع الموبايل

اكول شعجب اتحملت وماخابرت ولا راسلت

بعدين اتذكرت منطيها حضر

وره فتره وجان تجي رسائل منها

اتعمدت اقره ومااجاوب

خليها تحس بلي احسه من افاركهم

بعدين استفزيتها وحجيت عليها

اني الحقيقه حيل افرح من تراسلني

بس احب اضوجها وابين اني مبحالها ولا مهتم

بس هالمره الظاهر ضغطت ع الوتر الحساس

قررت بعد متراسلني ابد

شسويت ياربي

وادري بيها وبعنادها

حيل ضجت واتندمت

هسه اني ليش حجيت وياها هيج

واني ادري كلش زين لو ماابنها متراسلني لو تموت

حيل وياي وره شويه دزتلي فيديو نور الزين

صوتي بعد متسمعه

تدري بيه مطربي المفضل هو

ودزتها بالصميم

كوه كدرت انام من التفكير

حيل تندمت حيل ويايه حتى صوتها بعد مااسمعه

ثاني يوم عادي ماذكرها نظوري

بس سالني

كتله بيها اوا

سكت

بقيته يمي 5 ايام

وفعلا مراسلتني ابد

اتاكدت بوقتها مستحيل بعد اسمع صوتها

رجعته نظوري

ودزيت فلوس بيده

رحت التحقت هالمره بدون كليجه 😢😢😢

كتلني الجوع هناك 😂😂

تقريبا 5 ايام ودزونه لسامراء

بده التعب الحقيقي

والقلق النفسي

بنص الدواعش عشنه

حيل صعبه جانت مهمتي

بعدلي بس هاي الايام وانزل

ويبقالي اخر 20 يوم واخلص

التعب اتضاعف 3 مرات

والنوم قل حيل

وحتى شبكه ماكو كوه اتصل واطمنهم عليه

بينه وبين الموت خطوات

خلصت الفتره ونزلت

ورغم تعبي ثاني يوم جبته لحبيبي

بس هالمره حيل تعبان كضيتها كلها نوم

بقيته 3 ايام ورجعته

سالت ع الدوام مالت الكليه

جابولي معلومات كامله عن الدوام

عرفتها مقدمه كلية صيدله

همزين مو طب

اكره مهنة الطب

لان احس الدكتور ميت كلبه وميهمه شي

واكو خفارات بالليل وهذا الشي يطير عقلي حتى لو مطلكها

الصيدله حيل تعجبني

بعدها جبته نظوري وقبل لا التحق رجعته

ثاني يوم التحقت هالمره لسامراء  كبل

الطريق بعيد

نمت بالطريق

وكعدت من وصلنه

نروح بملابس مدنيه

مو مثل بالتاجي

هالمره اصعب ايام عمري قضيتهن هناك

ابد راحه ماكو

ولا نوم

مهمتنه جانت حيل صعبه

حجه ويانه اللواء كال راح انمدد المهمه

حيل محتاجينكم

وهالمره احتمال منزلكم اله شهر

اني بالنسبه الي عادي

ماكو شي يخليني ارجع بلهفه

كوه كدرت اخابر محمد وانطيته علم

صار الشهر ونزلنه وجنه حيل مرهقين

هالمره مااكدر اجيبه لنظوري

حيل تعبان يومين اني نايم من التعب

علاقتي بحنان عاديه مثل قبل

صحيح اتقرب عليها بس بدون لهفه

ابد مااطلع وي جماعتي ولا اشرب

من يوم الي ترزلت

ثالث يوم خابرت ابو زينب واتفقت ويا اجي اخذه لنظوري

رحت ع الموعد وواكف بالباب منتظر

لحضات وطلع ابو زينب وبيده نظوري

كاعد نحجي وجلب بيه ادخل ماقبلت

كتله تعبان حيل

سالني ع الوضع بسامراء  وخبرته

كتله والله مو امان والدواعش منتشرين هواي

بهالاثناء وجان يركض من ايدي نظوري

حيل خفت لايندعم سمعت سياره شخطت

وجان انصدم .........

توقعاتكم حبايبي شنو الي صدم حيدر

ولو متاكده من توقعاتكم اذا مو الكل الاغلبيه مو صحيحه دائما

غلسوا ع الاخطاء لان والله ماالحك اراجعه كوه كتبت

تحياتي للجميع 😘😘